يروى ان رأس عبدالله الرضيع رفع على رمح واخذ مع الرؤوس ...
وكأني بأم عبدالله الرضيع تمشي مع السبايا وتنظر الى رأس ابنها وهو على الرمح مما جعلها تتعثر بالمشي حتى بدأت تتأخر فشاهدتها ام المصائب زينب وجائت اليها وطلبت منها ان تمشي مع السبايا لتطمئن عليها .. فقالت ام الرضيع للسيده زينب :


أشما أصدن للرماح
أشوف أمدللي الراح
والله صعب ممشاي ومو بيدي يعيناي

* * *

أنظر رضيعي أعلى الرمح
يازينب وراســه حر الشمس جاسه
ويلعب بشعر الهوه

شلون أمشــي وياجن أنــــه
وكل لحظه أتعثر يالحره ما أكــــدر
للشام نمشي ســـوه

خلينه نحجي ويه الشمـر بلكت ينزلونه
بلكي الله يرضون العده وعندي يخلونه
في أرد أصيرله أنه وأرد أمسح عيونه
وبحضني ألوليه بجي لو ألي ينطونه

بحضني لابد ينام
لمّن نوصل الشام
لوليدي أصير افياي ومو بيدي يعيناي

* * *

ذبلن أعيونه امن التعب
وليـــــدي يعاينلي كل ظنه يرجعلي
مايرضه عنه أبتعد

وشفافــــه يبسها العطش
وأمنيتي أوصللهن مـــــــاي وأبللهن
جانن ينكطــن ورد

أخدوده ترفـه وسومرن هالشمس تجويهن
وهذا التراب البالهـــــــــوه كلما يمر بيهن
يلجمني واشهك للسمه من شوغتي أعليهن
ومشدوده أديــه بالحبل ما أكـدر أحميهن

الجويـه بعده ماطاب
يلجمه هالهوه الهاب
أحسه يمرعد أحشاي ومو بيدي يعيناي

* * *

يازينب أجبيــــر الرمح
ماهو بحجم نحــــره بس ست شهر عمره
ميشيل راس الرمح

وجن أسمعــه ينادي علي
يايمــــــه ألحكينـــي أمن الرمح خلصيني
شيليــــه من الجرح

أفتهمه شيكول الولد كلما يناغيني
ماخلي أبني أبهالوضع كلبي مينطينــي
أشجندوب أطيح أعلى الترب وأنتي تكوميني
خليني أموت أمن البجي مولاتي خلينــــي

كلبج مثلي متعوب
وأتباريني جندوب
تعبتـــج آنــه وياي ومو بيدي يعيناي

* * *

عبدالله شو شفته صفن
ولن باله مويمي وآنـــه يبس دمي
كلت أبني شنهي سمع

ثاري أبوه يقره الكهف
ووليدي يسمعلـه وجنـــه يرجعلــه
لاجن الصوت أنكطع

اتلفتت من صوتــه سكت وآيات مايقره
وبعيني شفت الفاجعه وخنكتني العبره
ألتموا على راس الطهر ريحانة الزهره
أتولوه بسياط العده وهوه يجر حسره

وأبني مدمعه يسيل
حرمــوه من تراتيل
وضل بالي يم مولاي ومو بيدي يعيناي

* * *

كل جرح يرهمله دوه
بس ماكو لجروحي وأتعذبت روحــــــي
بهموم ماتنجلــي

ما أكــدر أبليـــــاه أبد
بعده شلـــي بعمري صرت أشتهي كبري
الموت أحسن ألي

اصبي عيني راسه أعلى الرمح شياله مرمرني
ايماشينـــي وأجدامي بعد لاما يمشني
أصفن عليه وأتخيله وأنتظره يشبكني
لحد ما يفززني الشمر وبرمحه يدفعني

كلـــي لاتنوحيــــن
سكته كون تمشين
يزينب شوفي بلواي ومو بيدي يعيناي

* * *
#سلام المشعل

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ولادة الإمام الرضا عليه السلام

بشهر ذي القعـده لِفــه طيـر السعاده
يِبَشـِّــر ابميــلاد نبــــراس السيـــاده

هــذي فرحـه كــل محـب بيهـا تِغنّـه
ابمولــد السلطــان هاليــوم احتفلنـه
صحنــه ياميــة هلا بضامــن الجنــه
كــل گلـب فرحـان الـه يرسـل وداده

هالشعــور البيّــه مــن دافــع سروري
أجمـل إحسـاس التِمَـلَّك كل شعوري
بِعـدي عنّــي يـا ليالـي الحـزن غوري
هــذي ساعــات الفــرح دلالـي نــاده

هايــم ابأوصافــه واســراره وجماله
نـوره شــع اعلينــه هاليــوم وتِلالــه
صلّــي ياربــي على المصطفى وآلـه
ثامــن أنــوار الحجــج هلّـت اعياده

فــاح عطــر المولــد ابكــل المحافل
فرحــه بيهـا نستمـع صفگه وهلاهل
مولــد السلطـــان لــو عنّــه تسائـــل
فِرحَـت احبابــه وسعيــده بالــولاده

ريتنـي نسمـة هــوى لمشهـد تسـافـر
وانثــر زهـور الوفـه وطيب المشاعر
أكحِـل بشوفـة ضريحـك هالنواظــر
ريـت گلبــي بهـالحلـم حقــق مـراده

سَيـّدي بمهجتـي وبروحــي شريتك
يامـن العــز منبعـك والكــرم صيتك
يـا أنيـس انفوسنـه لـو نجـي لبيتك
نلگـه عطـرك دِوَه وانسامـك ضماده

تاهـت ابّـحـر العشـگ روجـات حبي
على جرف لشوگ ظل ملهوف گلبي
يمتـه ازورك سيـدي ويأذنلـي ربــي
تدري صعبـه عالمحـب يِطوَل بِعاده

كلمات عمار الراشدي

ولادة الامام الرضا عليه السلام

للرضـــا بميـــلاده نبعثلـــــه التهـانــــي
امحَمِله ابحب او وفه وطيب وأمانــي

يا بحر مـن الوفــه ومرســى الحيـــاره
مركب اشواگـــي عجــز مــل انتظــاره
واگف ابشاطي الأمـــل ينطـــر ابحـاره
واعله جـرف الفـرج يحسبهــا الثوانـي

صدگ نتلاگـــه ويِتِـــم يمّــك فرحنــه
يا نهــــار العيـــد يــا طلّـــت صبحنــه
تدري لمفــــارگ حبيبــه بأشـد محنــه
واعله سچّــة صبــره چن ميّت يتانـي

نهــر شوگـــي فــاض وابگلبي مصبّـه
مثـل مــاي النهـــر گلبــي صافي حبّه
كــون ادز دلالـــي بالحضــــره اذبـــه
ويشتكيــلك صاحبـــي يمــك رمانـي

بحــر لفــراگ اشكبــر غمجــه علينــه
وبمحيطـه تفــوج روحي چـن سفينه
يــا ريـاح الوصـــل هبّـــي وريحينــه
مرّي بينــه عالسكن روحــي ودهانـي

مرّي بينـه واحمِلــي حبنــه وعشگنـه
يَـم طبيب العلل خــل يشفـه جرحنه
دوري بينه وطوفـي شباچه وصحنه
يَمـَّـه همـّـي ينجلي وتنجلي احزانـي

ريــت گلبــي هنــاك باعتـابـك اشتله
واحضــن الشبــاچ بشواگـي و اقبلـه
واحچــي وياه ابدمـــع عينـي واگله
اقبلنـــي يامولاي خـــادم إلــك آنـي

كلمات عمار الراشدي

كون بنص اخوتي. ياخذ روحي موتي

ويشيعوني الاخوان
وراي تنوح نسوان

ياخذ روحي موتي
...........

مافاركت عيني دموع عيني
زاد وملح صرت انه اونيني
من كد ماشلت للمكبره اعزاز
هيه المكبره كامت تجيني

خلص عمري بس لوعه
فتحت عيوني مفجوعه

ياخذ روحي موتي
........

بفاتحتي اريد اخواني متحزمه
وكل شيوخ هاشم بيهه ملتمه
لابس صايته واعگاله اخوي حسين
وكلهه تصيح بس آمر يبو اليمه

حته اتونس بگبري
ماضايع تعب عمري

ياخذ روحي موتي
........

اريد اليحضر الفاتحتي يتعجب
ازغار اكبار بالجادر علي تنحب
الخطار اليجي الفاتحتي كون ايكول
الف هنياله اعله اخوانهه زينب

كون تسولف الوادم
بحنيت بني هاشم

ياخذ روحي موتي
.........

اطلبكم بجي مال 11 ليله
وعادات اليحب لليحب يوفيله
من اول سهم والحد رضيع حسين
اول حرمه زينب تجي وتبجيله

بجيت اعليكم ابجولي
شسويت انه سوولي

ياخذ روحي موتي
..............

اشيلن راسي كون وبيكم اتشيم
زحمه الفاتحه ما بيهه ابو ولاعم
تنهاب المره وتنحمد بين الناس
اذا عدهه اخو بالفاتحه امحزم

ما وصيكم اخواني
لحد كون ينساني

ياخذ روحي موتي
.....


#الخادم موسى البطلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

أبيات أبو ذيه
عن لسان حال أم المصائب زينب عليها السلام لرثاء السيده رقيه عليها السلام
.....................
بيها بتنه
أبخريبه أمنالخرايب بيها بتنه
أعله راس حسين ماتت بيها بتنه
أو هذاك اليوم ألأسود بيها بتنه
تمنه الموت أله موش الرقيه
..................
ما هي ميته
يمن كلي رقيه ما هي ميته
وكولن دمع عيني ما هي ميته
أهي ميته ولكن ما هي ميته
جسدها للدفن ذيج المسيه
..................
خادم أهل البيت
الشاعر : أسماعيل الجوراني
الخميس : 25/6/2020

1. بيها بتنه : نمنا فيها
2. بيها بتنه : أبنتنا رقيه
3. بيها بتنه : البت : شريان القلب
................
1. ماهي ميته : لم تمت
2. ماهي ميته : لم أبكي لوفاتها
3. ماهي ميته : لم أستعجل لدفنها

يا زهراء مدد~*
لطم~*أبو فاضل~ أبو فاضل أبو فاضل أبو فاضل ~*
خُلقنا من تُرابِ كربلاء
لطيننا دَمعُ الكفيل ماء
باب الحوائج لنا الملاذ
و حُبّهُ لقلبنا إرْتِواء

رايته… لنا مأوى
من كفيه… قد نُروى

*أبو فاضل~ أبو فاضل أبو فاضل أبو فاضل ~*
〰️〰️〰️〰️
صلى بسيفه عند الفرات
آذانه في ذا الوغىٰ هيهات
مبتورُ كَفَّيْنِ على الصَعيد
والسهم بالعينِ تلىٰ الصلاة

يا كاشف… للعسرِ
والحورا… في الأسرِ
*أبو فاضل~ أبو فاضل أبو فاضل أبو فاضل ~*
〰️〰️〰️〰️
قيامةٌ في بأسِهِ حيدرْ
و كل نفسٍ لائمه جَزَّرْ
جهنّمٌ بالطفِّ أصلاهم
و الكون من هيجائهِ أغْبَرْ

كرارٌ… كالشهب
مغوارٌ … في الحربِ

*أبو فاضل~ أبو فاضل أبو فاضل أبو فاضل ~*
〰️〰️〰️〰️
بجانب النهر سنا البَدرِ
حسينٌ قد أتىٰ محْدَوْدَبِ الظهر
ناداه لا تمضي أيا أخي
يا نور روحي يبكي بالقَهْرِ
قمر ~
وافاضت… أنفاس
ينعاه… عباس

*أبو فاضل~ أبو فاضل أبو فاضل أبو فاضل ~*
〰️〰️〰️〰️〰️
نحن بَني شعائر العزاءْ
حب الحسين مُلْهِم العطاء
دروسنا من عابس الفداء
ومن ابا الفضل أبا الوفاء

تعلمنا… إيثاره
والعباس… شعاره
*أبو فاضل~ أبو فاضل أبو فاضل أبو فاضل* 〰️〰️〰️〰️〰️
أصالةً عن أنفس الهيام
للموت لا ننسى هوىٰ الإمام
حُسيننا أسطورة الغرام
و الساقي عباسُ لنا الوسام

بالعباس… أقسمنا
حسينيون…. خُلقنا
〰️〰️〰️〰️〰️
حديثنا عن يوم عاشوراءْ
عباس فيها ناشر اللواء
كالموت حلّ بينهم فتكا
في كفه تسبيحة الزهراء

لاهوتٌ للغضب
زلزالٌ… للرعب

*أبو فاضل~ أبو فاضل أبو فاضل أبو فاضل ~*
الشاعرة الحسينية خادمة آل محمد✍🏻
*أبو فاضل~ أبو فاضل أبو فاضل أبو فاضل ~*
‏https://youtu.be/6HkVeiC9DhA

#ابو_فاضل~♪²*
*#داء_القارئ مصطفى شري🎤*
*كلمات الشاعرة خادمة آل محمد✍🏻*

آداء القارئ عبدالله كوثراني🎤~`☆°•●
كلمات الشاعرة خادمة آل محمد✍🏻

‏مقطع صوتي من الشاعرة خادمة آل محمد ✍🏻

#الناشر_الحاج_فلاح_حسن


#دخيلك ياعلي

دخيلك ياعلي چا تنفرج يمته
ضريحك نفس للمهموم علمته
⚡⚡⚡⚡⚡
ضاگت والمنايه تحوم بين الناس
وكل غالي علية اليوم ودعته
⚡⭐⭐⭐⭐⭐
چنت ابحضرتك مولاي اشكي الهم
يبو الحسنين بابك ليش اغلگته

⚡⚡⚡⚡⚡⚡
دوخنه الوگت من الزغر ياحيف
مرار وظيم كلي الفرج يمته

⚡⚡⚡⚡⚡⚡⚡
على افراگك تراهي الروح ماتگدر
وكلبي اعلى البعد بالگوة صبرته

⚡⚡⚡⚡⚡⚡
ليالي تمر علينه اثگال بالحسرات
يطر الصبح بس جفني وله طبگته
⚡⚡⚡⚡⚡⚡⚡
تحملت المرض وگرونه والشمات
بس بعدك يبو الحسنيين محملته

⚡⚡⚡⚡⚡⚡⚡
عاشرني الفرح من چانت امي وياي
بضحگه وسالفه المجروح داوته

⚡⚡⚡⚡⚡⚡⚡
هسه الموت اخذها واخذ كل حيد
بتراب النجف كل غالي ادفنته
⚡⚡⚡⚡
يبو السجاد احظر من نطيح بضيج
تريد الناس منك تشفي علته
⚡⚡⚡⚡⚡
اندبگ ياعلي والجف الگ ممدود
گرب شهر الحزن وحسين مازرته



الشاعرة الحسينية
26/6/2020
ام محمد المحمداوي

#الناشر_الحاج_فلاح_حسن

عمه زينب ذاك فارس جاي متوجه علينـــــــــه
عمه يضحك جاي اشوفه وين ابوي حسين وينه
بيده راس وكله دم...واحنه أطفال وحرم
وين ابوي حسين وينه
........................................
عمه يا زينب تعالي خل نرد لخيـــــــــــامنه
واكفة اعله التل علامج واحنه ماكو ازلامنه
هاي وادم كلها غربه يا هو يرحم حالنــــــه
خايفه وهذا الأجانه أمنين والمن جاينــــــــه
عمه ادري الشوك يذبح والحنان ايفيض مايه
واحنه نسوان اشبدينه ما بقت بس العبايــــــه
وجفن مدمعها انهدم...واحنه أطفال وحرم
وين ابوي حسين وينه
........................................
التفتت الحره العقيله البنت أخوها حايره
كلتلها الراس هذا راس ابوج العالثـــــره
عمه ماضل عدنه والي كل زلمنه اموذره
رجعي ولمي خواتج راح يسبونه تـــــره
عمه جن اسمع حوافر تعثر بصيوانهــــا
جنها تسحك صدر فارس طايح ابميدانها
ناس ماعدهم رحم....واحنه أطفال وحرم
وين ابوي احسين وينه
..........................................
ركضت أمن التله زينب من وصل ميمونها
وصلت وشافت أخوها جثته أيسحكونهــــــا
طاحت وبالسوط كاموا زينب ايكومونهـــــا
والشمر أسمع يكلهم حيل ورموا امتونهـــــا
وبعد كلهم جيبوا بنته خل تشوفه بعينهــــــــا
وكعد ويلي فوك صدره وضل يوذر احسينها
كلشي منه ما سلم....واحنه أطفال وحرم
وين ابوي حسين وينه
........................................
اشتعلت النيران وانضر كل خيمنه طايحــه
وزينب اتعاين عليه وبالمدامع سابحـــــــــه
لحضه لن فارس أجاني او وين كلي رايحه
جر تراجيي أمن اذاني وآنه بالهم سارحــه
رحت أركض للشريع واعثر بطارف عباتي
كتله عمي كوم لينه سلبوا عمتي وخواتـــــي
كوم يا راعي العلم....واحنه أطفال وحرم
وين ابوي حسين وينه
......................................................
وحشه صارت والحراير بالحبل شدوها
وعمتي زينب يم أخوها بالرمح دفعوها
لو بجت طفله اعله ابوها الراس ابوها اخذوها
وهذا يدفعها اعله رمحه خاطر ايسكتوها
وآني كل ذني عشتهن من خذوني للخرابــــــه
مات كلشي وكلشي بيه ضل يحن مشتاكه بابه
عمري وياك انعدم....واحنه أطفال وحرم
وين ابوي حسين وينه
................................................
خادم خدمة الحسين
الشاعر
#محمد الموالي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

إلى الأنصار

لَبَيكْ * * فَلِيَسمَعِ العَالَمُ عُمقَ الصِّوتِ

لَبَيكْ * * حُسِينيُونَ أنِّنَا لّلمَوتِ

أَنصَارُكَ الأحرَارُ فِي كُلِّ أَرضٍ صَارُوا

حُسِينيُونَ أنِّنَا لّلمَوتِ
______________________________
حَياتُنَا مَماتُنَا أَيّامُنَا حُسِينُ

أعمَارُنَا أشعارُنا شُعُورُنا حُسِينُ

وَكُلُّ مَا فِي جِمسِنَا فِي قَلبِنا حُسِينُ

صَلاتُنَا تَسبِيحُنَا زَكاتُنَا حُسِينُ

عِشقٌ * مِثلُ هَواءٍ يَنعشُ الأنفَاسَا
عِشقٌ * حُسِينُ تاجٌ رَافعٌ ذا الرَّاسَا

نَحنُ بِهِ أبرَارُ أَنصَارُكَ الأحرَار ُ
حُسِينيُونَ أنِّنَا لّلمَوتِ
____________________
يَا سَيّدي قُلْ كِلمةً نَحنُ هُنَا فِداكَا

عُبدٌ وَحُرٌّ أَبِيضٌ وأَسْوَدٌ أَتَاكَا

مَا همّنَا لَونٌ وشَكلٌ همُّنا رِضَاكا

ليسً عَجِيباً سيّدي لا شَيءَ قَد عَلاكَا

نَفَدِيكْ أَروَاحُنَا مَصهُورةٌ فِي حُبِّكْ
نَفَدِيكْ أَنفَاسُنَا مَنثُورةٌ فِي دَربِكْ

فَلِتَصرُخ الأقدَارُ أَنصَارُكَ الأحرَار ُ
حُسِينيُونَ أنِّنَا لّلمَوتِ
_________________________
مِنّا حَبِيبٌ عَابِسٌ وَنَافِعٌ زُهِيرُ

بَدرٌ يَزِيدٌ عَامِرٌ جَونٌ وَ ذَا بُرِيرُ

حُرٌّ وَعَمرٌ مُسلِمٌ قَلِيلُنا كَثِيرُ

حُسِينُ أَنتَ قِبلةٌ أَنتَ لَنا مَصِيرُ

عَهدٌ * لَن تَنثنِي إرادَةُ الشُّجعَانِ
عَهدٌ * حُسِينٌ ثَورةٌ عَلَى الطُّغيَانِ

فِي قَلبِنا إصرَارُ أَنصَارُكَ الأحرَار ُ
حُسِينيُونَ أنِّنَا لّلمَوتِ
___________________
إنّا تَركْنا أَهلَنَا أَضحَى الحُسِينُ أهلَا

عَلّمَنا شِعارَهُ ( هَيهَاتَ لا وكلّا )

إنْ كَانَ مَوتاً حُبُّهُ أهلاً بِهِ وسَهلَا

عِشْنا كَثِيراً غَيرُنا حَتماً هَوَى وذَلِّا

جَنّةْ أَبنُ المُسمّى حَيدرٌ في الأرضِ
جَنّةْ ذَريّةٌ وبَعضُها مِن بعضِ

فَنَسلُهُ الأطهَارُ أَنصَارُكَ الأحرَار ُ
حُسِينيُونَ أنِّنَا لّلمَوتِ
________________________
بِ (يَا عَليٌ )سَيفُنا يَهوي عَلى الأعَادِي

لَم يَبقَ مِنهمْ أَحدٌ صَارُوا كَمَا الرَّمَادِ

فِي كُلِّ ضَربةٍ لَنا يَا فَاطِمٌ نُنُادِي

حَسِينُ دَينٌ دٌنيةٌ حُسِينُ في الفُؤادِ

صَحبٌ لبُّوا النَّدَا فِي كَربَلا الإيثَارِ
صَحبٌ وَفَاؤهُمْ مِن حَيدرِ الكَرّارِ

فَما دَنَاهُمْ عَارُ أَنصَارُكُ الأَحرَارُ
حُسِينيُونَ أنِّنَا لّلمَوتِ
__________________
#علي حبيب الشابي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

عگدنه بيرغك بچفوفنه ونسأل
محرم يا بو فاضل جاي شنهو الحل

محرم جاينه ومكسور واهسنه
يبن الرد شمس رجع مجالسنه
ابابك مو شِعر بدموع هوسنه
يكافل زينب انت بهاي تتكفل
...
محروگ الگلب لو عاتبك معذور
كلفه يا بو فاضل من بعيد انزور
كلشي ايهون بس اشلون اجه عاشور
سكته يمر محرم ؟ انت ما تقبل
...
عليك بداعة الخيمه الخذتها النار
إفزع للخدم والحچي مزامط صار
نسمع من اهلنه واحنه چنه ازغار
اليدگ باب ابو فاضل عمره ما ينذل
...
وصيّة امنه لو ضيم الزمان ايهيج
نعگد بيرغ العباس وكت الضيج
ترضه السنه ماكو ركضة طويريج
چبيره السالفه ونريد تتدخل
...
يتچاية حملنه لون راد ايميل
الشعائر ورث اهلنه وجيل يتبع جيل
تدري امتونّه تذبل بلا زنجيل
خدمتكم نهر والعافها يذبل
...
يالبچفك درينه الما يصير يصير
ديره هموم بينه نسولف ليا بير
معقوله السنه ما يطلع التطبير
ضعنه وغير بابك كلشي ما نندل
...
أفه يالربتك بدويه وفايه
صعب بچفوف زاير ما ترف رايه
صدگ ماكو اربعين وماكو مشايه
إِزعل إلك حگ بهاي من تزعل
...
هواي الگالو من اللطم شمحصلين
هذا الحال عند البعض گرة عين
لتشمتهم بخدام اخوك حسين
عليك بوگفة ام الخدر فوگ التل
..
خادم الحسين ( عليه السلام)
#كرار حسين الكربلائي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء