يالسوادك غاطي حتى اكلوبنه ... لاتظن اسود فقط بس ثوبنه
يامحرم ... يامحرم
.................................
بيك امامي انذبح ضامي ياشهر
وبيك ابو فاضل وكع يم النهر
وبيك بت حسين بس خدها انسطر
يامحرم ياشهر دمعه وقهر
شنعتب وبيك انذبح محبوبنه ... لاتظن اسود فقط بس ثوبنه
يامحرم ... يامحرم
.................................
يامحرم بيك جاسم عل التراب
ماتهنه بعرس واحلام الشباب
يامحرم رمله تجرع ياعذاب
يامحرم بيك جم لوعه ومصاب
بكل سطر دمعة حزن مكتوبنه ... لاتظن اسود فقط بس ثوبنه
يامحرم ... يامحرم
..........................
يامحرم بيك زينب عل الهزل
ولابكه من اخوانه واحد عدل
بيك زركه امتونه بسوط النذل
وبيك عبـــدالله رضع دم ونبـل
يامحرم بيك ظلمه ادروبنه ... لاتظن اسود فقط بس ثوبنه
يامحرم ... يامحرم
.............................
يا محرم بيك امـــامـــي ينسبي
وطول زينب بيك شافه الاجنبي
وتحترك الخيام بس تبقه العبي
ياشهر بيك انجرح كــلب النبي
عوف باب ام الحسن دك بوبنه ... لاتظن اسود فقط بس ثوبنه
يامحرم ... يامحرم
.................
يا محرم احنه مـــا بينه كسر
هيه مكسورة ضلع خد منسطر
خوفي ماتتحمل اتشوف الطهر
يامحرم مـن يحز نحره الشمر
بهيده لاتلجم جرح مطلوبنه ... لاتظن اسود فقط بس ثوبنه
يامحرم ... يامحرم



#الخادم ابو حسن الجعاري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ اقبل يابن فاطم ]*

أداء: الملا #محمد_باقر_الخاقاني
كلمات: الشاعر #علي_كاطع_البهادلي
ذاكر: سيد مهدي البكاء

https://youtu.be/DWtvj4D6TRg

مجالس شهر ذو الحجة لسنة 1441 هـ - 2020 م
ليالي استقبال شهر محرم الحرام لسنة 1442 هجرية
عزاء موكب حامل اللواء عليه السلام - العراق - بغداد

مونتاج وتنفيذ ومكساج: اعلام الهيئة
النشر الشبكي: علاء بركات العاملي

اللحن

بدن يتوادعن. بعد مايلتقن
رقيه وفاطمه. بعدمايلتقن

شلون وداع بين اثنين لمن صار
وحده وي الضعن وحده تظل باالدار
رقيه وفاطمه وعله الوداع ازغار
نار فراگهن اي نار أشد من نار
بچن وتشابگن. بعد مايلتقن

العليله بكل الم وتعيش وحدتها
ورقيه تصير برض الشام دفنتها
هاي الدمعه والأهات حصتها
وذيچ اتاني نار الخيمه چويتها
عمت عين الزمن. بعد مايلتقن

اول مره هذا الموقف يمرهن
من يتوادعن وحسين ينظرهن
وزينب گاعده يمهن تصبرهن
مره تلومهن بس مره تعذرهن
بچت لمن بچن ٠٠ بعدمايلتقن

العليله اتگل لختها شلون حاچيني
شمسويه وأبوي أهنا يخليني
بعد عبدالله رايح مايناغيني
بكل مغرب اريدچ يمه ذكريني
اذا راح الضعن. بعدمايلتقن

رقيه اتگلها يختى تحرسچ الزهره
وعبدالله العزيز النبله تنتظره
اذكرچ من يلوع ويطلب الگطره!!
لوذكرچ اذا صاب السهم نحره!!!!
شجن يتبع شجن. بعدمايلتقن

شكبرها فاطمه دمعتها الي تهلها
معقوله الضعن مابيه مكان الها!!!!!
نزل ليها ابوها مدري شيگلها
حظنها وحيل ضل دمعاته يهملها
دموعه اشگدجرن. بعد مايلتقن
#سعدالعبودي
أهدي ثوابها الى روح والدتي


https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#لفى_عاشور_يبوصالح

لفى عاشور يغايبنه ولفت وياه حسرتنه
نحن للمجلس بكل حين وماكو غير دمعتنه

يبو صالح لفي عاشور نعظم أجرك ابهاليوم
بين بالسمه الهلال يابوصالح يهل ادموم
وقميص حسين بالاكوان نشوفه والگلب مالوم
بثارات الشهيد حسين تصدح دوم صرختنه

نعزيك بمصاب حسين ونلطم عالصدر بالحيل
شكثر صعبه يبو صالح لو جلجل علينه الليل
لا مجلس نحضرنه ماغير الدموع تسيل
ما بين الضلوع النار وتسعر بينه جمرتنه


#أعظم_الله_اجوركم_يا_صاحب_الزمان

خادمة الزهراء /ليلى زغيب

*[ لا تخاف ]*

أداء: الملا #أحمد_الخيكاني
كلمات: الشاعر #محمد_البشير

https://youtu.be/miiqY5qtZhI

إحياء ليالي شهر ذي الحجة لسنة 1441 هـ - 2020 م
عزاء إستقبال شهر محرم الحرام لسنة 1442 هجرية
عزاء هيئة المسبية الشامخة - العراق - واسط

مونتاج: سيد كاظم الموسوي
مكساج: كرار الموالي
مخطوطة: مؤمل الرميثي
تنفيذ: وارث للانتاج الحسيني
النشر الشبكي: علاء بركات العاملي

الحساب الاعلامي الرسمي
لسماحة السيد علي الطالقاني
الإنسانية الإسلامية
https://tttttt.me/joinchat/AAAAAD7frnQJBFrXLmsbNg

قصيدة الخدم لاستقبال محرم الحرام

**********************
ضاملك عين ودمع ،، كسرة ضلع
حرگت سنه
رايدك تشفع ألي ،،، انته وعلي
بحماك أنه
يا حسيييين ،،، يا حسييييين

**********************

بعيني ضميت البواچي واحسب اليوم الدمع
انتظرتك يا محرم ظلمه واتاني الشمع
انته صاير اهلي انته ولمة اخوان وربع
انته احچيلي اعله زينب وانه انعه واستمع

وين ما عندك بچي ،، عوف الحچي ،، جيب اللطم
بيه حرگه الما طفت ،، علغربت
شبعت هضم

يا حسييييين ،،، يا حسييييييين

********************

هيه شتفيد النواظر هوه شيفيد الهوى
دنيا ما بيها محرم والله دنيا بلا ضوى
يا محرم يلي بيك اثنين ما رهمن سوى
الدمعه والراحه وعجيبه المرض وياه الدوه

ريت كون بمجلسك ،، واتنفسك ،، وجه الصبح
واسجد گبالك ألم ،، عين وسهم ،، راس برمح

يا حسيييييين ،،،، يا حسيييييين

*********************


وانتهيت من البدايه ويا بدايه وكلشي نار
الدمعه بعيون العليله الصارت لزينب مزار
مسلم ولوعة حميدة اليتمت حتى الخضار
ودار ظلت بالمدينه وبعد ما تتسمى دار

شباقي بيهه بلا اهل ،، هذا الحصل ،، راحو تره
يا حزينه وصابره ،، يا حايره ،، يمرمره

يا حسيييييين ،،،، يا حسييييين

***********************


يا مجالسنه ودمعنه المنهه ما نبعد ابد
حسين يا حبنه وسندنه واغله حتى من الولد
بعد خلي الحرگه بيه يا بو فاضل اي بعد
عمت عيني اختك سبوهه وراسك انصاب بعمد

شلون اطلع حرگتي ،، ياحيرتي ،، مات الگمر
زينب بنص الغرب ،،، هاي الحرب ،، هذا الدهر

يا حسييييين ،،،، يا حسيييييييسن

*********************


حسين بس ايام حزنك باقي الايام انتهن
تبقى دمعاتي اعله نحرك ذني اغله من الوطن
علحرم لوعة بدليلي علهزل من غربن
يا شفيع بيوم موتي وعلي يشفع والحسن

بگبري انطر جيتك ،، ومروتك ،، ظلمه الگبر
بيه ريحة مرقدك ،، وهم والدك ،، اطيب عطر

يا حسييييين ،،،،، يا حسييييين


كلمات خادم الحسين
#رعد الفريجي
1442 للهجرة

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

فیدیو قصیدة آه يا طف كربله شسويتي

أداء الرادود المخلص سيد محمد الحسیني

كلمات الأقل ناصرآلبوعبید
27 محرم 1441 ه ق

إيران المحمره حي ارش مسجد الجوادين عليهم السلام
https://telegram.me/joinchat/BeLJET13kEqR1qtCqrWI7w

هلِّ هْلاله العاشور
يبن الزهره مأجور

يالمهدي يالممدوح
جانه ، هِلال النوح

جانه محرم 2

*

محرم مصحف الاسلام معناته
مصاب حسین جدک جملة آياته
يمهدي بكل فجر تتلي انت صفحاته
تبچي دموم لحسين و مُعاناته

تله جبريل. الك ترتيل
دموعه تسيل. بتلاواته

و انت بچفک فقّار
یقره الندبه للثار

ينعي نعي المجروح
جانه ، هِلال النوح

جانه محرم 2

*

الک جبریل یتلي دموعه همّاله
شهر عاشور بیّن بالسمه هلاله
اویلي حسين ينظر حسره لعياله
يدري الخيل راح اتسحّگ اطفاله


بَعَد ایّام. یون الاسلام
عله الایتام. و عله احواله

کم یوم و راح الدین
یلبس اسود لحسین

یبدي ابحزن ملموح
جانه ، هِلال النوح

جانه محرم 2

*

يمن فجر و مسه دم دمعك اتسيله
عاشور الحزن طيّر ابابيله
مثل هالليله بانت حيرة العيله
هالليله الحسين الزهره تنعيله

بضلع مدموم تحن و تلوم
هلال الشوم بده الليله

ویّاها ایون لِهلال
کل دمعه ابدم تنسال

دمّ الدمع مسفوح
جانه ، هِلال النوح

جانه محرم 2

*


المحرم جانه و ايذكّرنه بالواقع
گلب زینب بعد ایام یتفاجع
تشاهد من یجیهه حسین یتوادع
رقيه بكل دموعه ابعبره تتلامع

دمع مشتاق. مْنَ ارض العراق
هجر و فراق و لا راجع

و ايضربون ایتامه
و یحرگون اخیامه

ریح الحریق ایفوح
جانه ، هِلال النوح

جانه محرم 2

*

لون جبریل یوصل مصرع العباس
زینب من گبرهه و تنحب اباحساس
تنادي چفوف اخوي البيهه عطر الياس
تِبَتْرن حتى خيط حجابي لا ينجاس

گِطَع لچفوف لواه ملفوف
غده مخسوف. اویلي الراس

و النبله بجفونه
شابح صوبي عيونه

كتر النهر مطروح
جانه ، هِلال النوح

جانه محرم 2

*

الك جبریل یتلي و يقره بالمصحف
كئن رادود ينعيلك مصاب الطف
كل ما يلفظ اسم حسين يتراجف
لئن الزهره يسمعها بحزن تلهف

تون ويلاه. يالحسين آه
بْعطش يماه. وريدك جف

يبني يابوالاكبر
ضامي و دامي المنحر

و من الغفى مذبوح
جانه ، هِلال النوح

جانه محرم 2

*

خادم خدمة الحسين عليه السلام
ناصرآلبوعبید
https://tttttt.me/joinchat/AAAAAD13kEr7ZOeaqrWI7w

نمت چنك ورد
عبد يمه عبد
...............
نحر فضه ومعانيك گمر ينزف ضوه
بزر حظني وعذر حطلي منغار امن الهوى
ابن اول عشگ عندي بدللولك دوه
اناغيك وتسامرني گبل نسهر سوه
وفرغ هسه المهد ....... عبد يمه عبد
...............................
يبو عيون اليصدلهن يصلي اعله النبي
سواد عيونك الحلوه يجي بلون العبي
زغير وماوصل عمرك سواليف الحبي
اناغيمن بعد وانسه اشثگل ليل السبي
بدللول للولد ...... عبد يمه عبد
................................
يفانوس الكسر ظلمه وترس عين الخيم
رگبتك للشبگ والشم لچن محد فهم
لگاك انته اعله گد طوله وتعناك السهم
بلا ضحكاتك اسنيني احس بيهن عدم
الحظن بعدك برد ...... عبد يمه عبد
..............................
يشمامة ابوك انته وردن وكت الدمع
يبزر الگعده المدلل ذبت چنك شمع
هضمته بچلمة ال (بابا) يحبه وماسمع
دواي احچايه ال (يمه ) التنسيني الوجع
شسولفلك بعد ...... عبد يمه عبد
.................................
#واثق التميمي
٦/٨/٢٠٢٠

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

((أفتتاح مجلس ))


الأمان الأمان سيدي مهدي الزمان


سيــدي ضاگــت علينه وكلشي يــنحــل باأديك
تفزعلـــنه ياابوصالح بالضلــع نــقــسم علــيك

الأمان الأمان سيدي مهدي الزمان

طلعــتــك هيه فرجنه وهالوباء بس لا يطول
والله مايعجب وضعنه وحرنه يامهدي شتگول

الأمان الأمان. سيدي مهدي الدمان


شعدنا غيرك يابو صالح ياحبيب الكل حبيب
إحنه غربه اليوم صرنه نحلفك بدم الغــريب

الأمان الأمان سيدي مهدي الزمان

داوي بجـروح اليحــبك لا طــول بالغــيــاب
ولمصاب حسين احضر ياعظم هذا المصاب

الأمان الأمان سيدي مهدي الزمان


ظلمه هاي الدنيه صارت والفجر كله بضواك
كل شخص حبك يمهدي منعصر گلبه ونخاك


الأمـــان الأمـــان سيدي مهدي الزمان


كل دعاء انصيح بااسمك نقترب ليك برجاء
ندري يالمهدي بظهورك مايـــظــل عدنا وباء

الأمان الأمان سيدي مهدي الزمان

#حيدر العماري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

نزله .. للأنصار ع


وي اخوچ انعــاهــد - انطيح واحد واحـد وابــوفاضـــل قائــد - يابت علي


احنه كضينه الشوارب والعدو كض الخواصـر
اصدور ديوان انخلـقنه وهمه تربات الحوافـر

انمـوت كـل ســاعه اذا زيـنـب تـريـد
انطيـح يمـهـا كل وريد ابصف وريـد
احنه عدنا حسيــن خـل عدهم يزيد
عدنا هـذا الـمـوت وي حسيــن عـيد


انموت وبدم بارد انطيح واحد واحـد وابــوفاضـــل قائــد - يابت علي



كلنه يم الخيمه اجينه اتجادحــن دم وعيـون
من سمعنه اتگول زينب خايـفه اعليها يجون

اگراب ماظـل خاف ترجعله السيوف
احنه اهــل الگـاع واحـــنه الـطفوف
اشلون زينب يمنه ويمر بـيها خـوف
احنه مخلوقيــن گــد هاي الــظروف


دمنه بالطف خالد انطيح واحد واحـد وابــوفاضـــل قائــد - يابت علي



خيـلـنه تسـوه زلمـهم من تـهـد ماتـرضه ترجع
ارگابـهـم كضتهه اديـهم شافــو البـگـرابه يلمـع

شافــو السيـف الأجـه ايريـد الرگـاب
كلـهـا مـثل التـســتـحي لفـو نــگــاب
الشيخ شايب بس ركض مثل الشباب
يهــد مــثل الريــح لـو لاگــــت تراب

روس يحصد رايد انطيح واحد واحـد وابــوفاضـــل قائــد - يابت علي



اليفحط ويسمعله عفيه من اخوزينب حيله رد
قبضت السيف عله چفه خاف تفلت شدهه شد

اگلاده خط المـوت ويـدور الرجـال
واحنه نـتزاود عله اوقــات القـتـال
جلمة ام عون اصبحت ثگل الجبال
انطـيـنه كلمه وما نـرد منـها محـال


ابدمنه نبقه انساند انطيح واحد واحـد وابــوفاضـــل قائــد - يابت علي



الشافنه من ابعـيد دنگ يـدري مانهـوه الـيذل
اندور الصعـبه الـثگـيله مو اگـدار وي السهـل

اندور الصعبت على امتون السـباع
الحرب سموهه بحر واحنه الشراع
ايموت بس ايعيش طاريه الشجاع
واحنه مادنـگنـه بس مـتنه علگـاع


عله المنايه انجاهد انطيح واحد واحـد وابــوفاضـــل قائــد - يابت علي

#لـ حيدر العماري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

▪️▪️▪️▪️▪️▪️▪️▪️
#‏جديد_محرم_١٤٤٢هج🏴
#قصيدة نثريه بعنوان (شهر القربان )
▪️▪️▪️▪️▪️▪️▪️

گبل لا يطلَع اهلَالك يل مُحَرّمْ
شِفت لون السّوَاد اعله السمه خيّم

سألته ليش هذا السواد؟
گال الكون بليلة العاشر أظلم

الگمر غاب وسقط يم النهر
وعينه طفوهه بسهم

وجفوفه ظلت تلولح ترسل إشارات صوب المخيم

بيها نخوه وغيرة العباس وتگلهم ترى السقاي مايسلم

الجربه انترست بماي وگامت تهل دمعها اعله الزلم

بيوم شح عليهم الماي وهو مهر الزجيه أقسم قسم

ظل نهر الفرات ينوح ويتلاطم مثل موج اصطلم

وحسين مذبوح النحر وخيول الأعوجيه عل صدر تلطم

وشباب اموسده فوگ التراب متخضبه بالدم

بجت حتى النجوم لان فقدت
من سربها اجم نجم

والملائك نشرت قميص للمذبوح
تعزي الزهره والنبي الأعظم

والسمه حمره غدت من شافت الزهره ليها جم ضلع انلجم

وأهتزت الأرض لهول المصيبه
لن الشمر يقطع بأوداج الشهم

وبأطفال ابو السجاد سوط الشمر وصل للعظم

وعليل وجامعه واهات ينوح عمره للابو والعم

واونات زينب أسمعها من يهل اهلال الألم

ونه تجر ونه وتصيح ماواحد من أهلي سلم

صوتي اللي ما واحد يسمعه صبح نغمه للحزن والهم

و خيالي الماواحد أبد شافه
صار فرجه للأجنبي اليشتم

وصارت زينب هي الكفيل
وصارت ام المصائب والهظم
▪️▪️▪️▪️▪️▪️▪️▪️
▪️تمت بأقلام خادمات الزهراء عليها السلام
✍الشاعرةزينب راضي الزيني
✍خادمة الزهراء ليلى زغيب
#في ليلة محرم الحرام ١٤٤٢هج الخميس
#وفاءاً_للحسين
▪️أعظم الله أجورنا وأجوركم


الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

لستُ أدري /يومَ حشري/هل أرى قرةَ عَينْ
بـيـضِّ اللهُّم وجـهي..عندما ألـقى الـحُسينْ

##
حـيـنـما يـعـلـو نــداءٌ أيــنَ خُــداّم الـشـهيدْ
ربِّ قـرّبـنِـي إلــيّـهِ لا يَــكُـنْ اســمـي بـعـيدْ
لا تـذرني ربِّ فـرداً خـاسئَ الـطرفِ وحـيدْ
بـيـضِّ اللهُّم وجـهي عـندما ألـقى الـحسينْ

##
أدعّــي الـحـبَّ و قـلـبي شـاهدي لـو أدّعـي
إنـنـي أفـنـيتُ فــي حــبِ حـسينٍ مَـدمعي
فـــإذا أُبـعِـدتُ عـنـهُ أيــنَ يـنـأى مـوضـعي
بـيـضِّ اللهُّم وجـهي عـندما ألـقى الـحسين

##
أنــا مـحـسوبٌ عـلـيهِ ، عـبدهُ وابـنُ الـعبيدْ
خـادماً أسـميتُ نـفسي مـنذُ أنْ كـنتُ ولـيدْ
ولــقـد كـــانَ دعــائـي مـثـلَ قــرآنٍ مـجـيدْ
بـيـضِّ اللهُّم وجـهي عـندما ألـقى الـحسين

##

يـوم يـدعو الـناسَ فـي الحشرِ آلهُ العالمين
هـل سـأُدْعَى بـحسين ٍوكـتابي فـي اليمين
فــإذا جـئـت إلـيـهِ.. مِــلءُ دمـعـاتي حـنينْ
بـيـضِّ اللهُّم وجـهي عـندما ألـقى الـحسين

##

إنْ أنــا قـصرّتُ يـوماً أو تـجازوتُ الـحدودْ
أو وعـدتُ الـسبطَ وعداً ثم أخلفتُ الوعودْ
فــكـريـمٌ يــآلـهـي أنــــتَ بـالـعـفـو تــجــودْ
بـيـضِّ اللهُّم وجـهي عـندما ألـقى الـحسين

##

أتــرى مــولاي راضٍ؟؟ فـازَ مـن نـالَ رِضـاه
أنــا طـيـرٌ و جـناحي قـد تـرّبى فـي فـضاه
و مـتـى يـقـضي فـإنـي أبــدا رهــنُ قـضـاهْ
بـيـضِّ اللهُّم وجـهي عـندما ألـقى الـحسين

##

لـيـسَ لــي غـيـرَ حـسـينٍ وطـنٌ فـيه أُقـيمْ
لـستُ أُشْـفَى مِـن هـواهُ فـليسمّوني سـقيمْ
كـلـما ضـعـت أرى الـحب صـراطاً مـستقيم
بـيـضِّ اللهُّم وجـهي عـندما ألـقى الـحسين

##

سـوف آتـي الـحشرَ والـدمعةُ مـا بـين يَدَيْ
لـيسَ عـندي يـا آلـهي غـيرَ دمـعي أيُّ شَـيْ
إن مــن مـاتَ عـلى حـبِ حـسينٍ لـهو حَـيْ
بـيـضِّ اللهُّم وجـهي عـندما ألـقى الـحسين


#رضا دوريش

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*لطمية/ لسان حال مولاتنا الزهراء ع وارض كربلاء/*
*أويلاه يا كربله⁴*

الزهره الزچيه لاطمه
ودمعتها عالخد ساجمه
تواسيها املاك السمه
تون وتنوحن معوله
*أويلاه يا كربله⁴*
〰️〰️〰️〰️
تنحب وتهلن للدمع
وتلزم منها كسر الضلع
منهو لونّتها يستمع
يواسيها بدمعه سايله
*أويلاه يا كربله⁴*
〰️〰️〰️〰️
تون وتنوح ام الحسن
تنظر ابنها بلا دفن
وهدومه مسلبه والكفن
وتنادي آياكربله
〰️〰️〰️〰️
تبچي الغريب على الثره
واويلاه حزوا منحره
تلطم والدمعه منثره
ومن المصايب ناحله
*أويلاه يا كربله⁴*
〰️〰️〰️〰️
آيبني معفّر عالترب
بالحومه ثوبه منسلب
شفتك واتفتّت هالگلب
ومن اجتني كربله
*أويلاه يا كربله⁴*
〰️〰️〰️〰️
راسك يبني فوق الرمح
وجسمك عفير ومنطرح
شفتك مرمي بعد الذبح
عالغبره جثة مرمّله
*أويلاه يا كربله⁴*
خادمة آل محمد✍🏻

ياحسين ..... ياحسين
ياحسين ..... ياحسين

تصير ابلا محرم وحشه ديرتنه
وبلا لطم ومجالس شنهي عيشتنه
نعشگك والعشگ صار اعله فطرتنه
تغير چم وكت واحنه اعله حطتنه
..............................
امس امي شفتهه اتحاچي المرايه
شفتهه ابلايه شيله امعصبه برايه
گلت يمه اشحصلچ گالت احچايه
خفت ماسوي يمه بهالسنه اقرايه
............................
عليك اسود لبست وحشمت عيني
اجه شهر الحسين ولا اتفشليني
يعيني امن البواچي افديوه خليني
افيضن بالدمع وانشغ على احسيني
..................................
يلو ترهم چفوفي امنيتي اسويهه
مثل ذيچ الحوافز حته ادگ بيهه
واسوي ضلوعي ماي وليك ابديهه
احب لون الزراگ ايبين اعليهه
.........................
وحگ ذيچ التراچي وبنتك ارقيه
شهرك من يمرنه ابكل لياليه
فلا واحد يلبس بنته ترچيه
وتدري انته عزيزه اتصير البنيه


#واثق التميمي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*الليلة الأولى من محرم1442*
*عزاء الامام الحجة عج*
آيمهدي… انت وين بهالمسيه
آيمهدي… خل نواسيك بعزيه
آيمهدي… عدنا دمعة زينبية
*سيدي ابا صالح جئنا في هذه الليلة نذرف الدموع كا زينب نواسي قلبك الجزوع بمصاب جدك المظلوم~*
يابو صالح… خل نعينك عالعزاء
يابو صالح… نبچي بدموع الولاء
يابو صالح… انت وين بكربلاء
ها دموعي… تجري لمصابي الغريب
ها دموعي… هلت لْشيبه الخضيب
ها دموعي… واستمع مني النحيب
*سيدي جئت لمواستك تقبل عزائي ها انا قد وقفت بباب خيمة عزاء ولكن تلك الخيمة سيدي اين تنصبها ولا من خيمة عزاء ولا حسينيات…*
مهدينه ناصب مأتمه في كربلاه وحده
يبچي اْلمرمّل بالدمه ويهل دمع خده
ناشر سواد مخيّمه وذاك العزا عنده
بعين البصيرة ينظره جسمه على التربان
*بأي حالة يرى جسد جده الحسين ع*
يشوف الطعن فوق الطعن ومن دمه يتخضّب
يشوف السهام بكل جرح وعالغبره يتقلّب
يسمع أنين ولوعته ويمه اجت زينب
بحيره وتِنِظْره عالترب ومنها الگلب لهفان
*واحسينا واحسينا واحسينا آه*
〰️〰️〰️〰️〰️
*بعد ماذا يرى امامك بعين البصيرة~*
يشوفه واتعناله الشمر بسيفه ويمّه يحوم
وزينب تنادي يا شمر لا تذبح المظلوم
ومن السمه غُبره اعتلت وشيبه انخضب بدموم
وتتقاطر دموم النحر حسين انذبح عطشان
خادمة آل محمد✍🏻