بسم الله الرحمن الرحيم
والصلاة والسلام على أشرف الأنبياء والمرسلين
حبيب إله العالمين أبي القاسم
محمد وعلى آله الطيبين الطاهرين ..
بتوفيق الله وتسديده
وبعد التوكل عليه
سنقوم بنشر القصائد الجديدة
لشهر محرم الحرام ١٤٤٣ هـ
على قناة التلگرام
والبيج الخاص
سائلين الله التوفيق لنا ولكم وقبول
الأعمال .
النشر على الروابط :
تليگرام
https://telegram.me/lukmanalbadran

فيسبوك
https://www.facebook.com/Lukmanbdran

كتابات حسينيّة
قصائد ومقاطع نعي حسينية في خدمة القرّاء والرواديد
https://tttttt.me/kitabathousayniyaya

لمن تود الاستفادة من هذه القناة ❤️🌸

#الامام_الجواد

نهمل الدمعه سجيبه.... من دمه دمع المصيبه

خل نواسيها الزجيه
عالجواد ابهالمسيه


يشبه الزهره الزجيه... بزغر سنه والمصيبه
عمره يبدي بالمحن... وينتهي بديره غريبه
خمسه وي عشرين عمره...اشافت عيونه عجيبه
دمعته دوم اعله خده... وينحب لعمته السليبه

يشبه الزهره وعمرهه
ينوح من يذكر كسرهه
ظلت الدمعه جريه
عالجواد ابهالمسيه
▪️▪️▪️▪️▪️▪️▪️▪️▪️▪️▪️▪️▪️
مصيبته الباب المراد... فجعت أملاك السمه
بزغر سنه يتموه.... وگلبه ينزف من دمه
من المدينه لطوس سافر... ينوح يمه فاطمه
شاهدي بعينج يفاطم... جبد ابويه امسممه

ظل يناديها بونين
بگلب ملجوم وحزين
آه يا عظم الرزيه
عالجواد ابهالمسيه
▪️▪️▪️▪️▪️▪️▪️▪️▪️▪️▪️▪️▪️
عمره كله خلصاه... بحزن واهات ومحن
حجة الباري يفاطم... ما صفى وياه الزمن
صادروا عمره يزهره...بكل حقد اهل الفتن
ناحت اعليه العوالم...والسمه تبجي بشجن

زهره ليتج تحضرينه
عالسطح عالي ونينه
الكون وناته شجيه
عالجواد ابهالمسيه
▪️▪️▪️▪️▪️▪️▪️▪️▪️▪️▪️▪️▪️
تاسع اولادج يزهره... عمره مثلج هم گصير
زهرة شبابه ذبلوها... بكل حقد وابلا ضمير
مثل جعده ام الفضل... لجمت الضلع الكسير
سممت جبده يفاطم... وخلته ابحر الهجير

ظل ثلاث اعله السطح
مثل جده المنذبح
بالگلب نار وسريه
عالجواد ابهالمسيه
▪️▪️▪️▪️▪️▪️▪️▪️▪️▪️▪️▪️▪️
عظم المعبود اجرج... بتاسع انوار الامامه
بالجواد الليله عادت... ذكرى بيتج والظلامه
مصايب اولادج يفاطم...بينه تركت جم علامه
لجن اعظمها يظل... السحگت الخيل بعظامه

مصيبته فتحت جروح
كل گلب لجله ينوح
عادت النه الغاضريه
عالجواد ابهالمسيه


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

العليله ع

من الضعن شال
وابعد بالعيال
اتمنيت يمي اخيتي
والبقت بس دمعتي
من الضعن شال
*
بيتنه وحشه وظلامه يداين الليل
وانه من گد البواچي مابقه حيل
احلم اخذوني واحس بناگتي اتميل
وافز من حلمي واشوف اصورهن تعيل

اخر نظر چان
من السفر حان
من احضنت عمتي
والبقت بس دمعتي
****
اهلي راحو عني هاي العين متنام
حته مامش فرصه اشوفنهم بالاحلام
وانكسرت اعله الاحبهم كسرت الجام
ما ادري بدهري بعد بالجايني اشضام

شيصبر الروح
والصوت مبحوح
ياعيني الهم نحتي
والبقت بس دمعتي
*
بدونهم مشدوهه راي وحالي ياحال
جسمي يمي لچن راح اوياهم البال
واشحلاها ابيتنه ملتمه العيال
انشال من عدنه الضوه من الضعن شال

