يبو فاضل دخيلك .. يبو فاضل دخيلك
_____
طبها عباس.. على الراس… ترف ريشاتة
دبچت الخيل.. والكحيل… حچة حچاياتة
شد الشگور… بالصدور… تطگ خزراتة

هذا ابن بدوية .. شمّر الخاچية
كافل العلوية .. هوّس ابچفيّة

يبو فاضل دخيلك .. يبو فاضل دخيلك
_____
گرّم الخيل .. والدخيل .. يموت بخوفة
طب على الگوم .. والهدوم .. دوَت بچفوفة
غثوّا الحيد .. والبعيد .. رجع للكوفة

شد وصلته براسة .. واشتعل نوماسة
حسين جاس احساسة .. ابعينة اجالة وباسة

يبو فاضل دخيلك .. يبو فاضل دخيلك
___
حمرة العيون .. ع المتون .. ركبها المهرة
طبگت الجيش .. عل الكاع .. رجلها الشگرة
بريّد اريول .. والخيول .. تدبّچ حدرة

طب عجيد السادة .... وهوّس اعله القادة
ضيّع المشرادة .. … … تعّب الطرّادة

يبو فاضل دخيلك .. يبو فاضل دخيلك
___
بيرغة وياه .. يملگاه .. يچوّي الهيمة
ريشتة اعگال .. ع الثگال .. يرش بضيمة
عدّة ديوان .. والشيوخ ... تعزّب خيمة

فرفح الخيّالة .. ما يحب اوشالة
يفوح عطر اخيالة .. مثل هيل ادلالة

يبو فاضل دخيلك .. يبو فاضل دخيلك
___
ثغبت الگوم .. يجيدوم ... يعوّر سيفك
ها يعباس .. على الطاس .. تمرجح طيفك
التچفت اعليه .. تخليه .. يموت بكيفك

طبها عم اسكينة… وجدّحت رمشينة
تلمض اعله اجبينة .. من تعوّر عينة

يبو فاضل دخيلك .. يبو فاضل دخيلك
_
بظهر عاشور .. ع الشگور .. تظب چفّيتك
خضّر الماي .. يلهواي .. حدر خاچيتك
يشبع عيون .. يعباس .. التضيفة ابيتك

امعلّم اعله الملگة .. ما خذيت الدرگة
انت رب الحرگة .. املوحة بيها الطگة

يبو فاضل دخيلك .. يبو فاضل دخيلك
___
چوّم الليل .. بلا حيل .. گطف شجعانها
اريولهم فوگ .. تره الروس .. حدر فرسانها
بثگلة عباس .. على الناس.. خسف گيعانها

فرّع وشالاها .. وع النجف ذبّاها
اتمزهد وطباها .. وريّف اللاگاها
_


#علي هادي الخزعلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

اقدس كلب واطهر شهامة انشافت
ومروتك لاصارت ولا دارت
مو ماي بالغيره جربتك فاضت
لا ماكو ام بس انت امك جابت

جابت شهم خيال
اسمه حمد ينكال
مغير الاحوال

دخيلك ياسيدي العباس



بغيرة كلب عباس كون ابجيله
قلت حميتي وكلت خل اشكيله
غير الكمر ماعندي حل وحيله
يسويني زلمه من اطب ادخيله

يارايه واشرف راي
يالمستقر ع الماي
حروفك لفضهه افياي

دخيلك ياسيدي العباس

روح الكفاله البيك ماموجوده
يم العطش كلبك يطيح بروده
عباس شح النهر وانطه ازنوده
واتفجرت عين المروه بجوده

كل السكه بطرواك
مايعطش الينخاك
يصيبه ضمه الينساك

دخيلك ياسيدي العباس


عطفك وحبك مو امن استحقاقي
بس كلهه ضاعت وانت وجهك باقي
طهر صفحتي ورد بياض اوراقي
عطشان طالب رشفه من الساقي

يالمنطي اغله جفوف
خليني الك ملهوف
غيرك كمر ماشوف

دخيلك ياسيدي العباس

اليتعود الحب يخضع لتعويده
حبيتك وجانت ابالي ابعيده
حبيت كافل كل زمن ميعيده
انجمعت رجولة هاشم بحيل ايده

ياملفت الانظار
ياقمر الاقمار
ياهيبة الجبار

دخيلك ياسيدي العباس


#حيدر شايع
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

رئيسية للعباس ع

لو لف لثامة ابكربله  وشال الوه بيمينه
ما يترس الجربه ويجي  يجيب النهر لسكينه

وبالحومه لو سل صارمه
يكلب ارضها اعله السمه



نتظموا اعله المشرعة واتباهو ابنتظيمهم
بس شافوا اعيون الكمر ضلت ترف رجليهم
ورادوا يشردون ونسوا موت الله جاي اعليهم
وبن سعد كام وصرخ  وين الشمر راعيهم

فتحو نهرهم للكمر بأمر الشمر والقاده
وهوس حسين من الخيم  حي الله عم السادة

وحي الله سبع الموزمه
يكلب ارضها اعله السمه


@@@@@@@

بس باوع الحومه انجفت احجايه ما حاجاها
والمشرعه من خزرته  هم غيرت مجراها
سل سيفه والركضه بدت والقارعه سواها
نص اختفوا من الركض ونص للجفل رداها

الاختفى منهم خلص  والركض ذب اهدومه
واترابه حيل اتناثرت   واكلب عليها الحومه

وارياجهم شبعت ضمه
يكلب ارضها اعله السمه

@@@@@@@@

كل اصبع ابجف الكمر ترجف ولم كدامه
معناها شمر وقادته عد الكمر خدامه
وتزلزل الكاع وترج لو يشد بيده الثامه
واليدنه يمه ويقترب يحطله بيده الهامه

زلم الكلافه والحرب تتراجف من اكرابه
حي الله سبع الكنطره حي الله ذاك الجابه

وحيدر  ابوه  امعلمه
يكلب ارضها اعله السمه

@@@@@@@@@@@@
گلتله امه بكل فخر وسبع الكلافه تعرفه
كون الاخبار اللي تجي العباس شامر جفه
لحسين مو جفك فقط عينك ييمه تطفه
احفظ مواقيت الحرب من هسه اخذ الكلفه

ولا تاخذ انت اي حذر خلي الحذر يتحذر
واشفافك انت من العطش يايمه خل تتفطر

وبلغني حماي الحمه
يكلب أرضها اعله السمه

@@@@@@@@@

لو متنه  هم عدنه عزه وكل احنه اله خدامه
وهيئتنه اسمها كربله وتصير كلنه ازلامه
والأكبر اينظم العزه وعباس عل الطامه
وانجيبه لحسين النصر والشيعه كلها احزامه

يوم القيامه ننتفض والمعركه انرجعها
وسكينه للكوثر تطب فنه اليكول امنعها

او واحدنه بيده محزمه
يكلب ارضها اعله السمه



#الشاعر عبدالله الشويلي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

للمشاهدة والتحميل اضغط على الرابط ⬇️⬇️
https://youtu.be/YHd_M4mkrb8
القصيدة

[هوى العشاق ] حصرياً 2020

اداء | محمد الجنامي
الشاعر | كرار حسين الكربلائي

الهندسة والتوزيع | محمد عليق
تسجيل الصوت | صالح مقدم

مونتاج واخراج | علي الأسدي

ليلة ١ محرّم:

نَاحَ جُرْحُ الشَّوْقِ فِي قَلْبٍ جَرِيحْ
طَالَ لَيْلُ الْهَجْرِ وَالْفَجْرُ يَصِيحْ
قُمْ وَنَادِي يَا لِثَارَاتِ الذَّبِيحْ
أَيُّهَا الْمَوْعُودُ هَلْ آنَ الْأَوَانْ؟

أَيُّهَا الْمَوْعُودُ طَالَ الْإِنْتِظَارْ
فَمَتَى تُشْرِقُ يَا شَمْسَ النَّهَارْ
لَسْتُ أَنْسَاكَ شَرِيدَاً بِالْقِفَارْ
نَادِبَاً وَيْلَاهُ فِي كُلِّ مَكَانْ

نَادِبَاً وَيْلَاهُ بِالدَّمْعِ الْهَطُولْ
ذَا حَبِيبُ اللهِ مَا بَيْنَ الْخُيُولْ
ظَامِئَ الْقَلْبِ قَضَى سِبْطُ الرَّسُولْ
وَالنِّسَا مِنْ بَعْدِهِ قَسْرَاً تُهَانْ

زَيْنَبٌ مِنْ بَعْدِهِ بَيْنَ الرِّجَالْ
قَدْ مَشَتْ مَسْبِيَّةً فَخْرُ الْكَمَالْ
بَضْعَةُ الْكَرَّارِ جُرَّتْ بِالْحِبَالْ
مُذْ هَوَى الْعَبَّاسُ نَامُوسُ الْأَمَانْ

كَرْبَلَا جُرْحٌ عَلَى وَجْهِ التُّرَابْ
أَصْلُهُ ضِلْعٌ وَمِسْمَارٌ وَبَابْ
نَزْفُهُ الْجَارِي عَلَى طُولِ الْغِيَابْ
يَرْتَجِي كَفَّكَ يَا مُحْيِي الزَّمَانْ

قُمْ رَعَاكَ اللهُ يَا فُلْكَ النَّجَاةْ
قَدْ سَئِمْنَا الْعَيْشَ مَا بَيْنَ الطُّغَاةْ
أَيُّهَا الْمَهْدِيُّ مَا مَعْنَى الْحَيَاةْ؟
دُونَ لُقْيَاكَ أَيَا بَابَ الْجِنَانْ

https://tttttt.me/Hassankhanafer

نوحوا على الحبيب .. نوحوا على الغريب
نوحوا على السليب .. نوحوا على الخضيب
نوحوا على التريب .. نوحوا على المَغيب
....
نوحوا على الصدر .. الگاعد عليه شمر ..
خلّه اثنعش طبر ..  وحز رگبة الطُهر .. 
وحافر خيل الكفر  .. بيه خلّه چم كسر
....
نوحوا على الحرم .. اعليهه الشمر هجم
لا والي لا خيم .. وواليهن انشتم ..
صاحن من الالم .. يا راعي العلم
....
نوحوا على الكفيل .. ودم هامته اليسيل
زينب بلا دليل .. بس واحد وعليل
درب السبي طويل .. وبيهه الزجر يعيل
....
نوحوا على الرضيع .. والمنحر الگطيع
حال الچبد فظيع .. واتروّه بالنجيع
يا منظره الفجيع .. ست اشهر وصريع
....
نوحوا على الشباب .. المتحنّي بالخضاب
دگ صدرك بعذاب .. جاسم على التراب
ليله اتحاچي رباب .. واويلي ابني غاب
....
نوحوا على السبي .. والجدهن النبي
من سوط الأجنبي .. متشگگه العبي
يا روحي غرّبي .. ولا حره تنسبي
....
نوحوا والله اليعين .. زينب بالاربعين
ردت يمؤمنين .. واتنادي يا حسين
امنين ابدي يالحنين .. لتگلي بنتي وين
....

احمد هادي الشمري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يا صاحب الزمان
#ندبة

بسم الله الرحمن الرحيم والصلاه والسلام على المبعوث رحمة للعالمين حبيب اله العالمين ابي الزهراء محمد وعلى ال بيته الطاهرين
السلام عليكم ورحمة الله وبركاته
نود أن نعرض عليكم لسته القنوات لنشر القصائد الخاصه بشهر محرم وبالترتيب الاتي أدناه👇

القناه الرئيسيه على الرابط التالي 👇👇
الناشر الحاج فلاح حسن لنشر القصائد الحسينيه / عزاء
■□■□■□■□■□■□■□■□■

من يمـر طاريـك اعثــر بالدمــوع
💔😭
مدري اصرخ لو أدگ صدري احير
😔⁉️
ارزقني رحلة عشگ مابيها رجوع
💔💔
لو أموتـن لــو أرد مجنــون اصير
💔😭
■□■□■□■□■□■□■□■□■
https://tttttt.me/alnasherfalahhasnn


