ديار العز صفت وحشه وخليه
وأجي والدمعه تحرگ باب أديه
ما صارت ولا دارت يالحسين
ترجع كربله بحبل الرزيه

ترد هيمه .... ونار أتعاشر الخيمه
ترد هيمه .... ويتيمه تردم يتيمه

الشمر مو بالشكل بس بصفاته
وهذاك أبن النُمير من الشماته
العقيده انمردت وأحنه سباته
وگمنه نصدگ (بخولي) وصلاته

توَهمنه الشياطين
خطر بزيارةّ حسين

***

ديار العامره بدلال الاجواد
وأهل القربى صارو كلهم ابعاد
النجف مسدوده مابيها اليزورون
ولا يمه المرض دكتور بغداد

يبو الشيمه .... يموسى گلبك بضيمه
يبو الشيمه .... سواد الغربه بالغيمه

يبن جعفر دمعنه بلايه جدوه
عفناك بهجر والحب تلَوه
اذا رادو نموت الموته تسوه
لو ننطي الچفوف وهاي حلوه

توهمنه الشياطين
خطر بزيارة حسين

***

وسامره بعدهي أدير العيون
شبدر من عدنه شو ماكو اليزورون
ولا مجلس عزاء الأم الحسين
ضلمه والمدامع عمه يمّ عون

اعله ترنيمه ... اليحب شلون توهيمه
اعله ترنيمه ... الأمر جار بتعاليمه

الهادي بلا جرح بس دمه سايل
يعني يودي للشيعه الرسايل
أمس عدلنه حمله الگال مايل
نسانه ونارنه نار القبايل

توهمنه الشياطين
خطر بزيارة حسين

******

شجاها و كربله هم ردت النار
رد ذاك الزمن وعيون الاخبار
زوار الاجو چنهم يخافون
الدوانيقي رجع وچفوف زوار

مثل غيمه ... يمطر گلبي تنغيمه
مثل غيمه ... اليحبك صار تغشيمه

اليزورك ينحجر خوف وملامه
اليجيلك مايرد لهله بسلامه
شعجب ما تنگلب يوم القيامه
اليمرضنه منو (أنته) اليتامه

توهمنه الشياطين
خطر بزيارة حسين

*****
يالمبيوگ من ذولي التفاهات
ويم المنحر وكفرو بالايات
الحقيقه واضحه بس احنه عميان
ذنبنه الكبراهم عالمزارات

بتسليمه .... اليجي منعوت تذميمه
بتسليمه .... يطهررونك يبو الشيمه

يطهرون بضريحك شنهي هايه
غشمه الناس ذولي بلا درايه
مو (الله) بكتابه گال آيه
الرجس مايوصل وهمه الحمايه

توهمنه الشياطين
خطر بزيارة حسين




عبد زينب
#محمد الابراهيمي
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصيدة شور لمولاي الغريب

يا أكبر جرح بية
يالمسهرني ليلية

اجازي تعبك بيا نوح
ماعندي اخت مسبيه
ولا عندي ولد مذبوح
ولا شيباتي مدميه
ماعندي بنت يحسين
امن اذنهه اسلبو ترجية
حافي مادست عالشوك
ولا محروكَه رجلية
انة ادري مو سهل ممشاه
الرجله بنار مجويه

شمدريني شيسوي السوط
لو طك متن علوية
ماكَاطعلي هيمه بيوم
ولا عطشانلي شوية
لا ظايك سموم الصيف
ولا متحفي ظهرية
لا فاكَد اخو امن احتار
اجهبة واكَعد بفيه
لا عندي ضعن مبيوكَ
وحتركَن تواليه
يحسين احترك بالنار
هودج سكنه ورقية
كل ذني شفتهن بيك
وانته تفيض حنية
.،،،،،،،،، ،،،،،،،،،،
المقصر… حسين حمدان الدلفي

https://tttttt.me/joinchat/AAAAADyvNcFdjoQh-74liA

قصائد محرم
نزلة بحق مسلم ابن عقيل ع

مسلم… بيدة كض الراية
مسلم… دوخ الــرمــايــة
مسلم… بيه عزم وكفاية
---------------------------
اتخيل العسكر زرع طب وحصد
صاح بيهم يا  أبو فاضل  مــــدد
أيصيد وين الخشن ميدور  عدد
غيم ومطرت غضب لمن رعــــد

يرعد…  عالكتايب  سيطر
يرعد…  عمة  قالع  خــيبر
مسلم… ال عمة منطي حجاية
-------------------------
بسيفة  يقرة  القارعــة  والزلزلة
صــار  يذبح   بيهم  بــلا   بسملة
الروس طارت وصلت الحد كربلة
وطوعة صاحت حيهم ومية هلة

كــبر… والزعــل  بعيونة
كــبر… الدرع ضك بمتونة
مسلم… نزلت اعليه أيــة
------------------------
نفس شمرة حيدر ونفس الوصف
م̷ـــِْن يشد الثامة  ابد  ما  ينعرف
مثل حيدر يخطف  وما  ينخطف
سيفة گام بروسهم يغرف غــرف

