#هلال_محرم



حیاتي... ارد اگضیهه ابونین
حیاتي... مستمر بیهه الحنین
حیاتي.. فدوه فدوه للحسین
حیاتي حیاتي
🍂🍂🍂🍂🍂🍂🍂
انادي وردَ اسمــع العالـم آنـي
حسیني عایش ابروحي وکیاني
یضل هوا أمل شوگي وحنانــي
اضل طول السنـه لهلاله اتانـي

الخدامه بس ابیهه المواکب اعتنیهه

حیاتي...تنعی ویطول السنین
حیاتي...ارد اگضیهـه ابونیــن
حیاتي...فدوه فدوه للحسیـن
حیاتي حیاتي
🍂🍂🍂🍂🍂🍂🍂🍂
اوجهلک سلامــي وکل مسیه
ولک مــن البُعد ابعث تحیـه
سلامـي امن الگلب دگاته میه
نبـض مایسکـت الحـد المنیـه

اوجهلک سلامي ونادي یا امامي

حیاتي.. بلوفــه تقســم یمین
حیاتي...ارد اگضیهــه ابونیــن
حیاتي...فدوه فدوه للحسیــن
حیاتي حیاتي
🍂🍂🍂🍂🍂🍂🍂🍂
یضل مني العهد بگلیبي مدفون
رسمتــه بلظمیــر ونص العیــون
انه المجنون ماعوفن هل اجنون
علیــه اشما حچو وشما یلومـون

عهد ویه الشعارُ علـي ثابت قرارُ

حیاتي....بلخدامه عــن یقیـن
حیاتي...ارد اگضیهـه ابونیــن
حیاتي...فدوه فدوه للحسیـن
حیاتي حیاتي
🍂🍂🍂🍂🍂🍂🍂🍂
نضل احنــه نخدمــک طول الیام
وسام امحبتک یا محلــه الوسـام
یمـن عیـن البشـر بعیونــک اتنام
حییت انته ابدمائک دین الاسلام

حبیبي یاحسیني الک فدوه سنیني

حیاتي....راسمه فوگ الجبیـن
حیاتي...ارد اگضیهـه ابونیــن
حیاتي...فدوه فدوه للحسیـن
حیاتي حیاتي
🍂🍂🍂🍂🍂🍂🍂🍂
لبوالیمــه یضــل دوم انتمایـي
انه ابغیــره أبـد مَعلِن ولایــي
هوا الغایه حسیني وکل رجایي
أرخِّص مــن اجِـل دمــه دمایـي

تباهیت ابمحبتک فلاعوفن خدمتک

حیاتي.....وي امیر المؤمنیــن
حیاتي...ارد اگضیهـه ابونیــن
حیاتي...فدوه فدوه للحسیـن
حیاتي حیاتي
🍂🍂🍂🍂🍂🍂🍂🍂

✍🏻حمید خنفري
https://tttttt.me/joinchat/AAAAAEJWAKIzSrPjcw8qYA

@hooosssin

#هلال_محرم


آنه اشوفک آنه اشوفک
گمر مابین السماء
آنه اشوفک
آنه اطوفک آنه اطوفک
کعبه بصفوف العزاء
آنه اطوفک

عهـد وقعته ابدمه
یا ابن حامي الحمه
ما اعوفک ما اعوفک
🍂🍂🍂🍂🍂🍂🍂🍂
رمزي وبیهه الک موعود،یحسین الهدوم السود،صارت منیتي هیه
اخدم بلحسینیات،ابصب الماي اجر عبرات،تنصب روحي تعزیه
لو اسمع الناعي اینوح،اعلی الضامي المذبوح،ارکض للحسینیه

ما اریدن ما اریدن
ولله من دونک عمر
ما اریدن

ما اهمّن ما اهمّن
امشي لو دربک جمر
ما اهمّن

اي وحگ رب السمه
یا ابن حامي الحمه
ما اعوفک ما اعوفک
🍂🍂🍂🍂🍂🍂🍂🍂
فوگ البیت الک منشور،علمک من یهل عاشور،وشتَم حزن بقدوما
ولبسله الهدوم السود،وکل باب الفرح مسدود،حزني اتکاثر اقیوما
ارکض رکضت الولهان،امطوگ روحي بلأحزان،ابنار الشوگ مظروما

ها اجیتک ها اجیتک
معتني ابلهفة عشگ
ها اجیتک

ها اجیتک ها اجیتک
سیدي الطم ودگ
ها اجیتک

جیتک ابلهفة ظمه
یا ابن حامي الحمه
ما اعوفک ما اعوفک
🍂🍂🍂🍂🍂🍂🍂🍂
من زغري وجر اونین،من اسمع ابأسم احسین،اتهل من یجي اسمک
یهتف گلبي ولساني،بحسین ابدي احزاني،واجب سیدي انخدمک
اول فتحت اعیوني،بسمک من یهزوني،اَبصَرّت وشفت رسمک

یاحسینا یاحسینا
بلمهد شفتک ذبیح
یاحسینا

یاحسینا یاحسینا
ونطقت بسمک وصیح
یاحسینا

ابکل وجودي اخدمه
یا ابن حامي الحمـه
ما اعوفک ما اعوفک
🍂🍂🍂🍂🍂🍂🍂🍂
موکب شید الرایه،ولمجلس هوا الغایه،نحظر بلعزء کلنه
یحسین ابوجَل ننعاک،نرفع وي عزانه الواک،یاهیبة محافلنه
کل موکب اجه اینادي،آیا مهجة الهادي،یحسین ابظمایرنه

هل خدامه هل خدامه
بیهه مرهونه النجات
هل خدامه

هل خدامه هل خدامه
هیه شریان الحیات
هل خدامه

تجري دوم اویل دمه
یا ابن حامي الحمــه
ما اعوفک ما اعوفک
🍂🍂🍂🍂🍂🍂🍂🍂
دمع اویل دمه اتهَدَر،وحنه ابهايه نتصور،طفک ولعزء انقیمه
ونلاحظ ملاحمکم،نار التسري بخیمکم،ولأطفال بلهیمه
نتصور حرم وطفال،تشرد لاکن ابیاحال، من خیمه لعد خیمه

یاحمانه یاحمانه
الحَگ اتنادي الحرم
یاحمانه

یاحمانه یاحمانه
حرگو اعلینه الخیم
یاحمانه

الدنیه صارت مظلمه
یا ابن حامي الحمـه
ما اعوفک ما اعوفک
🍂🍂🍂🍂🍂🍂🍂🍂

✍🏻حمید خنفري

https://tttttt.me/joinchat/AAAAAEJWAKIzSrPjcw8qYA

@hooosssin