#الناشر_الحاج_فلاح_حسن_محرم_الليله_الاولى


قصيده تجليبه لهلال محرم وتبديل رايه الامام الحسين عليه السلام على طور حجي باسم ركضه طويريج من يمحيها
وتقرأ بعده اطوار


المستهل👇👇

للحسين اليوم نبجيله دمه
نعازي ابوالحسنين وامه فاطمه
حسين حسين ياحسين مولا

.❥✿┈┈• °{🌸} • ┈•✿❥

هل الهلال وبچت عيني بوجل
وبدلو رايه حبيبي ابو الفضل
سوده صارت رايه حسين البطل
وحمره لمصابه غدت حتى السمه
حسين حسين ياحسين مولا

.❥✿┈┈• °{🌸} • ┈•✿❥

ليله الحادي يبدلون العلم
والجموع تعاين وتبجي بالم
وتدعي بجاهك تزيل اهل الظلم
بجاه ابوالحسنين راعي الموزمه
حسين حسين ياحسين مولا

.❥✿┈┈• °{🌸} • ┈•✿❥

اعليك ام حسين لبست السواد
واعلنت شيعتك هالليله الحداد
حضرت المجلس وتطلب المراد
وروحها لشوفة ضريحك هايمه
حسين حسين ياحسين مولا

.❥✿┈┈• °{🌸} • ┈•✿❥

ياشهر الاحزان اذيت النبي
بيك زينب تشم دخان العبي
وتذكر الصار وجره بيوم السبي
وهي تندب حيدره حامي الحمه
حسين حسين ياحسين مولا

.❥✿┈┈• °{🌸} • ┈•✿❥

كون هسا بكربلا يبن الرسول
نزور ابو السجاد والمدمع همول
عالذي داسته ياويلي الخيول
وغدرته جيوش الاعادي الظالمه
حسين حسين ياحسين مولا

.❥✿┈┈• °{🌸} • ┈•✿❥

سيدي يحسين نتامل شفاء
ونرجع نقيم المجالس والعزاء
خادمك مولاي ظل عنده رجاء
تقبل الخدمه وحسن الخاتمه
حسين حسين ياحسين مولا

.❥✿┈┈• °{🌸} • ┈•✿❥

✍ الخادمه ام زيد الشمري

نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان عج


#الناشر_الحاج_فلاح_حسن

#علي_الاكبر
جديد محرم ١٤٤٢ هجريه قصيده بعنوان (شبيه الكرار )


يا علي الأكبر يبويه اليوم يومك بالنزال
لازم بعيني اشوفك اموسد ابحر الرمال

ودع امك يا علي واقصد الحومه بعجل
اگلب الحومه عليهم وانده بخير العمل
ذكرهم صولة حيدره والهادي سيد الرسل
ومن تشوفك هالاعادي تختبص يمنه بشمال
▪️▪️▪️▪️▪️▪️▪️▪️▪️▪️▪️▪️
اليوم تتباهه الملائك من تشوفك بالحرب
ياجمال الله وبهاءه ونور يخترق الحجب
حگهه امك من تشوفك تخمش بتوت الگلب
وراث الهادي محمد آية الله والجمال
▪️▪️▪️▪️▪️▪️▪️▪️▪️▪️▪️▪️
يا علي الاكبر يبويه مني اسمع هالخبر
بالسيوف يگطعونك وگلبي بالهم ينفطر
لاجن اليصعب عليه من تجي ام الخدر
شابجه العشره يويلي تنوحك والدمع همال
▪️▪️▪️▪️▪️▪️▪️▪️▪️▪️▪️▪️
من تطيح اعله الثره تنطبگ ارض وسمه
ينوحك الهادي محمد ويه امي فاطمه
وتحضر الأملاك كلها بالدموع الساجمه
يا علي الأكبر مصابك ينوصف هذا محال
▪️▪️▪️▪️▪️▪️▪️▪️▪️▪️▪️▪️
بعد عينك ياعلي تدري عالدنيه العفه
بطولك اتمدد يبويه والعدو بيه اشتفه
اصفگ الراح اعله راح سهمك بگلبي غفه
طولك المهيوب هذا يصير مرمى للنبال
▪️▪️▪️▪️▪️▪️▪️▪️▪️▪️▪️▪️
وداعة الله يا علي بروحتك راحت الروح
ياضوه عيني يغالي افتحت يابويه الجروح
يا صبر بعدك يفيد والسمه لجلك تنوح
واسمع الزهره تنادي ليه يوليدي تعال



تمت بعون الله
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

[ لا يا جبل ]
#باسم_الكربلائي
للشاعر ميرزا عادل أشكناني

https://youtu.be/lwXhn8kGlis ‏

ليالي الفاطمية الثانية 1441 هـ
حسينية المرحوم داود العاشور - البصرة

علم علم نرفعت بيارغ سفرهم
الم الم .. انشالت هوادج ضعنهم
اتحمل وما اكول
خافن سفرهم يطول
الم الم. انشالت هوادج سفرهم
_______

من شالو بذاك المسه .. دمعاتي كلها ابجيتها
النسوان تحميها الزلم .. بس أنه فارغ ابيتها
لاخوه عندي ولابو .. تموت السوالف ريتها
راحوا احبابي وكوطرو.. سفرت حزن سميتها

حزن حزن .. راحو وأنه تهل دمعتي
الجفن جفن .. ماغمضت من حسرتي

اسئل ودور حلول
خافن سفرهم يطول

__________
انرفعت بيارغهم صدك. صارت حقيقه حجايته
العباس يندس بلفرس .. بلغيمه دكت رايته
ناديت أبويه وما سمع.. ماچلبیت ابصايته
هوه أنه مثل المنجرح .. عاش بغرب بولايته

جرح جرح ... صوبني من راح أبويه
جرح جرح ... لا عمي ضل لا اخويه

دمعاتي مثل السيول
خافن سفرهم يطول

-------______________



عماتي صعدن ونكطع ..عني الهوى وماسالمه
وتحركت نوك السفر .. ماگلتو فاطم نايمه
خافن تفز وتنرعب .. وبلبيت وحشه وهايمه
بلفركه ما عدكم طبع .. عدكم الزينه الغانمه

غرب غرب.. وحشه عليه بعدهم
غرب غرب.. ضليت احس بفكدهم

مايصح منهم رسول ؟
خافن سفرهم يطول

الم الم
______
ماضل عزيز وينفكد .. عافوني اخوتي البارحه
حكي من اون راحت زلم.. دمعاتي تنزل مالحه
يوميه امسي بلحزن..وبدمع عيني مصابحه
متروس دم مامنطعن..چا گلبي شنهو الجارحه

هجر هجر.. چم غالي راح وهجرني
صبر صبر .. مات الصبر من عرفني
انه امي زهره البتول
خافن سفرهم يطول

#علي مخيلف
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

العقيله أمُ أخيها
مثــل أمُ أبيهــا
بسبيها برهنت للــي فجعها
دمعها موضعف قوه بدمعها

* * * *

عظيمه أم عون منهي توصل ألها
فـــلا هاجــــر ولاســــارا بفظلها
ولاأم موسى وأم عيســـى مثلها
ولاأم البشــر حـــــوه ونسلــــها

من الدنيه وأممها
فقط نستثني أمها
العظيمه فاطمه الكسروا ظلعها
دمعها موضـــف قـــــوه بدمعها

* * * *

يبدي أبسمله اليلفــظ أسمها
ويحير أبت علي الرايد رسمها
يعجز مايجــد حـــد الحجمها
زغيره الدنيــه ماتكــدر تلمها

عظيمه مثل أخوها
وفخر لمها وأبوها
روه الاحرار بت حيدر نبعها
دمعها موضف قوه بدمعها

* * * *

زينب لاتظن للنــــوح ظلت
ولا أكبال العده دمعات هلت
وأذا مــره بجت لتظنها ذلت
وأبد عن المبادئ ماتخلـت

بعد ذيج المذابح
بقت زينب تكافح
ايعرفها أم الابه اليدرس وضعها
دمعها موضف قـــــوه بدمعها

* * * *

صحيح أم الحزن راحت سبيه
لجن ماذلت وظلـــت أبيـــــــه
خطبها بت علي حامي الحميه
تهز أركان دولــــة آل أميـــــه

اليظنوها ذليله
يظلمون العقيله
وخطبها ينبهر كلمن سمعها
دمعها موضف قـوه بدمعها

* * * *

العقيله شامخه لمن خذوها
ولاجنها سبيـــــه من سبوها
شريكة ثورة المظلوم أخوها
جحاجيح البطوله يقدسوها

السبيـه الكيدوها
رجف منها عدوها
وأبد ماهابت الكوم وجمعها
دمعها موضف قوه بدمعها

* * * *

ســلام الله علــى أم المصـائب
قادة ثوره من وسط المصاعب
تحــارب جانت تهـــز الكتـائب
ومو بالسيف زينب من تحارب

كفو بنت الهواشم
فلا خضعت الظالم
بقت تتحده ماظالم منعها
دمعها موضف قوه بدمعها

* * * *
#سلام المشعل
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ميمر // للأمام الباقر عليه السلام

باقر علوم اهل البيت خلونه نطرق بابه
...........

باب الله بابه وعنده كل الأسرار
يالحاير بهمك ابد لا تحتار
بالباقر اتوجّه لربنه الجبّار
يگضيلك الحاجه بساع. رب العرش لحسابه
.............

انخه الامام الباقر بعازه وشوف
هذا الكريم المايرد الملهوف
معروف وكت الشده يحضر معروف
بالك تشك ماهو ابعيد. مو طبعه ينسه احبابه
.............

يحضر الباقر ما يحد نوره امچان
ما ينحصر بالگبر نور الرحمان
متوهمه ماتعرف مقامه العدوان
مرقد الباقر هدموه. ظنهم رهين اترابه
............

بسابع سمه الباقر بجنّة جده
يسمع وينظر لليجيـه ويگصده
حل المشاكل والشدايد عنده
اطلب الحاجه وانخاه. لا ما يرد طَلّابه
...........

حَلفه بظلع امه الزچيه المكسور
هَمّك يزيله وگلبك يشوف النور
گلب الامام الباقر شگد مجمور
ما ينسه امه الزهراء اصواب الزچية اصوابه
............

گلّه بمصاب حسين جدك مولاي
الگطعو وريده وماشرب جاري الماي
لا امل عندي ولابقه براسي راي
جيتك دخيل وهيهات. چفك يرد اصحابه
............

خل حاجتك عند الينفعك ورتاح
بآل النبي شما كبر همّك ينزاح
بس عدهم لكل شده يبقه المفتاح
آل النبي نور الله للبشر هُمّه ابوابه

#سيد زيد الفحام
__________________________
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

للأمام الباقر عليه السلام

يالتسـئـل عليّـة انحــب للمنيّـة
مانشفت دمعتي. عالراحت سبيّة
..................

آنه ابن زين العباد الباقر اسمي
دم رسـول مُحـمّـــد والله دمي
دمعي ما سال عله حالي ولا لهمّي
لزينب المسبية عمتي نار هضمي

يالتنـشــد جوابي. آهاتي وعذابي
لزينب من خذوها. تنظر ال اميّة
...........

آنه مو هالليله موتي موتي بالشام
من شفت عمتي سبيّة ابين ظلّام
بالحبل مچتوفه هيه وكل الايتام
والشماته عيونها ترميها بسهام

گلبي بنار محروگ. من مرّوها بالسوگ
هاي ام الخدر هاي. صاحو خارجيه
..............

والمصيبه الأعظم واصعب عليّة
زينب يدخلوها ديوان آل اميّة
ضل يسبها يزيد ويسب الزچية
وزينب تعاتب ابن حامي الحميّة

وينك ياكفيلي. ياستري ودليلي
عباس بغيابك. من ينغر اليّة
..................

الباقر المظلوم آنه وهــذا حالي
تجري عالخد دمعتي بطول الليالي
صورة الطف دوم مرسومه عله بالي
شفت راس حسين جدي برمح عالي

عاشرت المصيبه. ورافگت الغريبه
يبقه بگلبي ياناس. جرح الغاضريه
..................

الرايد يواسيني خل يذكر مصابه
حسين جدي السلّبو حتى ثيابه
ومن يروح لكربله ويسجد ابابه
هناك خل يذكرني من يشتم ترابه

آنه الباقر ابنه. تارس روحي حزنه
كلكم يالتزورون. ذكروني بتحيّة
...............

بعيني شفت حسين خيل ادوس جسمه
وشفت من راسه الشريف يسيل دمه
بالبقيع هنانه جسمي وروحي يمه
كل مصاب يهون لمصاب ابواليمه

ما انسه الجراله. بمصابه وعياله
يومه لا جره وصار. بدهور البرية

#سيد زيد الفحام
____________________________
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

گربت ايام الذبح*******راسه مرفوع برمح
وشكثر بيّه بجي ****عالمصاب وعالجرح
&&&&&& &&& &&&
(1)
ربي طول اعمارنه اليوم الطبگ
نريد نبجي اعله الخيام التحترگ
حسين وسفه وياهضيمه وياحرام
ولله مااگدر اگولن منسحگ

انا ماريد الحزن **** بس عله اجروحك احن
واگعد انعه للصبح *عالمصاب وعالجرح

&&&&&&&&&&&&&&&&&
(2)
لليموت اليلطم اوياه قمبر
للخدم عرش الله يصبح منبر
نقره بي عالشدو ايديهه بحبل
و عله حسين الماتغسل بلبر

كون ابوفاضل عدل * منين اكو سوگ وهزل
دمعي ظل لاتنمسح * عالمصاب وعالجرح

&&&&&&&&&&&&&&&&
(3)
الخيل ماترحم ترض بلحافر
وجم ضلع مكسور الك بلعاشر
شلون ما الطم و اشگن زيجي
وانته لليسلب قميصك ساتر

الخيمتك لمن تصد * وحيلك يمنعك ترد
بحزني مسموح انفضح ** عالمصاب وعالجرح

&&&&&&&&&&&&&&&&&&&&

( 4)
امي متوزره وتوزع بلخبز
ورايتك بلبيت تتعلگ حرز
انا لو ماانته جا ولله ضعت
غافل امن ذنوبي بس بلموت افز

الفاقد احساس اللطم**** ما عرف معنه الهظم
بس دمعتي الكم ربح *عالمصاب وعالجرح

&&&&&&&&&&&&&&&&&&&&

اشلون حالك من طحت جوه الشمس
والسهام الترست اصفاحك ترس
الخيل والوادم عله خيامك تهد
الماتكوم بسوط يرفسها رفس

حسين طايح عالارض* الحافر شثگله ويرض
رحمه الله شگد سمح****عالمصاب وعالجرح
*****************************



#الشاعر // علي شلال
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

زرتلك بالنيابه
قبل ليسده بابه
يا مهدي
دعيتك بويه ليله...محلفك بالعقيله
ترد و تزور اليه....الحسين و كفيله
يا مهدي
______________________
چان الدرب..لا مو صعب..وصوله
هسا صفت..الزار البخت..ينوله

زرتلك كلش هواي..يا دمعات يا ماي
اكثر من الفياي...زرتلك

اريدك ساعه وحده..تزور الضال وحده
و دمعك خيتبده..اريدك

انقلبت بويه آيه
محلفك بالعبايه
يا مهدي
نيابه تزور عني...ضهر دمعاتي محني
اضل رافع اديه...الحسين و كفيله
يا مهدي
________________________
احلم گمت..بحلمي شفت..مناره
وفزيت اون..يبن الحسن..زياره

ادعيلي ارد كون..زاير و ابقه ممنون
غرگت دم العيون..زاير

گله تگول خدام..شني ترتيب هالعام
محرم قام ما قام..ازورك

السنه امحرم مُحرم
احس حروفه من دم
يا مهدي

إدعي يم حبيبك...اريد اسمع نحيبك
بس حلفه برقيه...الحسين و كفيله
يا مهدي
________________________
يابو الصدگ..يالمحترگ..اندبك
يل كلشي الي..وداعت علي..احبك

احبك بالچذب ليش...اريد بداخلي تعيش
وي كل نفس افيش...اشهگك

تعتب و العتب مات...صوچي تجر الآهات
اريدن حض حمامات...اعله زندك

احب روحك ابيه
يل كسرك سبيه
يا مهدي

اضل انحب عليها...انسبت بت ام ابيها
بس انه شبديه......الحسين و كفيله
__________________________
اطلب طلب..امحرم گرب..نقيمه؟
نواسي الحسن..و ام الحسن..هضيمه

هضيمه الغالي ينعاف...تشم جرحه و مينشاف
المن رايد اچتاف...هضيمه

نسمع كل الحچي الناس...سوالف تشلع الراس
السابع يوم عباس...نريده

نريد انواسي اخيته
دخيل الله و حميته
يا مهدي

تنقام المجالس...وتجي وياك عابس
وتعاين عليه......الحسين و كفيله
________________________
بيوم النهب..يوم السلب..يعاشر
نريد العزه..بلايه جزه..حوافر

حوافر تاكل عيون...حوافر تكسر سنون
حوافر تخمش متون...حوافر

اوادم موش اوادم...التمت هالعوالم
هوان الدنيا خادم...يضربه

يضربه گبال اهله
سهله هواي سهله
يا مهدي

الصعبه زينب شلون...تترس بيها العيون
الاميره تصح سبيه؟...الحسين و كفيله

#الشاعر السيد حسين الحمامي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ياسيدي امنيتي _ حققهه اليه
اتمنه ييلفي الموت _ وانه بعزيه
تحضرني انته رايد *واقرالك القصايد
***************************
كلمن يحبك من صدك يتمنه هل امنيه
ايموت كون بمجلسك والموت والله اشويه
يالمنطي لحبابك نحر ومنطي اصبع وترجيه
وصلني مرحلة الجزع بداعة دمع رقيه


كون امنصيح اسمك _ كل روحي تطلع
وتلتم علي ربعي _ وبس ميت اسمع
كون انته يمي كاعد***واقرالك القصايد
*************************
مو عن روايه ولاسند عالفطره راح احجيهه
بليلة الدفنه الخادمك ادري انته تحضر بيهه
شمنطيك انه سيدي بس دمعه الك باجيهه
اعلظلوعي الطملك لطم وضلوعك امكسريهه

بصدرك سحك حافر _ وطبوعه زركه
كل عمري لو الطم _ ماوفي سحكه
يالبلنفس متواجد * اقرالك القصايد
***************************
ياسيدي عندي طلب لومني ييگرب موتي
تخلي لساني بس الك يلهج وتسمع صوتي
عكس اليموت امنيتي ماريد يم اخوتي
بس رايدك يابو علي بجفك تحس تابوتي

بس نظره من عندك _ تشفع ذنوبي
والموت البحظنك _ ييستر عيوبي
مثل الذي يجاهد***اقرالك القصايد
*************************
تعبني مولاي الوكت خليني اموت بكربك
بموتي ابين حبي الك شلون انته مت الربك
يالشارب بريجك عطش والماي كون يشربك
كل عمل ينمل بالتعب بس انته راحه بتعبتك

بالدنيه كلشي ييزول _ بس انته دايم
ياسيدي مرووتك _ موتني خادم
والظهري انت ساند *واقرالك القصايد
***************************
نزلولك املاك السمه بزغرك وهزو مهدك
وعالكاع جفنك لوغفه الكاع تلثم خدك
ياابو الكلشي منخلق احسبني خادم ولدك
ماخاف من كلشي بعد مادام الوذ بسدك

ماعندي اب غيرك _ ويحن عليه
كل ماردت اوكع _ تلزم ااديه
خليني خادم زاهد *اقرالك القصايد
***************************
اشلون بيه امن اندفن..تراب الكبر فوگايه
ساعتهه اعذرني بعد..ماشد الك جم رايه مولاي اريد اطلب طلب...تحضر الكبري ويايه
وتگلهم بهذا العبد... حاضر بكل اقرايه

لو منكر ونكير _ فتحو كتابي
ماعندي بس حسين _ هذا جوابي
بس انته عندي واحد * اقرالك القصايد
***************************
#محمد خضير الزيدي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★هل يكره المؤمن على قبض روحه؟★يا أيتها النفس المطمئنة (إلى محمد وأهل بيته) إرجعي إلى ربك راضية (بالولاية) مرضية (بالثواب) فادخلي في عبادي (يعني محمدا وأهل بيته)★*

عن سدير الصيرفي قال: قلت لأبي عبد الله (عليه السلام):
*جعلت فداك يا ابن رسول الله هل يكره المؤمن على قبض روحه؟*
قال: لا والله إنه إذا أتاه ملك الموت لقبض روح جزع عند ذلك فيقول له ملك الموت: *يا ولي الله لا تجزع فوالذي بعث محمداً (صلى الله عليه وآله) لأنا أبر بك وأشفق عليك من والد رحيم لو حضرك* افتح عينك فانظر قال: ويمثل له رسول الله (صلى الله عليه وآله) وأمير المؤمنين وفاطمة والحسن والحسين والأئمة من ذريتهم (عليهم السلام) فيقال له: هذا
رسول الله وأمير المؤمنين وفاطمة والحسن والحسين والأئمة (عليهم السلام) رفقاؤك، قال: فيفتح عينه فينظر فينادي روحه مناد من قبل رب العزة فيقول: "يا أيتها النفس المطمئنة (إلى محمد وأهل بيته) إرجعي إلى ربك راضية (بالولاية) مرضية (بالثواب) فادخلي في عبادي (يعني محمدا وأهل بيته) وادخلي جنتي " فما شئ أحب إليه من استلال روحه واللحوق بالمنادي.

*√الكافي لثقة الاسلام أبي جعفر محمد بن يعقوب بن إسحاق الكليني الرازي رحمه الله الجزء۳ صفحة۱۲۷√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

*شوق الموالي لزيارة الحسين (ع)*
*الليلة جمعة سيدي وأرواحنا تلوذ بحضرتك يا طبيب القلوب يا أعز محبوب وفقنا لزيارة ضريحك كي نطفأ جمر الحنين*
سجلنا زوراك حسين
نِحْيا ونموت بمأتمك
من مجلسك لا ننحرم
جايي علينا محرّمك
وزيارتك عمّا قريب
نوصل نزور مخيّمك
بيوم اربعينك يا غريب
*سجلنا زوارك حسين*
〰️〰️〰️〰️
من أسمع بزاير يريد
گاصد يزور لكربله
روحي يم اعتابك تروح
وتوگف ببابك معوله
بشباكك ترتل حنين
تحدي بسبي القافله
واذكر من دروب اليسر
زينب ترد بالأربعين
〰️〰️〰️〰️
*نعم سيدي الليله نزورك بارواحنا المشتاقه نقصد لضريحك كما قصدت زينب يوم الاربعين~* تگله
يا حبيبي… جيتك بعبره جريه
يا حبيبي… امسح دموعي الجريه
يا حبيبي… يا غريب الغاضريه
آيمظلوم… اشتاگت الروح لزيارة
آيمظلوم…عيني تنظر للمناره
آيمظلوم… منك اطلب هالإشاره
*اذن لنا يا مولاي بزيارتك*
يمتى ٱجيلك … واطلب الإذن على بابك
يمتى اجيلك… اعفّر خدي باعتابك
يمتى اجيلك… بٱربعينك واشتم ترابك

*لحن الجفيري زهراء*
إذنلي ازورك يا غريب
والطم على الخد التريب
ابكي على الشيب الخضيب
بيوم اربعينك يا حسين
******
اقسم عليك بذبحتك
وفقني اجي لزيارتك
ابكي وانوح بعتبتك
بيوم اربعين يا حسين
خادمة آل محمد✍🏻

عايش برحمة دعائك★ وأنتظر ساعة لقائك
شيب المعاتب غزاني… ليل المناطر ولاني
ــــــــــــ ــــــــــــ ــــــــــــ
عݩة مــا نازح  ولاكــن  انتة نازح
عايش بيا ديرة هسة ياابو صالح
اني مذنب وانتة مِْن طبعك تسامح
هوة من طبع اليحب لآزٍمٍ يصارح

منتظر منك أشارة ★ ابگلبي ماتطفة حرارة
واحسب الجيتك ثواني… وليل المناطر ولاني
ــــــــــــ ــــــــــــ ــــــــــــ
ياعذر ياخذني ليــك أويا وسيلة
دمعة المشتاك  مــن توگع ثگيلة
للنواظر  مــابقت  يالمهدي حيلة
خاف اهظمك من احلفك بالعقيلة

تاكل ابروحي الملامة ★ شوفتك اغلة ابتسامة
تحقق الكلبي الاماني… وليل المناطر ولاني
ــــــــــــ ــــــــــــ ــــــــــــ
اني بالدنية عــدم لْـۆ ما وجودك
هوة حتة الكون مخلوق اعلى مودك
احسبني يامولاي جندي من جنودك
روحي نبتة اسگيهة  من شلال جودك

اتبدة وتلمني المواجع ★ تركض ابعيني المدامع
عالجمر گاعد واتاني… وليل المناطر ولاني
ــــــــــــ ــــــــــــ ــــــــــــ
والله منك مستحي ابگد المصايب
بينك وبيني الذنب مولاي حاجب
اعمالي كلهة تشوفهة وعينك تراقب
وادري ذنبي ايسبب الشخصك متاعب

أمروتك اقبل اعتذاري★ تايب ودربك قراري
من ذنوبي هواي اعاني… وليل المناطر ولاني
ــــــــــــ ــــــــــــ ــــــــــــ
اعيوني مڵت وانتظر طيفك يمرهة
ال يمتة فوك الساني صاير مستقرهة
الگاع عطشت والنهر زاعل شجرهة
ناس عمية اگلوب مو عمية أبصرهة

أمݘلب ابخيط امنياتي★ لطمتي وصومي وصلاتي
أربع احروف ابلساني… وليل المناطر ولاني
ــــــــــــ ــــــــــــ ــــــــــــ
يختلف ملگة الغرب عن الغوالي
المالة  أول  بالمقابل  مــالة تالي
بيك سارح فكري ومرافك خيالي
ادري ليلك قاسي مو مثل الليالي

تنحب ومكسور گلبك ★ ندبة اقرالك واندبك
الك ياصاحب زماني… وليل المناطر ولاني
ــــــــــــ ــــــــــــ ــــــــــــ
صعبة يا أخر أمل حجيي الملامة
بعد ماندري الظهورك جم علامة
كمنة ندعي المهدي يطلع بالسلامة
نشوفة لابس درع جدة والعمامة

ياحلم يمتة نشوفك… نركض بلهفة ونطوفك
بشوفتك يهتز كياني… وليل المناطر ولاني
ــــــــــــ ــــــــــــ ــــــــــــ
تمت
الْحٍمَدٍ للـّہ
✍كلمات الخادم… حسين حمدان الدلفي
رزق مولاي صاحب الزمان… عج

https://tttttt.me/joinchat/AAAAADyvNcFdjoQh-74liA

✍️ للشاعر سيد مرتضى الياسري
🔸مجالس استشهاد مولانا الامام
- محمد الجواد (عليه السلام) 1440هـ
🔻هيئة سليل الطهر (عليه السلام)
▪️بغداد
👐اللهم عجل لوليك الفرج
https://tttttt.me/MajalesAlKhaqani


رابط المشاهدة على اليوتيوب ⬇️
https://youtu.be/f5HdV65XLdA

#عقيلة_الزهراء
جديد محرم ١٤٤٢ هجريه قصيده بعنوان (آهات زينب)

الگلب مالوم... يايمه حضري بعجل
الگلب مالوم...خويه نايم عالرمل

اخذ حيلي يايمه مصاب الطف

////////////////////
آنه زينب احجي ظيم المر عليه
من الهظم تدري شيبتني الغاضريه
بعيني ظلت صورة حسين الشفيه
ابد متفارگ خيالي جثه ظلت عالوطيه

بدمع جاري... سمعي يا يمه الخبر
بدمع جاري... حسين محزوز النحر
اخذ حيلي يايمه مصاب الطف

▪️▪️▪️▪️▪️▪️▪️

شرد اسولفلج ييمه من المصايب
تدري يمه بالحصل دلالي ذايب
شفت اخوتي عالثره حدر الترايب
گلبي مفجوع من الهظم راسي شايب

حسين اخويه... تخضب بفيض الدماء
حسين اخويه... تسحگه خيل البغاء
اخذ حيلي يايمه مصاب الطف

خادمة الزهراء / ليلى زغيب
▪️▪️▪️▪️▪️▪️▪️▪️

يمه عباس البطل راح ونساني
خوتي موته منظرهم والله عماني
من مصيبة لمصيبه القهر سلاني
اوين الزمن بعد الاخو وداني


دمعه واونه... على عباس الكمر
دمعه واونة. ... بعده گضيت العمر
أخذ حيل يا يمه مصاب الطف

🍃✍العلويه ام يوسف✍🍃
▪️▪️▪️▪️▪️▪️▪️▪️

حيل تعبني زماني يالزجيه
ماشفت راحه ابحياتي بس اذيه
راحو اخواني ذبح وسفه امن اديه
دمعتي ظلت على اخدودي جريه

المر عليه.... ابد مامثله جره
المر عليه... خلي ناري اموجره

اخذحيلي يايمه مصاب الطف
▪️▪️▪️▪️▪️▪️▪️▪️

اخذ حيلي الجره بارض الطفوف
والخيل والعدوان والنار وسيوف
وابو فاضل طاح مكطوع الجفوف
والحرم بيها العده ويلي تطوف

بس تنادي.... يمه وتهل الدمع
بس تنادي... وونها ابد ماينسمع
اخذ حيلي يايمه مصاب الطف

✍️ام زهراء الزيداويه البصراويه


تمت بقلم شاعرات
خادمات ال البيت
لايجوز حذف الأسماء
نسألكم الدعاء



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

*لبيـك يـا مهـدي* ✊🏻
😭يا صبح يطلع يا مهدي وانت يا مولانا حاضر

ترجع النا بالسلامة وتمسح دموع النواظر

تظلل بكفك علينه
نحلفك تردّ النه باچر

رهنك وطوعك يا مهدي
ونفدي لك كل المناحر


نجدد البيعة بعهدنا ونحفظ بدمنا الشعائر

وكل أملنا نلبي باسمك من تصيح هل من مناصر
*لبيـك يـا مهـدي* ✊🏻
خادمة آل محمد✍🏻