(( رحل مالوم ))
ذكرى استشهاد الامام جعفر الصادق عليه السلام


ويلي عله المسموم - جعفر رحل مالوم
●••••●••••●••••●●••••●
مات الصبر و فوگ النعش شفته تِوَسَّد
و جمر الحزن وسط الگلب وسفه تِوَگّد
و دمع الفگد حَدْر الجفن ع الخد تِرَدَّد
يجري ابصيحة امحَيّره و للصادق إشْتَد

شالو نعش لعلوم - جعفر رحل مالوم
●••••●••••●••••●●••••●
وجه الشَمِس مو بالسِمَه بلَحْد و ترايب
و جَوْهَر عِلِم آل النبي شخصه إللي غايب
و حاطت منابر حوزته اطيوف المصايب
و ناعي الوجل حَن و جِذَب نوح الحبايب

ابجرحه العِلِم مَلْچوم - جعفر رحل مالوم
●••••●••••●••••●●••••●
بيت الصادق خالي و صُبَح بيت الرزيّه
و طير القهر صاح و صِدَح وش هالأسِيّه
و موسى الكاظم خلف الجسد روحه شجيّه
يمشي و يوگع و من حالته تبچي العَلِيّه

لفگد الولي مهموم - جعفر رحل مالوم
●••••●••••●••••●●••••●
هَلْ مَرّه شاهدتو نعش وَنّه تِعالَه
يدري عَلَه ظهره إنحِمَل وحي الجَلالَه
يدري الكون ابغَبْنَة كدر يرثي الرسالَه
و ميزان الله و هَدْيي الأُمَم هَلْباغي مالَه

راح ابغدر مهضوم - جعفر رحل مالوم
●••••●••••●••••●●••••●
ابگلب البقيع إتْوَسِّدَه اگلوب الوجيعه
و صارت تحوف اجنازته أحبابه و شيعه
و صوت إعْتِلىٰ ابگبر النبي الله اشْفَجيعه
خان الدهر كل عترتي و راحت صريعه

و هذا الدهر ميشوم - جعفر رحل مالوم
●••••●••••●••••●●••••●
و نظرة جزع بين البَشَر دارَت حزينه
يمكن تشوف ام الحسن جات لولينه
و تلطم عَلَه خَدْ إنْلطَم هاي الأمينه
و عين إلتي راحت تصب عبره الهتينه

وين ام ضلع مهشوم - جعفر رحل مالوم
●••••●••••●••••●●••••●
حَگّه يحِن كل العمر گلب المُوالي
لمذهَب الأُمَّه و جامعه و تاج المَعالي
وصُبح الفِكر عُگبه إرتِدَه ثوب الليالي
راح السراج و مُرْتَجىٰ راح إللي غالي

بسَمْ الدعي المَأْثوم - جعفر رحل مالوم
●••••●••••●••••●●••••●
الشاعر : ابو شهيد الأحسائي
الخميس ١٤٤٠/١٠/٢٣هـ
---------------------------
*لا يجوز و محاسب شرعاً حذف او تغيير التوقيع*
https://telegram.me/joinchat/CgjqLUETxaGx5Fdb-1LpBA
---------------------------

أبوذيات لذكرى إستشهاد الإمام جعفر الصادق عليه السلام

جعفر يعاني الهضيمه علامه (شنو بيه)
الدين ينعه ضياءه و علامه (شي معلوم)
و اليتم خَيّم مصابه علامه (عالأُمّه)
الصادق يلوج ابسموم المنيّه
--------------------------
الدنيا من گَادت عَلينا بحَبلها ( الحبل )
بانت اشتخفي علينا بحبلها ( الحمل )
كل بغي جاوب نِداها بحُبلها (بحُب إلها)
و گادو الصادق مثل حامي الحميّه
--------------------------
بالبقيع البضعه وَنَّة شِجاها (حزنها)
و المدينه مزلزله اليوم شِجِاها (شإجاها)
عالنعش شالت ولينا و شچاها (شكواها)
مذهب الشيعه و إمام الجعفريّه
--------------------------
موت أبو الكاظم للشيعه ذاهِلها ( مفاجئها)
وسفه و هلال المصايب بعده ذا هَلها ( هل عليها )
و الحزن و الضيم في كل دار ذا هَلها ( أهلها )
و الألم يلطم على هام الأسيّه
--------------------------
الشاعر : أبو شهيد الأحسائي
الأثنين ١٤٣٧/١٠/٢٠هـ
‏​‏​‌‏​-------------------------
*لا يجوز و محاسب شرعاً حذف او تغيير التوقيع*
https://telegram.me/joinchat/CgjqLUETxaGx5Fdb-1LpBA
-------------------------

ابوذيه لمصاب الامام جعفر الصادق عليه السلام

يحن شجو الدهر عله الصادق و الناي
لكثر نوحي إلْسمَع عله حاله و ونّاي
الگلب ينبض قهر و من اهمومه ون آي
إبن خير الرسل وسف چبده لظيّه
---------------------------------
الشاعر : ابو شهيد الأحسائي
الخميس ١٤٣٨/١٠/٢٥هـ

*التوسل بالزهراء ع لاقامة المآتم الحسينية*
يزهراااا²~
يزهرا ابابچ احتمينا لا تصدين
شكثر عندنا حوائج يام الحسين
يمتى دور المآتم لينا تِفِتحين
ونرفع الراية لعزاكم ويّاچ فاطم
〰️〰️〰️〰️
ما عدنا ملجأ سواكم يا ام الأئمه
جينا نلوذ بعباتك ونطلب الخدمه
لا تحرمينا يا مولاتي من النعمه
وَفْقِينا نصب عزيّه ونحيي المآتم
〰️〰️〰️〰️〰️
نقسم عليك بذبحة حسين الشهيد
بگطع نحره ظامي محزوز الوريد
مسلوب الردا نايم في حر الصعيد
مطعون ويلي وما بقى عضو سالم
〰️〰️〰️〰️〰️
نريد المآتم يالزهره انت تحضريها
وباب الزيارة علينا بايدك افتحيها
هالمحنة عنا مولاتي بالعجل اكشفيها
المجالس عيدي علينا مولاتي فاطم
خادمة آل محمد✍🏻
*لبيـك يــ حســين ــا* 🚩
قناة خـدام الامـام الحسـين ع
https://tttttt.me/joinchat/AAAAADx7GYo_N-zfwm9fqg

*الزهراء ع جلست عند قبور البقيع تنعاهم واحدا بعد الآخر*
طور الخضيب ♪
الزهره الزچيه لازمة منها الضلع مكسور
اتعنّت تنوحن لاطمه وتنصب عزا لگبور
نوبه على گبر الحسن تهل الدمع منثور
تشوف الحجارة عالگبر وذاب الگلب بالهم~
وابقيعا~
〰〰〰〰〰〰
تدير الطرف يم الگبر وتنادي يا سجّاد
عليكم ما بطّل ونّتي وثوب انصبغ بسواد
ابكي لمحنتك والأسر واتذكشر الاصفاد
والجامعه فوق المتن ومنها يسيل الدم
〰〰〰〰〰〰
ونوبة على الباقر تون ودمع الجفن سيّال
تگله فجعني من الزغر بالطف تشوف اهوال
جسوم الضحايا عالترب وراس الولي ينشال
من تمشي بدروب السبي هناك المحن اعظم
〰〰〰〰〰〰
ونوبة على الصادق تون وجرح الگلب لليوم
تگله علامة مرقدك يبني صبح مهدوم
ما تطفى يبني جمرتي ليوم الظهور تدوم
مهدينا سيفه يشهره وجرح الگلب يلتم
خادمة آل محمد✍🏻

لما مرّوا بها على أجساد إخوتها قالت :

أمُر اعلَه اِخوِتي صَرعَه شَمر ها
ورُوحي الدَهر عَن جسمِي شمرها
ضِـرَبني الظالم وﮔِـتله شمر ها
شِفت عباس مَاهو وعِلت بيه

لقمان لعيبي البدران

*مناجاة وتوسل بالحسين عليه السلام*

تايب وٱجيتك بالدمع
الطم الك صدر وضلع
وگلبي مصابك منفجع
امسح همومي يا حسين
〰〰〰
سجّلني خادم منبرك
ناعي واسمي بدفترك
ابكي وانوح لمنحرك
وانفاسي تلطم يا حسين
〰〰〰
يسحقني حافر عالصدر
ألطم وانوح على النحر
لمخيمك گلبي جمر
بصدري خيامك ياحسين
〰〰〰
خليني خيمة بكربله
أحمي يتامى العايله
بيها تنوح الثاكله
وشملك تلمّه يا حسين
〰〰〰
اتمنى لو قطرة سبيل
تبرّد غليلك يا قتيل
من غيمة لو مايي تسيل
تروي ظمى كبدك حسين
〰〰〰
راح ابتدي أخدم قضى
عن عمري لبْغيرك مضى
تختم سجّلي بالرضا
تسجلني خادم يا حسين
〰〰〰
ومعبد دمعتي مأتمك
مسكنها روحي مخيّمك
صورة في عيني ارسمك
دم النحر غُسلك حسين
حبيبي يا حسين
خادمة آل محمد✍🏻
https://tttttt.me/joinchat/AAAAAD9ng3ujqkUa3rjbSA

#قصائد_محرم_1442ﮫ


قصيده في ليلة الوداع

آخر وداع ويخوتي هاي المسيه
باجر يذبحوهم وضل بالطف سبيه
باجر مصابي
يبدأ عذابي
……… .

آنه العقيله ام الخدر من زغري رافگني الحزن
من فاطمه وكسر الضلع والوالد وچبد الحسن
والليله بوداع اخوتي رد وجرح گلبي الزمن
مجبوره اودّعهم صرت ايامي ويّاهم گضن
ياليلي طوّل لا يطر صُبح المصيبه
باجر يغيبون اخوتي وصبح غريبه
برحلة غيابي
يبدأ عذابي
...........

لبن امي اروح بدمعتي مشتاگه اگعد يمّه
احچيله عن ضيم السبي ويحچيلي هوّه بهمّه
باچر يطيح عله الثره والخيل تسحگ جسمه
من نحره مشتاگه شكثر گبل الذبح اشتمّه
باچر يحز نحره الشمر بالغاضريه
وضلاع صدره تنهشم بخيول اميه
كلها بحسابي
يبدأ عذابي
..... .

ياليلة العاشر بعد مشتاگه اشوف الغالي
عباس ابوالغيره الوفي طول الدرب يبرالي
اتوادع وياه وشتكي لراعي المراجل حالي
گطعة چفوفه ومصرعه من هسّه يتراوالي
باجر يطيح عله النهر حامي الظعينه
تتگطع چفوف الوفي تنصاب عينه
اسمع جوابي
يبدأ عذابي
...........

كلما اروحن يم اخو اشبع قهر وتعذّب
واحد يگلي انذبح من كل هدم اتسلّب
والثاني گلّي عله النهر بدم النحر اتخضّب
باجر غريبه بكربله محّد الچ يازينب
ياريته لا طر الصبح وفگد اخوتي
كل لحظه ياليل التمر اتمنّه موتي
يجرح عتابي
يبدأ عذابي
..........

ياليلة العاشر خفت لمن سمعت اخواني
گالولي باجر انسبي وحمل قهر عدواني
شاورني عباس بخبر هذا الخبر بچّاني
تتچوّه اطفالي بجمر من يحترگ صيواني
باچر عله رماد الخيم تركض رقيه
تبچي ويأذّيها الجمر تنشد عليه
نار بثيابي
يبدأ عذابي

سيد زيد الفحام

مشتاقين الشهر الدمعه
وصوت الناعي لمن ينعه

يمته نرد لحضان الماتم
ويجمعنه حسين ونتلايم
نجري الدمعه الوارث آدم
وندري حسين الشمل يجمعه
...........
كل مهجه من الهم ملتاعه
المگاه نحسب ساعه بساعه
هاي احنه احبابه واتباعه
نفدي الغالي ونحره نسمعه
.............
مشتاقين حسين انخدمه
ونرجع كلنه ونلتم يمه
شنقدّم للقدّم دمه
وصان الدين او احيا الشرعه
............
هالعام احواله مختلفه
ننتظر محرم باللهفه
وبين الآه وبين الوسفه
كل شيعي متكدّر وضعه
............
متعودين انواسي الزهره
ونتهيأ ليام العشره
نتألم بس لو هل بدره
محرّم وانلبّيها البضعه
...............
گرّب شهر حسين وندبه
ويفجعنه السهم اللي بگلبه
چم طعنه بجسمه وچم ضربه
وزينب لله بچفها ترفعه
................
ومو بس الماتم ظل خالي
صوره كل مشهد في بالي
وضع الزاير عذب حالي
شلون يزور بعصر الجمعه
.............
مجروحين بگد عاشوره
حسين وهم نتمنه نزوره
وبالحضره يغشانه نوره
ونحس كلنه بكسرة ضلعه


تمت صادق سويد
وزن العگيلي..

ذكرى هدم مراقد أئمة البقيع - ٨ شوال
على لسان صاحب العصر والزمان عجل الله فرجه الشريف

يخاطبني البقيع أسمع خطابه
يريدن بالعجل أبني قبابه
يصيح وقلبه مكسور * تعال انظر للقبور
.....-----.....
البقيع ايصيح دايم . قوم يالمهدي ابعجل
أستمع منّه خطابه . وينتظر منّي الأمل
عجّل الطلعه يمهدي . يا نجل خير العمل
قوم شاهد هالمناظر . في غيابك شلحصل

يصيح ابكل وقت أسمع نحيبه
يناديني العجل يبن النجيبه
يمهدي العتره ماجور * تعال انظر للقبور
.....-----.....
أستمع صوته ينادي . والندا يرجع صدا
القباب اويا المراقد . هدّموا فيّه العِدا
والعجب يا مهدي صابر . وأمر منّك ما بدا
يمته يسعدني حضورك . شفت أنه انواع الردى

بقيع الغرقد ابلهفه ينادي
ترى شفت الأذى وجور الأعادي
يمهدينه ابعجل ثور * تعال انظر للقبور
.....-----.....
البقيع ايصيح عجّل . شيّد ابهمّه القبب
واعلى كل مرقد مناره . توصل لهام السحب
خلّها للزاير علامه . يهتدي بيها المحب
وانصب الماتم يمهدي . وشيعتك خل تنتحب

على اقبور الأيمّه خلّي رايه
تصير لكل محب نور وهدايه
بقيعك چنّه مهجور * تعال انظر للقبور
.....-----.....
قوم يالمهدي وعاين . شيعتك يوم لتطب
توصل ابلهفه لمكاني . ومنها يفرح كل قلب
وتبقى ابحسره وكآبه . من تعاين هالترب
والعدا تعتب عليها . لو دمع منها يصب

تشوف الشيعه يالمهدي مهانه
وعليها الظالم ايجور ابلسانه
ولسان الحال مفطور * تعال انظر للقبور
.....-----.....
عاين لحال المدينه . كل قلب ليها عرج
كل محب أمسى ينادي . سيّدي يمته الفرج
يمته يالمهدي تجينه . ذابت اقلوب ومهج
بس يبو صالح هضيمه . كل قلب بسمك لهج

يمهدينه الفرج عجّل علينه
قلوب الشيعه ولهانه وحزينه
ننادي بسمك اشهور * تعال انظر للقبور
.....-----.....
محمد بن عبدالله الحدب

أويه الدهر ما عدنه غير أعتابنه➖كور أهموم الزمان أبابنه
ياعراق حسين الله إيعينه➖قحط يوسف والجفاف أسنينه
∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞
الرحمه شالت ونكشف وجه البلاء
وچن علينه أنسدت أبواب السماء
ليش شو ما ينقبل حته الدعاء
الحرام أستشره بالوادم وباء
غصت الگاع أبدمه شبانه➖ذبحو بينه وهجرنه أوطانه
ياوسافه الدنيه ضاگت بينه ➖قحط يوسف والجفاف أسنينه
∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞
صايمين أعله الحزن ما عدنه عيد
أنصبح أبكل يوم بجنازة شهيد
الموت حب أوجوهنه مدري شيريد
أنفلش الجادر ونبنيه من جديد
إيطيح چادر نبنب واحد ثاني➖هيچ خلصنه الزمان أنعاني
أولسه ماندري شنو السوينه ➖قحط يوسف والجفاف أسنينه
∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞
الدنيه دارت بينه وفتر الزمان
الخوف دگ أگلوبنه ومات الامان
عن وصف ضيم الجره إيچل اللسان
للمقابر بالنجف ماضل مجان
تعبت أچتافاتنه وطگ حيلنه➖أنشيل موته والمئآسي أتشيلنه
الدنيه تمطر نايبات أعلينه ➖قحط يوسف والجفاف أسنينه
∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞
الجوع ماخذ حصه من بطن الفقير
الناس صارت كلمن أبوضعه يحير
ياعلي وينك يغوث اليستجير
تنطي حنطه وتاكل أبخبز الشعير
التدعي أتحبك علي چذابه➖أسألهه يامسكين دگو بابه
ياعلي لو نطو يامسكينه ➖قحط يوسف والجفاف أسنينه
∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞
بالضماير مات وجدان الحليم
نعصي الله أوعنه گلنه الله كريم
أعلينه حكمنه الردي أو وين اللئيم
شلون الله أبحالنه يصبح رحيم
الصوچ بينه مانغير أحوالنه➖الصار هذا كله من أفعالنه
أبغير درب الراده الله أمشينه ➖قحط يوسف والجفاف أسنينه
∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞
أبلا كرامه يصبح الماعنده مال
المهم كثره حته لو ماهن حلال
المهم تبنيلك قصر علو الجبال
وبالربه أتعيش الترافه والدلال
طاحت العرگه وصقط راعيهه➖حته خبزتنه الربه أمنديهه
أتوسخت وسفه حرام إيدينه ➖قحط يوسف والجفاف أسنينه
∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞
#حسين باهض الحلفي



https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

اللحن👆👆👆

عطشٌ وماءٌ بالجِوار ْ
وجَعٌ بأفئِـدةٍ صِغار ْ
هذي بلَايا كربلاءْ

أطفالٌ تجري بمكان ِ
يُكوَى بلَهيب النيران ِ
تستَنشِقُ ريحاً سَوداءاً
مُزِجَت برمادٍ ودُخان ِ
ألسِـنةُ السَـوطِ مع النارِ تَكـوي الأضلاعْ
وصِياحُ الرِهبة والشكوى في الزحمةِ ضاعْ
والنَفسُ حَشرجةُ احتِضار ْ
عطشٌ وماءٌ بالجِوار ْ

خَيماتٌ كانت لكِرام ِ
تُحرقها ثُـلّةُ أقزام ِ
لتُحوِّلها بلَضى الحقد ِ
كُـتَلاً لرَمادٍ ورُكام ِ
خيلٌ تَسحقُ كل بَـهِـيٍّ بسنَابكِ جُور ْ
وغَدا نورُ الله الأسمَى شِـلوَاً منـثُور ْ
دامٍ على هذي القِفار ْ
عطشٌ وماءٌ بالجِوار ْ

قال الظالمُ جَنبَ فُرات ِ
ستَذوقوا طعمَ المأساة ِ
هذا الماءُ السائلُ بَرداً
يَجري كَبطُونِ الحَيَّات ِ
لن يشرَبَ طفلٌ أو يَروِي من هذا الماءْ
بل يُسـقى طالِبهُ كأساً من سَيلِ دماءْ
ممزُوجةٌ بلَضىً و نار ْ
عطشٌ وماءٌ بالجِوار ْ

كم من دمعٍ قَان ٍ سَالا
من مُهجٍ عانَت أهوَالا
كم من قلبٍ غَض ٍّ فيهِ
آلام ٌ غَطـَّت آمـَـالا
في وادٍ قد كانَ بحَـق ٍّ مَدفَـنَ آمال ْ
ذراتُ الرملِ بهِ اختَلطَت بدماءِ الآل
حتى توَشَّحَ باحمِرار ْ
عطشٌ وماءٌ بالجِوار ْ
**
للرحمـةِ آياتٌ كُـبرى
قد نزَلت في هذي الصَحرا
لكن الناسَ على عَمـد ٍ
قد سَامُوا الآياتِ الغَدرا
ماأجحَدهُم وهُمُ الغرقى ببحُورِ هوَان ْ
ذبَحوا وبخِيلِـهُمُ داسُوا سُـوَرَ القرآن ْ
لبِسُوا الخَنا جِلبَابَ عار ْ
عطشٌ وماءٌ بالجِوار ْ

=================
لقمان لعيبي البدران

https://telegram.me/lukmanalbadran


@lukmanalbadran

*[ تبكي دما ]*

أداء: الملا #عمار_الكناني
كلمات: الشاعر #علي_عسيلي_العاملي

https://youtu.be/ZSAvG5JQaqU

مجالس شهر شوال لسنة 1441 هـ - 2020 م
ليالي ذكرى هدم قبور أئمة البقيع عليهم السلام في الثامن من شوال
العتبة العسكرية المقدسة - العراق - سامراء

مونتاج واخراج: يوسف كريم القراغولي
مكساج: علي شهاب
إنتاج: اﻷمانة العامة للعتبة العسكرية المقدسة
النشر الشبكي والتوزيع: علاء بركات العاملي - علي الفاطمي