#النبي_الاكرم

فاطم تون ،،، يا باالحسن ،،، شيبني هالباب
خلفه الكسر ،،،، عالعين انسطر ،،، اعظم مصاب


ظلت حزينه البضعه تون والدمع سچاب
تنادي يحيدر بعد ابويه انا ظل بلا حجاب
تظل ادمايه تجري وبجفن عيني المصاب
بعد ابويه يضربوني وچم ضلع ليه انصاب

بعده الهضم ،،، ابچي الالم،،،، بفقد الاحباب
فاطم تون ،،،، يا بالحسن ،،،، شيبني هالباب

&&&&&&&&&&&&&&&&&


فاطم تون ياباالحسن وسط القبر خلوني
من تدفنه آه يحيدر هالاعادي يهاجموني
تدري بعده اچم رزيه هالصحابه يجرعوني
واقبال عينك آ يحيدر بالسياط يلوعوني

ضلعي انكسر ،،،، صدري انعصر ،،،، ودلالي ذاب
فاطم تون ،،،، يا باالحسن ،،،، شيبني هالباب

&&&&&&&&&&&&&&&&&&&&


انا فاطم وانته تعلم فاطمه يعني الحجاب
بعد ابويه يا ظلامه الاحتملها ويا مصاب
اضلوع صدري يكسروها وانا اصرخ آ يياب
بضعتك هجموا عليها والجنين اعله التراب

طاح الجنين ،،، دمعه بالعين ،،، تحچي المصاب
فاطم تون ،،،، يا باالحسن ،،،، شيبني هالباب

&&&&&&&&&&&&&&&&&&&&


جالسه بداري اون فقد ابويه اللي عماني
ساعه لن الزمره هجمت والامر هذا دهاني
ورا بابي وقفت بويه وبالصدر مسماره جاني
كسروا ضلعيني يبويه وللحشر منه اعاني

هجمت عليه ،،،، آنه الزچيه ،،،، هاي الاصحاب
فاطم تون ،،،، يا باالحسن ،،،، شيبني هالباب

&&&&&&&&&&&&&&&&&&&

يحيدر بعد ابويه متوني تبقى مورمه
تدري بعده يهضموني وتنزف اعيوني دمى
تدري يحيدر الحق ابويه والضلوع مهشمه
يعينك الله من تشوف بالسطره عيني موسمه

اصبر يحيدر ،،،، هذا المقدر ،،،،من رب الارباب
فاطم تون ،،،،، يا باالحسن ،،،،، شيبني هالباب


خادمة الزهراء / ليلى زغيب

⬛️◾️▪️⚫️﷽⚫️▪️◾️⬛️
.
❇️من الأرشيف❇️

#نعي #صفر #النبي_الأعظم ص واله
.
*(((القسم الأول)))*
.
•●•● *نواعي مختلفة بألحان منوعة لإستشهاد رسول الله ص واله* ●•●•
.
▼△▼△▼△▼△▼△▼△▼
.


لسان حال النبي الأعظم ص و اله في لحظاته الأخيره ، مع ابنته فاطمه عليها السلام...؛
.
طور ؛ نعي شعبي... يقرأ بالحان النواعي العراقيه والعاشوري
.
.
رفرف علَي طير المنيه
أرحل معاه و مالي جيه
بس فرقتچ تصعب عليه
.
.
خلينه نتوادع يزهره
و الفرقه ابدللالي جمره
قلبچ حزين و زيدي صبره
.
.
صبري على تكسير ضلعچ
من بعدي دم ايسيل دمعچ
ابنار الحطب يطفون شمعچ
.
.
يا فاطمه ، ايحرقون بابچ
و ايطيح محسن على اعتابچ
بالدم ينقعونه حجابچ
.
.
◆◇◆◈◆◇◆
.
كأني بالزهراء عليها السلام تخاطب أبيها...
.
طور ؛ (لحن الفراق)
.
.
ودعتنه
هالمسيه يا نبينه
ودعتنه
لو متت ما ظن تجينه
ودعتنه
حالتك تصعب علينه
.
.
يا حبيبي
يالسره دمك في دمي
يا حبيبي
لا تخليني اويه همي
يا حبيبي
و الحزن واصل لعظمي
.
.
بويه ارجع
فرقتك تچوي فؤادي
بويه ارجع
و اسمع اجروحي تنادي
بويه ارجع
ظلمه من بعدك بلادي
.
.
◆◇◆◈◆◇◆

.
النبي ص و اله يوصي امير المؤمنين عليه السلام
.
طور ؛ وزن بحر الطويل ، يقرأ بلحن لفى عاشور أو التغريد الحزين أو غيره

يحيدر ، الله يأمرني أوصيك ابوصايه
أريدك تقبل ابكلهم ، لجل حفظ الولايه
تحمّل يا علي و اصبر ، يعادوك البرايه
يغصبون الخلافه و يظلِموك الناصبيه
.
.
علي اصبر ، يشعلون الحطب بالنار عالدار
يسقطون الوديعه و الدمه يجري يكرار
يلطموها على العين و صدرها ايصيبه مسمار
ضلعها يكسرونه و يقترب منها المنيه
.
◆◇◆◈◆◇◆
.
كأني بأمير المؤمنين عليه السلام ، يجيب رسول الله ص واله ، قائلاً ...
.
طور ؛ الفائزي
.
.
طبعي غيور و صعبه أسمع هالوصيه
و شلون أصبر عالكسر ضلع الزچيه
دمها يسيل و آنه امقيدات ايديه
و ابني يقتلونه و لا يبقالي چاره
.
.
مأمور أصبر و الصبر مُر يا نبينه
سمعاً وطاعه و تنقلب كل المدينه
من ننظلم أهل السمه تبچي علينه
جمر الكفر يشعل على بيباني ناره
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى
*نسألكم الدعاء لتعجيل الظهور*
ــــــــــــــــــــــــــــــــــــــــــــ

https://tttttt.me/joinchat/AAAAAD8_rhTShKlf9JeXTg

#انشروا_وشاركونا_في_الثواب
.