مو عليلة...بويه كل الحيل بيـــه
مو عليلة...بويه حتى اسأل رقيه
وياك أخذني ألمن عفتني
بويه يحسين
....................................................
يالنويت اعله السفر وياك اخذها ابنيتــــــــك
بيه حيل أمشي اعله طولي مو عليلة وداعتك
أمس جنت آنه ورقيه نلعب ابفي حجرتــــــك
لو رحت عني وعفتني والله اموت بفركتــــك
تدري بيها...الطفلة من تفكد ابوها
تدري بيها...تركض اتحشم أخوها
من ودعتني المن عفتني
بويه يحسين
.................................................
بويه عني لو رحت ياهو الينشف دمعتــــي
وانته عايفني وحيده وعازة والله عازتــــــي
وياك بويه خل اسافر حالي من حال اخوتي
عالاقل عبدالله اشيله من يفز بغربتــــــــــي
يا ضحكتي...فدوه بس عاين عليه
يا ضحكتي...لا تكلي هاي هيــــه
بويه انتضرني المن عفتني
بويه يحسين
..........................................
أمراً وطاعة يبويه يالنويت اعله السفــــر
رحت ابقى وانتضر طارش يرد منك خبر
أيحرسك الباري ويبعدك من مردات الخطر
يالحنين وداعتك دمعي كسر كلب الحجر
اكضي ليلي...بويه ترجع بالسلامة
اكضي ليلي...امفرفحه مثل الحمامة
هجرك ذبحني المن عفتني
بويه يحسين
.........................................
انتضر ياساعة يوصل خبر منك ماوصل
مثل يعكوب انتضرتك لحد ما وجهي ذبل
خايفه ومرعوبه بويه واحس كل جسمي نحل
مدري صح آنه عليلة مدري وافاك الأجل
بيه حركة...وجن احس روحي يتيمه
بيه حركة...وشوغة الفاكد هضيمـــه
انطر بعدني المن عفتني
بويه يحسين
....................................................
لحضه لحضه ولن اعاين جايتني ام سلمى
وياها قارورة وعجيبه اطرافها اتكاطر دمه
العوض بالله بنيتي كالت والدج يا فاطمـــــة
بعد ما يرجع عليج وروحه صعدت للسمـــه
واسمعتها...وطحت من طولي عليهـا
واسمعتها...وما مصدكه اسمع حجيها
يالواعدتني المن عفتني
بويه يحسين
................................................
خادم خدمة الحسين
الشاعر
#محمد الموالي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

متباركين بولادة الإمام الضامن علي بن موسى الرضا عليه السلام




ما اعرف اشصار .. وبرد دمي
فزيت اشوف بچفي اشو حلمي
طر الظلام اسم الرضا شمعه
وبشروني خادم للرضا اسمي

يا ناس
وگفوا الهوه .. طفوا الضوه .. أخفوا الدوه .. يا ناس

يا ناس
هذا الإجه .. نور الدُجَهْ .. بَر النَجَهْ .. يا ناس

.....

أنه الخلص عمره
لو حسره لو جمره

جدم النهر .. ملّ السفر .. والراحه بس موته

ما صدّگت روحي
من شالت اجروحي

نام البچي .. وفزّ الحچي .. يتلمّس ابصوته

رجف كاس الحزن واتبدّت اهمومي
وعلى بدر الرضا متجمّعه انجومي

أنفاس .. صدر الفرض .. بدر الأرض .. اي للنبض .. أنفاس

/

ليل العمر .. وأحلم
ما غافي وأتألّم

غيمة امل .. تحيي الذبل .. عمره ويبس عوده

يا جفني واحلامه
ساعه ادرك ايامه

ساعة محب .. ظل عالدرب .. يتنطّر اوعوده

منِ الراح واجه يتنشّد اخباره
هجر داره وطريق الرجعو دياره

والياس .. بيده انزرع .. بأرض الوجع .. بدمعه ارتفع

/

الصافن بـ يمته
والعبره خانگته

گام ووگع .. لمن سمع .. بميلادك الليله

ثوبه اسود وعيّد
بيومك يبو محمد

والله وهلا .. وچفه انمله .. وعشريني رد حيله

رفع راسه بفخر ما عايشه الحاكم
هويته اتوقعت نال الشرف خادم

مقياس .. اعلى الرتب .. وافضل لقب .. تاج الذهب

/

أحمد هادي الشمري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

زُره عنّي | الرادود حسين عجمي | كلمات نور آملي

Youtube: https://youtu.be/lkob4pXZhkE
Soundcloud: https://soundcloud.com/alrawdatain/zorho-anni

بـدر الـمـنـاقـب شـيعتـك تـم ليـها
و ابـعـلمـك آيـات الـوحي تمـلـيها
يـالـهادي تـدري يا أمـل تـم ليـها ؟
بس حبكم وحبكم سند بالمحشـر

—————————————

١- تم ليها : تم لها ، من تم البدر إذا اكتمل.
٢- تمليها : من الإملاء بمعنى الكتابة.
٣- تم ليها : تم لها ، تم بمعنى بقي .

#جابر_الكاظمي
#ميمر_جابر_الكاظمي

#مولد_الإمام_الرضا (ع)

مسرور گـلبي بغـدوتي وفراحي
وخلّـيـت حنّـه بـغـرِّتي وفراحي
هالليله أُنسي وبهجتي وفراحي
للـرضا ونـثّرت المـسك والعنبر

1- وفراحي : وفي رواحي أي في ذهابي .
2- وفراحي : وفي راحتي الراحة هي باطن الكف .
3- وفراحي : الافراح تعني البهجة والسرور .

#جابر_الكاظمي
#ميمر_جابر_الكاظمي

#مولد_الإمام_الرضا (ع)

شـيعتك نورك يالرضـا شَـعْ ليها
وأروع خَبَرْ عن مولدك شَعْ ليها
إحـنه ابـفرحنه والعِدى شَعليها
مِن نبتشـر ليش الخصـم يتكدّر

#جابر_الكاظمي
#ميمر_جابر_الكاظمي

*{{گـلـب الـزچـيـة}}*

١/أنادي وْدمعتي جِرِيَّه
حسين..حبيب..گلب الزِّچيه
بچيتك وٱدري تدري بِيَّه
أضيع..وٱهيم..بـ ٱسم رُقَيَّه

إيدي عْلى صدري ثجيله بلطمتي
ما ٱهدّه ٱذا ما يهدلك عبرتي
مثل ٱم طفل هم ٱنفگد وِتْدوِّره
هيچ آنا لٱجلك ٱَدَوّر دمعتي

ناري تسري وْدمعتي...تصيح
مالك ٱمري وْ أميري...ذبيح
كل شي لٱجله ٱرد ٱسمعه...يصيح -٣-

ياذبيح ٱمه الزچيه الـ
ماشرب ماي الظهر
ياغريب الـ عينه شافت
ياكل بْـ خدره الجمر

*{ياحبيبي ياحسين..نور عيني ياحسين}*

٢/ٱهتمامي وْكل مُهِم يهمني
العزاء..بكاء..للگلبه ظامي
عالغبره دامي بس الـ هضمني
ذبيح..يصيح..سلبوا خيامي

أصرخ يعالم ٱسمعو مْرُوِّتَه
مالك وُجُودي فداني بمهجته
ما عندي غيره أروح لـ مجلسه
ولا عندي دمعه تكفي مصيبته

عيني گلبي وْشعوري...حسين
ديني درب ٱعتقادي...حسين
أحلم بفي خدمته...أعيش -٣-

من ٱگولن يا حبيبي
وعيني دمعة حب تصب
أهديها للزهره الزچيه
وكل حرگتي ٱلـ بٱلگلب

*{ياحبيبي ياحسين..نور عيني ياحسين}*

3/غرامك جرحي وِالجرح ما
يهيد..يريد..يحرگني وٱقره
خيامك وَآنا وِالزَّمَن ها
طويل..تسيل..دمعتي جمرة

موتي حياتي وجودي بـ أكمله
من ٱنحني على بابك ٱقبله
گالولي عاري جمال الله الظهر
والحب بقايا خيام بكربله

إنته جرحي وطبيبي...حسين
إنت فرحي ونحيبي...حسين
والسواد من ٱنزعه...أضيع -٣-

كل شي ما يوجعني لٱجلك
و ٱنته داسولك ضلع
مْدَلَّل ٱبچي وِ بْـ طُفُوفَك
ينولي الـ يهمل دمع

*{ياحبيبي ياحسين..نور عيني ياحسين}*

٤/أحبَّه وْذَايب بـ غرامه
جُرُوح..وٱنوح..لٱخته الغريبه
أعيش وأنتهي بْخِيَامه
عجيب..غريب..عشگ المصيبه

عشگ المصيبة يِخَلّي ٱهل العشگ
بـ قِمَّة فرحها تِنوح وْتِخْتِنگ
خلِّيني أبچي ولكن مبتسم
وِيْسَوِّي گلبي مُخَيَّم مِحْترگ

أَضْحَك ٱبچي بـ دمعتي...حسين
ساكت ٱحچي بـ لساني...حسين
واگف وٱمشي بخيالي...خيام -٣-

ماكو واحد مثله قَدَّم
لله وِتحمل ألم
الوادم تْثَوّب طعام
وسيدي يْثَوّب خيم

*{ياحبيبي ياحسين..نور عيني ياحسين}*

*{{جروح : أحمد الهلباوي}}*


➖➖➖➖➖

((القصائد المكتوبة للملا محمد باقر الخاقاني))

قناة تعتني بنشر اللطميات المكتوبة التي قرأها خادم الحسين الموفق الملا محمد باقر الخاقاني

https://tttttt.me/latmiyyatalkhakani

رابط قصيدة ((كلب الزجية)) : https://tttttt.me/MajalesAlKhaqani/911

تسعى الى ذكرِ الرضا خطواتي ..
و أدوس فوق خطورةِ الكرُباتِ ..
ما همّني مرضٌ و لا متشائمٌ
قد آثَرَ الأمنَ على الحسَناتِ ..

‏"دعاءُ كُميْلٍ" "بصحنِ الغديرْ"
‏"بليلةِ ميلادِ شمسِ الشموسْ"
‏.
‏ثلاثٌ إذا هطلوا منْ سَماكْ
‏يموتُ السقامُ وتحيا النفوسْ
‏.
‏فخذْني على جُنحِ طيرِ الحنينْ
‏إلى جنة اللهِ في أرضِ طوسْ..
‏.
‏⁧ #الامام_الرضا_صلى_الله_عليه
#اللهم_عجل_لوليك_الفرج⁩

قصيدة (حديث السلسلة الذهبية)
محمد باقر أحمد جابر

إسْمَعْ حديثاً ذي كراماتٍ ، أتى

عَنْ آلِ بيتِ المصطفى ، ما أجملَهْ


قال الرضا عن كاظمٍ عن جعفَرٍ

عن باقر بابِ العُلوم ِ المُنْزَلَهْ


عَنْ زَيْنِ مَنْ عَبَدَ الإِلَهَ عَنِ الحُسَيْنِ

السِّبْطِ مَنْ نَرجُوه عند المُعضِلَهْ


عَنْ كُفْؤِ فاطِمَةٍ أَميرِ المُؤمنينَ

المرتضى ، وبيانِ أعظَمِ مسأله


عَنْ رَحْمَةِ الله النبيِّ ، عَنِ الأمينِ

عنِ الإلهِ كلامُهُ ما أكْمَلَهْ :


حصني هو التوحيدُ ،مَنْ يأتي إلى

حصني سيأمنُ مِنْ عذابِ الزلزلهْ


قال الرضا : لا تعجلوا ، فبشرطها

وشروطها ، وأنا لذلك بَوْصَلَهْ


هذا حديثٌ اللهُ ، لو يُتْلى على

المجنونِ يصحو كَيْ يَبُثَّ توسُّلَهْ


هذا حديثٌ صِيغَ مِنْ ذَهِبِ السَّما

يحتاجُ قلباً صادقاً كي يَعْقِلَهْ


هذا بيانٌ للولاية والهُدى

لا تتركوه فذا حديثُ السلسله


....................

الشاعر محمد باقر أحمد جابر (العاملي)
قناة خاصة بالشاعر محمد باقر جابر لنشر قصائده الولائية التي تتناسب مع أفراح وأحزان محمد وآل محمد
https://tttttt.me/aboualijaber

قصيدة عنوان الرضا

محمد باقر أحمد جابر

إنَّ للضَّامــنِ داراً في صُـــدور العاشقينْ
وقـلوبــــــاً نـابِضـــاتٍ بوفــــاءٍ وحــنينْ
إسْمُهُ عــزفٌ جــميلٌ ،ونشيــدُ المؤمنينْ
إسمُهُ وهْوَ "الرضا" غَوثٌ لمكروبٍ حزينْ

*
إسْمُهُ هَمْسُ الحنايـا حينَ يعروهــا الرجاءْ
هُوَ بابٌ للعطــايــا، وَهْوَ مـِحْــرابُ الدُّعـاءُ
وهْــوَ فَــرْعٌ هاشِميٌّ، و" عَلِيٌّ " في الإبــاءْ
حينَ داسَ الأرْضَ هامتْ، صارتِ الأرضُ سماءْ
*
أنْتَ يا مولايَ فينا، لستَ في طوسٍ غريبْ
لم نَعُدْ نــأْلَفُ حُبّــاً مُــذْ تَخِذْنـاكَ الحبيبْ
أنْتَ شَرْطُ الحُبِّ والتَّوْحيدِ، والحبْلُ القريبْ
أنْتَ بـــابٌ للمُـــوالي ســاعَةَ الحَشْرِ المَهيبْ
*
إنَّ يومـــاً جئتَ فيهِ، حجَّ أهـلُ الخافقينْ
والغيــارى فيكَ هامـــوا، إنَّ للمحبوبِ دَيْنْ
مَشْهَــدٌ تَشْهَـدُ زَحفـــاً يــا مــزارَ القِبْلَـــتَيْـنْ
وأراكَ اليومَ تُجري الدَّمعَ في أرضِ الحُسَينْ
*
يا عَلِيّــاً قدْ حباكَ اللهُ شأناً وارتَضَى
صرتَ للناسِ إماماً والولِيَّ المرتضى
خابَ يا مولايَ مَنْ جافاكُمُ أو أبْغَضا
أنْتَ كَهْفٌ وأمانٌ ، أنْتَ عنوانُ الرضا
***
....................

الشاعر محمد باقر أحمد جابر (العاملي)
قناة خاصة بالشاعر محمد باقر جابر لنشر قصائده الولائية التي تتناسب مع أفراح وأحزان محمد وآل محمد

للتواصل: 0096170799643

https://tttttt.me/aboualijaber

كلشي ضاگ بعيني بس گلبك وسيع

وانه شارد
ورده من حظن الخريف
وشفتك اكثر من ربيع

فَلّست من گد ذنوبي وجيتك اصرخ
يبو محمد اشتريني وخل ابيع

والثمن مولاي اريدن فقط بيت
البيت مو مسكن اريده
البيت اريدن بي اضيع

اشتريني ابّيت شعري
يوصف احسين اشحصله
امن انذبح بيده الرضيع

انا صح ما اسوه لطفك بس أعرفنك كريم
خل اموت وارجع اخلقني بصحن گبرك نسيم

وبس اليزورك يشمني
ولا يشمني الماله وي گبرك لقاء

خل اموت وارجع اخلقني برحمتك
قطعه سوده وتنرفع وي كل عزاء

امتلكني واكتب اعليه وقف بس للبكاء

انا يامولاي خايف لا كثر ذنبي يقلل صوت وني

وشكثر رايد اسألك والخجل منك منعني

انا معتبرك ابوي وانتَ بويه شمعتبرني ؟؟

#منتظر الجنابي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

محرم عاد عودن يابنيـــــــات
ماتحترگ كون السنه الخيمات
للعباس لاتحچــــــــون عالماي
ثلث تيام عبرنهه يعلــــــويات
كون       عباس يـــنعاف
كون       يتگطع خـــاف
كون       بالخيم ينشاف
كون       لوراح انخـــاف

أندهو حسين يبني الزينب اخيام
رقيه اتريد ابوها بحـــضنك اتنام
شهر زينب اجه وخوانهــــــا ابعاد
وين الله السنه ماتـــــمشي للشام
كوم       ابني الصيوان
كوم       طفي الدخـان
كوم       محتازه اخوان
كوم       تنسه الديـوان

ترا العباس من العام عطــــــشان
جيبوله جربته امنين ماچـــــــان
خاف يكوم رشو الگاع بالـــــماي
من ذيچ السنه لايشم دخــــــان
نام        ماشاف الصار
نام       حرگـــتنه النار
نام       من عاف ازغار
نام       والعسكر غـــار

اشعلي اشموع رمله ولمـي الاحلام
رجع عاشور گومي حضــري جسام
شبابه ايموت ليش وهوه عــــريس
ابو فاظل يزفه ابأيده كـــــــل عام
ليش      طفوله شموع
ليش      زفو بدمــــوع
ليش      شمعاته اتموع
ليش      يفرح ممـــنوع


اسحگو الخيل لو شتصير صوبين
خافن وحده منهن تسحگ حسين
سدوها دروب الشام عالنــــــــــاس
ماينسبي حته الضعـــــــــن مرتين
راح      خدر الله انداس
راح      مابي حـــــراس
راح      المابي عـــــباس
راح      اتحرسه الـناس

عبدهم
#شاكر الصيمري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ما .. صَبْرِي عَلَيْكَ وَ مَا
يُجْدِي البُكَاءُ دَمَا .. ما الإشتياقْ !؟
لا .. عنِّي تصُدَّ و لا
تَحْمِل فُؤادِي علىٰ .. ما لا يُطاقْ

هيّن أمر الموت عندي و أنه لمفارق هوَاك
مستعد أنطيك عمري و اشتري شَمَّة ثراك
عشِت حاله امْن العدَم لاهي نجاة اوْ لا هَلاك !
*يا غَرِيبَ الغُرَبَا فِي بُعْدِكُمْ حَالِي غَرِيِب !*

لا نَسيم (الصَبَا) ايْمُرني اْو لا يهِب (ريح الشِّمالْ)
و آنا عطشانك و أدوَّر رَشَفه من كاس الوِصال!
الدَّهر صيَّاد اْو إجيتك يالرضا ابْرَكضة غزَال !
*مُسْتَجِيرًا بِكَ أتْلُو سَيِّدي : {أمَّنْ يُجِيْبْ} ؟!*
__
حالة من العدَم
| ميرزا عادل أشكناني |
قم المحروسة
٤ / ٢٠٢٠

*[ قادم محرم ]*

أداء: الرادود #علاء_الغريباوي والرادود #علي_الوائلي_الكربلائي
كلمات: الشاعر #ناظم_الحاشي

https://youtu.be/-in66iSpz7o

ليالي شهر شوال لسنة 1440 هـ - 2019 م
ذكرى استشهاد إمام الجعفرية الإمام جعفر بن محمد الصادق صلوات الله عليه
هيئة وصال العاشقين - العراق - واسط

مونتاج: مصطفى العتابي
مكساج: عباس الحواج
مخطوطة: ملا كرار الموسوي
تنفيذ: شاريو للانتاج الحسيني
النشر الشبكي: علاء بركات العاملي

*اللــہــم_عجــل_لــولیڪ_الفـــرج*
*صاحب الزمان عج يزور اهله يوم الجمعة*
بالجمعة زاير~
تقرأ لطم ونعي بعدة الحان او الجفيري♪
〰️〰️〰️〰️〰️
عجّل يا مهدي المنتظر²
〰〰〰〰〰
يالمهدي احزانك كُثر
بالجمعة زاير كم گبر
جدك محمد ينتظر
تشكيله مأساة الدهر
〰〰〰〰〰
باول گبر تصلي الفجر
وترتّل آيات الصبر
بجاه الي صايم منطبر
بمحرابه وبليلة قدر
〰〰〰〰〰
يابن الشموس الساطعه
تگصد گبور الاربعه
وتهل عيونك مدمعه
مهدومه لا قبة واثر
〰〰〰〰〰
تگصد لطوس بدمعتك
تشكي لجدك غربتك
هموم ومآسي محنتك
ومن الله وعدك تنتظر
〰〰〰〰〰
بالكاظميه موعدك
قيد وسلاسل تنشدك
ثار السجين يرددك
گوم اكسر قيود الاسر
〰〰〰〰
تزور الغريب بكربله
ظل جسمه عاري بالفله
ودم من مهجته سايله
وتبكي الذبيح من النحر
〰〰〰〰〰
لگبر الكفيل بيا وضع
تتعنه شاكي بالدمع
وتنادي يا ثار الضلع
بچفينه عجل لي الأمر
〰〰〰〰〰
بحزن ومدامه ساجمه
تگصد. لأمك فاطمه
وأنّة ضلعها للسمه
عجّل يا مهدي المنتظر
〰〰〰〰〰
خادمة آل محمد ✍🏻

https://tttttt.me/joinchat/AAAAAD9ng3ujqkUa3rjbSA

*[ قادم محرم ]*

أداء: الرادود #علي_الوائلي_الكربلائي والرادود #علاء_الغريباوي
كلمات: الشاعر #ناظم_الحاشي

https://youtu.be/4-lkjmgrP9g

ليالي شهر شوال لسنة 1440 هـ - 2019 م
ذكرى استشهاد إمام الجعفرية الإمام جعفر بن محمد الصادق صلوات الله عليه
هيئة وصال العاشقين - العراق - واسط

مونتاج: مصطفى العتابي
مكساج: عباس الحواج
مخطوطة: ملا كرار الموسوي
تنفيذ: شاريو للانتاج الحسيني
النشر الشبكي: علاء بركات العاملي

،#دمع_الوحي/ طور الأنين العاملي♪
دم الوحي لاجلك نزل
رتّل آيا مهدي العجل
〰〰〰〰〰〰
يالمهدي مو كافي غياب
يعقوبك انه وانتظر
عمري انقضى كلّه بعذاب
اكحل بنورك هالبصر
الجمعة تمر كنها سراب
عجل يا مهدي المنتظر
اقسم بخدر الزينبي
ارجع الينه بالعجل
〰〰〰〰〰〰
مشتاگه روحي لشوفتك
وما عندي بس دمع ونحيب
اترقّب انه رجعتك
ترد النا من بعد المغيب
بيا حسره تگضي جمعتك
تنصب مآتم عالغريب
تبكي الحسين وذبحته
وتذر مدامع هالمُقل
〰〰〰〰〰〰
احسبني قنبر بين ايديك
خادم ترابك يا امام
اتشرّف انه بدولتك
توكلني انجز لك مهام
اگعد على بابك مطيع
والقي التحيه والسلام
حاشى تخيّب مقصدي
وانت لْتِعطيني الأمل
خادمة آل محمد✍🏻

نعي عند قبر الأم
،،،،،،،،،،،،،،،،،،،،،،،،،،،،
ما تدرين يمه بحالي لو تدرين
اجيتج بس بعد هيهات متگعدين
يم گبرچ أون حد ما يموت الصوت
واصيحن يمه اريدچ واعرف تسمعين
ما تدرين آه يا يمه ما تدرين

من اشتاگلچ يعبرني كل صباي
ياخذني الدمع ويذبني بالخمسين
مو ذاك التعرفيه لفاني الشيب
ابنچ حاله حال الوادم الميتين
اجيتج ما تعرفيني تعبت هواي
تمر بيه الليالي ويمه چنهه سنين
أباوع بالمرايه واصفن واحتار
واسال روحي ياهو گبالي ؟ هذا منين؟
تعب مني طبيبي وما عرف شكواي
ما يدري التروح أمه علاجه اثنين
لو يلحگهه بارض النجف يمهه ينام
لو يمه ترد ويرد ضواهه العين
يمه استاحشت بالدنيا چني أوحيد
هواي الناس يمي وتارسه الصوبين
بس ما بيهم انتي ولا عطر ملگاچ
لا عيناچ يمه ولا دفو الچفين
اباوع عالسمه بلكت ضواچ بليل
يسد وحشة فراغچ لو علي تلفين
مريني بحلم ادري اليموت يموت
بعد ما مقتنع وانتظرچ تعدلين
اجيتچ للمكابر وارش يمه الماي
واتاني بهلبت من المگبره تخضرين
گومي وياي لو بس لحظه خل ارتاح
اشوفن يمه طولچ ساعه وتردين
يلظهرچ حنيته بسهر ذاك الليل
ربيتي وتعبتي وما وفيت الدين
شجازيچ بدمع لا والله ما اوفيچ
داريتي شكثر حد ما لفانه البين
مشيتي ودار ما ظلت يبعد الدار
لا طبهه الفرح متروسه يمه اونين

بخيته المگبره وبيهه امي مدفونه
يا حيدر علي خطارك شلونه
انه ادري امي بحماك تصير مامونه
اليدخل عد علي ما تهمل عيونه

#كلمات الشاعر :: رعد الفريجي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء