١/بكاكَ دعاءُ (نُدبتِكم) مَعَ (العهدِ)
وقَدْ ملاَّ نحيبي أيُّها المَهْدي!
متى تدعو لثارِ الضلْعِ والخدِّ؟
وتصلبُ منْ تعدّى يقتُلُ الزَّهْرا

٢/إمامي! إنَّ مَنْ يرضى لها الباري
هَوَتْ والأرْضُ شبَّتْ مِنْ لظى النَّار
شكَتْ في ضِلْعِها آلامَ مِسْمارِ
وفي أحشائها سقطٌ قضى عصْرَا

٣/لَقَدْ أدْمَوْا مقالةَ "بضعةٌ مني"!
فأمستْ سيِّدي محْنِيَّةَ المتْنِ
تنامُ وكفُّها تبقى على الأُذْنِ
ترى الدُّنيا ظلاماً عيْنُها الحمرا!

٤/إلى مَ الصبرُ يا بنَ المصطفى أحْمدْ؟!
وَذَا عضدُ البتولِ كدُملجٍ أسْوَدْ
بغصْبٍ سيدي أنفاسُها تصْعدْ
فتخفي الآهَ عَنْ كرارِها صبرا!

٥/خيالاً أصْبحتْ..جِلْداً على عظْمِ
تغيَّرَ لوْنُها مِنْ شدّةِ الهضْمِ
تُصَلِّي منْ جلوسٍ في دُجى الهمِّ
وتدعو اللَّهَ أنْ قصِّرْ لِيَ العُمْرا


*علي عسيلي العاملي*

*شوق الموالي لزيارة البقيع الغرقد* لحن الجفيري♪
شوگي الى ارض البقيع
اتعفّر بترب الشفيع
وتهل عيوني بالدمع
زاير ترابك بالحنين
〰〰〰〰
حسره بگلبي زيارتك
وعيني ما تنظر قبّتك
لا حضره توصل شيعتك
ولا تنصب نياحة وانين
〰〰〰〰
منعونا نبني هالگبور
يم الضريح نبكي وندور
ونرفع مناراته ونزور
ليش الظلم عبر السنين
〰️〰️〰️〰️〰️
ما نگصدچ رايد سبب
گبورك غريبه وبس ترب
نريد المآتم تنِّصب
ومشّاي موكب الاربعين
〰️〰️〰️〰️
كل شيعي حلمَه يوصله
وترفع مناير للمله
وتوصل طريقه بكربله
مثل الزيارة للحسين

خادمة آل محمد ✍🏻

#يوم_البقيع_العالمي
يابو صالح… في بقيعك تنتظر
يابو صالح… تبچي مهدوم الگبر
يابو صالح… والأثر ليها اندثر

آيغايب… للبقيع اسمع بكاءه
آيغايب… من الظلم يرفع نداء
آيغايب… رايدك تنصب عزاءه


آيمهدي… ننتظر منك اشاره
آيمهدي… تبني كم قبة ومناره
آيمهدي… هالوعد طال انتظاره

ذا بقيعك … تدري ما يتعنه زاير
ذا بقيعك… ينشدك يالمهدي حاير
ذا بقيعك… لا قباب ولا مناير

آيمهدي… بالدعا نرفع ادينه
آيمهدي… للعزيه احنا إجينه
آيمهدي… نواسي گلبك يا ولينه
*عظم الله لك الاجر سيدي بهدم قبور اهل بيتك ع*
خادمة آل محمد✍🏻

أنبقى بعدك يـا حسـين😭 💔
https://www.facebook.com/101217544845146/posts/143432203957013/

#الناشر_الحاج_فلاح_حسن_هدم_قبور_البقيع

المرد چبدك .. جهل قدرك
الحرك دارك .. هدم گبرك
يجعفر سمهم ايعود •• مادام أنت موجود ••
رد الظالم اردود •• هدم گبرك

__

عليمن چنت تتعذب عليـمن چفنك احمر
الصادق مايعذبونه وچنت صادق يجعفر
نــور وعايش بظلمه خـير وحاوطك شر
علـي چنت بتفاصيلك وماموجود ابو ذر

عشت حد ما متت وحدك .. على بختك وبخت جدك
حياتك تشبه الموت •• إذا ماگلنه تابوت ••
السم فطرلك اچبود •• هدم گبرك



المصاب اليگبل اعليكم ما يقنع بالدموع
الزهره بيوم حرك الباب طاحت فوگها جذوع
مانستبعد التكرار بحرگ دارك يمفجوع
يجوز اللي حرگ بابك البناتك كاسر اضلوع

بما أنك ابن فاطم .. فلا تخلص من الظالم
يجوز بهالرزيه •• انسطر خد فاطميه ••
البناتك جَرح اخدود •• هدم گبرك



عشت والطف على بالك يجي وتسولف العين
تطيح من البچي لمن يمر طاري الدواودين
حياتك مجلس وتنحب على المكطوع چفين
گبل لا ياخذك موتك خذاك مصاب الحسين

عشت عمرك جمر يلهب .. لمن تبچي على زينب
عشتها الغاضريه •• لإن عمتك سبيه ••
النابت سهمه بالجود •• هدم گبرك



عمرك ناهز السبعين لوعه وفاجعه وهم
وصواب وجرح ومصاب حسره ومدمع ودم
تموت بيا ذنب مطلوب واعليك الهوه انظم
لهفتي اعليك وانت اليوم واصل گلبك السم

صدى جرحك شكى الربك .. بسموم الشر يبس گلبك
عذابك ماكضه بيوم •• عذابك رافگك دوم ••
عشت بروحك اتجود •• هدم گبرك



ماتخلص يوجه الله ولا يگضيلك مصاب
انهدم گبرك و مو زاير حجر نام اعله العتاب
يالعند الله شامخ ليش گبرك ساوه التراب
للحاجات باب انت لچـن ماتمتلك باب

الحجر يصعد على گبرك .. الشمر چن مرتقي صدرك
يمتى ايزول المصاب •• يانور اعله التراب ••
الدهر عالظالم شهود •• هدم گبرك



يمتى ياخذ بثارك الگلبه اعليك محروگ
ويبنيلك صحن من نور بس الوجهك ايلوگ
بشرنه يبو الباقر عليك الصعدت النوگ
يجيك المهدي ياليله ونجي الشباچك اعلوگ

نزورك يمتى مولانه .. وتشوف المهدي ويانه
الإمام المهدي ياعام •• يجيك وشايل اعلام •• يذله الچان نمرود •• هدم گبرك



الشاعر : #ميثاق_الحمداني .

#الناشر_الحاج_فلاح_حسن

*حضور الزهراء ع في ارض البقيع لتنصب عزاء عند تلك القبور المهدومة المهجورة*
اتعنت الى ارض البقيع
منها الجسد ويلي نحيل
تلزم ضلعها المنكسر
ونّتها تفگد ليها حيل
تعاين گبور مهدّمه
ومدمعها عالوجنه يسيل
نسيت ألمها وبالدمع
تسگي بمدامعه الگبر
〰️〰️〰️〰️
گِعدت على گبر الحسن وتنادي مسموم الچبد
ما عنده شباك وصحن
ليش وتراب على اللحد
تشم ترابه وتنتحب
وتنادي مسموم الولد
آنه امك الزهره اجيت
مفجوعه يا زهر العمر
〰️〰️〰️〰️
دارت وجهها عالگبور
وصاحت يا صادق عترتي
ياباقر وزينب العباد
وانت الحسن ريحانتي
ليش الگبور بلا قباب
زادت عليكم حسرتي
لا من منارة لا صحن
ولا زاير عليكم يمر
〰️〰️〰️〰️〰️
*الزهراء ع تشكو عند تلك القبور فما احد يجاوبها الا صاحب الزمان عج يحضر يعينها على العزاء*
يجاوبها والمدمع هِمه
من ونينچ گليبي جزوع
كفّي الدمع يا فاطمه
وخليني امسح هالدموع
لابني كبور الاربعه
وتگصدها زوّار وجموع
وابني منارة للسمه
وعليها رايات الثأر
خادمة آل محمد✍🏻

مونتاج جديد:

*[ سلام بعطرِ دم الشهداء ]*

مجالس شهر رمضان المبارك

قصيدة رسالة سلام الى شهداء كربلاء من واسوا إمامهم سيد الشهداء (عليه السلام)

بصوت خادم الامام الحسين (عليه السلام) الخطيب الموفق

الشيخ #زمان_الحسناوي حفظه الله

https://youtu.be/sbiGUAArkUk

لطمية :

ـــ

نبنيه معاً
يظهر مولانا المهدي (عج) قريباً , و نتشرف بالمشاركة في بناء قبور ألإئمة الأطهار في البقيع الغرقد , إن شاء اللــ ...
ــــــــــــــــــــــــــــــــــــــــــــ

يمتى يشع نــورك يـبـو صــالح عليــنه
او تبني المراقد لرْبعــه ابأرض المدينه
او يوم الذي نلگاك .. نبني الگبــر ويّاك
ابأرض المدينه
ــــــــــــــــــــــــــــــــــــــــــــ

يبو صالح متى بدرك يشع ضيّه .. و ابعالمه اينور
او بقيع أجدادك أمسى يا وسف أظلم.. و ابوحشه لگبور
الحَـمَـام انحسده صرنا من يِرِف جـنْـحـه.. و اعليهم ايدور
يزور اگبور أيـمّـتـنا لچن إحنه .. ما نگدر انزور

او هاذي رساله امن المُحب يبعث سلامه
مـو عالـورق , يكتـبها بجْـناح الحَـمـامه
يالمهدي نتـرجّـاك .. نبني الگبــر ويّاك
ابأرض المدينه
ــــــــــــــــــــــــــــــــــــــــــــ

نعم غايب يبوصالح لچن أدري .. ابعينك تشاهد
ابمثل سطح الأرض صارت ألف وسفه .. اگبور الأماجد
عجيبه اشگد صبُـر عندك يمن چفّه .. لبتاره غامد
و اعلى افراگك بچت لعْيون او أوّلها .. اعيون المراقد

ابهاي المصيبه يعجز ايسولف لساني
چن هـدْموا الكعبه ابهَـدِم ذيچ المباني
دمْــع الجفـن حاچــاك .. نبـني الگبــر ويّاك
ابأرض المدينه
ــــــــــــــــــــــ

يمن حيفه يعيش اويّاه كل لحظه .. او ما ينسى حيـفـه
او مثل عينه جرح گلبه عليهم ما .. يگطع نزيفه
متى انشوفـك يبو صالح تشيّدها .. القـبّه الشريفـه
او ترفع للحسن گبره أو عگبها اتْرِد .. تبـني مُضـيـفـه

تبني مُـضيف المُجـتـبـى يالمهــدي بـيــدك
او بسْــم الحسن غِـلـمانك انصير او عبيدك
و انّـادي عـد عيناك .. نبني الگبــر ويّاك
ابأرض المدينه
ــــــــــــــــــــــ
أمل عدنا او على هذا الأمل صرنه .. نـتـنـطّر اسنين
ابشوفة قــبّـة أجداد يبو صالح .. تـتـكـحّـل العين

او نشوف الناس للغرقد تجي ابلهفه .. ابـفـوج الملايين
او عگب هدمه يصير المرقد ابطيبه .. چن مرقد احسين

ابأرض المديــنه سيّدي تـبـني المزارات
وسط الصحن برْبع قـبـب و اثمن منارات !
يبن الحسن و اهـنــاك .. نبني الگبــر ويّاك
ابأرض المدينه
ــــــــــــــــــــــ

عيون الوادم اتّـتـاني يغايـبـنه .. الطله البهيّه
او عينك عالبـقـيـع اتشوبح ابعبره .. صبح او مسيّـه
يبو صالح و إذا تظهر فلا تـنـسه أصْل القضيّه
ابدخولك للمدينه اتراوي أحبابك .. گـبْـر الزچيّه

گــبْـر الــزچــيّـه لو ظهــر تـتعــنى لصْـفــوف
او (نذرٌ عليْ) لو وصّـلــت أزحـف له ازحوف
نتعنى تحت الـــواك .. نبني الگبــر ويّاك
ابأرض المدينه

ــــــــــــــــــــــ
ميرزا عادل أشكناني
" قم المقدسّـة "
9 / 2011


https://tttttt.me/mirza_adel_ashkanani

*قف أنت ممنوع الدخول للبقيع* 😭
بأي ذنب منعونا زيارتكم⁉️
آداء الرادود الحسيني ميثم مطيعي🎤
https://youtu.be/P-gicSO5Hfs

خالقني ربي لحضرتك
تاج اعله راسي خدمتك
حسين حسين حسين
##############
بعالم الذر و اعلنت ولائي
و قررت ترخص الك دمائي

يحسين قبل التكوين
سويت الك لطمية
و اقريت باللسان الحال
عن زينب المسبية
ما بين رحم و اصلاب
چانت الي احسينيه
عن طفلتك قاري هناك
متسلبة الترچية

بمجلس عزائك مستمِر
و ناذر الك عمري نذِر
حسين حسين حسين
####################
طفل احبي و احضر ابعزائك
امن امي راضع حزن كربلائك

تاخذني امي اصغيرون
لمن تروح اقرايه
عالفطرة الطم مولاي
وي لطمة الملايه
بدمعي اواسي الرضعان
و اشكي الفرات و مايه
و انحب واحس الاملاك
تنحب سوه ويايه

من زغري ادعي بمأتمك
وين الله اصيرن خادمك
حسين حسين حسين
##################
لشاطي حبك لملمت نوارس
والِدي رباني عالمجالس

من والِدي اعرفت اشلون
المجلس اشد احزامه
بالفزعة ويه الرادود
ماخربط اللطامة
و علمّني ضَرب الزنجيل
و شلون اگض القامة
مصباح اول عاشور
لازم ادگ الهامة

و علمّني فلسفة الدمة
بطبراتي اواسي فاطمة
حسين حسين حسين
###################
و من كُبَر عمري وبده شبابي
زادت اوجاعي و كثَر عذابي

اسمعت ناعي ينعاك
و عن الطفوف اتكلَم
بالخيل يصرخ داسوك
و كل عظم بيك اتهشَم
چن روحي چوتها النار
و الحيل مني اتهدَم
من گال راسك مرفوع
و من نحرك يخر الدَم

شما اسمع بطاري الرمح
من هضمي لاجلك انذبح
حسين حسين حسين
####################
عالگمر مستشعر بونينك
و اعله عبدالله عشت حنينك

و لعلي الاكبر مولاي
وياك احس باللوعة
و لجاسم و عرس النوح
بعيوني اضوي اشموعة
بسبي الحرم و الاطفال
روحي غدت مفزوعة
و الگلب من درب الشام
دگاته ما مسموعة

لو اسمع ابونة طفل
مثل الخيم نار اشتعل
حسين حسين حسين
####################
و يالعليلة كل وگت اتاني
و مثل ام الاربعة اعاني

يا يوسف احلامي شلون
شَيَب گلب يعگوبك
ابيض صبح فص عيناي
و لا جتني ريحة ثوبك
وين انتظر شخصك وين
تاهن عليَّ ادروبك
سايم عليك الزهراء
لا تگطع ابمحبوبك

بحبك ضعن گلبي رِسه
و انت الهوى الاتنفسه
حسين حسين حسين
##################

الحمدلله
#علي حسين الكناني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*البقيع الغرقد في الشعر*

لقد نظم كثير من الشعراء هذه الجريمة
النكراء،
منهم العلّامة السيّد صدر الدين الصدر
قدس سره :

لعـمري إنّ فاجعة البقيـع *
* يُشيبُ لهولها فؤاد الرضيع

وسوف تكون فاتحة الرزايا *
* إذا لم يُصحَ من هذا الهجوع

أما من مسلمٍ لله يرعى *
* حقوق نبيّه الهادي الشفيع(1).

وقال شاعر آخر:

تبّاً لأحفاد اليهود بما جَنـوا *
* لم يكسـبوا من ذاك إلّا العارا

هتكوا حريـم محمّد فـي آله *
* يا ويلهم قد خالفـوا الجبّارا

هَدَموا قبور الصالحين بحقدهم *
* بُعداً لهم قد أغضبوا المختارا(2).

وقال شاعر آخر:

لِمن القبور الدارسات بطيبة *
* عفت لها أهل الشقا آثارا

قُل للّذي أفتى بهدم قبورهم *
* أن سوف تصلى في القيامة نارا

أعَلِمتَ أيّ مراقد هدمتها *
* هي للملائك لا تزال مزارا(3).

وقال الشيخ عبد الكريم الممتن مؤرّخاً هدم قبور أئمّة البقيع:

لعمرك ما شاقني ربرب *
* طفقت لتذكاره أنحب

ولا سحّ من مقلتي العقيق *
* على جيرة فيه قد طنبوا

ولكن شجاني وفتّ الحشا *
* أعاجيب دهر بنا يلعب

وحسبك من ذاك هدم القباب *
* فذلك عن جوره يعرب

قباب برغم العلى هُدمت *
* وهيهات ثاراتها تذهب

إلى م معاشر أهل الإبا *
* يصول على الأسد الثعلب

لئن صعب الأمر في دركها *
* فترك الطلّاب بها أصعب

أليس كما قال تاريخه *
* بتهديمها انهدم المذهب(4).

1. بحوث في الملل والنحل 1/339.
2. المذاهب الإسلامية ـ الوهابية.
3. ليالي بيشاور ـ المجلس الثالث.
4. مستدركات أعيان الشيعة 2/161.



———-

عُد للبقيع .. أعِد لها مغناها
وابنِ القباب برغم أنف عِداها

أَمِنَت أعاديك الحسامَ فأفرطت
في ظلمها وفسادها وغواها

أفتت بهدم قبوركم لمّا رأت
ذِكرَ الإلهِ مشيَّداً بِبِناها

وإذا بِمعول حقدها لبّى النِّدا
وعَدا على آثارِكم فمحاها

ظنَّت بأن قبورَكم إن عُفّيَت
سيزولُ ذكرُكمُ !! فخاب رجاها

عملت على إطفاء شعلةِ نورِكم
أنّى ونورُ اللهِ قد أذكاها

لكنه جرحٌ أسال دموعَنا
وأشاعَ في الأرواح نارَ أساها

وأعاد للأذهان يومَ تدافعت
زمرُ النفاق لدار بضعة طه

لهفي لفاطمةٍ لِكسرِ ضلوعِها
لِأنينها وشجونها وبُكاها

#الشيخ_احمد_الدر_العاملي

شعاراتي و ندائي
حسيني و كربلائي
يا مظلوم يا مظلوم
#################
عله سيل الدمع متعلمة عيوني
و بس طاري السباية شايلة ظنوني
عبد لتراب جدمك اهلي نذروني
و على حب الشعائر و الله فطموني

بجنوني چني عابس
احب حيّل المجالس
يا مظلوم يا مظلوم
####################
ترد بيه الامل كل دمعة الاجريها
حياتي ابلا عزائك وين اگَضيها
احس امي المجالس من اطب ليها
لان من الطفولة اتعلقت بيها

حنان الام لگيته
بشكو مجلس قريته
يا مظلوم يا مظلوم
####################
شعوري يختلف من ادخل اقرايه
اشعر مني يرحل ضيم دنيايه
واحس دمعي يرفرف رَفَت الرايه
لان ادري الزچية حَاضِرة ويايه

ادگ راسي باديه
لاجل عين الزچية
يا مظلوم يا مظلوم
##################
الحمد لالله لحضرتك چيفه سواني
اخدمك و بخدمتك عالي خلاني
زماني بليلة ظلمة صورة راواني
لطفوف الغاضرية و بيها چواني

عشت لوعة عذابك
حرام انسى مصابك
يا مظلوم يا مظلوم
##################
وقف سجلته باسمك مدمعي اليهمل
يعني بس الك مني الدمع ينزل
لمصابك گلبي ذاب و ما بعد يحمل
من ينبض احسَّن خيل بي تصهل

الك خالص حنيني
و نذر ناذر ونيني
يا مظلوم يا مظلوم
##################
هضم ترست دليلي ساعة العاشر
و على صدري اثر سحگات چم حافر
و حگ نوح العقيلة و كسرت الخاطر
يابو اليمة مصابك للظهر كاسر


و حگ شهگة حسرتك
و لا تطفه جمرتك
يا مظلوم يا مظلوم
#####################
الحمدلله
#علي حسين الكناني

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*بسم رب الحسين*

إلى متابعينا اﻷعزاء

نحيطكم علما أنه يمكنكم مشاهدة جميع قصائد خادم سيد الشهداء عليه السلام الرادود الحسسني محمد باقر الخاقاني على القناة الرسمية الوحيدة على اليوتيوب الرابط التالي:

https://www.youtube.com/c/mbalkhaqani

هذا ونسألكم جميعاً الدعاء

ذكرى هدم قبور أئمة البقيع (ع)

حِرِتْ مَرّة اطفي نار الهم مَراقِد
ابْـجِفِن سـاهِر ولا لـحظة مَراقِد
أنـوح امْـن اذكــر الأربـع مَـراقِد
هـدمـها ابـحِـقِد چف الجاهليّه

#ابوذية_جابر_الكاظمي

#جديدة #قصيدة_ملمعة
ذكرى #هدم_قبور_البقيع
لسان حال الامام الحجة (عج)
كلمات #حسين_شعيب



بِرضوى أم طِوى قَرا الإمامُ
على بقيعِ فاطمٍ سلامُ


١/مرّْ الِف عام .. عالغيابِ الاكبر
واحسب ايّام .. للندا "قُم واظهَر"

رايد الثار .. للبقيع الغرقد
بيها الاشرار .. هدّموا جم مرقد

امشي ابصحاريها واحِس
غربه و مدامع هامله
ما القى بس تُربِ او شمِس
جن هاذي ثاني كربله
و بيها اثر نعش الحسن
خيل و سهام و قافله

فكم عليهِ أُمطِرت سهامُ
على بقيعِ فاطمٍ سلامُ


-----------


٢/جفني مقروح .. للبقيع الخالي
حايره الروح .. ماكو قبّه اگبالي

دمعي ما جف .. والخدود الطمها
ريحة الطف .. امن القبور اشتمها

حاير اذا امن المجتبى
اشتم عطر خوه الحُسين
لو هاذي ريحة زينبه
حاملها زين العابدين ..
لو من ابو فاضل عطر
لسّه ابتراب ام البنين ..

أنا لها ولِبنِها انتقامُ
على بقيعِ فاطمٍ سلامُ

----------


٣/فاضت العين .. والدمِع يِتجاره
سبط الحسين .. قبره بس احجاره

وصادق الآل .. لحده ينزف غُربه
هاذا شوّال .. و ماكو موكب قُربه

ماكو مجالس للجزع
عالماتَوِ بغربة وطَن
واحد عقُب واحد جِرع
سمّ السقيفه ابكل زمن
نفس القتلهم بالغدُر
هوّ القِتل امّ الحسن

سقيفةٌ يَؤُمُها اللِئامُ
على بقيعِ فاطمٍ سلامُ

------

٤/وانتِحِب حيل .. الجدِّتي الملطومه
ابظَلمةِ الليل .. اندفنت و مظلومه

أَيْ ظُلامه .. عاشت و أيْ غُربه
لا علامه .. اعله القبُر بس تُربه

امصيبة دفِنها شيِّبت
راسي و جفوني مُقرَحه
الأُمّه ابتراب اتغيِّبَت
مِحنة عذابه تِذبَحه
والعنده أمّ ابلا قبُر
يِقضي العمُر بالنائِحه


متى يُرى لِجدّتي مَقامُ
على بقيعِ فاطمٍ سلامُ

https://tttttt.me/hsen_ch3eb

كون البقيع بكربله ... جم گبه نبنيها اله
ونمشيله زوار
وباب الحسين امن الصحن ... يتلاگه وي باب الحسن
ونمشيله زوار
---------------------------------------------

گبور خمسه نهدمن لخير البرايه
ومو حجر عالكاع طاحن آيه آيه
صارت كبور البقيع بلايه رايه
تهدمت وانهدمت أركان الهدايه

امن اتهدمن منهو السلم ... حيل السماوات انهدم
وبكربله شصار
وصحن الرسول المؤتمن ... يتلاگه وي باب الحسن
ونمشيله زوار
----------------------------------------
عاللي بعدوا كبره عن سيد اممها
ارض بين الحرمين يزيد المها
الحسن لو بيها يزيل بكبره همها
وارض بين الحسنين يصير اسمها

الله ! لو خله القدر ... ام الكمر يم الكمر
بس الزمن دار
يا وسفه لو دار الزمن ... يتلاگه وي باب الحسن
ونمشيله زوار
------------------------------------------

كبر ابو الباقر علي وابنه قهرنه
كون بالطف جا بنيناها بعمرنه
نبني والصادق يبشرنه بأجرنه
رحم الله الذي يبني قبرنه

نحتار شنحط للگبب ... وترابهم يسوه الذهب
اي والله نحتار
نور الگبب من ينبنن ... يتلاكه وي باب الحسن
ونمشيله زوار
---------------------------------------------

بحكم موقعها يحل صحن الوفيه
ومن نشيده تكول وبنبره خفيه
قبتي في حضرة اولاد الزجيه
كون اصغر قبه برض الغاضريه

نكصدها بين الاضرحه ... واعليها نقره الفاتحه
ام اربع انوار
وباب الحوائج والسنن ... يتلاكه وي باب الحسن
ونمشيله زوار
------------------------------------------

بهذا الاحساس الكلب هم تطفه ناره
من نزور اهل التقى وكلمن مزاره
المهدي نشعر بي و نحس بوقاره
من يگول تقبل الله الزياره

نهز بشبابيج الطهر ويتساقط اعلينه الاجر
من جف الاطهار
جف اليزيل النه المحن ... يتلاگه وي باب الحسن
ونمشيله زوار
-------------------------------------------

گبور وي الگاع بس جواهن الطور
عالترب بس واصل السابع سمه النور
من يهدمهن لون بالطف هالكبور
واليدافع عنهن الله يكله مأجور

وين الإمام المنتظر ... ويشيل عن اهله الحجر
يا صاحب الثار
يالمهدي تسكن يا وطن ... يتلاكه وي باب الحسن
ونمشيله زوار

#ميثاق_الحمداني


https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

دمعه نجريهه على تراب البقيع
نبجي يم كبرالحسن كبرالشفيع
................

نبجي عالمسموم سيد الكائنات
بياذنب تتهدم كبور التقات
موبيوت الله وابوب الصلات

نبجي عالسجاد نبجي اعله الرضيع
نبجي يم كبرالحسن كبرالشفيع
.....................

كبرزين العابدين اصل القيم
هدموا ركن السما من انهدم
مثل ماعباس مصيوب بسهم

صابو الاسلام بمصابة الفجيع
نبجي يم كبرالحسن كبرالشفيع
..........................

الباقرالمسموم مظلوم انغدر
منعو زيارتكم اعقول الحجر
ذوله وهابية مو صنف البشر

ثار اهل البيت نطلب مايضيع
نبجي يم كبرالحسن كبرالشفيع
.....................

صادق القول العلم منه نبع
ماكو عالم قره علمة وماركع
ابلا ضريح شلون تعقلهه الشرع

نبجي عالمظلوم وينوح الجميع
نبجي يم كبرالحسن كبرالشفيع


.................................

#حيدر موسى الرميثي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

@KararAlmohmdawy

قناه الشاعر كرار المحمداوي