بهيئة جواهر سبعين الحسين
مارف جفنهم عن حاجب العين
مايصدأ يدري الجوهر&&بحبه يلمع أكثر
سبعين الحسين
***************************
اكبر واوسع سفينة خلي بيها الك معبر
الدرس نهجة وتعلم اوياه راح يكون يبحر
الباري متهمه المظاهر ينظر الباطن الجوهر
لوّن دنياتك تزغرك حسين عنده كون تكبر
كل جوهر انسان هوه اليقيمه
اثمن اصحابه بحبه مُتيمه
كل هايم عشگه اظهر&& بحبه يلمع اكثر
سبعين الحسين
••••••••••••••••••••••••••••••••••••
نعرف الجوهر نفائس الدنيه مَتلونه بشكلها
همه سبعين الجواهر اليلمع اكثر ينتمي الها
الصالح تميز شخوصه الطالح يهلكه حملها
والرضخ للدنية نفسه شتنفعه من يوصللها
مَدور دنية سبعينه هايه
الله الأيدهم بالدم وفايه
صورهم بأعظم منظر&& بحبه يلمع اكثر
سبعين الحسين
•••••••••••••••••••••••••••••••••
وصف الدنية ابو اليمه تمعن بأوصافه عنها
گال للدنيه عبيد وتلعق الدين بلسنها
وين ماداير هواهه راح تبحر كل سفنها
لو يمحّصها البلاء تشوف قله اليبقه منها
تمحص دنياهم متغرهم لحظة
الوياه اهواءه يا مكبر حظة
بركبه عالي مقدر&& بحبه يلمع اكثر
سبعين الحسين
•••••••••••••••••••••••••••••••••
ياالانصار الموت بشر بطاعة الباري سعاده
والحياة المعه ظالم بيها مترفعه زياده
جنة عنده بيها خالد إلدينه يحظه بالشهاده
الشرف هذا الينوله مقدر الخالق جهاده
لأجل الاصلاح عنوانه واضح
مايطمع سلطات دمه يصارح
والطاهر دمه كبر&&بحبه يلمع اكثر
سبعين الحسين
••••••••••••••••••••••••••••••••••
الموت في عزه يخاطب اشرف واخير نهايه
من حياة الذل تعيش وروحك ادور بزوايه
ارفع واعلى المنازل مؤنسه إوياه المناية
صُحبةٌ هذي العظيمة بكربله مسك الروايه
هيهات الصرخة حررت العالم
الحُر العايش والفاني الظالم
لأحرار العالم مصدر&&بحبه يلمع اكثر
سبعين الحسين
•••••••••••••••••••••••••••••••••
الدنية مثل البير الاظلم لو يضرك لو ينفعك
مايّعَرف شخفت بطنه ذهب لو حيه تضيعك
ومثل هذي تنطي عبره وموعظة باجر تنفعك
إشتزرع بدنياك تحصد اويه الحسين يكون زرعك
الخير اليزرع يحصد محصوله
والبستان احسين يلگه الينوله
بخيره باجر يكبر&&بحبه يلمع اكثر
سبعين الحسين



خادم الامام الحسين/ علي موفق القزاز

هاي أُم عباس هاي الطاهرة
ماوفت مثلج أَبد والله مرة
والنعم منج يگلهه حيدرة
أشرف أنساب العرب معروفه
•••••••••••••••••••••••
انتي بدويه أصل طاهر نسب
معرفه ودين وشرف والله وحسب
الوفه بيج إنعرف ليج إنتسب
الوفية الصابره موصوفه
•••••••••••••••••••••••••
سجل حافل دَونه طف كربله
عندج أُمنية تماشي العايله
دمعتج ظلت غريبه وسايله
ويه زينب رايده مجتوفه
•••••••••••••••••••••••••
مشكورة منج كربله يم البنين
كل ضناج مقدمه بأسم الحسين
وفه عباس الكمر يسره ويمين
وعينه مصيوبه بسهم مخسوفه
••••••••••••••••••••••••
عندج حسين الهوه كل الوجود
بغربة تدعي الجيته سالم يعود
والدة وكلبج عليّ حسرة يجود
حسين همها من يرد وتشوفه
••••••••••••••••••••••••
باب للحاجة إنوصف ام الكفيل
مايرد خايب ابد والله الدخيل
ليج يقره الفاتحة بدمع اليسيل
اعليج روحه هايمه وملهوفة


خادم ام البنين/ علي القزاز

#زنجيل_ثلاثي ٣ دگات
جديد محرم ١٤٤٢ هجريه وداع العقيله مع اخوتها ليله العاشر قصيده بعنوان (ليلة العاشر دموع)


زينب ليلة العاشر، تودع حسين واليها
تگله يبن داحي الباب عيالك من يرد بيها


زينب والدمع جاري يا خويه ترد بينه
يگللها ابو السجاد هذا محتم علينه
لازم تنسبي العيال لازم تصبر سكينه
بنفسج تشدي الحبال من ايدج لايديها
▪️▪️▪️▪️▪️▪️▪️▪️▪️▪️▪️
تگله خويه خبرني عن العاشر عن اهواله
صدگ كلكم ترحلون وعزي يفگد ارجاله
ومابين الخيم افتر من تهجم الخياله
وتشب النار بالصيوان وجدم الطفله تجويها
▪️▪️▪️▪️▪️▪️▪️▪️▪️▪️▪️
صدگ عيني تشوفنكم فوگ الغبره مطروحين
وحنة العريس جاسم من دمه نحر الوتين
وكافل خدري عالشاطي منه امگطعه الزندين
واصعد فوگ تل الاه دمعة عيني اجريها
▪️▪️▪️▪️▪️▪️▪️▪️▪️▪️▪️
بدمعة عين ويه الاه حسين يجاوب الزينب
تشوفي كل اهل بيتج نايمه بحر الترب
خويه هذا المحتم اگبالج شيبي يتخضب
وحتى طفل البالمهد شمعة عمره يطفيها
▪️▪️▪️▪️▪️▪️▪️▪️▪️▪️▪️
اخر ليله يا زينب وباجر من يهل فجره
سهام النايبات تفوت واخيج ينكسر ظهره
كل الزلم فوگ الگاع بنار الخيم متوجره
ادروب الماتصير ابال زينب انتي تمشيها
▪️▪️▪️▪️▪️▪️▪️▪️▪️▪️▪️
وصيتي الج يازينب يوم العاشر بعاشور
لو هجمت عليج الخيل وشبت نار بالخدور
تلمي أطفالي ياخويه لتطش بوسط البرور
يذعرها صهيل الخيل لو مر بنواحيها

تمت بعون الله تعالى
خادمة الزهراء / ليلى زغيب
حسينييون ما حيينا



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

يبني جاسم .. فكرت بالغَيبة
بگلبي احسه .. كبر غصن الشيبة
حنتك والياس والصينية
لو متت باچر يغثن بية
============
يأول شيبة جاست گلبي بالوينك
الشمس لچمة ضوة وجرحك روازينك
تَفوت لخيمة امك حنّي چفينك
ومنا للصبح خل عيني وي عينك

يابو الاعيون.. الوساع .. تعال اگعد
نفرش افراگ .. عله الكاع.. تعال اگعد

جيس ايدي .. تلگة رجفة فاگدة
يغضب الله .. لكسر فگد الوالدة
لهفتي المكسورة والحنيّة
لو متت باچر يغثن بيّة
=============
يعافيتي واصيحلك يعايفني
ألاحف وكتي بيك وظل يلاحفني
اريد اكتب رسالة بمحبرة جفني
حلف اگظي الرسالة وما محلفني

بعينك اليوم .. يجسام .. اريد احلف
بگلبي لك مگبرة احلام .. اريد احلف

يمة راسك .. اخذه يمي وجيبة
برگبتك گام ... الرمح ياخذ غيبة
امتانية اعيونك تمر اعليّة
لو متت باچر يغثن بيّة
=============
يفانوس السلف ما تطفه عالحيطان
يأية ايصير تابوتك جلد قران
ييوسف فوگ حزنك تنچفي القمصان
يراح تموت يالتگظي الگلب گظيان

يالجمالك .. حچي غروب .. عبر يوسف
اغيابك ايوگف الاگلوب .. مثل يوسف

استاهديتك .. نجمة تحچي اعيوني
وبرگبتك .. ذمّة حمل امتوني
راح الف احمولي بالخاچيّة
لو متت باچر يغثن بيّة
=============
اخمك ليش اخمك تبعد وتكثر
تجيب التايهين اهدومك العنبر
غصن زيتون وشصلبك تخر اخضر
تگص صبعك اخافن حنّتك خنجر

باچر اتموت .. يعريس .. عرس مامش
تطفة حرگة الفوانيس .. عرس مامش

اباب گلبي .. راح اظل امتانيَه
شرد اگلك .. انته روحي الثانيَه
اهدومك لريتي درب عوچيّة
لو متت باچر يغثن بيّة
==============
يواهس گنطرة وطفحت عله ارداني
شلب فگدك شرب صفنات گيعاني
صوانيّك خذت من لون بيباني
الشمع والياس واحد يحرگ الثاني

اخطيتي صارت .. بعد بيك .. يماي الله
نخلة عطشانه اجي اعليك .. يماي الله

اه يوكتي… احذر امن الحوبة
امن العفتها .. فاگدة ومتعوبة
الفاگدة العريس والمحنيّة
لو متت باچر يغثن بيّة
============
اسافرلك وطن واندارلك غربة
وابدّيلك گصص ملتهن التربة
واسيرلك ذمم متبدية ع الرگبة
الفاگد نقط ضعفة المگبرة وگلبة

الوحشة صعبة.. اعله الاحباب .. تصليها
اهدومك اِبنيّة اتراب .. تصليها

باچر اوگف .. بفخر احچي وهمة
هذا ابني .. الفده ابراسة العمة
واجي ابيّرغ ابيض امن النيّة
لو متت باچر يغثن بيّة
==============
#علي هادي الخزعلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ گبور أئمة بلا مزار ]*

أداء: الملا #محمد_باقر_الخاقاني
كلمات: الشاعر #كرار_المحمداوي

https://youtu.be/EYIpt38vuNo

مجالس ليالي شهر شوال لسنة 1441 هـ - 2020 م
ليالي ذكرى هدم قبور أئمة البقيع صلوات الله عليهم
خيمة أحزان الهواشم
هيئة الحسن المجتبى عليه السلام - العراق - الديوانية

مونتاج: احسان القره غولي
مكساج: سجاد الهيفي
النشر الشبكي: علاء بركات العاملي
تنفيذ: الرتاج ميديا للانتاج الحسيني

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★إن الرحم التي اشتقها الله تعالى من قوله * (الرحمن) * هي رحم آل محمد وإن إعظام الله إعظام محمد★فالويل لمن استخف بشئ من حرمة محمد صلى الله عليه وآله، وطوبى لمن عظم حرمته ووصلها★*

عن الإمام العسكري عليه السلام أنه قال: قال أمير المؤمنين عليه السلام: إن الرحم التي اشتقها الله تعالى من قوله * (الرحمن) * هي رحم آل محمد صلى الله عليه وآله وإن إعظام الله إعظام محمد، وإن من إعظام محمد إعظام رحم محمد، وإن كل مؤمن ومؤمنة من شيعتنا هو من رحم محمد، وإن إعظامهم إعظام محمد، فالويل لمن استخف بشئ من حرمة محمد صلى الله عليه وآله، وطوبى لمن عظم حرمته ووصلها.

*√تأويل الآيات الظاهرة في فضائل العترة الطاهرة للفقيه المفسر والعلامة المتبحر السيد شرف الدين علي الحسيني الاسترآبادي النجفي الجزء۱ صفحة۲۳۲√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

(انتضار محرم )


تقديسي المحرم (دين) وأيمان
انحنائي الجدرك يسويني انسان
مو أصلّ العطش مرات للماي
أكو واحد عليك يصير عطشان

عطشناك...وشربنه اصياح عشاگك
سوه التابوت وفراگك...عطشناك

لگيناك.......ضمير ورسمه حنيه
وجرح بس كله روحيه.....لگيناك

روح بكل معانيها المجالس أنته بانيها
المواكب انته ناصبها وهاي الناس شاريها

بدم عبد الله شارينه برقيه برمله بسكينه
برباب وكل نواعيها وعباس أنطه چفينه

يا مولاي ابو اليمه
....................................................
بشوگ الاسره من يمشي عمرهم
و (لو) گعدو سوه وذكرى تجرهم
متانينك محرم بالدمع شوگ
أبونه وهلبت بولدك تمرهم

نتانيك..... عليله معلگه بچلمه
هيچ انتاني وبهمه..... نتانيك

نحاچيك.... الحد بحتّ مدامعنه
لطم صارت سوالفنه.. نحاچيك

أخذنه الحزنك ودارك أخذنه الدمعك ونارك
الحياة الما أبد تسوه محرم أحنه زوارك

لمنه بخيمةّ انفاسك أخذنه الضلمةّ احساسك
وبچينه بلياليك وحطنه أبالك وراسك
....................................................
محرم كل سنه بدمعه جديده
أصول الدين وفروعه المجيده
محرم بي هضيمه ونشغةّ أحساس
مسلم چنه ويودع حميده

بعد وين... يمزروع بضمايرنه
تريد تروح من عدنه. ..بعد وين

على حسين... تعال وجَمر عيوني
تعال وسومر ضنوني.. على حسين

أكسر خاطري بطفله ضلتّ بالدرب شتله
تتاني والدرب وشل وتكابر عله بالعله

أكسر خاطري بونه بّچفوفّ المالگت حنه
بشمعات وعرس جاسم برمله الگطعت الضنه
يا مولاي ابو اليمه
.....................................................
ولو ماننتضر منك تجينه
بيوم العيد احنه أطينينه
ومصاب حسين گمنه نشوفه كل يوم ونحس برواحنه احنه انسبينه

على الآه.. عشنه بمجلس أحزانك
حسين ونمنه بحضانك.. على الاه

أويلاه.. شربنه الويل والحسره
ولطمنه وتشهد الزهره... أويلاه

حسيناك الدمعه دمعتنه المجالس ذني لمتنه
حبك نضره من عندك وصرت بس انت چلمتنه
عفنه الدنيا والبيها ندري الضلمه تاليها
يانور السمه انته الحياة بدونك شبيها

يامولاي ابو اليمه
...............................
شنو يساوي لطمنه ودمعةّ العين
وأحنه شيوخ صرنه بفضل الحسين
بالمشايه تخدمنه السماحات
وعلينه يهَفي جبريل بجناحين

على الناس ... وجوباً خدمةّ الزاير
اليزور حسين مو حاير...على الناس

على الراس ..نخلي الزاير الگاصد
الويّ محبوبه متواعد...على الراس


حب حسين تعبيره اليخدمه لازم بحيره
تعب بي لَذةّ النشوه أنام ودمعتي چبيره

اليحب حسين يتعذب كون وگلبه يتسلب
مو سهله اليحب حسين كون بجرحه يتأدب

يامولاي ابو اليمه



عبد زينب
#محمد الابراهيمي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد محرم… مولاتي العليلة
،،،،،،،،،،،،،،،،،،،،،،،،،،،،
راحو وخلوني وحدي بدارهم
ياهو اليطمني شنهو اخبارهم

صار جم يوم الضعن لمن مشة
أنسة وفراش الحبايب أفرشة
دارهم ظلت خلية وموحشة

وصوت وني وصل سابع جارهم

ياكل بجسمي الهجر موش المرض
الشيب ركضة شارد برمشي ركض
سافرو كلهم هلي موش البعض

الظلمة شاخت من مشت أنوارهم

وحدي ظليت التفت هلبت ونس
وين انامن بوية وعيوني اتنعس
بالي يمكم باجر الًيَوُمًِ وامس

روحي كلش هايمة بتذكارهم

اني كلساع بذكر غـِْاليّے انصدم
ساعة بالگعدة انهطر ساعة بهدم
بوية بمصلايتك ظليت اشم

راحو اهلي اكبارهم وازغارهم

صافنة وعالمامش اركض بلكي اجو
اهنانة جان اوداعنة ومنا مشو
احجي وي روحي لونهم ما لفو

امشي للطف وأتبع أثارهم
ــــــــــــ ــــــــــــ ــــــــــــ
تمت
الْحٍمَدٍ للـّہ 
✍كلمات الخادم… حسين حمدان الدلفي
رزق مولاتي فاطمة.  العليلة
https://tttttt.me/joinchat/AAAAADyvNcFdjoQh-74liA

 عبدالله يالرباب…….. نايم على التراب
عوفي اليتامة وروحي لوليلة
 م̷ـــِْن الشمس بالشيلة ڤييلة
****************:
صوت الطفل ياأم الطفل ما ينسمع
ريجة  يابس  والسهم  ما  ينشلع
الگلبة يعطش  يرتوي  بگطرة  دمع
بس عمت عيني الطفل  ما  يقتنع

مايبلع الحليب………… نحرة انگطع عجيب
والشاف حالة ايموت كل حيلة
م̷ـــِْن الشمس بالشيلة ڤييلة
***************:
العطش جمرة والجمر ما ينطفي
وبشمة انفاسج رضيعج يكتفي
منظر  اكبالج  بقة  وما  يختفي
مانكر  صدرج  بزر  بطنج  وفي

روحيلة ما ينام………… ألة بوسط خيام
احݘيلة كلشي وبالعبة هفيلة
م̷ـــِْن الشمس بالشيلة ڤييلة
***************:
يبست لـٍهآتة والحجي جرة نفس
صدرة مايتحمل ايدوسة الفرس
عمرة ست وردات وبنبلة انغرس
رفسة المخنوك م̷ـــِْن صابو رفس

طول الطفل ياناس………… بگد جربة العباس
فوك النحر دمعات نگطيلة
م̷ـــِْن الشمس بالشيلة ڤييلة
***************:
مهدك خشب وية الخيم وج واحترك
ويــلي  عــبدالله  بالمثلث  شــهك
حضن ابوه م̷ـــِْن  دمــة  ياوادم  غــرك
خنكة المشنوغ بحبال اختنك

والعمرة ست اشهور… بكاروكة تلكة انذور
بين ايدة مات ابنة ويناغيلة
م̷ـــِْن الشمس بالشيلة ڤييلة
***************
راح الولد وادري الولد ماينهجر
كلبج امن ايشوف ابنج ينعصر
ازغير راسة وشايلة ابرمحة الشمر
اكبال عينج عالترب طاح شكثر

وكماطة لمن طاح…. بذيج الحوافر راح
يرجع سلامات امة تدعيلة
م̷ـــِْن الشمس بالشيلة ڤييلة
***************
ام̷ـــِْن النحر اكبر ترة راس الرمح
والرمح لْـۆ شالة يفتح جم جرح
الجان وجهة احلة م̷ـــِْن وجه الصبح
امترب ومصبوغ دم شعرة السرح

ويلي السهم خذاه… ما يلتفت وراه
عوفي البجي والفاتحة اقريلة
م̷ـــِْن الشمس بالشيلة ڤييلة
*************
تمت بنظرة مولاتي الرباب ع وعبدالله الرضيع ع
كَلَّمَـےـاتِـ الخادم… حسين حمدان الدلفي

https://tttttt.me/joinchat/AAAAADyvNcFdjoQh-74liA

تعال تعال
خلصت حتى التعال وما اجيت
حبال حبال
عالحبال شكثر دمعت وبچیت
وين ساكن يانبع
سوالفك كلهن ضلع
تعال تعال
***************
وين اشوفك يلي حالك حال نورس
تختنگ بيه السوالف وانه اخرس
أرد اسئلك والضلام بروحي عسعس
بروحك جروح التراچي جروح محبس

تعال تعال
الدمعه تچويني بغيابك وانچويت
حبال حبال
هزله دنيانه بغيابك ونسبيت
بيا نشيج بيا دمع
سوالفك كلهن ضلع
تعال تعال
*************
وگفت عيوني بغيابك عالمشانق
بيا مغارب هسه انته بيا مشارق
فاتح چفوفك ولا واحد يعانق
علگت چم دمعه بخدود البيارق

تعال تعال
الفاگد احبابه شني تگله انحنيت
حبال حبال
البالخرابه يبات لاتحچيله بيت
حالتك ماتنجرع
سوالفك كلهن ضلع
تعال تعال
*************
چم كتاب الطاعنك عود الروافض
والرسايل سيدي صارت مقارض
اليحچي بسمك توگف بوجه العوارض
عطلوك وندبتك خير الفرائض

تعال تعال
هبلي عطرك أرد اشمنه اشتهيت
حبال حبال
حبل مرسوم بصفنتك ونتچیت
نگعن هدومك دمع
سوالفك كلهن ضلع
تعال تعال
****************
خاف اسولف والكلام هواي جارح
النازحين هوااي خفضينه الجوانح
شگد نسينه المهدي صار سنين نازح
بيا طريق وللسبايه الفكر سارح

تعال تعال
یابو صالح چم سقیفه وما حچیت
حبال حبال
چم شمر صاير (محمد) وبتلیت
وانته واگف تستمع
سوالفك كلهن ضلع
تعال تعال
*************
الدفع باب الزهره متّلَون ضميره
لا تخلي الكحله بعيون الضريره
وهمتني وسلتت خيط الحصيره
المايشوف المهدي مايندل مصيره

تعال تعال
وحگ امك فاطمه هوايه بطيت
حبال حبال
والله بچفوفك حبال ومانسيت
بيك چايمته انجمع
سوالفك كلهن ضلع
تعال تعال



عبد زينب
#محمد الإبراهيمي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد محرم الحرام


حضر السواد .. واتحزم من هسه بحسره وعيش الأيام
اعلن حداد ... عل المذبوح وعل المسبيه الراحت للشام
الزهره اتودهه .... دمعك يسعدهه
******************
التهي بس ابمصابه .. واترك الدنيه وشغلهه
ابروحك اگطع والمجالس .. كون ما تگطع وصلهه
انت واجدامك تسابگ ... للعزه و وصل گبلهه
كلشي هين الا زينب ... يا مصيبتهه اشثگلهه

عيش الجروح ... وابچي اعله الضلت بالغربه بعازة خوان
كلشي يروح ... بس چويات اچفوف اسكينه ابحرگ الصيوان
ابچي وبردهه ..... دمعك يسعدهه
******************
ينترس جرحك بروده ... لو يقل بالحرگه عزمه
وحته ما تبرد حرگته ... انت كل اشويه الچمه
حلوه لو صارت حياتك ... مره مجلس مره خدمه
اليحب ايجيبه گلبه ... مو شرط واحد يحشمه

عوف الشكوك ... من تتقرب يم احسينك يكبر معناك
والزم اخوك ... وحط ايدك بيده وللمجلس خل يمشي وياك
نيتك اعگدهه ...... دمعك يسعدهه
********************
ابچي گد ما بيك تبچي ... والبچي گد المشقه
ولو عمت بالمبچه عينك ... يعني حب گلبك ترَقه
كلشي راح يروح لاچن ... بس مصاب حسين يبقه
وبس رقيه ومن بعدهه .... ما بقت بالدنيه رقه

فوگ الهزيل ... راحت اترف خلق الباري بس ابيا حال
وبس العليل ... شلون ايداوي اجروح البيهه وبچفوفه احبال
رغم اليضهدهه ..... دمعك يسعدهه
******************
كل گلب جرحه اعله گده ... وجرحه يترك بي علامه
بس ابو اليمه ابدليله .... جرحه صار ابگد خيامه
ومن مشه ضعن العقيله ... اتلفتت صوب النشامه
تريد واحد حي يكلهه ... وداعة الله وبالسلامه

ضعن الغريب ... راح ابلا توديع ويهظم حال اليمشون
امن يُجيب .... عباس ويتكفل رحت ضعنج يم عون
وزينب وحدهه .... دمعك يسعدهه
********************
يا گلب اعرف قدرهه .... ألمصيبه الخاضع الهه
شما تدور بالمصايب .... لاتضن تلگه مثلهه
ابچي للماعدهه خيمه .... وذبَحو بالطف اهلهه
الداسو ابخيل اعله اخوهه .... وگطعو اچفوف الكفلهه

ظلت تصيح .... يحسين انچانك حي لحگ عل المهيوبات
تمشي وتطيح .... واحتارت مابين اخوتهه وبين الخيمات
يا عله اتسدهه .... دمعك يسعدهه
*********************
الشاعر
#مصطفى البديري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

هذهِ القصيدة مع لحنها
وبعون الله سنستمر بتنزيل القصائد مع ألحانها

قصائد محرم الحرام


حضر السواد .. واتحزم من هسه بحسره وعيش الأيام
اعلن حداد ... عل المذبوح وعل المسبيه الراحت للشام
الزهره اتودهه .... دمعك يسعدهه
******************
التهي بس ابمصابه .. واترك الدنيه وشغلهه
ابروحك اگطع والمجالس .. كون ما تگطع وصلهه
انت واجدامك تسابگ ... للعزه و وصل گبلهه
كلشي هين الا زينب ... يا مصيبتهه اشثگلهه

عيش الجروح ... وابچي اعله الضلت بالغربه بعازة خوان
كلشي يروح ... بس چويات اچفوف اسكينه ابحرگ الصيوان
ابچي وبردهه ..... دمعك يسعدهه
******************
ينترس جرحك بروده ... لو يقل بالحرگه عزمه
وحته ما تبرد حرگته ... انت كل اشويه الچمه
حلوه لو صارت حياتك ... مره مجلس مره خدمه
اليحب ايجيبه گلبه ... مو شرط واحد يحشمه

عوف الشكوك ... من تتقرب يم احسينك يكبر معناك
والزم اخوك ... وحط ايدك بيده وللمجلس خل يمشي وياك
نيتك اعگدهه ...... دمعك يسعدهه
********************
ابچي گد ما بيك تبچي ... والبچي گد المشقه
ولو عمت بالمبچه عينك ... يعني حب گلبك ترَقه
كلشي راح يروح لاچن ... بس مصاب حسين يبقه
وبس رقيه ومن بعدهه .... ما بقت بالدنيه رقه

فوگ الهزيل ... راحت اترف خلق الباري بس ابيا حال
وبس العليل ... شلون ايداوي اجروح البيهه وبچفوفه احبال
رغم اليضهدهه ..... دمعك يسعدهه
******************
كل گلب جرحه اعله گده ... وجرحه يترك بي علامه
بس ابو اليمه ابدليله .... جرحه صار ابگد خيامه
ومن مشه ضعن العقيله ... اتلفتت صوب النشامه
تريد واحد حي يكلهه ... وداعة الله وبالسلامه

ضعن الغريب ... راح ابلا توديع ويهظم حال اليمشون
امن يُجيب .... عباس ويتكفل رحت ضعنج يم عون
وزينب وحدهه .... دمعك يسعدهه
********************
يا گلب اعرف قدرهه .... ألمصيبه الخاضع الهه
شما تدور بالمصايب .... لاتضن تلگه مثلهه
ابچي للماعدهه خيمه .... وذبَحو بالطف اهلهه
الداسو ابخيل اعله اخوهه .... وگطعو اچفوف الكفلهه

ظلت تصيح .... يحسين انچانك حي لحگ عل المهيوبات
تمشي وتطيح .... واحتارت مابين اخوتهه وبين الخيمات
يا عله اتسدهه .... دمعك يسعدهه
*********************
الشاعر
#مصطفى البديري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد محرم… لمولاتي العليلة

احسب ساعة ساعة الجيت اظعونك
مااريــد الضعن يلفيني م̷ـــِْن دونــك
•اللّـہ̣̥ ايعين كلبة الفاكد اعزازة
*********
كل اغروب… كلبي ايلوب
اعاين عالدرب هلبت الك ردة
طول الليل… دمعي ايسيل
موكتلي اجي شو طالت المدة
شكد تانيت… باب البيت
مل مِڼـّي ترة ومليت م̷ـــِْن عندة
تبطي اهواي… بس ابهاي
باب اضنوني اسدة وبابي ماسدة

اعــرف ما تجيني وانــتظر جيتك
ودي ويالــهــوة مرسال لــبنــيــتك
عيني الشوفتك كل لحظة تتوازة
**********
صفنة ليل… تعبر جيل
اصحة والكة روحي الشيب ماكلهة
رسمت انسان… عالحيطان
مــرة ايكود بنــتة ومــرة شايلهة
مرلي بيوم… طيف ابنوم
تدري انتة غيابك روحي شاغلهة
اجروحي اتهيج… فكة ريج
دمعة ومن عذابك شوغة اݘملهة

افك ريجي بدمع والزااد ما اظوكة
سبب موت الشجر تلكاه م̷ـــِْن اعروكة
عازة والابو فكدة صدك عازة
********
كلشي انساه… ونسة ال أه
م̷ـــِْن ترجع يبوية سالم الدارك
ݘنت اوياي… نبتة وماي
احس انكطع منهة الماي واخبارك
مابيه نور… ظل مهجور
بيتك جان يضوي ابشعة انوارك
عكبك صار… كوم احجار
رد لية يغالي ولمني بكتارك

بيتك سجن صار اسئل حياطينة
م̷ـــِْن رحتو الهوة ما طب روازينة
عليلة وردت طولك لايدي عكازة
***********
ناعي البين… صاح حسين
مات ابكربلة وظل عاري عالغبرة
عرض ابطول… فوكة اتجول
خيل الاعوجية وهشمت صدرة
وبكل حيل… ذيج الخيل
داست ونطبك صدرة على ضهرة
فوك ارماح… راسك راح
بسورة أم حسبت يرتل ويقرة

م̷ـــِْن صاح الحوافر داست اضلوعة
حتة  المــا يعرفة  طاحت  ادموعة
بهت لوني عكب ماجنت ألمازة
*********
اتأخر ليش… لٱ مااعيش
أتاني ابموتي ياخذ روحي يومية
حيلي ايبيد… لٱ ماريد
اتعذب  بــعد  يالمــا  الك  جــية
بوية حسين... أه يحسين
انعة والطم اعلى الصار ليلية
كل عاشور… دمعي ايفور
اذا زينب اكبالي اجيب طارية

روحي ابكل مسة اتحن الحبايبهة
واني  الذبحو  بــالطف  كرايبهة
المثل حسين ابوية شلون يتجازة
***********
تمت بنظرة مولاتي العيلة

✍كَلَّمَـےـاتِـ الخادم… حسين حمدان الدلفي

https://tttttt.me/joinchat/AAAAADyvNcFdjoQh-74liA

ميمر // لاستقبال شهر محرم الحرام

وگفة زلم ياخدام شدو العزم للخدمه
.........

اگبل محرم ياخَدَم شدو الحيل
شهر الذبيح الداست بصدره الخيل
ميهمنه بالمايقبل وقال وقيل
عدنا المهم بس حسين امره عله كلشي انقدمه
........

وگفتكم تسر الگلب ياخدام
ماظل بعد شي عن محرم ايام
خل نثبت احنه عله العهد هذا العام
ونكسر خشم كلمن گال. ماكو بمحرّم خدمه
.........

ذِلّه المنع هيهات منا الذِلّه
نخدم ابوالسجاد حاشه انخذله
خل يسمع المايقبل احنه انگلّه
ما نترك حسين انموت لآخر نفس نلتزمه
.........

ندرك مخاطر هالوباء ونفهم
لكن عزاء، حسين اغله واعظم
فدوه العمر لحسين خل نتألّم
هاي المجالس ياناس ما بيها بس الرحمه
..........

كل المجالس للعَزَه هيّئوها
خدام ابوالسجاد لتعوفوها
من هسه اعلام الحزن نشروها
ليّهمكم القال وقيل كل الحچي نفتهمه
..........

اهل الشماته بهالوضع فرحانين
غايتهم بمنع العزه نعوف حسين
هيهات عدنه عقول ونفكّر زين
نعرف نوايا العذّال والباطل احنه نهزمه
.........

يالله استعدّو للطم والعزيات
وعله المجالس نشرو سود الرايات
اول محرم تبدي كل الهيّئات
نعمه المجالس والله لنفرّط بهالنعمه

#سيد زيد الفحام
2020
________________________

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد محرم الحرام 2018
قصيدة ( مقدمه مجلس )
""""""""""""""""""""""""""""""""""""""""""""""""""
الليله الحسين جمعهم الليلة الحسين
سولفلهم عن وضعهم الليلة الحسين
لومشينه لكربله ياهو يحمي العايله
"""""""""""""""""""""""""""""""""""""""""1""""""
الليله الحسين جمعهم اجو يمه احبابه
زغار وكبار الجمعهم اجو كل اصحابه
سولفلهم عن وضعهم ودمعته سجابه
وصار هو يشرحلهم قصته اوعذابه
الزغير والله والجبير سولفلهم عاليصير
لكن أكبر مشكله ياهو يحمي العايله
"""""""""""""""""""""""""""""""""""""""""2""""""
سولف لزينب الحره وكلها يابت الابي
تحترك بأجر خيمتج والنار توصل للعبي
حضري روحج يالعقيله واستعدي للسبي
باجر بلايه كفيل يحدي ضعنج اجنبي
تبقين خويه بلاكفيل بعدي عدوانج تعيل
ادري بيج مدلله ياهو يحمي العايله
"""""""""""""""""""""""""""""""""""""""""3""""""
وانته ياعباس خويه اسمعني خويه يالكمر
كافل لزينب واعرفك الها دكيت الصدر
دوم لاختك ياابوفاضل الها متخالف امر باجر سكينه تندبك وانته تكصدر للنهر
باجر بيوم الطفوف تبقى خويه بلاجفوف
طيحتك أصعب مسأله ياهو يحمي العايله
"""""""""""""""""""""""""""""""""""""""""4""""""
ادني يارمله إليه سمعي ياام الشباب
قصتج كلش طويله بيها أنواع العذاب
باجر تشوفين ابنج حنته ودمه خضاب
بعرسه متفرحين انتي تشوفينه مرمي عالتراب
زفته بنص الحرب وموقفه كلش صعب
الموت هو استقبله ياهو يحمي العايله
"""""""""""""""""""""""""""""""""""""""""5""""""
وانتي ياليله تعالي ادني ياام الولد
وليدج وللحرب باجر والله هو لوكصد
تدعين بالخيمه اله كون الج سالم يرد
عطشان يرجعلج يرمله ذبلانه شفته والجبد
عطشان ويريد الماي برجعته الأكبر هاي
بهل العطش هو ابتله ياهو يحمي العايله
""""""""""""""""""""""""""""""""""""""""6"""""""
عبدالله باجر يارباب بيدي انه ينذبح
باجر يذبحوني انه ويعلكون راسي عالرمح
باجر تموت الزلم وعالارض دمها ينسفح
والله كله هذا يصير من يطر فجر الصبح
عبدالله باجر ينحرم ينضرب نحره بالسهم
بسهم صابه حرمله ياهو يحمي العايله
""""""""""""""""""""""""""""""""""""""""""""""""""

الشاعر عماد محمد الدراجي
الجمعه 2018/8/3

قصائدمحرم الحرام 2018

نزله ( للأنصار )
☆☆☆☆☆☆☆☆☆☆☆☆☆☆☆☆☆☆☆
أنصارك احنه اليوم زامط بينه
عالموت والله اليوم هل هدينه
عابس ينادي على جون
يالله خل نكلب الكون
☆☆☆☆☆☆☆☆☆☆☆☆☆☆☆☆☆☆☆

احنه أنصار العقيدة أحنه أنصار الشرف
لحسين لبينه النداء حين بالحومه هتف
احنه أنصارك وخله يدري بينه الماعرف
من نطب سوح الحرايب نخسف الحومه خسف
أنصارك وتدرينه
محد يلاكينه
بالحرب عدنه افنون عابس ينادي على جون
☆☆☆☆☆☆☆☆☆☆☆☆☆☆☆☆☆☆☆

عابس ينادي زهير يالله للحومه نطب
جون ناده يابرير اليوم نكلبها كلب
احنه أهل المرجله واحنه تربات الحرب
الرايد يعادينه وينه والله انشوفه العجب
والله ماذلينه
والعهد وفينه
والله منخيب ضنون عابس ينادي على جون
☆☆☆☆☆☆☆☆☆☆☆☆☆☆☆☆☆☆☆

الرايد يسولف عليهم خله يختار ويقيس
عابس بحب الحسين والله شكلك هالقميص
بكلشي ضحه للحسين بالغالي ضحه وبالرخيص
مهتم بحب الحسين وعالحسين شكدحريص
شككاها هدومه
من دخل للحومه
بحبه أصبح مجنون عابس ينادي على جون
☆☆☆☆☆☆☆☆☆☆☆☆☆☆☆☆☆☆☆

بصوته ناداهم برير وينكم يهل الشيم
احنه نصار الحسين نهزم وماننهزم
بالحرب عالي علمنه ميطيح والله هالعلم
اليوم للحومه دخلنا بهمه دخلينا وعزم
للحومه هالدخلينه
سوه هل هجمينه
للحومه كلنه قادمون عابس ينادي على جون
☆☆☆☆☆☆☆☆☆☆☆☆☆☆☆☆☆☆☆

بصوته ناداهم زهير يالله يهل المرجله
بصوته ناداهم زهير صوته بالحومه اعتلى
احنه أنصار الحسين نموت لجله بكربله
ياهله بالموت والله ياهله وميت هله
بالحرب يدرونا
إعدانه ميلاكونه
ركاب ترخص والعيون عابس ينادي على جون
☆☆☆☆☆☆☆☆☆☆☆☆☆☆☆☆☆☆☆

لويدك بوق الحرايب الحومه تشهد لينه
مانهاب الموت والله شحده الي يلاكينه
ابد مانعرف الخوف أنصارك وتدرينه
احنه وبسوح القتال حسين زامط بينه
حسين لوينخانه
بالحرب يلكانه
عالنصر كلنه عازمون عابس ينادي على جون
☆☆☆☆☆☆☆☆☆☆☆☆☆☆☆☆☆☆☆

الشاعر عماد الدراجي
الاثنين 2018/7/2

قصائد محرم الحرام 2018
نزله (للانصار)(لحن عمار الكناني )
(الزغا والكبار للنحر وفايه)
☆☆☆☆☆☆☆☆☆☆☆☆☆☆☆☆☆☆☆
هالانصار هالاحرار والله عدهم غايه
يصيحون ينادون للابد وفايه
☆☆☆☆☆☆☆☆☆☆☆☆☆☆☆☆☆☆☆
الأنصار احنه الأنصار لجلك ياابوالاحرار
نتعنه المنيه

للموت نبقى وياه هيهات والله ننساه
ابنج يالزجيه

الحسين هذا الحسين بدربه احنه ماشين
صارلنه هويه

نقسم والله نقسم أرواح نرخص ودم
نقدمها هديه

يمضلوم نضل دوم عالعهد تدرينه
موالين للحسين انصارك تسمينه
☆☆☆☆☆☆☆☆☆☆☆☆☆☆☆☆☆☆☆
لجله نفدي النحور دمنه لجله منذور
مانخلف عهدنه

ردناه والله ردناه بالشده احنه ننخاه
بالدنيا سندنه

صحنه بعالي الصوت بدربك نمشي للموت
اومحد يردنه

الحسين بس نخانه بالحومه لكانه
للموت استعدنه

على الموت راح انفوت محد يلاكينه
نلاويه ونعاديه الرايد ايعادينه
☆☆☆☆☆☆☆☆☆☆☆☆☆☆☆☆☆☆☆
نقسم والله نقسم للموت لامانهتم
منعوفك يالحسين

جينه لاجله جينه بدربه احنه مشينه
بدربك والله ماشين

ترخص والله هالروح للموت لاجلك نروح
لوكطعوها الايدين

أنصار زامط بينه عالموت لوهدينه
ذوله احنه الميامين

فلا نعوف هالاطفوف إلا نحضربيها
يجيدوم نضل دوم عدوانك نلاكيها
☆☆☆☆☆☆☆☆☆☆☆☆☆☆☆☆☆☆☆
غيره ومرجله وزود لحسين ننطي وعود
للموت نبقه وياه

غالي ويبقه غالي قائدنا المثالي
هيهات وآلله ننساه

احنه أهل الحميه مانخلف وصيه
بدمانه احنه نفداه

نعادي الي يعاديه العايل مانخليه
لحسين والله يدناه

ننادي الاعادي خلهم يسمعونه
ويالحسين اوباقين عنه ميمنعونه

☆☆☆☆☆☆☆☆☆☆☆☆☆☆☆☆☆☆☆
برماح جينه وسيوف نحضر يوم الطفوف
نتحده المنايا

جينه احنه هاليوم نتحدى احنه هالكوم
ورفعينه احنه رايه

لحسين مانخلف عهد وياه نبقه للابد
انطيناه والله حجايه

الركاب فدوه والعين ترخص لجل الحسين
حسين هو الغايه

فديناك نطيناك والله حتى ارواحنه
عرفناك ندبناك ياشمس مصباحنه
☆☆☆☆☆☆☆☆☆☆☆☆☆☆☆☆☆☆☆
الشاعر عماد محمد الدراجي
السبت 2018/6/16

قصائد محرم الحرام 2018
نزله للامام العباس (ع)
☆☆☆☆☆☆☆☆☆☆☆☆☆☆☆☆☆☆☆
وينه وينه كافلي
وينه الكلي ادللي
يحضر يشاهد حالي
كلبي انلجم يالوالي
☆☆☆☆☆☆☆☆☆☆☆☆☆☆☆☆☆☆☆

وينه عباس اليرفع الراس
تأخر ومارد ألي

وينه والينه العطش ماذينه
تأخرت ياابن علي

ماخذ الجود منطي وعود
كلي يختي ادللي

ليخيب والله ضنج
حبيت والله اطمنج
ردته يجي كفالي يحضر يشاهد حالي
☆☆☆☆☆☆☆☆☆☆☆☆☆☆☆☆☆☆☆

وينه المعدل علينه هالطول
هذا عباس الكفيل

كلنه نتمنه لينه يتعنه
كبل لاتكرب الخيل

يحضر نريده اخته تريده
ابن حماي الدخيل

مارجع طول علي
وينه وينه كافلي
عباس هذا الغالي يحضر يشاهد حالي
☆☆☆☆☆☆☆☆☆☆☆☆☆☆☆☆☆☆☆

وحدي ضليت شكثر تانيت
عباس يرجع لينه

طول اليوم كلبي ملجوم
تأخر علي والينه

ابوالنوماس الاسمه عباس
ننتضر جيته علينه

ياالكاصد لصوب النهر
لجيتك هل ننتظر
طول علي الوالي يحضر يشاهد حالي
☆☆☆☆☆☆☆☆☆☆☆☆☆☆☆☆☆☆☆

اطفالي تصيح تكوم وتطيح
خويه العطش ماذيها

بصوتي ناديت وانته ماجيت
لختك ترد ليها

هايجيدوم ارجع اليوم
ياهو لختك يحاميها

عباس وينك ماجيت
وبحالي خويه شسويت
تدري انمرد دلالي يحضر يشاهد حالي
☆☆☆☆☆☆☆☆☆☆☆☆☆☆☆☆☆☆☆

سكينة تحجي مره تبجي
وينه عمي العباس

مايردلينه العطش ياذينه
بغيبته شيب الراس

ليش ماجاني وحدي خلاني
حايره بين الناس

خلاني وسفه بهمي
ماجاني وسفه عمي
مشغول والله بالي يحضر يشاهد حالي
☆☆☆☆☆☆☆☆☆☆☆☆☆☆☆☆☆☆☆
الشاعر عماد الدراجي
الاثنين 19/7/2018

السلام عليكم
قريبا سوف اقوم بتنزيل قصائد محرم الحرام
ارجوا الاشتراك بالقناه

https://telegram.me/amedalderjy