#محرم_١٤٣٩_الليله_الاولى_الناشر_الحاج_فلاح_حسن

ليالي الانين الحسينيه:
نعي في دخول محرم الحرام :

لتهل عليه بالله يهلال
بيك الدمع يهلال همال
وتروح بيك ارجال وارجال

بيك افقدت يهلال روحي
وعنت عليه كل جروحي
وبس تستمع وني ونوحي

شسويت آيهلال بيه
زينب انا وامشي سبيه
وعدوانكم تصرخ عليه

انا منين اجتني الغاضريه
خلت دمعتي بالهم جريه
وعفتكم بس جثث ظلت رميه

بيك افجعتني بذبحة حسين
واجريت دم دمعة العين
ذاب القلب من كثر الونين

شفت العذاب بوجهك اشكال
مرميه الجثث ظلت بالارمال
وتالي ارافق خويه جتال

يهلال الكدر بيه شسويت
جم جرح بالدلال خليت
وجم عين لهلي يهلال بجييت

يهلال لا تطلع بعد واتهل
وابن الزجيه بيك يرحل
ويبقى بلا ساتر ولا ظل

بس شفتك العين هلت
وروحي بحزن وبضيم ظلت
وونين قلبي بالحزن علت

لاتقبل علي ياليل ياليل
ذقت الحزن واتجرعت ويل
وبهلالك ابد ماظل الى حيل

بقلم : بنت الشمري


#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها

#محرم_١٤٣٩_الليله_الاولى_الناشر_الحاج_فلاح_حسن

قصيدة مقدمة مجلس هلالية لشهر محرم الحرام


عاشور شهر الحزن
عاشور. نبچي ونون

مـن يهـل اهـلالك دمـوعـي تهل
اذكر حسين وهله الخلصوا چتل
٠•••••••••••••

من اشوف اهلالك يهل بالسمه
ياشهــر عاشــور گلبـي تألّـمـه
يعني زينب تنفجع وي فاطمه
وينفجع حيدر علي وسيد الرسل
٠•••••••••••••

ياشهر عاشور بيك شچم مصاب
بيك ذبحوا چم طفل وشچم شباب
وشافوا اهل البيت انواع العذاب
وهُمّه اصل الدين والحق والعدل
٠•••••••••••••

بعاشر ايامك يشهر النايبات
ذبحوا حسين السبط يم الفرات
وهشّموا صدره بخيول العاديات
وراسه عن جسمه برمحهم ينفصل
٠•••••••••••••••

وعلي الأكبر ياشهر بيك انذبح
چم سهم مصيوب جسمه وچم رمح
دم شبيه الهادي عالغبره انسفح
وأمّه تصرخ ياعلي ضاع الأمل
٠•••••••••••••••

وجاسم العريس ياشهر الحزن
بعزّ شبابه بعده وشموعه انطفن
چفوفه مو حنّة بدماها تخضبن
عرس جاسم حلم صار وماكمل
٠••••••••••••••

وبعد نذكر بيك عباس الگمر
ياشهر عاشور طاح عله النهر
هذا سبع الگنطره وراعي الفخر
گطعوا چفوفه وعله الشاطي انچتل
٠•••••••••••••

ياشهر عاشور ودموعي جرت
وسفه زينب عالهزل بيك انسبت
ميسّره وللشام والكوفه مشت
اخت عباس وخذوها عله الهزل

خادم الإمام الحسين عليه السلام
سيد زيد الفحام
_________________________

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها

#محرم_١٤٣٩_الليله_الاولى_الناشر_الحاج_فلاح_حسن

في استقبال هلال محرم

اهلال المحرّم من يهل باچر علينه
نذكر مصاب احسين وصحابه وبنينه
انواسي الوديعه • ابهاي الفجيعه
ننصب عزانه ابكل وقت واجب علينه
.....*****.....
من يهل شهر المحرم بالأسى اعلينه
نترك الزينه ونواسي ابحسره هادينه
وكل محب يظهر مصابه ابغرّة اجبينه
وتطلع الصيحه ابكآبه وكل حزن بينه

الكون كلّه ينتظر شهر المحرّم
واحنه نواسي فاطمه ونكتبها بالدّم
آه يالشفيعه • ابهاي الفجيعه
ننصب عزانه ابكل وقت واجب علينه
.....*****.....
من يجي شهر المحرّم تجري الدمعه
والشيعه بالنوح تظل بالآه مجتمعه
والمحب يبقى ابونينه وروح منفجعه
ايواسي نبينه وعلي ويواسي البضعه

شيعة الهادي بالحزن تنصب عزاها
وترفع تعازيها لعلي ابخالص ولاها
اتعزّي الشريعه • ابهاي الفجيعه
ننصب عزانه ابكل وقت واجب علينه
.....*****.....
شهر المصيبه ابحزن من يبزغ اهلاله
اينوح الموالي ابأسى وتتغيّر احواله
لجل الشهيد وبنينه ادموعه همّاله
يذكر مصابه وينوح ابحسره لطفاله

يبچي المحب في هالشهر صبح ومسيّه
ولجل الشهيد وعترته ينصب عزيّه
ولجل الوديعه • ابهاي الفجيعه
ننصب عزانه ابكل وقت واجب علينه
.....*****.....
من يهل شهر المحرّم بالأسى ننحب
ابذكر المصيبه الأليمه الروح تتعذّب
نذكر مصيبة علي وي فاطمه وزينب
ونذكر مصاب السبط عن جدّه يتغرّب

نذكر مصاب احسين في طف البلايه
وصحابه اعلى القاع مذبوحه ظمايه
ابجنب الشريعه • ابهاي الفجيعه
ننصب عزانه ابكل وقت واجب علينه
.....*****.....
محمد عبدالله الحدب
١٤٣٦/١٢/١٢هـ

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها

#محرم_1439_المسير_الناشر_الحاج_فلاح_حسن

قصيده حول المسير


سار الظعن بل هاشمي والهاشميه

وانوى الرحيل الكربله ابهاي المسيه




سار الظعن والعايله شالوهه باليل

قصده يروح الكربله وناوي عله ارحيل

زينب تصيح عله الولي رجع المداليل

اقسم عليك ابحيدره وأمي الزجيه

...........................

قصد سفر کردی برو جان برادر

همراه خود هم میبری برگو تو خواهر

خواهر به قربان تو گردد ای برادر

اقسم علیک ابحیدر و امی الزچیه

...........................






اقسم عليك ابحيدره خلوهه الضعون

كلبي لاچمني بهل سفر لالا تشيلون

اخافن براضي كربله مني ترحلون

هاذه السفر يابن أمي الك بيه المنيه

..............................

قلبم برادر از سفر آتش گرفته

دیدم چگونه دخترت دامن گرفته

بابا به همراهت ببر قلبم شکسته

اقسم علیک ابحیدر و امی الزچیه

......................






هاذه السفر منه خفت مدري اشدهاني

صوت المنايه بهل درب أسمع بذاني

مشي الغوالي يالولي والله عماني

ارجع ولا أمشي الدرب لوصح بديه

.......................

خواهم کنار تربت زهرا نشینم

اشک وداع مادرم زهراء ببینم

مادر بیا در کربلا پیش حسینم

اقسم اعلیک ابحیدر و امی الزچیه

........................





درب المنايه من رحت كلبي لزمته

رحت ابخدر ومدلله وي كافل أخته

يرجع الظعون الي مشت منه طلبته

لاچن يريد الكربله وبيهه الرزيه

.........................

سهم من زینب برادر شد اسیری

دردانه ات جان برادر گشته سیلی

روی رقیه مثل مادر گشته نیلی

اقسم علیک ابحیدر و امی الزچیه

........................






لاچن يريد الكربله وبيهه المنايه

وچني أشوف أهل الشيم كلهم ضحايه

وزينب تروح ابعايله يمشن سبايه

تمشي ابيسر عگب الولي زينب سبيه



زينب تروح اميسره وتعوف اهلهه

وبعد الكفل ويه الغرب يكفل ظعنهه

وين البطل من حشمت يكفل حملهه

ماظن بعد نام البطل

...............................

بقلم الشاعره /الشاعر عربی /العلويه ام جعفر الموسوي

بقلم المتواضع الفارسی /علویه ام یونس ایران

.................................

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها

#محرم_١٤٣٩_الليله_الاولى_الناشر_الحاج_فلاح_حسن

بسم الله الرحمن الرحيم
بهلالك عاشوراشوف ضيم وآهات الطفوف
أذّكّرأعظــــــــم رزيه ݘم غالي فوﮔ الوطيّه
بهلالك عاشوراشوف
****************************************
دمعتي تجري ياعاشور امنشوف اهلالك اﮔبالي
برسومك صورحزني صــــــورمافارﮔت بـالي
أذّكّربـــــــوادي الطف وتل الـــــــــــنايــبه العالي
أون وأجذب الحســــره وتــــــــفـز اجروح دلالي
وݘنهه تتهشم ضلوعي تنزف من عيني دموعي
بالعاشرشفــــت المنيّه ݘــــم غالي فوﮔ الوطيّه
بهلالك عاشوراشوف
****************************************
اشوف انصارابوالسجاد أضاحي اموسده التربان
وبني هاشم يــشهــرالهم وعالشـــاطي ﮔمرعدنان
واشوف حسين آيحسين امـــــــوسد عالثره قرآن
وݘن اجــــروحـه آياته وأرتل بيهــــــن ابأحزان
جبـــــريل اويايّه ينوح ويعــد ابجسمه الجروح
ݘن فاﮔد هادي البــريه ݘـم غالي فوﮔ الوطيّه
بهلالك عاشوراشوف
****************************************
شـــــــذكرشنسه ياعاشور مــــاتنـــــعد مصـــايبنه
بذاك الحال اخوي حسين وأعــــــــــادينه تـعـذبنه
بعده يـــجري دم نحــــره وعلينه حـــرﮔو اخـيمنه
حرت بيتامي بالغــــربه وآنـه بحـــــزني ممـتحنه
جنحي من هضمي كسير دلالي الحزني أسير
راحو كل اهل الحمــــــيّه ݘـم غالي فوﮔ الوطيّه
بهلالك عاشوراشوف
****************************************
ليله اتصيح يالأكــــــــبر ورمله اتصــيح ياجسام
حرت إلمن أصد وافزع وكـلهه تشتـــــكي الآلام
جرح جرحين اضمــدهن جـروح امصابي ماتلتام
بالبرهـــــــايمه النسوان وتــدوس الخـــيل بالإيتام
سكـــــنه ياعمه تصيــح رضــــو بالخيل الذبيح
وذكرت امــصاب الزݘيه ݘـــم غالي فوﮔ الوطيّه
بهلالك عاشوراشوف
****************************************



ياعـــاشـــورنـــوح اوياي لجـــلي حــزنك اتوجب
وخلي اهــــلالك المفجوع أســــــود يلبس وينحب
واريده من يهـــل يصرخ ابحزن مهظومه يازينب
اخــوهه امن القفه ذبحوه وشيــبه بالدمه اتخضب
صوب بمصـــابه السمه مات ويشكي امن الضمه
امن امصابه ماتت رقيّه ݘـــــم غالي فوﮔ الوطيّه
بهلالك عاشوراشوف
****************************************
أتاني ثاري ياعاشـور ثاراللي انــــﮔطـع نحــره
أموت وباللـــحد أبــقه الثارحسيــــــــني منتظره
مهديــنه إذا يظــــــهر أريـــــد اهــلالك ايخـبره
يـﮔلّه عــمتك زينــب مــــــاتت تسݘب العبره
بالغربه الغربه انسبــيت ليــــــزيد الظالم مشيت
مــــــوهينه أمشي سبيّه ݘـــــم غالي فوﮔ الوطيّه
بهلالك عاشوراشوف
****************************************
تمت بعون الله تعالى وتوفيقه وتسديده وفضله وإحسانه
والحمد لله رب العالمين وصلى الله على محمدٍوآله الطاهرين
وعَجَلَ فرجهم وسهل مخرجهم اللهم صلِّ على محمدٍوآلِ محمد
حيدركريم جارالله الكربلائي
#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها

#محرم_١٤٣٩_الليله_الاولى_الناشر_الحاج_فلاح_حسن

لطمية لهلال شهر محرم



شهرك الم وآهات * من هل علينه
بي هظم بي ونات * بيه انسبينه

نحت اعله الاحبة دهور شهر الحزن ياعاشور

شهر الألم والآهات

*

هليت وهلالك ردلي ابنوحه
وانحب على بدور السمة المذبوحه
اتذكر دموم اخواني مسفوحه
وصواب الطفل عبدالله وجروحه


اه وبعد جم اه * يا گلبي تحمل
بيك الاهل ميتين * لا حامي لا خل

بيك الحزن غطى النور شهر الحزن ياعاشور



اه ويا مرارة ذيچه ايامك
ماترحم بكلبي تسدد سهامك
سوده وللذبح رافعهه اعلامك
يالبيك الخلگ مطوعه خدامك

راجعلي وانته احزان * تاركلي بالبال
شمر وسبي اعله النوگ * وكيود الاطفال


وعلى الارض الدم بحور شهر الحزن ياعاشور

****

من ياالم ها يا شهر ابدي وياك

يالتنزل دموعي بلحظة ملاگاك

المن هالمحامل رايده بمسراك

وبكلبي محرم كل وكت انعاك

ابچي لمصاب حسين * ابن الصميده
لو ابچي للعباس * ولگطعة ايده


ويا الهظم روحي تدور. شهر الحزن ياعاشور

*

زينب لا اهل مسبية وي عصبة
حالتها بهجر راعي الخدر صعبه
للشام اعتنت متيسره ابدربه
رادت حيدر يواسيها بالغربة

صارت تحت ظلم وجور. شهر الحزن ياعاشور

**

حسافة امدلله وينفكد واليها
للشام اعتنت محد نعى اعليها
زينب ياعلي تريد اليراعيها
اهل الظلم تتشمت صفت بيها

بعدك منو الننخاه * ولظعني كافل

جفك وكع والراس * فوك المحامل

جاروا بينه اهل الزور شهر الحرن ياعاشور


**

تمت بحمد الله تعالى
ونسألكم الدعاء لتعجيل الظهور
ــــــــــــــ❀❀❀❀❀ــــــــــــ
✍العلويــٍّه الموسويــٍّﮭ 24 /7/2017

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره

#محرم_١٤٣٩_الليله_الاولى_الناشر_الحاج_فلاح_حسن
شعنـدك ياشهر بالحزن هـليت
شذنبي وبيك من مـرحبت هليت
تـدري دموم مو بس دمع هـليت
وفگدت انجـوم طاحو ع الوطيه

✍العلويــٍّه الموسويــٍّﮭ.

#الناشر_الحاج_فلاح_حسن #يسمح_بالنشر_ويسمح_حذف_حقوق_القناه #ولا_يسمح_بحذف_اسم_الشاعر_او_تغيره

#محرم_١٤٣٩_الليله_الثانيه_الناشر_الحاج_فلاح_حسن


عاشگ كلشي بيك/روحي بين اديك
يا اجمل حبيب / هنيالي عليك
تعليت بخدمتك حبوني المحبتك
هنيالي عليك
++++++++++
يحسدوني عليك وحگهم ايغارون
لان قابلني عندك خادم زغيرون
عابس لمتحني واليصحح جون
من دورة هواك اتخرجت مجنون

وبكل المواد /ناجح بجتهاد
شاطر بالدموع/ وبلبس السواد
طله تعييني ونتك حبوني المحبتك
هنيالي عليك
++++++++++
مو كل التشوفه العين توصلله
رغم واضح طريقك قله تندله
اليسمونه حسيني اليوم يتعله
نلت اعظم شرف سموني بالمله

ابطن امي جنين /غذتني حنين
واتذكر ابوي/ناغاني بحسين
ابچي لوسمعتك حبوني المحبتك
هنيالي عليك
+++++++++
ابد والله يازهراء صرختنه
بيها اشگد عظيم اتغرس المعنه
الك من صحنه يحسين بضمايرنه
هيه اعله الجهاد اليوم دفعتنه

قدمنه دماء /من هذا العزاء
كتبت للحسين /بالدم الولاء
عزتنه ابنصرتك حبوني المحبتك
هنيالي عليك
+++++++++
بروحي كربله كل يوم حاضرها
وداعك للعقيله شلون كدرها
ادموعك من تبلل ثوبك انظرها
ارموشك لو بچيت شلون تعصرها

كسرتها الخدود /گد ماتبچي سود
حيلك كله راح/وي گطع الزنود
مبحوحه نحبتك حبوني المحبتك
هنيالي عليك
+++++++++++
مسافه مو بعيده بينك وبيني
مئسات السبي تمشي بشراييني
چني اويه العقيله امشي وتحاچيني
عله اختك خلي كل بالك توصيني

تغدرها الظروف/عينك هالتشوف
خدري وعزي راح/وي گطع الچفوف
آ ياحسرت اختك حبوني المحبتك
هنيالي عليك

الحاج ثائر الربيعي


#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه

#ولا_يسمح_بحذف_اسم_الشاعر_او_تغيره

#محرم_١٤٣٩_الليله_الثانيه_الناشر_الحاج_فلاح_حسن

شفاعه

مذنب واجيتك.. واسع لگيتك
يارحمة الله..يابا عبد الله
**********
عمل ماعندي وذنوبي ثجيله
وغيرك مالي عند الله وسيله
لون تتركني دم دمعي اسيله
وبذيالك اجر مثل العقيله

إرجع دخيلك..ما عندي غيرك
واتچوه بالآآه.. يا ابا عبد الله
يا رحمة الله.. يا ابا عبد الله
***
بيك اتشفعت كن لي شفيعن
غيرك مالي عند الله وجيهن
اخاف اذنوبي تسبينيي واضيعن
مثل ما وگفت اعله التل اصيحن

يابو المحنّه ..المرضاته جنّه
بالمحنه انخاه..يا ابا عبد الله
يا رحمة الله يا ابا عبد الله
***
سائل وطرقت باب الامامه
اناجيك ابنفس صوت اليتامه
بس نظره تحققلي استقامه
وتأمن حالي عن هول القيامه

بجاه الغريبه .سكنه الحبيبه
الخادم لتنساه.يا ابا عبد الله
******
اهظمك من امد جفيني يمك
اعرف من امدهن بيش اذكرك
احلفك بالحنه بوداعه ظهرك
يم الله اعرفك عالي قدرك
إقبل خدمتي. هذي طلبتي
كل مطلبي الگاه.يا ابا عبد الله

*

الحاج ثائر الربيعي


#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه

#ولا_يسمح_بحذف_اسم_الشاعر_او_تغيره

#محرم_١٤٣٩_الليله_الثانيه_الناشر_الحاج_فلاح_حسن

حوزة الدموع

تكليفي الك نوحي
يامرجع اجروحي
صوت اختك الما منسمع
مستنبط احكام الدمع
يامرجع اجروحي
++++++++++
مبرئ الذمه البچالك.تنقبل اعماله
ابحوزة التلّه درسنه.شسوت الخياله
بالفقه لمسلبينه .صعبه تنظر حاله
الفلسفه الحرﮔو خيامه.تنسبيله اعياله
والمغزه والعلّه
من صعدة التلّه
تحسبها ضلّن چم ضلع
مستنبط احكام الدمع
يامرجع اجروحي
+++++++++
يا الف هنياله كلمن.خادم ايسمونه
التارسه چفوف الزچيه.ادموعه ياخيعونه
مجتهد بالخدمه عابس.منها صار اجنونه
جون مو هيچ اعتباطاً.من تغيير لونه
طعم العطش شافه
ومفطرة اشفافه
كلمن يعايش هالوضع
مستنبط احكام الدمع
يامرجع اجروحي
++++++++++
اليجزع وبخدوده اثرها.دمعته ومجراها
مفتهم ذيچ الحوافر.واشخذت وياها
واليحس بدموعه حرگه.رمشه طاح وياها
منذكر گدامه زينب.عثرت ابممشاها
والتنزل اهوايه
لم الطفل هايه
للقاسم اليبچي شمع
مستنبط احكام الدمع
+++++++++
ويني عن الآم زينب.بيش اوصّف حالي
الطافي بيتامك جمرها.تسعر بدلالي
كل ضهر چني بخرابه.وطفله تبچي گبالي
عمي ذاك السلباني.وكلشي ماخلالي
اسمعها حسرتها
الديوانه طبتها
گلبي الخدرها منصدع
مستنبطه احكام الدمع
يامرجع اجروحي
++++++++
للرباب ابعيني تنزل.دمعه وكت غروبي
بمدرسة رفعة سگفها.نوحي صار سلوبي
علمتني شلون اصيحك.حسين يامحبوبي
حبي الك مو حب مصالح.ياشفيع اذنوبي
مو للاجر دمعي
انت اعرف بوضعي
واليجزع الگطع الصبع
مستنبط احكام الدمع
يامرجع جروحي
+++++++++
بالمسه يشبه حنيني.الوحده من ايتامك
السولفت وي راس ابوها.عالهزل گدامك
انزل الحضني اشبگگ .زيدت الامك
العاشگ ايموت بحبيبه.وينجرح بسهامك
تطبيري مو كافي
شما سوّي ما وافي
وبصدري چفّي المنطبع
مستنبط احكام الدمع
يامرجع اجروحي

ثائر الربيعي
*

الحاج ثائر الربيعي


#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه

#ولا_يسمح_بحذف_اسم_الشاعر_او_تغيره

#الناشر_الحاج_فلاح_حسن


.عالظلم والله ابد . احنه مانسكت بعد ..بالحشد نادينه.
..................1
غير حيدر واهل بيته.. مانبايع واحد .
احنه جيش المرجعية .. وابو صالح قائد
غيره واخلاق وحميه.. عدنه من انجاهد
الرافدين اثنين يبقن .. مايصيرن رافد

خل نضحي بالولد .. . .. احنه مانسكت بعد ..بالحشد نادينه
..........................2
احننه حررنه وطنه .. من الظلم والفتنه
بسم ابو السجاد تعله.. وترتفع رايتنه
الربع من جاعوا جسمنه .. وياهم بخبزتنه
الغدر لا مو من طبعنه .. من قروا سيرتنه

يبقى هذا المعتقد .. احنه مانسكت بعد ..بالحشد نادينه
...................3
انريد كل حره نشاهد.. بالوطن مستوره
ارواحنه نفدي ورخيصه. للشرف منذوره
راية العباس تبقى .. بكل زمن منصوره
راية الحق والكرامة .. بكل بلد منشوره

رايه تعله بكل بلد .. احنه مانسكت بعد ..بالحشد نادينه
................4
ماتخوفنه السقيفة .. وكل فعلهه ومنكر
احنه علمنه الشجاعة .. حسين هو المصدر
مانبايع غير حيدر.. والولي بس حيدر
كربله امنه وابونه .. النجف تاج ونفخر
علي ويانه سند .. احنه مانسكت بعد ..بالحشد نادينه
..................5
مثل عابس بالشجاعه .. بالعده مانهتم
احنه من نتعب ننادي . ياعلي ونتحزم
النه كل الحيل يرجع .. حتى لو ننزف دم
بالغضب اخلاق عدنه.. وبالحرب نتقدم

عدل مذهبنه وخلد .. احنه مانسكت بعد ..بالحشد نادينه
...........
حيدرموسى الرميثي.

#الناشر_الحاج_فلاح_حسن

#ولا_يسمح_بحذف_اسم_الشاعر_او_تغيره

#محرم_١٤٣٩_الليله_الاولى_الناشر_الحاج_فلاح_حسن

قصیده کربلاء

کربله یا کربله یا کربله

احب ازور احسین یمه ابکربله

...................................

در دلم باشد شب و روز آرزوی کربلا

این دل غمدیده ام در جستجوی کربلا

مرغ دل پر میزند مادر به سوی کربلا

من هوای خاک پاک کربلا دارم به دل

...........................

عونه الیروح ایزور و یوصل للحسین

وایروح للعباس المگطوع الایدین

یبچی ابدمع همال و اینادی یلحنین

وایگله ابوالغیره اعله بختک ضیفک آنی

.................................

کربلا یعنی نوای العطش

روی لبها رد پای العطش

کربلا یعنی حضور فاطمه

پیش سقا در کنار علقمه

...........................

عونه الیروح ایزور المکان المخیم

یصرخ یبوفاضل چا وین المخیم

انت البنیت اخیام زینب یا امشیم

چاوین ذیچ السلطنه راح و تفرهد

..........................

کربلا یعنی وداع زینبین

پیش خیمه با گل زهرا حسین

کربلا یعنی میان قتلگاه

خنجر شب بر گلوی خشک ماه

...........................

عونه الیروح ایزور یتعنه للطفوف

وایروح شاطی العلگمی ایدورهه الچفوف

ایزور جاسم و علی الاکبر والاصحاب

و ینشد من المظلوم وین الطفل وینه

..........................

عونه الیروح ایزور و اینادی المشکر

اذنوب العلی اهوای بس ربک الیغفر

انزور المقام الچف و ناخذ اترابه

انادی الشفاعه بوالفضل راعی الهیابه

.....................................

بقلمی المتواضع العلویه ام یونس /ایران

لا تنسون قرائت الفاتحه الی روح والدیه 🙏.

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه

#ولا_يسمح_بحذف_اسم_الشاعر_او_تغيره

#مولد_السلطان_الرؤوف. مولد الامام الرضا ع
.
.

حبيته .. والغالي ابن الغالي ابن الغالي حبيبي
حبيته .. والغالي ابن الغالي ابن الغالي حبيبي
علي علي الرضا
_______
خــدمة اهل البيت عندي الأهتمام الأولــوي
الحبـي هـــذا الحمـد لله اكــو دافــع معـنوي
افـتــخر خـادم حسيني وانـه خـادم رضـوي
والله يمــكن چان جـدي ابـو الصلت الهروي

واليته .. والغالي ابن الغالي ابن الغالي حبيبي
حبيته .. والغالي ابن الغالي ابن الغالي حبيبي
علي علي الرضا
_______
والله مـجنــون بغــرامــه والــرضا مــحــبوبي
اسـلوبي هــذا وانــه راضــي ومقـتنع بـسلوبي
ذوبــي ياروحـي بمحـبته وبـعـد ذوبـي وذوبي
الرضا خلف الله اعله چفه الي ستر لي اعيوبي

ناديته .. والغالي ابن الغالي ابن الغالي حبيبي
حبيته .. والغالي ابن الغالي ابن الغالي حبيبي
علي علي الرضا
_______
اهوايه لامــوني ابمحبتي وبالأخص اصحابي
المثـلـي ماذاب ابــأمــامه مــاعــرف اســـبابي
اتجنــنت يانــاس انــي بالـــرضا اغـله احبابي
مرجــعي عابـس واقلـده وحقي اشگ اثيابي


وافيته .. والغالي ابن الغالي ابن الغالي حبيبي
حبيته .. والغالي ابن الغالي ابن الغالي حبيبي
علي علي الرضا
_______
قصــتـي وي ابــومحــمد الله يــعلم بــيها
الحاجه يگظــيها اليــه گبــل مــا احچــيها
شلون ماذوب ابمحبته وروحي الـه افنيها
بكـثر مافـَضل علـيه اخجـل امـن احچـيها


من بيته .. والغالي ابن الغالي ابن الغالي حبيبي
حبــيته .. والغالي ابن الغالي ابن الغالي حبيبي
علي علي الرضا
_______
تجري ابو محمد محبته اويه الدمه ابشرياني
بسمـه اقـره طـول وكـتي ومـــايمــل الســاني
بگـلبي ياهـالنـاس والله مـاكــو واحــد ثـــاني
أمنــت بالرضـــا انـــي وافـــخــر ابـــأيـــماني

وهويته .. والغالي ابن الغالي ابن الغالي حبيبي
حبيــته .. والغالي ابن الغالي ابن الغالي حبيبي
علي علي الرضا
_______
اويه النفس موجود احسه الرضا وسط الريه
الله لايحـرمنــي مـــنه انـــدعـــي يـــومـــيه
السـاني ماسمـيه السـاني المــاذكــر طـــاريه
ذكــر ابــو محــمد احــسه والله ساكـن بــيه

وناجيته .. والغالي ابن الغالي ابن الغالي حبيبي
حبــيته .. والغالي ابن الغالي ابن الغالي حبيبي
علي علي الرضا
_______
تمت والحمد لله في ٧ / ٨ /٢٠١٦
حيدر تركي الكربلائي.

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه

#ولا_يسمح_بحذف_اسم_الشاعر_او_تغيره

#محرم_١٤٣٩_عبد الله_الرضيع_الناشر_الحاج_فلاح_حسن


جديد
للرضيع..

مات الحلم.. على عيونك. على اعيونك
بيــدي بســهم..يذبحونك. يذبحونك
عمرك زغير او شابت اوصافك
مالت چبير الذبله بشفافك
على اعيونك
+++++++
نداوة دمعي من طاحت
على خدك شربها الخد
ما ادري الحراره البيك
يبني واصله الهالحد
سهمك رحمه ماعنده
شاف اعيونك وما رد
مو مالت ذبح روحك
المثلك كون يتورد

مالت مهد.. ترى ارسومك.ترى ارسومك
مو عالترب.. محل نومك.محل نومك
شماله السهم يوليدي ماشافك
مالت چبير الذبله بشفافك
على اعيونك
+++++++++++
باصرني يعبد الله
امري اوياك حيرته
خايف من اجر سهمك
اكطع نحرك ابجرته
مديته اعله طولك صار
يبني اوياك گمطته
اعذرني صرت مجبور
بنحرك سهمك ادفنته

ازغر عمر..يجافيني.يجافيني
واكبر جرح..ياذيني.ياذيني
ضيگ الگبر واحرورة اترابك
مالت چبير الذبله بشفافك
على اعيونك
+++++++++
ناشف جلدك الشفاف
بس ارويحتك خضره
مابيك اعله ملك الموت
قِبظت روحك الزهره
دمّك بيدي لشمرته
امي اتلگت الشمره
المحسن كاعد امتانيك
فصل مهدك اشكبره

محسن الك ..فتح ايديه
نفس الجرح.عله جيده
بسماره يشبه نبلة اصوابك
مالت چبير الذبله بشفافك
+++++++++
گلب حسين يبن حسين
والد كله حنيه
قبلك كربله ابحالي
يبني اشخلت اعليه
ماناقصني بس انته
وايذبحوك بيديه
اباب الخيمه منتظره
رباب وحاضنه ارقيه

بدعوة امل .يتانونك.يتانونك
چان الامل يروونك.يروونك
لو شافن ابچفي دمه خضابك
مالت چبير الذبله بشفافك
على اعيونك
++++++++++
مهدك وانتظار امك
اصعب عندي من كلها
اباب الخيمه اتردد
كل ما رايد اوصلها
تسالني رويته الماي
شجاوبها وشگللها
اشد اعيوني بكماطك
ما اكدر اصد الها

بيا عين اصد .مهد خالي.مهد خالي
وانه افگدت ..ولد غالي.ولد غالي
اتباريني هيچ امحسب حسابك
مالت چبير الذبله بشفافك.
على اعيونك
++++++++
اقرة ابصفرة اخدودك
چلماتك تاذيني
لا تبچلي بويه ارجوك
او لمي لا توديني
ادفني وره الخيمه
حفرة سيف تكفيني
خل اسمع بچي الايتام
وخلها النار تچويني

بحضن الگبر .واحس بيهن.احس بيهن
ركضت حرم. واوصيهن.واوصيهن
غطن ابوي امسلبه ثيابك
مالت چبير الذبله بشفافك
على اعيونك

ثائر الربيعي.

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه


#ولا_يسمح_بحذف_اسم_الشاعر_او_تغيره

أنخـى أم البنيـن
بحسرات و أنيـن
يـا نعم الأصـل..يالبيچ الأمـل
❍❍❍❍❍❍❍❍❍❍❍
جيت احلفج بالزجية..وبالعلم راعي الحمية
❂الزلزل الكون❂
أوگف ابابج انادي..وارفع بهاي الأيادي
❂وگلبي محزون❂
عندﭺ الطلبةمترجع.. والمسك بيچ وتضرع
❂حاجته تهون❂
(يم بابج نخاﭺ..گال انا بحماﭺ)
&يصيح يـم الگمر ودموعه تهل&
<>...<>...<>...<>...<>...<>
عدها من الباري منصب..لاتحير بأمر يصعب
❂تنطي بالأيد❂
هاي ام الكرم هاية..اولادها ظلوا رماية
❂وافدوا الحيد❂
للبقيع اصرخ وانادي..انتي تنطيني مرادي
❂وارجع اسعيد❂
(يم بابج اجيت..وبيج انا انتخيت)
&بيدﭺ تخلين كل مصعب سهل&
<>...<>...<>...<>...<>...<>
يا عزيزة ذيچ الزهرة..لا تخليني ابحسرة
❂يم البنين❂
همومنة ثگلت علينة..والله چم بلوة ابتلينة
❂وجورالسنين❂
للمريض انتي الشفية..فرجي الهم العلية
❂واهمل العين❂
( وامّشي عليچ .. زينب وادري بيچ)
&ما تردين العقيله اخت الفحل&
<>...<>...<>...<>...<>...<>
كون يم گبرﭺ اجيلج..واگعد گباله اشتكيلج
❂واشكي الحال❂
أشكي يامولاتي كل هم ..ادعي من الله المعظم
❂ضيمي ينزال❂
كلها گصدتلج لبابج.. شيعتچ باست ترابچ
❂كلها امال❂
(يا ام الاصيل..عباس الكفيل)
&صرتي ام لزينب وكل الأهل&
<>...<>...<>...<>...<>...<>
انتي الحرة الأبية..الربت اولاد الزجية
❂ گلبچ احنين❂
ارد احلفج بالغوالي..المنطبر والراسه عالي
❂علي وحسين❂
انتي ربج رفع شانج..بالكرم شرف مكانج
❂الحاجة تگضين❂
(بدموعي ارتجيج..بالزهرة انتخيج)
&حاشة يبقى گليبي بحزان وزعل&
<>...<>...<>...<>...<>...<>
الجاج ملهوف وفزعلج..الفاتحة يهديها لاجلج
❂فرحي گلبه❂
احنةشيعةوجعفرية..وانتي من اهل الحمية
❂فرجي كربه❂
اهمل الدمعةواهلها..بجاه زينب والكفلها
❂نوري دربه❂
(من طاح العباس..ضربوه الارجاس)
&ودع حسين بدمه الموت ورحل&
▃▃▃▃▃▃▃▃▃▃▃▃▃▃▃▃▃
{تــمت بـعون اللـہ}
1/7/2017
✍🏻 #ولائــية_وافتــخر

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها

أنخـى أم البنيـن
بحسرات و أنيـن
يـا نعم الأصـل..يالبيچ الأمـل
❍❍❍❍❍❍❍❍❍❍❍
جيت احلفج بالزجية..وبالعلم راعي الحمية
❂الزلزل الكون❂
أوگف ابابج انادي..وارفع بهاي الأيادي
❂وگلبي محزون❂
عندﭺ الطلبةمترجع.. والمسك بيچ وتضرع
❂حاجته تهون❂
(يم بابج نخاﭺ..گال انا بحماﭺ)
&يصيح يـم الگمر ودموعه تهل&
<>...<>...<>...<>...<>...<>
عدها من الباري منصب..لاتحير بأمر يصعب
❂تنطي بالأيد❂
هاي ام الكرم هاية..اولادها ظلوا رماية
❂وافدوا الحيد❂
للبقيع اصرخ وانادي..انتي تنطيني مرادي
❂وارجع اسعيد❂
(يم بابج اجيت..وبيج انا انتخيت)
&بيدﭺ تخلين كل مصعب سهل&
<>...<>...<>...<>...<>...<>
يا عزيزة ذيچ الزهرة..لا تخليني ابحسرة
❂يم البنين❂
همومنة ثگلت علينة..والله چم بلوة ابتلينة
❂وجورالسنين❂
للمريض انتي الشفية..فرجي الهم العلية
❂واهمل العين❂
( وامّشي عليچ .. زينب وادري بيچ)
&ما تردين العقيله اخت الفحل&
<>...<>...<>...<>...<>...<>
كون يم گبرﭺ اجيلج..واگعد گباله اشتكيلج
❂واشكي الحال❂
أشكي يامولاتي كل هم ..ادعي من الله المعظم
❂ضيمي ينزال❂
كلها گصدتلج لبابج.. شيعتچ باست ترابچ
❂كلها امال❂
(يا ام الاصيل..عباس الكفيل)
&صرتي ام لزينب وكل الأهل&
<>...<>...<>...<>...<>...<>
انتي الحرة الأبية..الربت اولاد الزجية
❂ گلبچ احنين❂
ارد احلفج بالغوالي..المنطبر والراسه عالي
❂علي وحسين❂
انتي ربج رفع شانج..بالكرم شرف مكانج
❂الحاجة تگضين❂
(بدموعي ارتجيج..بالزهرة انتخيج)
&حاشة يبقى گليبي بحزان وزعل&
<>...<>...<>...<>...<>...<>
الجاج ملهوف وفزعلج..الفاتحة يهديها لاجلج
❂فرحي گلبه❂
احنةشيعةوجعفرية..وانتي من اهل الحمية
❂فرجي كربه❂
اهمل الدمعةواهلها..بجاه زينب والكفلها
❂نوري دربه❂
(من طاح العباس..ضربوه الارجاس)
&ودع حسين بدمه الموت ورحل&
▃▃▃▃▃▃▃▃▃▃▃▃▃▃▃▃▃
{تــمت بـعون اللـہ}
1/7/2017
✍🏻 #ولائــية_وافتــخر

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها

اباب الخرابه گاعده وايدي اعله خدي
مايـرضه ادري والـدي يتركـني وحدي
عمـه لو رد من غيابه
ارد اراويـه هالخرابه
انــه رقيــه
_______________
عــمـه هاي انـي رقــيـه طـفــلـته المـسبــيه
رايـحـه البـاب الـخـرابه بلـكي لـن بـي جـيه
انـه اول وحـده اريـد ايـحـط اديـه بـيـديه
ارد اگـله اشلون صحتك شـو بطيت اعـليه

مـن السـفر كلمن يجـي ياعـمه تعبان
بالماي اريد استقبله ادريبه عطشان
وخاف ازيد انه ابعذابه
ارد اراويـه هــالـخـرابه
انه رقيه
_______________
عمه كل ماعنه اسئلچ انتي گلتي امسافر
مـن غـيابه الـيوم يـرجع لـو يظـل البـاچر
والله آخـر مـره شفـته چـان يـوم الـعاشر
شلون يبعد يدري بعده اكسر انه الخاطر

ابحظنه غفيت انه اشكثر من چان موجود
اتـراب الـخرابـه ردت اگـله چـوه الخــدود
نومي صار اعله الترابه
ارد اراويــه هالــخرابه
انه رقيه
_______________
لـو اجــه بـاچـر ابـويـه عمـه شــو حلــيها
ويـن يگـعد والـخرابه افـراش لا مـابــيها
راح افـرشـلـــه عـبـاتـي ولازم اتغـسـليها
حتـى اثـر سـوط السباني مايظل اعليها

لا مـا اريـده ينفـجـع مـن بعـد الغـياب
ماراح اراويه اذني اغطيها بالحجاب
وخوفي ازيد انه ابمصابه
ارد اراويـــه هــــالخـــرابه
انه رقيه
_______________
مـن يــرد والـدي عــمه عـنــه لتــبعـدوني
رايـده ويــاه احچــي ابــراحتي خــلـوني
امـن الالم مانمـت انـي يوجعـني امتوني
انشالله الليـله يعمه تغـفـه زيـن اعـيوني

بلكت الليله من يجيني اتهيد الآلام
لـَمـن علـى راسه رقيه تـغـفه وتـنام
ومن انـادي بابا بابا
ارد اراويه هالخرابه
انه رقيه
_______________
انچـان مـايـرجـع اريـده حتـى لــو بـطيـوفي
لـچــن ياعمــه يــزينــب حــل الــيــه شـــوفي
من دخلنه الكوفه عمـه عتـني حيــل الكـوفي
اچفوفي طبع الحبل بيهن وين اظم اچفوفي

ياعمه بس لاينـتـبه مـن الـزم الراس
لو شاف اديه ينجرح ادريبه حساس
واجب انه احسب حسابه
ارد اراويــــه هــالــخــرابه
انه رقيه
_______________
تمت والحمد لله في ٣٠/ ١٠ /٢٠١٦
حيدر تركي الكربلائي

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها

هدم قبور البقيع

ابنبرة ام گلب الوسيع. /كربله اتحاچي البقيع
اليا وكت تبقه القبور امهدمين
امكان واسع عندي بين الحرمين
++++++++++
بذكرى تهديم القبور / وحشه مايمچ حضور
وانتي گاعچ تحتوي اربع ايمّه
الواجه اسيوف وجراح/ يمكن ابگبره استراح
لكن الميت صعب جرحه تلچمه
الينهدم گبره عليه. /يعني جسمه مرضرضيه
اليختلف بس مندفن راسه اعله جسمه
الگبره فوگاه انهدم/ چنّه مضروب ابسهم
نار هظمه ابروحه مو بس ابخيمّه
وضعج اهواي اختلف/ عني لو عن النجف
نبني كلمن گبه لو يمي تجين
امكان واسع عندي بين الحرمين
++++++++++
صار فتره امن الزمن/ منهدم گبر الحسن
الگبره صعبه ينلفظ اسم الخرابه
ابكربله ابنه وعضيد/ وعن شريفه مو بعيد
شمله يلتم لو ترك ذيچ الترابه
گاعي اله استر مكان/ جورة الكافل امان
حنة القاسم نضلّ انحنّي بابه
الماسمعها السنوات/ اهواي يسمع صلوات
تسجد الزوار ملهوفه ابعتابه
يالبقيع آخر كلام/ بلغي عني السلام
اهوايه عطشان المشيته الزائرين
امكان واسع عندي بين الحرمين
++++++++++
وصلي صوتي للعيل/ منه خجلانه انه حيل
تختلف لو جاني مو جيّة اساره
افتح اذراعاتي اله/ ابطول ذيچ السلسله
ابهيئة العوچيه ابنيله مناره
اسجد اگباله اعتذار/ مني اذا لاحته نار
من ذهب مو من رواگ ابني الستاره
عندي اله موضع مريح/ يسكن بنفس الضريح
بين الاحسين وعلي الاكبر مزاره
ابدال ذاك الهدموه/ الضريح ايوسعوه
اضرحتنه التوسعتها امحسبين
امكان واسع عندي بين الحرمين
+++++++++
الباقر انه ادري بيه/ مو غريبه ارضي عليه
لسه موجود برملها ذكرياته
چان من ضمن الزغار/ اليركض وبذياله نار
دروبي يندلاها راكضها اعله زغره
البيها عماته انولن/ الخيمگه صارت صحن
بيها گبه تكسر افياي اعله گبره
جده اذا مشتاك اجاه/ خيل ماركض وراه
اكباله باب القبله ماكو ابدربه عثره
من يذب روحه عليه/ راح تتلگاه اديه
ماكو غربه كلهم اهله حاضرين
امكان واسع عندي بين الحرمين
+++++++++
الماتت امن الانتظار/ اشلون ماعدها مزار
الحاجه تگضي بفاتحه الها قروها
خل تجي ام البنين/ بين ابنها والحسين
ابكد دمعها الحره راح ايدللوها
بينهم من تستقر/ ويه كل طرة فجر
من مراقدهم يجون ايقبلوها
من ذهب مو من حجر/ حضره يبنيها الگمر
ويخدم الزوار عباس اليجوها
تلزم الوادم سره
يم ضريح الطاهره
وبمحرم نسمع انواعي وانين
امكان واسع عندي بين الحرمين

ثائر الربيعي

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها

اباب الخرابه گاعده وايدي اعله خدي
مايـرضه ادري والـدي يتركـني وحدي
عمـه لو رد من غيابه
ارد اراويـه هالخرابه
انــه رقيــه
_______________
عــمـه هاي انـي رقــيـه طـفــلـته المـسبــيه
رايـحـه البـاب الـخـرابه بلـكي لـن بـي جـيه
انـه اول وحـده اريـد ايـحـط اديـه بـيـديه
ارد اگـله اشلون صحتك شـو بطيت اعـليه

مـن السـفر كلمن يجـي ياعـمه تعبان
بالماي اريد استقبله ادريبه عطشان
وخاف ازيد انه ابعذابه
ارد اراويـه هــالـخـرابه
انه رقيه
_______________
عمه كل ماعنه اسئلچ انتي گلتي امسافر
مـن غـيابه الـيوم يـرجع لـو يظـل البـاچر
والله آخـر مـره شفـته چـان يـوم الـعاشر
شلون يبعد يدري بعده اكسر انه الخاطر

ابحظنه غفيت انه اشكثر من چان موجود
اتـراب الـخرابـه ردت اگـله چـوه الخــدود
نومي صار اعله الترابه
ارد اراويــه هالــخرابه
انه رقيه
_______________
لـو اجــه بـاچـر ابـويـه عمـه شــو حلــيها
ويـن يگـعد والـخرابه افـراش لا مـابــيها
راح افـرشـلـــه عـبـاتـي ولازم اتغـسـليها
حتـى اثـر سـوط السباني مايظل اعليها

لا مـا اريـده ينفـجـع مـن بعـد الغـياب
ماراح اراويه اذني اغطيها بالحجاب
وخوفي ازيد انه ابمصابه
ارد اراويـــه هــــالخـــرابه
انه رقيه
_______________
مـن يــرد والـدي عــمه عـنــه لتــبعـدوني
رايـده ويــاه احچــي ابــراحتي خــلـوني
امـن الالم مانمـت انـي يوجعـني امتوني
انشالله الليـله يعمه تغـفـه زيـن اعـيوني

بلكت الليله من يجيني اتهيد الآلام
لـَمـن علـى راسه رقيه تـغـفه وتـنام
ومن انـادي بابا بابا
ارد اراويه هالخرابه
انه رقيه
_______________
انچـان مـايـرجـع اريـده حتـى لــو بـطيـوفي
لـچــن ياعمــه يــزينــب حــل الــيــه شـــوفي
من دخلنه الكوفه عمـه عتـني حيــل الكـوفي
اچفوفي طبع الحبل بيهن وين اظم اچفوفي

ياعمه بس لاينـتـبه مـن الـزم الراس
لو شاف اديه ينجرح ادريبه حساس
واجب انه احسب حسابه
ارد اراويــــه هــالــخــرابه
انه رقيه
_______________
تمت والحمد لله في ٣٠/ ١٠ /٢٠١٦
حيدر تركي الكربلائي

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها

#محرم_1439_الحسين_ع_الناشر_الحاج_فلاح_حسن

أول سهر أول عشگ
أول علاقه من صدگ
يا ربي بس لا افترگ
وي خدمة حسين
••°°••°°••°°••°°••°°••°°••°°••
ربي خلينه حبايب لآخر ايام العمر
كون يارب ما يمرنه لا وداع ولا هجر
ريتنه نبقه سويه حتى لو وسط الگبر
هيَّ بيهه كل رصيدي ضامهه اليوم الحشر
لو صار يوم الواقعه
هالخدمه تصبح شافعه
وعين العله الطف دامعه
باچر تقر عين
••°°••°°••°°••°°••°°••°°••°°••
اغلى شي هي بحياتي اعز من عمري وهلي
آنه بيهه هواي مغرم وبعشگهه مبتلي
الجلاله والكرامه والفخر كلّه الي
شكثر محظوظ امن اصيرن خادمك يا بوعلي
سألوني شنهو الكرّمك
وابّين ناسك قدّمك
يحسين اگلهم مأتمك
لو سئلو منين
••°°••°°••°°••°°••°°••°°••°°••
عشرتي اوياهه متخلص عشرة ايتام ودمع
شما گضيت اوقاتي بيهه الهه احن وابقى طمِع
انه لو ما هالعلاقه عمري مابي كل نفِع
دروس بيهه وعلمتني بالتواضع ارتفِع
اليتواضع الله يرفعه
اليتكبر الله ايضيّعه
هالخدمه اكبر جامعه
اتعلم الملايين
••°°••°°••°°••°°••°°••°°••°°••
من الدروس الأكدتهه الوفا ثم الوفاء
تگلي رمز الوفه عندي چفوف شيال اللواء
ومن أهم ما علمتني وارتجت مني رجاء
تزعل الخدمه عليه عندي لو شافت رياء
شگد حذرتني من الزعل
گالت لي اخلِص بالعمل
ما بيهه احراج وخجل
خل نبقه صافين
••°°••°°••°°••°°••°°••°°••°°••
بعد وصتني الخدامه تگول خل گلبك سمح
لا تشيل اخلاق اميه وتطعن حسين برمح
وبعد گالتلي يخادم حسين ما عايز جرح
الخدمه لا لا مو تجاره لا خساره ولا ربح
الخدمه عز ومفخره
الخدمه زرع الآخره
الخدمه مو بيع وشره
لا يالموالين
••°°••°°••°°••°°••°°••°°••°°••
ما ينول النعمه هايه الّا ذو حظٍ عظيم
باچر ايجوز برهاوه عالسراط المستقيم
ايلاقي ربه ووجهه ابيض مطمئن قلبه سليم
يسوي مأتم عالسبايه وسط جنات النعيم
يختلف باچر مأتمه
بعيونه ينظر فاطمه
التحمل طبق يجري دمه
وبنصه چفين
••°°••°°••°°••°°••°°••°°••°°••

ياسر حسن
شوال ١٤٣٨

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها