عباس طب للمشرعه
رجف كلوب القاده

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

من دخل عباس ليهه تحيرت
ضيعت مشرادهه وطشرت
تريد تبرز للمنيه تحظرت
اليوم عباس الكمر روحه شتهت

اخو زينب قائد
ندري بيه يعاند
هذا ابن حامي الحمه
بنص الحرب ميلاده
عباس طب المشرعه
رجعت كلوب القاده
...............


عباس تعرف صولته علكنطر ه
سوه معبر بلجثث المطشره
اخو خيته الكال انه له تره
اكبال راعي العلم ماكو مغفره
ياهو يصمد بالحرب
هذا ابن حيدر صعب

والله نعمين وكفو
العباس عم الساده
عباس طب للمشرعه
ورجعت كلوب القاده
٠٠٠٠٠٠٠٠٠٠٠٠٠٠٠٠٠٠٠٠٠


شبل حيدر هذا يا موت ابتعد
خله بيهم خوف من ولد الولد
صاح ها يا ماي أريدك تستعد
ليش ترجف خوف لو جاسك برد
كوم رويلي الضمه
وعتذر من فاطمه

عيون زينب تنتظر
وانه العطش رداده
عباس طب للمشرعه
ورجفت گلوب القاده

٠٠٠٠٠٠٠٠٠٠٠٠٠٠٠٠٠٠٠٠٠

صاح عباس الكمر وينه النزل
كافل الحوراء بلحومه شعمل
كمر هاشم والنعم هذا البطل
طب علي الميدان عباس ارتجل
هذا ابو فاضل اسد
يبقى لحسينه سند
عباس ذكرهم ببو حيدر علي وامجاده


٠٠٠٠٠٠٠٠٠٠٠٠٠٠٠٠٠٠٠٠٠

روحو اسألو الكنطر وداعت علي
من زمان الماي رافع رايه ألي
من اطب المشرعه الكل تبتلي
انه ملك الموت انه ابن الولي
من اطبلهه بغضب
اله اشمرهه الركب
انه وفيت العهد لحسين لمن ناده

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم فوك الماي اطشرهه الزلم
انه بلزهراء شديت العزم
اليوم ارد الكنطره وشايل علم
أله اخلي القاده متحيره وتهم

هذا انه ابن الولي
الكاع ازلزلهه وعلي
عباس عنوان الاخوه حسين هذا الراده


كلمات خادم الحسين
#حيدر ناجي الدراجي
1442 للهجرة
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

أللهي يا اللهي
أللهي ونته جاهي
انه زينب انه وأشكيلك الحال
اريد تغيثني من هاي الاهوال
اللهي يا اللهي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠


انه بلشام روحي تريد الاحباب
اللهي والدمع بعيوني سجاب
انخيلك يربي بهذا المصاب
منتظره ترد ريح من الاطياب
بحزن ضليت انادي
يا شمعة فؤادي
اللهي يا اللهي

٠٠٠٠٠٠٠٠٠٠٠٠٠٠٠٠٠٠٠٠٠٠

اكابر علجره ودلالي ينهار
مثل ثكل الجنازة الحاظنه الدار
اظلن ردت يمهم والكلب نار
لو امشي لسبي ما امشي خطار
اللهي شلون بالفركة
كتلني الشوك والحركة
اللهي يا اللهي



٠٠٠٠٠٠٠٠٠٠٠٠٠٠٠٠٠٠٠٠٠٠٠

اللهي يااله الكون زينب
بقيت بحيرتي ولكلب ينحب
شفت عباس فوگ تراب واصعب
جسمه من الحوافر صار ملعب

كطعت الامل خوبه
ويلي وصحت بويه

اللهي يا اللهي


٠٠٠٠٠٠٠٠٠٠٠٠٠٠٠٠٠٠٠٠٠٠

يلاهي عمري خلصته بلاهات
ميته بكربلاء هواي موتات
راواني الدهر والنهر لچمات
هاي انه الغريبه بنص غريبات

حفرت خدودي بدموع
اصيح بكلب مفجوع
اللهي يا اللهي



كلمات خادم الحسين
#حيدر ناجي الدراجي
1442 للهجرة
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

( للسيدة رقيه عليها السلام)


ياموت اخذني لجوه التراب
أنه الغريبه وأهلي غياب
بلكت يجوني گليبي محتار
اشتم عطرهم وانه بالدار
يا موت اخذني
،،،،،،،،،،،،

اذكر وصبر الروح بالروح
وكبالي ابوي حسين مذبوح
تردون لو اكظي العمر نوح
اكعد يبويه وطيب الجروح
بابويه انه شلون بيه

وين انطي وجهي بهل مسيه
خيل وزلم مشبوكه اديه
هذا الجره وصار برقيه

ما احمل الفركه والمصاب
انه الغريبه وأهلي غياب



٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

يابويه هاي شلون حيره
فوك الرمح شيخ العشيره
محتاره وجهي ألمن اديره
بنص الاجناب انه اسيره


من شفت راسك ودمع سال
موقف يبويه يهز الجبال
بنتك رقيه تغير الحال
هذا الوضع ماجان علبال

برض الغرب عاتبنه الاحباب
انه الغريبه واهلي غياب

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حركو الخيمه وعتنيتك
ضربوني بويه وحشميتك
مطروح علغبره لكيتك
شموني يلهيبه بثنيتك


بين الغرب يا مصعب الحال
الفارك ابو ماعنده دلال
يضل الحزن يمشي ويه الخيال

ياحزني بچه احباب واجناب
انه الغريبه واهلي غياب

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

من رحت يم النهر شفته
معقوله عمي ماعرفته
دم اعله وجهه ومن شبكته
حسيت بيهه شكبر ونته


صوب النهر من شفته ونيت
چني بجربته وهم تبديت
حاجيت عمي هواي حاجيت
شديت كلبي بنحره شديت


ديرة غرب وكليبي عطاب
انه الغريبه واهلي غياب

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

فراك الاهل متطيبه الدموع
انه منعاتب كلبي مشلوع
بويه الهضم اثر بلضلوع
موت وعطش واطفالك اتلوع

حرك الخيم وصياط المتون
بهذا الوضع ما طبكت اجفون
بنص الغرب عنك يسألون
جاوب يغالي ونور العيون


غركت عيوني ودمعي سچاب
انه الغريبه واهلي غياب

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

كلمات خادم الحسين
#حيدر ناجي الدراجي
1442 للهجرة
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#شور_عشگ
الليلة الثانية(للخدام)
(اعلفطرتنه عرفناكم)


اعلفطرتنه عرفناكم..حضن دافي لگيناكم
اليفطمونه بضريح حسين..شتضنونه ينساكم

امن الصغر بيه كبر رس الغرّام
اله يحجولي اعله قصتك يله انام
بالطفوله بكل تشابيه التصير
ما ارد البيتي اله اشبگ لمام

وحبيبي صار ابو الاكبر...اكبر والعشگ يكبر
وما مستوعب الهاليوم...سومر وجهك امن الحر
_______________________________
صغير وفتحت عيني..ولگيتك انته شاريني
دافع بيه دم وخيام..ابوكت محد يلفيني

ابچي لو لعبه هلي يجيبولي
اله زنجيل وعلگ يشرولي
وابقه افرفح يوم كامل ما انام
لو هلي ثوب اسود يفصلولي

وتمر صحباني يوميه...ونسير عالحسينيه
كدما ما غزرت بينه..فصيلة دمنه لطميه
___________________________
بلغت وما احس أله..بعزائك لازم الدله
واوزع لليجي والراح..وعرفت اليخدمك يغله

ثاري لتحبه وتريده بدربك
غصباً اعلگليبه يعشگ گلبك
لهسه ما اعرف شدلاني عليك
بيه مدري شلون يكبر حبك

اثاري الخدمه هم نعمه..وهم مقسومه الي قسمه
الميجيبه العشگ لحسين..يضل طول السنين اعمه
____________________________
وهنه اسوالفك ذني...امخلي الوادم تحبني
لو ما ثوبي الاسود هاذ..جا محد يصاحبني

اتعلقت بيك ولگيت والد
شما اطيحن تفزع اول واحد
فدوه چوي اگليبي من نار الخيام
العشگ ما ينراد اذا ضل بارد

اعيش بخير كل حلمك..اختصار لكل محّنّه اسمك
الخلود بنحرك اتخلد...والحرية من دمك
_____________________________
حبك سودن الوادم..اليحبك ما يضل سالم
ويا دربك ايدور افعال..مو بس بالحجي خادم

الطير كلما طار يرجع لأهله
ومجلسك لو غبت عنه ارجعله
العنده وجهين ابطريقك ما يعيش
گطن حجيه وگلبه مثل الكحله

الخادم ما يذم ربعه...التواضع طينته وطبعه
والما يركض اعللصيت..حسين ابحده يرفعه

مصطفى صادق اللامي ١٤٤٢ محرم

اللحن👇👇

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

والله عقلي بحيره ... شكثر شايل غيره
يا بوفاضل .. يا بوفاضل
*****************
يا كمر محتار اوصفك واعترف كلي قصـور
منين ابدي وبين اختم خاف متكفي السطور
ابدي مــن يوم الولاده بدر طالع مــــن بدور
منهو مثلك عالكناطـر كتب ممنـــوع العبور
ونعم من هالسيره ... شكثر شايل غيره
يا بوفاضل .. يا بوفاضل
****************
من اطب تاريخك اعجز عفيه اديـــن الكتبته
ومـــــن اگلب بالمواقف حيـــدر الگه وهيبته
مره قائد جيش اخــوه ومــــره لازم جربته
اظن بس أگبــال زينب يحني راسه ورگبته
احتاروا بتفسيره ... شكثر شايل غيره
يا بوفاضل .. يا بوفاضل
*****************
انته يلطولك منــــاره وجهك مضوي السماء
والله عجبه اشلون گدرت تحوي جسمك كربلاء
انته دين الله ورحمته وچفك انهار الوفــاء
انته اسمك مـن اذكره جني قاريلي دعـــاء
كمر ضوه الديره ... شكثر شايل غيره
يا بوفاضل .. يا بوفاضل
******************
حسين گلك گلي خويـه سيدي اتگله وامــام
الخوه من عباس واوگف وبعد عالخوه السلام
كبل مــن تمشي العقيله يمسح اثـــار الجدام
هسه اختك يا بو فاضل لا ولي الظل لا خيام
لا اهل لا عشيره ... شكثر شايل غيره
يا بوفاضل .. يا بوفاضل
******************
الماي بيدك وانته ضامي ومتت مـــا لامس شفاك
لان عنـــــــدك بالمخيم اطفال عطشانه برجــاك
درت وجهك مـاشربته اشربني ظل يصرخ وراك
ما كـــو بالدنيه مثيلك لا وحق مــــوت الخذاك
الماي ظل بحيره ... شكثر شايل غيره
يا بوفاضل .. يا بوفاضل
******************
#ابو حسن الجعاري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ليش الحافر داسك ياهو الكاطع راسك
يارمح الشالك _ متطشره اوصالك
***************************
شلون الم جسمك حبيبي بياحصيره
ارد اشوفن طولك المره الاخيره
بجسمك ماكو شي سالم
بيش تطلبك الوادم
جروحك والنزف كثره
كل هذا ومتت صايم

