للسبي باجر مشي وگود والجود طايح والعلم
للسبي راسك مشه وياي والماي ماطفه الخيم
السبي اجروح السبي نوح ياكفيلي
@@@@@@@@
من الخيم جيتك يخويه عذرني مغصوبه اطلعت
الخيمه فوك ايتام طاحت وماي منك ماشفت

اركض وطيح من التعب عالشريعه عيني
وي روحي اسولف بالركض شعجب مايجيني
خنكول ماشاف الخيم بس مانسه ونيني

وي روحي اسولف هسه الاكيه ونطيه روحي بلا جرح
وي اروحي اسولف خافن الراس عباس ذاك العل رمح
عباسي مذبوح السبي اجروح ياكفيلي
@@@@@
گبالي حسيتك وناشد هذا ياجف منبتر
ومنها گلبي گلي زينب حضري روحج لليسر

لكيتك وكلبي انفطر بلايه جف يمنتك
وراسك مفرع ع الرمح ومكشفه رگبتك
ومو جلمه احسنها سهم هاي زينب اختك

يا جرح امسحلك يخي وين بالعين لو فوك الجفن
ياجرح بيه كثره الادموم واليوم مرتاح الحزن
يل صوته مبحوح السبي اجروح
@@@@@
يمك اكعد وانته نايم والشمر بحباله اجه
امنيتي يحجي اكبالي راسك بس يوسفه ماحجه

ارجع شكل للعايله بيا عذر اردن
كافلكم انشال برمح وجفوفه هم تبدن
لمن شفت جسمك كلت ياجرح اشدن

كونك تكوم وترجع وياي والماي. جيتك يا نبع
كونك تكوم اشوف الاسياط وكماط بنبله وينكطع
والخيم نوح السبي اجروح
@@@@@@@
الليل والهم لم ضعنه وباجر ايطر للسبي
ونوك هزله بلايه والي والجمر چوه العبي

باجر يطر وانته تضل عالجرف يغالي
وراسك يضل فوك الرمح دومه كون اكبالي
بلكي من اشوفه انسه الحزن وتذكر ابدلالي

بحبال خيمتنه انجتف ليش والجيش يضحك يشتمت
بحبال خيمتنه اليطك ريت تمنيت وياكم. متت
مو كتلي مااروح السبي اجروح
@@@@@@
بالخرايب كمنه نكعد وحسره نبجي من الحزن
اليبجي بالسوط اعله متنه و ونه ماخلوني اون

للكوفه مشونه بحبل والسوك مارحمنه
مادرو والدنه علي والزجيه امنه
حسيت راسك هز رمح من الشمر شتمنه

للشام ممشه رحنه نسوان وديوان والناس شكثر
للشام طبينه على ازلام وهم كام. يشتمنه الشمر
من فوك الاسطوح السبي اجروح
@@@@

#يوسف عيد

فارس. كل حرب
عابس. وبيه رعب
ابو فاضل ابو فاضل
@@@@@@@
اسمي جن زلزله. وين اهل المرجله. هسه الطف حله
من طبها عباس
صاحو صوب النهر. لا يوصل هلكمر. فوك الروس عبر
واحتارت الناس

كبالك هرولو شاه واجه الذيب
يا صياد بس سيوفك تصيب
المايركض يجيس الراس عالكاع
وبيهم للنهر طب ركبته يجيب

قاتل. كل برز
كافل . وبيه خرز
ابو فاضل ابو اضل
@@@@@@@
سيفي جن ينسمع. لو لاحك يا ضلع. يذبح حتى الدمع
مو بس يكص روس
صاحو هل من فحل. يطلع يم الكفل. شردو لمن نزل
والضال مخلوس

الشافك يافحل بيه النفس ضاع
و بيهم ماشرد طم روحه بالكاع
كلها تصيح حيدر طبها عباس
ملك الموت نازل يحصد بساع

حيدر. هد حرب
خيبر. من يطب
ابو فاضل ابو فاضل
@@@@@@@@@@@@
طبيت المشرعه. صوتي جن تسمعه مايك من ارفعه
يدنه لشفاي
الجربه اترسها وارد جدمي حس ابرد جبد حسين نمرد
وانه شرب الماي

مايك يافرات يضوك الجفوف
وذبيته ورسمت الخوه بطفوف
كال اشربني حسسني انه عطشان
كتله حسين اوله واستحي يشوف

مايك.بس خيم
فيايك من علم
ابو فاضل ابو فاضل
@@@@@@@@@@@@
راجع صوب الخيم. بس وازاني السهم. وبعيني انثلم
جي بيها الحسين
ومن كطعو يمنتي تفكيري بجربتي. كل همي خيمتي
وهاي النساوين

ما همني السهم ضيف واجه يريد
امراد وما ارده انه ابن اجاويد
بس كتله الرمش مكعاد الحسين
عن سيد العرب وك ياسهم حيد

طايح. بس اهم
رايح. صوب الخيم
ابو فاضل ابو فاضل
@@@@@@@@@@@
ميت بس العلم. رفرف صوب الخيم صحته راعي الشيم
من جاني جن طير
كال انهد جم ضهر. بطحيت راعي النهر كوم ارجع ياكمر
وهلال لا تصير

شفت الخيمه كطعت حتى الحبال
من عدها الحزام البضهر مال
عرفتك طايح وكضت الاضلوع
الگلب وي طيحتك طاح اعله الارمال

ضهري كمت اكض
عمري. خلص ركض
ابو فاضل ابو فاضل
@@@@@@@
#يوسف عيد

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء