((انتضار محرم لكن بندم ))
طوبى للوالهين طوبى،ك للمنتضرين




بعيده جروحنه عن المذابح
بغيرك والفكر يحسين سارح
يمر بينه هدوئك واحنه ضجه
كون الخاطرك نرضا ونسامح

بُغضّ بيناتنه وحسين عاري
البُغض ميصير وي الدمعه جاري

نعمتنه الچبيره خدام الاميره
الخاطر زينب تروح مشاكلنه الزغيره

أنه عبد العقيله
****
افتح صفحه بيضه ويه المخيم
بعد چم يوم ويَبَينّ محرم
المايرضا ويگول الخاطر حسين
ليش إيگول أنه بحبه مُتَيم

نَضفّ گلبك بحب العقيله
محرم باچر ويوم العليله

البحبه تحَزم وجوباً ينطف الدم
المولاته السبيه والجسمه تَخَذم

أنه عبد العقيله
****
المجالس والخدم عباس كيفه
المجلس مو مضيفك لا (مضيفه)
دنگ وأفتهم معنى العبادات
التريده يصير بس انخه شريفه

كون الخدمه بس تركض وراها
ماي وبالرمل كلمن چفاها

حيل أحرص عليها الخدمه وأشتريها
يا ما ناس بالروج راحت من أديها

أنه عبد العقيله
*****
صلي أعله الرضا وأطلب خدمتك
ومن جمراته خل تلهب جمرتك
اذا تبرد تجف عيونك بساع
أعصر گلبك ونزل دمعتك

محد بينه ضل مذبوح عطشان
الخرابه ابلا سگف وبلايه بيبان

هم تحمل رقيه ركاض الغاضريه
هم تتحمل السوط وعالهزله وسبيه

أنه عبد العقيله
*****
من الكاظم أطلب غيضك إيروح
كض باب الجواد بعبرتك نوح
وخل نيران گلبك تحرگ الغيض
وبينك بين أمامك كون مجروح

كون الدمعه منك ترسم أحبال
ومو بالخيمه ضم بروحك أعيال

العشگ لازم محنه العشگ بليل ونه
كون أتّنوم الليل اذا يوصل ضعنه

أنه عبد العقيله



عبد زينب
#محمد الابراهيمي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

سَـلامٌ عَليكَ حَبِيبي حُسِـينْ
______________

إليـكَ سَـلامي سَـلامُ السّماءْ
أنا زَينبُ الَصّبرِ دُونَ غَطاءْ
وأنتَ قَتيلٌ أنا في العَراءْ

وعَبّاسُ يَهوي قَطيعَ اليدِينْ

سَـلام ٌ عَليكَ حَبِيبي حُسِـينْ
_______________

جَـری نَزف ُرُوحي وهبَّ الجِراحْ
كأنَّ السّماءَ تُناجِي الرّمـاحْ
أ هذا حُـسينٌ أ هـذا صَـباحْ

اراهُ علی الرّمحِ مِثلَ اللُجينْ
_____________

اُخـيَّ اُنـادي ولا مِن مُجـيب ْ
ظننتُـكَ حَـياً وأنـت َخَـضِيبْ
فكيفُ أعـيشُ اذا ما الحبيبْ

يموتُ وتَطـفی شُمُوعُ الحَنينْ
______________
بَكاكَ الجَمادُ وعَينُ الوُجـودْ
بَكتْـكَ النّجومُ وحتّی القيودْ
بكـاكَ عَـليٌ وعِـزُّ الخُـلـودْ

وطـه وجِبريلُ حتّی اليِـقينْ
_______________

وَداعاً وداعـاً نَشـيدُ الوفاءْ
فَـفـي كَـرْبلاءَ يَمُـوتُ اللقاءْ
وَتَحـتَ التُرابِ يَجـيئُ النّداءْ

حُـسينٌ حُـسينٌ حُـسينٌ حسينْ
_______________
  #علي حبيب الشابي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

حيل مشتاك انه حيل
ياشمس كل عمري ليل
يا ابو صالح .. يا ابو صالح
*********
وين واكف بالعزه وكفني يمك
سيدي بالزهره احلفك خل اشمك
ارد اشيل شواي يل اهواي همك
انه واهلي نروح فدوه لحرف باسمك
وين واكف انته وين
ما اندلك اعمه عين
يا ابو صالح .. يا ابو صالح
*********
خذني ليك ولا تخليني بعيد
عليك جفين الوفه ونحر الشهيد
ارد اشوفن لطمتك عالزهره اريد
ايد تمسح بالدمع وعالضلع ايد
ليش محني الظهر ليش
كربله بروحك تعيش
يا ابو صالح .. يا ابو صالح
********
العميه عينه شلون يندل الطريج
ذنوبي والشيطان صارلي رفيج
جبت عمري بغيبتك ضيج اعله ضيج
الدنيا مثل الصحره واحتاجك صديج
ليل يشمرني اعله ليل
ادخيل ابن حامي الدخيل
يا ابو صالح .. يا ابو صالح
********
انا مذنب سيدي وذنبي جبير
شلون ادكن باب غيرك ما يصير
سنين غافل هسه انبني الضمير
وياك اريد وياك اضلن للاخير
هاك كل سنيني هاك
وخلني بس اشتم هواك
يا ابو صالح .. يا ابو صالح
********
كل صباح وكل مسه ارفع اديه
يمتى طيفك يالعزيز يمر عليه
خلصن سنيني وبعدني متاني جيه
خل اشوفك سيدي بداعت رقيه
شاب بس دلالي شاب
ويني وين الغياب
يا ابو صالح .. يا ابو صالح
********
#خادمكم: أبو حسن الجعاري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يبوالرحمه برحمتك توفقني الخدمتك
وطن روحي عزائك وطن روحي عزائك

*

إجيتك مختنك غيرك فــلا أهوه
يبعد الكلشي بعدك كلشي ما أسوه
عفت مكه او سعيها والصفا اومروه
نخيتك وأنت أهل للفزعه والنخوه

أنه ابابك يغالي بچه اعليه خيالي
يهل دمعي بسمائك وطن روحي عزائك

*

قبل لا ادخل الحضره وهل دمعي
اريد ألطم لحد ما ينكسر ظلعي
أنه جايك يبو الغيره جرح يدعي
أريــداً خادم المنبر يظل طبعي

تمنيت اعلى بابك أظل أرثي بمصابك
أنه أتأمل دعائك وطن روحي عزائك

*

توفقــني وأريــد ابـمـجـلـسـك خـــادم
اويشوف اعيوني أريد ابكل عـزه لاطم
خـيـرك نـعـمـه لــو تـدريـبـه هـالـوادم
تـخـدمــك مــن مـحـرم هــذا للـقـادم

مصابك ما نسيته ابمنامي اذكر بچيته
دخيلك من بلائك وطن روحي عزائك

*

آنـــه أول چـبـيـر ابــحــزنــك امكمط
أنه جاي ابطلب ما جايك اتشرط
احلفك بالچفوف الطاحن اعلى الشط
ابعزائك رايــد أجزع والگلب يفحط

يبو اليمه احلفك تمد الچفي چفك
أظل آني ابرجائك وطن روحي عزائك

*

أأدخـل يــا حُـسـيـن الـعـالـم الخدمه
أنه إجروحي بخدمتك كلها متحزمه
درب الخدمه مو ياهو اليجي إيفهمه
سلام الله اعلى جون الدركته الرحمه

اشكثر شايل ترافه طبع اسمك بشافه
كبر من كبريائك وطن روحي عزائك

*

أنــه ابكيفك يبو اليمه او بقت يمك
بير اعيوني ينشـف مـن بعد رسمك
لا تحرمـني مــنــك يـا حبيـب امــك
حته ابنومي روحي اتمنت اتخدمك

ابسكوتك كلمتني اشكرك وفقتني
عهد وي كربلائك وطن روحي عزائك

*

#سليم الغزالي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

نعي مفجع السيده زينب والعلّويات
ليلة الوحشه

بس الليلة يم عبــــــاس
باچر ما نظل يمــــــــــه
باچر بالحبل ننگـــــــــاد
ونشبع ضيم يا عمــــــه

بظهور الهزل لـلــشـــــام
ما ظل والـي نشكيلـــــه
إحسبن للفجر ساعــــات
يجينه وتخلص الليلـــــه

تمشن وي ظـلام الـلـيـل
سبايه ولا زلــــم عدچـن
اصبرن يا بنات حسيـــن
راح الچان كــــــــافلچـن

علينه امسجل ومكتـــوب
نصير بـولـيــــة الــعـدوان
والتحدي الـغـرب بـينـــــه
واهلنه مـوسـده الـتـربــان

اتحملن حچـــي الـعدوان
واسـيـاط الـشـمـر كلهـــه
يعمه الحرم هيج تصـيـر
مــــن يطيح كافلهــــــــه

چلبن بالعبايه ويــــــــاي
وكلچن صيــــرن بـســدي
مــــا اگـــــدر اجمعـچـــن
بــاچر حيل مــــــا عـنـدي

ادري بولــيـــة الـظــــلام
وبنوگ الهزل حيـــــــــره
اصبرن والـصبـر مـطلوب
شسوي وراح ابو الغـيـره

نمشي وي العـده گـــــوه
وبالهيمـــــــه ندنّگ راس
خاف تصد معانينــــــــــه
وتجرح خاطر العبـــــاس

من نمشي ونطب ديــوان
وعلينه الـــــــوادم التمـت
لا تبچن يبعد اهـلــــــــــي
تــــراهــــــه تريد تـشـمـت

تذكرن من اجينه ويـــــاه
وبيده يرفرف الـوانـــــــه
ياهو الــــــــي گدر يجسر
علينه ويِطْوَل الـسـانــــــه

انه مخدرت عبــــــــــاس
غــــــايتهم يذلـونــــــــــي
اضلن وحــدي احــاميچن
وضربهم يجرح امـتـونــي

÷÷÷÷÷÷÷÷÷÷÷÷÷÷÷÷÷

✍ بقلم خادم الحسين ع
الشاعر رعد الجريخي

{ أبوذيه }
السيدة زينب (ع) تخاطب كفّي ابي الفضل العباس (ع)

طـحـتـن لــيــش يـچـفـوفــه.. شمرچـان
السبب شنهي وعلى الشاطي.. شمرچـان
الـيــرجـف مــن يـمـر اسـمــه.. شمر چان
عـگـب عـيــنــه الـشـمـر حـــداي الــيــــه

÷÷÷÷ ÷÷÷÷ ÷÷÷÷

✍ بقلم خادم الحسين ع
الشاعر رعد الجريخي

يا حسرة الفاكد اخو وبالشده يلزم ظهره
والعاش عمره بلا اخو هم يضن عايش عمره
عاتبت التراب بفراك الاحباب
***************
ما الومن حسرته الفاكد اخيه
هو شيعوض الاخو الكله حميه
اثنين جنه وحلوه كعدتنه سويه
راح اخيي ولزمت ظهري بديه

ابن امي تكتل فركته وعذبني حيل اغيابه
ما اكدر انسه صورته وشكد نطرت ابابه
ومكابل الباب بفراك الاحباب
***********
اصفن واذكر عشرته وذيج الايام
وهو اليفارك اخوه هم يكدر اينام
راح اخيي والزمن مدري الي شضام
شحصلت لمن دفنته غير الالام

ياجرح المفارك اخو كلي العتب شيفيده
ويعينه الله ياخلك الدافن اخيه بأيده
كاتلني الغياب بفراك الاحباب
****************
راح اخوي الجان يسري وي الانفاس
انحنيت بفركه وصار ابيض الراس
عازته عازه الاخو تدرون ياناس
راح عني الحسن لاجن باقي عباس

كتله بعد راح الحسن ومحني الظهر خلاني
عباس خلينه سوه واحد يحن للثاني
وبكلبي الصواب بفراك الاحباب
****************
يا ابوفاضل مالي غيرك بعد تدري
انته اخوي وانته عمري وانته ذخري
خويه خاف تعوفني وتكسرلي ظهري
وتدري بفراكك يبين خويه كسري

عباس فاركني الحسن وشيبني خويه بفكده
وظليت بس انته الي وماعندي غيرك بعده
حتى الرمش شاب بفراك الاحباب
***************
راح عن خوتنه اخبرك ياضوه العين
حلوه خوتنه ومثلها تنلكي وين
جنه انه والحسن خويه احله أثنين
خويه كل عمره الحسن ما فارك حسين

جنه لمن نمشي سوه مشيتنه يا محلاها
وذيج السوالف عالاخو عباس سولفناها
جرحي فلا طاب بفراك الاحباب
**************
تدري جان اشكد حنين الحسن وياي
وجان بيد من اعطش ايشربني ألماي
دوم يحضني ويشم بمنحري اهواي
وجان اخوي من الشمس ايسوي الي افياي

كلي تره بطف كربله اخيول عشره تسحكك
وصدرك يخويه ينخسف وشمس الظهاري تحركك
وياعظم المصاب بفراك الاحباب
***********
تمت
#ميثم العمري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

هذا العزاء                مثل الصلاه
مو مستحب هاي الشعائر
 
* * * * * *
  
باليوم أصلــي جم فرض     خمســـه عليـــه الواجب
وحسين مو خمسه أذكره     بكل لحظه دمعي ساجب
لومات ألي أقرب شخص     جم يـــــــوم كلبي ناحب
لكن على حسين أختلــف     كل عمــــري ابقى نادب

بذكر الحسين           هلّـــي يعيـــن
وأبجي على سبي الحرائر
مو مستحب هاي الشعائر
 
* * * * * *
 
بعاشور من ألبس حزن     والعاطفـــــه تتحمس
والله أحــس حتى الكلب     يسبكني واسود يلبس
مو كلشي آنـــه أقدســـه     بس الحسيــن أمقدس
وعشكه ألي مثل الهــوه     بلياه شلـــــون أتنفس

حسين الغريب        هــــوه الحبيب
حبه سكن وسط الضماير
مو مستحب هاي الشعائر
 
* * * * * *
 
أعلى حسين من أقره شعر   جني بالمصحف وأقره
وبس يمر طاري كربله    تخنكني والله العبـــــــره
للموت ما أعبد بشــــر     ما اطيعه وأمشي بأمره
وأمنيتي خادم أنقبـــل     واخدم عزيز الزهـــــره

أتمنه أصير              عبده الزغير
وأتمنه عمري أكضيه زاير
مو مستحب هاي الشعائــر
 
* * * * * *
 
عندي القصيده أمدلله     لن بيها أسـم حسيني
وأهوى التخليني أنتحب     وأشبـع بجي تخليني
شمحلاها لوبيها حـــزن     ولكربلــــــه توديني
كل ساعــــه أبوسنها أذا     ينزل دمع من عيني

أدري الدموع            تصبح شموع
وتضويلي كبري بالمكابر
مو مستحب هاي الشعائر
 
* * * * * *

يحسين خل أحجي الصدك     وأنته عليه الشاهد
أشهـــــد بأن ماكو ألآه     الا الالــــــــه الواحـــــد
وأشهـــد بأن أحمد نبي     وافضل رسول وعابـــد
وأشهـــد بأنــك هم نبي     وغصبن على كل جاحد

أمن الاوصياء           أمن الانبيـــــاء
لن ماثيلك نبي ثائـــــــــر
مو مستحب هاي الشعائر
 
* * * * * *
                                  #سلام المشعل
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

مِثِل فِطرَة عجوز انطيني فِطـره تِگـــابِل صورتك وهواي تقــره
بالحايط تِكِـض وحيـل مقهــوره
وبشيلتهه تمسح جامة الصوره
..............................
كـون اگعِـد اگبالك واحچـي ويّــاك
وافرش هدمي بلكـي يصير جَـوّاك
سوِّينـي صِـرِت كِــل لحظه انخـاك
مثِــل ذيچ العجــوز التگعِـد احذاك

الچــانت تلــزم المــاي
وِ تْـريــدك تِشِـــربه
اليشرب وانت عطشان
الله يعيــن گلبــه

الچانت تلــزم الصوره وتِهِــدهه وْ لَحَــد الان مـا فـاهِــم قصِــدهه
تهمِس بالدمِع يالزهره ماجوره
وبشيلتهه تمسح جامة الصوره
..............................
التِحسِـب صورِتَــك بالبيـت قُــران
وكِلَّــه وداعْتَــك ما عِــدهه حلفـان
فطَر يم صورتَـك چان الهه نيشـان
دوم ترشَّــه ماي تحسبه عطشــان

مِثل اشفافـك تگــول
عطشـــان و تِفَطَّــــر
شايل صورة حسين
مِــن حَگّــَه ايتَغَيَّــر

ومِــن تگعِــد تِظِـــن تعايِنــلهه تگِـلَّــك هــا يَبَعْـد امِّي وأهلهه
لا تِنشِـــد عليّـه الحاله مستوره
وبشيلتهه تمسح جامة الصوره
..............................
المــا چــانَت اذا تِعتــاز تحتـــار
وراهه تخلّــي كلشي و ليــك تنــدار
تِـدري لهسّـه يحرگـ گلبَــك الصــار
شــافَت نــار رِكضــت طفَّــت النــار

ما تگدر ترا تگــوم
بس رِكضت عليـهه
بالطف گالت زغـار
طفَّتـــهه بْإديــهه

گوّه تگـوم چــانت بس تِجيــلك وصباح الخير يالمـا صَـح مَثيــلك
اتگلّك كل صبح لمَّن يطـر نوره
وبشيلتهه تمسح جامة الصوره
..............................
مَحّــد حاچـي ويَّــاهه اعــله الخيـام
وچانَــت مــا تِحِـط افـــراش وتنــام
تحچي اويه الإطار تگلَّــه شي ضام
صَــدر حسين وينه ووين السْهـــام

زحمه اگبالي والعين
مـــا تگــدر تِشـــوفه
خافَن جــرحه مفتوح
ومــا واحِــد يــروفه

هِنَّــه هواي بي بس ما شِفِتهِـن ولا مَــدّيت ايــدي وطَلَّعِتْهِــن
حتى ضلوعه چانت كلهه مكسوره
وبشيلتهه تمسح جـامة الصوره
..............................
يالكلشـي برحمتــك صـار مقــرون
إرزقنـــي مثلـــهه دمـوع وعيــون
تلمَـس شيبتــك وتگلّــك شلــون
وجـه الله وعليــه وادم يصعــدون

هيچ اتمنّى أهِــم بيـك
وَ اتجَـــرَّع عـذابـــك
مِثْــل الهَمــهه تِبچيـك
مــا طِلبــت ثــوابَـــك

الگــالَت يا ثـواب آنا السِمَعتـــه مِـن حَـدر الحــوافر صاح لِختــه
لا تِطــــلع يتـامه حسين مَــذعوره
وبشيلتهه تمسح جـامة الصوره
..............................
وين آنا وهَــذيچ ام الجَــرِح ويـن
التِحِط حَـدر الضِلِع مِن تنعه چفَّـين
كلهه تصب دمِــع ما اعرف منيــن
مِــن تگـول بَـعد عيــوني يحسيــن

بعْـد عيــوني وتطيــح
وتسمعَـك تِگلهه
اسم الله وتفرح هواي
يا خــادِم مِثِــلهه

هنيــاله التِمَـــلَّـك هيچــي فطــره بصوتك لو عِثِــر يمَّــك تحضــره
محسـوده البَــريَّه الهيـچ منظــوره
وبشيلتهه تمسح جـامة الصوره




#علي كاطع البهادلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

بعد وصول سيد الشهداء عليه السلام إلى كربلاء ومعرفة السيد زينب بأنها هذه هي الارض التي سيقتل بها الحسين عليه السلام وتسبى بها الفاطميات...



