*قصة احزاني* جديد مأساة السجّاد ع/
قصة احزاني عجيبه والمحن فيها سور~
لا تلومني يا شيعه من ابكي مگطوع النحر~
رتّلتها بالمدامع فيها آيات الصبر ~
كنّي يعقوب بحنينه وفارگ احباب العمر ~
〰〰〰〰
اشحاله من يدفن هلّه والجثث متوزّعه~
شاله نعشه كل شهيد بالحصيره مجمعه~
بْلَا ٱيّا رووس اهل الكرامه وٱوصال مگطّعه~
كل شهيد بلحده نايم مندفن في مصرعه
〰〰〰〰
من انظر بعيني الشراب ابكيِ للظامي الغريب
والدمع ساكن بعيني ابكي للشيب الخضيب
بيده وسّدته بلحده ونحره معفور وتريب
لا تلومني يا شيعة عالبكاء وعالنحيب
*فَعَلَى مِثْلِ الْحُسَيْنِ فَلْيَبْكِ الْبَاكُونَ…* قول المعصوم ع… 📌
خادمة آل محمد ✍🏻

*محنة السجاد ع*…… دخل عليه أبو حمزة الثمالي يوماً فرآه حزيناً كئيباً على عادة الإمام فقال له: سيّدي، ما هذا البكاء؟ أما آن لحزنك أن ينقضي، إنّ القتل لكم عادة وكرامتكم من الله الشهادة، فقال له الإمام عليه السلام: شكر الله سعيك يا أبا حمزة، كما ذكرت، إنّ القتل لنا عادة وكرامتنا من الله الشهادة، ولكن *يا أبا حمزة هل سمعت أذناك أو رأت عيناك أنّ امرأة منّا أسرت أو هتكت قبل يوم* *عاشوراء؟! والله يا أبا حمزة ما نظرت إلى عمّاتي وأخواتي إلّا* *وذكرت فرارهنّ في البيداء من خيمة إلى خيمة ومن خباء إلى*
*خباء، والمنادي ينادي أحرقوا خيام الظالمين*
يبو حمزة لو شافت عينك بالطفوف شصار
خيام حسين محروگه وبالصيوان تشب النار
وفرّن هالحرم كلهن ويّاهن يتامى زغار
القتل عادة وكرامة ٱلنا لكن صعبة لمصيبه
〰〰〰〰
قبل يوم المحن بالطف سمعت النا انسبى نسوان؟
وسمْعت اذنك بحرّه مثل زينب تطب ديوان؟
مسبية على الهزّل وترافق بالغرب عزوان!
ومشدودة باديها حبال
ويخاطبها ابن شيبه
〰〰〰〰
خادمة آل محمد✍🏻

*مأتم السجاد ع*
*بينما كان امامنا الباقر يغسّل اباه ويجهز جنازته واذا به تنحى جانبا يبكي ولما سُئل عن السبب ؟؟؟ قال رايت الجامعة والقيود على عنقه وجسده~*
مو بديّه ~~ شفته وبجسمه أثر
مو بديّه ~~ تذكّرت كل الصور
مو بديّه ~~ جامعه وقيد وأسر
〰〰〰〰
وبرگبته ~~ جامعه ويلي بحديد
ويلي شفته ~~ بْيَمنِته ويساره قيد
يا مِحِنْته ~~ من دخل مجلس يزيد
〰〰〰〰
آيا سجّاد ~~ محنتك اصعب امر
آيا سجاد ~~ تعاين النسوة بأسر
آيا سجاد ~~ بيدك حْفَرت الگبر
سيدي يا زين العابدي كم گبر حفرت وكم جنازة شيعت ؟ولمن سيدي؟
قبر الشهيد بكربله
وقبر لْرقية مدلّـله
وقبر لْشريفه بالفله
وخولة دفنتها عالدرب
〰〰〰〰
الله يعينك عالمحن
دفنت الغريب بْلا كفن
كم لوعة راواك الزمن
يا بويه مفطور الگلب
خادمة آل محمد✍🏻

آداء خادم المنبر الحسيني احمد عبدالله 🎤

نعي زين العابدين عليه السلام
على طور ياليلة الحادي عشر
ليلة الجمعة
الشاعرة م.ق
خادمة آل محمد✍
الشيخ محمد درويش🎤

أنَه لْمَا جَفَّتِ دْمُوعِي عَلَى سِبْطِ النِّبِي الْمُخْتَارْ
لِحَدْ مَا خِلْصَتَ ايَّامِي أَبَدْ مَا خِلْصَتِ الْأَعْبَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

أَنَه يَا شِيعِتِي السَّجَادْ اتِّغَيَّرْ بِالْحِزِنْ لُونَه
مُصَابِي مَاكُو مِثْلَه مْصَابْ شِفِتْ عُودِي يِگَطْعُونَه
وَانَه بْعِينِي شِفِتْ لِحْسِينْ بْحَوَافِرْهُمْ يِدُوسُونَه
جِسِمْ رَيْحَانَةِ الزَّهْرَه تِوَزَّعْ عَالثَّرَى طِشَّارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

شِفِتْ رَاسِ الْأُبُو الْعَطْشَانْ أَوِيلِي مِنْ گُفَه مَگْطُوعْ
تِمَنِّيتِ الْعَمَه وْلَا چَانْ أَعَايِنْ عَالْرُّمُحْ مَرْفُوعْ
يِسِيلِ مْنِ النَّحَرْ دَمَّه وَانَه مَا عِنْدِي غِيرِ دْمُوعْ
لَوَنْ طُولِ الدَّهَرْ أَنْعَاهْ قَلِيلِ لْمُهْجَةِ الْكَرَّارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

شِفِتْ عَمَّاتِي بِالْهِيمَه تِفُرْ بِينِ الزِّلِمْ وِالْخِيلْ
عُگُبْ مَا حِرْگَوِ الْأَطْنَابْ يِغَطِّيهُمْ ظَلَامِ اللِّيلْ
شِفِتْ زِينَبْ يِضِرْبُوهَه تِهَدَّمْ لِلْعَقِيلَه الْحِيلْ
عَلَى عَمْتِي لْسِبُوهَه الْگُومْ يِشِبْ گَلْبِي الْحَزِينِ بْنَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

شِفِتْ أُمِّ الرَّضِيعِ تْصِيحْ يِجُرُوهَه عَلَى التِّرْبَانْ
عَلِيهَه تْجَمِّعَوْ صُوبِينْ سَلِبْ شَتْمِ وْسِيَاطِ وْزَانْ
تِنَادِي يَا أَبُو الْيِمَّه يَبُو الْغِيرَه يَعَالِي الشَّانْ
بَعَدْ عِينَكْ وِگَعْ خِدْرِي عَلَيَّه دَارَتِ الْأَشْرَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

شِفِتْ ضِيمِ السَّبِي وْنَارَه شِفِتْ مِنْ دِنْيِتِي الْآلَامْ
عَلَى ظْهُورِ الْهِزِلْ بِحْبِالْ خَذُونَه يَا وِسَفْ لِلشَّامْ
أَهَالِي الشَّامْ عِدْهُمْ عِيدْ وِاحْنَه بْوِلْيَةِ الظِلَّامْ
يِرَامُونَه بْحِجَارَه النَّاسْ آخِ شْسَوَّتِ الْأَحْجَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

يَشِيعَه وْلُو شِفِتْ گَصَّابْ تِهِيجِ بْمُهْجِتِي الْحَسْرَاتْ
لِأَنْ لَا مَا يِذِبْحُوهَه گَبُلْ لَا تِرْتِوِي أَيْ شَاةْ
وَابُويَه يِنْذِبِحْ ظَامِي جَمُرْ چَانِ الْگَلُبْ مِنْ مَاتْ
مُصَايِبْ كَرْبَلَه بْرُوحِي أَعِيشَنْ هَمْهَه لِيلِ نْهَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

أَثَرْ گِيدِ الْحَدِيدِ هْوَايْ يِلْچِمْ خَاطِرِي الْمَكْسُورْ
عِشِتْ وَاحْزَانِي تِبْرَالِي دِلِيلِي يَا خَلَگْ مَفْطُورْ
مِتِتْ مِيَّةْ هَلَه بْمُوتِي طَالَتْ فَرْگَةِ الْمَنْحُورْ
عَلَى الدِّنْيَه الْعَفَه وِحْسِينْ طَاحِ وْوَذْرِتَه الْأَشْفَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

https://tttttt.me/Hassankhanafer

بسم الله الرحمن الرحيم
تم نشر أكثر من ٥٠٠ قصيده بحق زياره اربعينيه سيد الشهداء الامام الحسين عليه السلام على الرابط التالي

@has40san

يرجى نشر الرابط لتصل القصائد لخدمه العتره الطاهره

#الناشر_الحاج_فلاح_حسن

*[ مطمئنة بداخلي ]*

أداء: الملا #محمد_باقر_الخاقاني
كلمات: الشاعر الدكتور #أحمد_ماجد_الكلابي

https://youtu.be/f6yMHKuUfVM

مجالس شهر محرم الحرام لسنة 1443 هـ - 2021 م
مجلس الليلة الثانية من شهر المحرم (ليلة مولاتنا عزيزة الحسين فاطمة صلوات الله عليهم)
عزاء هيئة غريب طوس - العراق - البصرة

اخراج: مرتضى نبيل
مكساج: أحمد البرمكي
مخطوطة: علي الشاهين
انتاج: قناة فاطمة عليها السلام
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

*[ أجمل مقاتل ]*

أداء: الرادود #ميرزا_حيدر_الابراهيمي
كلمات الشاعر: #السيد_محمود_الموسوي

https://youtu.be/7oEqJq6Ez8s

مجالس ليالي شهر محرم الحرام 1443 هـ _ 2021 م
مجلس الليلة السابعة من شهر المحرم (ليلة مولانا قمر بني هاشم العباس ابن علي صلوات الله عليهم)
عزاء مضيف سلطان بني هاشم عليه السلام- العراق - سوق الشيوخ

مونتاج: سجاد محمد
مكساج: كرار الموالي
مخطوطة :مهدي صادق
اخراج: اكرم ورد
النشر الشبكي: علاء بركات العاملي

*مولاتنا الزهراء تنصب عزاء السجاد ع*
ومن المدينة تعتني الزهره الزچيه
لزين العباد ومحنته تنصب عزيه
تلزم ضلعها المنكسر بونّه خفيه
تنادي يمسموم الچبد فجع الگلب والروح
〰️〰️〰️〰️〰️〰️
ما بطّلت نوح ودمع ابكي وٱهل دمعي
ومحنة حسين بكربلا زادت ألم ضلعي
الحسن ومصابه ومحنته غيّر إلي وضعي
وللمنذبح في كربلا انصب عزيه ونوح
آيمسموم… خلصت عمرك نحيب
آيمسموم… تبچي لمصاب الغريب
آيمسموم… يا جرح منك يطيب
آيسجاد… برگبتك شفت الأثر
آيسجاد… جامعه وقيد انحفر
آيسجاد… من أثر درب اليسر
يمك آنه… واحضرت ليك الكفن
يمك آنه… شيّعيتك للدفن
يمّك آنه… شايله هموم ومحن
خادمة آل محمد ✍🏻

*عزاء الامام الحجة (عج) في ارض البقيع*
واسجّاداه~~~~
شمع ودمع لطم الضلع المهدي يهل عبره
يم الگبر دمعه نثر وٱتعينهِ الزهره
ناصب عزاءه ومحنته وصوت اعتلى بگبره
عادتنا من الله القتل ودمانا فدوه الدين
〰️〰️〰️〰️〰️
گبري انهدم مثل الحسن وكثره إلي المأساة
انه الشفت ضيم ومحن
وعماتي مسبيات
والجامعه فوق العنق وايدينه مغلولات
مشّونا بدروب اليسر ويّانا راس حسين
〰️〰️〰️〰️〰️
خادمة آل محمد ✍🏻

أنَه لْمَا جَفَّتِ دْمُوعِي عَلَى سِبْطِ النِّبِي الْمُخْتَارْ
لِحَدْ مَا خِلْصَتَ ايَّامِي أَبَدْ مَا خِلْصَتِ الْأَعْبَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

أَنَه يَا شِيعِتِي السَّجَادْ اتِّغَيَّرْ بِالْحِزِنْ لُونَه
مُصَابِي مَاكُو مِثْلَه مْصَابْ شِفِتْ عُودِي يِگَطْعُونَه
وَانَه بْعِينِي شِفِتْ لِحْسِينْ بْحَوَافِرْهُمْ يِدُوسُونَه
جِسِمْ رَيْحَانَةِ الزَّهْرَه تِوَزَّعْ عَالثَّرَى طِشَّارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

شِفِتْ رَاسِ الْأُبُو الْعَطْشَانْ أَوِيلِي مِنْ گُفَه مَگْطُوعْ
تِمَنِّيتِ الْعَمَه وْلَا چَانْ أَعَايِنْ عَالْرُّمُحْ مَرْفُوعْ
يِسِيلِ مْنِ النَّحَرْ دَمَّه وَانَه مَا عِنْدِي غِيرِ دْمُوعْ
لَوَنْ طُولِ الدَّهَرْ أَنْعَاهْ قَلِيلِ لْمُهْجَةِ الْكَرَّارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

شِفِتْ عَمَّاتِي بِالْهِيمَه تِفُرْ بِينِ الزِّلِمْ وِالْخِيلْ
عُگُبْ مَا حِرْگَوِ الْأَطْنَابْ يِغَطِّيهُمْ ظَلَامِ اللِّيلْ
شِفِتْ زِينَبْ يِضِرْبُوهَه تِهَدَّمْ لِلْعَقِيلَه الْحِيلْ
عَلَى عَمْتِي لْسِبُوهَه الْگُومْ يِشِبْ گَلْبِي الْحَزِينِ بْنَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

شِفِتْ أُمِّ الرَّضِيعِ تْصِيحْ يِجُرُوهَه عَلَى التِّرْبَانْ
عَلِيهَه تْجَمِّعَوْ صُوبِينْ سَلِبْ شَتْمِ وْسِيَاطِ وْزَانْ
تِنَادِي يَا أَبُو الْيِمَّه يَبُو الْغِيرَه يَعَالِي الشَّانْ
بَعَدْ عِينَكْ وِگَعْ خِدْرِي عَلَيَّه دَارَتِ الْأَشْرَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

شِفِتْ ضِيمِ السَّبِي وْنَارَه شِفِتْ مِنْ دِنْيِتِي الْآلَامْ
عَلَى ظْهُورِ الْهِزِلْ بِحْبِالْ خَذُونَه يَا وِسَفْ لِلشَّامْ
أَهَالِي الشَّامْ عِدْهُمْ عِيدْ وِاحْنَه بْوِلْيَةِ الظِلَّامْ
يِرَامُونَه بْحِجَارَه النَّاسْ آخِ شْسَوَّتِ الْأَحْجَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

يَشِيعَه وْلُو شِفِتْ گَصَّابْ تِهِيجِ بْمُهْجِتِي الْحَسْرَاتْ
لِأَنْ لَا مَا يِذِبْحُوهَه گَبُلْ لَا تِرْتِوِي أَيْ شَاةْ
وَابُويَه يِنْذِبِحْ ظَامِي جَمُرْ چَانِ الْگَلُبْ مِنْ مَاتْ
مُصَايِبْ كَرْبَلَه بْرُوحِي أَعِيشَنْ هَمْهَه لِيلِ نْهَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

أَثَرْ گِيدِ الْحَدِيدِ هْوَايْ يِلْچِمْ خَاطِرِي الْمَكْسُورْ
عِشِتْ وَاحْزَانِي تِبْرَالِي دِلِيلِي يَا خَلَگْ مَفْطُورْ
مِتِتْ مِيَّةْ هَلَه بْمُوتِي طَالَتْ فَرْگَةِ الْمَنْحُورْ
عَلَى الدِّنْيَه الْعَفَه وِحْسِينْ طَاحِ وْوَذْرِتَه الْأَشْفَارْ
حُسَيْنَاً وَاحُسَيْنَاهْ...حُسَيْنَاً وَاحُسَيْنَاهْ...

https://tttttt.me/Hassankhanafer

ظل يجري دمع العين
عالراية و الچفين
جودك ما لگيته ولظهري حنيته
عالراية والچفين

عباس إجيتك للنهر ودموعي تجري
حاربني دهري ، وحايرة بأمري
نار الظمى ونار الخيم تلهب بصدري
شيطفي جمري ، و حايرة بأمري
سلبوا خدري وما أظن تعلم وتدري
من عگب خدري ، وحايره بأمري
ما تدري يا عباس صوبني سهم البين
صك عيني وعماها وضلوعي حناها
عالرايه والچفين

يا با الفضل جمر الگلب يسعر لهيبه
بنار المصيبة ، وآنه غريبة
بدرك يا خويه على النهر أصبح مغيبه
وجثتك سليبة ، وآنه غريبة
بغيبتك غابت عزتي وخدري شيجيبه
ما بگت هيبة ، وآنه غريبة
بين السلب والنار عفت الجمع صوبين
وآنه بهضم گلبي جيت وعيني تربي
عالراية والچفين

عفت الخيم متلاهبة وجيت أرد أحشمك
وأگعد وأكلمك ، خليني يمك
بيا عين أشاهد مصرعك وأنظر لجسمك
مخضب بدمك ، خليني يمك
دمك أمزجه بدمعتي وهمي ويا همك
بگلبي أضمك ، خليني يمك
گلبي إنفجع وإنصاب هاي المصيبة منين
يا لوعة عذابي جيت أعرض مصابي
عالراية والجفين

عباس إجيت بشيمتك وإنت كفلتني
تالي فجعتني ، رحت وعفتني
إنت إلحديت بناگتي وللطف جبتني
ليش تركتني ، رحت وعفتني
عذبني دهري بغيبتك يالعذبتني
من فارگتني ، رحت وعفتني
بفگدك فگدت الراي هالمحنة چانت وين
ما أوچد بعيني منهو إليدليني
عالراية و الجفين

محتارة يم المشرعة وايدي على خدي
بالغربة وحدي ، ولا والي عندي
يا با الفضل نار العطش فطرت چبدي
وجروحي تدي ، ولا والي عندي
عاهدت أوفي بالصبر وحفظت عهدي
وبذلت جهدي ، ولا والي عندي
وبغيبة الوليان وين أتجه لاوين
حيرني زماني ومحنية تراني
عالراية والچفين

عباس ما تخمد بعد جمرة غليلي
ولهفة دليلي ، لا يا چفيلي
تهدمت أركان الصبر وإنهدم حيلي
وفاجئني ليلي ، لا يا چفيلي
يا گمر هاشم مصرعك فجر مسيلي
و گرب رحيلي ، لا يا چفيلي
يا با الفضل وياك موتي گرب هالحين
من لوعتي وهمي تهدم ركن عزمي
عالراية والچفين

تگدر ترد لي عزتي لو چتفوني
الگوم وسبوني ، وعنك خذوني
منهو إليعدل محملي ويكفل ضعوني
لو يسروني ، وعنك خذوني
أعتب عليك بونتي ودمعة عيوني
عگبك ولوني ، عنك خذوني
حادي الضعن لو شال وإحنه بيسر ماشين
من جانب المحمل أتلفت وأسأل
عالرايه والجفين