~Elaf:
*كلام حبوبات سمح بالحيل ويعجب:*

صدق القال جروحك مابتوجع زول ،،،
وصدق القال همومك لوشكيت بتطول ،،،
ماكل الكلام البنفعك معسول ،،،
وماكل الصداع بيعالجو البندول ...

🎼🎼🎼🎼🎼🎼🎼🎼

وماكل التريدو مؤكد إنو بريدك ،،،
وماكل البيضرب ليك بهمو جديدك ،،،
الريد بالغصب لابنفعك لابفيدك ،،، و زولاً ماهو ليك أختاهو وأرفع إيدك ...

🎻🎻🎻🎻🎻🎻🎻🎻🎻

وماكل البيضحك ليك تبقى حبيبو ،،،
وماكل البيغلط مره إنت تسيبو ،،،
الأيام كتيره وكل زول بيلقى نصيبو ،،،
والراجل مواقف مابيقيمو جيبو ...

🎺🎺🎺🎺🎺🎺🎺🎺🎺

وماكل البقابلك بي بشاشه يغرك ،،،
وماكل البصاحبك تديهو حالاً سرك ،،،
الليله البيضحك ليك ويقاسمك مرك ،،،
باكر ياهو زاتو الفي النهايه بيضرك ...

🎷🎷🎷🎷🎷🎷🎷🎷🎷

وماكل البمد إيديهو قاصد يسلم ،،،
وماكل المسك قلمو وكتاب متعلم ،،،
ماتجرح مشاعر الناس وليها تألم ،،، وفكر في الحساب يوم قبرك يبقى مضلم ...

🎹🎹🎹🎹🎹🎹🎹🎬🎬

وماكل البتحلم بيهو دايما ساهل ،،،
وماكل البقولو الناس حقيقه وحاصل ،،،
ماتصدق كلام الناس وديمه تجامل ،،،
ولو جنو الخلوق خليك براك العاقل ...

#Elaf

لم تكن العبرة يوما في العدد فقلتهم او كثرتهم ليست مهمة الي ذلك الحد
ولم تكن العظة يوما بعطاياهم او هداياهم الباهظة فالمال إلى زوال لا محاله
انما العبرة بمن جبر فرمم، اسند فقوى، عطف فانسى، عاهد فاوفى
فصدق المشاعر  سعادة لا تشتري
فخليل صادق خيرا من الدنيا وما فيها


                       #elaf altayeb٠