#الناشر_الحاج_فلاح_حسن_محرم_1440_الليله_الثالثه


#برنامج محرم لسنة2018/1440
قصائد #فاطمه العليله عليها السلام
—————————————————————

يخنكني كولشي بغيبتك
ازحــٰـُٰـــف وادور ريحتك
يحسين يا ريحٰـٰــــة علي
دوهني دَهري بســفرتك
..................
حسين يسوالف محنه.. ليــش رايح
حسين يالحضنك وطنه. دمـع سايح
انته قرآني وصِّــُــــلاتي. لا تبـٰــــارح
ياهوه اعذيبي اشمك. الهجر جارح
يالشوفتك تروي العطش
لمن رحت شاب الرمش
يحسين يا ريحة ...علي
دوهني دَهري بسفرتك
...................


كلبي كلي بيش اصبره. لو عفتني
فاطمه ازغيره اتعرفها. وسلمتني
اشهك بدمع ..وداعك. حزني فني
الماردتها أتمر ..عليه. هسه اجتني
ليلة وداعك ..جن رمح
بعيوني ..بجيت الصبح
يحسين يا ريحة ...علي
دوهني دَهري بسفرتك

........................

انه والحسره انتسامر. ...بويه وينك
اشتاكن اعويناتي تدري. لنضر عينك
يا حنين وماكو اعرف. ...من حنينك
بويه حاجيني اعله بختك. مد يمينك
يحسيني مومالت سفر
حاجيني يا بعد ..العمر
يحسين يا ...ريحة علي
دوهني دَهري بسفرتك

........................

راحت اوياك السوالف. .....والليالي
تدري بفراكك هضمني. وشلي حالي
ترد يمته يا بو ..فاطم. ..ضَل سوالي
غالي وتعوف العليله. ..اتموت تالي
يا بويه ذبلان .....الورد
حاجيني يمي هم ..ترد
يحسين يا ...ريحة علي
دوهني دَهري بسفرتك

......................

روحي ما يخلص حزنهه. وعمري شمعه
خلصت ليلي ....بواجي. ....دمعه دمعه
صوت .عبدالله اليناغي. ....لسه اسمعه
فاطمه الطفله ...يبوهه. .....اتريد فزعه
بنتك يبعد ...الما غفن
طفله ويدوهني .الزمن
يحسين يا ..ريحة علي
دوهني دهري بسفرتك
.......................
الخادم المقصر #ناجي الصالحي
ونسالكم الدعاء
غيري مبري الذمه الي يحذف اسم الشاعر
محرم 1440هٰـ
#ويبقئ الحسين ع



#الناشر_الحاج_فلاح_حسن

#حلم_مذبوح

#لايسمح_بتغير_اسم_الشاعر