#الناشر_الحاج_فلاح_حسن_محرم_الليله_الاولى

@alhajfalahhasnn1

#الناشر_الحاج_فلاح_حسن_محرم_الليله_الثانيه


https://tttttt.me/joinchat/AAAAAERj1DE7uk0xAi_44g


#الناشر_الحاج_فلاح_حسن_محرم_الليله_الثالثه

@alhajjfalahhasnn3

#الناشر_الحاج_فلاح_حسن_محرم_الليله_الرابعه


https://tttttt.me/joinchat/AAAAAERVlQu2TaN8ejCHEw

#الناشر_الحاج_فلاح_حسن_محرم_الليله_الخامسه

@falal5

#الناشر_الحاج_فلاح_حسن_محرم_الليله_السادسه

https://tttttt.me/joinchat/AAAAAExxzdtrIO4eSlLvMA

#الناشر_الحاج_فلاح_حسن_محرم_الليله_السابعه


https://tttttt.me/joinchat/AAAAAEU9CWab6o-yz8s6dg


#الناشر_الحاج_فلاح_حسن_محرم_الليله_الثامنه


https://tttttt.me/joinchat/AAAAAFGNtKZUPid3MugGQQ


#الناشر_الحاج_فلاح_حسن_محرم_الليله_التاسعه


https://tttttt.me/joinchat/AAAAAE6iwyqkhbvz69Afvw

#الناشر_الحاج_فلاح_حسن_محرم_الليله_العاشره

https://tttttt.me/joinchat/AAAAAFP9-Ukpe56ibTVf0A


#الناشر_الحاج_فلاح_حسن_محرم_ليله_الوحشه


https://tttttt.me/joinchat/AAAAAFGA0XCmqJ5goN9AoA



#الناشر_الحاج_فلاح_حسن_دفن_الاجساد_الطاهره

https://tttttt.me/joinchat/AAAAAFK4YUGL-tIb-c6MvQ

#الناشر_الحاج_فلاح_حسن_مسير_السبي

https://tttttt.me/joinchat/AAAAAEpjTlDspoAsDQGQtg


نسال الله التوفيق وقبول هذا القليل بحق محمد وآل محمد

يرجى نشر الرابط ليصل إلى جميع الخدمه
الاقل شأنا #الناشر_الحاج_فلاح_حسن

#محرم_١٤٤٢
#هلال_محرم


آهٍ لها بَقِيت تطوفُ ببالي
صورُ البلاءِ فغيّرت أحوالي
وقِوايَ هُدّت فالخطوبُ جسيمةٌ
هذي دموعي أخرَست لِمقالي
لم أعرفِ الأيامَ بعدَ رزيتي
والكلُ منها أُبدِلَت بليالِ
وتعيدُني الذكرى لأفجعِ وقعةٍ
مذ حلّ شهرُ الحزنِ بالإعوالِ
أهلالَ عاشوراءَ عُدتَ بلَوعتي
ومصآئبي ما بارَحت لِخيالي
أنا زينبُ الكبرى وريثةُ فاطم
في كربلاء َ تبدّدت آمآلي
ليَ إخوة ذُبحوا وأُحرقَ منزلي
معهُ خيامي بعدَ نهب ِرحالي
فحسينُ في طفِ المآسيَ عافرٌ
وموزعُ الأشلاءِ والأوصالِ
وكفيليَ العباسُ غدراً قطّعوا
يمناهُ حتى أتبِعَت بشمالِ
ماذا أقولُ عن الذي شاهدتُهُ
فجسومُ أهلي كُفِنَت برمالِ
ورؤوسُهُم حُزت بأسوَأ ِمنظرٍ
طافوا بها البلدانَ فوقَ عوالِ
ياجُرحَ سبيّيِ مابرِئتَ ولم تزلْ
من ذكرهِ حتى اللئيمُ بكى لي
وأنا التي قَسماً بخدريَ أقسموا
والكلُ يحكي هيبتي وجلالي
لم يستطعْ أحدٌ لشخصيَ نظرةً
كي يرسِمّنَ الواصفونَ خيالي
وإذا يراني الشامتونَ أسيرةً
مكتوفةً بالحبلِ والأغلالِ
جبلٌ من الأحزانِ أرّقَ مضجَعي
من كربلا للشامِ كانَ مآلي


#سميرالصالحي
#النجف الأشرف

#الناشر_الحاج_فلاح_حسن_محرم_الليله_الثالثه


قصيده بحق العليله ع



مشتاكه كلش حيل للعافوني
حمل ضعنهم ليش ماتانوني
انه برجاهم ضليت
وياهم امشي اتمنيت
اخافن يطول فراكنه وينسوني



مشتاكه روحي وحيل ماضل بيها
ساعت المغرب لو تمر تاذيها
الفركه مره وحيل مر طاريها
غابو الودهم عني
وجروحهم ياذني
مناطره الباب واون خلوني



للباب عيني مناطره لجيتهم
جابيش اسدها ياخلك وحشتهم
هيهات صارت بعد يا شوفتهم
ابعيد شالو كلهم
مشتاكه ياهو يكلهم
لوطالت الغيبه تره يأذوني


اغيابهم لو طال يهدم حيلي
الف حسبه وحسبه احسب ليلي
حتى الدمع بغيابهم يبجيلي
اتذكر هناه وهناه
شخص الولي الفاركناه
انه ودمعتي وذني والله عيوني


مشتاكه مالوم الكلب من يشتاك
ما ينحمل يا ناس كلش الفراك
صبح دليلي اليوم مهموم وطاك
من ودعوني شحالي
يوم الفكدت الوالي
ماحسبت يرحون ويعوفوني


بقلم✍✍✍الشاعرة ام كرار الساعدي


#الناشر_الحاج_فلاح_حسن

برموشك الليله يجفني اتحزّم
باچــر الواحد من شهر محرّم

••••••••••

يا جفني گـرّب يومـه
ذاك الوگـع بالحومـه
وامسلبات اهدومــه …. وامن الدمه تغسيله

برموشك وشد حيلك
وأنصب مناحه بليلك
وخلي السمه تبچيلك …. وأم الحسن تبچيله

ويه الامام المهدي گــوم اتألّم
باچــر الواحد من شهر محرّم

••••••••••

يا جفني فارگ صبرك
لو قصّرت ما أعذرك
كل دمعه (شمعه) بگبرك …. اي والضلع ومصابه

شهر المحرم گـرّب
شد حيلك ولا تتعب
واسي الزچـيه وزينب …. وخل دمعتك سچـابه

وخلي (الورگ) من دمعتك يتعلم
باچــر الواحد من شهر محرّم

••••••••••

ياخذني چـف العَبره
لـ أمحرّم وللعشره
وأنظر اسود العتره  …. بين الخيم والحومه

ترسوا اعيون العسكر
عباس .. جاسم .. الاكبر
وزينب گـلبهه يسعر   …. وگـبل الجرح ملچـومه

هاي الگـلبهه العــ الجروح أمعلم
باچــر الواحد من شهر محرّم

••••••••••

يا جفني باچر باچر
لو گـرب يوم العاشر
يبقه الولي بلا ناصر   …. ولا من مُعين ايعينه

الله يساعد گـلبه
بين العده والغربه
راح الأخو والصحبه  ….  وابثوبه چف سكينه

تقبل يبويه من الزغر واتيتم
باچــر الواحد من شهر محرّم

••••••••••

باچـر حبيبك وحده
والدنيا توگـف ضده
ايودع أصحابه وولده  ….  وبت فاطمه وعباسه

بسيفه الشمر يبراله
واعليه تحوم اعياله
وداست عشر خياله  ….  صدره ويعاين راسه

بذاك المسه ركن العرش يتهدّم
باچــر الواحد من شهر محرّم

••••••••••

باچر تصيح سكينه
يا عمي جودك وينه
واعله النهر چـفينه   ….   ما فارگـت رايتهه

زينب تجيه ملهوفه
فوگ الرمال اتشوفه
عثرت بصف چفوفه ….  واختنگت بعبرتهه

وينه التكفّـل بالضعن واتوزم
باچــر الواحد من شهر محرّم

••••••••••

عالقاسم وعالأكبر
وسهم الطفل والمنحر
يا جفني دم تفجر  ….  وزنجيل دگ برمشك

واعله العليل وجرحه
ذوب وأبد لا تصحه
وعاشور لو مر صبحه  …. للسمه شيّع نعشك

ابنات النعش يبچـنك ابدمع ودم
باچــر الواحد من شهر محرّم

••••••••••

باچـر يمطول ليله
بسكنه ورباب وليله
وزينب مشت تشكيله  ….  لعباسهه الفارگهه

وأرقيه يا لوعتهه
من ركضت لعمتهه
وين الأبو سألتهه   …. وأم الحزن تشبگهه

يا عمه لا ظل لا أبو ولا ظل عم
باچــر الواحد من شهر محرم

••••••••••

احمد هادي الشمري

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

. قـــريـــب وصـلـت ايــام الــعـــزاء
قـــريـــب يـنـسـمــع هــذا الــنــداء

لـبـيـك يـا حـسـيـن لـبـيـكِ كــــربـــــلاء

             *-----------------*------------------*

بـاقـي ايـام ونلبي ونـلبس احـرام الـســواد
نـشـكـر الله بنعمته والـعـزاء عـلـيـنــه عــاد
بمجلس حسين المدامع والگلب يعلن حداد
ربي وفقنه لخدمته الخدمة تحتاج الـسـداد

دمــــــوع تـجـري وتـحـدد مصـير
دمــــــوع ســـون الـخـادم امــيــر

بـدمـعـة الـعــيــون انــجــدد الـــوفــــاء

             *-----------------*------------------*

نواسي للزهره بلطمنه ونخدم الضامي نريد
انـتـهـه عـام ونتانـــي يرجـع محـــرم جديـد
الـعـمـر وسـنـيـنـه كـلـهـه لذتـه بذكر الشهـيد
اه يحسن ومصـابـه موعظه واجـمـل نـشـيـد

وســــــام عالـگـلـب دگ الـصـدور
وســــــام يـحـمـلـه بــس الـغـيـور

نــواســي لـلـبـتـول بــصــرخــة الـــولاء

             *-----------------*------------------*

اليلوم بكيفة خله ما عرف معنى الجنـــــون
اليحبّه الباري يـحـضـر يلطم وتجري العيون
فاطمة تسجل الاسامي بالعزه لمـــــن تجون
يـالـخـدم حـيـاكـم الله بـإسم ابنهـه تـرددون

اكــــيــــد هـذا محضوظ الـيـنـوح
اكــــيــــد بكلبه لـلـضـامـي جـروح

يـا كـعـبـة الـخـلـود يـا قــبـلــة الابـــــاء

             *-----------------*------------------*

نـنـتـظـر يـمـتــه يجينـه بالعشك زاد الـهـيـام
انوسم الصدور بمحرم ونعمه الِيحصل وسام
يرفع الخادم مقـامـه ويـرتقي بـشـهـر الحـرام
بدمعة عـيـونـه اليهلـهـه تطفى نيـران الخيام

جـــــروح بينه للـغـالـي الحـبـيـب
جـــــروح نـازفـه مـا اظـن تطيـب

يــبــقــى لـلـمـمـات دائـــــم الـــعــــــزاء

             *-----------------*------------------*

حيـره لحسين شنقدم والدمـع كـلـش قـليـل
نحسب ايام وقـمـيـصـه ينشر بـأمـر الجليـل
ندعي يرزقنه المناحه ربـنـا ونـزيـد الـعـويـل
الراحه بالحركه يحسهه الينحب لفگد الخليل

شـــعــــار نـرفـع بـإسـم الحـسـيـن
شـــعــــار يبقى صوت المؤمـنـيـن

ثــابــت الـيــقــيــن تـهــتــف الـــدمـــاء

             *-----------------*------------------*

المنجرح كلبه بحبيبه سلوته الـون والـدمــوع
مبين المچوي بحرگته يكسر بصدره الـضلـوع
لـوعـة الـثـكـلـه وألـمـهـه العاشك الليلـة يلـوع
بذكر الحسين ومصابه ينعرف معنى الخشوع

حـــزيـــن الخادم لـحـزن الـبـتـول
حـــزيـــن ودمعة للتحت الخـيول

بـمـجـلـس الغريـب يــقــبــل الـــدعـــاء

             *-----------------*------------------*


✍بقلم خادم الحسين ع
الشاعر رعد الچريخي

*[ محرم عالأبواب ]*

أداء: الملا #علي_الوائلي_الكربلائي
كلمات: الشاعر #مصطفى_العيساوي

https://youtu.be/Q892JwrVqOU

مجالس شهر ذي القعدة الحرام لسنة 1441 هـ - 2020 م
ليالي استشهاد مولانا باب المراد الإمام محمد الجواد صلوات الله عليه
حسينية قصر الزهراء عليها السلام - العراق - الكاظمية المقدسة

مونتاج: مصطفى العتابي
مكساج: كرار الموالي
مخطوطة: مؤمل الرميثي
إنتاج: حسينية قصر الزهراء عليها السلام
تنفيذ: الفضل للانتاج الحسيني
النشر الشبكي: علاء بركات العاملي

تراث
طور :- سدوا الماي الماي


هجمت الخيل الخيل .. وانــظــر اعــلــيــهــه
خــويــــــه حـسـيـت بـخـطـر
وصـلـت أخــيــمــنــه الـگــوم

وأنــظــر اعــلــيــهـــه

*---------------*---------------*

إبْحيره وابّـيـن الـعـده والـمــدامــع هــامــلــه
تــلــتــهــب نـــــــــاري
هجمت اخـيـول وزلـم والأطــفـال اتـسـلـبـت
واشـــكـــي لـلــبــــاري
نـايــم بـنـوم الــهــنـــه يـالـجـبـتـنـي الكـربـلـه
تــــبــــره لأكــــتــــاري

حــرگــت الــنــار اطـنـاب .. والـحــرم بـيـهــه

ويـــن يــابــو الـــمـــرجـــلـــه
هـــــاي حـــومـــة كـــربـــلـــه

ريــتــك الـيـوم اتـشـوف .. اخـتـك اشـبـيـهـه

*---------------*---------------*

شـافـت الـعـيلـه الجره والـحــرايــر خــايــفــه
والـضــــعــــن والــــــم
وتمرجل بسوطه الشمر ورم امـــــتــــــونــــــي
ويــشــتــم الـــظــالـــم
أتـمـنـيـتـك بهذا الوكت عــنــدك اچـــفـــوفـــك
والـــنـــظـــر ســــالــــم

يــامــن بــزودي ويــاك .. هــايـــه تــالــيــهــه

هــــاي أنـــــه أمـــســـلـــبــــه
نـــــار بـــيـــه امـــچـــلـــبــــه

طـاحــت الـرايـه شـلـون .. وانـتـه راعـيــهــه

*---------------*---------------*

بطيحة الرايه اگصدت تـــعـــثـــر اجـــدامـــي
وأنــظــر اچــفــوفـــك
بـاچـر اتــروح بـسـبـي غــصــبــن اعـلــيــهـــه
واخـتــك اتــعـــوفـــك
خـويـه اودعـنـك ردت مــــن يـــمـــشـــونـــي
عـيـنـي مــتــشــوفــك

عـيـلـتـك تـمـشــي ويــاي .. بــس نـواعـيـهـه

نـــــام وآنـــــه أمـــيـــســــره
ســــال والـــمـــدمـــع جــــره

زيـنــب بــهــذا الــحــال .. يــامــحــامــيــهــه

*---------------*---------------*

خـاف مـا شـوفـك بعد تــخــلـــص الـلــيــلـــه
وامــشـي مــســبــيـــه
خـاف يـاخـذني الشمر يـاضــوه اعـــيـــونـــي
غــصــبــن اعـــلـــيــــه
ريــت ويـــاك انــدفــن شــاهـــدت خـــــــدري
هــيــچــي تـــالـــيـــــه

خـافـن اتـسـيـر الـنـوگ .. تـصـعـب احچيـهـه

صــــار خــــدري الــــوحــــده
حــــيــــف وبـــيـــن الـــعـــده

خــويــه ورقــيــه ويــاي .. ويــن اخـلــيــهــه

*---------------*---------------*

أدري يـاذيك الحـچـي كــافــل اضــعـــونـــي
وانــتـــه الــمــشــيـــم
لاچــن الــصــار وجـره رخـــص ادمـــوعـــــي
والـــحـــــزن خـــيــــم
خاطري وخدي انجرح والاشــــد جــــرحـــــه
گــلــبــي الــمـــتـــيـــم

تـمـشــي لـلــشــام اعــداك .. وآنـه ابــاريــهــه

ســـــوط بــمــتــونــي ودمــه
جــــور زمــــره وظــالــــمــــه

نـاگـتـي ابـيــن الـگــوم .. غــربـــه تـحـديـهـه

*---------------*---------------*

✍بقلم خادم الحسين ع
الشاعر رعد الجريخي

طور القصيدة
https://youtu.be/ZrDf6keKLMc

(ثگيل_نزال)
#الليلة_الثانية(ليلة الخدم)
(حياة خادم)


الطفل اول ما يجي يبچونه
امن ادموع عينه خادم يعرفونه
وأمه بوجعها تشكر شكد الله
هذا الاجاني خادم لعبد الله
___________________________
(١)
بين صوت الله أكبر والبچي والياهله
گال ابو بس الله يفرج اخذ ابني لكربله

وگبل متشربه امه ويضوگ اللبن
شرب حبك من حچتله اعللصحن
ومن كثر ما حبك اعيونه بچن

ويا زنده شدو بي علگ من عدك
ولابس حرز والحرز صورة ولدك
وبدموعه جده كض ترتبته وصله
هذا الاجاني خادم لعبد الله
______________________________
(٢)
ومر عليه اول محرم وعمره چان اچم شهر
لبّسو دشداشه سوده و طلع احله امن الگمر

وجده شاله وبالمواكب ضل يفر
و لو يجي يم التشابيه و يمر
على الفطره ايدير وجهه امن الشمر

هيچ الطفل بحضانكم ضل يربه
ايسكتونه من يبچي ابصور للگبه
والدخل گلبك يا بشر يوصله
هذا الاجاني خادم لعبد لله
__________________________________
(٣)
بصف الاول توه يدرس وانسئل عن الوطن
الوطن گلهم يعني مجلس نبچي بي وي ام حسن

وحته حيطان المدارس صفگت
و العصافير التزقزق غورگت
والمعلم عينه ما صبرت بچت

الدار يعني الصحن جان يگلهم
والدور من يبدي عزه موكبهم
وبالمجلس يضل يكنس بكل عطّله
هذا الاجاني خادم لعبد الله
_________________________________
(٤)
كبر طولة وشاربه انخط وشاب صار ابخدمتك
وگل لأبو حزمني فدوة وضهري شده بغترتك

وجان هذا اكبر ورث من ضهر ابو
بنفس غترت و الده من حزمو
حته نفس اللطمه لمن باوعوا

وهم وارث احزانه على المسبيه
و وراث مكانه الي بالحسينية
والشرب حزنك ما تجيسه الغفّله
_________________________________
(٥)
شيب الخادم وحدب و ولده لمو كبّرته
وضل على اولاده ايتعكز وما لزم عكازّته

وللمجالس بي يگودون الولد
شايب ووكت العزه ينزل يشد
قصه الخدام احله امن الورد

يحسين حزنك بينه كلش غزر
انموت ويعيشنه طاري المنبر
عيشنه طعم اللچمه يا وجه الله
هذا الاجاني خادم لعبد الله


#مصطفى صادق اللامي محرم ١٤٤٢


اللحن👇👇
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#قصيدة_ثكيل
#لسان_حال_العليله_ ع ، ،


- دعوه يا رب السمه الشافي المعافي
- انطيني حيل اركض وراهم جدمي حافي ،
---- داخله اجواء المواجع
---- ودمعي من بوشيتي طالع
-- ياهلي ، ، ياهلي ، ،
____________________________________
يجن يم بالي العصر والمغربيه
مناغه عبد الله ودمع سكنه ورقيه
هزت الكاروك لسه اتبَچّي بيه
وجانت بكل عيد عمتي اتحَنّي اديه ،


- ضاعن دموعي بجفاهم دمعه دمعه
- بويه الله وياج صوت الكمت اسمعه
---- سافروا لچمه بطريقي
---- وبده الفراگ الحقيقي ،
-- ياهلي ، ، ياهلي ، ،
____________________________________
اتبع بخطوات رجليهم واعاتب ،
هاي اخر ذكريات اهلي الحبايب
كعدت البيبان اشوه من الخرايب
عمره ساعة رمل لمتانيله غايب ،


- ما على المرضى حرج بس انا اريده
- السفر ويه الأهل عنوان القصيدة ، ،
---- اتعبت من كل النواحي
---- الوجع حط روحه بصفاحي
-- ياهلي ، ، ياهلي ، ،
____________________________________
ما لگيت بروحي فرحه اتلم ونيني ، ،
واگفه بكتر النخل واصفگ أديني
طارش يخبرني عنهم ما يجيني ، ،
وحته عيني شما بچت توجعني عيني ،


- عگب فيهم عاشرت عيني البواچي
- وادري باچر بالضعن تنقص تراچي ، ،
---- كعدت البيت اخنگتني
---- مرهدنه احمولي اعله متني
-- ياهلي ، ، ياهلي ، ،
____________________________________
حايره ويا ربي صبرني بجفاهم ، ،
عشر مرات ارد اذب روحي وراهم
والسؤال العاش بيه ، هل آراهم ، ؟
الدرب مدري شگلهم وهل قنعاهم ، ،


- ماتت الضحكه ولگيت بعيني حزني
- بعتبة الباب وصورهم عذبتني ، ،
---- كلهم مدنگين راحو
---- هاي معناها اهلي طاحو
ياهلي ، ، ياهلي ، ،
_____________________________________
الجان يمنه الهيبه والشيخ الفريضه ، ،
چان تارس عيني ويداوي المريضه ،
الفارگ احبابه الدرب كلش يغيضه ، ،
ثوب عبد الله اريده عيوني بيضه ،


- والمفارگ باوع بأيده وتشووفه . .
- من الدمع بربعت حرحارة چفووفه ،
---- هاي ختمات المدامع
---- طير وبلا عشه ضايع
-- يا هلي ، ، يا هلي ، ،
_____________________________________

- علي مهدي المالكي ، ،

-- #اللحن 👇👇
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

انفاسه وصلت للخيم وحسين اضن حاير
شهگاته مو شهكة عطش شهگة رمح عابر
صحت البقاء لله
راح الاجينه وياه
//////////////////////////////////
من بين الاصوات وانه فرزنته صوت احسيني
فجأة وعله الصوت وگمت زينب صرخ لحگيني
وانه انغمه عليه وطحت وادموعي ترست عيني
الماطالعه لباب الخيم لخواني شيوديني ؟
ما اندل بطف كربله لكن وصلت التله
والله مشاهد شاهدت تصعب علي اندله
زين ووصلت هناه
راح الاجينه وياه
//////////////////////////////////
صح شفته بس مالحگت مو بيدي من اتأخر
امشي واباوع والتفت وبهيده خافن اعثر
شفته وعساني ماشفت كاتلني ذاك المنظر
يعرفني اموتن لو سكت حاچاني من المنحر

يون واسمعه من يون دنيت اذاني لنحره
زينب ولا ضگت العذب شحت عليه الگطره
موقف فلا انساه
راح الاجينه وياه
//////////////////////////////////

حسبالي اتچيلك وارد واشبع سوالف منك
ماحسبت هيچ من اجي ينداف دمعي بدمك
المالهن داعي شعجب تاخذ مچان بجسمك
بينك وبيني شكم رمح يصعب علي اشتمك

احسب واغلط بالعدد والضربه فوگ الضربه
مشكوله ذمتك يارمح من ضهره طالع گلبه
يارمح منك اه
راح الاجينه وياه
//////////////////////////////////
بترس اذني واحدهم صرخ هسه الحسين شلونه
يازينب بچفه نقص نيتهم يعذبونه
طمعو يخويه بمحبسك والخنصر يشمرونه
معقوله خاتم ماطلع ماگدرو يجرونه

دورت اصبعه بكل كتر والشامت يهد حيلي
يگلي لگيتي لو بعد شنهي الوضع گليلي
يتبختر بممشاه
راح الاجينه وياه
//////////////////////////////////
بهالحاله بس واحد ردت يوكف والوذ بسده
تمنيت ابو فاضل عدل وچفوف ضلت عنده
ومالايح عيونه السهم ويشوف هاي الشده
بس ادري لو باقي الگمر ماضل اخونه لوحده

من عندي الدنيه خذت وين الكفو ومعدل
وين انطي وجهي من الشمر لو گال اصعدي الهزل
يفر سوطه بيمناه
راح الاجينه وياه
//////////////////////////////////
مذبوح راسه علئ الرمح وعيونه صدت ليه
ميت ولكن بس شكل باقي يفكر بيه
چنه يگلي مروتچ رجعي لدمع رقيه
صبريهه لو رحتو بسبي وختحضر الترچيه

من رخصتك يابو علي اسمحلي ارد للخيمه
خافن اطفالك تيهو امشي ادور الهيمه
گلي بأمان الله
راح الاجينه وياه
//////////////////////////////////
#عباس الزيدي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ماتت كل الاحلام
من ماردلي جسام

يا ليل المصيبه
بعيون الغريبه

ماتت كل الاحلام

*

شنسه من مهجتي دوم أظل أذكره
من يجيني العطش جنت اشم منحره
منه مآ ينشبع طوله زمزم تره
مره أذكر مشه ظل يلالي الثرى

ابني او ادري معناه
من نور الله سواه

لا لا مو عجيبه
بعيون الغريبه

ماتت كل الاحلام



هو بس هالولد هو كل دنيتي
كلشي مات وانتهى من رحل ضنوتي
بيش اصبر الگلب ابني جان سلوتي
عفته مدمي النحر ويلي من قسمتي

فدوه العمه من راح
ايشعشع فوگ الارماح

يجرحني ابمغيبه
بعيون الغريبه

ماتت كل الاحلام



شفته بالطف حِلمْ بعينه شايل وطن
من لبس لامته بطوله شفت الحسن
مثله أبد ماشفت بحبه گلبي انفتن
بعده ضِگت السهر و النواظر عِمن

من تشتاگ الجروح
روحي الكربله تروح

ما أترك نحيبه
بعيون الغريبه

ماتت كل الاحلام



هآ يليل الدمع ابني راح ما يرد
العرسه جنت انتظر مني باگه اللحد
ابني جان او يظل براسه تاج المجد
من يمر عالورد يستعدله الورد

جاسم قدوه يا ليل
ابعطره ايسولف الهيل

راح امنين اجيبه
بعيون الغريبه

ماتت كل الاحلام



اهنآ يليل استمع غربة البلغرب
لا أهل لا عِرف والدمع بس يصب
روحي كلما تون ونهه من الگلب
عالبقه ابلا عرس عالگشخ بالحرب

في أرض النواويس
ردنه انشوفه عريس

من لاگاه نصيبه
بعيون الغريبه

ماتت كل الاحلام



لا يليل نستعد هل اجانه السبي
لا ولد لا أخو عدنه بس هالعبي
والعليل يا وسف ايگيّدَه الاجنبي
واليتامه التظل إلها تل الزينبي

اوزينب تمشي وطيح
وين الكافل اصيح

يا روح الحبيبه
بعيون الغريبه

ماتت كل الاحلام



#سليم الغزالي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء