نعي استشهاد الزهراء ع /الواقعه
.........................
نعي الزهراء. مع الرسول
تدري الابو بلبيت مريود
ويكسر ظهر بنته كسرة العود
يبوي شلون بعدك هاي الخدود
اخافن تنسطر وتشوف اذيه
........
رايح وين ياخيمة البضعه
وهاي روحتك مابيهه رجعه
كلبي بموتتك بويه شيقتعه
كبلك كون جايتني المنيه
........
السيده زينب تنعئ الرسول

طاحت توهه خيمتنه الجبيره
وبده حقد السقيفه الماله غيره
وين الخاين الفاكد ضميره
سقيفه مسوي ضد ارض الزجيه

مكسورة اجناح بعدك فاطمه مكسورة اجناح
والحمل لوطاح. متشيله الغرب الحمل لوطاح
ياجدي لتروح بعدك ننولي ياجدي لتروح
شيطيب الجروح لومات الدوه شيطيب الجروح
.............
نعي الزهراء من يضربوهه تذكر النبي

بس ابهاي اريدك بويه تحضر
اضلوعي كسروهه الله اكبر
محسن علارض بلدم تعفر
تشيب اعيونك علئ الصار بيه

بضلوعي نبت بسمار الاشرار
يبويه مارعو حرمه لهل دار
من اعداي صرت البد وره النار
ومجويات خلف الباب اديه
.............
الحسن نعي
شبيهه امنه يفضه تمشي كوه
تلوج وكلبي من ونهه ايتجوهه
وجهه اصفر يفضه وموش هوه
محدبه ومن تكوم اتطيح هيه
......
الحسين نعي

تريد اتموت يافضه انه احسهه
واخ اتصيح من اتجر نفسهه
كلبي العبره بلكوه حبسهه
امنه تلوج من عله خفيه
امي علئ الضلع شو خاله الايد
يمكن رايحيه وماترجع اتريد
عكب وجه امي هاي الدار شتفيد
شتسوه الدار من غير الزجيه
......
السيده زينب نعي

تحبس ونهه بس ينزل دمعهه
ومدري شصاير الزهره بضلعهه
امي اليوم ميطمن وضعهه
احس بدارنه مسيره المنيه

شفت امي تجلب بلحياطين
ايد علئ الضلع والثانيه تعين
كلهه عليج زينب لاتروحين
زغيره سنين عمري علئ الاذيه
..................
نعي الزهراء توديع اولادهه

تعالوا بوسط روحي خل اضمكم
تراه الموت باجر ياخذ امكم
نفس الصابني يشتت شملكم
بين الذبح والسم والسبيه
.........
نعي الزهراء توصي زينب علئ كربلاء

يزينب كبل موتي ارد اوصيح
ماشافته حرمه اليسدي اعليج
اكوا وادم كبل تحلف بطاريج
يجي يوم وتكلج خارجيه

ييمه بكربله حسرتج حسره
اخوج حسين ينحز راح نحره
مايبقئ ضلع سالم بصدره
فوكه ادوس خيل الاعوجيه

وصيتي وياج يبنيتي الاخيره
لاتدنكين من تمشين اسيره
راس الكافلج متروس غيره
يهتز علرمح يلهاشميه
............
نعي زينب عن تكفين الزهراء

التفز يوميه من تسمع ابصوتي
وتمنيته كبلهه صار موتي
معقوله صرت انه ام اخوتي
ولفوهه بجفن امي الزجيه

افتحولي الجفن خلوني اشمهه
وضمدوا اضلوعهه ليسيل دمهه
يريت اندفن هاي اليله يمهه
ولااطب دارنه المنهه خليه
...........
نعي حرق الدار

شبت نارهم وحتركت الباب
وضلع ام الحسن عصروه وانعاب
ابسمار الحقد محسن تره انصاب
وفوك الكاع ثلث اشهر رميه

خلف الباب عصروهه العفيفه
هاي احقادهم اهل السقيفه
ياوسفه الايادي الموشريفه
هجموا واكسروا ضلع الابيه
..............
الحسن عند الاستشهاد

غمضت عينهه والنعش يحدي
ومدري منين وي الموت ابدي
باجر بلطشت لوطاح جبدي
اريدن امي كون اتسبل اديه

.....
الحسين ع عند الاستشهاد

باجر طف وراي وعندي مطلب
عينه علئ امه كلمن موته يكرب
اريدن ماي من اجفوفج اشرب
هناك العطش يهدم حيل بيه
............
السيده زينب عند الاستشهاد

باجر كربله ومايبقئ غالي
حركو خيمتي يمه تعالي
بلايه حسين شيخلص اليالي
وي حبل اليسر شيصير بيه

ماشبع منهه. كلبي ياخلك ماشبع منهه
وزغير سنهه امي ثمنطعش وزغير سنهه
صرنه معاميل وي المكبره صرنه معاميل
مامش مراسيل. منهم لاخبر مامش مراسيل
..................
#بشار السامي




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

.

شمسويه وحبلهم يدنيه بأديه
وعيون العساكر تعاين عليه
اذوني وجتفوني
المسبيه سموني
،،،،،،،،،،،،،،،،،1،،،،،،،،،،،،،،
مابعد عندي كلب ،،واليشاكف ينضرب
ومو بل اسم الله الطفل سوط اليكومه
ايد بايد اتربطوا ،،،اليوكع يطيح البقوا
والجرح متنه يصل ليله شينومه
الجتفوا ايده ،،ينتجي عليمن اذا حيله ايتبده
الجتفوا ايده ،،مثلي يوكع والترب يتلكه خده
وراس حسين اشوفه علئ رمح الرزيه
ويكثر شيبه كلما يجرون برقيه
باهاتي ،،وحسراتي
ودمعاتي ،،البعيوني
،،،،،،،،،،،،،،،،،،،،،،2،،،،،،،،،،،،،،،،،
انطوني ماي وماضكت ،،،الحامل الراس اركضت
كتله نزل راس اخيي ارد اشربه
شافني وصاح الشمر ،،جبل انتي من الصبر
رجعي لاكدامج الراس انه اضربه
كلي شوفي ،،راسمن ذاك السهم نابت بعينه
كلي شوفي ،،بيد ذاك الجندي محبس تعرفينه
يتشمت يكلي كفيلج ذبحته
ويصيح المخيم بديه حركته
بلاوالي ،،،ولاغالي
واطفالي ،،يندبوني
،،،،،،،،،،،،،،،،،،،،،،3،،،،،،،،،،،،،،
وسفه يادنيه وصعب ،،عد ابن مرجانه اطب
والمره بديوان من توكف مصيبه
بخيزران وصلفه عين ،،يكلب براس الحسين
يصيح وجهك ياحسين هواي شيبه
شاله جفه ،،كال موانتي الي محد شاف ضلهه
والله وسفه،،صاح اريد اتشوفهه العربان كلهه
عاينت علئ عباس فقط راس بلا ادين
دارت بيه الايام وكفت بدواوين
أي كلفه ،،ياوسفه
للكوفه ،،،كادوني
،،،،،،،،،،،،،،،،،،4،،،،،،،،،،،،،،،،
امشي وي روس اخوتي ،،مشيبه تنزل دمعتي
واذني اسدهه من كثر حجي الشماته
وموقف يشيب النظر ،،ظربوا اطفالي بحجر
حسين بلكوفه يجرون ابناته
ياغربتي ،، من يجرون الحبل توكع رقيه
ياغربتي ،،وكلهه تفرح بينه لوعثرت سبيه
ازرك لون الجفوف وتغير شكلهه
من كد ضك الحبال دم مايوصللهه
صحتلهم ،،كلتلهم
يخواني ،،الحكوني
،،،،،،،،،،،،،،،،،،،5،،،،،،،،،،،،،،،،،،
تلكتني بدفوف الخلك ،،ولا خيير الطولي عرك
دكوا اطبول الهظمتي وروس اخوتي
كلمت الشامت جرح ،،ذاك اخوهه علئ الرمح
وبلحجر واحد رماني وصاح موتي
ماادنك ،،رغم ماجان الوضع محد يطيقه
ماادنك ،كلهه جذبه انه بس جنت الحقيقه
كل حزني علئ اخوتي فكدهم شحمله
يخلص دربي عباس يصدلي واصدله
ياصبري ،،وياخدري
ظل حارس ،،بمتوني
،،،،،،،،،،،،،،،،،،،،،،،،،،،،،،،،،،،،،،،،،،،
#بشار السامي



https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء