🔺في رحاب ام البنين ومصائبها.. نستذكر عودة ركب السبايا الى المدينة🔻

♦️لحن حضريني يالزهرا

*واويلي واويلاه وينهِ حسيني*

🔳 حين صار ينعى بشر ابن حذلم أولادها..واحدا واحدا.. كسر قلبها حين نعى لها العباس.. لكنها وقفت وسألت عن الحسين..

يا بن حذلم لا تسولف عن ابنيني
ربّيتهم كلهم لنصرة حسيني
أدري البطل عباس يوفي يا عيني
ريت يرجع حسين وانا لوفي نذوري

ما يخيب نذري وهسّه قطع بيّه

*واويلي واويلاه وينهِ حسيني*
●
●
●

🔳 قالوا يا أم البنين لقد جاء ركب السبايا والعليل على باب المدينة..
زينب ما عدها أم.. قومي واسيها يا أم البنين..
قالوا خرجت حتى صارت على باب المدينة تسأل عن زينب..
اين ابنة أمير المؤمنين..
ما عرفتها تغيرت ملامحها سلام الله عليها من عظم المحن..
فقامت زينب واخوات زينب صحن صيحة واحدة وا اخاه وا عباساه..
فصاحت ام البنين.. وا حسيناه..

*واويلي واويلاه وينهِ حسيني*

نادت والوجن هامل أم البنين اليوم
وينك اخت عباس سولفيلي عنهم
شغيرك يُمه زينب كثرة همك بيهم
ما ظن فاطم يعيني تْعرفِك من ظَعَنهم

مِتْغَيرة أوصافِك محروقة عباتِك

*واويلي واويلاه وينهِ حسيني*
●
●
●
خبريني يزينب جن وفوا هالبنين
قالت ييمه آه ولدك ضحوا زين
لكن كسر قلبي صاحب الزندين
قلّتله ام البنين فدوى لخوه حسين

يرخصلهِ الغالي ويرجعلي حسيني

*واويلي واويلاه وينهِ حسيني*
●
●
●
أرد انشد عن حسين لظل جثة بلا راس
قلبي انفجع بيه مكسورة أنا يا ناس
هانت اضلاع فاطم عاللي ضلعه انداس
كانت حلمها يظل دوم وي عباس

وسفه الزمن تالي جار وتعناكم

*واويلي واويلاه وينهِ حسيني*
●
●
●
يقولون أن ام البنين صنعت قبورا في المدينة تنوح عندها.. ويقولون أنها بنت قبرا خامسا لأبي عبدلله الحسين ع..


جيتكم يمه بحنيني وقلبي داعيكم
بيّضتوا وجهي حيل وين القى مثلكم
ضحيتوا و الزهرة بقت تنحب عليكم
هلا بمجرى العين سود ايامي دونكم

وييوم المحشر أتباهى بيكم

*واويلي واويلاه وينهِ حسيني*

بقلم خادمة العترة الطاهرة🖊

#خادمة_العترة_الطاهرة
#يا_صاحب_الزمان

◆نسألكم الدعاء◆

https://telegram.me/joinchat/CR3PJ0E4ijaEYdH_t2uloA

#بين#العباس# وأم#البنين

🔻نعي بحر طويل وعدة ألحان🔺


*كأني بالعباس جاء محنيا الى قبر أمه في ذكرى شهادتها*

إجيتِك يُمّه وقليبي
بحنان الوالدة يبرالي
شلون انساكِ ورباك
*ولجلنا اسهرتِ ليالي*

اجيت اقبّل ايديك
واحني ظهري يَمّك
فدوى لِك عبّاسك
*لَجِل رَفعة راسِك*

كانت وصاياكِ بعيني
لكن خانتني زنديني
ردْتَ اروي هالظمايا
*وتلاشى حلم سنيني*
●
●
●

رحت ارْجِز بْعِدوانه
انا شبِل حامي الجار
اليوم اشيل العسكر
*بيدي واخلّيه يحتار*


سهم عيني علامة وِفَى
أقدمه لام الوفى بيومها
يوم لي ماتت بحسرة
*على حسين كل أملها*


وبعد زندين اقدّمهم
لعيونك يمه لان ادري
تفدي الحسين بروحك
*أسِمْعك تناديه يا بدري*
●
●
●

لجن اريد تقبلي عذري
بالماي يمه ما وفيتهم
لكن ابشرك عفت الماي
*وما شربت أبد دونهم*

*آه يمه يمه يمه*

*سامحيني واعذريني يا يمه*
●
●
●

●●كأن نداء أم البنين قد علا من داخل القبر●●


يعباسي صرت رفعة راس
يمه لو ما زنودك وجودك
جنت هسه بغير نبراس
*أباهي بالملا يمه عهودك*



يماي العين تسلم زنودك
أعرفك وفاي من عينك
لان بيها نبع الوفى يسيل
*وعيني تشبح يم حسينك*


*آه يا عباس آه يا عباس آه*

بقلم خادمة العترة الطاهرة🖊

#خادمة_العترة_الطاهرة
#يا_صاحب_الزمان
#أنشروا_وشاركونا_في_الثواب

◆نسألكم الدعاء◆

https://telegram.me/joinchat/CR3PJ0E4ijaEYdH_t2uloA