هاي هيه..الغاضريه
بيها عمه يالبنات
لوسمعت حسين مات
امشي سبيه



عمه اسمعن هالحجي... بهالارض نوح وبجي
ومايظل عدنه اخو... نلبد بسده وننتجي
عمه هاي خيامنه المصفوفه
تحترك وحسين كلها تعوفه
وعمه ابوجن بعد لا ما نشوفه
ونطب باسياط وحجر للكوفه

النوك هزله.. وماكو ختله
ويصبح اسمنه ميسرات
لوسمعت حسين مات
امشي سبيه

سيد احمد الميالي


لها بقيه
@ahmed_sa6

*العتبة الحسينية المقدسة*
*بانوراما حسينية هدية من مجموعات خدام الحسين ع🚩 الى جميع مشتركيها*
قلدناكم الدعاء والزيارة
خادمة آل محمد✍🏻
http://app.imamhussain.org/tour/

عنــك شگد گــالت الوادم بعــيد
وانتة اقرب حتى من حبل الوريد
واليريد أيشوفك… خلي يقرة احروفك
……………………………………

ندبة المشتاگ شوغات ودمع
روحي گامت بالدمع ما تقتنع
لآزٍمٍ أبݘيلك دمة
لآزٍمٍ أشعر بالضمة
عيني اذا ماتنعمة
يعني عيني بعد مابيهة نفع
كون گلبي امن البواݘي ينشلع

الناعي صاح السابقون السابقون
باللطم بالخدمة بدموع العيون
يمتة يمتة أنطوفك… خلي يقرة أحروفك
……………………………
اني ماشيف مثل حزنك حزن
م̷ـــِْن دموعك جرحت حتى الجفن
يامصيبة الأذتك
سبي زينب عمتك
اعليهة صارت ندبتك
من البصبح حد الصبح تبݘي وتون
تصيح  يــاثــار  الضلع وية المتن

ريجك أتفكة  بدمع غربة وجروح
الما ينوح الغربتك ألمن ينوح
شنسة من معروفك… خلي يقرة أحروفك
……………………………………
صارلك تنحب الف عام وكسر
شيبت من أول سنين العمر
بروحك ايعيش ألالم
بگلبك أحتركت خيم
وتنحب الراعي العلم
حڰك اتصيح الخدر أه الخدر
وادري كسرة خاطرك ما تنجبر

هسة وينك مستقر بيا مكان
نشتكيلك احنة دولبنة الزمان
أبد لٱ منعوفك… خلي يقرة  احروفك
……………………………
بيا ضريح بيا مقام أستوطنت
الهجر يذبح وانتة كل عمرك عشت
غايب وماندري وين
خلصت كل هالسنين
شكبرة جرحك يالحنين
يــلݘم يــومية جــرحك ماطبت
جم جرح بيك ألتهب م̷ـــِْن هالوكت

أقرة حزنك للشمس كل ما تغيب
الكاع كاعك واحنة كنالك  غريب
الما تمرلة اطيوفك… خلي يقرة احروفك
……………………………………
تشوفنة وتسمع مناجاة المحب
ينخدش كلبك اذا شفت الذنب
اعمالي كلهة بين اديك
تنعرض يومية ليك
وتعرف الينشد عليك
ماكو شي عنك يغايب ينحجب
رايد وي انصارك اسمي ينكتب

شلي بعيوني اذا امشي وراك
ينجح وما يرسب اليتبع خطاك
امنيتي اقبل اجفوفك… خلي يقرة احروفك
…………………………………………
تمت
الْحٍمَدٍ للـّہ
✍كلمات الخادم… حسين حمدان الدلفي
رزق مولاي صاحب الزمان… عج

https://tttttt.me/joinchat/AAAAADyvNcFdjoQh-74liA

حسين يامولاي
___
ايام ويجي عاشور وتبدي الدمعه ولحسره
وللخدمه نشد احزام ونبجي بحركه للحره

نجري الدمعات عالمسبيات وخلونه نوح عالعلويات

هاي الضهيمه بت علي بحبال تنجر
وناكه عرجه وبالغرب كلساع تعثر

وسافه زينب على ناكه اركبت
وسافه بحبال اديها اجتفت
وسافه اخوتها كلها اتذبحت
حسين يامولاي
**
للخدمه انذرتها الروح فدوه روحي للخدمه
اشما اقدم انا لحسين ماوافي ابو اليمه

مقصر يحسين لو ابجي العين لولاك انت ماصار الدين

بيش انه اجازي الضحه بعياله وخيه
ياريت هم مسبي انه وي بنتك رقيه

ويبتك كون انه رايح عالهزل
ويبتك وبجفوفي ينشد الحبل
ويبتك دمعي على نحرك ينهمل
حسين يامولاي
*
كل خادم انا ادري اسياده تره اتذله
بس اليخدمك يحسين شانه والله يتعله

ايصير انسان ويصبح سلطان ماينصه بيوم لا يعله الشان

كلمن يخدمك ياحسين ويجري دمعه
مو خادم اتسمي ملك وسمه ترفعه

هنيئا كلمن يخدمك من صدك
هنيئا الكلبه المصابك يحترك
هنيئا ويلخدمه ابد مانفترك
حسين يامولاي
****
وصتني امي من اصباي وكالت استمعلي زين
اريدك يولد يبني تبيض وجهي يم حسين

عمرك منذور بس العاشور شمحلاه حسين يكلك مشكور

اشمحلاهه يمه حسين هوه لي يشكرك
ومن الزجيه بالقيامه تاخذ اجرك

ييمه للخدمه خل روحك نذر
ييمه لحسين فدوه هل عمر
ييمه ولدمعه الك باجر ذخر
حسين يامولاي
*
حب يبني اليحب مو عيب وحبك خلي بي همه
يبني ولو ردتت تعشك اعشك بس ابو اليمه

حبك ميهون وخل ايكولون ابنج بحسين اصبح مجنون


يوليدي اريدك تفدي الحسين بحياتك
واجب تذكره يالولد حتى ابصلاتك

اريدك تخدم ابن أشرف مره
اريدك ومالحضه تترك منبره
اريدك ويحسين دنيا واخره

حسين يامولاي
0000000
#حسين عبد الزهره الدراجي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

الى السيدة زينب ع


آهِ يَا وَحشتِي لَم أَنمْ لَيلتِي

فَقدُ الحُسِينِ غُربةٌ لَيلَي
_________________________

١/ لَيالٍ طُوالٌ وفَجرٌ تَخضّبْ

فَمُ المَوتِ نَارٌ بِأعضَايَّ تَلهَبْ

هُنا طَاحَ طِفلٌ هُنا بَاتَ يَنحَبْ

وكُلٌ يُناِدي اغيثِيني زَينَبْ

صَوتُ في مَسمعِي للبُكا والنَّعي

في كَربلاءَ لَوعةٌ لَيلي
_______________________

٢/ ظَلامٌ غُبارٌ دُخانٌ جِراحٌ

يَطلُّ بِهمٍّ عَليِّ الصَّباحُ

أخٌ كَافلٌ غَيّبتْهُ الرِّماحُ

لِمَن اشتكِي لَوعتِي لا تُزاحُ ؟

لا أخٌ لا أبُ حَالتِي تَصعُبُ

إنّي أنا وَحيدةٌ لَيلي
____________________________

٣/ أُخيَّ أبا الفَضلِ هَل أنتَ قُربِي ؟

أُنادي أَنا والهُمومُ بِقَلبِي

كَبِرتُ كَثيراً بِحُزني بِكَربِي

تَعالَ فلمْ أدرِكِ اليَومَ دَربِي

أَسَفاَ يا أخِي قُلْ بِمَن انتخِي

غَرِيبةٌ مَسبِيةٌ لَيلي
______________________

٤/بَصرتُ حُسِيناً و سَيلَ دِماهُ

وقد حُزَّ نَحرٌ لهُ مِن قَفاهُ

وبينَ الخُيولِ يَرانِي أَراهُ

قَليلاً وعَنّي غُبارٌ خَفَاهُ

خَرَّ رُكنُ الهُدى سَلبُوهُ رِدَا

بِالعَرشِ ضجّتْ صَرخةٌ لَيلي
___________________________

٥/ كأني سَماءٌ وهَذي النُّجومُ

نُجُومٌ يَتامَى وحَولي تَحُومُ

فَما مَرَّ يا دَهرُ في السَبيِ يَومُ

ونَسمَعُ شَتماً وسَباً يَدُومُ

جَهِلوا شَأنَنا شَتمُوا أُمّنا

عَادتْ بِنا سَقيفةُ لَيلي
______________________

٦/ ألا أينَ فَاطِمةٌ أينَ حَيدرْ ؟

عَزيزتُكُمْ زَينبٌ لَم تُقدَّرْ

غَدا وَجهُها اليَومَ في الطّفِّ أصفَرْ

مَلامِحُها و الجَمالُ تَغيّرْ

آهِ أينَ الأهلْ ** كَوكبي قد أفلْ

أمّي أبي مُشتَاقةٌ لَيلي
______________________

#علي حبيب الشابي
محرم 1442
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

الأمان الأمان سيدي مهدي الزمان


سيــدي ضاگــت علينه وكلشي يــنحــل باأديك
تفزعلـــنه ياابوصالح بالضلــع نــقــسم علــيك

الأمان الأمان سيدي مهدي الزمان

طلعــتــك هيه فرجنه وهالوباء بس لا يطول
والله مايعجب وضعنه وحرنه يامهدي شتگول

الأمان الأمان. سيدي مهدي الدمان


شعدنا غيرك يابو صالح ياحبيب الكل حبيب
إحنه غربه اليوم صرنه نحلفك بدم الغــريب

الأمان الأمان سيدي مهدي الزمان

داوي بجـروح اليحــبك لا طــول بالغــيــاب
ولمصاب حسين احضر ياعظم هذا المصاب

الأمان الأمان سيدي مهدي الزمان


ظلمه هاي الدنيه صارت والفجر كله بضواك
كل شخص حبك يمهدي منعصر گلبه ونخاك


الأمـــان الأمـــان سيدي مهدي الزمان


كل دعاء انصيح بااسمك نقترب ليك برجاء
ندري يالمهدي بظهورك مايـــظــل عدنا وباء

الأمان الأمان سيدي مهدي الزمان




#الشاعر حيدر العماري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

محررررم 1442 هـ

ياللي رايد دمعتك لحسينك اتطيح
إنتظر عد فاطمة تلگى المفاتيح
ينتهي هذا الوباء . الزهرة من تنشر رداء
أبو اليمه . أبو اليمه

ياللي متعود تخدمه ابكل زمن
إنتظر تفرج بدين ام الحسن
ينشر ذاكى القميص ابكل وطن
والمواكب والمآتم يبتدن

الزهرة من تنشر قميصه ابأجمل امكان
الخير يرجع بالعراق او كل الاوطان
او بالسمه ايرف اللواء . الزهرة من تنشر رداء
أبو اليمه . أبو اليمه

#قريباً
#حيدر الحلفي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء