#الليله_الأولى
#هلال محرم وحضور السيدة الزهراء ع في المجالس••

يا هلال الحزن ارحم
گلب الزهره بمحرم
تنصب مأتم المظلوم
عالمذبوح تتألم

قميص حسين وياهه...
تون وتنوح بنت طه...
عالمذبوح من نحره
➰➰➰➰➰➰➰

اليوم العالم العلوي بسواده يرتدي الاحزان
لاجله ينوح عرش الله آه يالمنذبح عطشان
وحور العين بالجنه تون وتنوح عالعطشان
ودمه بالخلد ينعى ويتلي للحزن سوره

آه يا مظلوم ~~ آه يا مظلوم

➰➰➰➰➰➰

اول ليلة بمحرم تنصب المأتم الزهره
ويّاهه قميص حسين مخضّب بالدم تِنِشْرَه
مصاب حسين نسّاهه الضلع مكسور والعصره
تصيح بصوت ياوليدي والمدمع يهل عبره

آه يا مظلوم ~~ آه يا مظلوم

➰➰➰➰➰➰

تنصب فاتحه وتنحب واويلاه عالمذبوح
لمصابه نزل جبريل واملاك السمه بالنوح
املاك السمه تعزي فاطم والدمع مسفوح
تدوّر وين عزا الحسين ولمصابه الگلب جمره

آه يا مظلوم ~~ آه يا مظلوم

➰➰➰➰➰➰➰

تحضر كل عزا الحسين والاملاك تواسيهه
يم باب الحسينية تسجل من يعزيهه
ومن تسمع نعي الرادود بلوعة العبره تجريهه
وتصرخ ويلي يا شيعه ابني منگطع نحره


آه يا مظلوم ~~ آه يا مظلوم

➰➰➰➰➰➰➰

تگلهم جيت يا شيعه أسجل كل أساميكم
بحزني يالتواسوني اشفع بالحشر ليكم
كل دمعة اسجّلهه ورسل الله يحييكم
كرامه بالحشر الكم شفاعة فاطمة الزهره

آه يا مظلوم ~~ آه يا مظلوم

➰➰➰➰➰➰
الشاعرة الحسينية العاملية
خادمة آل محمد✍🏻