حسين انحِنَه ومَال
واتوَسَّـــد ارمَـال
وگبَاله چَتّال
سَب الزچيّه
*
إبن النَبي المَيّت عطَـش بچفُــوفه زمزَم
لليَـابس ايصِــير النِـــدَه وللعِـلّـّـه بلسَــم
شَاف الأرض مِن العطَش شَالَت ألف هَم
عطشَـان بَـس امنِ الكـرَم رَوَّاهَــا بــالدَم
چفّه العِـرفنَاه . بلَا خنصِر اهنا
متـﮔطّع اوصَال . واتوَسَّـد ارمَـال
*
مِن طاح من فُوگ الفَرَس طاحَت مَجَرَّات
وارتَجَّت اَرض الله وبچَت سَبع السَموات
كالقـُـنفِذ اسهَام الصَدر تحسِـبها هيهَـات
وماتنسِـمع وَنـَّـات اِلَه بس تسـمَع آيَـات
وَجه الله مَطرُوح . واينَازع الرُوح
حَاله بأشَـد حَال . واتوَسَّـد ارمَـال
*
اوسَاده صِنَعـلَه امن الرَمل بَس الرَمل حَار
زَيـَّـد لَـهِـيبه البالحشَـه وشَب بالحَطب نار
بالمِلـح تَـرَّســلَه الجـرُوح وكالجَـمُر صَـار
حَـد السَـهم وَيـّـه الرَمل لِـبسَـن فَـرِد عَـار
تلَاﮔَـَن بلِطفوف . لَا رَهبَه لاخُوف
مِن سُوء الاعمَال . واتوَسَّـد ارمَـال
*
وَاگف عَلى رَاسه المُعادي ابقَـتله مِهتم
باقدَامه دَاس اعلَه الصَدر والأُمَّـه شَتـَّـم
وحســين دَمعَــاته دِمَـه ابخَـدَّه التِـثلـَّــم
خَـايف عَلِـيه مِن فِعـلِـته ايطـب الجهَـنم
زَرع الله لِحسين . خَضّر وِفه ودِين
بعَـفوَه المَجد نَال . واتوَسَّـد ارمَـال
***
مَشهَد صَعـب آيَة سِمَه بهَالشِـكل تنجَاس
وذبـَّاح مَمسُوخ الوَجه بِـيد البَلَه احسَاس
قابِض عَلى الّلحيَه الشَريفه ويطبُر الرَاس
ﮔـَـطّـَّع تَسَـابيح الذِكِـر ويّه اَقـدَس انفَـاس
غَمَّضها لِعيون . ضَحَّه وحِيَه الكون
وحَمَّـلنه بافضَـال . واتوَسَّـد ارمَـال
---------------------------------
لقمان لعيبي البدران

https://telegram.me/lukmanalbadran

وصلنه اخر درس
طلاااااب
رقم اربعطعش يُعرَف
ودگ الجرص من ازمااااان
يمته نرجع لصفنه ؟!
ومعلّمنه يجي ونوگف
ومدير المدرسه يدري
بوضعنه وبسرائرنا
ولمّن شافنه مضيعين
معلّم ينعشگ ودّه
وطبعه امن الورد اترف
بس المشكلة الطلاب
ما رادت ابد تصطف !!
ومدير المدرسه شكد صاح
وشگد صاح
كافي امن اللعب طلااااب
اذا ضليتوا بالساحه
الملعم ما يجي للصف 🥀

#ميثاق_الحمداني
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

بسم الله الرحمن الرحيم

[ ياضحكتي ونوحي ]

ياضحكتي ونوحي ... ياصديق جروحي
الله خالق روحي ... تخدم بعزائك

ياحليف ونيني ... ياشموع سنيني
إنته ساكن عيني ... مو كربلائك
_

رغم حَر الشمس والعطش أثّر بيك
أتبلل بإسمك سيّدي من احجيك
دمعي وراسي ينزل مِن يُمُر طاريك
حبيبي وبيك أحيه وآنه اموتن بيك

ياحياتي وموتي ... ياسكوتي وصوتي
يانحولي وقوتي ... أرفع لوائك

مجلسك يحييني ... ذكرك يبجّيني
إنته ساكن عيني ... مو كربلائك
_

يحسين ومثيلك ماكو أي إنسان
يذل ماي الفُرات وجبده ظَل عطشان
مو بس دم .. نِزَفْت آيات عالتربان
لإن عايّش بذاتك محتوى القُرآن

هذا دمّك جاري ... بي كلام الباري
وسفة جسمك عاري ... سلبوا ردائك

عبدك وتدريني ... مالي غير حسيني
إنته ساكن عيني ... مو كربلائك
_

تنصّب عالرمح راسك يلِب احشاي
واخافن مِن يُمُر وقت الصلاة اهواي
إذا سجديت راسك ينلجم مولاي
لإن مَيّت عطش بَعدَك كرهت الماي

يافُراتي الضامي ... ياربيع ايّامي
إكَبالي اشوفك دامي ... تكَطر دمائك

جرحك يداويني ... عَطشَك يروّيني
إنته ساكن عيني ... مو كربلائك
_

يا أوّل قصيدة تجسّد الإحساس
يا أوّل عذيبي يداعب الأنفاس
أذا يَم شجرة تكَعد تنسه طاري الفاس
هنياله اعله خوتك سيّدي العبّاس

خوّتك ندريها ... الله يحلف بيها
روحي نجمة احويها ... تغازل سمائك

بحُبّك مغذّيني ... بخيرك مغطّيني
إنته ساكن عيني ... مو كربلائك
_

يظَل حزنك جديد شما تُمُر اعوام
شلكَت بيك وأجتّك هاكثر الاسهام ؟!
صرت كلّك جرح مِن الجِدَم للهام
ونارك بالخِيّم شبكَت شكَد ايتام

والرمح والخنجر ... باسك من المنحر
وانته صوتك كبّر ... يعلن فدائك

يا أفاضل طيني ... صيتك معلّيني
إنته ساكن عيني ... مو كربلائك
_

أشوفك مو فقط صورة جرح ومصاب
يَمَن صورة جمالك تسحر الألباب
نمليت بدمّك ونورك أبد ما غاب
نَعَم بالجَنّة اشوفك إنته أجمل شاب

ياجمال عيونك ... حقهم يحسدونك
زادي مِن ماعونك ... رايّد عطائك

دنيتّي وي ديني ... بمأتمك ربّيني
إنته ساكن عيني ... مو كربلائك


الحَمدُ لله والشكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
#رزقهم_سلام_الله_عليهم
حيدر الموسّوي

*يابن الزهراء~*
[يابن الزهراء
يا يسري في عسري.. عن حالي لو تدري.. مات الصبر بصدري.. مات الصبر~

يابن الزهراء
ان تدعو لبينا.. عد مولاي الينا.. طال الليل علينا.. فمتى الفجر ~
يا مهدي أدركنا كم قلناها²
شيعتكم كان ولا زال دعاها²
اللهم عجل لوليلك الفرج²] مقتبس
〰️〰️〰️〰️〰️
يابن الزهراء
اطلب ثأر المظلوم.. أين الوعد المحتوم.. صدر العرش مهشوم.. فوق الرمضاء

يابن الزهراء
صوت القلب ناداك.. ارفع يا مهدي لواك.. بالطف هنا نلقاك .. عهدا وولاء

يابن الزهراء
بالندبةِ والعهدِ.. رتّلنا لك مددِ .. أدركنا آيامهدي.. تلك الصرخات

في الجمعة لقيانا.. ذا الوعد أما حانا.. باسمك رُفع لوانا.. يا للثارات

[يا مهدي أدركنا كم قلناها²
شيعتكم كان ولا زال دعاها²
اللهم عجل لوليلك الفرج²] مقتبس
خادمة آل محمد✍🏻
https://youtu.be/BV7t6eue6sg

تلجمك كلمت اشلونك// الله يساعد اعيونك
يبو ادموع الحمركافي // تعال تعال
=========================
يالتندلني تايه وين... رغم ذاك الحزن لهلك
اليحبك من صدك مولاي ... اليتعب روحه يندلك
سبع اوجوه اليه وياك ... وغشم روحي ماكلك
يالمواصلني كلي شلون... انظف كلبي ووصلك
بدعاء الندبه كمت اسهر // وعد منا لما تظهر
كاتبلك على اشفافي // تعال تعال
=========================
تحت قبة رموشك دم ... ودمعتك ماخذه الاول
هواي اجروحك آمن الماي... من الخيل من التل
لملمت المشاعر ليك ... اذا تسمحلي اريد اسال
المجنني بيكم حيل.... حزنكم ليش ماينمل
اليحب يشارك احزانك// المجالس هيه عنوانك
يجيك الرايد ايوافي// تعال تعال
=========================
تعرف غيبتك مره ... دورلنه اعله صورت حل
يوميه الفجر نكعد ... نكول المهدي بلكت هل
شنسوي خاطر انراظيك ... كلشي وانته لا تزعل
ايدك لو شلتهه بيوم ... عنه وداعتك ننذل
سبه افراكك ملامحنه // نحبك من كلب صحنه
يالتملك كلب صافي // تعال تعال
=========================
بعيوني حلم عميان ... افتش من اشوفنك
وين انته بصحاري الشام ... نطيني من اليلجمنك
كالو من تشوف احبال ... عالي ينسمع ونك
الخرابه وطبت الديوان ... هذني الما يعوفنك
أخذني الخيمت اجروحك// شويه انطيني من نوحك
جفنك جنه ماغافي // تعال تعال
=========================
تعال شكد دعينالك ... وظعنه تشوفه مايعجب
شرجي ياهوه الشمات ... تره يخنكنه من ايهب
ظكنه لوعت افراكك ... وعرفنه شتكره وشتحب
من كد ما الك نشتاك ... شكد عنك شعر نكتب
البجي اعله حسين واهسنه// تعال احظر مجالسنه
تجينه والجدم حافي // تعال تعال
=========================
فشله انكلك اشلونك ... وانته مانمت ليلك
تشملنه بدعائك دوم ... ومرات احنه ندعيلك
يالمهدي غيابك طال... ادخيلك سيدي ادخيلك
تدري شجاي بينه يصير... ماكو داعي نحجيلك
ومعزت امك الزهره // مره غيبتك مره
اليحب من طبعه ميجافي// تعال تعال
=========================
#تمت ____ علاء الزيدي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

اخر ليله الليله اوياهم
الله يرحمني ابفركاهم

**

عِشـت كـل الليالـي اللْيلة العاشر
ما بـيـن اليگلـي إدللـي او حاضر
شفت من إخوتي الما صاير اوصاير
يليل الفركه جَيتك تكسـر الخاطر

لا ما أعيش آنه بلياهم
الله يرحمني ابفركاهم

*

يليل العاشر إرجــع لا تمـر بيـنـه
نـريـد إنظل عمر وي والد اسكينه
اذا تنـشـر سـوداك شامـت اعلـيـنـه
بعد جيتك اشوف الدنيه تسبينه

جنك صاير وي اعداهم
الله يرحمني ابفركاهم

*

إجاني الليل ما چنه سمع بيه
يريد إيگلي باچر اِنتي مسبيه
رحت يم الكفلني ومن دره اشبيه
طاحت دمعته اوظل ينظر اعليه

ما أرتاح إلا بملكاهم
الله يرحمني ابفركاهم

*

ليل الما أشوفن بي كمر عالي
اشوفه شامت امودينه عذالي
مو حلوه الليالي ابلايه كفالي
باجر بيدي أگبع روحي وخيالي

باجر مسبيه ابلياهم
الله يرحمني ابفركاهم

**

يليل الفاجعه ليل اهدعش جارك
من باجر تگله الحره خطارك
لا تهضمها باجر من تطب دارك
كله بت علي مو تنچوي ابنارك

روحي اِتحن وماتنساهم
الله يرحمني ابفركاهم

**

باجر بالخيم جم شمعه مطفيه
اوليالي الشام مني تنتظر جيه
اصيح احسين بس صوتي يرد ليه
اخوتچ عالرماح أيسيّ يعلويه

چانو وياي اشمحلاهم
الله يرحمني ابفركاهم

*

#سليم الغزالي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*الامام الحجة عج ونهر الفرات*
المهدي يم نهر الفرات گلبه يشتعل جمره
بكفه من غرف مايه جرت من عينه كم عبره
يعاتب والعتاب يطول
ها مهر أمه الزهره
ليش حسين ما يشرب
وچبده تفتت من الحر
〰️〰️〰️〰️
يا ماي النهر جاري
وحسين انذبح عطشان
واطفاله تون وتنوح
ذاقت بالعطش الوان
وعباس البطل يمك
ياويلي تگطّع الذرعان
هوني يا نفس هوني
بعد عيون ابو لاكبر
〰️〰️〰️〰️
عبدالله انذبح ظامي وبسهم العدا مفطوم
يتروّه بدمه نحره وما ذاق العذب محروم
يابس بالعطش چده واويلاه على المظلوم
ويتامى حسين عطشانه
وكبدهم بالظمه تفطّر
خادمة آل محمد✍🏻

أمنية المنتظرين

وين استقر بيك النوه
بالشام لو في نينوى
يمته يمهدينا سوه
نبچي اعله مگطوع النحر
...
هل من جزوع بهالزمن
يسمع لي آهات ومحن
مشتاگ الك يبن الحسن
يمته ترد من هالسفر
...
يبن البدور الساطعه
عندك گمر عالمشرعه
چفوف الكَفالة مگطعه
مفضوخ راسه اعالنهر
...
يبن الشموس الزاهره
جدك ضلوعه مكسره
عطشان حزو منحره
وخنصره من كفه انبتر
...
يبن العلوم الكامله
عندك خيام بكربله
حرگوها فوگ العايله
فرَّت اولا وين المفر
...
يا وارث اعلوم النبي
أم العفاف الزينبي
اخذوها عدوانك سبي
زينب تولاها الدهر
...
يالمهدي والموقف صعب
بت فاطمه من تنضرب
وماتت رقيه بالغُرُب
بالسبي وافاها القدر


الشاعر كرار حسين الكربلائي

*محرم ١٤٤٠*

لا حياة بلا عزاء
الملا #قحطان_البديري
كلمات الشاعر | #كرار_حسين_الكربلائي
ليلة 27 شوال 1441 هـ
في الحسينية الكربلائية - مشهد المقدسة
مونتاج #مهدي_مزرعة
مكساج | احمد البرمكي
مخطوطة | حسين مقيم
•
رابط المشاهدة
https://youtu.be/EHFl8LxBCi8
•

البين أخـــذ آمالها
وحكها يذبل حالها
الدللوهـا فاركوهــا ومشوا عنها وأدبروا
ودعوها وماخذوها احبابها من هاجــروا
حكها يذبل حالها

* * *

تعاين ألهم حملوا
وبسفرهم عجلوا
دمعه تجري لنها تدري ماتسافــــر
تعاين وتبجي غدت
وروحها ماهودت
زاد ألمهــــا وهمه يمها شلون باجر

الربت وسط عيونهم
ماتعيش بدونهــــــم
الاهل كلهم تنظر ألهم للرحيل أتحظروا
ودعوهـا وماخذوها حبابها من هاجروا
​
* * *

تودع اعزاز الكلب
وصارت بموقف صعب
الدمع لوهل الشوف يغفل لحظه عنهم
مسحت بجفها الدمع
تريد سيله ينكطـع
تريده يكطع حتى تشبـــع شـوف منهم

حسين شم انفاسها
وقبلاهـــا براسهـــا
الروح راحت شوغه شاغت من أهلها كوطروا
ودعوهــا وماخذوهـــا احبابها من هاجروا

* * *

للوداع أستسلمت
بعينها الدنيه أظلمت
شلون حيره هم زغيره وهم عليله
غدت جالعود اليبس
وتشرك بجرة النفس
وماتشاهــــد يمها واحد تشتكيلـه

همها هم يزيدهـــا
بخدها طبعت أيدها
طفله تسأل لاجه مرسل لاخبر واتأخـروا
ودعوها وماخذوها احبابها من هاجروا

* * *

أتوالفت ويه السهـــر
مرعد أحشاها القهر
تون سكته واخذ حصته البين منها
الدار وحشه ومظلمه
وماتشاوت فاطمــــه
من ألمهــا جروح همها مرمرنهــا

الانتظار آذاهـــــا
وبس رسم خلاها
ماهي سهله على الطفله الروحها ويه السافروا
ودعوهــا وماخذوهـــا احبابها من هاجروا

* * *

حسين أبوها ترتجي
الدارها سالم يجي
لجن خابت مهجه ذابت تحن لبوها
أتأملت واحد يـرد
وينهي آهات البعد
كل حلمها يرد عمهــــا لوأخوهـــا

ظنت يرسلولها
طارش يودولها
الطفله ملت تون ظلت تخاف أهلها اطشروا
ودعوهـــا وماخذوها احبابها من هاجــروا

* * *

#سلام المشعل
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

عباس دورة ظهرك اتعورْ الموت
يالنوگف استعداد كلما تنجاب

خوّانك تشوفك خَضَر فوگ الگاع
بس ال اميه تشوف سيفك لبلاب

رد خل نشبگك وين ماعدك عين
حدر القفص ضحك البلابل چذاب

عباس چنة نشمك ويمشي الليل
ويا ثگلة هسه الليل مشية شيّاب

(( للنشمي اعيون انچفيها )))
_______
بخصلة شعر من شعرك يطوف الغيم
غيم الله كلة اهواي بس انت هواي

گالو سمار بوجهه طاغي اعله العين
گلتلهم العباس احلى من الماي

گالو خرب مو ذاك لونه العباس
گلتلهم ايوّرد اذا يمشي احذاي

مديت شوفي اعله الرمح ينگط خير
گلتلهم المحروس واگف وياي

(( شيفارگني وراسه گبالي))
__________
رد يالخضارك ماخذ اعله الگيعان
يبسن خواتك مو عطش يبسن حيل

سُمعة الشامت مثل لون الشامات
خانگنه مو بس الشمر حتى الليل

هيج اليريد يجيسك تحطلة اثار
مثل اليرجعْ بأيدة روجات السيل

موت اعله هونك دير بالك تختاض
نلتم سوه امن الغرب لمّة زنجيل

(( أمّن يالماعفت اعيوني))
______
عباس طفي الشاطن وفرّن ليك
عباس سبعه اضلوعي طلعن ويّاك

ملگاك اريده يكحل اعيون النوم
ركز گلت ملگاك مو ما الگاك

اصفن ولكن گلبي يخفگ عباس
حسباته ثگلانه الصفن ع الشبّاك

اليكتب خيم ع الدفتر يشب حروف
حاچيلي گلبي الكاتبك والرباك

(( لا طافي ولا طفّة ضلوعي))
___
الطف زغير اتبيّن انت امن ابعيد
گالو گطعنه چفوفة هسه وگصران

گلتلهم الغايب يجي وعذرة اوياه
بس مالة الله أنت كلش طولان

هالمرة مو گالولي لا اعلم بيك
عطشان بس ما بيك لهفة عطشان

يمهبط الماي وشلت راس حسين
يالخوّتك ناوشت يوسف خوّان

(( بهيچ امعتبر يا خيعوني ))
__
#علي هادي الخزعلي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ بركان ]*

أداء: الملا #مصطفى_السوداني
كلمات: الشاعر #ميرزا_عادل أشكناني

https://youtu.be/ayQe0c1ombU

ليالي محرم الحرام لسنة 1441 هـ - 2019 م
هيئة شباب الزهراء عليها السلام - العراق - واسط

اخراج: حسنين عبد السيد
مكساج: حسن يونس
النشر الشبكي: علاء بركات العاملي

*[ مشكور ما قصرت ]*

أداء: الرادود #علاء_الغريباوي
كلمات: الشاعر #عمار_هليل_الواسطي

https://youtu.be/UEhMuYYBLxU

ليالي شهر جمادى اﻵخرة لسنة 1441 هـ - 2020 م
الليالي الفاطمية - إستشهاد سيدة نساء العالمين موﻻتنا فاطمة الزهراء صلوات الله عليها
عزاء موكب أحزان السماء - العراق - بغداد

مونتاج: عباس الهماشي
مكساج: كرار الموالي
مخطوطة: ملا كرار الموسوي
تنفيذ: الفضل للانتاج الحسيني
انتاج: موكب أحزان السماء
النشر الشبكي: علاء بركات العاملي

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★ان قنبر مولى أمير المؤمنين ادخل على الحجاج بن يوسف★ما أنت صانع إذا ضربت علاوتك؟ قال: إذا أسعد وتشقى فأمر به فقتله★*

عن أبي الحسن علي بن محمد ان قنبر مولى أمير المؤمنين ادخل على الحجاج بن يوسف فقال له: ما الذي كنت تلي من أمر علي بن أبي طالب عليه السلام؟ قال: كنت أوضيه فقال له: ما كان يقول إذا فرغ من وضوئه؟ قال: كان يتلو هذه الآية " فلما نسوا ما ذكروا به فتحنا عليهم أبواب كل شئ حتى إذا فرحوا بما أوتوا أخذناهم بغتة فإذا هم مبلسون فقطع دابر القوم الذين ظلموا والحمد لله رب العالمين " فقال الحجاج: كان يتأولها علينا؟ فقال: نعم، فقال: ما أنت صانع إذا ضربت علاوتك؟
قال: إذا أسعد وتشقى فأمر به فقتله.

*√تفسير العياشي للمحدث الجليل أبي النظر محمد بن مسعود بن عياش السلمي السمرقندي المعروف بالعياشي رضوان الله عليه الجزء۱ صفحة۳۵۹√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

السلام عليكم ورحمة الله وبركاته

الرجاء كل من يشوف رساله يدخل ع معرف قناة
@yr97y

ويعمل ابلاغ ع قناة

القناة بسم صاحب الزمان عج وتهكرة وينشرون بالقناة صور غير دينيه بسم احد الاخوات المومنات
الرجاء