#استشهاد_الإمام_الصادق (ع)

لـــيَ قــلـبٌ ثَـلَّـهُ الـخَـطْبُ فَـمـارا
وجــفـونٌ تــقـذفُ الـدمـعَ جِـمـارا

وحــقــولٌ بــيــن أحــشـائـي ذَوَتْ
فاسْتَحالَتْ مِن لظى الحزنِ قِـفـارا

رَيْـثَـما حَـلَّ الـجوى فـي خـافِقـي
فَــغَـفـا بــيـن جُــراحـي وتـــوارى

فــأنــا ظِــئـــرٌ لأتــــرابِ الأســــى
نـحتَسي مـن حـانةِ الجفنِ عُـقـارا

كـــم كـــؤوسٍ بـالـرزايـا طَـفَـحَـتْ
فـشـربْناها ومــا نـحـن بـسُكــارى

أوَ بَــعْــدَ الــقَــرْمِ مِـــن سـادَتِـنـا
نـأمنُ الـدهرَ بـأن يـرعى الـذِّمــارا

كــيــف نــصـبـو لـحـيـاةٍ بـعـدمـا
قـتـلوا مَـنْ ألـبسَ الـدينَ افـتخارا

قـتـلوا أصْــدَقَ مــن فــوق الـثرى
بـذِعافِ السُّمِّ في الأحشاءِ ســارا

صَـدَقَ الـحزنُ بـفقدِ ابـنِ الـكُمـاةِ
فَـقْـدُهُ أوْرى شِـعـافَ الـقلبِ نـارا

لَـهَـفَ نـفـسي كـيف يُـعفى قَـبْــرُهُ
وهـو حـصنٌ وبـه الكونُ اسْتَجــارا

قَـــذِيَــتْ عـــيــنٌ إذا لــــم تَــبْـكِـهِ
بَـــدَلَ الــدمـعِ دَمـــاً لــيـلَ نـهـارا

إنّـــنــا نــرتــقـبُ الـــيــومَ الــــذي
يـطـلـبُ الـمـوعـودُ لـلـصـادقِ ثــارا

ثُــمَّ يـبـغي ثـأرَ سِـبْطِ الـمصطفـىٰ
لــدمــاءٍ سُــفِـكَـتْ مــنــه جُــبــارا

نـــاجَــزوهُ وبـــــهِ لــــم يـحـفـظـوا
لـــرســــولِ الله قــــــدراً ووِقـــــارا

#جابر_الكاظمي

بين الصادق وكربلاء

أبالي طاري السبي والدمع زينبي يازماني
احسيني اتنفسه وحيل احب مجلسه الصادق آني
ــــــــــــــــــــــــــــــــــــــ
يباچين عله احسين والادموع جريّه
بهالايـام يخـــدام لتبچون عليه
الطمو واندبـو ذبيـــح الزچيه
تفرحون تضمدون راحات رقيه

طيّبـو مسمعـي وخلو صوت النعي ايشگ اذاني
وخامس أهل الكسه حيل احب مجلسه الصادق آني
ــــــــــــــــــــــــــــــــــــــ
احن دوم ولا يوم يمر ما اذكره
جسد طاح والارماح تطوف أعله نحره
حسيناه وويلاه كســر گلبي امره
والاخيول عـرض طول يدوسنه عشره

ابچو يا شيعتي مو عله امصيبتـي عالعماني
والسبوله النسه حيل احب مجلسه الصادق آني
ــــــــــــــــــــــــــــــــــــــ
إذا بان بالأحزان هلال المجالس
خميسين عله احسين أسـدّ المدارس
عزائات سوادات اغير الـملابس
واون حيل واحس خيل إعله صدري ترافس

دوم أسد حوزتي وأشمر اعمامتي من حنـاني
عالفُگد عابسه حيل احب مجلسه الصادق آني
ــــــــــــــــــــــــــــــــــــــ
عله الدار اجت نار مجــرّد شراره
وصدگ ظال يشوّال أتــاني الزياره
يجي اليوم والانجوم تشع بالـــمناره
ولقد حان بالأذان تگـــــول العباره

والصده يعتلي اشهدُ انَ علي علّه شاني
اتصدق ابمحبسه حيل احب مجلسه الصادق آني
ــــــــــــــــــــــــــــــــــــــ
بالاطفوف بقه ايطوف حنين اشتياقي
أمن الاحساس الف كاس اريدن يساقي
ينـاعين عله احسين النعي بگلبي بــاقي
احب حيل تراتيل العزاء العـــــــراقي

گبري صح انهدم قربتاً للخيـم هالـمعاني
بروحي متأسسه حيل احب مجلسه الصادق آني
ــــــــــــــــــــــــــــــــــــــ
مته يعود والاچبـود يداويـهه سيفه
الهالاگبور يجي يزور ويمر بينه طيفه
أمن الاغياب يفك باب ويصير الخليفه
اوي خدام الاحسين يعيــش ابصريفه

المهدي هو الامل والدعاء بالعجل ايهز كياني
ويــن ابن نرجسه حيل احب مجلسه الصادق آني


محمد الجماسي

بيتك يالإمام شو صاير ظلام
بي ريحة خيام .. يويلي
ـــــــــــــــــــــــــــــــــــــ
المفترض نور ابيتك ايدور اوريحة ابخور
موريحة رماد ياخيـر العباد
ابابك الناس اتجدي الاحساس الورد والياس
نصبنلك حداد ولبسنلك سواد

كسرت احزانك اشگد خواطر
أسم الله ماداست اعليك حوافر
الكربله بالدمع والـــــمشاعر
سعفه بالماي خيالك يسافر

توصل للرضيع وايموت البقيع
يالدمعك سريع .. يويلي
ـــــــــــــــــــــــــــــــــــــ
ادري مولاي وسامع اهواي ايجرحك الـماي
ابريجك لويمر وايروح الفكر
للسبّيات الزينبيات تلگه وردات
حارگهه الجمر وابحر الظهر

كربله وطاري زينب سبيّه
وصلّنك هذن للـــــــــمنيّه
راسك وجسمك انشال سويّه
وما اخذ منك الــموت رقيه

اتسافر بالدموع يم كسر الضلوع
واتصيح ابخشوع .. يويلي
ـــــــــــــــــــــــــــــــــــــ
أسست لون لليعشگون ابنص الاعيون
شايل كربلاء حي اعله العزاء
تنطي الادروس اتطّهر نفوس ابچفك اتبوس
كل العلماء صبحاً ومساء

يلّلي فقدانك اكبر خساره
وانته لا مـا تقيمك مناره
امن الخيم هاي اجتك شراره
وذوبت گلبك امن الحــراره

صفناتك كلام والآه ازدحام
وعليك السلام .. يويلي
ـــــــــــــــــــــــــــــــــــــ
الخالي شيمه نيته هيمه وانته خيـمه
واتنگط عشگ كلما تحترگ
الدمعه هيه صادقيه ويارقيه
گلبك من يدگ يارب الصدگ

كونو زيناً لنا احله چلمه
والخدم جدّك اترسه رحمه
يا امامي وحفيـــد الائمه
الهوه الـمابي محرّم ماتشمه

ذايب بالحنين مثل ام البنين
باچي اعله الحسين .. يويلي
ـــــــــــــــــــــــــــــــــــــ
قصة النار الهه تذكار وحرگ الاديار
واقع من زمــــان امن افلان وفلان
حرگو احلام كل الاخيام وظلت ايتام
محتاجه الحنان وانباگ الامان

وانته يالصادق ابنص عيالك
اشويه دخان يمولاي اجـالك
للسبي حـــرمه محد خذالك
ومدمعك نـازل الحد خيالك

ياللاعن يزيد مانازف وريد
ابهالدمعه اشتريد .. يويلي
ـــــــــــــــــــــــــــــــــــــ
امزاعل النوم تبچي كل يوم وبالهوه اسموم
من ايمـر عليك يخنگ كلشي بيك
واماماه دائماً آه احسين تنعاه
والناعي اليجيك تحتظنه ابإديك

اتگله يالناعي زاد اشتياقي
وگبل ماتقره أقره اتفاقي
وانعه عالجسمه بالهيمه باقي
لاچن اقرالي طور العـراقي

ابطور الأمهـات بحزن الفاگدات
جدي ابهيمه بات ... يويلي


محمد الجماسي

الشاعر محمد الجماسي:
صبرآ جميل شفت القليل
يالصادق امن الغاضريه
ــــــــــــــــــــــــ
طبت النــار المنـزلك . . . واتذكـرت نار الخيمه
عندك حرم يتصارخـــن . . . بس مابقن بالهيمـه
نارك يبو الكاظم طفت . . . طفوهه اهل الشيمه
وسكنه ورقيه ابكربلـه . . . يتوسلن بـــالـغيـمـه

عندك بنات صح خايفات
بس مامشن وي ال اميــه
ــــــــــــــــــــــــ
نســـوانك ابيتك بچن . . . ماينسمع بمچاهـن
عالاقل يالكلك ستـــر . . . انته الچنت ترعاهن
بچفوفهن محــد يمـر . . . والحبل ماجراهــــن
ونسوان الاحسين ابغرب . . . سوط الشمر اذاهن

يشتم يعيل السانه طويل
وسلب تراچي مـــن رقيـــه
ــــــــــــــــــــــــ
ذبيت الاعمامه اشعجب . . . يمكن ذكرتك احسينك
امن احرورة النار أسالك . . . هـــــم طگگن رجلينك
سمـــوك بس مو عالنهر . . . طاحــت النبله ابعينك
سبلو إيـــــدك للسفـــر . . . مــاگـطـعـــو چفينــك

لابس رداء بس كربلاء
سلبت إثياب ابن الزچـــيه
ــــــــــــــــــــــــ
من حجره نسوانك تفر . . . گالو الثاني حجـــره
بس ماوگع منهن ستر . . . كل وحده چانت حره
مولاي هم عدك طفــل . . . لازگ السوط ابظهره
عبد الله كاروكه احترگ . . . اوصخم ادين الزهره

هذا الكلام گاله الامام
بالناحيه ايـــذكـــره البقيه
ــــــــــــــــــــــــ
طبو اصحابك سيدي . . . للمنزل وبعــض النـاس
شافوك غارگ بالحـزن . . . مــن الجدم حد الــراس
واسوك لاچن عمتــك . . . واساهه سوط الارجاس
كل ضربه تصرخ ياعلي . . . وكل عثره ها ياعباس

امصابك يهون خله العيون
يعمن على الراحـــت سبيــه
ــــــــــــــــــــــــ
يالصادق واصدق عشگ . . . لــو يرتبــط بالمنبــر
وانته بسجودك سيــدي . . . تدعي ابدعاء المضطر
ارحم وجوه اتغيــــرت . . . ياربي من گــــد الحــر
وكــــولـنـا زينــا فخر . . . يعني المعلــم جعفـــر

وصوت الجميع لارض البقيع
ومشتاگه روحــــي أهـالمسيه

#العبدالحسيني_محمدالجماسي

أعظم الله أجر وليّ الله الأعظم الحجة بن الحسن (عج) بشهادة جدّه المسموم أبي عبد الله جعفر بن محمد عليهما السلام
-

عن أبي عبد الله الصادق (عليه السلام):

من ذُكرنا عنده ففاضت عيناه، ولو مثل جناح الذباب، غفر الله له ذنوبه، ولو كانت مثل زبد البحر.

-
قضاءُ اللهِ محتومٌ وجاري
بكونِ الحزنِ أقداري وجاري
فهاكَ الدمعُ مصبوبٌ وجاري
على آلِ الهدى والقلبُ ذابا

١- جاري من يجري القضاء أي يسري حكمُه.
٢- جاري من المجاورة
٣- جاري أي يسيل.
-
#منير_الخنساء

القناة الخاصة بنشر القصائد الشعريّة
https://tttttt.me/monirkhansa

بسم لله الرحمٰن الرحيم

عن الإمام الصادق (ع):
*أحيوا أمرنا رحم الله من أحيا أمرنا.*

ندعوكم لمتابعة مجلس العزاء بمناسبة شهادة الإمام الصادق (ع) في تمام العاشرة مساءًا
على صفحة الفايسبوك للسيد حسين مرتضى
https://www.facebook.com/153673721736759?referrer=whatsapp

خدج يضربونه .. وخدّه يتربونه #يازهراء

عاش بمعاناته ..... يبجي عله عماته
دم تجري دمعاته.... للسبيه
؟***************
الصادق لطف كربله ضل كلبه هايم
حزنه حته بموته للمسبيه قائم
كضه كل عمره الشريف بهالمأتم

من الزغر شيب ..... لعمته زينب ... والقهر زاد
عايش بضيمه .... يذكر الخيمه .... الصارت رماد

يتلفت بداره ....وتتخيل انضاره
عماته محتاره .... بالوطيه
؟***********************
طف الحسين امتلك روحه الحزينه
من الموادع لحد يوم اربعينه
والتقهره زينب تصيح انولينه

عايش الحاله .... بركضه اطفاله.... وجويت النار
وخيل اعاديهم .... تسحك عليهم ... والفكر حار

والعيله بالهيمه .... من حركوا الخيمه
ودمع الجفن غيمه .... بهالرزيه
؟******************
خلص عمره وبس على الطف المحاجي
لا هده ونه ولا مل البواجي
يبجي للطفله الخذوا منها التراجي

خنكته الحسره .... وما ملك صبره .... عالمتن ذاك
منحر وطفله .... تبجي وتكله .... خذنه وياك

يكضي بلطم وكته .... وغير البجي بسكته
شعنده السبوا عمته .... الهاشميه
؟******************
ليله من ليل اهدعش ماخذ ظلامه
منكسر كلبه مثل كلب اليتامه
ومثل عماته المتن هم بي علامه

جمرة العاشر .... جوته وحافر ....
رض الضلوع
ماغفت عينه .... يبجي لحسينه ....
وحمره الدموع

ينادي بدمع هالي .... تكسر ظهر حالي
صورة مهد خالي .... طافي ضيه
؟***********
عايش ايام السبي بجمرة دليله
سنينه خلصهن يون عله العقيله
صعبه علويه يركبوها بهزيله

ماكو ابو فاضل .... والدمع هامل ... والعلم طاح
والمتن احمر .... وعكب ابو الاكبر ....
اليحدي ذباح

والعاشت بسده .... عالمشرعه زنده
كافلها شيرده ... من المنيه

منتظر الجنابي

#شهادة_الامام_الصادق
كلمات #حسين_شعيب
#من_الارشيف


صادقُ الآل .. صادق الآل .. حجةُ اللهِ على كلِّ البرايا
صادقُ الآل .. صادقُ الآل .. قد قضى حزناً على حالِ السبايا


ذا "المُفَضّلْ" قد روى أمراً عجيبا
في دِيارِ الصادقِ شبّوا لهيبا
فركضنَ النسوةُ من كلِّ ناحٍ
مثلَ ركضِ الزينبيّاتِ الغريبة

قد تذكّرْ .. قد تذكرْ .. جعفرُ الصادقُ حالَ الزينبياتْ
قد تذكر .. قد تذكر .. نارَ أهلِ الشامِ تغزو الفاطميات

******

أرسلَ المنصورُ جيشاً ناصبيّا
حاملاً مَعْهُ عداءً حيدريّا
أشعلوا البابَ وَ إن في الدارِ جعفرْ
ذكّروهُ بالليالي الفاطمية


أضرموا النار .. أضرموا النار .. مِثلما بابُ البتولِ كانَ مُسعرْ
أضرموا النار .. أضرموا النار .. أصبحَ الصادقُ مكتوفاً كَحيدرْ


*******

قد بكى المولى نجيعاً سرمديّا
لا على حالِ العيالِ الجعفرية
إنّما حينَ رأى الأطفالَ تبكي
قد رأى فيهم عذاباتِ رقية

قلبُهُ ذاب .. قلبه ذاب .. ابنةُ الصادقِ في حِضنِ أبيها
قلبه ذاب .. قلبه ذاب .. وا رُّقية يُتّمت قبلَ سبيها

*****


جعفرٌ قد ذاقَ أنواعَ المآسي
كربهُ قد هدَّ أركانَ الرواسي
سَمَّهُ المنصورُ في الدارِ غريباً
فقضى للمجتبى خيرَ مواسي

واسى حُزناً .. واسى حزناً .. حيدراً والمجتبى والزهرا فاطمْ
واسى حزناً .. واسى حزناً .. ساكنَ الطفِّ بتعظيمِ المآتمْ

#شهادة_الحمزة (ع)
الرادود #عبد_النبي_الجرفي
كلمات #حسين_شعيب
#موكب_عابس_الشاكري المانيا

شبيه احسين .. بآلامه
تِقطّع جسمه وِتوذّر
ابأُحُد يمّه .. هند تالي
بنيها ابكربلا تحضر
لجَن راسه .. بقي سالم
ولا اتوضّه بدمِ المنحر
او صفيّه يمّه تبچيله
ولا راحت مشي بالبر

وَ كزينبَ لم تُسبَ في ظَعنٍ موهونْ
فعلى مثلِ الحمزه فليبكِ الباكون

قصيدة "دخيلك يا ابو فاضل"
على اللحن الايراني للرادود #حسن_عطايى
كلمات #حسين_شعيب



١/ رفيعٌ و لا يُرى إلّاهُ قَمَرْ
أمانٌ لزينبٍ في وقتِ السَحَر
عظيمٌ بكفّهِ قد خُطَّ القدَر

هوَ الكافل .. هوَ المُحيِي لنا وللعدى قاتل
هوَ ربُّ الوغى هوَ أبو فاضل
على أسماعِهِ وحيُ الوَفا نازل

قُلِ العباسُ هُوَ
فقط شيّالُ اللِوا
سقى آل المُصطفى
بلا ماءٍ قد روى
على عرشِ الخِدمةِ..
مدى الأزمانِ استَوى

"دخيلكَ يا .. ابو فاضل"


-------

٢/ غيورٌ وكافلٌ حامٍ للحِمى
لخدرِ العقيلةِ يُطفي الأنجُما
و يَسقي النواصبَ كأساً من دما

ولا مَهلا .. يُبيدُ جيشَهم شبّاً فتاً كهلا
بسيفِ ذي الفقارٍ يسحقُ الجهلا
يُناديهِم أيا ذبائحي أهلا

عليهِ السبطُ اتّكَل
فلبّاهُ بالعجَل
و ميزانُ كربلا
بهِ واللهِ اعتدل
إذا للحربِ مشى
فكرّارٌ قد نزَل

"دخيلكَ يا .. ابو فاضل"

-----------

٣/ تجَلّى بوجهِهِ عزريلٌ فلَم
يُرَ في الوغى سوى شيّالِ العلَم
بأرواحِهِم سعى قطفاً كالغَنَم

فذا حيدرْ .. وَذا محمّدٌ بكربلا يحضَر
وهذا حمزةُ الليثُ وذا جعفر
يدُ الإلهِ ألقاها على العسكر

بهِ الأرضُ زُلزِلَت
وأمواتاً أَنزَلت
و تربانُ كربلا
بنعليهِ قد علَت
وذا عبّاسٌ بهِ
أعادي الزهرا ابتلَت


"دخيلكَ يا .. ابو فاضل"

https://tttttt.me/hsen_ch3eb

قصيدة جديدة " نزله شعبيه "
*حيّ على الشعائر*
#شهادة_الامام_الصادق ع
كلمات #حسين_شعيب



١/ بيا علي يلهج لساني الناطق
واحجي كلمات العشق للعاشق
خلّك بخط الشعائر واثق
ماحْنه أشياع الامام الصادق

نقرا على المنابر .. حيّ على الشعائر

-----------

٢/ جعفر الصادق روى و مسنوده
عالحُسين الحسره مو محدوده
الرايد ايواسي الكِفَل بِزنوده
خلْ يشِقْ جيبه ويلِطمِ خدوده

مذكوره في الجَواهِر ... حيّ على الشعائر

---------

٣/ سيّدك جعفر دِمه اتهِل عينه
باللطم والحسره گضّه اسنينه
كل جزع يحمل كراهه ابدينه
الا آهات الجزع لحسينه

الحد گطعة المناحر .. حي على الشعائر

---------

٤/ احنه مثل الصادق انضل نجزع
للمجالس والمآتم نفزع
شِل يصبّرنا بعد من نسمع
بالشمس تلگى الرباب المصرع

يرويها بِن عساكر .. حيّ على الشعائر

--------

٥/ "ما أتانا عنهمُ" نستمعه
والنهونا عنّه ما نبتِدعه
احنه لابنِ العسكري نتّبعه
من يهِل ادمومه بدل الدمعه

موعدنا يوم العاشر .. حي على الشعائر

⬛️◾️▪️⚫️﷽⚫️▪️◾️⬛️
*(فزاعيه جديدة للإمام الصادق ع)*
او بطور(ننخى أهل البقيع)
https://youtu.be/C-BlgUfJsgA
او بطور(يا بو اعمامة الخضره)
https://youtu.be/Pjn209olLAY

🏴بدأنا بنشر *(تجهيزات محرم وصفر بالترتيب)* من القصائد والنواعي ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼△▼△▼
بالله رجِعوا التابوت ...خل انودِع الغالي


آنه بنته يا هالناس ...خل انودِع الغالي
جيته و الطم اعله الراس ...خل انودِع الغالي
رجعولي، أبو الاحساس ...خل انودِع الغالي
يا ريته نظر حالي


تانيني يهل جناز ...خل انودِع الغالي
هذا خيرَة الاعزاز ...خل انودِع الغالي
و الشوفه أنه إعتاز ...خل انودِع الغالي
ما عندي بعد والي


يالشايل أبويه الزين ...خل انودِع الغالي
مشتاگه أقبله الحين ...خل انودِع الغالي
بلكي يسمع الاونين ...خل انودِع الغالي
بعده اليتم يبرالي


مو سهله أبويه مات ...خل انودِع الغالي
و آنه أبقى بالحسرات ...خل انودِع الغالي
مَيرِد العمر لو فات ...خل انودِع الغالي
راح و خيب آمالي


خلني احضنه اردود ...خل انودِع الغالي
و اظهر له ثياب السود ...خل انودِع الغالي
من بيته غده مفقود ...خل انودِع الغالي
و اشلون أنظره خالي
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
نعي او لطمية للإمام الصادق ع
بطور(سكتوا يا يتامه - الشيخ ياسين الجمري)
https://youtu.be/v6TTVvWXo8c

https://youtu.be/mGzlgCoIfjk

https://youtu.be/k7qzf9ZMifk

🏴بدأنا بنشر *(تجهيزات محرم وصفر بالترتيب)* من القصائد والنواعي ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼△▼△▼
وينچ يالزچيه * وينچ يالزچيه
رحل مسموم إمام الجعفريه


ما يرجع ولينه * ما يرجع ولينه
و أبو الباقر وسف خلصت سنينه
وينچ يالزچيه * وينچ يالزچيه
رحل مسموم إمام الجعفريه


شالوها العمامه * شالوها العمامه
و اجوا ايصيحون من حوله اليتامه
وينچ يالزچيه * وينچ يالزچيه
رحل مسموم إمام الجعفريه


شوفي اشجراله * شوفي اشجراله
عُيونه امغمضه و تبچي عياله
وينچ يالزچيه * وينچ يالزچيه
رحل مسموم إمام الجعفريه


مو هينه المصيبه * مو هينه المصيبه
مدينه ضجت ابحاله رهيبه
وينچ يالزچيه * وينچ يالزچيه
رحل مسموم إمام الجعفريه


نوحي اعله جعفر * نوحي اعله جعفر
يزهره و ندري دلالچ تِفَطر
وينچ يالزچيه * وينچ يالزچيه
رحل مسموم إمام الجعفريه


لو شيعوا الجنازه * لو شيعوا الجنازه
تعالي امسحي دمعة عزازه
وينچ يالزچيه * وينچ يالزچيه
رحل مسموم إمام الجعفريه


حضري له ابعزائه * حضري له ابعزائه
تره اتعزيچ ارضه وي سمائه
وينچ يالزچيه * وينچ يالزچيه
رحل مسموم إمام الجعفريه
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
للإمام الصادق ع
طور (فاطميه كل حياتي-ملا باسم)
https://youtu.be/ya6llC-HxB0

🏴بدأنا بنشر *(تجهيزات محرم وصفر بالترتيب)* من القصائد والنواعي ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼△▼△▼
جعفريه ... هالليالي الجعفريه
جعفريه ... هالليالي الجعفريه


هالليالي مو بسيطه ، كلها لوعه و محنه
ما فگدنه انسان عادي ، فاگدين الجنه
عِبره والعَبره اعله صادق ، نرتقي مأملنه
هالمجالس النه رحمه ، منها لا يحرمنه
للمنيه ... بالمواتم للمنيه
جعفريه ... هالليالي الجعفريه


ما يِكَفينه انحرمنه ، من وجوده وشخصه
يعني ما نذكر خصاله ، چم قظيه و قصه
تالي انقيم الشعائر ، و الدمع انرخصه
ننعى عالمقتول بالسم ، و ابدليله غُـصه
عالزچيه ... زاد همه عالزچيه
جعفريه ... هالليالي الجعفريه


احنه عاهدنه الأئمه ، نثبت ابخدمتهم
نسعى دوم ابكل وضعنه ، نقتدي ابسيرتهم
و ابليالي الجعفريه ، ما نذب رايتهم
نحزن المقتل ولينه ، نندبه و نندبهم
والعزيه ... بالمواكب والعزيه
جعفريه ... هالليالي الجعفريه


جعفر الصادق مصابه ، يكسر ابخاطرنه
جينه انواسي الزچيه ، و النبي وحيدرنه
مهما انسوي ابعزاءه ، نعترف قصرنه
لا ثواب و لا أجر ردنه ، يكفي لو يحضرنه
بالهويه ... خل يِوَقع بالهويه
جعفريه ... هالليالي الجعفريه


ليله ما تكفي ابعزائه ، للـــلطم و الدمعه
ردنه ابهاي الليالي ، هالحزن انوسعه
ننتحب و انواسي ابنه ، صوتنه ايسمعه
و الملائك خل تِسَجِل ، شيعته المجتمعه
رافضيه ... صادقيه رافضيه
جعفريه ... هالليالي الجعفريه
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
للامام الصادق ع
وزن التجليبه والاطوار مدونه اخر القصيدة

🏴بدأنا بنشر *(تجهيزات محرم وصفر بالترتيب)* من القصائد والنواعي ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼△▼△▼
على الصادق أون و ادموعي سچابه
و أبويه مات ، كاسر ظهري امصابه


أعز ناسي رحل يا ناس عزوني
على فگده يحگ لي أعمي اعيوني
منو من بويه أغلى بالله دلوني
و أبويه الچان دوم امشرِعَه أبوابه


فراگه ما يهون أبداً على گلبي
و أبث شكوايو و آلامي إلى ربي
رحل احزام ظهري و زاد لي كربي
صعب عالكل گلب من يفگد أحبابه


أكابر عالحزن لو أظهر أحزاني؟
و أنه تخنقي كل لحظاتي أشجاني
منو مثل الأبو بالدنيا يرعاني
صعب أنده و لا أسمع له اجوابه


شنو ايسلي دليلي ابفرگة الوالي
و أنه فاگد أبويه الراعى أحوالي
وسف دهري اليضدنه بعده يبرالي
و إذا أنعاه ، يبچي الفگده محرابه


أنه اتنفس هوى وبويه غفى ابگبره
نعم للجنه رايح بس صعب هجره
شجاوب گلبي بفراگه شنو ايصبره
و أشم مره ترابه و مره اثيابه
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــــــ
الطور؛ بجميع أطوار (وزن التجليبة) مثل
1 المربوعه
2 الفزاعيه
3 النزله
4 طور كربلائي(تون ام البنين ابفرقة الوالي)
https://youtu.be/tQd4WuB7cRo
5 (جفوف الموت-ملا فلاح الغانم)
https://youtu.be/X0bXBn6q_1A
6 (عليله وعلتي فرقاك - ملا فلاح الغانم)
https://youtu.be/qVfm0d8Qs_w

وتقرأ بألحان (رجاليه ونسائيه)
و باطوار النعي (خليني اسولف خويه خليني)
👇الشيخ الحسناوي
https://youtu.be/i8dTjfZpwpM
👇طور النعي الثاني ملا عبد الستار الطويل
https://youtu.be/huY9GnIXCp8
.

تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
*للإمام الصادق ع*
بطور(دمعتي هامله-ملا محمد بوجباره)
https://youtu.be/oo20Y1tYUhU

🏴بدأنا بنشر *(تجهيزات محرم وصفر بالترتيب)* من القصائد والنواعي ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼△▼△
يمسموم الچبد * إذا نمت ابلِحد
يبويه گلي شيصَبُر دليلي



وداعك مو سهل * أخافن ترتحل
تموت اگبال عيني يا خليلي


متتحرك بعد * و لا صوتك صعد
و أنه ابكترك أصيح ابصوت ويلي


تغمض بالجفن * و لا تگدر تون
سكوتك بويه ماخذ مني حيلي


بعد مالك نفس * صدى ابإذني همس
أنه الزهره اجيت ارفع عويلي


يفرگنه الأجل * يِبَخَر كل أمل
چنت أتمنى لو گبلك رحيلي


لطمت اعله الضلع * جرى سيل الدمع
شنو بعدك يطفي لي غليلي


بعد عين الابو * أدور عالدفو
و لا واحد مثل بويه يجيلي
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

‏ الرادودالحسینی ابوفاطمه الساری من ایران

⬛️◾️▪️⚫️﷽⚫️▪️◾️⬛️
للإمام الصادق ع ،بطور(عالأرض نازله-ملا باسم)
https://youtu.be/ENcaPNocGnw
وغيره من الاطوار

🏴بدأنا بنشر *(تجهيزات محرم وصفر بالترتيب)* من القصائد والنواعي ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼△▼△▼
يالرايح اويه الموت ، خذني للگبر
مگدر على فرگاك ، چا وينه الصبر
🏴🏴
وين الگى مثلك وين ، ما يحصل أحد
بالعاطفه و احساس ، منطيني المدد
مو بس إلي ، للكون ، چنْت انت السند
خيرك يغطي الناس ، و امغرگ البلد

بعدك تِدَوِر الناس ، خبزه لو تمر
و اعليك تسأل ليش ، بيها ما تمر
🏴🏴
گلبي شنو ايداويه ، يالشوفك دوى
ما تصعد الأنفاس ، يالعطرك هوى
كل لمسه منك ماي ، تطفي الانچوى
و ابظلمة الظِلام ، چنْت انت الضوه

بعدك نشوف أشكال ، و الوان الغدر
و اتدوم هالأحزان ، و ابگلبي جمر
🏴🏴
من شفتك ابتابوت ، نايم مبتسم
اتأكدت اردود ، منك منحرم
و اتمنى بس اتشوف ، گلبي المنجسم
و اليچوي هالاگوب ، ميت منظلم

وسفه الظلم ايطول ، مو ساعة عصر
و ابچي على هالضيم ، لو اعله الهجر
🏴🏴
و الشوفِتك كل حين ، يا بويه أحن
يا ريت أنه وياك ، هاليوم اندفن
لا أبقى و الدمعات ، اتورم الجفن
صعبه الحياة اتصير ، بعدك چالسجن

يا سادس الأطهار ، گلبي منكسر
كسري تره فرگاك ، لتظن ينجبر
🏴🏴
كل دمعه اتناديك ، يا نعم الأبو
تشرح لك الأحوال ، و أحتاج الدفو
شمتان بيه اشلون ، بعدك كل عدو
لو قصرت وياك ، يا بويه العفو

يالرايح ابتابوت ، يالوجهك بدر
سامحني يا مهوال ، اعله كل أمر
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.