(ثگيل_نزال)
#الليلة_الثانية(ليلة الخدم)
(حياة خادم)


الطفل اول ما يجي يبچونه
امن ادموع عينه خادم يعرفونه
وأمه بوجعها تشكر شكد الله
هذا الاجاني خادم لعبد الله
___________________________
(١)
بين صوت الله أكبر والبچي والياهله
گال ابو بس الله يفرج اخذ ابني لكربله

وگبل متشربه امه ويضوگ اللبن
شرب حبك من حچتله اعللصحن
ومن كثر ما حبك اعيونه بچن

ويا زنده شدو بي علگ من عدك
ولابس حرز والحرز صورة ولدك
وبدموعه جده كض ترتبته وصله
هذا الاجاني خادم لعبد الله
______________________________
(٢)
ومر عليه اول محرم وعمره چان اچم شهر
لبّسو دشداشه سوده و طلع احله امن الگمر

وجده شاله وبالمواكب ضل يفر
و لو يجي يم التشابيه و يمر
على الفطره ايدير وجهه امن الشمر

هيچ الطفل بحضانكم ضل يربه
ايسكتونه من يبچي ابصور للگبه
والدخل گلبك يا بشر يوصله
هذا الاجاني خادم لعبد لله
__________________________________
(٣)
بصف الاول توه يدرس وانسئل عن الوطن
الوطن گلهم يعني مجلس نبچي بي وي ام حسن

وحته حيطان المدارس صفگت
و العصافير التزقزق غورگت
والمعلم عينه ما صبرت بچت

الدار يعني الصحن جان يگلهم
والدور من يبدي عزه موكبهم
وبالمجلس يضل يكنس بكل عطّله
هذا الاجاني خادم لعبد الله
_________________________________
(٤)
كبر طولة وشاربه انخط وشاب صار ابخدمتك
وگل لأبو حزمني فدوة وضهري شده بغترتك

وجان هذا اكبر ورث من ضهر ابو
بنفس غترت و الده من حزمو
حته نفس اللطمه لمن باوعوا

وهم وارث احزانه على المسبيه
و وراث مكانه الي بالحسينية
والشرب حزنك ما تجيسه الغفّله
_________________________________
(٥)
شيب الخادم وحدب و ولده لمو كبّرته
وضل على اولاده ايتعكز وما لزم عكازّته

وللمجالس بي يگودون الولد
شايب ووكت العزه ينزل يشد
قصه الخدام احله امن الورد

يحسين حزنك بينه كلش غزر
انموت ويعيشنه طاري المنبر
عيشنه طعم اللچمه يا وجه الله
هذا الاجاني خادم لعبد الله


#مصطفى صادق اللامي محرم ١٤٤٢


اللحن👇👇
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصيدة_ثكيل
#لسان_حال_العليله_ ع ، ،


- دعوه يا رب السمه الشافي المعافي
- انطيني حيل اركض وراهم جدمي حافي ،
---- داخله اجواء المواجع
---- ودمعي من بوشيتي طالع
-- ياهلي ، ، ياهلي ، ،
____________________________________
يجن يم بالي العصر والمغربيه
مناغه عبد الله ودمع سكنه ورقيه
هزت الكاروك لسه اتبَچّي بيه
وجانت بكل عيد عمتي اتحَنّي اديه ،


- ضاعن دموعي بجفاهم دمعه دمعه
- بويه الله وياج صوت الكمت اسمعه
---- سافروا لچمه بطريقي
---- وبده الفراگ الحقيقي ،
-- ياهلي ، ، ياهلي ، ،
____________________________________
اتبع بخطوات رجليهم واعاتب ،
هاي اخر ذكريات اهلي الحبايب
كعدت البيبان اشوه من الخرايب
عمره ساعة رمل لمتانيله غايب ،


- ما على المرضى حرج بس انا اريده
- السفر ويه الأهل عنوان القصيدة ، ،
---- اتعبت من كل النواحي
---- الوجع حط روحه بصفاحي
-- ياهلي ، ، ياهلي ، ،
____________________________________
ما لگيت بروحي فرحه اتلم ونيني ، ،
واگفه بكتر النخل واصفگ أديني
طارش يخبرني عنهم ما يجيني ، ،
وحته عيني شما بچت توجعني عيني ،