يذبــح… بالرگاب  ابكيفة
يذبح… انصبغ بالدم سيفة
مسلم… شلون سوة سواية
----------------------------
جيشهم حاول عليه يعلن حصارة
وبعدة مسلم ناوي يعلن انتصارة
حاوطو لاكن  بقة  بأيدة  فقارة
زمخ بيهم ونفطر  قصر  الامارة

حيهم….م̷ـــِْن زمخ بالكوفة
حيهم…. الجيش مات بخوفة
مسلم… الدين عندة الغاية
-----------------------------
دارو  اعليه  رادو  بحفرة  يــگــع
طوعة صاحتلة الحذر بس ماسمع
نار وحجار وسيوف وما خــضــع
اطيح فرقة شما بزغ سيفة ولمع

يزئر… أسد وسط الحومة
يزئر… ذكر حمزة ويومة
مسلم… بالزلم دك ثاية
----------------------------
كثرت اجروحة وبدة ايحس بالضمة
عرف ه̷̷َـَْـُذآ الًيَوُمًِ حسن الخــاتــمــة
شاف  طوعة  عــالسطح  ومحزمة
مرة لاكن تسوة  عندة  الف  ازلــمــة

طوعة… اتصيح ميگدرولة
طوعة… اتلگتة بــهلهــولة
مسلم… يشكر الــوفــايــة
-------------------------------
كَلَّمَـےـاتِـ الخادم… حسين حمدان الدلفي
رزق مولاي الغريب

https://tttttt.me/joinchat/AAAAADyvNcFdjoQh-74liA

ݘلمة ومن كلب والسان احجيهة
دنية بلا مجالس خير مــا بــيهة

هاي الكلمة بذنك حطهة ترجية
معناة المجالس راحة نفسية
الطم وابجي عالمظلوم يومية

دنية شما تطول الموت تاليهة

دنية بلا لطم مابيهة كل معنة
الما باجي الك خل يكطع الظنة
طريق النار عوفة وروح للجنة

حسين الجنة كلهة وكل معانيهة

اخدم بالمواكب ورفع اعلامك
بيام المشي تعبهن اجدامك
الغير حسين ابد لٱ يبصم ابهامك

وجروح الكلب هوة اليداويهة

خيمتنة الجبيرة  حسين ابو اليمة
كل خادم وصيتي ايحافظ اعلى اسمة
بركبتة الشعائر يــا خــلــك ذمة

شما تشتم نفس خل عينك اعليهة

تتفطر اشفافي م̷ـــِْن اكول حسين
مو بس ثوبي اسود حتة فص العين
لوما مجلسك انطي الوجه لٱ وين

وقف روحي بعزائك انتة خليهة

خادم للخدم خليني يا مولاي
اكنس مجلسك لْـۆ بيدي اوزع ماي
ابتراب امداس رجلك كحلت عيناي

ترابك بيه دوة وكل علة يشفيهة

عن بعض العلل م̷ـــِْن يعجز الدكتور
التصعب علتة لحسين خلة ايزور
المكرم تكومة وتجبر المكسور

كشفيتة الدموع ابابة تجريهة
تمت بنظرة مولاي الحسين ع
،،،،،،،،،،،،،،،،،،،،،،،،،،،،،،،،
كَلَّمَـےـاتِـ الخادم… حسين حمدان الدلفي

https://tttttt.me/joinchat/AAAAADyvNcFdjoQh-74liA

📡قناة الشاعرة الحسينية العاملية..🏴
خادمة آل محمد ص م.ق.✍🏻

📝تُعنى بخدمة المنبر الحسيني الشريف وخدمة خدام الامام الحسين (ع)
لطميات 🎤 قصائد ✏ مرثيات 🖋
نعي♪ بمختلف الالحان والاطوار
لجميع المناسبات الدينية

https://www.ⓣelegram.me/kadimatAlmouhamad

الشاعرة الحسينية
خادمة آل محمد ص✍🏻

يمحلى الگعدة يم بابك يباب الخير والرحمه~
العطايا توزع بايدك انت يا ولي النعمه~
لا تحرمني يا مولاي عليك الدمعه واللطمه~
لخاطر امك الزهره سجل اسمي بالخدمه~
قناة الشاعرة الحسينية خادمة آل محمد ص
https://tttttt.me/joinchat/AAAAAD9ng3ujqkUa3rjbSA

* *اللَّهُمَّ صَلِّ عَلَى مُحمَّدٍ وآَلِ مُحمَّدٍ وَعَجِّلْ فَرَجَهُمْ والْعَنْ أَعْدَاءَهُمْ* *

*★رأيتُ في منامي كأنني أنهش بأسناني جسد سيد الشهداء عليه السلام★إما أن تترك ذلك أو تأخذ من الكتب المعتبرة★إذا سمعوا الحديث لم يزيدوا فيه ولم ينقصوا منه جاؤوا به كما سمعوه★*

۲- ذُكر أنه جاء شخص إلى السيد محمد علي صاحب المقامع وغيره من المؤلفات قدّس الله روحه فقال له: رأيتُ في منامي كأنني أنهش بأسناني جسد سيد الشهداء عليه السلام. ولم يكن السيد يعرفه من قبل، فأطرق (السيد) برأسه ملياً ثم سأله: لعلك قارئ عزاء؟ قال: نعم. فقال له: (إما أن تترك ذلك أو تأخذ من الكتب المعتبرة).

۲- عن أبي بصير قال: سألت أبا عبد الله عليه السلام عن قول الله عز وجل: "الذين يستمعون القول فيتبعون أحسنه" إلى آخر الآية قال: هم المسلمون لآل محمد، الذين إذا سمعوا الحديث لم يزيدوا فيه ولم ينقصوا منه جاؤوا به كما سمعوه.

*√۱- اللؤلؤ والمرجان في آداب أهل المنبر للعلامة الميرزا حسين النوري أعلى الله مقامه، صفحة۲۰۲*
*۲- الكافي الشيخ الكليني الجزء١ صفحة۳۹۲√*

*[اللَّهُمَّ ارْزُقْــــنَا كَــربَـــلاء]*

*{اللَّهُمَّ الْعَنِ الجِبْتَ والطَاغُوت}*

* *اللَّهُمَّ عَجِّلْ لِوَلِيِّكَ الفَرَج* *
*يـ حـــســـيـــن ـا*
قناة كامل الروايات
https://tttttt.me/AhYoAmRaNa

ياسُكينه     يالحنينه
آه     آه
* * *
لتسألين أهلــــي وين     أبن أمي ضمه البين
يبنيتي مات حسين
ريت آنه ميته وياه
وعمـج ذاك النبراس     طايح مهشوم الراس
بلا جفين العبــاس
عالشاطي يم ألواه
بالحومه الاكبر طاح     وجسمه اتكطع برماح
وكلب أمه أسمعته صاح
يمــــه يالاكبـــــــــر آه
يمه طايح جســـــــام     يابت سيد الاســــــلام
وجهه جالبدر التام
فكـــر أمه بعده تاه
وياحزنها     بعد أبنها
آه     آه
 * * ****
أهلج بس الاجســـاد      وخيامج بس أرمــــــــاد
وشوفـــي حال السجاد
هم مرضه وهم مكيود
بس هوه أمن أهلي وياي     بعينــــه يشاهد بلواي
وكلبه اصبح بيه داي
لمن صـــار الفرهود
ها يابنت المظلــــوم      عيني كلبي المالــــــــوم
شوفي شكد بيه هموم
ومتوني صارن سـود
سكتي كل طفله تنوح      وخل نشوف البيه روح
وأنضمده لو مجروح
وأندور عالمفكــــــود
 شهالمصيبه     يالحبيبـــــه
آه      آه
 * * *
 من ولت عنـه الخيل      يسكينـــــه شدي الحيل
ياعمه كبل الليل
خل نلـم الاطفال
أدري بحالج متعوب      وأدري بكلبج مصيوب
يسكينه الدنيه غروب
وأحنـــه ماعدنه رجال
أدريه الســـــوط آذاج      لاجن نشفي عينـــــــــاج
خل نشتد آنه وياج
ياعمـه عدنه عيال
منهو للعيله هــــــــاي      يابنتي كومي ويــــــــاي
خل ندورلهم ماي
ونبــــرد جم دلاّل
 بس يروحي      لاتنوحـــي
آه      آه
 * * *
 آنه شفت الويــــلات      وحتى متوني مورمات
تطلع نــــار الحسرات
وحيده وماعندي خوان
ها يابنت الاطهــــار      ما إلنه اليوم أنصـــــار
والضلت نصها زغار
والباقي بس نســــوان
وين نخلي الايتـــــام      وأحنه ماعدنه خيـــــام
هالليلـــه وين تنــــام
هالعيله وهالرضعان
خل نداوي المحروك      ونشـد جرح المسحوك
وخل نشيل المخنوك
والمات أمن الدخــان
 والندفنــــه      ثيابه جفنه
آه      آه
 * * *
أرد أحجي ويه الكرار     ريتك ياحامي الجـــار
تحظر وتشوف شصار
شسوت بيــــــه الظلام
بويه حسينك ذبحــــوه     وجسمه الطاهر سحكوه
عاري بالطف خلـــوه
بيه أرماح أعلى اسهام
وجابوا من هسه احبال      تريد تجتفني انـــــذال
باجر أمشي أعلى اجمال
مسبيـــه لرض الشــــــام
آنـــــه بنت الامجـــــاد      صعبه يابويه أنكـــــاد
مسبيه لأبن زيـــــــاد
وترف فوكي الاعلام
 أيعذبونـــي      أيمرمروني
آه      آه
 * * *
 
                                          #سلام المشعل

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

خلصت كل الجمعه ياجمعه اشوف
ضوه مبارك لمحه من عيونك
الله يخلق كل بشر منه اربعين
وانت غابو حتى اليشبهونك
ياهو مثلك عمره خلص بالونين
وبالمدامع خلصته اسنينك
ياابو صالح كلبي مشتاك وحزين
وانت ادرى بشوك اليحبونك
عمر ناذرلك يبو صالح تعال
كلشي مايسوه العمر من دونك

#عمار سالم الزيدي

تلجمك كلمت اشلونك// الله يساعد اعيونك
يبو ادموع الحمركافي // تعال تعال
=========================
يالتندلني تايه وين... رغم ذاك الحزن لهلك
اليحبك من صدك مولاي ... اليتعب روحه يندلك
سبع اوجوه اليه وياك ... وغشم روحي ماكلك
يالمواصلني كلي شلون... انظف كلبي ووصلك
بدعاء الندبه كمت اسهر // وعد منا لما تظهر
كاتبلك على اشفافي // تعال تعال
=========================
تحت قبة رموشك دم ... ودمعتك ماخذه الاول
هواي اجروحك آمن الماي... من الخيل من التل
لملمت المشاعر ليك ... اذا تسمحلي اريد اسال
اليحب يشارك احزانك// المجالس هيه عنوانك
يجيك الرايد ايوافي// تعال تعال
=========================
تعرف غيبتك مره ... دورلنه اعله صورت حل
يوميه الفجر نكعد ... نكول المهدي بلكت هل
شنسوي خاطر انراظيك ... كلشي وانته لا تزعل
ايدك لو شلتهه بيوم ... عنه وداعتك ننذل
سبه افراكك ملامحنه // نحبك من كلب صحنه
يالتملك كلب صافي // تعال تعال
=========================
بعيوني حلم عميان ... افتش من اشوفنك
وين انته بصحاري الشام ... نطيني من اليلجمنك
كالو من تشوف احبال ... عالي ينسمع ونك
الخرابه وطبت الديوان ... هذني الما يعوفنك
أخذني الخيمت اجروحك// شويه انطيني من نوحك
جفنك جنه ماغافي // تعال تعال
=========================
تعال شكد دعينالك ... وظعنه تشوفه مايعجب
شرجي ياهوه الشمات ... تره يخنكنه من ايهب
ظكنه لوعت افراكك ... وعرفنه شتكره وشتحب
من كد ما الك نشتاك ... شكد عنك شعر نكتب
البجي اعله حسين واهسنه// تعال احظر مجالسنه
تجينه والجدم حافي // تعال تعال
=========================
فشله انكلك اشلونك ... وانته مانمت ليلك
تشملنه بدعائك دوم ... ومرات احنه ندعيلك
يالمهدي غيابك طال... ادخيلك سيدي ادخيلك
تدري شجاي بينه يصير... ماكو داعي نحجيلك
ومعزت امك الزهره // مره غيبتك مره
اليحب من طبعه ميجافي// تعال تعال
=========================
#تمت ____ علاء الزيدي

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

#مشاركة_من_صديق_القناة
#الملا_عدي_الربيعي


اجن اجن ،، بشوگ وتعب
بچن بچن ،، وبيهن عتب
العلويات .. تعبانات .. من السفر

صاحت الحره اجينه .. يهلي گعدو
وريحت العطاب بيه .. بالله شمّـوا
گبل لا مـوتن وراكـم .. يـله لحـگوا
بالحــبل هـذا الـعليّه .. گعدوا فلوا

حبل حبل ،، حزّ العظم
تــره تــره ،، من الـزلم
حّـز الأيد .. حبل ايزيد .. وين الگمر

طابعه اعليه سياطي .. من أميه
خل اشكيلك عـذابي .. المر عليه
بس احلفك لاتسولف .. عـن رقيه
راسك ونحرك خذاهه .. مـن اديه

صبغ صبغ ،، لون السمه
متن متن ،، فوگ الدمّـه
ويبجن حيل .. وكت الليل .. ومحد حضر

اشترجه ياخويه يضلن .. يا ملامح
بس عباتي وكلشي بيه .. من طايح
وصوتي من گدما احشم..مني رايح
الشوگ والهفه ابعيوني .. تره طافح

بعد بعد ،، شفت الكسر
إنـا إنـا ،، والله شــكـثر
صاب الگلب .. سهم الصعب .. من النظر

امن الگبر وشتم عطركم .. چنه هيله
بعد تدري افراگ وجهك .. مالي حيله
جـايه ابطـرگ الـسلاسل .. هل ثجيله
ابلا اخو واحجيله هـمي .. واشتكيله

تضل تضل ،، روحي ابجرح
واضن واضن ،، مـن الـذبح
بعيني بقت ،، لمن شفت .. گطع النحر

حمره گاع الطف شفتهه .. من دماكم
يا هلي طيّب جرحكـم .. ويا عساكم
او ردت اعلـيّه المحـنه .. من هـواكم
تمـنت اعيوني تشـوفه .. يرف لواكم

بــقن بــقن ،، عيوني ترف
ردت ردت .. شوفت عرف
هلا يگلي بيج .. والله محييج .. يم الخدر

✍ الشاعر خيري الصفراني

ـــــــــــــــــــــــــــــــــــــــــــــــــــ
👈 هنا نختار أفضل مشاركات متابعينا الأعزاء وننشرها بأسمائهم في قناتنا
☀منبريّون حسينيّون☀
@MINBARIYOON

ـــــــــــــــــــــــــــــــــــــــــــــــــــ
☀ منبريّون يتواصلون ☀

🌷أنشر الرابط وجزاك الله خيرا ↡
https://tttttt.me/joinchat/AGWwjjzFRmi2xNX76USLpA

(( كـــربــلاء الــــخــالــديـــن))

قد أتَيْناكِ بِقاعَ الخالِدينْ // جَنَّةَ اللهِ بأرْضِ الرافِدينْ
أنْتِ وَحْيُ الأنْبِياءْ // و عُروجي للسَماءْ // كَرْبَلا يا كَرْبَلا
●•••••●•••••●•••••●●•••••●
هَيّئي يا كَرْبَلاءُ تُرْبَكِ للوافِدين
و أفْتَحي بابَ السَماءِ ها أنا جِئْتُ الحُسينْ
جُئْتُكِ يا خَيْرَ وادٍ في رُبوعِ الأَرَضينْ
أنْتِ يا أرْضُ البَقاءِ وَعْدُ رَبِّ العالَمين
سَتُحَييكِ الدِماءُ عِنْدَما المَوْتُ يَحينْ
فَأشْرَبي رَشْفَ الحَياةِ مِنْ جُروحِ الباذِلينْ
أنْتِ رَمْضاءٌ عَلَيْها مَقْتَلي // فيكِ بَأْسُ الظالِمينَ يَنْجَلي
مِنْكِ طُوفانُ الفِداءْ // و عُروجي للسَماءْ // كَرْبَلا يا كَرْبَلا
●•••••●•••••●•••••●●•••••●
أعْوَلَ الإسْلامُ نَدْباً حينَما الباغي إعْتَلىٰ
مِنْبَرَ الهَدْيي زَعيماً حاكِماً كُلَّ المَلا
أيْنَ رُبّانُ الصَلاحِ صاحِ بي مُسْتَرْسِلا
أيْنَ هَيْهاتِ الإباءِ ليَزيدَ تُبْدي لا
رَغِبَ الدينُ مُغيثاً و نِداهُ قُبِلا
جِئْتُ لَبَّيْتُ بأهْلي و بصَحْبي مُقْبِلا
إنَّما العَيْشُ بِذُلٍّ كَالمَماتْ // و الحَياةُ في غِمارِ التَضْحِياتْ
هذا دَأْبُ الأوْلِياءْ // و عُروجي للسَماءْ // كَرْبَلا يا كَرْبَلا
●•••••●•••••●•••••●●•••••●
لا نَهابُ المَوْتَ جِئْنا و لنا الحَقُّ يَقينْ
صَفْوَةُ اللهِ بدُنْياً قد غَوَتْ ذا الخاذِلينْ
شَرْعُنا الإيثارُ كَلاّ لا نُوالي الظالمينْ
قد شَرَيْنا بالنُفوسِ طاعَةَ الباري الأمينْ
و بِنا يا طَفُّ تَبْقي قِبْلَةً للوالِهينْ
سَوْفَ تَغْدينَ مَناراً تُلْهَمينَ الثائرينْ
إسْمُكِ سَوْفَ يُدَوِّي بالدُهورْ // و يَدُكُّ كُلَّ عَرْشٍ للفُجورْ
أنْتِ بَذْلٌ و عَطاءْ // و عُروجي للسَماءْ // كَرْبَلا يا كَرْبَلا
●•••••●•••••●•••••●●•••••●
فيكِ آدَمْ سالَ دَمًّا ثُمَّ هابيلُ القَتيلْ
و بِكِ طوفانُ نوحٍ صارَ بالفُلْكِ يَميلْ
و كذا أجْرىٰ دُموعاً فيكِ بالوَجْدِ الخَليلْ
و عَويلٌ و نُواحٌ من صَدىٰ يَحْيىٰ النَحيلْ
و بِكِ قد خَرَّ موسىٰ صاعِقاً يَبْكي الجَديلْ
دونَما رِمْسٍ أراني و دَمي صارَ الغَسيلْ
أنْتِ طورٌ أنْتِ سَيْناءُ الكَليمْ // و بِقاعاً بارَكَ اللهُ العَظيمْ
فيكِ يَنْعىٰ الأوْصِياءْ // و عُروجي للسَماءْ // كَرْبَلا يا كَرْبَلا
●•••••●•••••●•••••●●•••••●
ما أراني إلاّ فيكِ فَوْقَ رَمْضاكِ صَريعْ
و خُيولُ الكُفْرِ جالَتْ تَهْشِمُ الجِسْمَ الوَجيعْ
و جِراحي ثَغْرُ حُزْنٍ نَطَقَتْ حَرْفَ النَجيعْ
و علىٰ الصَدْرِ أراهُ صاعِداً ذاكَ الوَضيعْ
و أرىٰ بالرُمْحِ رَأْسٌ هو كَالشَمْسِ قَطيعْ
و أرىٰ رَبّاتِ خِدْرٍ بَعْدَنا كَيْفَ تَضيعْ
أشْعَلَ النَمْرودَ فيكِ ذا الخِيامْ // أمْ هو مَنْ شَبَّ باباً للسَلامْ
مُفْزِعاً تِلْكَ النِساءْ // و عُروجي للسَماءْ // كَرْبَلا يا كَرْبَلا
●•••••●•••••●•••••●●•••••●
كَرْبَلاءُ يا تُراباً عِطْرُها فاحَ خُلودْ
فيكِ آياتِ الشُموخِ جَسَّدَتْ مَعْنىٰ الصُمودْ
قِبْلَةَ العِشْقِ الحُسَيْني و تُحَيينَ الوُفودْ
و لَكِ الدَهْرُ و دُنْيا فَضْلَكِ العالي شُهودْ
أنْتِ أرْضٌ و الدُعاءُ فيها حَتْماً لا يَعودْ
إلاّ قد كانَ مُجاباً و بِكِ الباري يَجودْ
فِيكِ زُوّاري تُنادي بالأنينْ // وا حُسَيْناهُ غَريباً وا حُسينْ
بالنَحيبِ و البُكاءْ // و عُروجي للسَماءْ // كَرْبَلا يا كَرْبَلا
●•••••●•••••●•••••●●•••••●
الشاعر : أبو شهيد الأحسائي
الأحد ١٤٣٩/١/٣هـ
-----------------------
*لا يجوز و محاسب شرعاً حذف او تغيير التوقيع*
https://telegram.me/joinchat/CgjqLUETxaGx5Fdb-1LpBA
-----------------------

*[ خير الخصال ]*

أداء: الملا #علي_الوائلي_الكربلائي
كلمات: الشاعر #عباس_الموسوي_الكربلائي

https://youtu.be/GKgk4QnxJ-A

مجالس شهر جمادى اﻵخر لسنة 1441 هـ - 2020 م
ليالي استشهاد سيدة نساء العالمين الصديقة الطاهرة فاطمة الزهراء صلوات الله عليها
هيئة مدد يا مهدي عجل الله فرجه - العراق بغداد

مونتاج وتنفيذ: محمد صادق
مكساج: كرار الموالي
اخراج: علي اللامي
مخطوطة: مجتبى العتابي
النشر الشبكي: علاء بركات العاملي

*يـ حسيـن ـا😭 گلبي عفته يم ضريحك وانت ساكن بالعيون * كل مُنيتي ابقى خادم لك يا مولايَ الحنون* *احسبني عابس انجن بحبك وخادم ببابك كـ جون*من زيارة اربعينك اتعلمّت درس الجنون*
خادمة آل محمد.. ✍🏻

قناة الشاعرة الحسينية خادمة آل محمد ص
https://tttttt.me/joinchat/AAAAAD9ng3ujqkUa3rjbSA

(إلى فاطمة العليلة )

رُوحي تَحنُّ لِلقَا وَأَنتَ في حِضنِ العَرا

أنسَتْكَ ذِكرِي كَربَلا يَا أَبِي

أَحضُنُ حُزنِي وَحشتِي أَشرِبُ لَيلِي دَمعتِي

أَدعُوكَ هَل مِن رَجعةِ يَا أَبِي
_______________________
فَدَتْكَ نَفسِي يَا أبي أَينَ تُرَى حَلَلْتَ ؟؟

هَل أَنتَ حَيٌ يَا أبِي أمْ أَنتَ قد قُتِلْتَ ؟

إَذا نَسِيتَ فَاطِماً بَعدَي فمَنْ حَضَنْتَ ؟

فَها أَنا فِي خُلسةٍ أَمُوتُ مُذ رحَلْتَ

أَقضِي اللَيالي المُظلمِةْ وَحِيدةً مُتألمِةْ
يَتِيمةً وحَالِمِة يَا أَبِي

عنّي فمَن ذا يَسأَلُ فكلُّهم قَد رَحلُوا
فعمّتي وأخوتي يَا أَبِي
_____________________
أَشمُّ ثَوبي وَيَدِي وأَذكُرُ الحَنَانْ

ذِكراكَ فَتّتْ مُهجتِي شَيبِي عَلا وبَانْ

كَيفَ يَغِيبُ وَالدِي وَالدَّفئُ وَالأمَانْ ؟

إنّي أَشمُّ عِطرَهُ المَنثُورَ فِي الزّمانْ

بَعضِي على بَعضِي هَوى أَستنشقُ الحُزنَ هَوا
أَعضَاي خرّت وَالقُوى يَا أَبِي

أَمشِي وَجِسمِي مُثقلُ فَالهَجرُ هَذا قَاتِلُ
رٌوحٌ بِدونِ جُثةِ يَا أَبِي
_____________________
لا رَيبَ إذ نَسِيتَني فِي كَربَلا صَعَابْ

عَمٌ يَمُوتُ عَمةٌ تَبقَى عَلى التُرَابْ

وَخَيمةٌ مُحرُوقةٌ تَسكُنُها الرَّبَابْ

رُقيّةٌ وقُرطُها المَسلُوبُ وَالحِجابْ

عَذراً أبِي لا أََعتِبُ لكنَّ قَلبِي يَلهَبُ
ألطُمُ خدّي أندِبُ يَا أَبِي

مُجزرُونَ في العَرا يَقتُلُكم حرٌّ ظَما
فَيا لها مِن فِعلةِ يَا أَبِي
______________________
حَسِبْتُ أنْ تَحضُنَني لا تَحضُنُ السَّهامْ

حَسِبتُ ذَاكَ صَدرَكَ المَملوءَ بِالوئَامْ

لِي مَلجأً مِن كُلِّ شَرٍّ كَانَ أَو ظَلامْ

يَا حَسرتِي فالمِوتُ فِي صَدرِكَ استدامْ

تَغيّرتْ مَلامِحُكْ بِالتُربِ شمرٌ يَطرَحُكْ
مِن بَعدِها فيذبَحُكْ يَا أَبِي

يَا ليتَ رأسِي قَطعُوا قَربَ أبي واُصرَعُ
والخَيلُ رضّت جَبهتِي يَا أَبِي
________________________
صَدرُ أبِي مُخضّبٌ وجِسمُهُ طَرِيحْ

وَكفُّ عَبّاسٍ هَوت وزَينبٌ تَصِيحْ

صِراخُ عُبدِ اللهِ فِي أفقِ الفَضا الفَسِيحْ

هدَّ جِدارَ العَرشِ والعَرشُ غَدَا جَرِيحْ

كِمثلِما في كَربَلا نَفسي غَدَت كرباً بَلا
تَمُوتُ مِن دٌونِ القَنا يَا أَبِي

الكَونُ ذا مَا أَكبَرَه أَضحَى بِعيِني مَقبرَة
أَبصُرُ مَن يا أبتِ يَا أَبِي
______________________
قَد شبَّ بِي يَأسٌ أبي فَليسَ لِي سَبِيلْ

تَعُودُ لي يَبدُو بأنّ الأمرَ مُستحِيلْ

مَاتَ كِلانا يِا أبي فِي جُرحِهِ الطّوِيلْ

بِالمَوتِ ليتَ نَلتقي في حَضرةِ الجلِيلْ

مَات كِلانا وانطوى أَنا وأَنتَ وَالبَقا
والنُّورُ في الافقِ انطفى يَا أَبِي

صارَ الوُجودُ مُظلِمَا والحُزنُ ظلَّ قَائِمَا
يَتّمَ قَلبَ الطِفلةِ يَا أَبِي
______________________
#علي حبيب الشابي
محرم

https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

وصلنه اخر درس
طلاااااب
رقم اربعطعش يُعرَف
ودگ الجرص من ازمااااان
يمته نرجع لصفنه ؟!
ومعلّمنه يجي ونوگف
ومدير المدرسه يدري
بوضعنه وبسرائرنا
ولمّن شافنه مضيعين
معلّم ينعشگ ودّه
وطبعه امن الورد اترف
بس المشكلة الطلاب
ما رادت ابد تصطف !!
ومدير المدرسه شكد صاح
وشگد صاح
كافي امن اللعب طلااااب
اذا ضليتوا بالساحه
الملعم ما يجي للصف 🥀

#ميثاق_الحمداني
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

حسين انحِنَه ومَال
واتوَسَّـــد ارمَـال
وگبَاله چَتّال
سَب الزچيّه
*
إبن النَبي المَيّت عطَـش بچفُــوفه زمزَم
لليَـابس ايصِــير النِـــدَه وللعِـلّـّـه بلسَــم
شَاف الأرض مِن العطَش شَالَت ألف هَم
عطشَـان بَـس امنِ الكـرَم رَوَّاهَــا بــالدَم
چفّه العِـرفنَاه . بلَا خنصِر اهنا
متـﮔطّع اوصَال . واتوَسَّـد ارمَـال
*
مِن طاح من فُوگ الفَرَس طاحَت مَجَرَّات
وارتَجَّت اَرض الله وبچَت سَبع السَموات
كالقـُـنفِذ اسهَام الصَدر تحسِـبها هيهَـات
وماتنسِـمع وَنـَّـات اِلَه بس تسـمَع آيَـات
وَجه الله مَطرُوح . واينَازع الرُوح
حَاله بأشَـد حَال . واتوَسَّـد ارمَـال
*
اوسَاده صِنَعـلَه امن الرَمل بَس الرَمل حَار
زَيـَّـد لَـهِـيبه البالحشَـه وشَب بالحَطب نار
بالمِلـح تَـرَّســلَه الجـرُوح وكالجَـمُر صَـار
حَـد السَـهم وَيـّـه الرَمل لِـبسَـن فَـرِد عَـار
تلَاﮔَـَن بلِطفوف . لَا رَهبَه لاخُوف
مِن سُوء الاعمَال . واتوَسَّـد ارمَـال
*
وَاگف عَلى رَاسه المُعادي ابقَـتله مِهتم
باقدَامه دَاس اعلَه الصَدر والأُمَّـه شَتـَّـم
وحســين دَمعَــاته دِمَـه ابخَـدَّه التِـثلـَّــم
خَـايف عَلِـيه مِن فِعـلِـته ايطـب الجهَـنم
زَرع الله لِحسين . خَضّر وِفه ودِين
بعَـفوَه المَجد نَال . واتوَسَّـد ارمَـال
***
مَشهَد صَعـب آيَة سِمَه بهَالشِـكل تنجَاس
وذبـَّاح مَمسُوخ الوَجه بِـيد البَلَه احسَاس
قابِض عَلى الّلحيَه الشَريفه ويطبُر الرَاس
ﮔـَـطّـَّع تَسَـابيح الذِكِـر ويّه اَقـدَس انفَـاس
غَمَّضها لِعيون . ضَحَّه وحِيَه الكون
وحَمَّـلنه بافضَـال . واتوَسَّـد ارمَـال
---------------------------------
لقمان لعيبي البدران

https://telegram.me/lukmanalbadran

وصلنه اخر درس
طلاااااب
رقم اربعطعش يُعرَف
ودگ الجرص من ازمااااان
يمته نرجع لصفنه ؟!
ومعلّمنه يجي ونوگف
ومدير المدرسه يدري
بوضعنه وبسرائرنا
ولمّن شافنه مضيعين
معلّم ينعشگ ودّه
وطبعه امن الورد اترف
بس المشكلة الطلاب
ما رادت ابد تصطف !!
ومدير المدرسه شكد صاح
وشگد صاح
كافي امن اللعب طلااااب
اذا ضليتوا بالساحه
الملعم ما يجي للصف 🥀

#ميثاق_الحمداني
https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

بسم الله الرحمن الرحيم

[ ياضحكتي ونوحي ]

ياضحكتي ونوحي ... ياصديق جروحي
الله خالق روحي ... تخدم بعزائك

ياحليف ونيني ... ياشموع سنيني
إنته ساكن عيني ... مو كربلائك
_

رغم حَر الشمس والعطش أثّر بيك
أتبلل بإسمك سيّدي من احجيك
دمعي وراسي ينزل مِن يُمُر طاريك
حبيبي وبيك أحيه وآنه اموتن بيك

ياحياتي وموتي ... ياسكوتي وصوتي
يانحولي وقوتي ... أرفع لوائك

مجلسك يحييني ... ذكرك يبجّيني
إنته ساكن عيني ... مو كربلائك
_

يحسين ومثيلك ماكو أي إنسان
يذل ماي الفُرات وجبده ظَل عطشان
مو بس دم .. نِزَفْت آيات عالتربان
لإن عايّش بذاتك محتوى القُرآن

هذا دمّك جاري ... بي كلام الباري
وسفة جسمك عاري ... سلبوا ردائك

عبدك وتدريني ... مالي غير حسيني
إنته ساكن عيني ... مو كربلائك
_

تنصّب عالرمح راسك يلِب احشاي
واخافن مِن يُمُر وقت الصلاة اهواي
إذا سجديت راسك ينلجم مولاي
لإن مَيّت عطش بَعدَك كرهت الماي

يافُراتي الضامي ... ياربيع ايّامي
إكَبالي اشوفك دامي ... تكَطر دمائك

جرحك يداويني ... عَطشَك يروّيني
إنته ساكن عيني ... مو كربلائك
_

يا أوّل قصيدة تجسّد الإحساس
يا أوّل عذيبي يداعب الأنفاس
أذا يَم شجرة تكَعد تنسه طاري الفاس
هنياله اعله خوتك سيّدي العبّاس

خوّتك ندريها ... الله يحلف بيها
روحي نجمة احويها ... تغازل سمائك

بحُبّك مغذّيني ... بخيرك مغطّيني
إنته ساكن عيني ... مو كربلائك
_

يظَل حزنك جديد شما تُمُر اعوام
شلكَت بيك وأجتّك هاكثر الاسهام ؟!
صرت كلّك جرح مِن الجِدَم للهام
ونارك بالخِيّم شبكَت شكَد ايتام

والرمح والخنجر ... باسك من المنحر
وانته صوتك كبّر ... يعلن فدائك

يا أفاضل طيني ... صيتك معلّيني
إنته ساكن عيني ... مو كربلائك
_

أشوفك مو فقط صورة جرح ومصاب
يَمَن صورة جمالك تسحر الألباب
نمليت بدمّك ونورك أبد ما غاب
نَعَم بالجَنّة اشوفك إنته أجمل شاب

ياجمال عيونك ... حقهم يحسدونك
زادي مِن ماعونك ... رايّد عطائك

دنيتّي وي ديني ... بمأتمك ربّيني
إنته ساكن عيني ... مو كربلائك


الحَمدُ لله والشكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
#رزقهم_سلام_الله_عليهم
حيدر الموسّوي