*وَبِكُمْ يُنَفِّسُ الْهَمَّ وَيَكْشِفُ الضُّرَّ*
#شهادة_الكاظم

*حرزنا البيّه نتأزر .. أمانة موسى بن جعفر*
*أخذ بيدينا يالكاظم*
*أخذ بيدينا يالكاظم*

————- 1️⃣ —————

نخيتك سيدي الكـاظم .. و حگ أهل الكسا الخمسه
و أنا أدري اللي ينخاكـم .. يجـــني طلــبته ابغــرســه
أكشــف هالوبــاء عـــنّا .. و أخـذنا الـ ضـفة المرسى
تـرى صــارت مآتمـــكم .. *ظلــمه و لا ذكــر يُذكــر *

————- 2️⃣ —————

يـ باب الله اعتني البابك .. و خجله تمشي خطواتي
و كــلما أدني من قـربك .. تبـــل الأرض دمعـــاتي
مو حــاجه فقط عـندي .. كـــثره والله حــاجــاتي
و يـ أكرم من بسط إيده .. *أخــذ بيديني لا أكــثر *

————- 3️⃣ —————

نخيتك و أول النخــوه .. و حگ جدك نبي الرحمه
عبدك گاصدك مهموم .. و أنتــه التفـــرج الهمــه
عليّــه ضاگــت الدنيــا .. و نهـاري أصـبح ابظلـمه
و لا مســجد و لا مــأتم .. *ننعـى فـيه أبو الأكـــبر*

————- 4️⃣ —————

بعــد انخـــاك يالكـــاظم .. بأمـك فاطمـه الزهـره
و حلفك بالجرى والصـار .. و ذاك الخد والسطره
على اللي مبتلي بأمراض .. حن يا سـيدي بنــظره
تــرى عــينك يــ عين الله .. *ترد المـات بل أكــثر *

————- 5️⃣ —————

و بعد انخــاك يا مـولاي .. بسّــم المــا يـرد نخــوه
بسّم حـيدر أبو الكلفات .. و راسه اللي انطبر عنوه
أجــزم هالأســم طــاريه .. يـزرع بالگـــلب نشـــوه
ويفوز ابحاجته المحتاج .. *و حـــاشا والله يتكدر*

————- 6️⃣ —————

و أنشـدك يا أســد بغداد .. بـ اللي العالم اتنشده
ذاك اللي انطعن مسموم .. ذاك اللي انفطـر چـبده
دخيلك بالحسـن ارجـيك .. كـل غــايب لــنا اتــرده
و كلـمن بالمرض مكروب .. *تبـرد گــلبه اليســعر*

————- 7️⃣ —————

واختم نخوتي باللي .. گطعوا يا وسف راسه
و رضت جسمه عشره اخيول .. و على صدره الشمر داسه
نخيتك بالغريب احسين ... و دمه و روحه و انفاسه
تكشف هالوباء مولاي .. *و حگ صدره الذي اتكسر*

🖋 عبد مُحمد وآل مٌحمد / #مُفضل_حبيب

نتشرف بإنضمامكم في القناة🌹
قناة متخصصة في الشعر الشعبي الحسيني
‏https://tttttt.me/Mofadhal

#أبوذيه
#استشهاد_الإمام_الكاظم

و حگ اللي انوصف صابر .. وراهب " اللقب"
عليّ جيش الحزن حاشد .. وراهب " الرهبة "
إذا أذكـــر على الكاظـــم .. وراهب " الهبوب "
رياح الجور والسم والأذيه

#مفضل_حبيب

عظم الله أجوركم .. و نسألكم الدعاء

نتشرف بإنضمامكم في القناة🌹
قناة متخصصة في الشعر الشعبي الحسيني
‏https://tttttt.me/Mofadhal