السيف الذابح نحرك جامايعرف قدرك
شمسوي بحالك _ متطشره اوصالك
***************************
هايه اول مره اشوفن هيجي منظر
على طولك جرح تنزف لونك احمر
احسب طبره عالطبره
اعظامك كلهه متكسره
اول مره اشوف انسان
طابگ عالظهر صدره

يرعب منظر جسمك اويدي اتخاف اتلزمك
محنيه اگبالك _ متطشره اوصالك
***************************
حسين اكعد خويه متعوبه اجيتك
جنت ادور بالجثث كوه لكيتك
الحر مفطر اشفافي
واركض والجدم حافي
ماحسبت اشوفك هيج
تعبان وكلت غافي

مشدوهه اركض ووكع اصعد عالتل وارجع
ريت انه ابدالك _ متطشره اوصالك
***************************
ارد اسألك لاجن ارد اسمع كلامك
ياسهم اذاك من ذني سهامك
جسمك بالدمه ناگع
ومنك جم كتر ظايع
وبجبدك سهم مغروس
ومن ظهرك سهم طالع

بجسمك كثره جروحك حقهه وطلعت روحك
عن من اقرالك _ متطشره اوصالك
***************************
هاي جيتي منالمخيم نار بيهه
اختك امنالنار متجويه اديهه
شلونج لا لتسألني
كلشي بروحي يوجعني
بدخان الخيم يحسين
ظايع جم طفل مني

خيل اعله اطفال داست ومنهن بالصوط ماتت
متطشره اعيالك _ ومتطشره اوصالك
***************************
حسين يعني راح اايس للنهايه
وراح احضر اعيالي ونسافر سبايه
شيحجي المنذبح نحره
وكل اعظامه متكسره
وداست فوكه عشر اخيول
تلث مرات مو مره

حر والجواك رملله ومنين افرشلك وصلله
ولاواحد شالك _ متطشره اوصالك
***************************
#محمد خضير الزيدي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

نزله للعباس ع


شد الرايه اعلمتونه..ييجدح نار امنعيونه
ويگللهم اجيت..يگللهم اجيت
*************************
توظه وصله فرظه..ياكاع ألي تكظه..
لمن ليهم برز
الحرب نكرت زلمهم..يطشهم مايلهم..
مثل طشت خرز
يراويهم عجايب..يزلزل بالكتايب..
يهز بالحومه هز

هوس هوسه وگالاهه..فنه الزينب يدناهه
يگللهم اجيت ..يگللهم اجيت
*************************
انطوت گاع الله بيهم..اسمعت زينب بجيهم..دخيلك يالگمر
كسر سابع ضهرهم..نشف مايجري دمهم..اسد بيهم زئر
مثل لمحة بصر راح..بجفوفه يقبض ارواح..وگف فوگ النهر

يم الشاطي تحداهم...يتقربوله تمناهم
يگللهم اجيت.. يگللهم اجيت
*************************
قسم بسم الوديعه..وخبط ماي الشريعه..النهر شافه ونشف
يقاتل وابساله..فقط لمحو خياله..لمن منهم خطف
وضح معنى الرجوله..وزلمهم دنكوله..
السبع بيهم رجف

عاد الكره بصولاته...توجع كلش ضرباته
يگللهم اجيت... يگللهم اجيت
*************************
خبر بالحومه ذاعه..منو الشايل شاجعه..
يجي مثل الزلم
تصير الدنيه حمره..وعلي سيفي منجره..
برگبكم ينثلم
الرايد هسه يختل..من مهري لمن انزل..
الحومه تنهدم

صاحوله ارجع سامحنه..نظرة عينك تذبحنه
يگللهم اجيت...يگللهم اجيت
*************************
الجدم تاهت دربهه..الزلم رجف گلبهه..مثل رجفة برد
اليجهبه عينه تدمع..اليخزره روحه تطلع..
يحاول يبتعد
الجثث ترست ارظهم..اذا شردو يكظهم..الشرد خايف يرد

راسم خطه اعلجفوفه...يوصل بيهم للكوفه
يگللهم اجيت...يگللهم اجيت
*************************
ألمايفزع لخوانه..ناقص غيره عنوانه..لو ناقص مرجله
حسين اليگرب خييمه..اطش بالحومه دمه..وادفنه بكربله
وعلي لمن اطبكم..درع خلو الرگبكم..قريت الزلزله

هاي الايه من اقراهه..ضموأرگبكم معناهه
يگللهم اجيت...يگللهم اجيت
*************************
#محمد خضير الزيدي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

الليله احدعش معصوم يم الزچيه للباقر المسموم نصبو عزيه
الكل منفجع .. يهمل دمع .. بهذا الجمع .. نصبو عزيه
* * * * *
التمت الاحباب .. بالبقيع وناحت السبـــع الشداد
وبگلب مرتاب .. العالم بأسره لبس ثوب السواد
صاح جبرائيل والدمعات مـــن دم
يلا ننـــزل للبقــــيع انســوي مأتم
خل نشارك فاطمه بالحسره والهم
اهواي تفرح لو نزلنه ويمهه نلتم
الشيعـه محـــرومين من الـــزيارة خل احنه نوفي الدين ابدال الغياره
نجيب الفلك .. تفرح فدك تشوف الملك .. نصبو عزيه
* * * * *
وانعقـــــد مــأتم .. ايشيب من گد الحزن حته الطفل
الباري بس يعلم .. شكثر حزن الزهره ابد ماينحمـل
گامت ادتگ عالضلع واتهــل دمعهه
ومن جديد اردود ضل ينزف ضلعهه
ولن رســول الله تــون بنته سمعهـه
گابلاهه ابحسرته ويبچي الوضعهـه
ناحت اوياهه الگاع من شافت الحال من ونهه بيهه اطباع تتكسر جبال
حته الجبل .. دمعه نزل .. يبجي ابوجل .. نصبو عزيه
* * * * *
بلهفــه وبعبره .. أم البنـين النعــــت عالفــاجعه
تگلهه يالزهره .. احدحش راحو منچ وآنه اربعه
اسمحي خل اقرالكم وانعه المصيبه
عله الباقر والگلب شــــــاجر لهيبه
ارد اواسيــــــچ ابمصــابچ يالنجيبه
مثل ما واســـــــاني گلبــچ يالحبيبه
اشگد نحتي للعباس ابني ولطمتي وآنه الگطيع الراس ترخص دمعتي
حسين الهوه .. العيني ضوه .. والمحتوه .. نصبو عزيه
* * * * *
وگامت الحره .. تنعه لاچن عينهه اتصد كربله
ونشدت الزهره .. وين بالچ بللّه شنهي الذاهله
جاوبتهــه والگلـــــب ناره سريـــه
كون زينب حاظره ابهاي العزيــــه
امشينه نلگاهه تون بالغاضـــــريه
ان چان@ مو يم الكفلهه ابگبر اخيه
شافنهه يم عباس تبچي اعله الحسين وماتوصف الاحساس بس دمعة العين
امصاب الكلف .. قاسي وصلف .. ماينوصف .. نصبو عزيه
* * * * *
الدنيه والبيهه .. صفنت اعله الزهره من گامت تنوح
والبـــــواچيهه .. گامت اعيون الـــــورد تهمل جروح
المن ابچي اتگول محتاره الحمل زاد
الگبــــــري المحـد يعرفه لــو للاولاد
للي متگطعه اوصاله فوگ الاوهـــــاد
لو اون واجري الدمع بس اعله الاكباد
ولدي آنه لو مو سيف بالسم يموتون وماعندي بس ياحيف ودموع العيون
الچم گبر .. انضر وامر .. ماضل صبر .. نصبو عزيه
* * * * *
ليش يادهري .. البقيـــع ولا هجـــع بيـــــه الألم
انهدم صبري .. ويه كل گبر اعله هالگاع انهدم
لاچن اعله اعنادهم گوم النواصـب
البقيع الشيعه توصلهه مـــــــواكب
ويضهر ابني ولايضل للــدوم غايب
وهو ياخذ حيفي وبثاري يطـــــــالب
الناصبيه اتحير لو يبدي رايه وشيعيه كلهه تصير گاع الله هايه
من ينتفض .. اطيعه الارض .. حته النبض .. نصبو عزيه
#الشاعر / هشام الشيباني
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

تحز روحي ركضت اختك
ودمي لاجلك محترك
الدنيا جذبه بعيني صارت
وكربله هيه الصدك
عشت كل عمري برحمتك
وانت شابع بالسحك

من تركت انه العزه انت الجبتني
يالمحيت العوجه مني وعدلتني
المثلي ينعاف بذنوبه وما عفتني


ياحسين............ ياحسين
____________
الدنيا من بعدتني عنك
كمت انت التقترب
انت كلبك خيمه اليه
واعترف كلبي صلب
الوادم الحبتني جذبه
ما شفت مثلك محب

يالحنانك ليه يجري وأنه مذنب
لأجلي ذباحك كلتله بكيفك اسلب
وأنه بس وكت المصاعب بسمك اندب
ياحسين................. ياحسين
_________________
انه ليلية اتوبن
وارجع بذنب الصبح
وارجع عليك اعتذلك
وانت تقبل بالصلح
ليش اشوفنك مناره
وما شفت رأس برمح

رغم ما منطيك الله من صفاته
انت واحد شايل اذنوبي بعباته
منهو يقبل بينه تركض كل خواته

ياحسين................. ياحسين
___________________
دمعتك نزلت عليه
من صعد فوكك شمر
يالتركت الدنيا لجلي
وما اجه ابالك عُمر
وعلي ما استاهل اني
انسبه لجلي الخدر

عشتك اني حلم عابر وعيشتني
فوگ حملك خذت انت حمل متني
راقبتني وعالمجالس علمتني

ياحسين................ ياحسين
____________________
خلصت دمعك حسافه
وطشرت لاجلي الشمل
لوصدگ دمعك بعينك
منه شربت الطفل
ولجلي تعبت زينب اختك
وما بقى من أهلك عدل

شيبك احمر والحواجب طبروها
واختك اعله الهزله تبجي تريد اخوها
بخفيه تبجي لو دروا جا شتموها

ياحسين.............. ياحسين



#الشاعر عبدالله الشويلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ميمر للخدمة الحسينية المباركة
،،،،،،،،،،،،،،،،،،،،،،،،،،،،،،،،،،،،،،،،،

نرفع علم ،، بسم الخدم
نكتب عليه مات الألم
هو المشى بدرب حسين
أم الحسن تبراله

،،،،،،،،،،،،،،،،،،،،،،،،،،،،،،،،،،،،،،،،،،،


اهلا محرم يا شهر دمعتنه
مأتم نصبنه وفاطمه الجمعتنه
صاحت هلا وما قصرو شيعتنه
يا جائحه ألمن مجلسچ منعتنه

رغم الخطر ،،، عاشگ حضر
دمعه اليهل يذكر نحر
خادم وفي وصار سنين
والطف يغير أحواله


،،،،،،،،،،،،،،،،،،،،،،،،،،،


نحيا ونموت ابمجلسك مولانه
يا رحمة الله اعله الوعد تلگانه
ويانه هاي ام الحسن ويانه
والمهدي حاضر بالنصر غطانه

رغم المرض ،،، حبه انفرض
هوه الشفه وياهو اعترض ؟

بعطر المجالس والآه
خادم يداوي اعياله

،،،،،،،،،،،،،،،،،،،،،،،،،،،،،،،،،،،،،،


نحضر عزائك لو جثث نتسطر
نأتيك دمعآ يلفديت المنحر
نبچي اعله زينب والطفل والاكبر
شنهي المرض مو چنه الك نتفجر


موت بشرف ،، راحه النجف
من تنسأل وتگله طف
ميت فدائي وممنون
لأجل الحسين وآله

،،،،،،،،،،،،،،،،،،،،،،،،،،،،،،،،،،،،،



غير الحسين الغالي گلي شعدنه ؟
شايف بشر يكره دخول الجنه
أمنه الشعاير والسبط والدنه
يا دنيا هاي البيهه نبعد منه


هو الوطن ،،، رغم الزمن
محيي الشعائر والسنن
رغم الجسد ظل مطروح
متگطعات اوصاله

،،،،،،،،،،،،،،،،،،،،،،،،،،،،،،،،،

خلونه بس ابمجلسه خلونه
اليقره ذاكه وذاكه تجري اعيونه
ذاك اللطم صدره وتغير لونه
بزنجيل خادم من يدگ امتونه

ذاكه البچه ،،، بدمعه حچه
عالمنبر بلوعه انتچه
طالبله حاجه وفاطمه
تقضيهه اله وهنياله

،،،،،،،،،،،،،،،،،،،،،،،،،،،،،،،،،،،،

رب العرش يامن قدير وعالم
عجل ظهور المنتظر للوادم
يا قائم الدنيا انتهت يلقائم
هو الرئيس الكوني هوه الحاكم

ها يا ولي ،،، واضح جلي
چنه الگمر شمرة علي
كل البشر منتظرين
يمته ونشوف اهلاله

كلمات خادم الحسين ✍️✍️
#رعد الفريجي
1442 للهجرة
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

شضامه الدنيا الي ... بعد مقتـل كافلي
البدايــه .. خيمه محروكه وعبايه
والنهايه .. احبـال بيدين السبايه
بعد مقتل كافلي
........................................
يا ابو فاضل خويه اريدك بچفــك تنزلي ليــل
اتسلبت والشمس حمــره والنهار اشگـد طويل
والهوا يحــرك عباتـــي وبده بزينبكم يعيـل
الحرمه اذا ما عدها والي كلفه من تركب هزيل

رحت يا هيبة علي ... والشمر يشتـم هلـي
المنايـــه .. تعطلت عنــي المنـايه
والنهايه .. احبال بيدين السبايه
بعد مقتل كافلي
.......................................
سنيني يا عباس بعدك چفيـت المــــــاي انچفن
وذكريات الحلوه كلها بلحظه من عندي انخذن
والخيام البيها عطـرك بنــار هسه اتفــردهـن
مقصــره ويــاك خويه عيوني لاجلك مــا عمن

بينك وبيني ضعت ... راح اكــلك شسمعــت
يا غريبه .. الوادم تصيـــح ورايه
والنهايه .. احبال بيدين السبايه
بعد مقتل كافلي
.......................................
يا ابوفاضل جدمي ذاك الكبل مــا شافوله اثر
هسه مـــن نـار المخيم وبالجمر خويه انحفر
طولي بين يــا عزيـزي والخدر صـــار بخطر
يا ابو فاضل سبـوا امي وراح اموت امن القهر

وينكم يااهل الحميه ... ردوا لخاطـــر رقيــه
الرزايــه .. شيبت راسي الرزايه
والنهايه .. احبال بيدين السبايه
بعد مقتل كافلي
.......................................
اظلمت دنيـاي فوكــــــي والكمر مـــن عدها غاب
بيا هضم عبـــاس ابـــدي وانه كــل عمري عذاب
الفـــرح صــدك نسيـتـــه مــــن كسر ضلعي باب
اليمنه اشاجف بيه خويه ويسرتي فوك الحجاب

لا تگــلي اتحملي ... امري بيد الجاهلي
واعله رايه..الشمر مشاني اعله رايه
والنهايـه .. احبــال بيدين السبايه
بعد مقتل كافلي
......................................
صرخت ارقيه اعله ابوها كطعت حتــــى النياط
الوعـــة سكيــنــه والمهـا كلبي يـــا عباس شاط
ابين ضلع وضلع خويـــه تلكـــه اثـــار السياط
صرت طير انصاب جنحه لا هو طاير لا هو حاط

ليش كلساعه انذبح ... وانته راسك عالرمح
مو كفايه .. تهزلي راسك مو كفايه
والنهايه .. احبــال بيدين السبايه
بعد مقتل كافلي
......................................
#ابو حسن الجعاري
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

رايح وين. دليني
بويه حسين حاجيني

اه ودمعه وليل. وداع
عمري المابي عطرك ضاع
بويه يحسين
~~~~~~~~~~~~~~~~~~~~~
قصة حبيب وفاكده. بدمع الهجر مكتوبه
يعكوب ماردله النظر. لو ما عطر محبوبه
انه العليله وفرحتي. من دنيتي مسلوبه
يابويه وفراكك ذنب. حلت عليهْ التوبه

دمع فراك. يچويني
من اشتاك. ياذيني
من شوفك خليلي متاع
عمري المابي عطرك ضاع
بويه يحسين


~~~~~~~~~~~~~~~~~~~~~~~
يمسافر الدار الغرب. عايف وراك بنيه
حنيتك الجانت تصب. خليلي منهه شويه
احتاجلك بويه دوه. محد عرفني شبيه
خليني اروح ويلضعن. واقبل ارد مسبيه

هاي النوك. مصعبهه
يلمعشوك. و اركبهه

وضل دمعي علخد شراع
عمري المابي عطرك ضاع

~~~~~~~~~~~~~~~~~~~~~~~
كالولي عنكم جم خبر. شموع الحزن معلوكه
حاجيني ياهيه نسبت. وجم خيمه ما محروكه
كالولي طفله تسلبت. وابخيلهم. مسحوكه
شالتها زينب للخيم. وبحضانهه مشبوكه

طفله شلون. مسبيه
عدهه متون. محنيه

ضربوهه. وضلت علكاع
عمري المابي عطرك ضاع
~~~~~~~~~~~~~~~~~~~~~~~
لاترحل وتاخذ طفل. اتخليني ادور وينه
خلولي عبدالله ومهد. وخلوهه يمي سكينه
بحضاني اخلي لو برد. وبيديه اغمض عينه
چلمت وداع امبينه. و مكتوبه فوك جبينه

چبده الحار. مو سهله
مال اكبار. هل نبله

من عيوني رايح شبساع
عمري المابي عطرك ضاع
~~~~~~~~~~~~~~~~~~~~~~~
خليني اروح ولا تهم. ثكلت يبويه الانفاس
يم ابو فاضل خل اضل. يتكفل ورفعت راس
مايرضه اضلن للبجي. ولا يقبل بهم انجاس
كدهه ويقدر موقفي. . يكفلني باجر عباس

انطه العين. كافلنه
والچفين. الخاطرنه

مثل الكافل ماكو سباع
عمري المابي عطرك ضاع

خادمكم
#علي مخيلف
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يبني يلاكبر روحي ضلت يمك
فدوه رحت لحسين يابعد امك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

انه لي ضميتك ذخر يوليدي
بالطف اقدمك يا فرحتي وعيدي
توكف لبوك احسين ها يوحيدي

ميت فداء حسين حتى تضمك
فدوه رحت لحسين يا بعد امك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

عميانه عيني من البجي يلاكبر
وانتظر جيتك يبني كلبي تفطر
من شفت وجه حسين يمه تغير

اتمنيت اشوفك يلولد واشتمك
فدوه رحت لحسين يا بعد امك

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

يلتشبه لجدك يلكبر مضلوم
ماشافو بوجك نبي هاي الكوم ؟
خلو كليبي منلحزن يبجي هموم

نلت التريده وهذا اعرف حلمك
فدوه رحت لحسين يا بعد امك
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

يبني يلكبر كون اشمن نحرك
وشفيلك جروحك الأذن صدرك
همك وليدي بلگلب ضل همك

ميت ييمه وادعي ربي يسلمك
فدوه رحت لحسين يا بعد امك

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

اوصيك يبني وگلبي لاجلك مجروح
توكف لبوك حسين ردتك مذبوح
كلش رخيصه الروح لحسين الروح

لاخر نفس ضل وي ابوك وعمك
فدوه رحت لحسين يا بعد امك

٠٠٠٠٠٠٠٠٠٠٠٠٠٠٠٠٠٠٠٠٠٠

يا اعز من روحي وحياتي الاكبر
ضل وي ابوك حسين حد المنحر
حسيت يبني بفركتك كلبي انطر

فدوه لبو الاحرار يمه دمك
فدوه رحت لحسين يا بعد امك

كلمات خادم الحسين
#حيدر ناجي الدراجي
1442 للهجره
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

جسام يبني ومهجتي
بعدك شتسوى دنيتي
بجفاك دلالي نصاب
متوسد اهلالك غاب

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠


مو كتلي ارجع يلولد
منتظره انه علوعد
يايمه بس ردتك سند
للكبر يا ضي عيني

يبني البعد ياذيني
حتى الكلب بعدك شاب

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
امصابك ييمه بلكلب
جسام تيهت الدرب
يوليدي رايح للحرب
فدوه لحسين الغالي

بيك افدي وبدلالي
اشتمت عطرك بلخيم هاب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من رحت اه يا حسرتي
ماترجع ترد وحشتي
ترست خدودي دمعتي
من ارحلت يا غالي

ضيعت كل امالي
بفراكك ييمه الكلب ذاب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلبك شكلك من رحت
امك عفتهه وغربت
مسمعت جاسم من صحت
وحدي بغرب يا حالي

بس الحزن يبرالي
كلي شفت بعدك شاب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ودنه من كتر الكتر
وبصوط يظرنه الشمر
جسام عاتبت الدهر
يمه نفطر دلالي

والموت يتراوالي
شموعك طفن ضل تراب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جسام يبني اشتاك ألك
ترجعلي يمه اتاملك
يوليدي طفو شمعتك
ما ضلي بفراكك والي

يا عطر من حيدر علي
ولكلب صاير عطاب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رحت وعفتني مكدره
بحزني ولا حزنت مره
ضليت وحدي محيره
بس الحزن ياحالي

ياشمعه تضوي بالي
جن سهم وبكلبي نصاب
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جسام مامنك خبر
يوليدي دلالي نفطر
رديت مكسورت ظهر
يبني وفكدت امالي

انهض وشوف احوالي
شموعك طفن لحباب

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
امك واحلفك بالربه
يمحلي ايام الصبه
شوف الخيام امشيبه

يوليدي ها يعيوني
ترضه العده يشتموني

حرمه وتون بين اجناب
اه يا عزائي وهذا المصاب

كلمات خادم الحسين
#حيدر ناجي الدراجي
1442 للهجره
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يليث الغاضريه يمه عباس
فده لبن الزجيه يمه عباس

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

يكافل هاي زينب يمه عباس
اسد حياه من طب يمه عباس
غضب علجيش يرهب يمه عباس
ونعم إبني المجرب يمه عباس


راواهه المنيه يمه عباس
يا ليث الغاظريه يمه عباس

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

بطل وربات حيدر يمه عباس
يبيك الطف تحير يمه عباس
عليك الزهره تنضر يمه عباس
ابد لتخلي منكر يمه عباس


جيب النصر أليه يمه عباس
ياليت الغاظريه يمه عباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

يافخر العشيره يمه عباس
عدوانك بحيره يمه عباس
لوعتهم چبيرة يمه عباس
يغيره ابطن غيرة يمه عباس

ما ظل جيش اميه يمه عباس
يليث الغاضرية يمه عباس

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

كوم انته الكفلهه يمه عباس
انته ألهه وتحلهه يمه عباس
وينه ألي وصلهه يمه عباس
بوجودك يا املهه يمه عباس


يبو روح الابيه يمه عباس
يا ليث الغاظريه يمه عباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

گمر هاشم وعرفك يمه عباس
ياهو ألي يردك يمه عباس
لويت الطف بجفك يمه عباس
يموت الوصل حدك يمه عباس

درع للهاشميه يمه عباس
ياليث الغاضريه يمه عباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

يطك وما يثني يمه عباس
وحك جفوفه ذني يمه عباس
ابد لاما جرحني يمه عباس
حنين اعليه وني يمه عباس

وصيتي بهل مسيه يمه عباس
يليث الغاضريه يمه عباس


لخادم الحسين
#حيدر ناجي الدراجي
1442 للهجرة
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

كلُّ العزمِ الهادرِ فينا . من كفِّ العباس
في حاضِرنا وبماضِينا . من كفِّ العباس
جُودي ووجُودي
من ساقي الجُود ِ
صَبري وصمُودي
من كفِّ العباس

عهدُ الفداءِ من خيرِ ناصر ْ
جاءَ يُحاكي فيضَ المشاعرْ
لأخ ٍ مُحب ٍ قد صانَ نفساً
والختمُ نزفٌ في يوم عاشرْ
عهدٌ بالأحشاءِ تهَادى . كمسيرِ الأنفاس ْ
قد خُـطَّ بحرفٍ من نورٍ . من كف العباس
في سِفرِ الطيب ِ
يزهو كلـَـهيب ِ
وبنقشِ حبيب ِ
من كفِّ العباس

هذا ابنُ أم ٍ مُلئَـت يقينا
من كفِ رِجلٍ حتى الجَبينا
غَذّتهُ طِيبا من صدرِ نور ٍ
عشقاً لحق ٍ وهُدىً ودِينا
ربَّـتهُ على رفضِ الجور . وعَداءِ الأرجاسْ
وأتى تصديق ٌ للدَعوى . من كف العباس
أدّى وأجَـادا
عباس وزادا
ذَودا وجهادا
من كفِّ العباس

نبـع ٌ أصيلٌ كـف الوفاء ِ
يَسقي العَطاشا بلذيذِ ماءِ
فضلٌ عظيمٌ من ربِ جودٍ
جاءَ دواءاً من كل داء ِ
مازِلنا ننهَل ُ من نهرٍ . ضِفـتهُ الإحساسْ
نشرَبُ مايملؤُنا فخراً . من كف العباس
كرحيقِ زهورِ
بنـَقاء طُـهور ِ
يُسقى بسرورِ
من كفِّ العباس

سقطتْ كفوفٌ بتُراب طف ِ
فمشى حزيناً طوفانُ نزف ِ
وحسين يرنُو هولَ البلايا
قمرٌ تشضّى بجِوار ِ جُرف ِ
وعقيلةُ خدرٍ قد نادَت . ياقُدس الأقداسْ
هذا نورُ الله تسَامى . من كف العباس
سيَحِلُّ ظلامي
ويطولُ مقامي
في أرضِ الشامِ
من كفِّ العباس
**
درسٌ بلـيغٌ درسُ الكفيل ِ
منه انتَـهَلنا في كل جيل ِ
أنَّ الخُضوعَ موتٌ بطئ ٌ
ودربُ اليقينِ خيرُ السبيل ِ
ولهُ عهـدٌ أنـا نبقى . للمبـدأِ حُراس
ننهَلُ فكرَ العزةِ هذا . من كفِّ العباس
لن نضعُف يوما
وسنَـغلبُ هَمـَّا
وسنأخذُ عزما
من كفِّ العباس

================
لقمان لعيبي البدران
1442
https://telegram.me/lukmanalbadran

قصيدة شور

عن لسان مولاي الحر

عطشتك آنه وانته ماي وبحقك شگد قصرت
كل عمري مو حر ياهواي بس من اجيتك حر صرت
فدوه اشتريني بمستحاي راكع عله اجدامك طحت

لو ما رحمتك ضاع العمر
وبگد حنانك جيت اعتذر
بس انته همي ومو همي أجر
بس انته همي ومو همي أجر

وشعندي عفته لخاطر عشرتك بالطف لگيتك گد الهله
قائد جنت بس لمن عرفتك كلشي نسيت بكربله
يا رخصه كلمن غالي بدونك عد ال اميه شعز حرمله

مولاي ابا عبدالله..........مولاي ابا عبدالله
..............................................
لكل لحظه بأيامي بجيت ولحظاتي بس يمك حلن
عايش غريب ومن اجيت حرت آنه بيك شجم وطن
كاطع طريقك بس لكيت حاسبني جاي ويه الضعن

لنحرك جنتله واگف سهم
شو عاملتني راعي العلم
شلون احسبتني امن اهل الخيم
شلون احسبتني امن اهل الخيم

أذيتك بكدما صافي كلبك وعثره جنتلك بالدرب
هم ناسي هم ما رايد أذكرك يلسولفتلي كله حب
وشكد هضمتك بس حسستني غالي اصير اعله الگلب

مولاي ابا عبدالله.........مولاي ابا عبدالله
...........................................
هسه اعرفت ليش الجنون هنياله عابس عالعشك
الحَب غيرك بگلبه يخون والحبك أميز الصدك
ابيض اشوفه بعيني جون واليحترگلك مامحترك

من الدنيا هاي آنه شحصلت
هنيالي لو تايب من وكت
جا من زمان بعينك همت
جا من زمان بعينك همت

حتى الله حاسب بيته خيمكم وسجل الك ارض وسمه
يم ال اميه بيدي الشريعه بس يمك شمحلى الضمه
وشكبره حظي امن اخدم رقيه وتعرفني امك فاطمه

مولاي ابا عبدالله......مولاي ابا عبدالله
............................................
أركض اجيتك منهم وانوح امن اجروحك ارد احظى بجرح
عندك أمانه بروحي روح وآنه اعلمودك جاي انذبح
قبلك اريد لرمحي اروح جي بيدي جايبلك رمح

شمحلاته راسي وابلا جسد
خاطر أوفي وياك الوعد
ومن هايه ما نتفارگ بعد
ومن هايه ما نتفارگ بعد

وين الگه واحد يشبهه دلالك انته اليعوفك يعني هلك
الله رحمني بنعمة نصرتك ويم الله اغله لو طحت الك
اعيالك حبيبي صح عطشتهم وبروحي اعوض رايد هلك

مولاي ابا عبدالله ......مولاي ابا عبدالله

#أحمد ماجد الكلابي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

المنتظر وين بمجلس حسين

وگف بطراف العزاء
مو دمع يبچي دماء

بمجلس حسين
ا~~~~~~ا ١

حاظر المهدي ولا يترك عزاء
ابد ما ينسه مصايب كربلاء
دائماً باللطم يرجع للوراء
احترام الفاطمه خير النساء

إيشاهد آثار بيها بسمار

والضلع صعب الشفاء
مو دمع يبجي دماء

بمجلس حسين
ا~~~~~~ا ٢

المهدي حگه لو لطم بجفوفه حيل
ايشوف بالمجلس علي حامي الدخيل
بلا عمامه ودمه من راسه يسيل
يلطم ومن يلطم الدنيا تميل

ينحب الكون من يلطمون

وعرش خلّاق السماء
مو دمع يبجي دماء

بمجلس حسين
ا~~~~~~ا ٣

ولمّن الرادود بالونه يِزيد
راح يسمع صوت لكن من بعيد
يعني زينب حاظره وتگله عيد
ايشوفها المهدي وجروحه ماتهيد

زرگة المتون حمره العيون

من مصايب كربلاء
مو دمع يبجي دماء

بمجلس حسين
ا~~~~~~ا ٤

بالمجالس لو دمع احمر يسيل
هذا دمع عيون عباس الكفيل
كله غيره وسوّه دمعه المستحيل
يمشي وي دمعات زينب لا تميل

يبچي عباس مهشم الراس

ولمّن ايقدموله ماء
مو دمع يبجي دماء

بمجلس حسين
ا~~~~~~ا ٥

بالتعازي لو شفت طفله تنوح
يعني بالمأتم رقيه بلايه روح
والعلامه بالاذن عدها جروح 
ومنها ريحة حركَ المخيم تفوح

اتدور حسين بالعزه وين

ولمّن ايصير اللقاء
مو دمع يبجي دماء

بمجلس حسين
ا~~~~~~ا ٦

بالمجالس لو عِله صوت الانين
يعني جاي من السمه الروح الامين
وحظروا المأتم جميع المرسلين
يعزّون المهدي بمصاب الحسين

آه واويل داسته الخيل

بلا دفن ظل بالعراء
مو دمع يبجي دماء

بمجلس حسين

ا~~~~~~ا ٧

بالعزاء المهدي ينظر للقلوب
دير بالك يالذي عندك عيوب
فشله من المهدي لو شاف الذنوب
كون يم المنبر الليله تتوب

عمرك ايفوت جايك الموت

واليخاف من البلاء
مو دمع يبجي دماء

بمجلس حسين
ا~~~~~~ا ٨

مثل لمح البصر تتعده الحياة 
شگد حلو لو باللطم صار الممات
جفوفك ابضرب الصدر متوسمات
حتى عزرائيل يضمنلك نجاة

بصدرك آثار ماتطب نار

اليفرح بيوم الجزاء
مو دمع يبجي دماء

بمجلس حسين


الشاعر #مصطفى_الشافعي
أوصيكم وصيه       لو جتني المنيه
اريد بثوب عاشوري تدفنوني

ا~~~~~~ا ١

كَضت ايامي كلها وموتي هذا الجاي
تراب المكَبره خايف يضك اعضاي
ثوب اللطم ردته بالكَبر وياي
مثل عبات زينب بي سواد هواي

اذا تحت الوطيه      بثوب الغاضريه
احترام الهدمي والاسود مايعذبوني

ا~~~~~~ا ٢

متقل المجالس لاهناك تزود 
بعد الموت يصعد شاعر ورادود
حمزه وكاظم وعبدالرضا وعبود
وبالمأتم حسين انشاهده موجود

بجفوفه يضمنه     ويشاهد لطمنه
ويصيح بياذنب ياشيعه ذبحوني

ا~~~~~~ا ٣

بعد الموت نبني شكَد حسينيات
وبسابع سمه شمحلاها القرايات
يم العرش تحظر تلطم الهيئات
هنياله الذي بالثوب الاسود مات

وبكل الكواكب      ننصبها المواكب
ويصيح الكَمر ريت اسود صبح لوني

ا~~~~~~ا ٤

لان مجلس ابنها وباقيه اتدوره
بعد الموت لازم تحظر الزهره
تنوح ويانه رغم الظلع والسطره
وبديها عله السراط الخادم اتعبره

اليلطم بالمجالس    اله الزهراء حارس
تحظر بالعزه وتكَول عِينوني

ا~~~~~~ا ٥

احذرك يالموالي واسمع التحذير
إلّطُم موشرط بول الصف اتصير
المجلس خيمة الله وكله رحمه وخير
واذا صابك عُجب يوم القيامه تحير

موبالصف الاول    تره الزهراء تندل
أي صف بالمجالس خل يوكَفوني

الشاعر #مصطفى_الشافعي

https://telegram.me/pagy007