*مقدمة عزائية لصاحب الزمان بمصاب رقية (ع)*
عظم الله اجوركم يا آل بيت رسول الله بشهادة طفلتكم رقية ع ~ مولاي يا رسول الله ص مولاي يا امير المؤمنين مولاتي يا زهرااااء عظم الله لكم الاجر
يا راعي العزاء مولانا يا ابا صالح لك العزاء *بشهادة رقية ع* فكأني بك في مثل هذا اليوم تبكي عند ضريح رقية المظلومة وتحف بك الملائكة ومن حضر لزيارتها من سكان السموات وفودا وفودا… ومن سكان الارض المحبين والموالين والشهداء من عوالم الغيب المواكب النورانية … ممن قصدت ارواحهم لضريحها تلك الجموع الغفيرة… التي قامت تحييهم وتستقبلهم بما لها من كرامة عند الله تبارك وتعالى… وكاني بك يا مولاي تبكي لما جرى عليها في تلك الخربة ويدوّي أنينها وبكاءها في مسامعك وصرخة يا حسين~~~
يالمهدي بمدامعنا نعزي گلبك المفطور
هناك بمحضر رْقية
اخذنا وياك ليها نزور
ندري بحزنك ونوحك
تنحب عالضريح تدور
ومن مرقدها عطر حسين
عبير الجنة تشتمّه
〰️〰️〰️〰️〰️
يذكر بالخرابة هناك
رقيّة توسّدت التراب
وليها جابو راس حسين
بحجرها ونوره ليه جلباب
شهگت ويلي فوق الراس
من شافت دمومه خضاب
راس الوالي بيديها
مخضّب ويلي من دمه
〰️〰️〰️〰️〰️
عظم الله اجوركم عظم الله لك الاجر يا ابا صالح امامك يسمع صوت رقية تنادي واحسيناه وااذبيحاه~
ويسمع آخر نفس لرقية وانينها بصوت خافت
حبيبي حسين نور عيني حسين نور عين رقية حسين… فينادي امامك وارقيتاه ~واشهيدتاه
*قسم يا رب بـ رقية تعجل ثاري للمظلوم*
*بدمعتها ومصيبتها عن كلبي تزيل هموم*
(سلامة قلبك يا ابا صالح يا صاحب العبرة الجارية على الحسين واولاد الحسين ع)
*وصوت من الگبر نادى يمهدي طالت الاعوام*
*خذني للحسين وياك ولا تخليني بارض الشام*
*إحفر گبري بالحرمين بين حسين والضرغام*
جنب عبدالله وسّدني
بحضن حسين ابو اليمّه
خادمة آل محمد✍🏻
الهي بدمعة رقية عجل لولیڪ الفرج~

*[ أول مرة ]*

أداء: الملا #مرتضى_الحميداوي
كلمات: الشاعر #علي_عباس_الربيعاوي

https://youtu.be/ONuT-JV3cro

مجالس شهر محرم الحرام لسنة 1443 هـ - 2021 م
مجالس ليالي العشرة الثانية من شهر المحرم
عزاء هيئة شباب أبا الفضل عليه السلام - العراق - بغداد - البلديات

مونتاج واخراج: حارث العكيلي
مكساج: كرار الموالي
النشر الشبكي: علاء بركات العاملي

*[ دمعة رقية ]*

أداء: الملا #حميد_التميمي
كلمات: الشاعر #علي_عماد_السعداوي

https://youtu.be/v11MgPgX-PI

إصدار إستوديو محرم الحرام لسنة 1443 هـ - 2021 م
إنتاج قناتي العقيلة وام البنين الفضائية

الاخراج: حارث العكيلي
مونتاج: أيمن أحمد
الهندسة الصوتية والتوزيع: علي الميرزا
مخطوطة: حسين مقيم
إدارة الإنتاج: خالد البراك
النشر الشبكي: علاء بركات العاملي

*[ باجر يعطشونك ]*

أداء: الملا #محمد_باقر_الخاقاني
كلمات: الشاعر #أحمد_ماجد_الكلابي

https://youtu.be/HH4vx-t8HAM

مجالس شهر محرم الحرام لسنة 1443 هـ - 2021 م
مجالس ليالي العشرة الأولى من شهر المحرم
عزاء هيئة غريب طوس - العراق - البصرة

مونتاج: أحمد علي الجوراني
اخراج: مرتضى نبيل
مكساج: أحمد البرمكي
مخطوطة: أيوب مصطفى
تصميم: زين عباس - علي محمد
انتاج: قناة فاطمة عليها السلام
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

*سؤال المغسّلة لمولاتنا زينب ع حين ارادت ان تغسّل رقية؟*;/لحن الجفيري`~
تگلها علامة هالأثر
أسود متنها شالخبر
طفلتكم بحال الخطر
ومن المرض زرگه المتن
〰〰〰〰
*جواب زينب ع*
يمغسّلة لا تعجبي
هذا أثر درب السبي
لوّع متنها الناصبي
لا ما رمحنا هالزمن
〰〰〰〰
طفلة وما تتحمّل ضرب
تون وتنوح عْلى الدرب
مسبية ما بين الغرب
وشافت ياويلي هالمحن
〰〰〰〰
يكفيها في مجلس يزيد
تشوف بطشت راس الشهيد
يا ويلي محزوز الوريد
ماتت وغُمْضت هالجفن
واويلاه وارقيتاه واسبيتاه😭
خادمة آل محمد✍🏻

*تجهيز جنازة رقية ع*
گومن يا بنات حسين والعزيه انصبوها
واحضروا مغسلة للطفلة وغسلوها
ومن ثوب الاسر بالعجل جردوها
ولا تنشدو عن جسد زرگة بيه المتون
〰️〰️〰️〰️〰️
شالوا نعشها والصوايح يا رقيه
وينه عباس الكفيل وحمّاي الحميه
وين لاكبر وجاسم وشباب الغاضريه
خلهم. يجوا ويشيلوا نعشها لكربله
〰️〰️〰️〰️〰️
وحضرة الزهره بجناتها الأليمه
وجابت اكفان والمحنة عظيمه
ولبست ثوب الكفن للطفلة اليتيمه
محنية الضلع ومنها المدامع هامله
خادمة آل محمد✍🏻

وارقيتاه~*وكأني بالهاشميات يندبن ويصحن وارقيتاه ودعوها بالبكاء والنحيب في تلك الخرابة واويلاه غريبه مظلومة شهيدة واويلاه وارقيتاه انا لله وانا اليه راجعون يلا مع تشييع جنازتها بالتكبير والتهليل اين المواسون اين الضاجون والبكائون والمعزون بطفلة الغريب الشهيدة رقية صح ونادي مع ملائكة السماء وارقيتاه مع الزهراااااء ورقيتاه مع زينب والسبايا ورقيتاه

شالو جنازتها بالونة صيحة الهاشميات~~
حفروا گبرها والمدامع الجاريات
والنعش من كفوف ايدين الزينبيات
جهزوا الاكفان والسدر والكافور~~~
〰️〰️〰️〰️〰️
وصاحت العقيلة يالسجاد على هون
بالخرابة طفلتنا بالله لا تدفنون
خلنا نودعها ونغسلها بدمع العيون
اخاف الگبر موحش وما من گبور
〰️〰️〰️〰️〰️
گومن يا بنات حسين ودعنها
بالخرابة احفروا گبرها خلنا ندفنها
وخل يحضر گمر هاشم يوسدها
وتحضر ويانه الزهره ام الضلع مكسور
خادمة آل محمد✍🏻

*[ حياكم ]*

أداءوالحان : الملا #علي_الوائلي_الكربلائي
كلمات: الشاعر #فيصل_المياحي

https://youtu.be/LD790Dg4cUs

مجالس شهر محرم الحرام لسنة 1443 هـ - 2021 م
مجالس ليالي العشرة الثالثة من المحرم
عزاء هيئة خدام الحسين عليهم السلام - العراق - الديوانية
خيمة الإمام زين العابدين عليه السلام

مونتاج: ثائر الزاملي
مكساج: علي الوائلي
مخطوطة: مؤمل الرميثي
تنفيذ: الأبرار للإنتاج الحسيني
النشر الشبكي: علاء بركات العاملي

*[ آخر مرة ]*

أداء: الملا #حميد_التميمي
كلمات: الشاعر #تحسين_الخفاجي

https://youtu.be/GQxK8IK5oZs

مجالس شهر محرم الحرام لسنة 1443 هـ - 2021 م
مجالس ليالي العشرة الأولى من شهر المحرم
حسينية الإمام المنتظر عليه السلام - العراق - كوت -الكريمية

مونتاج: لؤي رحيم
مكساج: كرار الموالي
مخطوطة: حيدر الزمان
تنفيذ: الحائر للانتاج الحسيني
النشر الشبكي: علاء بركات العاملي

بسم الله الرحمن الرحيم

تم نشر قصائد خاصه باستشهاد كريم ال محمد الامام الحسن المجتبى ع على الرابط التالي

https://tttttt.me/joinchat/AAAAAFQtLuCyrgSP8aVLdw

يرجى نشر الرابط لتصل القصائد لخدمه ولنصره الامام المظلوم

#الناشر_الحاج_فلاح_حسن

*نخوه يالمهدوم قــبــرك بـالـبـقـيـع*

نـخــوه يــامــولاي طـلـبـه يـالحسن
مـنـتـحـل قـلـبـي مــن هــوال الزمن
عـيـوني راحــت بـالـبـواچـي ونعمن
*لايـذ ابـسـدك يـاهالـحـصـن الـمـنـيـع*

انتخي بـاسـمـك امـامـي يـالـحـلـيـم
شـافـي الـمـعـلـول بـفـراشـه سـقـيـم
يـاكـريـم انـطـلـبـك احنا يـالـكـريـم
*انت فـي الشدات والـكـلـفـه شفيع*

يــاامـامـي يالـلـي بــابــك مـانـغـلـق
كـل مـوالي بـاسـمـك الـلـيـلـه نـطـق
عـلـى بــابــك جـاي ودمــوعـه دفـق
*يالذي امصابك على الشيعه فجيع*

يــاابــــو مــحــمــد اردد نـــخـــوتـي
تــرفــع اهـمـومـي وتـشافـي عـلـتـي
طـلـبـتـي يــمــك امــامــي طـلـبـتـي
*والله من يـنــخــاك ابــدا مـايضيع*

ريــت يــمــك هــالـمــواكــب والـعـزا
والـمـضـايـف لـلـضــيــوف امـجـهـزا
تــدخــل اتــــزورك عـلـيـك مجـنـزا
*ياابو مـحــمــد يابـو الشان الرفيع*

طـلـبـه يـامــولاي وابـحـق الـحـسـيـن
بالله سـجـلـنـه نــروح الاربـعـيـن
الـقــلــب مـشــتـاق ابـلـهـفـه وحنين
*بضنوة المظلوم عبدالله الرضيع*

اقـصـده مـشـاي حـافـي لـحـضـرتـه
والـفـخـر لي مــن افــوز ابـخـدمـتـه
والـســعــاده حــيـــن انــظــر قـبـتـه
*ادق صدري وذكـر امصابهّ الفضيع*

..................................
الخادم عبدالاله علي المهناء

*جينا ننشد المــديــنــه ويــنـهــا*
*قـبـة الـمـســمــوم امـضيـعـنـهـا*

جـيـنـانــنــشــد الـمـديـنـه بـادمـع
قـبـر ابـو مـحـمـد صــار بأي وضــع
من يشوفه الـزايـر قـلـبـه يـنـفـجـع
*عمت عيـنـي حضرته امهدمينها*

مــن تـطـب ارض البقيع خل القلب
عند ابـو مـحـمـد ودمـعـاتـك تصب
لا ضريح تشوف بس صخره وترب
*اتـزوره احـبـابـه بس ابـعـيـنـهـا*

تـذكـر امـصـابــه وحــزانـك تــزيـد
ودمـعـتــك ابـخـيـفـه وتـاشـر ابيد
تـقـصـده وتـزوه لـكـن مــن بـعـيـد
*والزيـاره بحـضـرتـه مـنـعيـنـهـا*

مـاكـفـاهـم حـالـتـك ومـصـيـبـتـك
بـسـمــوم اشــلــون ذبــو چـبـدتـك
وتــالـي امـهـم بـالـعـدواه طـردتـك
*ذا عـدوي اجنـازتـه طـلـعـونـهـا*

والسهام إعْلى النعش مثل الـمـطـر
صوب جسمك يا إبِنْ فـارس مـضـر
والشـهـيـد يشـوف ودمـعـه ينـهـمـر
*وبالغضـب عباس لاح ابعيـنـهـا*

قـال خليني يَبِنْ حـامـي الـحـمـه
اخلي هاذي الـقـاع تـغـرق بـالـدمـه
وحق ضلع الطاهـره امـك فـاطـمـه
*اعيال ابو سفيان كلها افنـيـهـا*

..................................
الخادم عبدالاله علي المهناء

*[ الليل سلمني لنهاره ]*

أداء: الملا #محمد_باقر_الخاقاني
كلمات: الشاعر #أحمد_اللامي

https://youtu.be/X2zELv1qgpc

مجالس شهر صفر الأحزان لسنة 1443 هـ - 2021 م
عزاء هيئة ثأر الله - العراق - بابل - الحمزة الغربي

مونتاج واخراج: حارث العكيلي
مكساج: علي شهاب
مخطوطة: حسين مقيم
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

*[ الهجرة للحسين ]*

أداء: الرادود الحسيني #عمار_الكناني
كلمات: الشاعر #علي_عويز_الشويلي

https://youtu.be/kqzoy4L7i_I

مجالس شهر محرم الحرام لسنة 1443 هـ - 2021 م
مجالس ليالي العشرة الثالثة من شهر المحرم
حسينية الحاج عبد الزهره الفرطوسي - العراق - ميسان


مونتاج: سجاد سلام
مكساج: حسن يونس
مخطوطات: حسين مقيم
تنفيذ: SS للانتاج الحسيني
النشر الشبكي: علاء بركات العاملي - علي الفاطمي

🌑قصيدة في رثاء الامام الحسن المجتبى ع تتضمن تاريخ الوفاة بحساب الجمل 50 هجري

--------------------

قف بالبقيعِ بمرقدِ الحسنِ الزَّكي
واخلع نِعالَكَ عند ذاك المنسكِ

إقرأ زيارَتَهُ وقبِّل تُربَهُ
واصبر إذا أُعطيتَ وصفَ المُشرِكِ

هذا كريمُ الآلِ هذا المجتبى
يُدعىٰ فَيُعطي بالعطاءِ الأبرَكِ

يقضي الليالي بين ظَهرانِيِّهِم
يرعى اليتامىٰ بالظلامِ الحالِكِ

يُعطي الكثيرَ فيستحي مِنْ قِلَّةٍ
خيرٌ من المسبوكِ كفُّ السَّابِكِ

تَصَّاغَرُ الكلِماتُ أن ترقىٰ لهُ
مَنْ فضلُهُ قدْ فاقَ عقلَ المُدرِكِ

لكنَّها الأزهارُ فاحَ عبيرُها
فنثَرْتُ أشعاري بهذا المسلَكِ

فانْظرْ الىٰ الأحجارِ حول ضريحِهِ
سترىٰ الجنانَ بغِصنِها المُتَشَابِكِ

فإذا عراكَ الشَّوقُ فاقصِد جدَّهُ
واذكر أذاهم في بنيهِ وَاْشتكي

قم يا رسول الله إنَّ المجتبى
بالسُّمِّ غالوهُ بأمرِ الأنْوَكِ

أغرىٰ جُعيداً بالسُّمومِ فأقبلَتْ
وسقَتْهُ بالسُّمِّ الزُّعافِ المُهلِكِ

أضحىٰ بطشتٍ قلبُهُ متقَطِّعاً
آهٍ علىٰ القلبِ العطوفِ المُنهَكِ

وأتىٰ حُسينٌ والدموعُ بِخدِّهِ
ويصيحُ ياذُخري ونورَ مدارِكي

قُمْ يا أخي فالحُزْنُ أضْنىٰ مُهجتي
ماخِلتُ أنَّك في الرزايا تاركي

فأجابَ لايومٌ كيومِكَ في الملا
بالطَّفِّ من ظُلمِ الزَّنيمِ الفاتِكِ

الرأسُ منكَ على الرِّماحِ
يرونَهُ
والجسمُ منك يُداسُ تحتَ سنابِكِ

وإذا بزينبَ قدْ أتتْ في لوعةٍ
وتصيحُ يا عزِّي وحصنِيْ السَّامِكِ

أي وا أُخيَّاً والدماءُ بطشتِهِ
أي وا إماماً ثأرُهُ لم يُدرَكِ


هذا الزكيُّ وفيه جود المصطفى
ومصابه أرّختُه
( جودٌ زكي ) 50 هجري

----------------------

فاضل فتيل الجمري
24 يونيو 2020
الاربعاء 3 ذوالقعدة
1441 هجري

-------------

أبو محمد على افراشه ويتلوىٰ من اسمومه

چبده امگطّعه بلسموم من جعدةِ الميشومه
.....................................

وحسين الشهيد اوياه ودمعاته على خده

يشوفِ المجتبىٰ مطروح يقذف بالطّشِت چبده

يتلوّىٰ على افراشه ويشكي حالته الجدّه

يَجَدّي گوم شوف اشلون سبطك يقذف ادمومه

.................................
والعباس نادىٰ اعليه رخّصنا نسلّ اسْيوف

عدوانك اجزّرها وعينك ياعضيدي تشوف

گلله سيفك البتّار مذخور الأرُضْ لطفوف

وتتگطّع يخويه هناك هالچفّين بالحومه

.....................................

ومابين الحچي والنوح نادى الحسن يامظلوم

شيل الطشِتْ خوفي تشوف زينب وسطته لِدموم

لاتبچي وديعتنا وتتشمَّتْ علينا الگوم

وعندي خبر ياعطشان ليكم بكشف اعلومه

................................

أعظم يومْ يومِ اللي تجيك بكربلا العدوان

تبگىٰ اوحيد بين الگوم خويه وتنذبح عطشان

وِيْحِزِّ الشّمُرّ راسك وِيْعَلِّيه فوگ اسنان

لو مات المحبِّ اعليك مِنِّ النُّوحْ مالومه

................................

ولن زينب إجتْ للدار تصرخ ياعديل الروح

ياهو الغالك ابسمّه وخلّانا ابگلُبْ مجروح

وشافتْ طشته مَمْلي ادموم والمظلوم يَمّه ينوح

نادت خويه خذني اوياك يَمْ امْنا المَلْطومه

.....................................

نادى الحسن يازينب يراويش الدّهَرْ طشتين

واحد فيه دم چبدي اُواحد فيه راس احسين

يَخْتي ترُوحْ كِلَّ اهلِچْ وتنفجعين بالسّبطين

بعد احسين والعباس فوگ الهزل مهضومه
.................................
فاضل فتيل الجمري
الأربعاء 23 سبتمبر 2020

ما أنساكم يخواني ما أنساكم
*****
زينب انه وظلم الدهر ماذيني
يخواني بسهام الفگد راميني
عزوه وذخر چنتو وجمال سنيني
والعيني كلكم يخوتي ضي عيني
وبفرگاكم صكني العمه بفرگاكم
*****
عليكم أنه شگد علگت أحلامي
ومرفوعه بيكم يخوتي تظل هامي
لاچن شفت دمكم سفح جدامي
سِقطْ وچبد مسموم ومرمي ودامي
بمجرى دماكم عذبني مجرى دماكم
*****
واحد وگع من فاطمه بالعصره
وواحد چبدته بسم وسف متفطره
وواحد تهبر عالترايب نحره
الكل واحد بدلالي صوره وذكره
وبذكراكم ابگى انه بذكراكم
*****
محسن جِرح گلبي سِقِطْ عاينته
بطشت الحسن چبد الحسن هم شفته
لحسين راس اعله الرمح باصرته
دوم اعله اخوها تنوح لازم اخته
من طرواكم دوم ابچي من طرواكم
*****
بدلالي جمره من فگدت اخواني
لحسين ومحسن والحسن أحزاني
بعباس واخوانه احترگ صيـواني
وما ينوصف حالي بفگد ولياني
ما أسلاكم يصعب عليه أسلاكم
*****

ذلني الدهر وتغيرت احوالي
واشعر بعدكم يخوتي بإذلالي
من غبتو عني غاب سوري العالي
وعگب الخدر اتيسر بأغلالي
وبلياكم أنذل ترى بلياكم
*****

يارب الحسين بدم الحسين تقبل منا هذا القليل
لخادم تراب الحسين (ع ) ابو السبطين الأحسائي
1434هـ

يا سهم ماذيك أكثر يالحسن
سهم نعشك لو سهم گوس الزمن
*****
سيدي يبن الرسول وفاطمه
يا سهم للگلب أكثر يولمه
سهم نعشك من رمتك المجرمه واصبغت بدماك مولاي الچفن
*****
سهم صابك وانته گاصد للگبر
وفجر الدمك امامي بكل كتر
من الغدر مسنون راسه من الغدر وبالسقيفه مجهزه عابد وثن
*****
ها السهم مسمار أصله لو رمح
وچم جرح بالآل سبب چم جرح
وهو سيف الصاب حيدر بالصبح
وهو سهم الصاب لحسين وطعن
*****
بس أسألك عن سهم آخر بعد ظل يصوبك حتى وانته باللحد
جروحه كثره وما أظن يحصيها عد كثره جات وكثره منها الما إجن
*****
سهم نعشك بالحجار السننه
لچن سهم الزمن حده الألسنه
وجرحه ما يبرى أبد لو ندفنه
ما كو جرح اللسان طاب من اندفن
*****
أدري جرح الزمن بفادك مضى
وجمر ناره أشد من جمرة لضه
وما تضمده دموع كل الرافضه
وما أظن هالجرح يبرى ما أظن
*****
ما أظن يبرى ويخف بيك الألم
غير يوم المهدي يرفع لك علم
ويطلع بثوره اعله عباد الصنم
ويگطع اللسانه امامي بالعلن
*****
يارب الحسين بدم الحسين تقبل منا هذا القليل
لخادم تراب الحسين (ع ) ابو السبطين الأحسائي
1434هـ

اخوتي بحياتي تعانقوا ويا المنيه
اخوتي اودعهم لچن غصبن عليه
اخوتي خيرة الناس
الحسن و حسين وعباس
*****
انه زينب انه وام الحزن اسمي
ولا واحد گدر يحمل ربع همي
نشف دمعي وصفت عيني تهل دمي
انه اللي اتورثت كل همي من أمي

اورثتها رزايا فاطمه وزادت عليها
اورثتها مناحتها ومدامعها وبچيها
مصاب ايشيب الراس
الحسن و حسين وعباس
*****
انه بكل اخوتي دهري رماني
وتركني بلا أخو أنحب وأعاني
حرمني من اخوتي والله زماني
وأحس من فارگو عني سباني

بعدهم شفت ظلم الدهر ليلي ونهاري
بعدهم أحس داري أويلي ماهي داري
بعد ما فگدت أنفاس
الحسن و حسين وعباس
*****
الحسن من صوبه بسم الأعادي
صبح نوحي وحنيني بفگده زادي
أحس سم چبدته يگطع فؤادي
وانادي يالحسن كل يوم أنادي

يمسموم صعب فگدك على اختك يبن أبوها
يمسموم الأخت تنضام من تفگد أخوها
وأخوتكم ما تنقاس
الحسن و حسين وعباس
*****



أنه بفگد الحسن شفت المصايب
وبگيت امدوهنه ودلالي ذايب
تصوب نعشه بسهام النوايب
وكل سهم الإجاله بگلبي ناشب

دليلي بسهام البل نعش ذاب وتفطر
دليلي لخوتي اعله الترب طاح وتعفر
لخوتي الكلها احساس
الحسن و حسين وعباس
*****
بعد فگد الحسن ما أغفه ليلي
ورماني هالدهر بعده بكفيلي
أويلي لو صحت ما يجدي ويلي
اويا گلب حسين عا الغبره دليلي

شفتهم انه بعيني أخوتي كلها ميته
شفتهم واذا مات الأخو من يحرس اخته
تعيش ابلايا حراس
الحسن و حسين وعباس
*****
عگب فگد أخوتي شفت الإهانه
الدهر بسياطه صوبني ولسانه
الإخو بگد ما چنت أغفى بأمانه
صرت أبچي عله ايامه وزمانه
يويلي انوح اعله اخوتي بليلي ونهاري
يويلي بعدهم طال للموت انتظاري
بعدهم خدري ينداس
الحسن وحسين وعباس
*****
تمت والمنة لله
لخادم تراب الحسين (ع)
أبو السبطين الاحسائي
1435هـ

لشهادة الامام الحسن ع

إبرِيلي خُويه الذمَّه
بس عِندي ظلّت كِلمه
حَلّفتك أنه . بالمُرتضى وسَيد الملَه
حَلّفتك أنه . زينـب تِظـل امدَلّلـه
إبرِيلي خُويه الذمَّه
*
بين الدِماء الجَاريه . وامرَادَف الآه ودَمع
وحَيل انهدَم من الجرَه . وصاير يسِل سَل الشَمع
صُوت الحسَن خافِت طلَع . وحسين گرَّب يستِمع
ابِّت امّي گلّه اوصيِّتي . مايوم اريدَن تنفِجع
بعيُونك تظل . هايه العَزيزه اُم الوِفه
بعيُونك تظل . باچر تِرُوح امچَتفه
ارمَاد الخيَم تشتمَّه
إبرِيلي خُويه الذمَّه
*
ياخُويه سَار اويه الدِمه . سَمِّي وجرَه بشِرياني
وراسي ثِگل من الألم . وحَار الّلفظ بلسَاني
مِن گبل لاأگطَع نَفس . وامشي اعله عالَم ثاني
إسمَع وصِيتي اورَجوتي . اعليك بأبُو الربـَّاني
بوصِيتي إلَك . ميهِمني لوجسمي فِـنَه
بوصِيتي إلك . أَرحَل ورُوحي امأمِّنه
ويبرَه الگلب من همَّه
إبرِيلي خُويه الذمَّه
*
يحسين هاي اوصِيِّتي . زينب يخويه ارعَاها
مِن صارت اهيه امخَدره . وصار الدَلال اويَاها
ومادَامك اتشِم الهَوى . كون ابنَظَر تِفداها
زينب وِديعة والدي . وام الخِدر سمَّاها
ماتِحمل هضم . اُم الكرَامه بت عَلي
ماتِحمل هضم . يبچي العَرش من تبتِلي
تجرَحها خويه النَسمه
إبرِيلي خُويه الذمَّه
*
دَلِّـلها باچر تِنسبي . وتفگد دَلال الخِدَّر
وتشَاهد اهوَال وغصَص . وتُوگف عَليك اموَذر
وتمشي اعله جَمر النَايبه . بضِلع وصِبع تتعَـثر
محتَاره باطفال وحرَم . بهَيمة قهَر ماتِنطَر
لاتبچي عَلي . باچر ورَاها امصِيبتك
لاتبچي عَلي . تِنطرها دُورات الفلَك
الظيم ابگلبها اتكِتمه
إبرِيلي خُويه الذمَّه
***
ظل يسمَع حسين ويوِن . وضَاگت عَليه لِوسِيعه
اتشَاهَد ابوَجهه وگبـَّله . واتحَضّر التَوديعه
يبن امّي گلّه اوصِيِّتك . بعيُوني تبقى اودِيعه
زينب تعيش امدلّلـه . وهذا العهَد مابيعَه
اموَدّع يالحسَن . بالله وسَلامي الوالِدي
اموَدّع يالحسَن . وبَعدَك مَراري يبتِدي
فاگِـد عَزيز اتسَـمَّه
إبرِيلي خُويه الذمَّه
-----------------------------------------
لقمان لعيبي البدران

@lukmanalbadran