خدام الإمام الحسين(ع)🚩 قصائد و مجالس
6.4K subscribers
610 photos
655 videos
519 files
17.8K links
قناة خـدام الامـام الحسـين (ع) لخدمة خدام المنبر الحسيني الشريف.🚩 لنشر القصائد والمراثي والمجالس الحسينية والومضات الشعرية كتابة 📝صوت 🎤 فديو📹 أوديو📀 …خطباء~ شعراء ~ رواديد~ خدام حسينيين بخدمتكم 🚩لبيـك يــ حســين ـــا
Download Telegram
Forwarded from الناشر مصطفى المياحي💔 (رعد الفريجي)
يليث الغاضريه يمه عباس
فده لبن الزجيه يمه عباس

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

يكافل هاي زينب يمه عباس
اسد حياه من طب يمه عباس
غضب علجيش يرهب يمه عباس
ونعم إبني المجرب يمه عباس


راواهه المنيه يمه عباس
يا ليث الغاظريه يمه عباس

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

بطل وربات حيدر يمه عباس
يبيك الطف تحير يمه عباس
عليك الزهره تنضر يمه عباس
ابد لتخلي منكر يمه عباس


جيب النصر أليه يمه عباس
ياليت الغاظريه يمه عباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

يافخر العشيره يمه عباس
عدوانك بحيره يمه عباس
لوعتهم چبيرة يمه عباس
يغيره ابطن غيرة يمه عباس

ما ظل جيش اميه يمه عباس
يليث الغاضرية يمه عباس

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

كوم انته الكفلهه يمه عباس
انته ألهه وتحلهه يمه عباس
وينه ألي وصلهه يمه عباس
بوجودك يا املهه يمه عباس


يبو روح الابيه يمه عباس
يا ليث الغاظريه يمه عباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

گمر هاشم وعرفك يمه عباس
ياهو ألي يردك يمه عباس
لويت الطف بجفك يمه عباس
يموت الوصل حدك يمه عباس

درع للهاشميه يمه عباس
ياليث الغاضريه يمه عباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

يطك وما يثني يمه عباس
وحك جفوفه ذني يمه عباس
ابد لاما جرحني يمه عباس
حنين اعليه وني يمه عباس

وصيتي بهل مسيه يمه عباس
يليث الغاضريه يمه عباس


لخادم الحسين
#حيدر ناجي الدراجي
1442 للهجرة
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء
كلُّ العزمِ الهادرِ فينا . من كفِّ العباس
في حاضِرنا وبماضِينا . من كفِّ العباس
جُودي ووجُودي
من ساقي الجُود ِ
صَبري وصمُودي
من كفِّ العباس

عهدُ الفداءِ من خيرِ ناصر ْ
جاءَ يُحاكي فيضَ المشاعرْ
لأخ ٍ مُحب ٍ قد صانَ نفساً
والختمُ نزفٌ في يوم عاشرْ
عهدٌ بالأحشاءِ تهَادى . كمسيرِ الأنفاس ْ
قد خُـطَّ بحرفٍ من نورٍ . من كف العباس
في سِفرِ الطيب ِ
يزهو كلـَـهيب ِ
وبنقشِ حبيب ِ
من كفِّ العباس

هذا ابنُ أم ٍ مُلئَـت يقينا
من كفِ رِجلٍ حتى الجَبينا
غَذّتهُ طِيبا من صدرِ نور ٍ
عشقاً لحق ٍ وهُدىً ودِينا
ربَّـتهُ على رفضِ الجور . وعَداءِ الأرجاسْ
وأتى تصديق ٌ للدَعوى . من كف العباس
أدّى وأجَـادا
عباس وزادا
ذَودا وجهادا
من كفِّ العباس

نبـع ٌ أصيلٌ كـف الوفاء ِ
يَسقي العَطاشا بلذيذِ ماءِ
فضلٌ عظيمٌ من ربِ جودٍ
جاءَ دواءاً من كل داء ِ
مازِلنا ننهَل ُ من نهرٍ . ضِفـتهُ الإحساسْ
نشرَبُ مايملؤُنا فخراً . من كف العباس
كرحيقِ زهورِ
بنـَقاء طُـهور ِ
يُسقى بسرورِ
من كفِّ العباس

سقطتْ كفوفٌ بتُراب طف ِ
فمشى حزيناً طوفانُ نزف ِ
وحسين يرنُو هولَ البلايا
قمرٌ تشضّى بجِوار ِ جُرف ِ
وعقيلةُ خدرٍ قد نادَت . ياقُدس الأقداسْ
هذا نورُ الله تسَامى . من كف العباس
سيَحِلُّ ظلامي
ويطولُ مقامي
في أرضِ الشامِ
من كفِّ العباس
**
درسٌ بلـيغٌ درسُ الكفيل ِ
منه انتَـهَلنا في كل جيل ِ
أنَّ الخُضوعَ موتٌ بطئ ٌ
ودربُ اليقينِ خيرُ السبيل ِ
ولهُ عهـدٌ أنـا نبقى . للمبـدأِ حُراس
ننهَلُ فكرَ العزةِ هذا . من كفِّ العباس
لن نضعُف يوما
وسنَـغلبُ هَمـَّا
وسنأخذُ عزما
من كفِّ العباس

================
لقمان لعيبي البدران
1442
https://telegram.me/lukmanalbadran
Forwarded from الناشر مصطفى المياحي💔 (احمد ماجد الكلابي)
قصيدة شور

عن لسان مولاي الحر

عطشتك آنه وانته ماي وبحقك شگد قصرت
كل عمري مو حر ياهواي بس من اجيتك حر صرت
فدوه اشتريني بمستحاي راكع عله اجدامك طحت

لو ما رحمتك ضاع العمر
وبگد حنانك جيت اعتذر
بس انته همي ومو همي أجر
بس انته همي ومو همي أجر

وشعندي عفته لخاطر عشرتك بالطف لگيتك گد الهله
قائد جنت بس لمن عرفتك كلشي نسيت بكربله
يا رخصه كلمن غالي بدونك عد ال اميه شعز حرمله

مولاي ابا عبدالله..........مولاي ابا عبدالله
..............................................
لكل لحظه بأيامي بجيت ولحظاتي بس يمك حلن
عايش غريب ومن اجيت حرت آنه بيك شجم وطن
كاطع طريقك بس لكيت حاسبني جاي ويه الضعن

لنحرك جنتله واگف سهم
شو عاملتني راعي العلم
شلون احسبتني امن اهل الخيم
شلون احسبتني امن اهل الخيم

أذيتك بكدما صافي كلبك وعثره جنتلك بالدرب
هم ناسي هم ما رايد أذكرك يلسولفتلي كله حب
وشكد هضمتك بس حسستني غالي اصير اعله الگلب

مولاي ابا عبدالله.........مولاي ابا عبدالله
...........................................
هسه اعرفت ليش الجنون هنياله عابس عالعشك
الحَب غيرك بگلبه يخون والحبك أميز الصدك
ابيض اشوفه بعيني جون واليحترگلك مامحترك

من الدنيا هاي آنه شحصلت
هنيالي لو تايب من وكت
جا من زمان بعينك همت
جا من زمان بعينك همت

حتى الله حاسب بيته خيمكم وسجل الك ارض وسمه
يم ال اميه بيدي الشريعه بس يمك شمحلى الضمه
وشكبره حظي امن اخدم رقيه وتعرفني امك فاطمه

مولاي ابا عبدالله......مولاي ابا عبدالله
............................................
أركض اجيتك منهم وانوح امن اجروحك ارد احظى بجرح
عندك أمانه بروحي روح وآنه اعلمودك جاي انذبح
قبلك اريد لرمحي اروح جي بيدي جايبلك رمح

شمحلاته راسي وابلا جسد
خاطر أوفي وياك الوعد
ومن هايه ما نتفارگ بعد
ومن هايه ما نتفارگ بعد

وين الگه واحد يشبهه دلالك انته اليعوفك يعني هلك
الله رحمني بنعمة نصرتك ويم الله اغله لو طحت الك
اعيالك حبيبي صح عطشتهم وبروحي اعوض رايد هلك

مولاي ابا عبدالله ......مولاي ابا عبدالله

#أحمد ماجد الكلابي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء
المنتظر وين بمجلس حسين

وگف بطراف العزاء
مو دمع يبچي دماء

بمجلس حسين
ا~~~~~~ا ١

حاظر المهدي ولا يترك عزاء
ابد ما ينسه مصايب كربلاء
دائماً باللطم يرجع للوراء
احترام الفاطمه خير النساء

إيشاهد آثار بيها بسمار

والضلع صعب الشفاء
مو دمع يبجي دماء

بمجلس حسين
ا~~~~~~ا ٢

المهدي حگه لو لطم بجفوفه حيل
ايشوف بالمجلس علي حامي الدخيل
بلا عمامه ودمه من راسه يسيل
يلطم ومن يلطم الدنيا تميل

ينحب الكون من يلطمون

وعرش خلّاق السماء
مو دمع يبجي دماء

بمجلس حسين
ا~~~~~~ا ٣

ولمّن الرادود بالونه يِزيد
راح يسمع صوت لكن من بعيد
يعني زينب حاظره وتگله عيد
ايشوفها المهدي وجروحه ماتهيد

زرگة المتون حمره العيون

من مصايب كربلاء
مو دمع يبجي دماء

بمجلس حسين
ا~~~~~~ا ٤

بالمجالس لو دمع احمر يسيل
هذا دمع عيون عباس الكفيل
كله غيره وسوّه دمعه المستحيل
يمشي وي دمعات زينب لا تميل

يبچي عباس مهشم الراس

ولمّن ايقدموله ماء
مو دمع يبجي دماء

بمجلس حسين
ا~~~~~~ا ٥

بالتعازي لو شفت طفله تنوح
يعني بالمأتم رقيه بلايه روح
والعلامه بالاذن عدها جروح 
ومنها ريحة حركَ المخيم تفوح

اتدور حسين بالعزه وين

ولمّن ايصير اللقاء
مو دمع يبجي دماء

بمجلس حسين
ا~~~~~~ا ٦

بالمجالس لو عِله صوت الانين
يعني جاي من السمه الروح الامين
وحظروا المأتم جميع المرسلين
يعزّون المهدي بمصاب الحسين

آه واويل داسته الخيل

بلا دفن ظل بالعراء
مو دمع يبجي دماء

بمجلس حسين

ا~~~~~~ا ٧

بالعزاء المهدي ينظر للقلوب
دير بالك يالذي عندك عيوب
فشله من المهدي لو شاف الذنوب
كون يم المنبر الليله تتوب

عمرك ايفوت جايك الموت

واليخاف من البلاء
مو دمع يبجي دماء

بمجلس حسين
ا~~~~~~ا ٨

مثل لمح البصر تتعده الحياة 
شگد حلو لو باللطم صار الممات
جفوفك ابضرب الصدر متوسمات
حتى عزرائيل يضمنلك نجاة

بصدرك آثار ماتطب نار

اليفرح بيوم الجزاء
مو دمع يبجي دماء

بمجلس حسين


الشاعر #مصطفى_الشافعي
أوصيكم وصيه       لو جتني المنيه
اريد بثوب عاشوري تدفنوني

ا~~~~~~ا ١

كَضت ايامي كلها وموتي هذا الجاي
تراب المكَبره خايف يضك اعضاي
ثوب اللطم ردته بالكَبر وياي
مثل عبات زينب بي سواد هواي

اذا تحت الوطيه      بثوب الغاضريه
احترام الهدمي والاسود مايعذبوني

ا~~~~~~ا ٢

متقل المجالس لاهناك تزود 
بعد الموت يصعد شاعر ورادود
حمزه وكاظم وعبدالرضا وعبود
وبالمأتم حسين انشاهده موجود

بجفوفه يضمنه     ويشاهد لطمنه
ويصيح بياذنب ياشيعه ذبحوني

ا~~~~~~ا ٣

بعد الموت نبني شكَد حسينيات
وبسابع سمه شمحلاها القرايات
يم العرش تحظر تلطم الهيئات
هنياله الذي بالثوب الاسود مات

وبكل الكواكب      ننصبها المواكب
ويصيح الكَمر ريت اسود صبح لوني

ا~~~~~~ا ٤

لان مجلس ابنها وباقيه اتدوره
بعد الموت لازم تحظر الزهره
تنوح ويانه رغم الظلع والسطره
وبديها عله السراط الخادم اتعبره

اليلطم بالمجالس    اله الزهراء حارس
تحظر بالعزه وتكَول عِينوني

ا~~~~~~ا ٥

احذرك يالموالي واسمع التحذير
إلّطُم موشرط بول الصف اتصير
المجلس خيمة الله وكله رحمه وخير
واذا صابك عُجب يوم القيامه تحير

موبالصف الاول    تره الزهراء تندل
أي صف بالمجالس خل يوكَفوني

الشاعر #مصطفى_الشافعي

https://telegram.me/pagy007
مجموعة ابو ذيات على لسان رمله ام القاسم ((ع))

بچت من سمعت العدوان.. حناي
بهيمه وگمت احن يالولد.. حن ناي
ابدمك بالطفوف اصبحت.. حناي
ونصبت بيوم نيشانك عَزيه
====================
بنات النّايبه بالعين.. لاحن
ولا ينفع ونين اعليك.. لاحن
السيوف الاحتك بحقاد.. لاحن
دليلي وگوم تلگه جروح بيه
===================
اشتكيت وأمري للباري.. وحسبي
وطلع مگلوب كل ضني.. وحسبي
يجاسم جرحك بگلبي.. واحس بي
الموت اهون ولا بُعدك عليه
=====================
اطفي بيش نار الدهر.. لوشاب
گلبي وبالحزن معذور.. لو شاب
افز وترخص الدمعات.. لو شاب
يمر واذكر شباب الغاضريه
=================
بقلم خادم الحسين ع
الشاعر رعد الجريخي
Forwarded from قناة محبي قحطان البديري (.... .. ....)
This media is not supported in your browser
VIEW IN TELEGRAM
Forwarded from قناة محبي قحطان البديري (.... .. ....)
This media is not supported in your browser
VIEW IN TELEGRAM
Forwarded from ساحة جهاد ناصرآلبوعبید
آه آ. یا کربله
آه. یا اعظم بله
آه. اْلْباقر انوله

وین الحمیه بالغاضریه

*

اِلْباقر ابدرب السبي و بچفوفه الأحبال
ینظر لبوه ابعبرته و دم دمعه همّال
و یشوف ابوه مسنسلینه و بیده الأغلال
و راس الحسین اعلی الرمح کل لحظه و نشال

شاف ضحچات الشمر
شاف. عماته ابأسر
شاف. خدهه ینسطر

عمته رقیه بالغاضریه

*

یمشي ابتعب و بچفه چف عمته رقیه
شدوهم ابنفس الحبل ویلي علیه
کل ما رقیه اتعثرت یصبح تچیه
و ابمتنه یشگف عن رقیه اسیاط أمیه

سوط نازل عالمتن
سوط. نازل عالجفن
سوط. طگ عمته و تون

ویلي علیه. بالغاضریه

*

تنحب رقیه و تشتکي الباقر حزنهه
تشکیله سوط ابن الدعي ورّم متنهه
یتقرب الهه ناوي یمسح دم جفنهه
بس الأدین مچتّفه و بعدوه عنهه

صاح. یا وسفه و هضم
صاح. عمتي تنلطم
صاح. بسک یالخصم

لن طفله هیّه. بالغاضریه

*

گلّلهه صبراً عمّتي عن زجر الآلام
عندچ بعد ظیم الطشت یا عمه بالشام
جدي الحسین امن السفر یرجع هالأیام
و بحضنه ترتاحین من اعداء الأسلام

هناک. من عرش السمه
هناک. تحضر فاطمه
هناک. تمسح هالدمه

الزهره الزچیه. بالغاضریه

*

گالتله یالباقر یعمه انت هم یوم
چنک اشوفک بالمدینه عمه مسموم
هناک اشوف الصادق ابأحزانه مهضوم
جبریل یصرخ یمکم اینادي یمظلوم

راح. آخر منسبي
راح باقر الْأَبي
راح. و عینه تسطبي

جور آل امیه. بالغاضریه

*

خادم خدمةالحسین ع
ناصرآلبوعبید
https://telegram.me/joinchat/BeLJET13kEqR1qtCqrWI7w
Media is too big
VIEW IN TELEGRAM
ياشيعة انا الباقر تعرفوني
كم صورة شافت بالطفوف عيوني 💔🌺
قصيده في أستشهاد الامام محمد الباقر ع :

گلبي المكسور..من ناداك..آ يالبـــــاقِـر
ياخامــس نور..من دنياك..راح تسـافِر
دمعة عاشـور..تبقه وياك..ذكره العاشِر
...........
عن ســــــــــــيرة حياتك والالم بيهه تعدَد
وكتاب المصــــايب سيدي صفحاته تشهَد
أبيض من دموعك اعتقد مو رمشك اسوَد
يالتشبَه محـــــــــــمد انته يا ثــاني محمد

بميعاد المـــوت..صورة اتشوف..حزنك يكثر
تبچي بلا صوت..شفت چفوف..عين ومنحر
يرسم أهــــــوال..في عيــــناك..دمــع الناظر
............
الليل ايفارگ انــــوارك بعد موعد منـــيتك
چان ايكحل انجومه ابضوه شمعاته بيتك
يكتب بالنـــجم يبن النـبي ما تمشي ريتك
لنور اعيونك ايصيح الگمر عطشان اجيتك

يالوجهك صار...نور الكون...خدّه ايلامِس
بيــــن الانــوار...إنته تكون...نور الـخامِس
تنــضَح إيثار...من معـّناك...علــــم القادِر
...........
اتصارع سَمّــــــك ودانَت مواقيت المنية
هاي امصيـــــبتك عادت الك يـوم الرزية
تنظر جـــــــــدَّك ابلا ناصر اگبال آل أُميّة
وأخر لحظه من داست ضلوعه الاعوجية

أخر نظــــرات...بيهه الـــويل...منهه الحسره
جدَّك من مات...شفت الخيل...داست صدرة
بأذنك مــا زال...تســـمع ذاك...صوت الحافر
...........
عن ياصورة اسأل گلبك الغالي انكساره
عن سبي الحـرم لو والمخيم تدوي ناره
بعيـنك ترسم ادموعك حوادثهه المعاره
عل التـل زينــب اتنادي يخواني الغياره

تنادي ابحساس..تجري العين..مدمع ساجم
وين العــــّـباس...وين حسين...وين القاسم
ما من أنــــصار...وانته هـناك...واگف حاير
...........
توديعك صعــب من ودعت كل الغوالي
لمن أخبـــــــــرتهه سيدي حان ارتحالي
من دنيـــة الالم ترحل الى طور المعالي
تبقه ابلا ضوة وبلا ضوة وحشه الليالي

ليلة تـــــوديع...والغــالين... تبقه ابدونك
يالغالي تضيع...بس للبين...تغفه عيونك
تعيــش الالام...من فرگاك...بعـــدك باچر
...........
ستين العـمر خـلصته بس ابذكرياتك
وابسم المــــــنية تنتهي قصة حياتك
ارواح القداسـة حضرت ابليلة وفاتك
امك فاطمة وحيدر اجه يشيع رفاتك

شيعوك ابـ اه...هذه اليوم...يوم مـصابك
وامّــســمواه...يامسموم...صوت احبابك
يبن الاطهار...ما ننـّساك...ذكــرك حاضر

الشاعر حاتم صبري الكاظمي
عَايِشْ عُمْرِي مَذْبُوحْ أَبْچِي وْگَلْبِي مَجْرُوحْ
أَبْچِي وْگَلْبِي مَجْرُوحْ عَايِشْ عُمْرِي مَذْبُوحْ
شَفْتِ السَّبِي وْضِيمَه
وْنَارِ بْوَسَطْ خِيمَه....أَبْچِي وْگَلْبِي مَجْرُوحْ

الْبَاقِرَ آنَه مِنْ گَبُلْ يُومِي مِتِتْ بِالْغَاضِرِيَّه
الْبَاقِرَ آنَه شَاهِدَتْ عِينِي تَفَاصِيلِ الرِزِيَّه
الْبَاقِرَ آنَه عَايَنِتْ جَدِّي انْذِبَحْ فُوگِ الْوِطِيَّه
الْبَاقِرَ آنَه هَمْ شِفِتْ جِسْمَه تِدُوسَه الْأَعْوَجِيَّه
وَسْفَه بْنِ الصُّمِيدَه گِطْعَوْا خُنْصُرِ ايدَه
گِطْعَوْا خُنْصُرِ ايدَه وَسْفَه بْنِ الصُّمِيدَه
عَارِي بْثَرَى الْهِيمَه
وْنَارِ بْوَسَطْ خِيمَه....أَبْچِي وْگَلْبِي مَجْرُوحْ

يَا عَذَابِي بَعْدَه دَخَّانِ الْخِيَمْ يُومِيَّه اشِمَّه
يَا عَذَابِي مِنْ حِرِتْ وِينَ اتِّجِهْ وِالدِّنْيَه ظَلْمَه
يَا عَذَابِي مَتْنِي مِنْ سُوطِ الْأَعَادِي شْلُونَ اضُمَّه
يَا عَذَابِي چَمْ طِفِلْ مَاتَوْا سَحِگْ وِبْلَايَه رَحْمَه
هْوَايَه رَوِّعُونَه لَمَّنْ غَابَ ابُونَه
لَمَّنْ غَابَ ابُونَه هْوَايَه رَوِّعُونَه
نِمْطُرْ دَمِعْ غِيمَه
وْنَارِ بْوَسَطْ خِيمَه....أَبْچِي وْگَلْبِي مَجْرُوحْ

عَمْتِي زِينَبْ حُرْمَه وِگْبَالِي شِفِتْهُمْ يِضْرِبُوهَه
عَمْتِي زِينَبْ حَاوِطُوهَه وْشَتِّمُوهَه وْسَلِّبُوهَه
عَمْتِي زِينَبْ وِبْعُمُرْ خَمْسِينَ اوِيلِي يَسِّرُوهَه
عَمْتِي زِينَبْ عَالْهِزِلْ وِتْحَشِّمِ الْكَافِلْ أَخُوهَه
گُومِ الْحَگْ عَلَيَّه زِينَبْكُمْ سِبِيَّه
زِينَبْكُمْ سِبِيَّه گُومِ الْحَگْ عَلَيَّه
يَا طَيِّبِ الشِّيمَه
وْنَارِ بْوَسَطْ خِيمَه....أَبْچِي وْگَلْبِي مَجْرُوحْ

هَايِ ادَيَّه بِيهَه مِنْ حَبْلِ السَّبِي صَايِرْ عَلَامَه
هَايِ ادَيَّه تِشْرَحِ لْصَارِ وْجَرَى بْحَالْ الْيِتَامَه
هَايِ ادَيَّه مْنِ الْأَلَمْ مَا چِنْتَ ابَدْ لِيلِي أَنَامَه
هَايِ ادَيَّه تُبْگَه شَاهِدْ كَرْبَلَه لْيُومِ الْقِيَامَه
مَا أَنْسَاهَه الَآلامْ وِشْمَا تِمُرَّ ايَّامْ
وِشْمَا تِمُرَّ ايَّامْ مَا أَنْسَاهَه الَآلامْ
بْإِذْنِي صَدَى يْتِيمَه
وْنَارِ بْوَسَطْ خِيمَه....أَبْچِي وْگَلْبِي مَجْرُوحْ

بُويَه شِفْتَه بِالسَّلَاسِلْ شَدَّوِا چْفُوفَه وْرُگُبْتَه
بُويَه شِفْتَه لَحْظَه مَا نِشْفَتْ عَلَى عْيَالَه دَمِعْتَه
بُويَه شِفْتَه يِنْكِسِرْ گَلْبَه لِوَنْ يِنْظُرْهَه عَمْتَه
بُويَه شِفْتَه زِينِ لِعْبَادِ شْكِثُرْ تِجْرَحْ غُرُبْتَه
مِنْ هَضْمِ الْمُصِيبَه مَا بَطَّلْ نَحِيبَه
مَا بَطَّلْ نَحِيبَه مِنْ هَضْمِ الْمُصِيبَه
مِتْغَيِّرَه رْسُومَه
وْنَارِ بْوَسَطْ خِيمَه....أَبْچِي وْگَلْبِي مَجْرُوحْ

چِنْتَ اتَانِي مُوتِي مَا يِسْوَه الْعُمُرْ عُگْبِ الْحَبَايِبْ
چِنْتَ اتَانِي مَا شِفِتْ مِنْ دِنْيِتِي إِلَا الْمُصَايِبْ
چِنْتَ اتَانِي يَمْتَه خَدِّي يِنْفُرِشْ فُوگِ التَّرَايِبْ
چِنْتَ اتَانِي تِخْلَصِ سْنِينَه اللِّذِي يْنَامِ بْخَرَايِبْ
چا وِينِ الْمِنِيَّه مِشْتَاگِ لْرُقَيَّه
مِشْتَاگِ لْرُقَيَّه چا وِينِ الْمِنِيَّه
دَمْعَاتِي مَالُومَه
وْنَارِ بْوَسَطْ خِيمَه....أَبْچِي وْگَلْبِي مَجْرُوحْ

https://tttttt.me/Hassankhanafer
( بين عبدالله الرضيع ع والنبي موسى ع)

أيـسـي مـايـرجـع بـعـد لا لا تتانين
مومثل موسى النبي رد لمه بعدين

ربنا ماگال ابكتاب
ابـنچ يرد يالـرباب

مو مثل موسى النبي رد لمه بعدين

ا~~~~~ا ١

إِنـنَّـا رَادُّوهُ إِلَــيْــكِ ربـنـه مــاگـلـچ تــره
التقر عيناً أُمِّ مُوسَىٰ انتي ضلي امكدره
وانتِ خافي وانتِ احزني وعالمصايب صابره
لـو خذوا عبدالله منچ يـرجـع ابدم منحره

مثل موسى هم يرد بس يرجع اشلون
ايرجّعوا لجل الدفن موكي ِيـرضعـون

بدمه متخضب خضاب
ابـنـچ يـرد يـالــربــاب

مو مثل موسى النبي رد لمه بعدين

ا~~~~~ا ٢

وبنچ بهاي الصحاري يـمـرد اگليبه الضمه
موسى وسط الماي نايم والعطش ميألّمه
والاشد واصعب مصيبه لمّن يسيل الدمه
راد يشرب منه طفـلـچ ماي يروي اتوهمه

يالرباب ابنـچ تره مو مثل الاطفال
غيره ما سامع طفل يسگوا بالانبال

ومن بعد ذاك الشراب
ابـنـچ يـرد يـالـربـاب

مو مثل موسى النبي رد لمه بعدين

ا~~~~~ا ٣

مـنـختبر فرعون موسى رايد ايشـوفه إفـتـهم
موسى من ذيج المكيده ابفعل وحي الله سلم
لـلـتمر من مد يمنته مـلـك فـرها عـلـه الفـحـم
ولا وحي الينقذ رضيعچ يفـر عن نحره السهم

ريته جبريل الملك فر عنه الاسهام
حـتـى لو ما يرتوي خيريد للخيام

لكن بنحره الصواب
ابـنـچ يـرد يـالرباب

مو مثل موسى النبي رد لمه بعدين

ا~~~~~ا ٤

موسى لمة يرجعونه حتى هيه اترضّعة
نفترض عبدالله سالم والحسين ايرجّعة
بيمن انتي اترضعينة لو هـمـلـچ مدمعـة
وانتي صدرج جف حليبة وموقريبة المشرعة

ريـتـه عـبـاس البـطـل رد غيّـر الـحـال
وسفة جثته عله النهر متكطّعه اوصال

لا تـأذيـنـه ابعتاب
ابنچ يرد يالـرباب

مو مثل موسى النبي رد لمه بعدين

ا~~~~~ا ٥

ذاك نهر النيل شاهد موسى شگه ابعصته
وظلم فرعون وجنودة بالعصات انـهـآيته
وابنچ ايشگ العساكر خله جيش ابحيرته
نص تريد اتروي جانت نص الاخر كتـلـته

موسى بالعصه النهر شگ مايه نصين
وابـنـچ محير الزلم شـگـهم سماطين

وتالي ماجان الجواب
ابنـچ يـرد يـالـربــاب

مو مثل موسى النبي رد لمه بعدين

ا~~~~~ا ٦

اليوم بدموع النواظر كل غيور ارد اسأله
يا نبي مأساته توصل مثل وقعت كربـله
يانبي بحضنه رضيعه تذبحه نبلة حرمله
راس عبدالله الرضيع عله الرمح بالقافله

عالرمح راس البرائه يابسه شفاه
بِأَيِّ ذَنبٍ قـتـلـونـي يـشـكـي لله

وجسمه دامي عله التراب
ابنـچ يـرد يـالـربــاب

مو مثل موسى النبي رد لمه بعدين

الشاعر #مصطفى_الشافعي
من الارشيف ..
#شهادة_الامام_الباقر_ع
#كلمات_حسين_شعيب



ويلي على طاري طفالى  الغاضريه
محمد الباقر يواسيها الرقيه
عِشرة سبي ونوايب
ويلي على المصايب .. بالغاضرية

**********

١/طفل بعدك چنت .. امامي من شفت .. عمتك أسيرة
الأبو بيده حديد .. اجى المجلس يزيد .. ويّه العشيرة

يا امامي .. چانت گبالك رقيه بلحظة البين
يا امامي .. و بحضورك ماتت اعله راس الحسين


شنهو اليصبٍر مهجتك شنهو اليواسيك
زينب غريبه وگفت بمجلس أعاديك

وگلب العقيلة ذايب
ويلي على المصايب .. بالغاضرية

************

٢/الطفل من ينوجِع .. تهل عينه دمع .. وبلا نهايه
اشكثر حامل ألم .. عگب حرگ الخيم .. وانتوا حفايا

الله يعلم .. اليوجعك مو چبدك الوسطه جرى السم
الله يعلم .. بس لهسه توجعك نار المخيم

وعندك بعَد موقف يِوَجِّعلك دليلك
زينب تنادي يا ابو فاضل دخيلك

راسك لجلها شايب
ويلي على المصايب .. بالغاضرية

**************

٣/ابوك امن الحزن .. بچى الحد الجفن .. ذاب و توذّر
أَمامك ينتحب .. على النار التشِب .  وسط المعسكر

وا إماماه .. ضلّت بثوبك أثر ريحة مخيّم
وا اماماه .. والدك يشْتمَّك وعينه تصب دم

و كل ما يمر طاري الحسين تشوفه نايح
آه وألف آه اشكثِر قدّم ذبايح

يِنوح اعله الأطايب
ويلي على المصايب .. بالغاضرية


************

٤/ اشكثِر عندك جروح .. اشكثر قلبك ينوح .. إدعي بعددها
يجي يوم الفرج .. الامير اعله الحجج .. كاشف شِددها

يا بو صالح .. عجل اظهورك نخطها بدمعة العين
يا بو صالح .. جدّك الباقر يناطر ثار الحسين

مُحمّد الباقر يناشد من بقيعه
عجل يا بارينه ابفرج حامي الشريعه

كافي بغربته غايب
ويلي على المصايب .. بالغاضرية


https://tttttt.me/hsen_ch3eb
قصيدة لشهادة الإمام الباقر عليه السلام

من بين أحزانك يالباقر
شعندك ذكرى بيوم العاشر
بيش تصبره ؟؟ ...بگلبك حسره ...من ياذكره
بيوم العاشر ************************
بنهار العاشر المعدوده ساعاته
عليكم والزمن ضيع حساباته
گظه بس ما گظت لليوم حسراته
عشت بيا حزن ترتيب لحظاته
من جدك وأنصاره إجتمعوا ....
فزعوا للدين وما رجعوا ....
بذيچ الفزعه....بعينك دمعه
من يافجعه.... بيوم العاشر
"***************************
يا عمر الورد بالطف ورد عمرك
بعيونك شفت هالمشهد بصبرك
نبلة حرمله ما قبلت تعذرك
مثل نحر الرضيع إختارت لنحرك
لو عبد الله إتصوب نحره ....
يصوب نحرك سهم الذكرى ...
گلت الآمي ..... النحره الدامي
إستشهد ظامي ....بيوم العاشر
*"**********************
بگلبك يا جرح ضاعفلك الونّه
شباب القاسم الـما فرح واتهنّه
لو رمله وصواني الشمع والحنّه
لو خيمته الـمنها النار يتدنّه
شفت القاسم مذبوح أمسه ....
والدم خضب شمعة عرسه .....
بخضاب الدم ...... من تتألم
بگلبك يا هم ....بيوم العاشر
************************
وإنته بخيمتك وتشاهد الـمنظر
ساعة ما برز عمك علي الأكبر
إختنگت بعبرتك من شفته يتوذر
بسيوف ال أميه ونوره يتطشر
لخيمكم من جابوا جسمه ......
ردت تشوفه وتگعد يـمه ....
شگد تتصبر .....تشوف الأكبر
جسمه موذر ......بيوم العاشر
************************
شچانت حالتك واحزانك هوايه
من الجود طاح وما وصل مايه
خبر للخيم يوصل طاحت الرايه
وأخو زينب وگع يم الـمسنايه
عالشاطي إمن إتوذر عمك ......
دمعك سال بهيئة دمك ......
الـماي تعوفه ......من تشوفه
بغير چفوفه ......بيوم العاشر
************************
ختام الطف بده ساعت الطاح حسين
جدك والعده فزعت عليه صوبين
الخيم بالنار شبت والخلاص إمنين
للسجاد أبوك تسأله أروحن وين
يابويه شظل بالطف عدنه ......
بيش الأيام تواعدنه .....
بويه الأصعب ......حالة زينب
شگد تتعذب ....بيوم العاشر
************************
طلع ضعن السبي وشد العزم للشام
يا جرح اليطيب ويا عيون تنام
الروس اعله الرماح شمصعب الأيام
عفه گلبك حـملها وساير الالآم
وثقت العاشر بالدمعه ......
حسره بحسره وفجعه بفجعه .....
لآخر عمرك ....عشته بصبرك
كلشي يذكرك .... بيوم العاشر
************************
خادم الإمام الباقر عليه السلام

عمار هليل الواسطي

أرشيف
استشهاد الامام الباقر ع

لو ذكرنه الغاضرية .. آ يباقر
تبدي إنت بيا رزية .. آ يباقر
تبقه عينك هامله .. لو ترد لكربله
""""""""
كربله جرح .. وملح يلچم ذكرهه
بگلبي چم جرح وجرح تركت صورهه
عين يعگوب الـعِمت هم رد نظرهه
وانه عيني بالبچي گضت عمرهه
نسأل وندري الاجابه .. والله صعبة
تبدي بحسين ومصابه .. والله صعبة
وندري صعبة الاسئله .. لو ترد لكربله
"""""""
ارد اسولف محنة ترعبني ورهيبه
ابدي بيهه واذكر الشيبه الخضيبه
احچي عن راس ونعه جثة سليبه
لو نحر ينزف بگه ويندب حبيبه
عالرمح راسه تناظر .. جدك حسين
وداست بصدره الحوافر .. جدك حسين
بهالوضع تتخيله .. لو ترد لكربله
""""""""
ثاني جرح الما گدر گلبي يشيله
من ضرب چف الشمر متن العقيله
ومن مشينه برحلة الشام الطويله
عمتي مچتوفة بحبل فوگ الهزيله
من شفت عمتك سبية .. شنهو حالك
وباليسر سكنة ورقية .. شنهو حالك
حزنك انت اشيحمله .. لو ترد لكربله
""""""""
ثالث اجروحي الـفلا مرهم نفعهه
شاهِدَت عيني الرباب اتهل دمعهه
حسّبت ضامي الطفل ايده رفعهه
بنحره ثاري حرملة نبلة زرعهه
بكربله اعظم فجيعه ... وانته شاهد
ذبحوا حسين ورضيعه ... وانته شاهد
وشتگول الـحرمله ... لو ترد لكربله
"""""""""
يا جرح اصبح مزار الهَم يطوفه
راعي زينب والخدر عالماي اشوفه
دامي صوبوا هامته وگطعوا چفوفه
وعمتي صاحت لو اموت وما اعوفه
تبچي واتصيح الفواطم ... يابو فاضل
وعمك اعله الشاطي نايم ... يابو فاضل
دمعتك دم سايله ... لو ترد لكربله
"""""""
اربع سنين وشفت انته الهوايل
چم سهم بلله رماكم ابن كاهل
شاهدت سهم الرضيع بنحره داخل
وشفت بعيونك سهم عين ابو فاضل
وسهم ابو اليمه تذكره .. چوّه گلبه
ترك حفره وسط صدره .. چوّه گلبه
ذكرياتك ماثله ... لو ترد لكربله

انيس الخفاجي الكربلائي
#قصائد_شهادة_الباقر_ع

عَِظٌـمِ أٍلٍَلــَه لْڪْمْ آلْآجــْرْ


┈┅••••••◐✦◑••••••┈┅┈

أبو ذيّات في الإمام الباقر (ع)

أَهَـادِنْ جـمرة احـزاني ودَاريْ
واللّـه الْيعـلـم ابحـالي وداري
انهـدم رُكني على الباقـر وداري
ضاﮔـتْ بالحـزن وسـفه عـليّه
=====
عـلَيمَن انثـر ادمـوعي واصبْها
وخطف روحي الحزن وسفه وصابها
ما أﮔـدر أجي الْطيـبه وصُوبها
لأَنْ بيـها اشْكـثر محـنه و رزيّه
=====
اشكثر طيبه احْتـوَت بيها مُصَايب
وما يوم الدّهـر سهمه مُو صايب
علَى العتره أصب دمـعي مصايب
وللباقـر نظـل ننحـب سـويّه
=====
مُصَابه لُو مصـاب احسـين فتنا
ويـا ثَـار الذي ابعاشـور فاتنا
ابسيفه اندحـرت ابكلْ زود فتنه
مصَاب احسين يبـﮕـى اعظم رزيه


الشاعر
ناصر الوسمي

الناشر عباس التميمي
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747
Forwarded from الناشر مصطفى المياحي💔 (ميثم العمري)
فارس برز كدها وكلف حي الله جسام
ايعادل تره سبعين الف حي الله جسام
**************
بسيفه طب عليها وحالف ايصفيها صاح إله اكظيها
هذا هوه القاسم
ضهضب عله العسكر الشافه ظل يتعثر هذا صاحو حيدر
هذا هوه القاسم
الحومه رادت تنخسف حي الله جسام
ايعادل تره سبعين الف حي الله جسام
*********
شهم من أفعاله وركض الخياله تورط اليدناله
هذا هوه القاسم
الحومه بيه اتفاخر طبها فارس شاطر الزلم منه تحاذر
هذا هوه القاسم
خله الزلم تزحف زحف حي الله جسام
ايعادل تره سبعين الف حي الله جسام
*******
من تقدم ليهم الكاع ماجت بيهم المفر ضاع عليهم
هذا هوه القاسم
الشرد ضن بروحه لو يطير ايلوحه ما تهمه اجروحه
هذا هوه القاسم
منه العساكر ترتجف حي الله جسام
ايعادل تره سبعين الف حي الله جسام
********
السبع شو ضم راسه وخمد حتى أنفاسه الشرد كالو داسه
هذا هوه القاسم
سره واحد واحد ويله صاح ال لابد وعلي اجيبه الشارد
هذا هوه القاسم
ياهو الشرد خل يعترف حي الله جسام
ايعادل تره سبعين الف حي الله جسام
*********
الزلم شو مخطوفه وترجف من اتشوفه بيها صارت خوفه
هذا هوه القاسم
شورطاهم ذوله غشمه وتعنوله بالسره اصطفوله
هذا هوه القاسم
فارس شهم كدها وترف حي الله جسام
ايعادل تره سبعين الف حي الله جسام
*********
الموت ضيف القاسم وبيه يعزب الوادم وسيفه يكرم لازم
هذا هوه القاسم
الزلم مصدومه كَرب الكل يومه صفكَتله الحومه
هذا هوه القاسم
الموت بالطف يختلف حي الله جسام
ايعادل تره سبعين الف حي الله جسام
*********
تمت
#ميثم العمري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء