أبوذيات إلى أئمة البقيع عليهم السلام ..


شكـثر كم زاير الكم ماتمنّه
وماحــصّـل عـلـى كـل ماتمـنّه
العكس كل يوم ننصب ماتمنه (ماتم النا)
وزيارتكم ياساده هيّه هيّه


حچي الوادم نقلته منها ليكم
تنشــد يالـه طـه من هو ليكم
أبوصـالـح أبنـكـم من هليـكم
متى ايعـيد البقيع الكم زهيه


أبوالبـاقـر عـلي عـيني ترابه
ضـامـي بالبقـيع أشـگـد ترابه
على قبرة ياغيم أمطـر ترابه
الضما أسهم أشكثر بالغاضريه


شما رادو حرس قبرك يظلون
زوارك يـابـوالكـاظـم يظـلـون
وبياض النيّه مايسود يظلون
عدوّك بالهدام أسود النيه

علي الأحسائي🖋🗒

ٰ
•[ #اهات_المنارات ]•
‎كلمات الشاعر | #كرار_حسين_الكربلائي
‎ذكرى هدم قبور #أئمة_البقيع (ع ) - شوال ١٤٤٠ هـ
‎في هيئة الزهراء (ع) - الكوفة المعظمة
‎مونتاج | حارث العكيلي
مخطوطة | حسين مقيم
‎مكساج | عباس الحواج
•
رابط المشاهدة
•
https://youtu.be/NKwc0--yCIM
•
#يوم_البقيع_العالمي
#قحطان_البديري

اهات المنارات | قحطان البديري

منتظر الجنابي:
بالمدامع والألم الهم المهدي قسم
ابني بيدي كل كبر واكطع جفوف الهدم
................
المهدي هالليله بمصابه والامر هذا الفجيع
واكف ويقره الزياره السلام على البقيع
سلم وردوا سلامه كلمن بكبره سميع
بركبته ثار الغياره وثارهم لا مايضيع
بالتحيه شال اديه والكبور ترد عليه
بالحجي ضل يستمر واكطع جفوف الهدم
.............
نادى اهلا يالاطايب والدمع منه انهمر
مرّْته الذكره الاليمه وعظم بأجره الحجر
صاح يالماشفتوا راحه حته من بعد السفر
ادعوا ربكم يا الهي سهل على المنتظر
ادعوا عجل بالفرج و اخذ بثار الحجج
اخذ بثار الخدر و اكطع جفوف الهدم
..............
ردت عليه الكبور بجلمه بس كلها عتب
وهو يتعذر يكلهم غيبتي هيه السبب
والله وعيون الزجيه بالبقيع ابني كبب
ست كبب وابنيها بيدي من زمرد والذهب
الها والله ارتجي ابني والشيعه تجي
تزوركم بعد الهجر واكطع جفوف الهدم
..............
كبر للزهره اشيده من بعد دفنة ظلام
ومثل الحسين الزجيه الجمعه تلفيها الانام
توكف الشيعه بمدامع عالظلع تقره السلام
والغصب حقها نرده نحاكمه بعدل الامام
نحكم عله الناصبي والدفع باب النبي
ينعدم هذا عصر واكطع جفوف الهدم
..............
وبعد اربع كبب صفره تنبني ابدال السواد
للكريم ابنيلي كبه ويعتني الرايد مراد
وبعد للباقر وابنه الصادق وزين العباد
اي وعد هاي المكابر تنبني والباري راد
الله شاء بقدرته ابني كلمن كبته
هذي مجزات الصبر واكطع جفوف الهدم
...............
وانفض ترابة كبركم واعتني بدمع وانين
بكلبي لأم عباس والله اشكثر شايل حنين
انه كلما ضيك مرني اندعي بأم البنين
واكف وهيه بكبرها واسمع تنادي حسين
صوت مكسور اسمعه خاف ماتكفي اربعه
ماكفه خاف الذخر واكطع جفوف الهدم
...............
تشكرتها وبلغتها السلام من الجليل
وفت ويانه وجعلها الباري للرحمه سبيل
أبني اعظم كبه الها واكتب بدمع اليسيل
ها هنا قبر الوفيه اعظم ام لاعظم كفيل
والمناير اربعه وحده اديها مكطعه
وظهر اخيه منكسر واكطع جفوف الهدم
...................
#الشاعر_منتظر_الجنابي

ياجرح البقيع الزيد الحسرة
وخله بضلع فاطم عالكسر كسرة

لا رايه ومناره ولا كبب صفره
مساوة الكاع صار وبيه جم عبره

ورود بلا ربيع مخضره بالصحره
وفاح الآه منه والحزن عطره

ولا واحد يمر عليه ويزور
منعوا محبيهم من الكبور

گلب كل الحجار البيه مكسور
ونعاوي التنقراله بأفجع الطور

ياقرط الزجيه العلأرض منثور
بقيع الحسن يشبه گطع النحور

وتضل باقي المقابر تشبه الاسره

#منتظر الجنابي

#جديد_فاجعة_قبور_البقيع
٨شوال-١٤٤١هج
*خطاب الزهراء عليها السلام*
*لولدها المهدي عج في فاجعة تهديم البقيع*

*مهدي... مهدي.... يا يمه*🏴

الطور:حسين حسين يايمه/عمار الكناني
■■■■■■■■■■
فاطم تتعنه بشجن
تندب آه يبن الحسن
يمته تبنيها البقيع
وبيها تشيد جم صحن
مهدي ..مهدي..يايمه
¤¤¤¤¤¤¤¤¤¤¤¤
تدري گبور أمهدمه
أبجي لأجلها من دمه
تفجع الحاله رهيبه
تحكمهه قوم الظالمه
مهدي..مهدي..يايمه
¤¤¤¤¤¤¤¤¤¤¤¤

أسمع أصوات الونين
عالي يامهدي الحنين
لا مناره ولا مزار
والمحب گلبه حزين
مهدي ..مهدي ..يايمه
¤¤¤¤¤¤¤¤¤¤¤¤
بالحزن هالليله أحضرت
ما بين الگبور اوگفت
حايره وأنزف وجع
ليش البقيع أتهدمت
مهدي..مهدي..يايمه
¤¤¤¤¤¤¤¤¤¤¤¤
أنظر بعيني البقيع
أصرخ يالهادي الشفيع
گلبي مصيوب وحزين
وهالأمر صعب وفظيع
مهدي..مهدي..يايمه
¤¤¤¤¤¤¤¤¤¤¤¤
نخيتك ودموعي تصب
والنار بگليبي تشب
لجم بجروحي البقيع
والأمر تدري شگد صعب
مهدي ..مهدي..يايمه
¤¤¤¤¤¤¤¤¤¤¤¤
يبني أدري تهل الدمع
عالبقيع گلبك منفجع
أندبك يمه يامهدي
تعجل وتشفي الضلع
مهدي..مهدي..يايمه
¤¤¤¤¤¤¤¤¤¤¤¤
بالبقيع ترفعها الأعلام
وتبني إمام بصف إمام
بعيني أنظر جم مناره
وينتهي حكم الظلام
مهدي..مهدي..يايمه
¤¤¤¤¤¤¤¤¤¤¤¤
بعيني گبر الحسن أشوف
لجرحه يمه دمعي ذروف
مات مسموم بجبدته
أرد أزورنه وأطوف
مهدي..مهدي..يايمه
¤¤¤¤¤¤¤¤¤¤¤¤
جرحك يوليدي ماكو مثله
ما بين الگبور ودمع تهله
تنتظر من الله الفرج
وثار النبي تاخذ وأهله
مهدي..مهدي..يايمه
¤¤¤¤¤¤¤¤¤¤¤¤
تمت بعونه تعالى بقلم خادمااات
الزهراء عليها السلام

🖋خادمة الزهراء ليلى زغيب
🖋الشاعرة زينب الزيني
#(٤)شوال ١٤٤١هج /نسألكم الدعاء ..لظهور تعجيل الفرج
#لانجيز شرعا حذف الأسماء
*يامهدي مدد*



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

🕊يابو صالح

عجل يوسف الزهره عليك بداعة الحره
ملينا الصبر مولاي دنيانه صفت مره
ظلم وي جور يالمهدي وبينا جفت العبره
كل يوم اليجي ويروح ولغيابك نجر حسره

#اللــہـم_عجــل_لـولیڪ_الفــرج

خادمة الزهراء / ليلى زغيب

قصائد هدم قبور البقيع:


(قصيدة النزلة )

باچر الغايب يبني المراقد
—————————
باچر بأمر الله من مهدينه يظهر
بالبقيع نشوفه للثارات يحضر
لا ولي إلا علي هالصوت يزأر
يهدم عروش الطغاة وچنّه حيدر
غيرة الباري والباري شاهد
باچر الغايب يبني المراقد
-------------------------------------------------------------------
كل قبر تصعد إله قبة ومناره
وشيعة الكرار تگصد للزياره
باچر ومهدينا من ياخذ قراره
نقيم مجلسنه ونبارك إنتصاره
تعله بچفوفه صروح الأماجد
باچر الغايب يبني المراقد
-------------------------------------------------------------------
ما تظل آثار من حكم الخليفه
باچر المهدي يهدمها السقيفه
ما تهمه اعدادهم لا مو مخيفه
سيف حيدر والنعم مهدينه سيفه
كلنا أنصاره وبالدم نعاهد
باچر الغايب يبني المراقد
-------------------------------------------------------------------
كلنا انصاره ونضحيله ونقاتل
ونصرخ بجيش الحقد هل من منازل ؟
احنه بينه الوفه من طبع أبو فاضل
لا تفاوض ، لا تسامح ، لا تنازل
ما يضيع الحق للحق نناشد
باچر الغايب يبني المراقد
-------------------------------------------------------------------
يضيع مشراد العده وتضيع الصفوف
ما يظل الناصبي وما نعرف الخوف
سيوف بيد المهدي كلنه ومحله السيوف
باچر نزور البقيع نلبّي ونطوف
جنوده عد عينه ومهدينه قائد
باچر الغايب يبني المراقد
-------------------------------------------------------------------
حي على خير العمل ترس المسامع
تنسمع والنصر لآهل البيت راجع
بغيرة المهدي العلى دينه يدافع
لو يريد أعمارنه ما عدنا مانع
يرخص الغالي جنوده ونساند
باچر الغايب يبني المراقد
-------------------------------------------------------------------
للبقيع ولو وصلنه واعتنينه
يصير نفس الأربعينيه مشينه
والنبي يبارك نصرنه امن المدينه
يا هلا و يا مرحبا بشيعة علينه
بطلعة القائم ما يبقه حاقد
باچر الغايب يبني المراقد
----------------------------------------
وأسألكم الدعاء
أخوكم
عمار هليل الواسط


قناة دمعة فاطمة لأهل البيت ترحب بكم
https://tttttt.me/dam3tfatima5

دخل سدير الصيرفي على أبي عبدالله الصادق عليه السلام فوجده يبكي بكاء الوالهة الثكلى وهو يقول:

[سيدي] غيبتك نفت رقادي، وضيقت علي مهادي، وابتزت مني راحة فؤادي، سيدي غيبتك أوصلت مصائبي بفجائع الأبد وفقد الواحد بعد الواحد بفناء الجمع والعدد، فما أحس بدمعة ترقأ من عيني وأنين يفشا من صدري.
-

غدوتُ الضاربَ السكنى وراحَه
وهانَ رقادُهُ المُقصى وراحَهْ
فغيبتُكَ الصفا ابتزَّتْ وراحَه
متى يا شمسُ تقطعُ ذا الغيابَ

-
١ - الراح: الكف.
٢- راحَ بي أي عذّبني وسلبني نفسي.
٣- راحة من ارتياح.

للبقبع
.
.
.

مـــنـــارات.. الــمــزارات .. الســماوات
بچت من دم عليها
_____________

لأن علــويه البقــبع وتعـتبـر قـــدسيه
ابلاتــردد شمــر قـرر يسـبي هالعلويه
والمثل هالگـاع زحـمه تنـوخذ مسبيه
ولـسه ماردت اسيـره عنــد ابن تيميه

جراحات .. الــمــزارات .. الســماوات
بچت من دم عليها

_____________

اللجمه الاولى ام البنين اتعنو ايهدموها
چيف من كربـله ثــار امــربع ايطلبـوها
بغضــاً ابعباس هــمه بالــثـره ســـاووها
فـرصه ثارات البقــيـع ولازم يــوفـــوها

رويـــات .. الــمــزارات .. الســماوات
بچت من دم عليها

_____________

من هــوت هاي المــناير هـوت چن السبعه
اعيونها مــن البــواچي بيــها ماضـل دمعه
ظلمه هسه وابو صالح يـحترچ چن شمعه
على كسر اظلوع گــبر الحسن كاسر ظلعه

معـــانات .. الــمــزارات .. الســماوات
بچت من دم عليها

_____________

مهــبط الاملاك گــصدو بابــها ايحــرگونه
وبالصــبر بعــل البـقيع امــگــيد ايعـرفونه
امن الدمع گبر ابو الزهره مغورگات عيونه
حـقه كــودا شــاف خدها لــمن يسـطرونه

ويلچمات .. الــمــزارات .. الســماوات
بچت من دم عليها

_____________

زمـــره للتــخريـب جايــه وللــذبح عـــنايه
اتغيــضهم فوگ البـقيـع العـلي تخفگ رايه
تــره بالتاربخ محــد ســوه هيــچ اســـوايه
اگبور اهل البيت وسفه اويه الثره مساويه

اعله رايات.. الــمــزارات .. الســماوات
بچت من دم عليها

_____________

فكرو بامر البقيــع شـلون تخفي انفاسه
گــام واحـد گال منهم كون نگـطع راسه
حتى لاواحد يــزوره اولاتگــصده نـاسه
اتهدم اول ما شمرهم عله صدره وداسه

نهــايـات.. الــمــزارات .. الســماوات
بچت من دم عليها
_____________
حيدر تركي الكربلائي
يهدى ثواب هذه القصيده
لروح خادم الحسين العم ابو عباس الجبوري

وديت الك حتى الحلم بلچن يجيب ارسومك
جابنلي بس صوره نحر واجمل عطر بهدومك

أشترك بقناتنا ( تيليغرام ) 👇
https://tttttt.me/Lovers_basim13
https://tttttt.me/ya_Mehdi_Sanad

حسابنا على الانستغرام👇🌹
https://www.instagram.com/lovers.basim13

قصيدة حمام البقيع
محمد باقر أحمد جابر

هذه القصيدة كتبتها في المدينة المنورة و قد مُنعنا من الدخول فيما كانت طيور الحمام تسرح وتحلق وتطوف حول أضرحة الأئمة الأطهار
*

يا حماماً طار ما بين القبورْ
أوتدري أيّ أحبابٍ تزورْ؟

خذْ حنينَ القلب واحملْ أنّةً
مِنْ فؤادٍ عاقر الحزنَ المريرْ

قَبّلِ الأجداثَ عنّي فأنا
خلفَ قضبانِ الطواغيتِ أسيرْ

مرّغِ الرأسَ بأزكى تُربةٍ
ثمَّ طيّبني بأطيافِ العبيرْ
*
ليتَ تدري كمْ تشظّى خافقي
واستفاضَ الوحيُ وازدانَ الشعورْ

فرسولُ الله مسجونٌ هنا،
مِنْ أذى أصحابِهِ كَمْ يَسْتَجيرْ!

يا حمامَ الشوقِ بلّغْ سادتي
أنّني ظامٍ فهلْ لي مِنْ غديرْ؟

فلقدْ جفَّ الحشى من بُلّةٍ
واختفى من قلبيَ الباكي سُرورْ

مُذ تراءى لي بقيعٌ غرقدٌ
عاد قلبي دامعاً دامٍ حسيرْ
*
أيَّ ظلمٍ نال آلُ المصطفى!
أيّ قهرٍ أيَّ غدرٍ وشُرورْ؟!

ضاعَ قبرُ الطهر لكن نورها
في حنايا القلبِ أحيا كلَّ نورْ

يا حمامَ الحُزن لو عاينتَها
لقِبَابٍ صارتِ اليومَ صخورْ

دمّروها ، دونَ ذنبٍ ، إنها
للألى الأطهارِ أبناءِ الأميرْ

من أخذتُ الهَدْيَ منهمْ ولهُمْ
شادَ قلبي بالهوى أعلى قصورْ
*
يا بقيعاً ليتَ روحي ترتقي
لِعُلى الأبرار كي ألقى الحبورْ

ليتني ألقى لنفسي مضجعاً
في ثرًى قد عزّهُ نورُ البدور

لأُدَاويْ كلَّ جُرْحٍ نَازفٍ
مِنْ حريق الدار ,منِ ضِلعٍ كَسيرْ
*
يا رسولَ الله عُذراً لن أفي
عهدَ نفسي مذ أتيناك نزورْ

قد لقينا الضيقَ مِنْ أهلِ الغِوى
وحُرمنا منك , مِنْ لَثْمِ القُبورْ!

يا حماماً لا تدع أهل النهى
والثُمِ التربانَ عنّي والصخور

وادْعُ لي عند رؤوسِ الطيبينْ
يوم حشري بنجاتي من سعير
*

الشاعر محمد باقر أحمد جابر (العاملي)
قناة خاصة بالشاعر محمد باقر جابر لنشر قصائده الولائية التي تتناسب مع أفراح وأحزان محمد وآل محمد
https://tttttt.me/aboualijaber

#يوم_البقيع_العالمي🏴
طور الفراق او الحسناوي♪
اربع گبور… لا قباب ولا مناره
اربع گبور… لا مواكب لا زياره
اربع گبور…عليها مصفوفه حجاره

آياصادق… يا امام الجعفريه
آيا باقر… نبكي لك دمعه جريه
آياسجّاد… تنصب قيودك عزيّه

هالمراقد… لعنة الله الّي هدمها
هالمراقد… نسمع الصيحة وونها
هالمراقد… تعاني من جور وألمها

آيحسره… في گلب كل شيعي صعبه
آيحسره… للبقيع نسمعها ندبه
آيحسره… آيويلي والله غربه

آيمهدي… ينخى يا إبن الحسن
آيمهدي… ننتظر تبني الصحن
آيمهدي… وراية ترفع للعلن

تبني مرقد… للأئمة الأربعه
والمناره… للشموس الطالعه
تبني قبة… للسماء السابعه
خادمة آل محمد✍🏻

*في مصيبة هدم قبور أئمة المسلمين عليهم السلام في البقيع الغرقد*(من الأرشيف):
___
طبّـت للبقـيـع او تـمشي ما بين ..
گبور امهدّمه او دم تهمـل العين ..
ـــ
مـحــنـيّـة ظـهَــر تــتـعـنّـه لگـبــور
ابـزيـارة اُم إجَـت لـوْلادهـا اتـزور
تمشي او تعثر او تتخطّه و اتدور
شبِه طير اللي مكسور الجناحين ..
ـــ
اعله خـدها المنسطر يجـري دمعها
او تناست همها و امصيبة ضلعها
ابْـليـل أظـلَــم إجَـت وجّــت شمعها
و گامـت تنشـد اگبــور الـميــامين ..
ــــ
ابحجارة چم گبر تمشي او تعثّر
او تـنــاشِــد ويـنـكم گلـبي تفطّر
يـا السجّـاد .. يالبـاقـر .. يجعفر
و انت يالحسن گبرك صبح وين ..؟
ــــ
لگبر مهدوم إجَـت و اگْعِـدت يمّه
تشيـل اتـراب من فُـوگه او تشمّه
او تنادي يالحسَـن ريحـتـك يُـمَّه
أعْــرفــها رغــم دُورات لسنــين ..
ــــ
او سمْعَت من گبر يمّه بچي و وِيد
لا يِـبْــرَد و لا يِــفــتَـر و لا ايْـهــيـد
أثاري ابچف علـي السجَّاد لحديد
لهسَّه اْو ينـسمِع من گبــره لــونين ..
ــــ
او بعد عدها گبر و ابمرقده اتطوف
بي كل الجـره ابطف كربله اتشوف
الباقِـر گبره بي ريـحه امْـن لطفوف
او جرحه اتورثّه من جرح لحسين ..
ـــ
او عله الصادق تسِح دمعتها من دَم
اِلـمُـصيبة غربـته او چــبــده التخذّم
فـوگ الـسَّـــمْ علـيـه گــبــره ايتـهـدّم
او تنادي ابصوتها يا عَملة البين ..

___

ميرزا عادل أشكناني
٢٣ / ٧ / ٢٠١٥
" مشهد المقدّسة "


https://tttttt.me/mirza_adel_ashkanani