تغفه عله بعدي شلون وبكبرك تنام
وجنت انه اخاف اعليك حتى من الأحلام
يمه عبدلله ____ يمه عبدلله

ليش عفت امك تلولي بحضن خالي
رد عليه حلوه يا ذيج اليالي
يمه هايه نومتك بهذلت حالي
شلون عيني تنام وأني مضيعه غالي

لو يبرد ابني شلون ياهو اليغطي
ماجه اعله بالي النوم ما فكرت بي
يمه عبدلله _ يمه عبدلله
_____________________________
إني بستانك يا يمه رد عليه
كماطك وكاروك متانين جيه
لغيرك إني ياهو اكله ليه ليه
ياهو عكبك ياشمعتي تلعبه اديه

متوقعه تكبر عود عريس اشوفك
ما ادري اني الموت لازم جفوفك
يمه عبدلله _ يمه عبدلله
_____________________________
ياهو الوليله بعد ويده تكضني
خلافك إني دمعتي نامت بحضني
صعبه اليفارك محب والكلشي يعني
يمه يا عبدلله فدوه وياك اخذني

ضل حضني وحشه عليك عوف الكبر كوم
جندوب اضل يازين اشتهم بلهدوم
يمه عبدلله ____ يمه عبدلله
_____________________________
المثل حلك يمه هسه بمهده نايم
وانته مسرع عل كبر رايحله هايم
شوفي جندوب عله طولك يبقه صايم
الموت من كلك تفضل كله دايم

ما يرضه إني وياك يأخذني البين
خل الدمع نيشان فوك الوجنتين
يمه عبدلله _ يمه عبدلله
_____________________________
يمه كون وياك أريد اغفه أنه ليله
مكابل يضل صورته الفاكد خليله
والدمع ما يركد ويجري اعله حيله
وجيت المغرب علي كلش ثجيله

فكدك يبعد الروح ما خل بي حال
كلشي اندفن وياك بس الجسد ضال
يمه عبدلله ____ يمه عبدلله
_____________________________
#الشاعر : أنور خلف البيضاني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ليلة ام البنين ع
....................
عباس خلي ايدك بديهه
يمه الهوه ليمر عليهه
ماالهه كون اخيال... مادامك الكفال
.........١...........
ييو الغيره الجبيره الكوه شايلهه
امانه بركبتك زينب يكافلهه
اخيتك تستحق وجفوف طيحلهه
اهجم علنهر بس غيمه ردلهه
امنت من جفك لزمهه
جربتك سجلهه بسمهه
للعطش لتشد بال.. مادامك الكفال






............٢.............
زينب جوه جفك خلي طاريهه
حتى شماغرفت الماي ترويهه
الخويه ادللي مختلفه تحجيهه
حجايه امبلله من احساس راعيهه
ادري بكلامك تروه زينب
موماي منك خوه تشرب
مايعطش الدلال. مادامك الكفال
...............٣............
كل دكت كلب كل خطوه تفكدهه
مثل الرايه زينب يبني لتهدهه
واذا عينك الحلوه السهم يمردهه
يعني مدنكه اظل من ترد وحدهه
سنينك اذا يخلص عمرهه
روحك تحولهه خدرهه
وتحامي عل اطفال. مادامك الكفال



...........٤............
اعرفك من تهد تكتل بخزراتك
ويميل الجيش من اتميل ريشاتك
شاعر والحرب جمهور لبياتك
يبني والبلرگب تنسمع طگاتك
يمسوي بجثثهم گناطر
ياعطش يوصل وانت حاظر
ماتشتهي الشلال. مادامك الكفال
..............٥............
الف خيعون بطني وشالتك انت
اكبال الزهره اروح وراسي شايلته
انه ام عباس اكلهه الما تركهه اخته
انه الوفيت اكلهه بنذري النذرته
ضحيت لحسين ابنيني
ردت انه بس سالم يجيني
يوليدي راسي انشال. مادامك الكفال
...........................
#الشاعر بشار السامي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ليلة قمر العشيره العباس عليه السلام



اجيته بس لكيته امغيره ارسومه
هذاك السبع يتحسر على الگومه
يزينب كافلج من نَزف دمه
ضل يسئل عليه واني يمه
.................

عباس الكمر يسئل على حسينه
يزينب هاي ماصارت كبل بينه
من شوفي يمنعه سهم البعينه
كلتله حسين آنه وحرك ايمينه

كال اتمنه اشبكك خويه وعذرني
جفوفك كتله ماكو وبيش تحضني
مطبرينه يخويه بلايه رحمه
ضل يسئل عليه واني يمه

...................

هذاك الجان عالي ومحد اينوشه
لكيت الدم يبس حته عله ارموشه
المخوف الكفر ومهزهز اعروشه
ضل جثه وعله التربان مفروشه

اجيت وياي اجيبه هنانه لخيمي
يكلي شلون زينب تنضر الدمي
فراك الكافل بنص گلبي لجمه
ضل يسئل عليه واني يمه
..................

يگعدلي يريد وتصعب الگعده
يكض الكاع بيش اجفوف ماعنده
يزينب كطعوهه جفوفه من زنده
وعينه امن العمد طاحت على خده

شلت راسه وعليّ احتضر بنفاسي
يكلي الرمح يرفع راسك وراسي
خويه حسين جسمك من يلمه
ضل يسئل عليه واني يمه
.................

يكلي خويه زينب هم درت بيه
ادري بطيحتي تكسر العلويه
من تسئل عليّ كلهه عله جيه
يرجع رايه بيده وشايل اميه

وصاني اخبرج وأَغْمُضَت عينه
الكافل بعد يمج ما تشوفينه
ودعته وخذت من نحره شمه
ضل يسئل عليه واني يمه
.................

يزينب شدي حيلج خويه عالفرگه
بطيحتنه الثكيله كلبج تحرگه
واعليج الخيم بالنار محترگه
صعب بيناتنه يصبح تره الملگه

اودعج خويه ونتي بدمعه ودعيني
وره العباس دور الموت يلفيني
عليج وعله الكافل گلبي همه
ضل يسئل عليه واني يمه


#محمد هادي العقابي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ها بده كسر الضهر غاب يا ناس الكمر
ضيعت الجفوف بأرض الطفوف

_____________________________

حافيه اركض والكلب ما ضال صبره
اركض عل الكفل اخته جفه ادوره
شفت جف الغالي خيل برجله جره
كطع بت الكلب يدري الكطع نحره

ها بده وقت السبي تضرب اسياط أجني
خيلهم تطوف. بأرض الطفوف
____________________________
حافيه اركض والرمل يحركني حار
يا سهم البعينه كوّن بعيني صار
اركض وبعباتي احسن تشب نار
لا تشبكه يا سهم اخته تغار

النحر صابه السهم. مجان بوساتي انلجم
يا عيني التشوف. بأرض الطفوف

_______________________________

موذر الغالي لكيته شلون المه
خاف المه وخاف جفيني تلجمه
كاطعين النحر بله منين اشمه
ما عرفته بعيني ضاع الكمر رسمه

اعين لوجه الكمر. حيل دلالي انفطر
توذر بالسيوف بأرض الطفوف

______________________________

وصلت يم راس الكمر بس ما عرفته
طابرين الرأس كله بعيني شفته
ي عجيبه الكمر ضيع طول اخته
والمصيبه راس اخوي بجفي شلته

الرأس بجفوفي صفه الضوه بعيني طفه
شلونً اختك اتعوف. بأرض الطفوف

______________________________

اعثرت للكافل انه مديت اديه
انطاني بس الردان ي مدهن عليه
كلها خويه العذر مكطوعات اديه
والاسهام تمركزت يا خويه بيه

ها بدا وقت السهر. الالم بي كثر
ضيعت الجفوف. بأرض الطفوف
____________________________


#الشاعر :عباس سعد مشاي البيضاني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

للأمام المهدي

عجل يا ماي عيوني
عجل يالخاطف لوني
عجل كلهم لاموني
يافرض الحب... عجل



يمخلص عمرك عاشر
انت اول غايب حاضر
عشتك كل عمري مسافر
يالعايش بالحسرات
شلونك يالخالص لونك
يالشايل طف بمتونك
يالتبجي دم عيونك
وحتى نفاسك ونات

عشتك وانتظارك ياكل ابروحي
يمعذبني انتَ أَوّل اجروحي

الطف ذابح أحلامك
وحارگلك كل اخيامك
ومچويلك ايتامك
الله بعونك.... عجل

___________
يالشاغل كل ايامي
يالمتصدر بحلامي
يمتى توگف كدامي
واشكيلك يا مولاي
هذا انه الضايع حيله
ارحمني الغيبه اطويله
اللفظ اسمك ترتيله
يالذكرك دوم وياي

سافر گلبي الك ما منه اي جيه
كل مغرب يفز طاري الألم بيه

لملمني المثلك يگدر
هذا انه انسان مبعثر
والمثلي لا مايضطر
يعيش الواقع.... عجل

____________
عجل وارويلي الفكره
طف حسينك والزهره
واشلون اتهشم صدره
ومشوا فوگاه الخيل
وتحجيلي بگطعت راسه
وخيل النثرت احساسه
ومن ضل عالشط عباسه
وضربنه اسهام الويل

وتحجيلي اعله زينب شنهو حالتهه
من اخذوها مجتوفه بلا اخوتهه

وتحجيلي اعل الترجيه
الشلعت اذن العلويه
الجانت بالطف مچويه
وعالمسبيات.... عجل

_____________
يالمِطْشر عباسك
الله يساعد احساسك
الطف گاطع انفاسك
وما خذلك كل الحيل
ضاعتلك جم علويه
زينب عمتك مچويه
واعله الناگه مسبيه
اوحدها بذاك الليل

اديها مجتفه بالسلسه وزرگه
العافت كل اهلها تعيش بالحرگه

راحت من ديره لديره
وي وآدم وبلا غيره
راحت والعلة جبيره
ياكِلها الليل.... عجل

________
من مثلك عاش الحالة
يوميه الطف اكباله
وشاف ايسلبون عياله
وشاف الطف بالمضون
جرحك أكبر من عمرك
العاشر كاسر ضهرك
الله الله يا صبرك
المثلك عاش شلون

يالشايل جرح كد السمه واكبر
يالراسم بعينك جسد وي منحر

احسينك ضل بالصحره
ودمه اتبده اعله الغبره
وداست فوكاه العشره
اطشر بالخيل.... عجل


_________


#الشاعر عبدالله الشويلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

اشهد أن الحسين. كعبة الحب. الأمين.
...................... ١

اشهد أن الحسين نحره ينزف معرفه.
واشهد ان ابو فاضل. ظل زعيم أهل الوفه.
واشهد ان العقيلة. ثورة بالحق هادفه.
وأشهد ان الشهاده. للاجساد النازفه.


اشهد أن الدموع. من عيون العاشقين.

....................... ٢

المانزف گلبه المصابه. يخسر اعظم منزله
الماطبع چفه اعلصدره. بصدره لازم مشكله.
المايشيل الراية بيده. أيده مو بت كربله.
الما مشت مشاية رجله. تعاتبه وما قابله.


اشهد أن المسير. لذبيح الودجين.

........................٣


المايصب لحسين دمعه. شله بعيونه بعد.
الما يثقف للمجالس . مو مثقف هذا أبد.
الماعرف طعم المجالس. ماعرف طعم الشهد.
ابلاحسين العمر ظلمه. والحيات ابلا سند.

والحيات ابلا حسين. موت ما بيها حنين.

.....................................٥

الگلب بسم حسين ينبض. ما يدگ لوما حسين
حسين للعطشان جنة. خصهه رب العالمين.
واجب انواسي محمد. والگلب لجله حزين.
بالقيامة انصيح وينك. ياشفيع.المذنبين.


حسين علمنه الحيات. ومنار المؤمنين.

.. ............................٥


يخاف كل ظالم من اسمه. حسين قائد كل عصر.
حسين عالتاريخ ريس. وحاكم بيوم الحشر.
بكل زمن انصاره ننظر. حافي تمشي عالجمر
بالشدايد حشد صاروا. ذبحوا أحفاد الشمر،

انموت لو ماكو حسين. اخلافه نصبح مياين.


............................

#حيدرموسى الرميثي.

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

لـ علي الأكبر ع..نزال

هذا الشِــبِـل .. بِـي شَمايِل حيـدر
لو طب علي .. يگلب الطف خيبر

شـايِل .. رايـــــهْ كربـلائيه
تَحـيَـا .. ثورتنه الحُسَينيه
__________________________

بسمِ اللّـــــهْ ياقـهَّــــار وسط الحــومه كـبَّـر
ابحَد السيف ناوي اليوم يكســر رايـة الشر
صاح بصوت وسط الجيش إبن حسين الأكبر
عل ســبعين حط سبعين سـيفي رايـد أكـثر

دگ الصَــدُر .. وانتخه بكل غِيره
دوره وِصَل .. وِبجـــداره ايديره

فارس .. بالساحه القِـتاليه
تحــيا .. ثورتنه الحسينيه
__________________________

ظل يخـتار بالشجعان لا ما ينـطي فُـرصَـه
صاح اليوم والعــبـاس أكــــبر راس أگـصَّـه
كلـمــن راد يتحـــداه جسمـه ايطير نُصَّـه
مَلْك الموت عزرائـيل ماخَــــــلَّالـه حُصَّـه

فارس بطل .. يرهِـب بشخـصـيته
جــدَّه عـلي .. نَفِس عزمه وصيته

وارث .. من حيدر فِـرُوسِيه
تحـــيا .. ثورتنه الحـسينيه
__________________________

إبن حسين هذا الشاب مو أي شاب أمدحه
بالطف چان هَمَّه الدِين ماهَـم بِـل يِذِبْــحَه
للإســــــلام باع الـروح وِعله عيونه فَرحه
عنده اشهود بالمــيدان سيفه وذاكه رمحه

بالمعركـــه .. محَّــد اتدنــاله
مِن الفرَس .. يشمُر الخـيَّاله

نـــازِل .. وِبكامل الحُـــريه
تحــيا .. ثورتنه الحـسينيه
__________________________

ليلى اتصيح يمه أرجوك بَيِّض وَجهي بالطف
عالحگ طِيح والإســـلام كِون بحـيله يوگف
العليا اتريد مِثلك شاب وانته اعليها تِنـزَف
قدوه اتصير للشـــــبـان حـــولك كلها تلــتَف

يم الخـــيم .. أهلك ايهـوسولك
فوگ المجِد .. بيرغ ايرفـعـولك

بالطف .. بيك اتباها يوميه
تحــيا .. ثورتنه الحـــسينه
__________________________

گلـبه ايفور مِن اضمـــاه بس ماضعف عزمه
ظل يزداد حُب واصرار مِنطي لــدِينه كِلمه
ابعِزّ الصيف إبن حسين هَب عالدنيا نَسـمه
لا مـامـات كل عاشـور ظل يتجـــدَّد اسمه

عاف النهـــر .. وْما انـغَـرّ بمــــايه
عالحگ وگع .. اوبِسمه ثَـبَّت رايه

امعدَّل .. شاب وخوش شخصيه
تحـــيا .. ثورتنه الحســـــــــينيه
________________________

خادم الحسين ع
#مرتجى الحسَّاني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

متغيره يزينب حيل متغيره
ياحسره البقت من فاطمه الزهره
سؤالي من الاحباب
جرحج لسه ماطاب
متغيره يزينب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

بوكت امج تيتمتي وحزينه
مابطلتي ونج يلحنينه
يزينب غاليه دموعج علينه
عله مصابج يحره اتألمينه
بفكد امج الزهره
ونيتي يحره
متغيره يزينب حيل متغيره

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

وبلكوفه الحزن وياج زينب
طاح الابو منج والدمع هب
مصابج علحنين وبعد اصعب
بقيتي بحيرتج والدچ غرب

راح البيه محنه
صحتي وين اهلنه
متغيرة يزينب حيل متغيره

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

تحشمين الاخو مايسمع الصوت
يا موت ابتعد عن اهلي ياموت
مو دنيه صفت وياي تابوت
خطاري حزن وكل لحضه يفوت

يا فرگتهم شلون
تاخذ عمر وعيون
متغيره يزينب حيل متغيره

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

اسولفلج بعد من طاح عباس
جفوفه اعله نهر مكطوع الانفاس
رديتي بحزن ومشيب الراس
مهضومه بشماته تنظر الناس

الحزن وياج دايم
ظالم حاچه ظالم

متغيره يزينب حيل متغيرة

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

سكت صوتج يحره بيوم الوداع
ما صدكتي اخوتج راحو بساع
اهل ارسوم حلوه لاحت الكاع
ضحايه بكربلاء يروحون الاسباع

وين الكله غيره
صرتي بغير ديرة

متغيره يزينب حيل متغيره


٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

تودعين الاهل بدموع العيون
من سياطهم ما ضلت امتون
ليلج بلدمع ماطبكت جفون
واطفال وحرم يمج يصيحون

يعمه العطش صاحو
گبالچ هيچ طاحو
متغيرة يزينب حيل متغيره

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

كلمات خادم الحسين عليه السلام
#حيدر ناجي الدراجي
1442 للهجرة

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

إلى صاحب العصر والزمان عج

ارد اكلك ياحبيبي من تغيب
يكتل وماينحمل فركه الحبيب
وارد اوصيك بثار الحره
من تضهر لايبرد امره
ارد اكلك ياحبيبي من تغيب
1
يالغايب الله وياك ...ماينحمل فركاك .....هاي المسيه
وحشه وضلام ولليل..مغرب دموع تسيل ....وتون رقيه
من يوصلك مرسال.... رسم الخيم وعيال ...هضم الابيه
رد رده مال اعزاز......لهفة سفر جناز ....بالمغربيه

وكون من توصل وتاخذ ثارك
ادوخ العالم تجي بتارك
ثارات حسين ابن الزهره
من تضهر لايبرد امره
ارد اكلك ياحبيبي من تغيب
2
طفين اجن وياي....نار الهجر والماي.....والحادي يحدي
وكل ليله تلفي ردود....زينب تخرط خدود.....ويلاه يجبدي
حتى بمشينه رسوم....مملوحه طول اليوم....شماتكضي تبدي
عطر الخواجي يفوح....اليشتم تردله الروح...ياريحه ردي

حتى ماتنسى المصيبه إللي جرت
بالطفوف كلوب حيل تمرمرت
الشاف الطف شتضن صبره
من تضهر لايبرد امره
ارد اكلك ياحبيبي من تغيب
3
ارفع لواك وكوم......لو حاوطوك الكوم ....اقرالك ايه
انذر نذر لوجيت.....الوجه الله واهل البيت....بسم السبايه
اعدام احكمه الماي.....لجل المشو حفاي.....لبسه عبايه
واهتف هتاف الدين......للكافل ولحسين....وارفعله رايه

عيون تتنطر ضهورك ياشهم
يا امام العصر ياالكلش مهم
واسرجهه وغير أعلى المهره
من تضهر لايبرد امره
ارد اكلك ياحبيبي من تغيب
4
روحي تفور عليك....ابني عمي دمي البيك .....صاير حزامي
هاي المنيه شلون ..... لومامش الهه عيون.....للجسمه دامي
عطشان روحي هواي........بس ماتريد الماي......رادة وسامي
الغربه ما تنراد ......بيهه الهظم يزداد ........... للكلبه ضامي

يفياي لاتتعطل وتنسانه
ياهيبه يالبيك العرش وصانه
يافي معلم كل شجره
من تضهر لايبرد امره
ارد اكلك ياحبيبي من تغيب
5
ششكيلك من الضيم.........والدهر صاير غيم....... تمطر سمانه
ليل وحرم واطفال ......الشافه يبجي الحال....... طايح لوانه
شالة الروس ارماح.......عيون التشوف اوكاح...... غاليك انه
ماهمهم اهل البيت.....همهم شجاهم صيت.......... بلوه البلانه

كاعد بنص كلب كل هاي المله
ادعي من تضهر يبن عقد الوله
وتكسر للعايل ضهره
من تضهر لايبرد امره
ارد اكلك ياحبيبي من تغيب


#خادم أهل البيت الشاعر محمد العمري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قريباً. قريباً. قريباً
بفضل الله وفضل
الامام الحسين عليه السلام
ومنه على خدامه سيتم توزيع
ديوان (علمني الحسين)
لخادم الامام الحسين عليه السلام
(محمد الجماسي)

ملاحظه
الى جميع خدمة الامام الحسين (ع)
يتم توزيع الديوان على شكل كتاب

للاستفسار وطلب الديوان
الاتصال على الرقم 07826272000
مصطفى الناشر

أبوابُ حِطَّةَ في المجالسِ شُرَّعٌ
و الغارُ و البيتُ الحرامُ و مكَّةُ

يا أيها الرّئةُ التي إنْ أُطبِقَتْ
هذا الوجودُ و كُلِّ صَبٍّ مَيِّتُ

قد جُبتُ ألفَ مدينةٍ و رسائلي
مجروحةٌ و المُرسِلونَ تشَتَّتوا

و بقيتُ وَحدي في الشّوارِعَ ظامِئاً
و الماءُ نَوْحٌ و المجالِسُ (طَوْعَةُ)

أنا "مُسلِمٌ" هل مِنْ نصيرٍ في الهوى
ينعى الحُسَيْنَ و طِفلَهُ أو يُنصِتُ

ناعٍ لوجهِ اللهِ ينعى غُربَتي
و على المنابِرِ يستمِرُّ و يثبُتُ؟

كُلُّ (الثواكِلِ) "مُسلِمٌ" يتخاذلو
نَ لنصرِهِ و الحُرُّ فيهم يصمُتُ

كُلُّ الذين تيتّموا من بعدِ يُت
مٍ عندما مُنِعوا العزاءَ و اُسْكِتوا

حتّى إذا صُلِبَتْ حناجِرُ عشقِهم
خَفَتَ الجُموعُ و صوتُهم لا يخفُتُ

أرواحُهُم عُجِنَتْ بطينةَ كربلا
ءَ و هل ترى غيرَ الوفاءِ ستُنْبِتُ؟!

خطاب اجه القاسم // جايب كمر هاشم
هوه هذا اليوم راده
خطب من عمه الشهاده
=======================
راح يم عمته الجبيره رافع الهامه
كلهه خله الحسن يمج هدوم وعمامه
عمه عاشكهه واحبهه وليلي مانامه
امنيتي تدعيلي يوافق بموتي كدامه

صاح انه رايدهه// كدهه تره كدهه
وكام يشعر بالسعاده
خطب من عمه الشهاده
=======================
حسين من يمشيله اعرفه مايرد خالي
مستعد ينطي مهرهه والمهر غالي
كتله بس دمك تريد وكال مابالي
هاي فرصه وانه ميت اول وتالي

يمه لوجه عمي // اتحنه من دمي
فارس وصاعد جواده
خطب من عمه الشهاده
=======================
بخيمت العباس راحو صارت الكعده
القاسم ايكل العمامه براسي بس وحده
حسين وظحله شرطهه تسال شعنده
كله عندي دم ركبتي وحيلي للشده

حب عمه ابجفه// من للحرب زفه
الحومه طبهه ابخت ساده
خطب من عمه الشهاده
=======================
ابن ابو السفره الطويله جاب ابو فاضل
انقرت فاتحته توهه والدمع هامل
حسين كام بكصته باسه وكله تستاهل
بغيرتك تشبهه عمامك بيك متفائل

الصاحب علي الاكبر// مايبخل ابمنحر
صاح عدنه الموت عاده
خطب من عمه الشهاده
=======================
هلهلته من فرحتي وطاحت الدمعه
بخيمت العريس ابني ماتطب شمعه
يله كومن يالفواطم كومن نودعه
الخله ايده بجف منيته ما ورا رجعه

شيسوي بشموعه// الينسحكن ظلوعه
والمهم حصل مراده
خطب من عمه الشهاده
=======================
كشخ بهدوم الشهاده متاني هالفرصه
وكال يمه حسين بيه هم اله حصه
باجر الكل شاب رايح يسمع القصه
لجل ابو اليمه ورضاته الغالي ايرخصه

ادعيلي ماارجع // ولعيونه اتكطع
بوجهه نظراتي عباده
خطب من عمه الشهاده
=======================
#تمت _ علاء الزيدي


https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★يا أبت فمن يبكي عليه؟ ومن يلتزم بإقامة العزاء له؟★ويجددون العزاء جيلا بعد جيل، في كل سنة★كل عين باكية يوم القيامة، إلا عين بكت على مصاب الحسين فإنها ضاحكة مستبشرة★*

روي أنه لما أخبر النبي صلى الله عليه وآله ابنته فاطمة بقتل ولدها الحسين وما يجري عليه من المحن بكت فاطمة بكاء شديدا، وقالت: يا أبت متى يكون ذلك؟ قال: في زمان خال مني ومنك ومن علي، فاشتد بكاؤها وقالت: يا أبت فمن يبكي عليه؟ ومن يلتزم بإقامة العزاء له؟.
فقال النبي: يا فاطمة إن نساء أمتي يبكون على نساء أهل بيتي، ورجالهم يبكون على رجال أهل بيتي، ويجددون العزاء جيلا بعد جيل، في كل سنة فإذا كان القيامة تشفعين أنت للنساء وأنا أشفع للرجال وكل من بكى منهم على مصاب الحسين أخذنا بيده وأدخلناه الجنة.
يا فاطمة! كل عين باكية يوم القيامة، إلا عين بكت على مصاب الحسين فإنها ضاحكة مستبشرة بنعيم الجنة.

*√بحار الأنوار الجامعة لدرر أخبار الأئمة الأطهار العلم العلامة الحجة فخر الأمة المولى الشيخ محمد باقر المجلسي الجزء٤٤ صفحة۲۹۳√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

الحساب الاعلامي الرسمي
لسماحة السيد علي الطالقاني
الإنسانية الإسلامية
https://tttttt.me/joinchat/AAAAAD7frnQJBFrXLmsbNg

اللهم صل على محمد وال محمد
للعليله...ع......

عني رحتوا يا هلي. يمته تردون
والهجر ذوب دليلي تبجي العيون

جنتوا كلشي بدنيتي.....
هسه ماتت فرحتي......

┈•┈┈┈•$ ◉ ✿ ◉$••┈┈┈•

روحي مشتاگه بكت وتحن عليكم
گلبي المفارگ جمر بس يرتجيكم
عيوني مابطلت دمع اذكر حجيكم
ناشدت ليلي اليمر يمته اجيكم

والدمع ظل سلوتي
هسه ماتت فرحتي
والهجر ذوب دليلي تبجي العيون..

. ✍🏻خادمة الزهراء / ليلى زغيب
┈•┈┈┈•$ ◉ ✿ ◉$••┈┈┈•

يالهجركم سهم نابت وسط روحي
من مشيتوا صرخت بقلبي جروحي
والوداع ادري الفكدكم يهلي يوحي
اتمزك الدلال ابونتي ونوحي

افراكم وي علتي
هسه ماتت فرحتي
والهجر ذوب دليلي تبجي العيون

✍أزهار جبار الجياشي

┈•┈┈┈•$ ◉ ✿ ◉$••┈┈┈•

ظلت اعيوني تصب من فاركتكم
يحبابي عذبني الحزن وانه انتظركم
طوليتو ياهلي اهوايه سفركم
وايست روحي بعد ليه اشيردكم

يهلي اسمعو ونتي
هسه ماتت فرحتي
والهجر ذوب دليلي تبجي العيون

. ✍🏻ام زهراء الزيداويه البصراويه
┈•┈┈┈•$ ◉ ✿ ◉$••┈┈┈•

يلي رحـــتو عني ماهمـــيتو بيه
ظـــاله بالدار وحدي ها المسيه
مجودره احــزاني وآلامي عليه
ليش اونن وحدي انه بها الرزيه

فدوه رجعولي اخوتي
هسه ماتت فرحــتي
والهجر ذوب دليلي تبجي العيون

. . ✍🏻 ورود الظالمــــيه
┈•┈┈┈•$ ◉ ✿ ◉$••┈┈┈•

روحي مشتاكه لحجيكم يلمشيتو
ليش يحباب الكلب ماحسبيتو
بالعليله الي بكت شو ما دريتو
بلسفر لرض المنيه استعجليتو

ياهو يحضر شدتي
هسه ماتت فرحتي
والهجر ذوب دليلي وتبجي العيون

✍الحجيه ام علي البصره
┈•┈┈┈•$ ◉ ✿ ◉$••┈┈┈•

من يجيني الليل بويه دمعي يجري
وين عفتوني ومشيتو ناري تسري
يالغوالي من بعدكم تاه فكري
هم مرض وفراك يهلي حرت بامري

اه اون من حسرتي
هسه ماتت فرحتي
والهجر ذوب دليلي تبجي العيون

✍️خادمة ام الاقمار الكربلائية
┈•┈┈┈•$ ◉ ✿ ◉$••┈┈┈•


تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))





الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

هله بشهر المجالس يا محرم
واللطامه تلتم
ويگضوهه بچي ويوميه مأتم
.............
هله بشهر المجالس والخيم والجود
يجرح الفاطميات
تلگينه هلالك بالثياب السود
مدامع وي عزاءات
دمع نبچي وذكرنه دم بچه الموعود
على الضامي وذبح مات

بدموعه ونحيبه ... وبنار المصيبه
اجه المهدي اويه شيعتهم تحزّم
............
نحبك من تجي وتوصلنه منتظريك
نحب نلطم على احسين
محرم يا محرم من يمر طاريك
دمع تتفايض العين
يبو الزاد الميگضي الفقره تشبع بيك
يحبوك المساكين

يا خبز اليتامه .. توصل بالسلامه
عليك عيونه كل واحد تيتّم
.........

هلالك من يهل يبدي اللطم والنوح
مواكب تعزيه تقيم
لطم تطبير زنجيل وعلى المذبوح
نظل نحيي المراسيم
لچن ما بينه واحد عالبعيده ايروح
نسير اعله التعاليم

نحييهه الشعائر .. نهتف بالضماير

يظل حب الشعائر يسري بالدم
..............

اذا مريت بينه انشد حزمنه انگوم
نظل نتاني عاشور
عشر تيام ما نهجع على المظلوم
ندگ نلطم عالصدور
يظل واحدنه بدموعه ولطم كل يوم
وتگله الزهره مأجور

تحضر بالمواكب .. دم مدمعهه ساچب
تجي محنيه بالظلع التهشّم
............
محرم يا وكت من توصل اعله الناس
يجي ويّاك ابو الثار
وحگ الله ورسوله ومنگطعله الراس
شعل بگلوبنه النار
ابو صالح ظهر وبراية العباس
متى نسمع بالاخبار

يمته ايحون وعده .. ياخذ ثار جده
ويطفي بطلعته نار المخيم
...........


#الشاعر
علي عبدالله المفرجي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ريّض يا صبح باجر ـٓــ غريبه واكسر الخاطر
هلي كلهم مجاتيل ــ أريده ايطّول الليل
ــــــــََََََــــــــــــــــــــــــــــــــــ
طوّل يا ضلام اللـيل ما اريـدن صـبـح باجــر
غـفـن يمي بنـات ازغار ما يـدرن شنو الصاير
ابوهن من عصر مذوبح ويلي ودايسه الحافر
اخر شوفه شفت حسين كوه أمن العطش صابر

بكثر طعنات البضهره ــ  هيج اشفافه متفطره
وصاير حصت الخيل ــ أريـده ايـطّـول الليل
ــــــــََََََــــــــــــــــــــــــــــــــــ
غـريـبه وما اليه اخوان اخوتي موسده الغبـره
ابو فاضل كطع جـفيـن وحسيـن انكـطـع نحره
ومن هجمت علينه الكوم حرم وطفال متطشره
وهـاي تصيح يا زيـنب وذيـج الـتسحك الجمره

ما همني الضرب متني ــ الهاضمني الشمر عتني
يعت بيه ويجر حيل ــ أريده ايطّول الليل
ــــــــََََََــــــــــــــــــــــــــــــــــ

اريد امشي بظلام الليل يـم عـبـاس وشـكـيـله
وكله بشاربك عباس اخـيتك جايه ادخـــيـــله
غـريـبـه وعـذبــاني الـخـوف اريدن يمك اليله
اعرفك يا ابو فاضل زين ما تسكت على العيله

كـوم بـداعة الـخـوه ـــ نخيتك وانت ابو النخوه
ضّل ياهو اليجي ايعيل ــ أريـده ايـطّـول الليل
ــــــــََََََــــــــــــــــــــــــــــــــــ
شعجب من شبو النيران ما شمـيتو الدخان
كلت لازم تشوف النار ويفزعون اليه اخوان
من الخيمه ما شبعت اجت لثـيـابي النيران
ما واحـد بقى سالم لكـيت بكل طفل نيشان

كاع الهيمه مكشوفه ــ طفل من يركض انشوفه
ازغار وشافو الويل ـــ أريده ايطّول الليل
ــــــــََََََــــــــــــــــــــــــــــــــــ
انا ام الـخدر زينـب الـما أشـم الهـوه الينشم
أفتر بيه الزمن يا حيف ذبني بناس ما ترحم
وّكـت صعـدني عالـتـله وجـاب العاشر محزم
وباجر عـندي عـلـويات من الـسوط ما تسلم

اخاف أمن الصبح يكرب ــ ويصيحولي يا زينب
من طف كربله انيشل ــ أريده ايطّول الليل
ــــــــََََََــــــــــــــــــــــــــــــــــ
صبح يوم اهدعش ما اريد لا يطلع علّي صبحه
ادري الصبح من يـطلع يـحط فوك الجرح ملحه
شلون امشي واعوف اخوان كلمن ملتهي بجرحه
كون انا اعـله صدري اسهـام وانا بسيـف منذبحه

ولا بعيوني اشوفنهم ــ وجهمّ  سابح بدمهم
واخاف الهزل تميل ــ أريده ايطّول الليل
ــــــــََََََــــــــــــــــــــــــــــــــــ

#عقيل زيدان الفريجي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ لا تسد بيبانك ]*

أداء: الملا #أحمد_الخيكاني
كلمات: الشاعر #كرار_حيدر_الخفاجي

https://youtu.be/z2uw7KMyKWs

إحياء ليالي شهر ذي القعدة لسنة 1441 هـ - 2020 م
ليالي إستشهاد موﻻنا باقر علوم النبيين الإمام محمد بن علي الباقر عليه السلام
هيئة العِبرة والعَبرة - جامع حيدر الكرار - العراق - بغداد

مونتاج ومكساج: أبو مؤمل السوداني
تنفيذ: أم أبيها للانتاج والتوزيع الفني
النشر الشبكي: علاء بركات العاملي