اّحچي احچايتي وما عندي شي وياك
بس وياي رايد گلبك اتكبره
تتظاهر على الاحزاب حق مشروع
وايدي بأيدك انه اوياك بالثوره
بس بكربله ممنوع تشعل نار
لا تحرگ ولو ورگه بغصن شجره
ولأن انت فطن ما راح تسأل ليش
(كلمة نار) اظن وصَلتلَك الفكره
بمدينة ابو فاضل اي حرگ ممنوع
اي دخان يعني بزينب ايذكره
ابوس ايدك بعد لا تحرگ اترجاك
دخاخين الحرگ لا توصل الحضره

#انيس_الخفاجي_الكربلائي
#كربلاء_المقدسة
#نريد_وطن