مجلس نعي لعلي الأكبر #من_ديوان_قربان_الطف_ج٣
❥━──➸➽❥❂❥━──➸➽❥❂
صلى الله عليك يا رسول الله صلى الله عليك وعلى أهل بيتك المظلومين صلى الله عليك يا شبيه المصطفى الأمين يبن ابي عبد الله الحسين،ما خاب من تمسك بكم وأمن من لجأ إليكم يا ليتنا كنا معكم سادتني فنفوز والله فوزا عظيما.
*القريض*
حزن ابن ليلى يستدر مدامعي
ومضاء عزمته يثير هنائي
بدر تتوجه شمائل أحمد
بفصاحة وسماحة ومضاء
متجلبب من حيدر بشجاعة
ومن الحسين موشح بإباء
ملك الوغى بحسامه فأحالها 
دهماء أعيت ألسن البلغاء
والسبط يرصده وفوق جبينه
للناظرين بوادر السراء
وإذا به يدعوه أدركني فقد
دارت عليَّ بجمعها أعدائي
❥━──➸➽❥❂❥━──➸➽❥❂
ابوذيه
عله الأكبر لنوحن ليل ونهار
حيلي انهدم يوم الطاح ونهار
عليه عيوني تجري اسيول ونهار
واظل للموت اون صبح ومسيه
❥━──➸➽❥❂❥━──➸➽❥❂
نعي گرناوي
عله الدنيه العفى بعدك يالوليد
الم هجرك حنه ظهري وعماني
المك بالحصير اوصال واوصال
كتر منك اشيله يطيح ثاني
علي الاكبر سهم فرگاك كتال
وبلب الگلب يبني رماني
عسه عمر الابو بجفاك لاطال
ولابعدك اعيش اني ثواني
❥━──➸➽❥❂❥━──➸➽❥❂
نعي مجرد
يوليدي لأجلك لعمي العيون
امصابك عليه ابد ميهون
وانه بغيابك اصبر اشلون
انكسر ظهري وگلبي محزون
❥━──➸➽❥❂❥━──➸➽❥❂
ما فكرت بيه بالوداع
بروحتك كلشي يالولد ضاع
اوياك اندفن ريت بفرد گاع
ما تهده بعدك هاي الاوجاع
❥━──➸➽❥❂❥━──➸➽❥❂
آهات روحي ما اظن تهيد
وانته صرت عن عيني بعيد
يالشوفتك چن طلة العيد
هدمت كل حيلي يالوليد
❥━──➸➽❥❂❥━──➸➽❥❂
يقول الراوي بعدما قتل من قُتل وإذا بشبيه رسول الله، وسليل علي والحسين يطلب الاذن للقتال ولكن لم يتمالك الحسين عليه السلام حينما رأى ولده أمامه يودعه دون أن تنهمر دموع عينيه ثم يجمع كلتا يديه خلف عنق ولده علي الأكبر ثم يجذبه ليضمه إليه ويشبعه لثماً وتقبيلاً حتى اختلطت دموعهما.ثم ودع النساء اللواتي تحلقن حوله وقلن له: ارحم غربتنا فلا طاقة لنا على فراقك.لكنه مضى إلى حيث لقاء الأحبة محمداً وحزبه صارخاً بالقوم:
أنا علي بن الحسين بن علي                         نحن وبيت الله أولى بالنبي
تالله لا يحكم فينا ابن الدعي                         اضربكم بالسيف حتى ينحني
اطعنكم بالرمح حتى ينثني                          ضرب غلام هاشمي علوي
وبعد أن قتل مقتلة عظمية من القوم عاد إلى أبيه الحسين عليه السلام يشكو إليه ما ألم به من العطش والألم ... فقال له ابيه الحسين ارجع يا بني فإن لك كأساً مدخرة عند جدك رسول الله.
فرجع الأكبر إلى المعركة وما زال ينوشهم بسيفه وهم يفرون أمامه، إلى أن جاءه اللعين مرة بن منقذ العبدي، وهو يقول: عليَّ آثام العرب إن لم أثكل به أباه.
وبينما كان الأكبر يطارد كتيبة من القوم، إذ جاءه هذا اللعين من خلفه ليضربه على رأسه ويفلق هامته، فنادى الأكبر! عليك مني السلام أبا عبد الله هذا جدي رسول الله وقد سقاني من حوضه الأوفى شربة لا أظمأ بعدها أبداً ثم أن فرسه ذهب به إلى مخيم الأعداء، فهذا يضربه بسيفه وذاك يطعنه برمحه والآخر يريد بسهم حتى سقط على الأرض، وجاءه الحسين مسرعاً اضطجع إلى جنبه واضعاً خده على خده وهو يقول: بني علي على لدينا بعدك العفا، أما أنت فقد استرحت من هم الدنيا وغمها وأبقيت أباك لهمها وغمها وما أسرع اللحاق بك.
نعي زريجي
يريت انه التوسدت المنيه
ولا اشوفك امدد عالوطيه
بگت دمعاتي عالوجنه جريه
وامك تنطرك تكسر الخاطر
❥━──➸➽❥❂❥━──➸➽❥❂
دعيت الله ترد يالولد سالم
لكن صوبك يبني الظالم
وبگيت اعله الترب يالولد نايم
حالك صعب ويطرالگلب طر
❥━──➸➽❥❂❥━──➸➽❥❂
وبينما كان الحسين مستغرقاً في لوعة ولده وإذ به يسمع صوتاً عزيزاً عليه وهاتفة تنادي: ولداه واعلياه واابن أخياه، نعم إنه صوت زينب، فنهض الحسين نحو المخيم...
جابه حسين گاصد صوب الخيام
و تلگته العقيله وتلطم الهام
تصيح شلون يبني عالثره تنام
وسفه غدرتك هالگوم ظلام
❥━──➸➽❥❂❥━──➸➽❥❂
بعدك شباب وما يرحموك
بسهام ونبل وارماح صابوك
والراس ينزف دمه خلوك
مادري هالناس شيطلبوك
❥━──➸➽❥❂❥━──➸➽❥❂
أما حال امه الفاقدة ساعد الله قلبها كأني بلسان حالها:
اباب الخيم عيني ربيه
انتظرك ييمه ترد عليه
مو تأخذك مني المنيه
بعدك بعد ياهو الاليه
❥━──➸➽❥❂❥━──➸➽❥❂
والله افجعت دلالي يحسين
جبت ابني اليه مغمض العين
وگلبي عليه انكسر نصين
عگبه احير انطي الوجه وين
❥━──➸➽❥❂❥━──➸➽❥❂
نعي الفراق"طور الشيخ زمان الحسناوي"
آييمه ... يالولد يا ماي عيني
آييمه ... يا بعد روحي وسنيني
آييمه ... ما حسبتك تخليني
آييمه ... اعليك ازيدنه ونيني
❥━──➸➽❥❂❥━──➸➽❥❂
تخميس
يا كوكباً ما كان أقصر عمره
وكذا تكون كواكب الأسحار
جاورت أعدائي وجاور ربه
 شتان بين جواره وجواري
*بقلم ✍🏻خادمة اهل البيت ع*
*الشاعرة العلوية مريم النور:🍃*

https://tttttt.me/joinchat/AAAAAD_jZ91aGoyFcWUhng
قناة مجالس ومحاضرات مكتوبه 👆👆👆

حديث ليلة الوداع

في ليلة العاشر من المحرم قال الحسين: يا اختاه يا زينب يا فاطمة يا رباب انظرن إذا قتلت فلا تشققن علي جيبا و لا تخمشن وجها و لا تقلن هجرا ثم إن الحسين أوصى اخته زينب بأخذ الأحكام من علي بن الحسين و إلقائها إلى الشيعة سترا عليه
-ثم إنه عليه السّلام أمر أصحابه أن يقاربوا البيوت بعضها من بعض ليستقبلوا القوم من وجه واحد و أمر بحفر خندق من وراء البيوت يوضع فيه الحطب و يلقى عليه النار إذا قاتلهم العدو كيلا تقتحمه الخيل فيكون القتال من وجه واحد.

ياليلة التوديع ليله
كل واحد المنهم مر دليله
ومن العطش مهدود حيله

•───✧◐◐✧───•
وتسامرو ليلة العاشر
باچر يذبحون المناحر
وزينب تظل الكلب حاير

•───✧◐◐✧───•
التمن عليه لمت حبايب
يودعن حسين بكلب ذايب
خلاف الولي يصبحن غرايب
•───✧◐◐✧───•
ام الولد ودعت ولدها
وام الرضيع احزان عدها
من غبشه ويكطعون حدها
•───✧◐◐✧───•
والبنيات كعدن يودعنه
التمن عليه ويشمنه
اخر مسيه حسين يمنه
•───✧◐◐✧───•
، ونادى: يا سكينة، ويا فاطمة، يا زينب، ويا اُمّ كلثوم، عليكن منّي السّلام، فهذا آخر الاجتماع، وقد قرب منكنَّ الافتجاع. فعلت أصواتهن بالبكاء، وصحن: الوداع، الوداع، الفراق،

التمن عليه يودعنه
لزمن اديه ويحبنه
لا تبتعد وتروح عنه
•───✧◐◐✧───•
لزمت رقيه ذيال ابوها
تنحب والخوات يشاهدوها
كوه من الوالي ابعدوها

•───✧◐◐✧───•
تفطر كلبها بليل الوداع
تكله يبويه الكلب متلاع
باچر تظل مطروح عالكاع

•───✧◐◐✧───•
اليله للصبح خليني يمك
وكل لحضه تحضني واشمك
ماندري باچر شنهو علمك


فجاءته عزيزته سكينة، وقالت: يا أبتاه، استسلمت للموت ؟ فإلى مَنْ أتّكل ؟ فقال لها: يا نور عيني، كيف لا يستسلم للموت مَنْ لا ناصر له ولا معين، ورحمة الله ونصرته لا تفارقكم في الدنيا والآخرة، فاصبري على قضاء الله ولا تشْكِي ، فإنّ الدنيا فانية، والآخرة باقية. فبكت سكينة فأخذها الإمام وضمّها إلى صدره، ومسح الدموع عن عينيها.

مااحمل اوداعك يغالي
باچر اصير بغير والي
ويخرب عكب عينك دلالي
•───✧◐◐✧───•
مهظومه اضل واجذب الونه
يعزيز كلبي ويا سندنه
راح الدلال اوين صرنه
•───✧◐◐✧───•
مافاركك غصبن عليه
يابوي يلكلك حميه
ردتك سند تبقى اليه

ثمّ إنّ الإمام الحسين عليه السّلام دعا النساء بأجمعهنَّ، وقال لهنَّ: استعدّوا للبلاء، واعلموا أنّ الله حافظكم وحاميكم، وسينجيكم من شرّ الأعداء، ويجعل عاقبة أمركم إلى خير، ويعذّب أعاديكم بأنواع العذاب، ويعوّضكم عن هذه البلية بأنواع النعم والكرامة، فلا تشْكُوا ولا تقولوا بألسنتكم ما ينقص قدركم. ثمّ أمرهنَّ بلبس أزرهنَّ ومقانعهنَّ، فسألته السيّدة زينب عن سبب ذلك، فقال: كأنّي أراكم عن قريب كالإماء والعبيد، يسوقونكم أمام الرِكاب، ويسومونكم سوء العذاب. فلمّا سمعت السيّدة زينب ذلك بكت ونادت: وا وحدتاه ! وا قلة ناصراه ! ولطمت على وجهها. فقال لها الإمام الحسين: مهلاً يابنة المرتضى، إنّ البكاء طويل. ثمّ أراد الإمام أن يخرج من الخيمة فتعلّقت به السيّدة زينب وقالت: مهلاً يا أخي، توقّف حتّى أتزوّد منك ومن نظري إليك، وأودّعك وداع مفارق لا تلاقي بعده. فجعلت تقبّل يديه ورجليه،

خليني اشمك ياضوه العين
اخر وداع اوياك يحسين
باچر على الغبره مطاعين

•───✧◐◐✧───•
من هسه كلبي لاحه المصاب
لو رحت ادري يطول الغياب
موذر يظل جسمك علتراب

•───✧◐◐✧───•
ياخويه ياماي البعيني
ياريحة الزهره التجيني
مافاركك وانتي تدريني

•───✧◐◐✧───•
اخر وداع بهل المسيه
وماترد كعداتك عليه
والعشره خصلت هاي هيه
•───✧◐◐✧───•
فصبّرها الإمام الحسين، وذكر لها ما أعدّ الله للصابرين. فقالت: يابن اُمّي، طب نفساً، وقرّ عيناً ، فإنّك تجدني كما تحبّ وترضى.

حضنها الحسين اودعاها
حبها براسها وسولف وياها
سوالف اخو لزينب حچاها
•───✧◐◐✧───•
يزينب يخيتي لاتهمين
لو شفتي كل اهلچ مطاعين
فدوه اركابنه انذرناها للدين
•───✧◐◐✧───•
حاميچن الله ياعيوني
العدوان ليه يريدوني
همهم عليه يذبحوني
•───✧◐◐✧───•
تكله زينب ،،،

كلنه فده لأسمك وطرواك
وانصير كل احنه فداياك
ولااشوف راسك لازمه اعداك
•───✧◐◐✧───•

فقال لها الإمام الحسين عليه السلام: أخيه، ايتيني بثوب عتيق لا يرغب فيه أحد أجعله تحت ثيابي ، لئلاّ أجرّد بعد قتلي، فإنّي مقتول مسلوب. فارتفعت أصوات النساء بالبكاء.
•───✧◐◐✧───•
اوداعت الله ياولينه
مصباح باچر يأذينه
وچم غالي بيكم ذابحينه
•───✧◐◐✧───•
تروحون وانه احتار بأمري
واشبع هظم بس الله يدري
عكبكم يخون وياي دهري
•───✧◐◐✧───•
تدرون بيه هاشميه
مااحمل الهظمه وأذيه
ويحدينه ابن الدعيه
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://tttttt.me/joinchat/AAAAAD_jZ91aGoyFcWUhng
قناة مجالس ومحاضرات مكتوبه 👆👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

مجلس ليلة العاشر من محرم
ــــــــــــــــــــــــــــــــــــ

يروى ان اصحاب الامام الحسين عليه السلام كان عندهم عيد ليلة العاشر من محرم ، وقف برير يمازح عبدالرحمن فقال له عبدالرحمن ماهذه ساعة باطل ومزاح فقال له برير :واي ساعة للمزاح احسن من هذه ؟قد علم قومي اني ماعرفت الباطل كهلاً ولاشاباً ولكني ارى ان ليس بيننا وبين الالتحاق برسول الله وامير المؤمنين وفاطمة الزهراء عليهم السلام سوى سواد هذه الليلة.
قاموا باعمال شاقة في هذه الليلة حفروا خندقا بين ظهر مخيم النساء والاعداء وجمعوا الحطب وملأوا هذا الخندق بالحطب حيث اضرم الحسين عليه السلام النار في صبيحة يوم عاشوراء لئلا ياتي العدو من وراء الخيم وجعل القتال من جهة واحدة.
لما نزل الحسين الى ارض كربلاء اجتمع الاصحاب وبنوا هاشم فشكلوا حرسا للحسين يتألف من خمسة رجال ثلاثة منهم من الاصحاب واثنان من بني هاشم ، فمن أصحاب الحسين الذين كانوا في الحرس. حبيب بن مظاهر، وبرير بن خضير، ونافع بن هلال. ومن بني هاشم ، العباس بن علي بن أبي طالب، وعلي الأكبر بن الحسين.
وفي كل وقت لابد من ان يكون مع الحسين واحد من هؤلاء لئلا يغتاله العدو.
وفي مثل هذه الليلة ليلة عاشورء كانت نوبة هلال بن نافع في الحراسة وكان هلال واقفا بباب خيمة الحسين فانشغل بشئ ثم رجع واذا بالحسين ليس بخيمته فاقتفى اثره واذا به عند التلال فلما سمع الحسين وقع اقدام وراءه التفت وقال هلال هذا ؟

، وسأله الإمام الحسين عما اخرجه خلفه، فأجاب نافع: يا بن رسول الله، افزعني خروجك الى جهة معسكر هذا الطاغي.
فقال الحسين (عليه السلام) : اني خرجت اتفقد التلاع والروابي؛ مخافة ان تكون مكمنا لهجوم الخيل يوم تحملون ويحملون. ثم رجع (عليه السلام) وهو قابض على يد نافع ويقول: هي هي والله، وعد لا خلف فيه.
وقال الحسين ع ياهلال هلا تسلك مابين هذين الجبلين والوقت ليل ولا احد يعلم بالامر فلعلك تخجل ان تفارقني في النهار امام الاصحاب ولكن الان لايعلم بك احد فاسلك مابين هذين الجبلين وانجُ بنفسك فان القوم لايطلبون غيري ، فلما سمع هلال هذا الكلام من الحسين ع وقع على قدمي الحسين وهو يقول اذن ثكلت هلالاً امه ان انا فارقتك يا ابا عبدالله ، فرسي بالف وسيفي بمثله فوالذي منّ بك عليّ اباعبدالله لاافارقك حتى يكلأ عن جري وفري واستمر الحسين في سيره وهلال معه حتى وصل الحسين الى خيمته اخته زينب ، فدخل الى خيمتها ، وانحاز هلال الى ظهر الخيمة ووقف رجاء ان يخرج الحسين عليه السلام يقول هلال:
فاستقبلته زينب ووضعت له متكأً فجلس عليه واقبل يحدثها سراً بكلام لم افهمه بينما انا كذلك اذ سمعت العقيلة زينب مختنقة بعبرتها وهي تقول: اخي افأشاهد مصرعك وابتلي بهذه النساء والاطفال ؟ ليت الموت اعدمني الحياة ياثمالة الباقين ويابقية الماضيين فنظر إليها الحسين عليه السلام فقال لها: يا أخية لا يذهبن حلمك الشيطان، وترقرقت عيناه بالدموع وقال: لو ترك القطا لنام ، فقالت: يا ويلتاه!.
أفتغتصب نفسك اغتصابا؟! فذاك أقرح لقلبي وأشد على نفسي. ثم لطمت وجهها وهوت إلى جيبها فشقته وخرت مغشيا عليها.
فقام إليها الحسين عليه السلام فصب على وجهها الماء وقال لها: يا أختاه! اتقي الله وتعزي بعزاء الله، واعلمي أن أهل الأرض يموتون وأهل السماء لا يبقون، وأن كل شئ هالك إلا وجه الله الذي خلق الخلق بقدرته، ويبعث الخلق ويعودون، وهو فرد وحده، أبي خير مني، وأمي خير مني، وأخي خير مني، ولي ولكل مسلم برسول الله صلى الله عليه وآله أسوة. . ثم جاء بها حتى أجلسها
ثم خرج إلى أصحابه فأمرهم أن يقرب بعضهم بيوتهم من بعض، وأن يدخلوا الاطناب بعضها في بعض، وأن يكونوا بين البيوت، فيستقبلون القوم من وجه واحد والبيوت من ورائهم وعن أيمانهم وعن شمائلهم ورجع عليه السلام إلى مكانه فقام الليل كله يصلي ويستغفر ويدعو ويتضرع، وقام أصحابه كذلك يصلون ويدعون ويستغفرون.

الــنــعــي
ـــــــــــــــــــــــــــــــ

وكاني بزينب عليه السلام تقول:

عزيز الاخو كلش وغالي
ولخته تجيه وعين والي
ولو صاح لبني ها يخالي

شحلاتهه بحلگه بت امي
تعاي خويه اكعدي يمي
ماشيل من فرحتي هدمي

بيه ريحة امي وبيه خوه
وچلمة الخويه بحلگه حلوه
غيره الكلب ما بعد يهوه

حنين يا ابن امي عليه
وبجاله محد عال بيه
وكتي خذاه من بين اديه

يكون الاخو يسمع اعتابي
ومن احاجيه كون يرد جوابي
واشوفه يجي ويوكف ابابي

يوكف ابابي وكت الغروب
يعود الوكت ليه ويجي النوب
بيه ريحة اهلي احنان الكلوب

تمنيت اخوي يعود اليه
وترد ايامنه ذيج الزهيه
ونمشي الدارنه انوبه سويه

سويه نروح الدار اهلنه
ونتعاشر ويه اهل المحنه
يذاك الوكت شيعوده النه

شيعود الزمان ويرجع اردود
وترد هلي والزاد ممدود
حيلي عله الزينين مهدود

مهدود حيلي ولكدر انهض
وظعن الاهل للموت گوض
عشرت عمر بالروح تعرض

تعرض علي ذيج الوجوه
واكول الكلب جاليش خلوه
من افراكهم يا ناس هدوه
ــــــــــــــــــــــــــــــــــ
المجلس: اعداد خادمتكم ام علي العطوان.
النعي: خادمة الزهراء العلويه ام جعفر الموسوي.

https://tttttt.me/joinchat/AAAAAD_jZ91aGoyFcWUhng

(حديث للدفنه )

(دفن الحسين ع والاجساد الطاهره )

