استشـهاد الامام محمد الجواد ع..

يالمـرمي فـوگ السطـح .. مـامـر عـليك الذبـح
لا حــافــر الصـــوبـك .. لا شــال راسـك رمــح
-----------------------------
صح يالجواد امصيـبتك كلش عظيمه
سمـمت چـبـدك بالحـقد ايــد الأثـيـمه
بـس مـا الك بـين جـرح جـثتك سليمه
لـكن اويـلـي علـه الذي سلبـوا حـريمه

ماضل اله كل جسد .. بحافر الخيل انمرد
ومو هو بس انسحگ.. حتى الطفل بالمهد
-----------------------------
وصح جـثـتك عالسطح ضلت رمـيه
بحـر الشمـس محـترگ يبـن الزچـيه
لكــن يـمــولاي الأشــد واعـظم رزيه
عـاري الحُـسين ومنـذبح بالغـاضريه

جسمه عله حر الترب .. ودم النحر ضل يصب
اه يـاجــواد ورمـــح .. نصيــن شــگ الگــلـب
-----------------------------
صح انتـه من سم الچـبد تتلوه عطشان
تـتكـلـب ومـحـد الـك مـاعـندك اخـوان
بس ماشفـت جـدك بقـه عالغـبره عريان
ولعبت الخيل اعله الصدر ياويلي ميدان

مـرمـي بقـه بكربلـه .. عـريان محـد الــه
ضل عله حــر الرمل .. وجـنازتـه مفصلـه
-----------------------------
من الگـفـه راسـه انكـطع وضثل يجري دمـه
ومن سحگته الخيل انخبط لحمه ويه عظمه
ويـمـه اعـتنـت زينــب ركــض احــتار تـلـمـه
مـاضـل عـضـو سـالـم الـــه تـقـبلـه وتـشـمـه

مگـطـع وذر شـافـته .. محـتاره من شـالـته
ومـن رادت اتـقـبلـه .. بـعـظم النحـر قبلـتـه
-----------------------------
اه يالجـواد وعـمـتـك تگـطـع گـلـبـهـا
من شافته بذاك الوضع حسين اليحبها
مــاتــدري المـن تـتـجـه تـيهـت دربـهـا
والشمـر يدفـعـها برمـح يطگها ويسبها

كلـش صـعب ماجـره .. ماتـگـدر اتـوخـره
طگاها حـيل النذل .. وطيحـه فوگ الثره
-----------------------------
لخـيامها رجـعت ركثض تجـمع حرمها
تتـعـثـر بطــول الــدرب يـذبــح المــها
حـرمـه وبـقـت بين الغرب ذبحوا زلمها
ولخـيامها من ارجـعت حـركوا خـيمـها

حـرگوا عليها الخـيم .. واطـشرت الحــرم
ومـن نارها والجـمر .. حـتى الطفل ماسلم

#الشاعـر عقـيل الحـسناوي..
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

(عــباس مـــيت لو عـــدل)

عباس ميت لو عدل..التف عله اچفوفي الحبل.
الگوم اجوني...خويه سبوني
التف عله اچفوفي الحبل.
التف عله جفوفي الحبل.

"""""""""""""""""@@@"""""""""""""""
من كون تشتم الهوى وعباس خوية سالم.
عالحرة لا ما اعتقد تلتم عليهه الوادم.
منك انه چنت استمع زينب يميرة هاشم.
اوهسه الأميرة امچتفه ومسبية بيد الضالم.
عندك يخويه امخدرة. .تمشي وتطيح اعله الثرة..
لامارعوني...خويه سبوني
التف عله اچفوفي الحبل.
التف عله اچفوفي الحبل
"""""""""""""""@@@"""""""""""""""""""""
انته الجبتني امدلله وكل هيبتك تنضرني.
ولو لحضة عني اتأخرت ضلك يضل ينطرني.
چنت بنفاها بلا يسر وگفاتك انته اتسرني.
بس هسه من صاير اليسر لا تجي ولاتحضرني.
تحرسني چنت من الهوى.. ..هسه الحبل بيدي التوة.
وتنطر عيوني..خويه سبوني
التف عله اچفوفي الحبل
التف عله اچفوفي الحبل
"""""""""""""""""""@@@"""""""""""""""""
من بيك احشم و انتخي اسمع همسهم يحچون.
عباس لو كونه عدل منهو الگدر يسبي أم عون.
چن علم عدهم ماتجي وابسوطهم يجسرون.
كل هذا وانه مناطرة وامتوني صارلهه عيون.
امتوني تنضر عالدرب..وضع اختك اصعب من صعب.
وليه ولوني...خوية سبوني
التف عله اچفوفي الحبل
التف عله اچفوفي الحبل
""""""""""""""""""@@@"""""""""""""""
عنك رقية من اسألت صوت الهضم أذاني.
عباس عمي هم يجي ايرجع تراچي اذاني.
واطفال كاتلهه العطش ياخوية حيل اتعاني.
هم مثلي ابد ما أيست بالجود كلهه اتاني.
عن جودك اطفال اسألت....تروي العطاشه اتأملت.
حيل اهضموني....خوية سبوني
التف عله اچفوفي الحبل
التف عله اچفوفي الحبل
""""""""""""""@@@""""""""""""""
ياخويه احس حته الحبل يسألني واعيونه ادير.
مارايد ابجفي يضل بيد الشمر راد ايصير.
عباس كلهه امناطرة والكل شدهه التفكير.
بختك يبوفاضل ترة حتى الهزل گوة اتسير.
حتى الهزل هم مارضت..گوة بسباياك انهضت.
بدونك خذوني...خوية سبوني
التف عله اچفوفي الحبل
التف عله اچفوفي الحبل

#للشاعر
ابوعبدالله الشمري
✍️

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

( لسان حال حميده ع )

امنيتي لو أناظر
بالطف أبويه حاظر

ومابين مسلم والگمر.. قرّة نظر .. حميدة

ا~~~~~ا ١

شمحلاها تصبح كربله
لو مسلم بطف كربله
ويناصر حسينه

خالي مكانه ويه الضعن
والنسه عليه تناشدن
شو ما حظر وينه

عجيبه. غريبه. ما اجه شنهو الجره عليه
اشوفه. بطفوفه. توقعت يحضني بيديه
اضيعه. واتبعه. يم ابو السجاد ادريه

ويا خلّص سنينه

چنت شكثر أشاهد
حسين ويه أبويه گاعد

مو بس ابن عمه النفل.. مسلم مثل.. عضيده

ا~~~~~ا ٢

البنيه لو ما يمها ابو
تفقد البسمه والدفو
من تفقد احضانه

ياناس ورده بلا نده
حال اليفارگ والده
شيعوض مچانه

ضنوني. عيوني. دمع تجري چنها شلال
عذابه. بغيابه. (البويه) إلمن بعده تنگال؟
ابونه. بدونه. اقل شي شاهدته أهوال

وللآن ما جانه

إلما عنده ابو بحياته
لا فرقَ عن مماته

مبلل وميهمه المطر.. بيش الصور.. تفيده

ا~~~~~ا ٣

لو چان حاظر والدي
يحمينا من المعتدي
وانظر إله يقاتل

بيا صوب يصبح موقعه
يمكن رسول المشرعه
مسلم وابو فاضل

قناعه. شجاعه. مسلم وعباس عالماي
بنظاله. وقتاله. حسين يصرخ ليه يوفاي
گربته. بصحبته. هوه والعباس لن جاي

مسلم صبح كافل

گمر وگمر يجينه
ما تنگطع يمينه

تصبح أطفال مدلله.. بكل كربله. سعيده

ا~~~~~ا ٤

ونشوف مسلم والگمر
يجيبون لخيمنا النهر
والنعم وفايه

كل امنياتي تبتدي
بچفوفه مسلم والدي
يرويني من مايه

وصاله. دلاله. ما احس يمه بالاخطار
خصاله. جماله. گمر شع ابين الأقمار
هُويته. ورؤيِته. قرّه للگلب وللانتظار

بچف مسلم الرايه

وادريه من يحارب
ما يرحم النواصب

وحسين يدعي لوالدي كل ضربه تسلم ايده

ا~~~~~ا ٥

وحسين عن مسلم كتب
تقرير بحروف الذهب
معروفه تربيته

مو بس ابن عمه صبح
مسلم مكانه وعز ربح
ثقته من اهل بيته

العقيله. تجيله. تگله يا مسلم يمهيوب
امنياتي. بحياتي. ما اشوف الخدر مسلوب
بولائه. دمائه. عالثره يتوذر انوب

بلا دفن تاليته

يضحّي لحبيبه ناصر
وتشّهمه الحوافر

قبل الحسين ومنحره.. يفدي تره.. وريده

ا~~~~~ا

الشاعر #مصطفى_الشافعي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ مالي غيرك يا حسين ]*

أداء: الملا #أحمد_الخيكاني
كلمات: الشاعر #كرار_حسين_الكربلائي

https://youtu.be/X_2yMHOc1vY

إحياء ليالي شهر ذي القعدة لسنة 1440 هـ - 2019 م
عزاء إستقبال شهر محرم الحرام لسنة 1441 هجرية
هيئة عزاء الله - العراق - النجف الأشرف - المشخاب

مونتاج واخراج: حسين الشمري
مكساج: كرار الموالي
مخطوطة: حيدر الزرفي
تنفيذ: جوهرة للانتاج الحسيني
النشر الشبكي: علاء بركات العاملي

*يـاحســين*
سيدي يا رحمة الله ببابك ٱرد اطرح سؤال؟
يا ذنب آنه جنيته وانحرم منكم مُحال😭
حاشى عن بابك تردني وتگطع حبال الوصال😭
يا حبيبي يم بعتبتك آنه حطيت الرحال😭

مديّت اديّه لْحَضرتك
اشْمِلني بطارف نَظْرتك
وعلينه ٱعيد زيارتك
مشتاگ ازورك يا حسين
〰️〰️〰️〰️
مولاي يا باب الكرم
ليش المجالس ننحرم
رجّع دمعنا واللطم
الزهره نواسي يا حسين
〰️〰️〰️〰️
يا رحمة الله الواسعه
رافع كفوفي بالدعا
المهدي الينا ترجّعه
ويطلب بثارك يا حسين
〰️〰️〰️〰️
نقسم بنحرك والوريد
تعيد الزيارة من جديد
ونگصد نزورك يا شهيد
مشي بٱربعينك يا حسين😭
اللهم لا تحرمنا من نعمة الحسين ع🚩 😭
خادمة آل محمد✍🏻
قناة الشاعرة الحسينية خادمة آل محمد ص
https://tttttt.me/joinchat/AAAAAD9ng3ujqkUa3rjbSA

هاليله عاشور يالمهدي مأجور
هل المحرم و أبتدا يالمهدي مأجور
1
يالمنتظر يا مصحف الباري او يسر محكمه
أقبل محرم سيدي بالذكره المؤلمه
و الليله أملاك العرش بين الأرض و السمه
نشرت قميص حسين المتخضب امن الدمه

بهلاله شتشوف امصاب لطفوف
لحسين لمأتم جدده يامهدي مأجور
2
لمن يهل عاشور تتفايض عيونك دَمِع
تذكر شبيه المصطفى لمصيبته تِنْفِجِع
وش حال مهجة والده لمن وقع منْصِرِع
متقطع أوصال و إله قلب السبط منْصِدِع

و يلي على الشاب شاله للطناب
للخيمه جابه ومدده يالمهدي مأجور
3
مهدينا أقبل هالشهر بأحزانه المفجعه
بهلاله جن فرحه و عرس و ارماح امشرعه
شبل الحسن عريس مثلات البدر مطلعه
نثاره الزان و سيوف بجمسه اتبضعه

او دم لوريد حنه إلى الإيد
لحسين جاسم ضاهده يالمهدي مأجور

4
بعيونك تلوج المدامع من يهل هالشَهَر
تبجي على كبش الكتيبه من وقع عالنَهَر
مقطوعه جفينه الذي بضعها سيف القَدَر
و عيونه وافاها السهم طفه شموع النَظَر

والراس صابوه و حسين فجعوه
سور الهواشم وافقده يالمهدي مأجور
5
عاشور هل هلاله او باب الشجن أنفتَح
ما تنسى عبدالله رضيع احسين من أنذبَح
ضامي على صدر الأبو دمه الشريف إنسفَح
وش ذنبه جبده من العطش يتفتت او يِنْجَرَح

ناحل او ذبلان و افاده عطشان
بحشاه نار اموقده يالمهدي مأجور
6
يا آخر أنوار الهدى هل المحرم رِجَع
جنك ببو اليمه و جبينه بي حجر من وِقَع
فاضت دمائه الزاكيه آه و لثوبه رِفَع
جاه المثلث بالقلب و من الظهر له شِلَع

اتمايل او طاح ليه الشمر راح
حز رقبته بمهنده يالمهدي مأجور
7
بين الجوانح يلتضى عاشور مثل الجَمُر
بهلاله جنه حسين مرمي عالترب منعفُر
جسمه رهين ابكربله و الراس فوق السمُر
ما ضاق قطره من العذب جمر الحشا يستعُر

دلاله مصيوب عاري او مسلوب
عالغبره جثة موسده يالمهدي مأجور
7
كلما تشوفه بالسمه يضوي هلال الألَم
تتصور النار الذي شبوها وسط الخيَم
مدهوشه فرت بالفلا زينب و كل الحرَم
ما عدها لا والي و لا يفزع إليها شهَم

مرعوبة لعيال تصرخ هالأطفال
عليها العدا متحشده يالمهدي مأجور

الوزن / مستفعلن مستفعلن مستفعلن فاعلن – غير مقسوم
الشاعر / عقيل الدهنيم – 25/11/1438 هـ
في هلال حادي محرم


نتشرف بإنضمامكم في قنانتا 🌹
قناة متخصصة في الشعر الشعبي الحسيني
‏https://tttttt.me/Mofadhal
----------

( موشح بحق مسلم بن عقيل ع)

ا~~~~~~ا ١

ردت هاي الامه بالعزّه تعيش
(تَرَكُوكَ قَائِمًا) وانفَضُّوا ليش
وحدك اتحارب بقيت بلايه جيش
وابد ماهمك رعبها وخوفها

ا~~~~~~ا ٢

يا رسول حسين يا نعم الرسول
غايتك بالكوفه تحرير العقول
لمن شفت الظلم باقي وما يزول
وخلت الوادم غمد بسيوفها

ا~~~~~~ا ٣

رحت تستنقذ من الناس الهمم
وبــالــبدايه كـلـهـا گـالتـك نعم
لچن عمرك من غدرهم ما سلم
الوادم بسرعه اختلف معروفها

ا~~~~~~ا ٤

يا رسول حسين وشتحمل صفات
لچن گلب الناس عن الدين مات
الناس تحضر إذا نودي للصلاة
واجبه شلون البرايه تعوفها

ا~~~~~~ا ٥

في ثواني دينهم كله اختفه
انصارك يغدروك يبن المصطفه
أصبحت بالكوفه طير عله اسعفه
مثل حال حسين يوم طفوفها

ا~~~~~~ا ٦

امصيبتك يا مسلم تهد الجبال
چثتك ايجروها بالسوگ بحبال
ما اجوا وجه الوجه يوم القتال
خلفك شلون الحفيره تشوفها

الشاعر #مصطفى_الشافعي

اخذني وياك أخفف بعض من همك
واذكرك من تصد ليه بحنان امك..✨

أشترك بقناتنا ( تيليغرام ) 👇
https://tttttt.me/Lovers_basim13
https://tttttt.me/ya_Mehdi_Sanad

حسابنا على الانستغرام👇🌹
https://www.instagram.com/lovers.basim13

السيده زينب ع تشكو الى أخيها محمد ابن الحنفيه


شسولفلك يخويه وروحي ملچومه
ويمحمد عضيدك سلبو اهدومه

*---------------------*--------------------*

عفت حسين خويه اثياب ماعنده
وثلث تيام محد وسده بلحده
والمثلث اخذ ثلثين من چبده

ابو السجاد ضل بساحت الحومه
*-------------------*-----------------------*

موخيال واحد داسته العشره
وشوف العين يمي يروكن بصدره
أجيتك بالحزن ياجيت الگشره

عفته أجروح كله وتنزف ادمومه
*--------------------*-----------------------*

اخبرنك تراهي اتشيب الحاله
وبراس الرمح راسه الشمر شاله
جرح گلبي العزيز ودمعي يتلاله

ذبحو كل أخوته وصحبته وگومه
*--------------------*---------------------*

تغير حيل ذاك حسين ماچنه
بدمه السال شيبه الطاهر اتحنه
اصبر روحي مره ومره اجر ونه

بقت صورت وريده بعيني مرسومه
*----------------------*--------------------*

أوياه الموت اني اشگد تمنيته
شفت الشمر فوگه وقابض الحيته
يمه امطرحهه صحبه واهل بيته

ماصاير كبل مثله ومثل يومه
*---------------------*----------------------*

عيونك بالحچي راح اهل جاريهه
جثته الخيل ماخلت ضلع بيهه
عندي اشكد مصايب ياهي احچيهه

جفني من يسيل ادموعه ما لومه
*-----------------------*---------------------*

✍بقلم خادم الحسين ع
الشاعر رعد الجريخي

ليلة 11 محرم

الحسين يقول :

يشيعة تصوروا حالي
يوم الطحت من مهري
على وجهي طحت للكاع
ودم من جبهتي يجري
على حر الرمل مطروح
ودم يجري على عيني
ولحظة ولن شفت حرمة
بعبايتها تغطيني
قلت زينب اجت يمي
اثاري امي التحاجيني
حزينه وراسهه تخلي
يا شيعة على صدري 
نامت يم عالتربان
وتخضب شيبهه بدمي
قلتلهه اجتنه الخيل
كومي بساع من يمي
قالتله اريد الخيل
تسحك جسمك وجسمي 
واريد الشمر من قبلك
بسفه يكطع بنحري
***
احاجي منحر وليدي
ونينك يمه عذبني
ينور عيوني حاجيني
شنهو اليوجعك يبني

افتر وحدي بالليل
وامشي على الجدم كوه
لقيتك وذر فوق الكاع
اكولن هوه مو هوه 
وشعنده الشمر وياي
هيجي بمنحرك سوه
شمالسويتله مدري
وبيا دين يطلبني
فرشت عبايتي عالكاع
يوم العاشر بعاشور
وبيدي قمت الم جسمك
ولقيت شجم ضلع مكسور
لقيت شويه من جبدك  
ولقيت الخنصر المبتور
ولقيت على الشريعة جفوف
والعباس شيبني


يني رحت صوب الكوم
اريد ادعي على العدوان
شاهدت على رجل الخيل
قميصك بالحوافر جان
وليدي.....
صرت الطم على راسي
واصيح حسين يا عطشان
تكول....
عن زينب سألني
وكلتله يسروها
وخيامك ييمه بنار حركوها
طفلة طفلة ييمه بحبل شدوها
التراجي ييمه من رقيه ييمه سلبوها





دمع العين ابد ما نشف يمه
على الذبحوا ومحد حضر يمه
من نحره يصيح بصوت يمه
تعالي وشوفي شنهو الصار بيه 

ريت كل الناس عطشانه تموت
و انته ما تحتاج مرّة للشراب

عيب والله البس اهدوم الجدد
و انته عاري منك امسلبه الثياب

اشلون مرتاح و على افراشي انام
و انته للثالث تنام اعلى التراب

سيدي مِن عندك اتعذر و أگول
النا نسوة امخدرة ابكامل حجاب

و عاشت النسوان عدنا بالأمان
و نسوتك مر بيها انواع العذاب

يالمسودني شد حيلي
من اطيحن انته تجيلي
أنه وياك متعامل
خادم صانع وعامل
حبيب عيوني يحسيني... يحسيني
****
خاف الوكت بيه يخون عنك شبر يبعدني
وعن دربك اذا زليت چا ياهو الذي يردني
ألزمْ كل حواس الروح بويه حسين وسندني
أنه شلتك جرح يحسين بشباجك علگ شدني

عطرك صرت ألزمنه
أشمه وما اشمنه
بعشره ابصملك وقابل
خادم صانع وعامل

ما شايف ابد يحسين (الله)بهل حچي شاهد
بابك ينطي ياهو الچان ما سامع يرد واحد
اهمن روحي من اشتاگ اجيلك شوگ متواعد
اصفن صفنت الميتين الناس تگول اضن جامد
يالمكبرني من خيرك
احبك ما احب غيرك
ضرير ابابك وسائل
خادم صانع وعامل
***
يالمخردل عيون الناس من تشاهد الحضره
دخيلك من جمال البيك حتى بدمعتك شذره
مو هيچ الكرم يحسين تفرش بالسمه السفره
عابس لو يرد اليوم وي ثوبه يشگ صدره

هيل مغمس بعنبر
لا يحسین انت اكثر
انت من الازل كامل
خادم صانع وعامل
******
اطبنَ كربله مبهور شكثر زوار مجمعه
اگول شبيهم يرگضون الگاع تموج والسبعه
شي تزحف وشي يبجون وشي تلطم وشي دمعه
سودنت البشر يحسين تفقد ليلة الجمعه

حتى الجمعه يم بابك
الخميس يبوس بعتابك
اجيلك والجفن ذابل
خادم صانع وعامل
***
عطرك بين ألف عطار اميز عطرك اندله
اصلي عليك مو بطران دريتك قبلةّ القبله
انته وعشرتك فد لون بيضه وما شفت خله
اسمك عالصدر ينشال طيبلي ألف عله

طبيب انته التشافني
اسمعك من تحاجيني
الناس بزادي خل تاكل
خادم صانع وعامل




عبد زينب
#محمد الإبراهيمي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

خافت عليه حتى من الهواء.. فسلمته للنبال (عبدالله الرضيع)



حتى لو فوگ الرمح تبقى امير*
الخاطر اشفافك اثوّب يبني بير*
يا عدل والعطش مات**
توه سهمك يبني فات**
دلي اللول الولد يبني دلي اللول
................
روح يا ازغر امير وخجل الماي ابضماك*
نحرك الجمّاره بيّن والسهم گلهم هذاك*
مايهم ميّت ظميره فرح من سهمك اجاك*
عمت عين الماي يمه تلاگفك مني وخذاك*

بالعبايه ايضللك من راح ابوك*
تالي نحرك ينچوي بحضنه ورموك*
وانته نحرك بس لهات**
توه سهمك يمه فات**
دلي اللول الولد يبني دلي اللول
................
بارد اسنان اليذبحك والنحر يبني چواه*
فرفرحت لله بحلاتك وانچفه حيلي وراه*
شوغ بس يمه ابهدواه الموت رادك مشتهاه*
زغير بس شالك ابوك امدنگ ومحني گفاه*

اشطولها صارت رجعته للخيام*
والحمد لله گلت عبدالله نام*
الليله بحضيني يبات**
توه سهمك يبني فات**
دلي اللول الولد يبني دلي اللول
..................
گماطك ابأيدي عگدته اعليك اخاف امن السهام*
لو احس صوت النبال ابسرعه اسدّ باب الخيام*
تالي اسمع يمه صوت اعله الرضيع اقري السلام*
راح يمّ عبدالله ابنچ ميّت وما اضنه نام*

مو هوه الشال الغطى أرفيف ايديه*
والنحر ملوي السهم شمسوي بيه*
عيشي بين الذكريات**
توه سهمك يبني فات**
دلي اللول الولد يبني دلي اللول
...................
الله لا ينطي الرماك الباگ جوري امن الربيع*
دوّرك لمّن لگاك وانته ها توك رضيع*
الما يفرزن شنهي طولك بالسهم طولك يضيع*
شاتل ابنحرك سهمهم والجرح كلش وسيع*

يا ثواب الله ورحت من عندي وين*
دمك السايل ترس لحيت حسين*
فرهدوه منّه الحياة**
توه سهمك يبني فات**
دلي اللول الولد يبني دلي اللول
................
رحت يالراسك سبيل اتونست بيه الرماح*
بكثر ما هوه زغير امن الرمح كل ساعه طاح*
كلهه ظلمه وانته بس ابعيني يوليدي الصباح*
ريجك الخليته ضامي يالولد توه استراح*

يلي اشتمك چنت عبدالله هيل*
گمت الولي للهوه لو صار ليل*
ابچي ويه الفاگدات**
توه سهمك يبني فات**
دلي اللول يبني دلي اللول



#علاء المياحي
الفاتحه لروح والدي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يا مسلم.. يا مسلم.. يا مسلم

ا~~~~~~ا ١

ردت هاي الامه بالعزّه تعيش
(تَرَكُوكَ قَائِمًا) وانفَضُّوا ليش
وحدك اتحارب بقيت بلايه جيش
وابد ماهمك رعبها وخوفها

ا~~~~~~ا ٢

يا رسول حسين يا نعم الرسول
غايتك بالكوفه تحرير العقول
لمن شفت الظلم باقي وما يزول
وخلت الوادم غمد بسيوفها

ا~~~~~~ا ٣

رحت تستنقذ من الناس الهمم
وبــالــبدايه كـلـهـا گـالتـك نعم
لچن عمرك من غدرهم ما سلم
الوادم بسرعه اختلف معروفها

ا~~~~~~ا ٤

يا رسول حسين وشتحمل صفات
لچن گلب الناس عن الدين مات
الناس تحضر إذا نودي للصلاة
واجبه شلون البرايه تعوفها

ا~~~~~~ا ٥

في ثواني دينهم كله اختفه
انصارك يغدروك يبن المصطفه
أصبحت بالكوفه طير عله اسعفه
مثل حال حسين يوم طفوفها

ا~~~~~~ا ٦

امصيبتك يا مسلم تهد الجبال
چثتك ايجروها بالسوگ بحبال
ما اجوا وجه الوجه يوم القتال
خلفك شلون الحفيره تشوفها

الشاعر #مصطفى_الشافعي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

يالماگدرنه انزورك... لاننحرم عاشورك
. . دخيلك... دخيلك..
________________________________

هاي مامرت علينه گبل شهرك ننهضم.
شلون تتعلگ روايا اونگعد احنه بلا لطم.
ننحُرم من كلشي نرضا اولا مجالس ننحُرم.
عيونه امخزنه بواچي اوچنهه بيام الضُلم
يالنور ألاهك نورك... لاننحرم عاشورك.
دخيلك.... دخيلك...
______________________________
صفنت العاشگ طويله اوصارت بطول الحَضر.
اودمعت الحصرة چبيره اوحيل كاتلنه القهر.
ارفع اچفوفك للاهك ها يمذبوح النحر.
كون يفرجهه علينه گبل ليهل الشهر.
يالمحتمين بسورك... لاننحرم عاشورك.
دخيلك.... دخيلك.
______________________________
مايرد ربك دعائك وانته صاحب مُعجزة.
وامك ادور المجالس وين ماصار العزة.
احنه من هسه انكتلنه شلون لو شهرك جزة.
وچلمة الخاف ابجرحنه كل دقيقه اتفززة.
اونذكر هذيچ اشهورك... لاننحرم عاشورك
دخيلك.... دخيلك
________________________________
ادموع متعوده اعله ذچرك ياشهيد ارض الطفوف.
اصدور متلهفه اوتناطر رايده اتعانق چفوف
ياابو اليمه تعبنه اوقاسيه ويانه الضروف .
اتعودينه اعله خدمتك خلي هالخدمه نشوف.
خدمتنه بيهه احضورك.... لاننحرم عاشورك.
دخيلك...... دخيلك
________________________________
انريد نحضرها المجالس وانته لازم دفترك.
كل اسم بيدك تسجله اونعجز شما نشكرك.
خلي كلشي انفارگ احنه ولانفارگ منبرك.
والمناحر كلهه فدوه لقطرة من دم منحرك.
انوفي نريد انذورك.... لاننحرم عاشورك..
دخيلك.. دخيلك.
________________________________
ياابو اليمه دخيلك فرگه لاشهرك يمر.
احنه عشاگ المجالس والله ملينه الصبر.
نريد نبچي اعله العقيله اوحيل نلطم عالصدر.
عُمر مابي ذچر زينب كون لا طال العمر.
بهل الامر جينه انشورك. .. لاننحرم عاشورك
دخيلك... دخيلك..


لخادم أهل البيت
الشاعر
ابو عبدالله الشمري

ظل حسين     من رحتوا عنــه يالأكبر
ظل حسين     وحده يقاتل بين العسكر
سبعين ألف جيش العده
يمـــه وأبوك الوحـــــده
 
* * *
 
من رحتوا يبني ياعلــــي     كل الجيوش ألتمــــت
اعلى حسين اجت من كل كتر    والكاع خيل أنلظمت
شي بسيوف وشي نبـــــل     شي برماح وهجمــت
وشي بالحجر ترمي غدت     شي بس اجت تتشمت
 
وهوه وحيد     ماواحد ظل امن انصاره
وهوه وحيد     مابين الكـــــــوم الغداره
 ضده الخلك متجنده
يمه وأبوك الوحــده
 
* * *
 
بهالدنيه ماصارت كبــــل     يبني مثل هالوليه
تصير السهام اعليه مطـر     من يستراح شويه
اتمنيت يبني ياعلــــــــي    تكوم وترد للدنيــه
اتكض ظهره يم المشرعه     حتى يشربله أميـه
 
لن عطشان    والعطشان شلون يقاتــل
لن عطشان     ولايمه انته ولا ابوفاضل
 من رحتوا ياهو يساعده
يمـــه وأبوك الوحـــــده
 
* * *
 
الخيالـــه لا ماهمتــــه     يطرد على الخيالـــه
أذته الناس الحاقـــــده     الفزعت عليه رجاله
بنيران وحجار ونبــــل     شلوا يالأكبر حالــــه
ومن ثخنت اجروحه التفت    ويعاين اعلى اعياله
 
جنه يكول    راح تظلون بوحدكم
جنه يكول    آنه رايح والله الكــم
 مارحمه عد أهل الرده
يمـــه وأبوك الوحـــــده
 
* * *

من صاح هل مِن ناصرٍ    كلنه خنكتنه العبـره
ونتباجه صرنــه بالخيم    ونعاين اعلى الغبره
نندعي وننخــــه ياعلي     ونلتفت يمنه ويسره
بلكي الله يبني الكربلـــه     واحد يجي وينصره
 
كون تشوف   يايمه شصار بعماتك
كون تشوف   حاله ماتملك دمعاتك
 اتلفت وبالي انشده
يمه وأبوك الوحــده
 
* * *
 
بالضيم بعدك ياعلـــــي     مصابك إنه موتني
كطعت كلبــــــي موتتك     يبني انحني خلتني
لاجن مصيبـــــة والدك     أكثــر بعد جرحتني
طيحته دامي امن المهر     يمـه صدك كتلتني
 
ميته كون    من طاح وتتجاره دمومه
ميته كون    ولاشفته مخضب بالحومه
 من كل كتر ينزف غده
يمـه وأبوك الوحـــــده
 
* * *
 
الجان اعز من الهوه     مابين اهله وناســــه
وليه ولوه بكربلـــــه     وهوه بأخير أنفاســه
ويلاه من جاه الشمر     رفساه بصدره وداسه
وذبحاه يبني ياعلــي     وعالرمح شالوا راسه
 
يمه أنوب    سلبوه اوهوه بهالحاله
يمه أنوب    ضلوعه رضتها الخياله
 واطفاله يمه تشاهده
يمه وأبوك الوحـــده
 
* * *
                                  #سلام المشعل
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*لبيـك يـا مهـدي* ✊🏻
😭يا صبح يطلع يا مهدي وانت يا مولانا حاضر

ترجع النا بالسلامة وتمسح دموع النواظر

تظلل بكفك علينه
نحلفك تردّ النه باچر

رهنك وطوعك يا مهدي
ونفدي لك كل المناحر


نجدد البيعة بعهدنا ونحفظ بدمنا الشعائر

وكل أملنا نلبي باسمك من تصيح هل من مناصر
*لبيـك يـا مهـدي* ✊🏻
خادمة آل محمد✍🏻

كمن زارني

@mawlaalhussain 👈🏻للإشتراك