ما اعرف اشصار
ماوصلت اخبار
اه يلعليله حرتي
والبقت بس دمعتي
****
اخابر ماعندي الضعنهم ها وصل وين
ياهو ميت؟ ياعايش؟ اخ يحسين
والله صعبه الفارگت والد والاحنين
ياهو اليجيب الخبر مو نشفت العين

ماضلت ادموع
توجعني لضلوع
ياروحي ماصبرتي
البقت بس دمعتي
****
العايف ابنيته عليله ابلايه اخبار
مادره بدلال بنته يلتهب نار
اهواي فارگني وحرت ما اعرف اشصار
ادعي الله يردلي سالم من الاسفار

ادعي بدمع عين
رجعلي الحسين
اشگد علدرب نظرتي
والبقت بس دمعتي
*
هيج وين الله ويردلي الضعن ويعود
وما يضل گلبي عليهم دوم ممرود
هسه لو وياهم انه وچفي مگيود
بچف رقيه وعمتي زينب هيج مشدود

هاي امنيه وراح
اعليها الگلب ناح
ياروحي بي مارحتي
والبقت بس دمعتي
*
زيد عدنان الزيدي

وفاءً للسّيد الفقيد
ولما له من حقوق على خدّام منبر سيّد الشهداء عليه السّلام ، نضع بين يديكم ديوانه البديع والغني بمدح و رثاء العترة الطاهرة عليهم السلام

#الفاتحة
#سيد_جاسم_الطويرجاوي

ام البنين ع


وصيتي يبني هايه عالنهر دگ ثايه
ارسمني صوره بمايه يبني عباس
1
يبني لو زينب نختك خلها هاي ابالك
عبد گدام العقيله تگوم كل اوصالك
تنتفظ بيك الرجوله جبل كون اخيالك
كون حدرك تطوي يبني كربله بفعالك

لو نطتك جودك سرفن الها زنودك
اعرف انا بزودك يبني عباس
2
تبتسم يبني اريدك لو رحت صوب النهر
كون اسمعه الجيش يصرخ استعدو للخطر
خلها عدوانك تشوفك ابو فاضل بالنظر
بس لونك درت يبني حيدر يصير الظهر

واللي ميعرفونك خزره من عيونك
كلهم ايهابونك يبني عباس
3
تبختر بكيفك ييمه وخنگ انفاس الهوه
ضلمه سويها الشريعه ونته تتمايل ضوه
بروجه كون الماي يعثر من تدگ فوگه اللوه
خلّه يفهم ما تشربه وياصبر بيك التوه

الماي شيله ابايدك وخل يشوف عضيدك
ما يمر بوريدك يبني عباس
4
جرّد البتار يبني ونگلب كلك زعل
وصيح صيحه هاشميه انا ابن خير العمل
خلي عزرائيل يقبض بالزلم گبل الاجل
وللبطوله الحيدريه يبني صير انته المثل

تفنن انته بكيفك من تجرد سيفك
واخذ منهم حيفك يبني عباس
5
كربله بعينك زغيره إلويها بين چفوفك
الخيل بالطف يمه اريده يعثر امن ايشوفك
سجل التاريخ چلمه وكتب انته حروفك
الكلفه عندك بالشدايد جزء من طفوفك

ياطفوف اتديرك ضايعه بتفسيرك
للشدد ما غيرك يبني عباس
6
سوّي مستقبل وفائك مثل ماضي حيدره
يبني صير الموت بالطف لو اخذت الگنطره
عثّر الگاع بدبچتك والزلم تلزم سره
منظر الطف كون اشوفه مثل يوم الاخره

بغيرتك وحساسك يمه ارفع راسك
ياهلا بنوماسك يبني عباس
****


الشاعر اياد الديراوي

ياعاشور      مر بينه
ياعاشور      حـنينه
رد خل نسوي اقرايه
شتاگـــــينه للمشايه

منه وبينه مو خـطار     عاشرناك عالدمعه
لاتـــــبعد ترا نشتاگ     والمشتاگ شيقنعه
ملهوفين لهفة شوگ      للناعي مـــن ينعه
يرتاح البچه لحسين.   ذاك الـــماترك ربعه
رد خل ترف الرايه
شتاگــينه للمشايه
ياعاشور      مر بينه


عيشني حضـــن كاروك     يوم افراگ محبوبه
سمعني صـــراخ اطفال     بــــين النار مرعوبه
حگه اللــــيل گام ايعيل    حـــته البابا مسلوبه
شيخ الدنيا تحت الخيل   والوادم خـذت ثوبه
وچان الغروب افيايه
شتاگــــــينه للمشايه
ياعاشور      مر بينه


الكاتبله يعــــيش اوياك     رحمة فاطمة اتلوحه
ياواهس عشگ مجنون     دوم عيونه مفضوحه
روحي اتعورت بحسين     اه يحسين وجروحه
فدوه انه الهذاك الشيب     والحـــــنيه البروحه
نلطم لطــــم ملايه
شتاگــينه للمشايه
ياعاشور      مر بينه


ماعدنه جــرح ملضوم     كلها اجروح مفتوگه
طوّل ياحـــزن عاشور     تدري الفرحه مبيوگه
من شال الضعن للشام    والحادي حـده بنوگه
من شال الرمـح عباس   والطـف انكسر سوَگه
وغربه المشت حدايه
شتاگـــــــينه للمشايه
ياعاشور      مر بينه


ماتفهمنه ليــش الناس     يمته الدنيا بينه اتحس
هنه اشعدنه غير اثنين     لــــو مشاية لو مجلس
اخذو الذره والتكوين      ونطونه عشــگ ندرس
شيل حسين من لطام      گلــــــي شلون يتنفس
صدگيه موش احچايه
شتاگــــــــينه للمشايه
ياعاشور      مر بينه



*شاكر الصيمري*

خطاب الحسين ع مع العليله


خل اودعچ يالعليله ... سامحيني
هذي رحلتنه طويله ... سامحيني
حيل ما عندچ تجين طفله بعدچ عالونين
سامحيني
****
ادري يابويه صعب فرگ الحبايب
وادري طبعه اليفگد احبابه يعاتب
لكن ابطف كربله كل المصايب
يالعليله وينچ اوين النوايب

بكريله بويه الرزيه ... تنتظرني
وكل سيوف الغاضريه ... تنتظرني
ادري ما تتحملين طفله بعدچ عالونين
سامحيني
****
ما تروحين اعتذر للغاضريه
بويه من نمشي ترافجنه المنيه
بويه گلبچ ادري ما يحمل اذيه
اهناكه باچر تنسبي سكنه اورقيه

بالخيم جيش الضلاله ... ينتظرهن
للسبي حظر حباله ... ينتظرهن
ينفطر گلب الحنين طفله بعدچ عالونين
سامحيني
****
الروحه ويانه يبويه ماهي سهله
نظري اخر نظره للاكبر يطفله
ينذبح وسيوف اميه اللي تكتله
يگطعونه وحيرتي لمن احمله

توگع اوصاله امن اديه ... من اشيله
امه ليلى اتصد عليه ... من اشيله
بهل جرح تتعذبين طفله بعدچ عالونين
سامحيني
****
تمتحني بالصبر يابويه دنياي
توقعت كلشي لچن ما حسبت هاي
ينفطر گلب الرضيع اويطلب الماي
بسهم المثلث يذبحونه اعله يمناي

من جرح عبدالله اكابر ... ويلي ويلي
يرتوي من دمه باچر ... ويلي ويلي
الهل سبب ما تعتنين طفله بعدج عالونين
سامحيني
****
بهل علل ما يحمل اكليبچ فجيعه
بالحبل تتچتف الحره الوديعه
وبو فاظل باچر چفوفه گطيعه
وتنطفي عين الكفيل اعله الشريعه

ينكسر ظهر اليالي... وعتنيله
يصرخ الحگني يغالي... وعتنيله
راح ابوسه اعله الجبين طفله بعدج عالونين
سامحيني
****
وحدي راح ابقه يطفله ومحني ظهري
والشمر يتربع اهناك اعله صدري
بويه بالخنجر يحز تاليها نحري
بلا ذنب فوگ الرمال دمومي تجري

امن الظهر سهم المنيه... من اسحبه
إلسمه تبچي عليه... من اسحبه
بويه ينحز الوتين طفله بعدچ عالونين
سامحيني
****

الشاعر اياد الديراوي

{{قصيده بحق السيده زينب ع}}

مسيري وين مــا ادري
واعوف اقمار دم تجري

فجر هالليل فجر هالليل
*---------------------*----------------------*
اذا يـصبـح صـبـح ليلـي
اعـوف احبـابـي يا ويلي
وشمر بالحادي يحديلي
وألم بـاجـر يهـد حـيلـــي
اضـل بـنوحـي وعـويلـي

ودمعتي تسيل فجر هالليل
*---------------------*----------------------*
اروحـن والدمـع جــاري
واخلي جم جسد عاري
عليهم شابحه انضاري
ابـث احـزاني للبــــاري
ورقيه تلوذ بكتــــــاري

واصيح الويل فجر هالليل
*---------------------*----------------------*
دليلي بـخـوف يتـوجـل
وشمـر ويـاي يتـمـرمـل
بـمسيـر الـخيـل يتعجـل
عـلـي مـحتـوم ومسجـل
تصدلـي النـاس ماتخجـل

وطريق طويل فجر هالليل
×---------------×----------------×-------------×
الـيـه الـنـوك تتـولـــم
وغدا المتون ما تسلم
بضرب وسياط تتألـــم
يرب الحال انت اعلــم
الـخـدر لعـداي يتسلــم

يرب ادخيل فجر هالليل
*---------------------*----------------------*
عـليـه عـداي تتجـســر
واروح بـنـوح واتـحسـر
لـونيني اجـبـال تـتفســر
الـعـمـر حسـرات مـا انسر
سـفـر والـحـال يتعســـر

بهزل والخيل فجر هالليل
*---------------------*----------------------*
يهد الحيل الحيل فركاهم
يـويلـي شـلـون انساهــــم
بضرب كل سوط انخاهم
الاجـيـت بـزود ويـاهـــــم
وذر عـالكـاع بـدمـاهــــــم

يهد الحيل فجر هالليل

×----------''×----------------×-------------

✍ خادم الحسين
الشاعر رعد الجريخي

ابو ذيات للسيده زينب ((ع))
تخاطب الامام الحسين( ع)

چـنـت مـخـدره ومـحـد يراني
ومثـل يـاري الـبحـر دمعي يراني
يـخوية الشمـر من جسمك يراني

وهضمني بـيـوم مـد ايده عليـة
*----------------*----------------*

الـمصيـبـة المـاجـرت للنـاس فيريت
دهتنـي ورخص دمـع الـعيـن فيريت
بـعبـاتي وهـم اديـه تـصيـر في ريت

وجازي چـفـوفـك الفيت عـليـة

*--------------------*----------------
منـو الـيمـك گـعـد يـا خـوي سبال
اديـك ومـن طـلبـت الـمـاي سبال
يخوي شلون ساعة الشمر سب ال

بـيـتـك وانـتـة متوسد الـوطيـة
*-----------------*---------------*

✍خادم الحسين ع
الشاعر رعد الجريخي

ماشي وياج ما عوفج ابد
ماشي دمي بعروكي صعد
يا زينب وعد عينج اجفوفي بيني وبينج
ماشي ماشي
.......................................
يله زينب اخو زينب زمط أنه بخدمتج
شنهي روحي فدوه روحي خويه فدوه الشيلتج
غيرة العباس طلسم علكيه بركبتج
ياهو يتجرئ يمسج وانه حارس خيمتج
عهدي كولي يا زينب مدد
عهدي وياج ما عوفج ابد
كل احنه منتضرينج يا زينب وعد عينج
ماشي ماشي
......................................
خويه من جنت انه اسولف جنت احاجيك واشم
عطر دخان بقميصك وانه بعيوني حلم
تدري حيدر أمناني وانته كدها والنعم
انه اخاف امن المصيبه بعدك ابقى بلا زلم
ويلي خويه لو عني رحت
ويلي احسبني ميته لامتت
اقنعني بالله ايعينج يا زينب وعد عينج
ماشي ماشي
..................................
كلها زينب كومي اضمج بين كلبي والصدر
حتى سهم اليفت جبدي خويه منج يعتذر
سهم المثلث اجاني يوكف الخدرج ستر
حتى من يسيل دمي يطمئن كلب الشمر
زينب كومي وشدي العزم
زينب الكافل انه والنعم
كلهم فده سبعينج يا زينب وعد عينج
ماشي ماشي
........................................
خويه عباس اعله فكدك ما يضل عندي كلب
انته روحي وانه روحك تدري الموادع صعب
خويه خليني بمكاني ويني اوين الحرب
اليعيش اليتم مره ريته تتنفس غصب
زينب لو صدك والله ستر
زينب كافلج يفدي النحر
بس أشري بيدينج يا زينب وعد عينج
ماشي ماشي
........................................
زينب ادري الفركه صعبه ويصعب اعليج السبي
وادري باجر من اودعج ينكسر كلب النبي
عالشريعه لو اجيتي جيبي وياج العبي
حتى اشم ريحه رقيه من اكول اتقربي
زينب ادري ما ينفع عذر
زينب ديري بالج باليسر
وياج راسي ايعينج يا زينب وعد عينج
ماشي ماشي
..................................
خادم خدمة الحسين
الشاعر
محمد الموالي

الامام الحسين ((ع
يكلم ابي الفضل ع


وينـه الـگـه مثلك اخـو بـالشـده يلزم ظهر
بصدري حـافر فرس وبـخـدي حـافـر نهـر

أتـخـيلـت حـالي * من تمشي يـالغـالـي
*----------------*--------------*

راح اقـصـلـك قـصـتي وتتـألـم ادري
يـنـجـهـل كلشي بـغيابـك حتـه قدري
يـقبـض الظالم لحيتي ويرقـه صدري
يسحب الخنجر اشوفه وقصده نحري

اتـمنه ذاك الـوكت تحضـر الي بصـارمك
عـباس هـذا الحـچـي اعـذرني اذا ألّمك

لكــن أجـه بـالي * من تمشي يـالغالـي
*-----------------*--------------*

اتـخيـل الـحـال بـوداعـك هـذا واكثر
تـسـحـگ اخيـول الاعـادي وبيـه تعثر
جسمي بـالحـومـة ايـتـوزّع كله ينـثر
ضامي والـمـاي بـجواري چـنـه كـوثـر

موقصدي اجرحك ابـد بس ريّحت ضامـري
لـوانـتـه يـمي تضـل مـحـد وصـل منحـري

يـبقـه الظهـر خالي * من تـمشي يـالغالـي
*-----------------*---------------*

چـنـي اشــاهـد لـلـعليـل وبـيـة حـايـر
تخيليت الحـالـي خويه اوصـال صايـر
وشـوفـي لليـمـشـن سابـيـه يبقى دايـر
صـعبـه يالكـافـل يشـوفـن راسي ساير

راسي وي راس الـرمح وگبـالي زينب اصد
معناهه امـوتـن انه بـالـفـركـه هـذا القصد

تـتگـطع اوصـالي* من تمشي يـالغالـي
*------------------*---------------*

ريّحت گلبي وحـچيت أهمومي يـمـك
خـويـه سـاعـات واصـدن جـاري دمك
مـثلـي بسـيوف أيتگـطع كله جسـمك
يـجـرح اوداعـك يغـالي فـدوه لسـمـك

تصعب عـلـي فـرگـتك للفـرگـه يحلـه الحچي
ما يكفي يا ابـو الفضل هـذا الـدمـع والحچي

شيضمّـده دلالـي * من تمشي يـالغالـي
*-----------------*-------------*

يــاخـذك مـنـي زمـانـي الـبـي اريـدك
وگبلي بالحومه عـدوي أيگص وريـدك
تصـعب الـحـاله عـليه بگـطـعـت ايـدك
تمشي وبـيـن الاعـادي يضل عضيـدك

مـايسـوه هـذه العمـر الـمـن اعيشن بـعـد
يـاخويه ضي نـاضـري انته وعليه ابتـعـد

تـتـغـيّب امـالـي * من تمشي يـالغالـي
*---------------*--------------*

صعـبـه عـبـاس بصفاتك الگـه ثـانـي
گبلك اتـمــنه أيتگـطّـع جسـمي انـي
تبـقـه شـمـعت ناظـري وزهرة زمـاني
وأنتـه درعي البشـدايـد وانتـه امـانـي

الـهذا الوگت رايدّك لعيوني تصبح ضوه
يجـرحني حيـل الهجـر انته الـيه الـهـوه

دمـعـاتـي تـحلالي*** من تمشي يـالغالـي
*----------------*-------------*
✍خادم الحسين ع
الشاعر رعد الجريخي
٠

قصيده بحق العليله //ع


حـــايـــره وظــلــت وحــيــده ابـــدارهــه وكــربــلـه انـگـطـعـت عـلـيـهـه اخـبـارهـه

************
يـــوم شـال حـسـيـن وانـوه اعـلـه الرحيل
مـضـعـن الـطـف كـربـلـه بـامـر الـجـلـيل
مــا درت تـالـي يــخــلــيــهــه ويــشــيــل

بــگــت تــتــســلــه ابــمـرضـهـه ونارهه
************

حـسـيـن شـوف الــعــيــن چـيـف اتـودعه
الـبـسـمـه صـارت نـار بـيـهــه امـوزعــه
والــمــصــايــب بـوب كــلــهــه امشرعـه

وكـــل بــنــات الــنــايــبــه خــطــارهــــه
************

گــطــعــت الـظـنـه وبــعـد عـنهـه الضعـن
ومرعه صارت روحـهـه الـحـلـك الـمـحـن
ســم الــمــوادع واهــي چــبــد الــحــسـن

والـــوداع آهـــات طــــش بـــكـــتـــارهه
************

ظــلــت ابـــرجـــوة امـــل مــا يــنــگـطـع
ويـسـعـر الـــدلال چـــن خـــيـــط الـشـمع
ســـلـــوه مـا ظـل الـهـه بـس مـجره الدمع

وغـــرگـــت ابــفــيــض المـقـل وانهارهه
************

ريــشــه صـارت والـمـصـايـب عـاصـفـه
والــجــرح بــالــروح يــدي ومـــاشــفــــه
وبــالــدلـيـل انـغـمـدت اســيــوف الـجـفــه

لــحــد مــا عــرفـــت جـمـيـع أســرارهــه
************

هـــا الــيــوم الــضــعــن هــا بـاچـر يعـود
ومــا درت بــحــســيــن والــيــته الحشـود
والــگــمــر عــبــاس مـگـطـوع الــزنـــود

وغـــابـت ابــوادي الــطــفــوف انـوارهـه
************

يــالــعـلـيـلـه اشـلـون نــوصـف حـالـتـــچ
وچـيــف احـچـي خــاف اذوب مـهـجـتـچ
مـا دريــتــي اشــلــون ســلــبــوا عـمـتـچ

وهــيــه قــطــب الـخـدر ربـنـه اخـتـارهه
************

خـــذوا لـلــشــام الــعــقــيــلــه ابـلا خــدر
ومـــن عـــگـــب عــبـاس يـحـديهه الشمر
وتــدخــل الـــديـــوان بــت فـــارس بـــدر

ويـــشــتــم الـطــاغــي ويـسـب كــرارهـه
************
✍خادم الحسين ع
الشاعر رعد الجريخي

ليلة علي الأكبر ع


بلا شعور..... احجي وي روحي ودمعتي تلالي بالعين
بلا شعور..... كمت اسئلنه ويردلي بدمعته حسين
كتله اله جيه الولد
كال مايرجع بعد
..................

راح الاكبر... يالله ياليله استعدي لنوايب
راح الاكبر...بعد متشوفينه راح اغله الحبايب

شدي حيلج لنياحه وزيدي الونين
بعد ياهو اليعتني يبوسج بالجبين
ضاله المن بالحياة المن تعيشين
راح نور اعيونج وماضن ترمشين

مايردلج... ايسي منه روحته صارت طويله
مايردلج...لاتضلين بامل كفي يليله
واني ويا عالوعد
كال مايرجع بعد
.............................

شنسه منه....وهوه بين ظلوعي عايش ماله طلعه
شنسه منه....اله امد ايدي اعله كلبي وحيل اشلعه

ذاك تعبي وسهر ليلي ماله حوبه
ما انامن اله اشمن ريح ثوبه
الام على حب الولد ماعدهه توبه
وهذا الاكبر ياحسين انسا صعوبه

بعيني صوره...جان من يطب عليه يضحك وياي
بعيني صوره...بالعكس صارت وتجري دموم عيناي
بكلبي خالد للابد
كال مايرجع بعد
........................

وين اروحن...اخلاف عينه جان مالي الدنيه فرحه
وين اروحن...إكرهت يومي واندعي لايطر صبحه

ارد اضلن نايمه وفكد احلامي
لئن مره شفته اجاني بعز منامي
كالي لشوفتج يمه والله ضامي
وحيل الج مشتاك يازهرة ايامي

شكد ادور...بالمنامات الاجتني ولا اشوفه
شكد ادور...هوه غاب وغابت ويا كل طيوفه
ابني بالدنيه زهد
كال مايرجع بعد
......................

بقن بيه...ذكريات هواي اله من اهد الطفوله
بقن بيه...كبر كل شبر بنذر يامحله طوله

حايره ومنكوبه شاه العقل والراي
منهو بعده يطب علي يتسامر وياي
وقف راح اكتب ييمه فوك عيناي
صبي مايج كله عالماضايك الماي

راح ضامي...ونحرم ماشرب من سر الحيات
راح ظامي...خله وسط كلوبنه نكبه الفرات
جمره ماتطفه ابد
كال مايرجع بعد
.....................

يمه يمه...ابد ماتتحمل الروح الاذيه
يمه يمه...ادعي ياربي اخذهه بكل مسيه

روحي ماريدنهه بعدك شلي بيهه
يالمشيت وماكدتهه من اديهه
امك انه وكلشي صار اضلم عليهه
تنطي وين الوجه بعدك ياوليه

ادعيلي يمه...هناك يم جدك حياتي صارت اضياع
ادعيلي يمه...كون عمري مايطول يخلص بساع
مشه يم جده صعد
كال مايرجع بعد
.................................

هاي هيه...خلصت ايام الفرح واصبحت حفنه
هاي هيه...روحي اذا طلعت جسدهه وين ادفنه

كون وياك بلحد واحد سويه
وايدي احطهه جوه راسك يالشفيه
هناك وتحس بالحنان الئلك بيه
ومااخلي يلوحك تراب الوطيه

حيل احظنك...يمه واستنشق انفاسك ريحه طيبه
حيل احظنك...لاتكول ابعدت عني امي الحبّيبه
من مصابك ماكو اشد
كال مايرجع بعد


محمد هادي العقابي

ليلة علي الأكبر ع شوط كربلائي


لاتبعد يماي العين وتخليني بحزاني
شو نايم على التربان ليش تعوف ذرعاني
....................

علي يايمه الي وياك عشره وكلهه حنيه
اصّبح بيك ياضنواي واكحل عيوني يوميه
بشوفت وجهك المهيوب جاليش اكطعت بيه

تخليني بحزن وباه
غيابك والله ما انساه
مرد گلبي تره واذاه

شلون اصبر يبعد الروح وانته الرابي بحضاني
......................

يالماخذ وياك الحيل اريد انه اندفن يمك
كل لحضه الك اشتاك ومن اشتاك اشتمك
يعافيتي ويلب احشاي اخضب شيبتي بدمك

ابيض غده اعليك الراس
وجسمي انحيل ماينجاس
انته الفخر والنوماس

صرت محنيه من الضيم غيابك هيجي خلاني
.......................

شفتك يمه بس هواي يالاكبر منخطف لونك
شّبيه المصطفى المختار هذا انته اليسمونك
احجي وياك بالدمعات ييمه دفتح اعيونك

لمك يبني ماحنيت
دمع بالعين ماخليت
عليك بكل الم ونيت

التفكد ولد كون اتموت من دنياهه شتاني
......................

بوجهك يبني ذاكه النور طافي ويابّسه الشفه
شريد احجي وشنوح اعليك والله مصيبتك كلفه
جسمك عل ثره مطروح ودم من كل كتر نزفه

شّتحمل يبعد الروح
ابني ومن اديه تروح
مطبر ياعلي ومذبوح

گلب امك عليك بنار يبني الما الك ثاني
.......................

سهّر اليل جان وياك يبني هواي يحلالي
يالاكبر اي وحك عيناك بيك انجمعت امالي
الزمن مابي رحم وياي خذاك من ايدي يالغالي

غاب النور من عيناي
صارت مضلمه دنياي
ابد ماتنحمل بلواي

مصيبه وداعك وجتال يالذكرك على الساني
......................

يبقه الهظم وسط الروح ماينسر إلي خاطر
بوّداعك الروح تحوم المن ضاله تناطر
علي يبني الدمع شيفيد لو ابجيلك الناضر

ماترجع بعد هيهات
گلب امك بموتك مات
وبالي مشتت بحسبات

وحسبت موتك اعله البال لتكول امي تنساني


محمد هادي العقابي