#استشهاد_رقية
#وفاة_رقية
#باسم_الكربلائي
#قصيدة_بوية
قناة الشاعر / #مفضل_حبيب
@mofadhal
------------
بويه ... بنتك رقيه اتمرمرت
بويه ... ادموعها من دم جرت
بويه ... واعلى الهزل اتأسرت ... بويه

-----
(١)
بويه من صاح المنادي بالهضيمه
قرب الميمون قاصد خيمه خيمه
اعرفت راح الابو و صرت اليتمه
والحياه ابلا أبو ما إلها قيمه

شفته .. ميمونك ابسرجه الدما
شفته .. قلت افقدت حامي الحما
شفته ... وبنتك بچت واتحيرت ... بويه

-------
(٢)
بويه بعدك دنيتي وحشة و كئيبة
والنهار ابعيني مظلم للمصيبه
ما چنت متوقعه الحاله الغريبه
اشلون اشوفك يا الابو جثه سليبه

جسمك ... مرضوض من خيل العدى
جسمك .. سبلوا العمامه والردى
جسمك .. اوصاله وسفه اتناثرت ... بويه

-----
(٣)
بوية من هجموا علينا ابدهشة فريت
امشي والنار ابعباتي وللنهر جيت
قصدي أطفي النار بويه و عمي إلقيت
مرمي امقطع چفوفه ولجله ابچيت

مرمي ... وبعينه هم نابت سهم
مرمي ... جنبه العمد ويا العلم
مرمي .. منه الضلوع اتكسرت .. بويه

----
(٤)
بويه جاني عالنهر ظالم سطرني
قلي امشي يا أسيره اشقد شتمني
ومن سألته احسين وينه جا رفسني
بويه يا بويه يا بويه أزّرق متني

حالي ... من اجله ينفت الصخر
حالي ... طير الذي جنحه انكسر
حالي .. صورة حياتي اتغيرت ... بويه

-----
(٥)
بويه ع الناقه الهزيله ركبوني
والسياط إعليه تترا ما رعوني
ريت بويه بعد ذبحك اذبحوني
ولا تذلني هالاعادي ويشتموتي

صعبه ... ادخل داوين الكفر
صعبه .. يمكن اظل ابلا ستر
صعبه .. من زغري آنا اتسترت ... بويه

-
بويه ما رايد حياتي بعد چتلك
منهو يغمرني بحنانك جيت اسالك
أنته شمسي يا أبويه وآنا ظلك
والحياة ابلا شمس لا شك تهلك

ميته ... روحي بعد فقد الابو
ميته ... بوداعة الله يالاخو
ميته ... روحي الى الباري سرت ... بويه

عبد_مُحمد_وآل_مٌحمد / #مفضل_حبيب
القطيف

نتشرف بإنضمامكم في قنانتا 🌹
قناة متخصصة في الشعر الشعبي الحسيني
https://tttttt.me/Mofadhal

⁃ القصيدة كاملة بالكمبيوتر بالرابط 👇

https://goo.gl/xRMdU5