(الزهراء تنصب عزاء الجواد ع ~(لحن الخضيب♪))

الزهره تعنت بالدمع هالليلة للمأتم
تبكي وگلبها منفجع تهل الدمع من دم
نصبت عزيه نايحه علِّ قضى بالسم
وياها املاك السمه وتنادي يا مسموم
آيمسموم~~~³آه
•••••••••••
آيبني مسموم الچبد لاجلك لزيد النوح
كم محنة عانيت وظلم وفوق السطح مطروح
كنك تواسي بمحنتك مصاب لقضى مذبوح
واسيته يبني بالعطش وبجنازتك هاليوم
آيمسموم~~~³آه

خادمة آل محمد✍🏻

(مصاب الجواد ع لحن الشيخ علي الجفيري♪)

آيالجواد ومحنته
والله عظيمة مصيبته
وذيك اللعينه لسمّته
چبده التهب ويلي بجمر
*
لمصابه خل نبكي دم
چبد تفتت بالألم
دهره أبد لا ما رحم
صايم قضه بضيم وقهر
***
واسى الحسين بهالمحن
مرمي ثلاثة بلا دفن
من يحضر يجيب الكفن
يشيع جنازة للگبر
****
فوق السطح نعشه ارتمه
واجتمعت املاك السمه
تنوحن وتنصب مأتمه
وتلطم ومدمعها نهر

خادمة آل محمد✍🏻

ذكرى شهادة مولانا محمد الجواد ع



راح ومن أدي ضاع....وزغير آنه أعله الاوداع
طوله وذيج العيون..........مايندفنن بگاع
........................................
آنه الهادي بس اهواي هضموني
من أعيون ابوي وطوله حرموني
شما أقيس النعش أكبر امن امتوني
وقبل لا أدفنه كون آنه ادفن اعيوني

الماعلمني انساه........ما اگدر بلياه
الذكره وأحلى الأيام.....ما يندفنن بگاع
........................................
وحگ ذاك الشباب وذيج لچماته
وحگ الما يصير احلف بشيباته
ابوي الما بجه بس اعله عماته
لتراب الگبر ماتحلى ضحكاته

ما اتحمل افراك...شبيدي امعلم اشتاك
وضحكاته العزيزات.....مايندفنن بگاع
..............................................
احاجي بروحي ما فادج أتحزمتي
گوه انگل اجدامي وحاير بونتي
وحرت ابينهن وتفطرت شفتي
ساعه اطيح اختي وساعه والدتي

أعله ابوي شكثر ونيت......طايح كلشي بالبيت
البويه وكل محاچي......ما يندفنن بكاع
............................................
جنه انه وحكيمه بكل مسه نشمه
مو من حضنه ما ينشبع من اسمه
بيه شلون ما تندفن هالنعمه
كلشي بهمه بس لا احفر بهمه

نايم طيب الذات.....ساكت حلو الجلمات
أحروف اسمه ومعاني....ما يندفنن بگاع
..........................................
أندفن ياريت ويه الما أله خوان
من ينعاف وحده يزعل القرآن
المچانه بگلبي ليش ينام علتربان
وأصير شلون للدللني أنه دفان

بيه شكثر الجروح.....بس نايم دوه الروح
دواي وشمعة الدار......ما يندفنن بگاع

......................................
.............................................
من كلشي الجواد بدنيته ملچوم
سبع اسنين عمره ومن أبو محروم
اعلمود الله والفقره شكد يحب الصوم
الصايم حتى ليله بيا ذنب مسموم

الأسمه يوزع امراد.....ماكو لجبدته اضماد
شبابه وهاي الأسنين ....مايندفنن بگاع
...........................................
ثلثتيام صار أبجي عليه بونين
واول مره ما يمسحلي دمع العين
ابوي انطه شبابه وضحه لأجل الدين
ونايم عالسطح ضل بثواب احسين

ثلثتيام مطروح....بثواب النام مذبوح
نوره وعطر الأنفاس.......ما يندفنن بگاع

#احمد ماجد الكلابي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

زور الجواد - باسم الكربلائي (شهادة الإمام الجواد"صلى الله عليه و آله")

حاجه وتمـنيتــها بالعَـَلم شـدّيتــها
وانته تعرف شنهو سرها.. ياحسين
ــــــــــــــــــــــــــــــــــــــــــــــــــــــــــــــــــــــ

لو يِصُب اهمــــــومه كلها اعليـه وكتي
بس ازورن كربله تفـــــــــرج محـــنتي
حاجتي البعـيــــوني تنــزل وي دمعتي
وانته تعرف شكو ابگلبي وشنهو علْتي

گبل لا احچيلك ...... آنه اصيح ادخيلك

ادموعي طلعت من خدرها ياحسين
وانته تعرف شنهو ســــرها ياحسين
ـــــــــــــــــــــــــــــــــــــــــــــــــــــــــــــــــــــ

آنه خادم منبــرك وابقــه اعله عهدي
ما أعـوفــك لـو أظـل بالــدنيا وحدي
إنتــه بالنـســـــــبه إليه كلـشي عندي
كل زيـاره أكـعــــــــــــد ابابك أجـدّي

إيدي ماذلِّيـــتها ....... بـس إلـك مديـتها

مَدّت امجـــدّي اعتـبرها ياحسين
وانته تعرف شنهو سرها ياحسين
ـــــــــــــــــــــــــــــــــــــــــــــــــــــــــــــــــــــ

إعتـبرني آنه واحـــد من عبــــــــيـدك
حتـه من أعطـش يرويني عضــــيـدك
آنه محــتاجـك دوه اوتوگـفـلي اريدك
ما أظن تبخــــل عـليـه ابلمسـت ايدك

عندي حاجه وجيتك ....وانـــه أندل بيتك

حاجتي يمــــــــك أمرها ياحسين
وانته تعرف شنهو سرها ياحسين
ــــــــــــــــــــــــــــــــــــــــــــــــــــــــــــــــــــــ

ما أحـيرن وانته يحســـين ابوجـودي
خادمك ومقصـــر اويـاك ابجهـــــودي
الناس تنزل وانـــه بالخدمه صعــودي
گمت أشم حرگ الخيم حته بسجودي

من أشـم اترابك ........ أشم عطـر اثيابك

باقي بالُتــربه عطـــــرها ياحسين
وانته تعرف شنهو سرها ياحسين
ــــــــــــــــــــــــــــــــــــــــــــــــــــــــــــــــــــــ

كلشي عدنه ايعيش من نبضك حَرَكْـتَه
وكل وجــود الدنيا بحســـــاسك ملكته
من أركّــــز بالنهـــــر تعـرضــــــلي إنـته
والنِده من گد فشـــــلْـته ايطيح سكته

ضامي بالطف عافك ... اتبرّه من اشــفافك

مالِزم روحـــــه وعصرها ياحسين
وانته تعرف شنهو سرها ياحسين
ــــــــــــــــــــــــــــــــــــــــــــــــــــــــــــــــــــــ

خلها خلها الناس ترميني ابحچيها
إلرضت والمارضت ميهمــني بيــها
خدْمتي حسين المهم راضي عليها
وانه چنت ازغير ربّتني اعله اديها

خدمتك نوماسي ........ بيهـا رافــع راسي

خدمتك عندي اشـكبرها ياحسين
وانته تعرف شنهو سرها ياحسين
ــــــــــــــــــــــــــــــــــــــــــــــــــــــــــــــــــــــــ
خادم الزهراء مرتجى الحسَّاني

خادم الامام الحسين
#مرتجى الحســّــــاني
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

حَـنِّيت الك ياوالدي وِلْحضنك اشـتاگيت
كِلما تهِب نَسمة هَوَه تِـفتَحلي باب البيت

وامشيلك ابسَكـتَه ... حسبالي اجيت انته
( نسمة هَوَه )
_____________________________

يل ماخــذ اوياك النِـدَه وميـبِّــس الورده
شِيلِمَّه يل عمـــري ابدرب هجرانك اتبده
بويه اليفارگله طفل غير البجي اشــعنده
آنه العـليله وفرگــتك ذبحـــتني وِتـأذيت

يل ذبحي مو وكته ..حسبالي اجيت انته
نسمة هوه
ــــــــــــــــــــــــــــــــــــــــــــــــــــــــــــــــــــــــــــــــــ

بصدرك أشِم امن الزغـر بس ريحـة الملگه
والرابي بحضانك عُـمر يســتغــرب الفرگـه
يابويه والله جفوفي الك محتامه عالشبگه
يالتارس انفاسي عطر بس العــطـر خليت

عطرك تنفـســــته ...... حسبالي اجيت انته
......نسمة هوه
ــــــــــــــــــــــــــــــــــــــــــــــــــــــــــــــــــــــــــــــــــ

يل كلشي بيه ايحِن الك مشـتاگه لحضانك
كل مغرب امصلايتك افرشــــــها بمــچانك
بكلشي حلـو بس الهجـر مو حلوه بلسـانك
يالواعدتني ابجيِّتك حته ابحــــلم ماجيت

طيفك ولاشــــفته ....... حسبالي اجيت انته
.......نسمة هوه
ــــــــــــــــــــــــــــــــــــــــــــــــــــــــــــــــــــــــــــــــــ

أدري الدمع مابي نفع من تخلـص احروفي
راح اغلق ابواب العــتب وافتحلك اجفوفي
ياربي رد حســــين إلي وبجـيته رد شـوفي
شلي ابعمر مابيه أبو حال اليتــــــــم ظليت

كلمن اجه البِـنْته ......... حسبالي اجيت انته
......نسمة هوه
ــــــــــــــــــــــــــــــــــــــــــــــــــــــــــــــــــــــــــــــــــ

من اســـمعـت رد الظعـن كل حيــلي رد بـيَّه
رحـت اركض ابلايه وَعي ملهــــــوفه رجليه
شـافاني ابن حذلم سِـكت ظل صــافن اعليّه
من شوگي ليش اتفاجئِت عني الخبر ظميت

يحچــيلي حلَّـفته ........ حسبالي اجيت انته
.......نسمة هوه
ــــــــــــــــــــــــــــــــــــــــــــــــــــــــــــــــــــــــــــــــــ

ظليت ألـِـح گال الخبر خاف احجي ويكتلِچ
هسه آنه من طف كربله جايب خــبر اهـــلچ
كلهم ضحــايه اعله الثـره والعــــــيله ردتلچ
لاعمــج او لاوالــدج بس بالجـــــــرح رديت

يالگلبي گطعـــته ........ حسبالي اجيت انته
.......نسمة هوه
ــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــ

دعواتكم........

خادم الامام الحسين ع
#مرتجى الحساني
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

من سابع المُستحيلات يِنذلَّـن الفاطمـيات

كافـل خدرهن ولسـتـرهن أفدي الـزنود
يازلمه يگرب لَختي زينب وانه موجود
ــــــــــــــــــــــــــــــــــــــــــــــــــــــــــــــــــــــــــــــــــ

اتكفلتهن وانه مســـــؤول اعله كلشي
مايمــــر بيهـــن خطر الا اعله نعــشي
آنه أمشي او إختي جَوّه الرايه تِمشي
زينب المفروض تگعـــــد جـوّه رمشي

بعيوني محروسه ياناس ... ماتنـذل او يمها عباس

زينب وصيتي وبحميتي ظِلـها معگـود
يازلمه يگرب لختي زينب وانه موجود
ــــــــــــــــــــــــــــــــــــــــــــــــــــــــــــــــــــــــــــــــــ

آنـه گِـلْـت احچــايتي اوماثَـنِّي بيـها
المــوت إلّا بموتي ما يگــــرب عليـها
إختي مامســـموع حِـسها ولابچـيـها
إختي تامِـــــر وانـه حاضر بين اديها

لو عُطشت ورادت الماي .. تِلگه الفرات اعله يمناي

تدلل اختــي وبرگبتي أوفي العهـــــود
يازلمه يگرب لختي زينب وانه موجود
ــــــــــــــــــــــــــــــــــــــــــــــــــــــــــــــــــــــــــــــــــ

گبل موسى اثنـعـــــش عين اتفجرتـله
ابگد الٱسباط وعـــــــــددها اتوزعـتـله
ابسيفي من اضرب الطف عيون أحوْلَه
ابگد عدد جيش الحسين وعندي سهله

لو اَلله وِحسيني يِرضون .أترس أرض كربله عيون

وافجر عيوني للنخوني اونطروا الجود
يازلمه يكرب لختي زينب وانه موجود
ـــــــــــــــــــــــــــــــــــــــــــــــــــــــــــــــــــــــــــــــــ

يامكانه البيها أخوي اخـتصني وحدي
آنه قائد وانه كافــل بيهـــــــــم أحدي
راي أبو الســــجاد نَـص قُـراني عندي
وِنعـگَـــــد بالـرايه وِانشَــد اعله زندي

لارايه لا كِلْمِته اتطيح ... أنهضله مِن أسمع ايصيح

ســـمعاً وطاعه مو إشاعه كلمة احيـود
يازلمه يكرب لختي زينب وانه موجود
ــــــــــــــــــــــــــــــــــــــــــــــــــــــــــــــــــــــــــــــــــ

حاول اوياي الشـــــمـر مافـاد غَدره
گَلي عوف حسـين أخوك اولاتنصره
گِـتله آنه امعـاهده عمري اعله عمره
أَنطي دَمي وماانطي بحسين شَعره

إنطيته كلمه وبقت دَين ... وعهدي وِفِيتَه اويه الِحسين

لا ما أبايع جاي ادافـع واحمي الِحدود
يازلمه يكرب لختي زينب وانه موجود

ــــــــــــــــــــــــــــــــــــــــــــــــــــــــــــــــــــــ

خادم الحسين ع
مرتجى الحسّاني

#خادم الزهراء مرتجى الحسَّاني
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

للأكبر "ع..

يـا أوّل فـدائي من طف كربلائي
ـــــــــــــــــــــــــــــــــــــــــــــــــــــــــــــــــــــ

انته أول فارس كـربلــــــــــــــه طبـاها
باستك بجــــــدامك من دِست فوگـاها
الغيـره بيــــك اتباهت حكها من تتـباها
ساعه اشوفك حيدر ساعه اشوفك طه

أنصبلك عزائي .......... يا أول فدائي
ــــــــــــــــــــــــــــــــــــــــــــــــــــــــــ

يا أســــد بجفوفك سيطر اعله الغابه
واليخالف رايك يدري قاسي احسابه
إگلب الطف خيـبــــــر يله واقلع بابه
بالعجب خليهم حيــــدر النه اشجابه

تستاهل دمائي .......... يا اول فدائي
ـــــــــــــــــــــــــــــــــــــــــــــــــــــــــــ

خل اشـــــــاهد حيدر آنه من افعالك
والزلم تتراجــف من تشوف اخيالك
والله أشـــجع فارس مايصير اكبالك
للخـــــــلــف متعـاين حتى لو جتالك

عالمنبر ندائي .............. يا اول فدائي
ـــــــــــــــــــــــــــــــــــــــــــــــــــــــــــ

حامي عن احدودك يالغــيور ابسيفك
واليريـد ايحـــــوفك كبله طلّع حيفك
اخبطهم وصفيهم الحرب كلها ابكيفك
خل تفز مرعوبه من يمـــــرهم طيفك

يالثارك لوائي .............. يا اول فدائي
ـــــــــــــــــــــــــــــــــــــــــــــــــــــــــــــــ
كبل ليغـدرونك اخذ منهـــــــــم ثارك
ومن شرار عيونك بيهم اشعـــل نارك
هذا بكر ايصيحك صوته واصل دارك
عمر ابن ود ثاني ينتــــــــــظـر بتـارك

يالأمرك نهائي ............. يا اول فدائي
ـــــــــــــــــــــــــــــــــــــــــــــــــــــــــــــــــــــ


خادم الحسين ع
#مرتجى الحسّاني
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

[ طواف الخيام ]

كِلها اتطوف الكـعبه وانته اتطوف اخيامك
بس إنته وعـايلـتك بالطف صـار إحـرامك
لبيك… اللهمَّ لبيك
_________________

حِكمَـه اوراي مِجتـمـعات بيــــك اثنـين
تِدري اشـراح بيك ايصير وانته حسـين

رسايلهم إجت بيهـن يبـشــــرونك
تعال إقدم إليـنا إنته وظـعـــــونك
نِزعت احرامك او عَن لا يغدرونك
عليك اتآمروا بالحَـج يِقـتــــلـونك

إنته أعرف بالـــوادم شتخطط شتظملك
لو بٱســـــــتار الكعبه گالـــوا هم انقــتلك

[ يل مُنقـذ إســــلامك بالطف صار احرامك ]
لبيك… اللهمَّ لبيك
_________________

اويـــه الآذان ناوي اتســير بظـعونك
طعنت سيف صرخت ماي بعـيـونك

غُبشت امن الصبح وامسـلح ابْـنِيتك
علي وعباس والقاســم واهــل بيـتك
گِلِت عطشان أموت وعِـفت تَـرويتك
سَـبِـع أشــواط بخـــيـامك امتـانيتك

نِـيَّه ورايــه ومَــبـــدأ و آيه بوسط الهودج
مو بالكـعـبه اتِحجون ليلة عاشــور الـحَـج

[ يمشي الحگ جِدامك بالطف صار احرامك ]
لبيك…… اللهم لبيك
_________________

للطف جــاي مِن ابعـــيـد شَـر لاگــوك
ونمــــــدِّيت سُفرت خـير بس داسوك

سَعيت اشگد لچـن ماحصّلِت گطره
وَلا حَـنْ الفــرات لخـــاطـر الزهـــره
بِنَـه بگلبك يبو اليمه العطش حظره
اشيفـلـها ولِـزمت بشـباچك الجمـره

بين اخيامك والشط تِسعِي وماطَگ زمزم
كلما تِطلــــب مِنهــم تِرجـع بچــفـوفك دم

[ صوت الـدم إعلامك بالطف صار احرامك ]
لبيك…… اللهم لبيك
_________________

طَواف اوداع عل خـــيـمات گبل المـــوت
الله اويـــــاچ يخت حسين آخــر صـوت

تعالَـن مِن أخوچـن شِـبعـن امـلاگه
گـرب وكت الرحـيل لساعة افـراگه
يزينب ديري بالِـچ خويـه عل ناگه
رقيـه لا تطـيح، لحضني مِشـتـاگه

لمّن يحدي الحادي عينـچ خويه اعليـها
دَبـريلـــچ تَـرچــيَّه وْعَن الطف شِـغليها

[ بينه اتصـيح آلامك بالطف صار احرامك ]
لبيك…… اللهم لبيك
_________________

يل محـــروم مِن المــــاي مـا تـِنــذَل
عكس الناس إنته اتعيش مِن تِـذبَــل

يل امقـدِّم علي وعبد الله والقــاسِم
أَضاحِي بكربله وْعَمهم گـمر هاشـــم
يَوَحدك بس عليك الجـيش متزاحِم
وْچنت واگــف جبـل ماهـزَّك الظـالم

يل ضحِّيت ابنحرك من أجـل الحُـــريَّه
واتـقـــــرَّبت لـربــك في هاي الأُضْحيَّه

[ كِملت كل أحـلامك بالطف صار احرامك ]

_________________

جيشك چان عن سبعين كل واحــد
ماينهــــــــار والعبـــاس بِـي قـائــد

أبو فاضـل كِشـف عن وجهـك المِحْـنَه
ابوجوده ٱمن الطعِن خاصرتك امأمْنَه
إذا حدَّه انســـــحـگ مايقـبـل ابْـهِـدنه
نِـلـوذ ابسِــد عضيـــدك بالشـــدد كِلنه

احنه ابجال اعضيدك وِبجـالك يل غــالي
يابو اسكينه امْرُوتَـك مااريد أرجع خالي

[ يل صابتني اسهامك بالطف صار احرامك ]

_________________

خادم الحسين ع
#مرتجى الحسَّاني

كل ماشُوفك ياماي بالطـف يتــراوالي
بين حسين وعباس غالي ايودِّع غالي

ياماي حِنّ اعليهم ... ياماي فدوه ارويهم
غالي ايودع غالي
ـــــــــــــــــــــــــــــــــــــــــــــــــــــــــــــــــــــ

ياماي النـهــر جرفك مانغَـر بيك اتوســـلَن ســــكـنه ورقـيه

من كثر الألـم يبجن بالخيم وطفله اتنادي عمي الحك عليه

والباقــر يون كلبك مايحِـــن الله ايلعـــــــــــــنك اويلعن أميه

من گد حسرته ذابت مهجــته وي عبد الله يتألم ســـــــــــويه

عباس اگبالك طاح بس جرفك سدِّيته
وحســين بآخـر روح شِفته اوما رَوَّيته

جاليش تغدر بيهم ....... ياماي فدوه ارويهم ........غالي يودع غالي
ـــــــــــــــــــــــــــــــــــــــــــــــــــــــــــــــــــــ

سـكنه بلا نَفَس وِحشاها يِـبَس گطـره احتاجت اتبرِّد گـلبها

وجهك ماعـرگ ريجك ماشرگ لو ماتت أكيد إنته ســـــببها

شنهي الأخّـرَك جنت أتصوّرك تركض ليهـا وتبّـرد لهـبها

وزينب تنـتظِــر هاي أم الخـدِر طـلبت منك وترفض طلبها

زينب بالخيمـــــه اتلوج وتعـاتب جرفينك
چاما جيتلها ازحوف حتى اتشوف بعينك

ظنيت ماناسيهم ...... ياماي فدوه ارويهم ........غالي يودع غالي
ـــــــــــــــــــــــــــــــــــــــــــــــــــــــــــــــــــــ

حتى البالمـهـد للموت أســتعَـد بالطف ينـتــظر ساعة مِنيته

عبد الله الطفـل يمــــــك ينقـتل وبسهم العطش بالطف رميته

ليش ابكربلــه اتطاوع حرمـله ماجيته گبل سهمه او رِويته

من دمه ارتوه حرَّمتـــه الهوه فوگ اجفوف أبوه مَـيّت لگيته

عبد الله اتلث تيام گلبه اتجوّه بجـــمـرك
ماطلعـــت گطرت ماي منك ظل ينتظرك

بالنار لا تچويهم ... ياماي فدوه ارويهم ....... غالي يودع غالي
_________________________

لو إسـمك يمُر كلبي إيشب جمُر شـــمعه وذابت ابنارك حـياتي

من أنظر نهر أتذكــــــــــر گمر طاح ونـاده عـذراً ياخـــــواتي

ياماي وبعـــد ماعــــــذرك أبـد وابقــه أعـتب عليك لحد مماتي

مايك لاجــره لاشـــــــالك ثـره أدعي اعليك أظل حتى بصلاتي

مايك ظل يجري شلون وجروفك تتلاطم
وبالطف ذنبك ياماي اكـــــبر من ذنب آدم

ماجيت نادم ليهم .... ياماي فدوه ارويهم ..... غالي يودع غالي
ـــــــــــــــــــــــــــــــــــــــــــــــــــــــــــــــــــــ

سـاكت ياعجـب ماتسوه العتب بس من ظيمي أسألك وآنه نادِم

هيجي ابكل حقد ضيفك ينطـرِد هيجي اتعــامل اضيــــوفك يظالم

تجري بلا خَجَل والعـيله ابأمل تـنـتـظرك بالخــــــــــيام الفواطم

والأكـــبر غـده يشـكي لـوالده وجمره امن العطش بلسانه جاسم

أعتب كل عمري علِيك بس ماتسوه عتابي
يل ذابحني بعاشـــــور وِمخضب محرابي

يشكون ماتِطفيهم ..... ياماي فدوه ارويهم ...... غالي يودع غالي
ـــــــــــــــــــــــــــــــــــــــــــــــــــــــــــــــــــــ



خادم الحســـــــين ع
#مرتجى الحـسَّــــاني

*واجواداه ~ وامسموماه~ لحن يا ليلة الحادي عشر للشيخ زمان الحسناوي~*
نِصْبوا مآتم هالعزا شيعه يا جعفريه
الزهره تنوح لمحنته لسور الهاشميه
ثْلاثة ليالي بْلا دفن فوق السطح رميّه
مات الجواد بغربته
وچبده ياويلي تسمّم
〰️〰️〰️〰️
*لسان حال زوجته سمانه المغربيه*
لحظة يا رايح للگبر ما ودّعيت عيالك
وردة شباب مذبّله واتبدّلت احوالك
منهو بعد عينك يجي يمسح دمع اطفالك
ارحم دليل العايله تبچي بمدامع من دم
〰️〰️〰️〰️〰
*امامنا الجواد بلغت روحه التراقي صعد الى سطح الدار ورمق السماء بطرفه… يواسي جده الحسين بعطشه يوسي جده الحسين مطروحا تحت اشعة الشمس والحر يواسي جده الحسين ثلاثة ايام لم يدفن اي واجواداه ~ اي ومسموماه~*
عند المنيّه من حضر وغمّض ياويلي عيونك
شحاله اجت له مْنيّته
تصبب عرق بجبينه
من سبل اطرافه وحضر
يمه وعدل رجلينه
وطلعت ياويلي رويحته وبحاله الله ليعلم
واجواداه واجواداه~
خادمة آل محمد✍🏻

*#واجواداه وامسموماه*
جواد الآل تكسر الخاطر حالته~~
وين الهواشم تحضر الليله جنازته~~
الله يعينه من لفت له منيّته
وحده يعالج بروحه وعينه سايله
〰️〰️〰️〰️
من يسبل ايدينه ومن يغمض العين
روحه عالترب فاضت ويجذب ونين~~
كنّه يواسيه بموتته جده الحسين~~
فوق السطح ممدود واويلي بالفله
〰️〰️〰️〰️〰️
يواسي بموتته جده الحسين مذبوح~~
ظامي الچبد وشلون طلعت الروح~~
جنازة غريبة بحر الشمس مطروح~
مسموم امامي ويبچي الغريب بكربله
〰️〰️〰️〰️〰️
*هذا امامنا الجواد ع لحظات الاحتضار يتذكر مصاب جده الحسين ع وكيف فاضت روحه على الرمضاء* يگله ~
جسمي سالم وجسمك عالغبره سليب~
هذا راسي وراسك شيبه خضيب ~
خلني اواسي جسمك عالغبره تربب
سلام الله على نحرك ودمومك السايله
حسين~~~
السلام على الحسين😭
خادمة آل محمد✍🏻

مَنَالُ الأماني...ببابِ الأمانِ
بالجوادْ
وحِرْزُ الزمان...وحِصْنُ المكانِ
بالجوادْ

فـدُنْـيـانـا زهــــيّهْ
بشَمْسِ الكاظميهْ
بالجوادْ

١/تاسعٌ مِنْ آلِ (ياسينَ) و(عَمْ)
فضلُهُ قدْ غمَرَ الخلْقَ وعَمْ
إنَّهُ أَشْهَرُ مِنْ نارِ عَلَمْ*
فعلَى الجودِ لهُ رفَّ العلَمْ
كفُّه بابُ عطاءٍ ونِعَمْ
قبْلَ أَنْ تطرقَهُ..تأتي: "نَعَمْ"

فَمِنْ كلِّ نادي...أتيْنَا نُنَادي
للمُرَادْ
بسطْنَا الأيادي...لخَيْرِ العِبَادِ
للْمُرادْ

فمِفتَاحُ القَضِيَّهْ
بشمسِ الكاظميهْ
بالجَوادْ

*أشهرُ من نارٍ على علَمْ
مثلٌ قديم: يعني به أشهر من نارٍ على جبل.

٢/إنَّهُ والميْتُ في قعْرِ الحُبُوسْ
علَّما دهْرَ الخياناتِ الدُّروسْ :
آلُ طهَ وحدَهُمْ مَهوى النُّفوسْ
وعلى أعتابِهِمْ تحنو الرؤوسْ
وكفانا مثلاً: شمسُ الشُّموسْ
ذَلِكَ السُّلطانُ في مشهدِ طوسْ

عليُّ بنُ موسى...يضيئُ الشُّموسا
للعبادْ
يداوي النفوسا...طبيباً كعيسى
للعبادْ

وأعطـــانا هــديَّهْ
بشمسِ الكاظميهْ
بالجوادْ

٣/حدِّثي بغدادُ عنْ غدرِ الزَّمنْ
أَبْعَدَ الــطَّيِّبَ عنْ أرضِ الوطَنْ
قُرصُ خُبْزٍ عند طٰهَ المؤتمنْ
لا تساويهِ قصورٌ وجِنَنْ
والذي في قلْبِهِ زادَ المِحنْ
أَنَّهُ اشتاقَ إلى "أُمِّ الحسنْ"

بنفسي الشبابا...مِنَ الهمِّ شابا
في ابتعادْ
وذاقَ العذابا...مصاباً مصابا
في ابتعادْ

فما أَدْهَى الرزيَّهْ !
بشمسِ الكاظميهْ
بالجوادْ

٤/مَحْجِرُ العرشِ تَراءَى أبْيضا
يذرفُ الدمعَ على خدِّ الفضا
مثلَ طهَ، سيِّدُ الجودِ مضى
زوجُهُ دسَّتْ لهُ سُمَّ القضا
نَفُسها عادتْ ببُغضِ المُرتضى
نَفْسُها قدْ قتلتْ إبنَ الرِّضا !

تعــدَّتْ بقوْلِ...عَلَيْهِ وفِعْلِ
بالــعِنادْ
فلا "أمُّ فضلِ"..بلى "أمُّ قتْلِ"
بـالـعِنَادْ

بدتْ تِلكَ الأذيَّهْ
بشمسِ الكاظميهْ
بالجوادْ

٥/"جبلُ النورِ" هوى في الدَّكَّتينْ
لرَبيبِ الوَحْي نجْمِ الخافِقَيْنْ
ذا يدُ اللهِ وثـــاني الثَّقَلَيْنْ
مُثقلاً بالغصْبِ قدْ جرَّ اليديْنْ
زاحفاً للسَّطْحِ يُجري الُمقْلتينْ
وينادي "واحسيناً" واحُسينْ"

على السَّطحِ ينحَبْ...وأحشاهُ تلهبْ
باتِّقادْ
فــ"آهٍ لزينبْ"...وخِدْرٍ مُسلَّبْ
باتِّقادْ

دمــوعٌ زينبـــيّهْ
بشمسِ الكاظميهْ
بالجوادْ


٦/أقْبَلَ الضِّلْعُ بآلامِ الجدارْ
وانحنى يبكي لهُ ليلَ نهارْ
ينظُرُ الُملقى على سطْحِ الدِّيارْ
قدْ رمَوْهُ للثَّرى بئسَ القرارْ!
حرَّ قلْبي لحسينٍ في القفارْ
صدْرُهُ قَدْ صبغَ الخيلَ احمرارْ!

أَتَتْهُ الخيولُ...عَلَيْهِ تجولُ
في الوهادْ
فناحَ الرسولُ...لهُ والبتولُ
في الوهادْ

وَيَا جُرْحَ الزَّكيَّهْ!
بشمسِ الكاظميهْ
بالجوادْ

٧/أَيُّهَا المضْطَرُّ ما بيْنَ العبادْ
جرِّدِ الصَّمصامَ كمْ طالَ الحدادْ
قــدْ ملَـلْنا سيِّدي ثوْبَ السَّوادْ
ها هي الأكفانُ تشتاقُ الجهادْ
أينَ خيلُ اللهِ تجتاحُ البلادْ ؟
وتنادي "يا لثاراتِ الجوادْ"

مَتَى يا بْنَ حيدرْ؟...نرى السيفَ يُشْهَرْ
للرَّشادْ
بِكَ الكَسْرُ يُجْبَرْ...وذو العرشِ يثْأرْ
للرَّشادْ

سألنــاكَ العَـطِيَّهْ
بشمسِ الكاظميهْ
بالجوادْ


https://tttttt.me/AliOsailyAmily

معلومات عن الإمام الجواد
لعلك لم تسمع بها من قبل
📝📝📝ا📝ا📝📝📝

في أجواء ذكرى شهادة إمامنا التقي الجواد (سلام الله عليه)، نستعرض جملة من المعلومات التي قد تكون مجهولةً بالنسبة للكثيرين منا.

*المعلومة الأولى*
🔹 بشَّرَ بولادته ثلاثةٌ من المعصومين:
١/ رسول الله صلَّى الله عليهِ وآلِه، حيث قال: *"..نطفة مباركة، طيبة، زكية، رضية مرضية. وسماها محمد بن علي، فهو شفيع شيعته، ووارث علم جده، له علامة بينة وحجة ظاهرة..".*
٢/ الإمام الكاظم (سلام الله عليه) أوصى أبا إبرهيم إذا لقي الإمام الرضا (عليه السلام):
*"فبشره: أنه سيولد له غلام، أمين، مأمون، مبارك".*
٣/ الإمام الرضا (سلام الله عليه):
*"إني أُشهد الله انه لا تمضي الأيام والليالي حتى يرزقني الله ولداً منِّي".*

*المعلومة الثانية*
🔹 وحيدُ الرضا عليه السلام
وقد قال الإمام الجواد لأحمد القمي:
*"ذهبت الشبهة، ما لأبي ولد غيري".*

*المعلومة الثالثة*
🔹 كلامه عند ولادته
لما وُلِدَ عليه السلام قال:
*"أشهد أن لا إله إلا الله.*
فلما كان اليوم الثالث، عطس، فقال:
*"الحمد لله، وصلى الله على محمد وعلى الأئمة الراشدين".*

*المعلومة الرابعة*
🔹 أولاده (سلام الله عليه)
قال الشيخ المفيد والشيخ الطبرسي وغيرهما من علمائنا رحمهم الله أنَّه (سلام الله عليه) ولدَ له ابنان وابنتان لا غير.
*الإمام علي الهادي، وموسى المبرقع، وفاطمة، وأُمامة.*

*المعلومة الخامسة*
🔹 إمام عمره ٧ سنوات
وُلِد (سلام الله عليه) سنة ١٩٥هـ، واستشهد سنة ٢٢٠هـ، فيكون مجموع عمره الشريف ٢٥ سنة تقريباً.
*وكان عمره يوم استلم الإمامة سبع سنوات*
ولا عجب! فلقد جعل الله عيسى بنَ مريم نبياً وهو طفلٌ في المهد

*المعلومة السادسة*
🔹 قسيمُ درجات الجنان
عن النبي صلَّى الله عليهِ وآلِه:
*"...ومحمد بن علي مُنزِلُ أهلِ الجنة في درجاتهم...".*

*المعلومة السابعة*
🔹 جواب ٣٠٠٠٠ مسألة
روى الشيخ الكليني والشيخ المفيد عن إبراهيم بن هاشم، أنه (عليه السلام) *أجاب في مجلس واحد عن ثلاثين ألف مسألة. وله من العمر تسعٌ أو عشر سنين.*
👈🏻 أقول: قد تستغرب هذا العدد! إذ لو فرضنا أنَّ كل سؤال مع جوابه استغرق ست ثوانٍ، فإنَّ الـ٣٠٠٠٠ مسألة تحتاج من الوقت ٥٠ ساعةً!! فكيف وقعت في مجلسٍ واحد؟!
ويزول الاستغراب بمراجعة المجلد ٥٠ من كتاب بحار الأنوار ـ ص٩٣ و٩٤، حيث ذكر عدة وجوهٍ، إن لم يقنعك بعضها أقنعك بعضها الآخر

*مسكُ الختام*
🔹 جوابٌ يُفتح به من العلم أبواب
عن عمر بن فرج [وكان ناصبياً]، قال:
قلت لأبي جعفر: إنَّ شيعتك تدَّعي أنك تعلم كلَّ ماءٍ في دجلة ووزنَه؟ وكنَّا على شاطئ دجلة.
فقال: *"يَقدرُ الله تعالى على أن يفوِّضَ علم ذلك إلى بعوضةٍ من خلقه أم لا؟"*
قلت: نعم! يقدر.
فقال: *"أنا أكرم على الله تعالى من بعوضة، ومن أكثر خلقه".*
🔹🔸🔹🔸ـــ🔹🔸🔹🔸
وكتب عبدُ ساداته الدر العاملي
الأحد: ١٢/ ٨/ ٢٠١٨ جبل عامل

#الامام_الجواد
#عظم_الله_اجوركم
#الدر_العاملي
#اقرأ_وانشر