قصيده للامام الصادق ع

ويلي عله المسموم ومصابه
منعوني اشتم سيدي اترابه ماعنده باب اواسجد ابابه
يمهدي يمهدي
*
ما اذنلك للفرج رب البريه
اعذرني لو گتلك تعال الهل رزيه
بهمي وبدمعي ... للفرج ادعي
كل مسه طبعي ... للفرج ادعي
تمادت اهمومي يبو صالح عليه
سنين تمظي وصد بقيعك هيه هيه

يمته الفرج ونقبل اعتابه
منعوني اشتم سيدي اترابه ما عنده باب اواسجد ابابه
يمهدي يمهدي
*
امن البعد اقره الزياره اگضيته عمري
والطم اعله الصادق وما يشفه صدري
انا أدعيله حظره تبنيله
سيدي الليله حظره تبنيله
ما احس وفيت لو مو يمه تدري
انا مو يعگوب وتّچه اعله صبري

ادري يريد اتزوره احبابه
منعوني اشتم سيدي اترابه ما عنده باب اواسجد ابابه
يمهدي يمهدي
*
مخفي گبر امك يبو صالح علينه
بس گبر صادقكم احنه انعرفه وينه
گبره نندله صعبه نوصله
صارمك سله صعبه نوصله
ما يخلونه نزوره مو بدينه
يعني نفس المسأله اله تجينه

متقيد اودمعاتي سچابه
منعوني اشتم سيدي اترابه ما عنده باب او اسجد ابابه
يمهدي يمهدي
*
ابچي لمصابه ودمعتي بيها حسره
ومن هضمها اعله الجفن رسمتلي حظره
عالم اجنوني رسمت اعيوني
حظره بجفوني رسمت اعيوني
چن عليها صرت اشوفن رايه حمره
وچنها من عينك يغالي اتريد نظره

هيمني دمعي اوتعرف اسبابه
منعوني اشتم سيدي اترابه ما عنده باب اواسجد ابابه
يمهدي يمهدي
*
من اهيم ابعالم اجنوني يغالي
تركع الدمعاتي يالمهدي اليالي
الدنيه تتوسل مدمعي لو هل
هيجي اتخيل مدمعي لو هل
ما اقصر لو فتح بابه خيالي
اتزاحم الگمره المناير من تلالي

حگها اليالي مدمعي اتهابه
منعوني اشتم سيدي اترابه ما عنده باب اواسجد ابابه
يمهدي يمهدي
*
ينتقل ريت ابوفاته گبره يومين
يم ابو فاضل يمهدي ويم الحسين
شمحله لو گبره ينتقل مره
كل سنه بذكره ينتقل مره
محد ايهدمه ابد وتحرسه روحين
مو بشر لاكن مناير بيها چفين

هدم الگبر هم زيد اصوابه
منعوني اشتم سيدي اترابه ما عنده باب اواسجد ابابه
يمهدي يمهدي
***
الشاعر اياد الديراوي

https://tttttt.me/ayadalderawy

نادَوا بخيول الأعوجية
وإذ بها ترضّ صدر الحسين
وكأن الزهراء ترى وهي تنادي
حبيبي حسين .. نور عيني حسين
بنيَّ قتلوك .. ومن الماء منعوك

.
مگدر اتحمل لفرگاك
من سنة احلم في ملگاك
خطوة (المشاية) حلمي
وآنه روحي شاردة هناك
.
صِدُگ حبيبي يعني ما اجيك؟
.
.
#زيارة_الاربعين #كربلاء #مشاية
#الاربعين #ياحسين #سيد_مصطفى_الموسوي

قصيدة الى مولاي صاحب الزمان… عج

ظيعيناك ونسألك انتة وين
ترجع ادلينة دربك يالحنين
الشمس لمن تطلع ولمن تغيب
جم حبيب الينتظر جيت حبيب
ــــــــــــــــــــــــــــــــــــــــــــــــ
احنة المأخرينك… واحنة المتانينك
الذنب نعرف صار حاجز بينة ومابينك
نعرف امبجينك… سيدي امأذينك
بكل ذنب نلجم اجروحك مانسكت اونينك

ملت  ال  يمتة  وبعدني مناطرك
كون اشوف شلون كسرة خاطرك
انتة هم مثلْيےّ الغروب ايحاصرك
گتلك اعذرني وگلــت اي عاذرك

اتعطلت هالمرة ياساعي البريد
ياهو اليطمني ويكلي شتريد
اني اعرفك انتة عن كلبي قريب
جم حبيب الينتظر جيت حبيب
ــــــــــــــــــــــــــــــــــــــــــــــــ
اني صح ماشايفة… بس احب اسوالفة
هوة ماعايفني لاكن اني مذنب عايفة
هوة شيخ الطايفة… جروحة خضرة ونازفة
عيونة م̷ـــِْن فيض المدامع لاتصدك ناشفة

كلي شمسوي الدمع بعيونك
اصفر ومــثل السنابل لــونك
احباب عندك سيدي يردونك
صار مدري شݘم سنة يتانونك

روحي كلما تختنك تسئل عليك
ياابو صالح ياهو اليدليهة بيك
جروحي تنزف والكلب شابع نحيب
جم حبيب الينتظر جيت حبيب
ــــــــــــــــــــــــــــــــــــــــــــــــ
طوليت الغيبة…. شيبة تسئل شيبة
المهدي هسة شلون حالة ويا علامة اجيبة
جرحي فاكد طيبة… والغياب امصيبة
واليحب تلكة الشماتة تفرح بتعذيبة

انتظر وجفوفي فوك الخاصرة
بكل الدروب التجيبة امناطرة
ساجة بخدودي المدامع حافرة
روحي مثل اخيام زينب صايرة

كون اشوفك جا كلتلك لٱ تروح
شوفة اعيونك دوة الكل الجروح
فاتح احظاني الك مثل الصليب
جم حبيب الينتظر جيت حبيب
ــــــــــــــــــــــــــــــــــــــــــــــــ
كلبك الله ايعينة… مايبطل اونينة
المهدي ما جافانة لحظة احنة المجافينة
احنة مدري شبينة… نظحك وناسينة
كون نبجي الحد عمانة وهوة اليشافينة

ياابو صالح انتة أدرة بحالنة
وادري بيك اتشوف كل اعمالنة
بيك ما فكرنة مدري اشمالنة
عنة تصفح كون الف هنيالنة

يبجي مهدينة علينة وحالة حال
م̷ـــِْن يشوف اذنوبنة ابكد الجبال
مانتوب وندعي بأسمة ويستجيب
جم حبيب الينتظر جيت حبيب
ــــــــــــ ــــــــــــ ــــــــــــ ــــــــــــ
عني تصفح رايد… ولو عطفك زايد
بعد مارد للمعاصي خلي گلبك بارد
ويِ آلّدمٌع مٌتٍوآعد…   واحد يحب واحد
والله يالمهدي وغلاتك حيل كلبي بايد

الهجر صار اكبر جرح بڰلوبنة
انشوفك ادري بس نبطل اذنوبنة
تبݘي كل ما يوصلك مكتوبنة
كــافي نلݘم بيك يا محبوبنة

نعتذرك سيدي ونرجو السماح
خلي وية ارواحنة نبدي الصلاح
المهدي م̷ـــِْن ذنوبنة يبجي وكئيب
جم حبيب الينتظر جيت حبيب
ــــــــــــ ــــــــــــ ــــــــــــ ــــــــــــ
تمت
الْحٍمَدٍ للـّہ

كلمات الخادم… حسين حمدان الدلفي

https://tttttt.me/joinchat/AAAAADyvNcFdjoQh-74liA

ياخدام أنَا المهدي وِعلَه الخدمه اوصيكم
گدام الخدَم باجـــر عِـد الله افتخـر بيكم
نِعمه ودافعلها حســـين نحره
مامحسوب شيعي المايشكره
____________

أوصيـكم على حســــين وْعلى احياء المجالس
أريدنــكم تضـــحُّــــــون مثل ماضحــه عـابـس
إلبســوا بِـيض الگلـــوب عكـس لــون المـلابس
انا الهاضمـــــــني ياناس عمْـــتي بلايه حـارس

وانا بكل عـام اعاينها تركـض طارّه الهيمه
لمّن طاح ابو فاضـل طاحت هيه والخيمه

طاحت والحُسين انكسر ظهره
مامحسوب شيعي المايشــكره
_____________

الما لاچمـته الِخـــــيام لا يبچـي لمحـــــــرم
المافاهم حَچي حسين لاينصــــــبـله مـأتـم
انا كل عمري عاشــــور ودمـوعي تصـب دم
أبد ماتطفه للمـــــــوت جمـرات المخــــــيم

عله العباس ابو الغيره أبد ماتنطفي ناري
واشـوف بگلبي عَمّاتي كلهن يدعن لثاري

حسين انطانه اخوهْ ونطانه عمره
مامحســـــــوب شيعي المايشكره
_____________

يشيعه يل تواســــون إلطموا وذكروا زينب
سبيه امرافگه الروس مشـت وِخيَمها تلهب
هذاك ايطگها بالسوط تولاها حَچـي وسَب
وهذاكه لازم المـــــاي عمداً يمـها يشـــرب

وهذا ايمزِگ الرايه اگبال عيون كافلها
ظربت راسها بقوَّه بالمحـمـل الشـايلها

ومن فوگ الرمح كافلها يبـره
مامحسوب شيعي المايشكره
_____________

دَيَن الخــــدمه ياناس اوْ حـگ الدَين أرجعه
كِلمن أجره محفــــوظ وِ عليكــــــــم أوزعه
الْيلطــم واليصب ماي وِعله امصـابه ينـــعه
والباچي اعله الِحسين مِن النــــار اطلـــــعه

من أسمع عله المنبر يقـرأ الناعي لطميه
انهض انه وجروحي واحضر بالحُسينيه

وَيّـاكم أصـــــيح بحـزني واقره
مامحســـوب شيعي المايشكره
_____________

كِون اليخدم حســـــــين يرخصله بحـــيـاته
حتى اتشــــــمـله دعوات قُدســيَّه بممــــاته
حسين اعله الشرف مات وِيشــــــهدن بناته
إنطـــــه لحفظ الْحـجاب أعز وحده بخواته

كِون الـ مِن صدگ خـادم يِطبَع كربله ابَّـاله
لا مو معــــركه وفاتت لازم ندرس افعــاله

مو بس عَبره طف حسين عِبره
مامحســـوب شيعي المايشكره
_______________


خادم الحسين ع
#مرتجى الحسَّاني

قناتي👇
خادم الزهراء مرتجى الحسَّاني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

مولاي نظره مولاي نظره
ياابو صالح
*************
يا امير احبابك ليش طال غيابك يمته تظهر
اندعي يوميه كلي مالك جيه وليه تحضر
والله مشتاك الك حيل تجي تمنيتك
طولت ليش يموعود عمر تانيتك
بالحال ادره مولاي نظره
ياابو صالح
*************
ادري تجري عيونك ومن اكول شلونك خاف ألمك
بصحره وحدك كاعد وماكو يمك واحد وتشكي همك
اهواي مهموم يكولون جروح بصدرك
كالو تنوح عله حسين جبت كل عمرك
مكطوع نحره مولاي نظره
ياابو صالح
***************
اهوايه انه متعبك وبذنوبي معذبك ودوم اجرحك
والله لو اندلك بروحي جان اوصلك امنيتي افرحك
اعتني ليك وشبكك وكلك آسف
واعتذر حيل ووعدك بعد ما خالف
بحشاي جمره مولاي نظره
ياابو صالح
*************
كالو تون وحدك وتبجي دم الجدك ابدال الدموع
الخيل طحنت صدره وضامي حزو نحره وصبعه مكطوع
حسين عطشان يموعود يريد اميه
وزينب اتصيح يعباس فزعتك ليه
مرضوض صدره مولاي نظره
ياابو صالح
*************
دوم شايل همنه وجرح الي ألمنه شكد يألمك
نبجي تبجي ويانه ولحظه ماتنسانه من نكلمك
نعرف اهواي يموعود تفكر بينه
وحنه نحتاج حنانك يفيي علينه
فركاك حسره مولاي نظره
ياابو صالح
*************
اهواي تبجي الناسك وصار ابيض راسك من الهموم
دوم شاغل بالك شويه ارحم حالك حته لو يوم
يمته ترتاح يمهدي وتعاود شمسك
انسه الهموم ولو يوم تعيش النفسك
كل عام مره مولاي نظره
ياابو صالح
*************
تمت
#ميثم العمري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*جديد شوق الموالي للزيارة وصورة الضريح*
*يـاحســــين*
صرت ازور اقبالي صورا للضريح~😭
وبخيالي اوصل اعتابك وطيح~
بلهفة يم شبابك امضي يا ذبيح~
من اسلّم ابكي للشيب الخضيب ~
〰️〰️〰️〰️
جيت ازورك يا حبيبي من بعيد~
بالمدامع ابكي محزوز الوريد~
خلني يمّك هذا كلّ الّي أريد~
رجّع علينا المجالس والنحيب~
〰️〰️〰️〰️
وبمضافك سجّل اسمي وْيَالخدم~
ويقضي عمري بالمجالس واللطم ~
واربعينك منها لا ما انحرم~
بدربك اتعنّه مشي لك يالغريب ~
〰️〰️〰️〰️〰️
صورة القبة ومنارة وحرمين
بدمعتي اكتب حبيبي يا حسين
هنا طوافي هنا حجيج العاشقين
هنا سلامي يبقى للخد التريب~
حسين ~~~~😭
خادمة آل محمد✍
قناة الشاعرة الحسينية خادمة آل محمد ص
https://tttttt.me/joinchat/AAAAAD9ng3ujqkUa3rjbSA

✍️ للشاعر ابو محمد الزبيدي
🔻هيئة لواء زينب (عليها السلام)
▪️البصرة
👐اللهم عجل لوليك الفرج
https://tttttt.me/MajalesAlKhaqani


رابط المشاهدة على اليوتيوب ⬇️
https://youtu.be/HIpEbFnYiMQ

25 شوال استشهاد الإمام جعفر الصادق عليه السلام مسموماً

🎼نعي حزين طور الفراق🎼

واصادقاه تِنعه الزهره المسموم
واصادقاه خِلصت حياته بهاليوم
واصادقاه ياشهيد الصلا والصوم
◼️◾🔳⚫🔳◾◼️
راح جعفر گيموا العزه بالبقيع
راح جعفر عزوا حيدره الشفيع
راح جعفر حُصن الشريعه المنيع
◼️◾🔳⚫🔳◾◼️
كاظم الغيظ غَسّله وكَفنه بحسره
كاظم الغيظ هل دَمعِْته على گبره
كاظم الغيظ خاطره منهو يجبره
◼️◾🔳⚫🔳◾◼️
گبره مهدوم وينه مهدينه يسوّيه
گبره مهدوم والضريح يَمتَه يبنِيه
گبره مهدوم جَرح البقيع يِبريِه
◼️◾🔳⚫🔳◾◼️

📝 بقلم الخطيب والرادود
الحاج جواد علامة العاملي
جبل عامل 15|6| 2020

📚شبكة عدلون الثقافية📚
009613454951
◾◾◾◾◾◾◾

عندي وصيّه للجعـفــريّـه
أحيوا أمـرْنه يشيعه يشيعه
أحيوا أمـرْنه يشيعه يشيعه
ــــــــــــــــــــــــــــــ

هذا جعفر الصّادق نسِمْعه ايْـوصّي و ايگول
يروي و الخـبـر عـن جـدّه عـنِّ اِلبـاري منقـول
كلمن بالحشر رايـد شفــاعـة فـاطمـه اِيْـنول
خل يبچي على جدنه اللي داست صدره لخْـيول


يـــوم القيـامه ايشوف الكرامه
ايعيش ابقصُرنه يشيعه يشيعه
أحيوا أمـرْنه يشيعه يشيعه



يا شيعه نعاهدكم و ابد ما نخلـف الدين
نحسب كلشي دين ابدين حتى دمعة العين
وين اللي يواسينه ابدَمِعْـتـه يا خلگ وين
و ايـفرّح گلبنا من نشوفه ابمجلس احسين

ابهاي المآسي وينه اليواسي
اِبْـدمعه يسرنه يشيعه يشيعه
أحيوا أمـرْنه يشيعه يشيعه





إحياء المجالس يالـمُحب يحيي الضماير
و الباري تعالىٰ ابمصحفه او قُـرآنه ذاكر
من تقوىٰ الـقُـلوب اللـي يعظّـم هالشعائر
و آنا ابنفسي أضمنله يطب الجنه باچر

نِشكر سَعِـيكم نلزم بديكم
بيكم فخرنه يشيعه يشيعه
أحيوا أمـرْنه يشيعه يشيعه





يا من معتني المجلس تمهّـل حيـن ممشاك
فِـرْشَـت أجْـنِـحَـتها حدِر رجلك كل الأملاك
و ابن العسكري ابّبـاب الحُسينيّه إيتلگّـاك
ينده ياللي جاي اتواسي جدّي احسين حيّاك

ابهاي المجالس مهـديـنه جالس
او ويَّاه حضرنه يشيعه يشيعه
أحيوا أمـرْنه يشيعه يشيعه





إلكم بالقيامه من ثواب ايفوق اِلحْصاء
والله ايضاعف ابأجره الجميل إلكم كما شاء
بالمجلس إذا ناديتوا لبَّيك يــزهراء
تتحوّل صدى الصرخات شوكه ابعين الأعداء

ظلّوا ابعزمكم لحّد يهمكم
أنتو ابنظرنه يشيعه يشيعه
أحيوا أمـرْنه يشيعه يشيعه





يا من تِحْضِرُون ابمجلس احسين او تنوحون
أمنا فاطمه اويّاكم تِـوِن لـمّـن تونّون
بيديها تجي او تجمع دمعكم حين تبچون
و اليجري دَمِعْـته أجره عند الزهره مضمون

العاش ابمصابه انسهّـل حسابه
نعطيه اجرنه يشيعه يشيعه
أحيوا أمـرْنه يشيعه يشيعه

ـــــــــــــــــــــــــــــــــ
ميرزا عادل أشكناني

https://tttttt.me/mirza_adel_ashkanani

بوذية للإمام الصادق عليه السلام
نظمت في ١٤٣٩/١٠/١٦هـ

امامي وسيّد المذهب وصادق (١)
ولاءه بالقلب ثابت وصادق (٢)
عهد بالدم له موقع وصادق (٣)
انتمائي جعفري وباسمه الهويه

(١)لقب الإمام عليه السلام
(٢)ولاءٌ صادِق
(٣)وصدّق لي العهد

بوذية لشهادة الإمام الصادق عليه السلام
نظمت في ١٤٣٩/١٠/١٨هـ

البقيع ينوح يالمهدي ترابه(١)
النواظر قبر ابوالكاظم ترابيه(٢)
تعال وشوف ياحاله ترابه(٣)
بني العباس جور وهظم اميّه

(١)تراب البقيع
(٢)تنظر له
(٣)ترى به


تمت بحمدالله ومنه
خادم السيدة الزهراء عليها السلام
ياسين جواد العبد الرضا

قناة الشاعر عالتلگرام
https://tttttt.me/yaseenjwad
قناة الشاعر عالواتساب
https://chat.whatsapp.com/DZSWQorldR89i5UMHGQcze

*[ وحك نهجك ]*

أداء: الملا #أحمد_الخيكاني
كلمات: الشاعر #حسن_مسلم_العتابي

https://youtu.be/3DIZ3zBfWKs

إحياء ليالي شهر رمضان المبارك لسنة 1441 هـ - 2020 م
ليالي إستشهاد مولى الموحدين أمير المؤمنين علي ابن أبي طالب صلوات الله عليه وآله
حسينية السيدة طوعة عليها السلام - العراق - الحلة

مونتاج واخراج: مصطفى أحمد
مكساج: كرار الموالي
تنفيذ: هيئة الزهراء للانتاج الحسيني
النشر الشبكي : علاء بركات العاملي

یمه یالصادق اجیتک
للبقیع آنه اعتینیتک

جیت هاللیله الک انصب عزیّه
اعلگ اشموعي و اون آنه الزچیه

*

جیت یالصادق حبیبي اَعلگ اشموع الگبر
جیت و ادموعي مُسیله فوق خدي المنسطر
یمه لو ما بیّه انحب حگي ولله و اعتذر
روحي مخنوگه بألمهه حیث ضلعي منکسر

یمه لو طافي نحیبي
اعتذر منک حبیبي

ضلعي بعده یحرگ ابروحي الشجیه
اعلگ شموعي و اون آنه الزچیه

*

جیت یولیدي ابدموعي ارويِ اتراب اللحد
ادري یلهب نار گلبک حیث مسموم الچبد
جیت انحب آخ ضلعي یم ترابک یالولد
و من گبر أم البنین اسمع تون لمن أعد

آه من امّ الگمر آه
اسمع اتون آه یماه

تنعي یمه و تقصد حسین الشفیه
اعلگ اشموعي و أون یبن الزچیه

*

جیت ویاي العبایه البیهه دم ضلع الجنین
دمعه دمعه اویاي ایونّن زینب اویه ام البنین
آه یالصادق مصابک زوّد ابگلبي الونین
مدري لمصابک انوحن مدري لمصاب الحسین
.
لا تعاتبني یصادق
شفته راس حسین شاهق

عالرمح و عیونه مشبوحه علیه
اعلگ اشموعي و أون یبن الزچیه

*

یمه عذراً گلبي دامي و اعتنیت ارض البقیع
والله صدقني حنیني منلچم بعده فجیع
هاي زینب یمي تبچي و حاضنه گماط الرضیع
ناویه تسکّت رقیه امن البچي و ما تستطیع

والدمع عالوجنه زاچي
سلّبوا منهه التراچي

شلون ما خدي انسطر سطروا رقیه
اعلگ اشموعي و أون و آنه الزچیه

*

روّعتني الغاضریه و. ملحمة ثارالنحور
صادق النور اشتکیلک جیت هتکوهه الخدور
یمه شو نبضک اسمعه و نبضي چن نفس الشعور
یعني ویانا الفواطم تصرخ الموعود ثور

آه یا فرحة سروري
من یشع مهدي ابنوري

اقره دوم أمن یجیب ابکل مسیه
اعلگ اشموعي و أون و انا الزچیه

*

خادم خدمةالحسین ع
ناصرآلبوعبید
https://tttttt.me/joinchat/AAAAAD13kEr7ZOeaqrWI7w

▪️في استشهاد رئيس المذهب الإمام جعفر الصادق صلوات الله عليه.


١/شيخُ الأئمةِ قدْ قضى يَا شيعةُ
فلَهُ دموعُ المُعْصِراتِ قليلةُ
تُفدى له الأرواحُ وهْيَ رخيصَةُ
وتصيحُ للمسمومِ أَيْ "واجعفرا"

٢/هذا البقيعُ نحا لِتُرْبَةِ أحْمدِ
وغدا يُعزِّيهِ بِقَلْبٍ مُكْمَدِ:
لمْ يحفظوكَ بجعفرِ بنِ مُحمَّدِ
وَجَدوا "المودَّةَ" أَنْ تراهُ كما ترى..

٣/قدْ عاشَ في ضيقٍ طوالَ حياتِهِ
حتى مضى والآهُ وسْطَ لَهَاتِهِ
لَمْ ينْسَهُمْ سحبوا بساطَ صلاتِهِ
فبفقدِهِ التكبيرُ حُزناً كبَّرا

٤/آهٍ على مَ بكى دِماءًا جعْفرُ؟
لمَّا رأى في الدّارِ ناراً تَسْعَرُ
أَسْتَذْكَرَ الزّهراءَ حقداً تُعصَرُ
وبِخدِّها لَهَبُ السقيفةِ أثَّرا؟!

٥/أمْ إنَّهُ ذكَرَ المُصابَ الأصْعبَ
في كربلا أبكاهُ إحراقُ الخِبا
قد حيَّرَتْ نيرانُ شمرٍ زينبا
إذ شاهدتْ شملَ الحسينِ تبعْثرا

٦/أمْ عندما نظرَ الصِّغارَ مُهَرْوِلهْ
ذَكَرَ الرُّقيَّةَ هَرْولتْ مِنْ حرْملهْ؟
سقطتْ فنادتْ "واحُسيناً" مُعْوِلَهْ
وملاذُها فَوقَ الصعيدِ توذَّرا


https://tttttt.me/AliOsailyAmily

#القمر

من بابك اجيت وعفت كل باب
ياعباس وانته التارس العين
تعبت هواي وبحيره اني ضليت
أمن الدنيا وحكك ماشفت زين
اجيت بروحي وبدمعاتي عناي
وبيه الشوك يكبر صارله سنين
اني ادري من اندبك اخذ امراد
محال تردني تملك ارقه جفين
اغبطكم وگلبي يكول ياريت
مقبوله خدمتك عند الثنين
يسافرلك خيالي ويشرح الحال
تخليني ادك بالباب لاوين
طلبه زغيره عندي وانته ابو الجود
توصلني اريد الگلب الحسين


#محمد هادي العقابي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء