جاء في كتاب (مبعوث الإمام الحسين عليه السلام):
*كان مسلم بن عقيل مثل الأسد، وقد كان من قوته أنه يأخذ الرجل بيده فيرمي به فوق البيت:*

إنه سفير الإمام الحسين وتلميذ عمه أمير المؤمنين صلوات الله عليه، إنه:

*[ أسد الكوفة ]*

أداء: الملا #عمار_الكناني
كلمات: الشاعر #علي_عباس_الربيعاوي

https://youtu.be/EtNllJ4zwTQ

ليالي محرم الحرام لسنة 1441 هـ - 2019 م
ليلة شهادة موﻻنا مسلم بن عقيل عليه السلام
جامع ذو الفقار - العراق - بغداد

مونتاج وتنفيذ: حارث العكيلي
مكساج: علي شهاب
اخراج: محمد جاسم الساعدي
النشر الشبكي والتوزيع: علاء بركات العاملي - علي الفاطمي

*[ يا مرض يمنعنه ]*

أداء: الملا #علي_الوائلي_الكربلائي
كلمات: الشاعر #عبدالرحمن_السلامي

https://youtu.be/nUEiNGLkrTI

مجالس شهر ذي القعدة الحرام لسنة 1441 هـ - 2020 م
ليالي استشهاد مولانا باب المراد الإمام محمد الجواد صلوات الله عليه
حسينية قصر الزهراء عليها السلام - العراق - الكاظمية المقدسة

مونتاج: مصطفى العتابي
مكساج: كرار الموالي
مخطوطة: مؤمل الرميثي
إنتاج: قناة الشعائر
تنفيذ: الفضل للانتاج الحسيني
النشر الشبكي: علاء بركات العاملي

*اللهم ارزقنا زيارة الحسين ع* 🚩
امام زماننا عج حين يزور جده الحسين ع يطرق مسامعه نداء الحسين ع هل من ناصر ينصرنا فيلبي حين جده الحسين ع بهذا النداء *لبيك يا حسين*
ونحن سيدي متى هل ترانا سنلبي بهذا النداء بين الحرمين ونهتف *لبيك يا حسين* 3
*لبيك داعي الله*
سجل اسمي… انه زاير حضرتك
سجل اسمي… يا حسين لزيارتك
سجل اسمي… وخل طوافي بكعبتك
الليلة جمعة… روحي بالحضرة تطوف
الليلة جمعة… زاير لارض الطفوف
الليلة جمعة… بالصحن ابكي واطوف
روحي اخذها… يم المذبح الطاهر
روحي اخذها… يمك تبقى بالحاير
روحي اخذها… ابكي الظل بلا ناصر
ما اعوفك… وما نسيته مأتمك
ما اعوفك… تهل عيوني لمخيّمك
ما اعوفك… علينه جاي محرمك
يم ضريحك… محلى الگعدة يم بابك
يم ضريحك… اعفر وجهي بترابك
يم ضريحك… ابكي وانعى لمصابك
خادمة آل محمد✍🏻

#يـامهـدي
بكفّك يا ابو صالح العطايا اليوم. انثرها
بعهد والندبة ٱلك بيعة برقبتنا نبايعها
والعيديه عالشيعه بصبح العيد توزّعها
خدمة سيدي ومولاي بيدك انت وقّعها
خادمة آل محمد✍🏻

*أمنية وطلب من الامام الحجة عج صبيحة العيد* 😭
*يالمهدي عندي بس طلب حلم وإلي غايه ~/عرش الله طوفه بكربله واذكرني مولايَ ~/ يسجّلني زاير هالسنه اقصدله مشّايه ~/ بيوم اربعينه اعتني وبيدي ترف رايه ~*

خادمة آل محمد✍🏻

*عيدك دمع يا صاحب الزمان* 😭
عيدك دمع لا ما يهيد ومقدّر ومكتوب~
يالزاير طفوف الشهيد وعن البشر محجوب~
تنحب على گطع الوريد
بصحنه العزا منصوب~
يوميه عاشورك حزن وجفنك غدا مقروح
〰〰〰〰〰
لو ما وجدك عالارض صارت ألف نقمه
ولولا المجالس والدمع ما نعرف النعمه
ولولا الحسين وخيمته چا هلكت الأمّه
ادركنا يا مهدي العجل ورد لينا هاي الروح
〰〰〰〰〰
عدنا حوائج نندبك نريدك تسدّدنا
نطلب زيارة كربله ليها توفّقنا
سجّلنا يوم الاربعين وانت ترافقنا
عيديّه يابن الحسن ارزقنا مجالس نوح

خادمة آل محمد✍🏻

يلوح الغيم بالرايه يموت الموت لو جايه الفرات ايخاف ضل مايه
******************
فر الجيش والعباس من صوب الخيم جاي
ويم الماي كام ايصيح فنه اليوصل الماي
حكها الكاع مني اتخاف وتميل ويه ممشاي
شو جريت راك الماي والشط كله اجه وياي

تفر الخيل من يغضب يخلي السيف دم يشرب نفل ياحيد يمجرب
*****************
طب زعلان للميدان والطف دخله انذار
كام ايصول والعباس من يزعل يستار
ذب الخيل فوك الخيل نشمي وبالحرب حار
والقادات من شافو كلهم سووا فرار

نزل والكوم بجاها وتطير الروس خلاها كلبها وضاع منواها
****************
كلها بصوب والعباس من طب كربله بصوب
شد الحيل والوهواس ضل ياكل بالكلوب
شاطي الماي لعباس كالو ديه مطلوب
كلها اتصيح بينه اشلون سد اعلينه الدروب

عليهم كام يتبختر سحكها الخيل والعسكر صبغها الكاع لون احمر
********************




للميدان كام ايروح ويرد للصواوين
وبالعباس حكه اليوم كام ايزامط حسين
لمن صال مو بالسيف ضل يذبح باليدين
امن العباس هذا الجيش تيه يشرد امنين

تره العباس لو غيم يخلي الكاع تشرب دم عليهم كام يتقدم
**********************
عالرايات كشخت حيل راية صاحب الجود
نهر الموت من طب ليه طمه بروس الجنود
الغيره اتفور والعباس لازم ذيج الحدود
وين اتروح والوفاي طب امشرع الزنود

يوازي الغيم من يزعل تضل الخيل ما تندل يضل الموت يتوسل
********************
صار ازماط والعباس وسط المعركه ايصول
شد عالكوم واله اليوم اخذ كربله ايكول
ذل الجيش والشجعان رجفت والحجي ايطول
والعباس مو بس هاي شرد حته الخيول

حصدها وراد يمحيها الزلم والخيل يفنيها علي وبالسيف طب ليها
*********************
تمت
#تحسين الخفاجي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

محرررم 1442 هـ فاطمة العليلة .ع.

من موتي ليش خايف علية
خليني اموت واترك رقية
خذ روحي خذ روحي
وخليني اموت واترك رقية

ياللي نويت ابسفرتك . ماخذ بديك ابنيتك
هاي العزيزة والدي . خليها بويه ابداعتك
خايف علية او ماخفت . توگع رقية اعله الطشت
واتموت اخيتي اعله النحر . واعليها زينب تلتفت

على بختك يبويه دَمعت عيني
صعود ارقية عالناگه يبچيني
زغيره اهوايه هالطفلة دحاچيني
أروح ابدال اخيتي بويه خليني

خلي تعيش هذي طلبتي
ما تمشي اريد لطف اخيتي
خليهـــا خليهـــا
اهنا يالحنين والزم إدية
______________
امحلفتك ابداعة هلك . إترك رقية ابمنزلك
ماريدن اسمع يالأبو . ماتت رقية اتصد الك
آنه احتمل ضيم السفر . وذيچ السياط اعله الظهر
ماتحتملها ارقيتك . اتشوف الچفوف اعله النهر

عزيز اعليها عمها ويصعب اتشوفه
على وجهه يطيح او گطعوا اچفوفه
ولا متعودة طايح عمها واتعوفـــه
تمر گدامه فوگ الناگه مچتــــوفه

خليني اعيش طفك حبيبي
ابدال اختي هاي وآخذ نصيبي
مرتاحه مرتاحه
خليها روح ابداع الزچية
_____________
مو مالت اشموس او تعب . او تمشي اعله شوك او عاللهب
بنتك يبويه امدللـة . المفروض تمشي اعله الذهب
تدري ابجسمها اشگد ترف . خافن تروح او تنچتف
كلما أصد اعليها اون . واعيوني تنظرها او ترف

ولا خفت اعله روحي او خايفه اعليها
أخافن بالعدو ياخذ تراچيهــــــــــــا
إذا طحت انته ياهو اليلزم ايديها
الشمر يبقى يعت بيها او يأذيها

خليني اموت بالطف يغالي
وخلي تعيش بنتك بدالي
اترجيتك اترجيتك
تاخذني كون وخليها هيه
________________
خل تحتمل ظيم الهجر . ولا تحتمل ظيم الشمر
ما تحتمل نوم الفله . او لا ركضه يحسين الظهر
ما ريدن اسمع عالجمر . تزحف رقية تنجبر
خوفي عليها تنصدم . لمن يرد خالي المهر

صعب يابويه بنتك حادي يضربها
او صهيل الخيل يابو اليمه يرعبها
إذا عطشت منو مايك يشربهـــــــا
الشمر يركض وراها اشگد يتعبها

الهاي الجروح آنه استعديت
خليني اموت او ما ابقى بالبيت
ناديتك . ناديتك
وياك اروح للغاضرية
_____________
خلي يبويه الطف الي . واترك رقية ابمنزلي
مشتاگه اموتن بالخيم . واوگع مثل وگعة علي
أركض يبويه اويه الحرم . او خل تنچوي هاي الجدم
يم الرضيع اوگع انه . واحظن معاه ذاكى السهم

انه ابليل اهدعش وي زينب الحره
يبويه خنصرك بين الثرى اندوره
ندور اطفالك الضيعوهم ابصحره
يبويه او چم كسر بضلوعك انجبره

خليني ثوب بليل اغطيك
واعليك انوح واگعد واحاچيك
بالحومه . بالحومه
وياك اموت بلكت سوية

#حيدر الحلفي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

{(کن یکون) و قدرة الله قدرتک یاباالفضل}

(کن یکون) و قدرة الله قدرتک یاباالفضل
کل صعب لمن نگصدک یصبح بإذنک سهل

۱/عد جنابک جیت خایف و اطلب ببابک امان
خاف قافلة الزیارة بیها ما الگی مچان
جیت یا عباس یمک حاجتي (ازیارة) و ضمان
منک انته بس اریده و خوف الابگلبي ایعدل

٢/يا گمر کل عام نگصد بالمحرم للطفوف
اتعودینا اعلی الزیارة ما بعد بینا نعوف
نحيی عاعتاب القداسة و لمّن الگبة نشوف
و لو بعدنا بسيف حرگة یا بو فاضل ننچتل

٣/یا مجرب و النوازل عندک اسهل کل أمر
خذني لارض الغاضرية گرب من عدنا الشهر
یا گمر بالزهرة احلفک لا تردني منکسر
اقضیها متعود اعلی خیرک مثل کل مرة قبل

٤/خاطر رقیة التحبها خاطري لا تکسره
مرادي من عندک اریده یالیباس اتخضّره
قنطره و ما بیّه اعبر و انته سبع القنطره
فراگ الحسین ابمحرم ابد ما بیه ینحمل

*الموفق احمد علي الدر*

#قصيدة_نزله
#لشجاعة_مسلم ع


-- حيّو مسلم ===== حيّو مسلم
_____________________________________
حيّو قاموس الزلم ،
يا هلا بطول النجم
مسلم الزلمه الشهم == هلا والله
منطي للموت اضهَره ،
بينه مابينه اشعره ،
وتچوي خزرة ناضره == هلا والله

تهوس ام عصابه == وما اتفض الطلابه
-- حيّو مسلم ===== حيّو مسلم
_____________________________________
عالدرج حط مگبره ، ،
وطوعه كضت مبخره ،
وسيفه يكتب ما جره ، == هلا والله
بشذرت المحبس ضوه
توارد بوجهه سوه ،
حيّو خناگ الهوه ، == هلا والله ، ،

مستقيم الحاجب == اربات حيدر غاضب
-- حيّو مسلم ===== حيّو مسلم
_____________________________________
يا سليل المرجلة
يا رسالة كربله ،
معدل ابن معدله == هلا والله ،
غابش وحاچه النده
وطش شراره للعده ،
يابو ضربه امسدده ، == هلا والله

ادخيل سبع الكوفه == بصايته المعروفه
-- حيّو مسلم ===== حيّو مسلم
_____________________________________
يا نسر حَط ع القصر ،
يگدر وما ينگدر ، ، ،
يا محطه لچم عمر == هلا والله ، ،
نخله وتفرفح رطب ،
شايل عيون الغضب ،
لموگده حطهم حطب ، == هلا والله ، ،

يا احروف الغيمه == يا اربات الشيمه
-- حيّو مسلم ===== حيّو مسلم
_____________________________________
هد عجيد الموزمه ، ،
هد كتاب الملحمه ،
بعينه نامت چم سمه ، == هلا والله ،
وبو طاهر للزلم ، ،
حَط قوانين العِلم
ضاوي يا صيت النجم ، == هلا والله ،

- هد عجيد الصوله == زلمه يرهب طوله
-- حيّو مسلم ===== حيّو مسلم
_____________________________________

#- علي مهدي المالكي ،


#اللحن ، ، 👇👇
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء