#محرم_١٤٣٩_الناشر_الحاج_فلاح_حسن


#قصيده ..#للدفن

ياعلي طلبه زغيره
لاتشدوها الحصيره
الطفل وسده اعلصدري
يستر اضلوعي الكسيره
+++++++++++
ايعينك الله يالشفت كل المآسي
ياعلي ادري بسوالي هواي قاسي
نيتك اتطم جسمه وحده وينه راسي
انت ماتنسه واگلك خاف ناسي
ياعلي چا راسي وينه
بالطشت لو رافعينه
بعده ينزف دمّه نحري
من يضربون الاميره
++++++++++
لمني قدر المستطاع وهاي امانه
يبني حاول كل عضو اترده المكانه
الراس لف اعمامتي بنحري بمكانه
الزهره من تحضرني خل تعرفني انه
حاول الخنصر تردّه
يبني بگماط ابني شده
ادري يجرح گلبك امري
المنسحگ هاذه مصيره
++++++++++
وابو فاضل عالنهر قصته عجيبه
ادري دمعك عالگمر ياخذ نصيبه
چفّه ليمن عنه مبعد يبني جيبه
فوگه تلگه اثار بوسات الحبيبه
يمّه اثر وگفت خواته
جاياته امحشماته
الكاتبه بدمعتها خدري
اعرفها هاي اخته الاميره
++++++++++
لا تأخر دفني يبني استعجل اكثر
صار ثلث ايام فارگ عيني الاكبر
من غيابه مو عطش گلبي تفطر
هسّه تجمعنه الزچيه ويمنه تحضر
والگمر هسّه يجينه
والزچيه اتداوي عينه
ايصيح يمه قبلي عذري
حيرت الچفين حيره
+++++++++++
اعليك زينب تنشغل هاي المسيه
عنها لا تتاخر او اخذ الوصيه
لاتقرب راسي حاول يم رقيه
ابدمعه زينب يبني لاتنظر عليه
راسي من ايضربه عوده
لا تنوح اختي اعله موده
من يجيها السوط ادري
والنظر ليها اديره
++++++++++

ثائر الربيعي


#الناشر_الحاج_فلاح_حسن

#لايسمح_بتغير_وازاله_اسم_الشاعر

#الناشر_الحاج_فلاح_حسن_الحسن_العسكري_ع


:
#قصيده_للامام_الحسن_العسكري ع


عله ابو المهدي منصوبه مئاتمنه
ندك عالصدر وتهل نواظرنه
المسموم هيج كل مواجعنه

…~…~…~...~…~…~…~..

لسامره خلنه نعتني هاليوم
نواسي الزجيه بالكضه مسموم
ام ضلم مكسور هاليله يمه تحوم
ونتهه شجيه والدمع مسجوم
يبني تصيح ماتخلص مصايبنه


…~…~…~...~…~…~…~..

ليش الد هر ماناصف ويانه
نبادر طيب رديه تبادر عدانه
يبو المهدي الجور هواي اذانه
بني هاشم طول الدهر حزنانه
تحاربنه النواصب شبدر منه

…~…~…~...~…~…~…~..

شبدر منه واهل الرده يعادونه
بالسم والذبح والغدر فجعونه
نبي الرحمه بهل بيته يذونه
مقامه السامي ياوسفه يجهلونه
الكوان كلهه ماتزن وازنه

…~…~…~...~…~…~…~..


بالسم والذبح العتره كضوهه
عيون النبي ادموم بجوهه
اول فاجعه وصيته نكروهه
والبضعه الباب عليهه دفعوهه
عالبضعه طه مايفل حزنه

…~…~…~...~…~…~…~..

ماراعوله حرمه بالظلم والجور
يوميه يروعون ام ضلع مكسور
تفتر بالمجالس والدمع منثور
هذا السامينه وذا ك النحور
الزهره يامصاب يهون وتهونه


…~…~…~...~…~…~…~..

بقلم الشاعره ام رائد زوين
______________________________
#الناشر_الحاج_فلاح_حسن

#حلم_مذبوح

#لايسمح_بتغير_وازاله_اسم_الشاعر