- عگب فيهم عاشرت عيني البواچي
- وادري باچر بالضعن تنقص تراچي ، ،
---- كعدت البيت اخنگتني
---- مرهدنه احمولي اعله متني
-- ياهلي ، ، ياهلي ، ،
____________________________________
حايره ويا ربي صبرني بجفاهم ، ،
عشر مرات ارد اذب روحي وراهم
والسؤال العاش بيه ، هل آراهم ، ؟
الدرب مدري شگلهم وهل قنعاهم ، ،


- ماتت الضحكه ولگيت بعيني حزني
- بعتبة الباب وصورهم عذبتني ، ،
---- كلهم مدنگين راحو
---- هاي معناها اهلي طاحو
ياهلي ، ، ياهلي ، ،
_____________________________________
الجان يمنه الهيبه والشيخ الفريضه ، ،
چان تارس عيني ويداوي المريضه ،
الفارگ احبابه الدرب كلش يغيضه ، ،
ثوب عبد الله اريده عيوني بيضه ،


- والمفارگ باوع بأيده وتشووفه . .
- من الدمع بربعت حرحارة چفووفه ،
---- هاي ختمات المدامع
---- طير وبلا عشه ضايع
-- يا هلي ، ، يا هلي ، ،
_____________________________________

- علي مهدي المالكي ، ،

-- #اللحن 👇👇
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

انفاسه وصلت للخيم وحسين اضن حاير
شهگاته مو شهكة عطش شهگة رمح عابر
صحت البقاء لله
راح الاجينه وياه
//////////////////////////////////
من بين الاصوات وانه فرزنته صوت احسيني
فجأة وعله الصوت وگمت زينب صرخ لحگيني
وانه انغمه عليه وطحت وادموعي ترست عيني
الماطالعه لباب الخيم لخواني شيوديني ؟
ما اندل بطف كربله لكن وصلت التله
والله مشاهد شاهدت تصعب علي اندله
زين ووصلت هناه
راح الاجينه وياه
//////////////////////////////////
صح شفته بس مالحگت مو بيدي من اتأخر
امشي واباوع والتفت وبهيده خافن اعثر
شفته وعساني ماشفت كاتلني ذاك المنظر
يعرفني اموتن لو سكت حاچاني من المنحر

يون واسمعه من يون دنيت اذاني لنحره
زينب ولا ضگت العذب شحت عليه الگطره
موقف فلا انساه
راح الاجينه وياه
//////////////////////////////////

حسبالي اتچيلك وارد واشبع سوالف منك
ماحسبت هيچ من اجي ينداف دمعي بدمك
المالهن داعي شعجب تاخذ مچان بجسمك
بينك وبيني شكم رمح يصعب علي اشتمك

احسب واغلط بالعدد والضربه فوگ الضربه
مشكوله ذمتك يارمح من ضهره طالع گلبه
يارمح منك اه
راح الاجينه وياه
//////////////////////////////////
بترس اذني واحدهم صرخ هسه الحسين شلونه
يازينب بچفه نقص نيتهم يعذبونه
طمعو يخويه بمحبسك والخنصر يشمرونه
معقوله خاتم ماطلع ماگدرو يجرونه

دورت اصبعه بكل كتر والشامت يهد حيلي
يگلي لگيتي لو بعد شنهي الوضع گليلي
يتبختر بممشاه
راح الاجينه وياه
//////////////////////////////////
بهالحاله بس واحد ردت يوكف والوذ بسده
تمنيت ابو فاضل عدل وچفوف ضلت عنده
ومالايح عيونه السهم ويشوف هاي الشده
بس ادري لو باقي الگمر ماضل اخونه لوحده

من عندي الدنيه خذت وين الكفو ومعدل
وين انطي وجهي من الشمر لو گال اصعدي الهزل
يفر سوطه بيمناه
راح الاجينه وياه
//////////////////////////////////
مذبوح راسه علئ الرمح وعيونه صدت ليه
ميت ولكن بس شكل باقي يفكر بيه
چنه يگلي مروتچ رجعي لدمع رقيه
صبريهه لو رحتو بسبي وختحضر الترچيه

من رخصتك يابو علي اسمحلي ارد للخيمه
خافن اطفالك تيهو امشي ادور الهيمه
گلي بأمان الله
راح الاجينه وياه
//////////////////////////////////
#عباس الزيدي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ماتت كل الاحلام
من ماردلي جسام

يا ليل المصيبه
بعيون الغريبه

ماتت كل الاحلام

*

شنسه من مهجتي دوم أظل أذكره
من يجيني العطش جنت اشم منحره
منه مآ ينشبع طوله زمزم تره
مره أذكر مشه ظل يلالي الثرى

ابني او ادري معناه
من نور الله سواه

لا لا مو عجيبه
بعيون الغريبه

ماتت كل الاحلام



هو بس هالولد هو كل دنيتي
كلشي مات وانتهى من رحل ضنوتي
بيش اصبر الگلب ابني جان سلوتي
عفته مدمي النحر ويلي من قسمتي

فدوه العمه من راح
ايشعشع فوگ الارماح

يجرحني ابمغيبه
بعيون الغريبه

ماتت كل الاحلام



شفته بالطف حِلمْ بعينه شايل وطن
من لبس لامته بطوله شفت الحسن
مثله أبد ماشفت بحبه گلبي انفتن
بعده ضِگت السهر و النواظر عِمن

من تشتاگ الجروح
روحي الكربله تروح

ما أترك نحيبه
بعيون الغريبه

ماتت كل الاحلام



هآ يليل الدمع ابني راح ما يرد
العرسه جنت انتظر مني باگه اللحد
ابني جان او يظل براسه تاج المجد
من يمر عالورد يستعدله الورد

جاسم قدوه يا ليل
ابعطره ايسولف الهيل

راح امنين اجيبه
بعيون الغريبه

ماتت كل الاحلام



اهنآ يليل استمع غربة البلغرب
لا أهل لا عِرف والدمع بس يصب
روحي كلما تون ونهه من الگلب
عالبقه ابلا عرس عالگشخ بالحرب

في أرض النواويس
ردنه انشوفه عريس

من لاگاه نصيبه
بعيون الغريبه

ماتت كل الاحلام



لا يليل نستعد هل اجانه السبي
لا ولد لا أخو عدنه بس هالعبي
والعليل يا وسف ايگيّدَه الاجنبي
واليتامه التظل إلها تل الزينبي

اوزينب تمشي وطيح
وين الكافل اصيح

يا روح الحبيبه
بعيون الغريبه

ماتت كل الاحلام



#سليم الغزالي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

برموشك الليله يجفني اتحزّم
باچــر الواحد من شهر محرّم

••••••••••

يا جفني گـرّب يومـه
ذاك الوگـع بالحومـه
وامسلبات اهدومــه …. وامن الدمه تغسيله

برموشك وشد حيلك
وأنصب مناحه بليلك
وخلي السمه تبچيلك …. وأم الحسن تبچيله

ويه الامام المهدي گــوم اتألّم
باچــر الواحد من شهر محرّم

••••••••••

يا جفني فارگ صبرك
لو قصّرت ما أعذرك
كل دمعه (شمعه) بگبرك …. اي والضلع ومصابه

شهر المحرم گـرّب
شد حيلك ولا تتعب
واسي الزچـيه وزينب …. وخل دمعتك سچـابه

وخلي (الورگ) من دمعتك يتعلم
باچــر الواحد من شهر محرّم

••••••••••

ياخذني چـف العَبره
لـ أمحرّم وللعشره
وأنظر اسود العتره  …. بين الخيم والحومه

ترسوا اعيون العسكر
عباس .. جاسم .. الاكبر
وزينب گـلبهه يسعر   …. وگـبل الجرح ملچـومه

هاي الگـلبهه العــ الجروح أمعلم
باچــر الواحد من شهر محرّم

••••••••••

يا جفني باچر باچر
لو گـرب يوم العاشر
يبقه الولي بلا ناصر   …. ولا من مُعين ايعينه

الله يساعد گـلبه
بين العده والغربه
راح الأخو والصحبه  ….  وابثوبه چف سكينه

تقبل يبويه من الزغر واتيتم
باچــر الواحد من شهر محرّم

••••••••••

باچـر حبيبك وحده
والدنيا توگـف ضده
ايودع أصحابه وولده  ….  وبت فاطمه وعباسه

بسيفه الشمر يبراله
واعليه تحوم اعياله
وداست عشر خياله  ….  صدره ويعاين راسه

بذاك المسه ركن العرش يتهدّم
باچــر الواحد من شهر محرّم

••••••••••

باچر تصيح سكينه
يا عمي جودك وينه
واعله النهر چـفينه   ….   ما فارگـت رايتهه

زينب تجيه ملهوفه
فوگ الرمال اتشوفه
عثرت بصف چفوفه ….  واختنگت بعبرتهه

وينه التكفّـل بالضعن واتوزم
باچــر الواحد من شهر محرّم

••••••••••

عالقاسم وعالأكبر
وسهم الطفل والمنحر
يا جفني دم تفجر  ….  وزنجيل دگ برمشك

واعله العليل وجرحه
ذوب وأبد لا تصحه
وعاشور لو مر صبحه  …. للسمه شيّع نعشك

ابنات النعش يبچـنك ابدمع ودم
باچــر الواحد من شهر محرّم

••••••••••

باچـر يمطول ليله
بسكنه ورباب وليله
وزينب مشت تشكيله  ….  لعباسهه الفارگهه

وأرقيه يا لوعتهه
من ركضت لعمتهه
وين الأبو سألتهه   …. وأم الحزن تشبگهه

يا عمه لا ظل لا أبو ولا ظل عم
باچــر الواحد من شهر محرم

••••••••••

احمد هادي الشمري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

استقبال شهر محرم الحرام


قادم محرم يا خدم اتحضروا للخدمه
اليخدم بهذا الشهر ام البنين اتحزمه

هيئوا المواكب والعلم
هنياله كل واحد خدم

_______

هيئلي عقلك والفكر وخلي الگلب يتحضر
ومن هسه هيم ابكربله ما ضل وقت تتنطر
يلي تحضره بالعزه هم يحضرك بالمحشر
واليِّ يقدره ابو علي عد الله هم يتقدر


هو شهر واحد ترا استثمره  باالدمعه
وكسر اضلوعك بالطلم حسين هم طگ ضلعه

بس ربح ماكو اي ندم
هنياله كل واحد خدم

______
من ام البنين اخذ العزم اوبيها الفعل خل ينقاس
بخدمت حسين اتنومست ماتت اومرفوعة راس
مو بس حياة انطت اله ضحتله حتى ابعبااس
خليها قدوه ابخدمتك ام الوفه والاحسااس


حتى من اسمها اتنازلت اومو فاطمه سموها
خلتهم ابوسط الگلب او بعيونهم خلوووها


اوصت ضناها اعله الحَرم
هنياله كل واحد خدم

_________
من تتعب أثناء العزه لا تترك انت العبره
اتخيل حبيب عالترب والخيل تسحگ صدره
اليخدم ابخالص گلب اتسجل اسمه الزهره
وكدام كل اسم انكت تكتب ازياره القبره

خل ترضه عنك فاطمه هذا الفعل ما منه
اليضمن الزهره رضت يضمن دخول الجنه

ابدنياه ما يبقى الم
هنياله كل واحد خدم

_______
امبين العاشك صدك تقره التعب بعيونه
من بين كل هاي الخلگ الخادم ايحسدونه
حسين هاديلك كنز  الحصله خيعونه
لا تترك الدمعه ابد من تشبع ابماعونه


واليخدم ايموت بشرف خليها هاي ابالك
يحلالك اتعيش ابحزن الدنيا ما تحلالك

اهل الدمع اهل الشيَّم
هنياله كل واحد خدم

______
الرحمة الله والعطف حسين صار امراية
والنار ما مست بشر رايحه اله مشايه
هذا قليل اتقدمه وعد الحسين اهوايه
الرايد ايطيح الذنب خلي يشيل الرايه


أتوجه ابگلبك اله اوكل ذنب ما يبقى
واليتعب ابهذا الدرب من حسين ياخذ حقه

والحصل الجنه التزم
هنياله كل واحد خدم


___________
شد رأيتك لبو علي وعيش العشگ بحساسه
هنياله اليطب الگبر لحسين طابر راسه
ضحيله كلشي يالمحب ضحه الك عباسه
ميت لجن باقي عدل ونْشم عبير انفاسه


گل للحسين بكل عزه احسبني من خدامك
وانشغل بجروح العشك لا تنشغل بيامك


وكتب حسين بكل قلم
هنياله كل واحد خدم


#الشاعر عبدالله الشويلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

أني ودمعتي والزمن طويل
بسمك وبسم الحره والكفيل
شما قدمتلك من عمل اكول
ابلطفك اتقبل مني هل القليل

خليت گلبي ابطاري اسمك هايم
وانطيته سُئله من رجعلك نادم
ياگلبي حِب الخيمه واهل الخيمه
ولا تاخذك في الحُبِ لومة لائم

رحلة دمعي الحزنه طويله
ومن كل فج المجلس اجيله
ما يحتاج اي شخص ايدله
هوه الحَبك گلبه دليله
**************
لو ما وجودك اني ما أكون
حررني حبك من چنت سكون
الينفعني بس دمعي اليصب عليك
(لا ينفعُ مالٌ ولا بنون)

كدامك اخجل ما اكول اشرايد
اقبل ابكلشي اشيجي منك زايد
ما لاحني الهم غير من امصابك
ودمعاتي الك ماطاحن الأي واحد

حزنك صار ابعيني مدينه
شافت بيهه الغربه ضعينه
كسر الخاطر بيهه رقيه
وخوله ابدمعه تواسي سكينه
****************
غانيني عن كل البشر هواك
نور الهدايه ابكلبي من ضواك
ماعندي شك ولا اخذني ريب
مغمض وامشي سيدي وراك

بس گلب عندي وانت تملك رايه
يحضه ابرضاتك عنده اكبر غايه
مره أخدمك مره اون لمصابك
خليني عايش بين هاي وهايه

طفك مني جروحه قريبه
ماكو أوله امن امصابه مصيبه
من طبتله اختك مهيوبه
وطلعت منه سبيه غريبه
***************
حبك خذاني من هوه الضياع
وعَيَش دليلي اويه الفرح وداع
حزنك صعب ما شالته القلوب
ولا سمه اتشيله وَلا حته گاع

اليوصل مصابك همته بجروحه
ليله ونهاره ما يبطل نوحه
الماعنده لذه غير بس ابذكرك
يدعي ابعزائك كون تطلع روحه

يرخص دمعي يابو رقيه
كل ما اسمع طاري سبيه
جرح الحب ما يشفه ابكلبي
وشما يكبر زوده اليه
****************
جرحك يظل طول الزمن جديد
لا يشفه لا يلتم ولا يهيد
ياسيد الجن والانس عجيب
تالي بقيت ابكربله وحيد

هاي الحچايه التنسمع كل عاشر
حته الحجر ليهه انكسر بي خاطر
لمن بقيت الوحدك وتنادي
عن اهل بيتي وعني هل من ناصر

اتحشم بيمن والگدامك
جابو نار الحرگ اخيامك
حته ابموتك وبلا رحمه
داسو بالخيل اعله اعظامك
*******************
الشاعر
#مصطفى البديري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*أبد والله يا زهره ما ننسى حسيناه* 😭
يخوفي من الزياره اسمي
ما اتسجّل مع الزوّار

وبيوم اربعين الجاي
تحرمني يبو الاحرار

وساعة اربعينك ليش
نحيي مأتمك بالدار

ما أمشيلك بدربك
وانه زيارتك محروم
〰️〰️〰️〰️
إخذ عمري وسجّلني زاير بٱربعين الجاي

ارفع راية الكافل
واگصد عالدرب مشّاي

ولا تحرمني بالموكب
أوزّع بالثواب الماي

وبدرب العشق أمشي
عهد للموت يا مظلوم
〰️〰️〰️〰️〰️〰️
يخوفي من يجي محرم وكل الناس محرومين

أدوّر عاللطم والنوح
وما من مجلس عْلى حسين

باب الرحمة ليش انسد
وباب الدمعه ٱلك يا حسين

نعوف أم الحزن تنحب
وما نوفي بعهدها اليوم
*أبد والله يا زهره ما ننسى حسيناه* 😭
〰️〰️〰️〰️
خادمة آل محمد ✍🏻

أَدْعُوكَ يَا سَيِّدِي بِلِسَانٍ قَدْ أَخْرَسَهُ ذَنبُهُ
رَبِّ أُنَاجِيكَ بِقَلْبٍ قَدْ أَوْبَقَهُ جُرْمُهُ

قصيدة للخدمة.

انما الدنيا ثواني وسنرحل. بعد مده
ونرى الاعمالَ حتماً بكتابٍ. مسترده

يا الاهي. بحسينٍ. تلك شده

.......

هالدنيا بس حيدر علي. راواهه عين الحمره.
فتحت اديهه شكد اله. وظل الهه داير ظهره
ترخي حبلهه للبشر. وباچر تلفه بنحره
تاليهه حصته لو رحل. بس الچفن والحفره

فعجيبٌ يبنَ ادمْ تتكبرْ. تلكَ خله
فكما الطيرُ ارتفاعٍ ووقوعٍ. ومذله

يا الاهي. بحسينٍ. تلك شده

......

فاطمة بعمر ثمنطعش. تعلمنه منهه هوايه
وي حيدره عاشت عمر. ولا عاتبت بحچايه
بالخدمه حلوه اللي خدم. وافعاله تصبح رايه
كثرة عمل قلة حچي. الخدمة تصير مرايه

فحسيناً اعطى للحافرِ صدره. تلك عبره
كي يرى الخادمَ واسعْ في الخدامه. طبعُ صدره

يا الاهي. بحسينٍ. تلك شده

.......

ام البنين انطت درس. بخبز وملح تتگوه
وطلعت عباس الكمر. ميزان غيره وخوه
حلوه البساطه بالعمر. والعيشه تصبح حلوه
تحبك الناس لفطرتك. ماتنفرض بالكوه

راحةُ البالِ بطيبِ القلبِ تبقى. يبنَ ادمْ
وانتبه انتَ ترابٍ لترابٍ. عش لتسلم

يا الاهي. بحسينٍ. تلك شده

.....

زينب وما ادراك ما. زينب شلون ابديهه
يتوضه بلساني الحچي. لازم وكون احچيهه
الخادم لسانه بي عطر. لو ينذكر طاريهه
من المالهن داعي فرض. مانحچي زايد بيهه

انَ الَ البيتِ حبلُ الله فيهِ. نتمسك
ولشيطانِ هوانا سنقولُ. قفْ لحدّك

يا الاهي بحسينٍ. تلك شده

........

يا ابا الفضل احنه الخدم. خلصنه من دنيانه
وزعلنه من كلبك نده. كلوب الخدم عطشانه
وعلمنه نترافك سوه. بالخدمه يامولانه
وعلمنه مانكسر كلب. وچفوفك الترعانه

انما الخدمةُ درسٌ وامتحانٌ. منه نحذر
ايما قلبٍ لخادمْ فحذاري. يتكسّر

يا الاهي. بحسينٍ. تلك شده

......

نسألكم الدعاء
#حسين صادق العقابي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

صلاة الإمام الحجة "عج"

آنا مشتاقك وٱريدن أبقى يم بابك أسير
ردت أظل بفَي ظلالك عبدك وإنت الأمير

١ / رايد عيوني تصيرن وقف بس لشوفتك
أبد ما تنظر سواك وتبقى بيها بهجتك
تعاين لشيبك الطاهر دوم ترويه دمعتك
واقره بدموعك مصايب ، والگلب يرتدّ بَصير

٢ / آه يالمهدي الحياة بلا ذكر اسمك عذاب
وكل گلب ما بيه حبك ، حُبه واشواگه سراب
شكثر مغبوط اليسيل دموعه لِمصاب الغياب
وذكرك يدوم عْلى باله ويرتبط بيك المصير

٣ / مأوى كل هارب ، وآنا لصوب مأواك التجيت
وگعدت يم حوض حبك ، ٱغْسَلِت گلبي وارتويت
باب إحسانك طرقته ، مستحي، لچن إجيت
وتدري عن دگ باب غيرك سيدي چفّي قصير

٤ / بمايك اتوضه لصلاتي ، وباب بيتك قِبلِتي
يا وجه ربنا ويصير تراب نعلك تربِتي
تأذّن بصوتك وٱسِمْعَه ، ودمعي يجري بمقلتي
ولو ردِت توگف تصلّي ، گلبي افرشلك حصير

٥ / أحرم وخلفك ألبي لأن أدري ٱنت الحَرَم
"الحمِد" بٱسمك أبتديها ، يا أمل كلّ الأمم
أركع بمحراب عشگك ، واسجد بحَدرِ الجدم
واقره توحيدك واردد ، إلك كفوا ما يصير

٦ / أسمع انّات بسجودك ، واشعر بدمعك ذروف
السبب واضح ، لن جبينك لامس تراب الطفوف
اذكرِت جدك وحده ظامي وواگف ببين الألوف
يستغيث ودمه يجري ماله والي وْلا نصير

٧ / ترفع مْنِ السجدة راسك ، تذكر الراس الگطيع
عالرمح مرفوع ينظر خدر نسوانه يضيع
يِقرَه تسبيحِ السبايا ، يرتّل آيات الرضيع
ومنّه لو ضاعت يِتيمة ، يمتنع عنّ المسير

٨ / تجلس وتذكر العمّة بيوم صلّت گاعدة
حيل ما عدها ، ومتنها مورّم بسوط العِدة
تِقنط وچفها تضُمّه ، تخاف ظالم يجلِدة
تقرة " اللهم كن .." ، ودوم بٱسمك تستجير

يمن حبك حياة وسر بقاء الروح
يا كوثر دليل الحاير الظمآن

يالذكرك شفاء لكل گلب مجروح
اجيتك اقره ندبة وانعى عالعطشان

١ / حسينية شفت دارك يبو الغيبة
لچِنْ مِختلفة عن كل الحسينيات

سقف ما بيها ، حتى الباب اظن مشلوع
وجدرانك عليها معلّگه الرايات

الفراش تراب ، اظنه من تراب الطف
والمنبر جذوع وباب محترگات

شفت بيها حسام وِغمده يبچي عليه
ومُهُرك يصهل بحسرة گلب لهفان

٢ / شفت ثوبين يا مولاي فِجعَنّي
ويفوحن منها آواويلي ريح الهم

اول ثوب عاينته وكِسر گلبي
عباية معلّگه ببسمار يرشح دم

أظن عليها خط ايدك وبيه مكتوب
گبل ثِارچ عليَّه كل فرح يِحرَم

وشفت املاك يَمَّه تنتحب وتطوف
ولمصاب الزچيه تجدد الأحزان

٣ / وشفت ثوب ٱحمر ممّزگ عليه آثار
حافر خيل وسيوف ونبل ورماح

عاينته يوسفة بكل كتر مسحوگ
وعَليه دمعة يتامى عافت الأفراح

وعليه ونة سبايا مربطة بحبال
وأثر چف طفلة ما عُرفت أبد ترتاح

عجب هالثوب شفتك من تعاين ليه
تطيح عْلى الأرض تلطم يعالي الشان

٤ / چنه يجاوب ودمعة يصب غِدران
دار النوح داري يْظلّ لَيوم الثار

سقف ما بيها حتى الشمس تصهرني
ويصير تراب گاع البيت كلش حار

واخلّي عليه خدي ومثل جدي حسين
يحرگني وأواسي المشت بالأمصار

خلوها بخرابة بلا سقف لا باب
الوجه منها تقشّر والگلب وجعان

٥ / واذا تنشدني عن الخيل والبتار
ينتظرون أظهر وآخذ بثاري

والمنبر بنيته بخشب باب الدار
وانوح عْلى الزچيه بليلي ونهاري

والرايات حمرة وسودة بٱسم حسين
أعاينها وتشب وسط الگلب ناري

وتهيّج غيرتي اشما رفّت بكل حين
فوگ الدار راية " يا گمر عدنان "

٦ / شگلك يالتناشدني عَلى الثوبين
شلون اشرحلك الحسرات واللوعة

هاذي عْباية اُمّي مخضّبة بدمها
وبسمار الغدت من عنده مفجوعة

والثاني يناعي هذا ثوب حسين
أحمر من نزف دم نحره وضلوعة

والحافر بُگى من عاشر محرم
حين بقسوة داست صدره العدوان

٧ / والانات والحنات والدمعات
هاي من اليتامه الوصلت لجسمه

والچف الصغيرة هاذي چف سكنة
من طاحت عليه وخضبت بدمه

تشمه من النحر وتگله حاميني
اترجاك صدري لصدرك تضمه

حنانك منه يطفح حتى لو مهشوم
وآنا بحاجتك يا مأوى كل حيران

٨ / واخبرك عندي ثوب لصدري ضمّيته
لون تنظرله تلگاه محترگ بالنار

وتشوف عليه السياط وبيه
أثر چفّ الدّفعها ورفسة الغدار

ثوب العمة زينب هالصُبح بالطف
خيمة تلم نساء السلبوها خمار

وبيه تلوذ كلّ ايتام ابو السجاد
عجب يوم انسلب ما طاحت الأكوان

#قصيدة_شور
#رسالة_العليلة_للحسين ع


رساله من البنيه الكاضه الونه
الى حضرة ابوي الماشبع منه
مشه وفارغ مچانه ريحة الجنه

طاحت دمعتي بطرف عوچيتي
أمنيتي ابوي وراحت امنيتي ،
ما ادري عگبه شلوون تاليتي

- وشلونه ابوي شلون حاله
- گلوله خل يسأل سؤاله
- - لمن تسلمونه الرساله ،
_____________________________________
گلوله العليله اتطيح لو وگفت
وچيس الدوه هل شمرته ما شربت
اويه لعابة رقيه بلا وعي لعبت ،

وصلوله هذا الصار برباته ، ،
ظليت احاچي اثار خطواته
چا غير يحسبهن ابنياته ،

- چف الورد ضايع دلاله
- كلوله خل يدير باله
- لمن تسلمونه الرساله ،
_____________________________________
گلوله كلاني الخوف خل يرجع
بويه وداعة الله ابچيلك مربع
طلعت روحي يوم الي ردت تطلع

تعبانه من الضيم تعبانه ،
ليش الهجر فاتحلي بيبانه
كلوله ابد مو الاوليه انه ،

- احچوله عني بكل بساله
- ودولي لو فَي من خياله
- لمن تسلمونه الرساله ،
_____________________________________
سلمولي على جروحه ونزف نحره
وبوسولي المچان البي اثر طبره ، ،
هجرك نهر واسع ياهو ليعبره ، ، ،

والمرض شد وياي منانه
وانا البنيه الحيل تعبانه ،
مو جبل يابويه انا أنسانه

- چم كتر من عندي خذاله
- من المرض حالتي حاله
- لمن تسلمونه الرساله ،
_____________________________________

#- علي مهدي المالكي ، ،
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ شهر الدموع ]*

أداء: الملا #محمد_باقر_الخاقاني
كلمات: الشاعر #أحمد_الهلباوي
ذاكر: سيد مهدي البكاء

https://youtu.be/4JSvtTUkPbw

مجالس شهر ذو القعدة الحرام لسنة 1440 هـ - 2019 م
ليالي استشهاد مولانا السلطان الغريب الإمام علي بن موسى الرضا صلوات الله عليه
عزاء موكب الأحزان - بغداد - السماوة

مونتاج: قناة موكب الأحزان
مكساج: عباس الظالمي
النشر الشبكي: علاء بركات العاملي

السلام عليكم ورحمه الله
بمناسبه ذكرى شهاده الامام الباقر ع سيتم نشر القصائد الخاصه بهذه المناسبة على الرابط التالي

@alnasherfalahhasnn

#الناشر_الحاج_فلاح_حسن

#الامام_الباقر


بدمع جاري توجهنه لدار الباقر وننحب
ابو جعفر گضى نحبه وجمر النايبه يلهب

ابو جعفر عليه انوح يويلي خلصت ايامه
بعينه شاهد الويلات وذبحة جده وعمامه
وايده اتجتفت بحبال بعد ما حرگوا اخيامه
نزف گلبه ألم وهموم وعليه السوط هم يلعب
▪️▪️▪️▪️▪️▪️▪️▪️▪️▪️▪️▪️
بزغر سنه ابو جعفر يويلي اتجرع الحسرات
ركض وي عمته برض الطف وبجدمه أثر جويات
شحاله اللي يشوف اهله تموت بنظرة الشمات
كل لحظه تگطع احشاه من يذكر سبي زينب
▪️▪️▪️▪️▪️▪️▪️▪️▪️▪️▪️▪️
بعد كل ذاك ياويلي عاش اسنينه كله هموم
كل ما يذكر العطشان تهل عينه بدمع ودموم
ينوح ويجذب الحسره لو يذكر ضلع ملجوم
مو سم المرد جبده لاجن شيب التخضب
▪️▪️▪️▪️▪️▪️▪️▪️▪️▪️▪️▪️
يا ويلي ابو جعفر خلص عمره ونين ونوح
بالسم وذروا جبده وظل ينحب على المذبوح
ينادي الصادق اوليده يابويه الگلب مجروح
بيدك من تجهزني لا تلجم مجان الضرب
▪️▪️▪️▪️▪️▪️▪️▪️▪️▪️▪️▪️
بيده غسله الصادق ومن عينه يهل ادموع
آثار الحبل شاهد وتحسر حسرة المفجوع
تبده حيله عالوالد ينادي من گلب موجوع
يبويه لهسه بهدومك اشم ريحة خيام تشب

تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★من زار قبر الحسين (عليه السلام) يوم عرفة كتب الله له الف الف حجة مع القائم★وقالت الملائكة: فلان صديق زكاه الله من فوق عرشه وسمي في الأرض كروبا★*

عن محمد بن سنان، عن يونس بن ظبيان، عن أبي عبد الله (عليه السلام) قال:
من زار قبر الحسين (عليه السلام) يوم عرفة كتب الله له الف الف حجة مع القائم، والف الف عمرة مع رسول الله (صلى الله عليه وآله)، وعتق الف الف نسمة، وحملان الف الف فرس في سبيل الله، وسماه الله عز وجل: عبدي الصديق امن بوعدي، وقالت الملائكة: فلان صديق زكاه الله من فوق عرشه وسمي في الأرض كروبا.

*√كامل الزيارات للشيخ الأقدم أبي القاسم جعفر بن محمد بن قولويه القمي صفحة۳۲۱√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

ذکر روی لبم اینه
آقا خیلی دوست دارم
#ياحسين