صلى الله عليك ياسيدي ويامولاي يااعبدالله صلى الله عليك ياسيدي ويامولاي ياابن رسول الله ياابن امير المؤمنين وابن فاطمه الزهراء سيدة نساء العالمين يارحمة الله الواسعه ماخاب من تمسك بكم وامن ولجأ اليكم باابي انت وامي باابن رسول الله

هذا حسين بالحديد مقطّع
متخضّب بدمائه مستشهد
عار بلا كفن صريع في الثرى
تحت الحوافر والسنابك مقصد
والطيّبون بنوك قتلى حوله
فوق التراب ذبائح لا تلحد

ويلي الوالي موذر عله تربان
لاواحد حضر لاجابله جفان
وين الفحل داحي البيبان

ويلي بحصيره حسين لموو
وبدال خده النحر عترب خلو
صيحو بني هاشم خلهم يدفنو

عطشان الولي رشوو ميه
بدموع العقيله الهاشميه
مشت عنه ياولي سبيه
الف لاحول ولأ قوةالأبالله العلي العظيم وعوذ باللة من شر شيطان رجِيم وسيعلم الذين ظلموا ال بيت محمدا اي منقلبآ ينقلبون ولعاقبة للمتقين سلام الله على المتقينً

بعد واقعت الطف
بقيت جثّة الإمام الحسين(عليه السلام)، وجثث أهل بيته وأصحابه بعد واقعة الطف مطروحة على أرض كربلاء، ثلاث أيّام بلا دفن، تصهرها حرارة الشمس المحرقة، قال أحد الشعراء حول مصرع الإمام الحسين(عليه السلام):

قبيلة بني أسد
قبيلة تعيش أطراف كربلاء، خرج رجالها يتفحّصون القتلى، ويتتبّعون أنباء الواقعة بعد رحيل جيش عمر بن سعد إلى الكوفة، فلمّا نظروا إلى الأجساد وهي مقطّعة الرؤوس، تحيّروا في دفنها، فبينما هم كذلك جاء الإمام زين العابدين(عليه السلام) بمعجزة طي الأرض إلى أرض كربلاء.
كيفية الدفن
قال السيّد المقرّم(رحمه الله): «ولمّا أقبل السجّاد(عليه السلام) وجد بني أسد مجتمعين عند القتلى متحيّرين لا يدرون ما يصنعون، ولم يهتدوا إلى معرفتهم، وقد فرّق القوم بين رؤوسهم وأبدانهم، وربما يسألون من أهلهم وعشيرتهم! فأخبرهم(عليه السلام) عمّا جاء إليه من مواراة هذه الجسوم الطاهرة، وأوقفهم على أسمائهم، كما عرّفهم بالهاشميين من الأصحاب، فارتفع البكاء والعويل، وسالت الدموع منهم كل مسيل، ونشرت الأسديات الشعور ولطمن الخدود.
ثمّ مشى الإمام زين العابدين(عليه السلام) إلى جسد أبيه واعتنقه وبكى بكاءً عالياً، وأتى إلى موضع القبر ورفع قليلاً من التراب فبان قبر محفور وضريح مشقوق، فبسط كفّيه تحت ظهره وقال: “بسم الله وفي سبيل الله وعلى ملّة رسول الله، صدق الله ورسوله، ما شاء الله لا حوّل ولا قوّة إلاّ بالله العظيم”، وأنزله وحده لم يشاركه بنو أسد فيه، وقال لهم: “إنّ معي من يعينني”، ولمّا أقرّه في لحده وضع خدّه على منحره الشريف قائلاً:
“طوبى لأرض تضمّنت جسدك الطاهر، فإنّ الدنيا بعدك مظلمة، والآخرة بنورك مشرقة، أمّا الليل فمسهّد، والحزن سرمد، أو يختار الله لأهل بيتك دارك التي فيها أنت مقيم، وعليك منّي السلام يا بن رسول الله ورحمة الله وبركاته”.
وكتب على القبر: “هذا قبر الحسين بن علي بن أبي طالب(عليه السلام)، الذي قتلوه عطشاناً غريباً”.
ثمّ مشى إلى عمّه العباس(عليه السلام)، فرآه بتلك الحالة التي أدهشت الملائكة بين أطباق السماء، وأبكت الحور في غرف الجنان، ووقع عليه يلثمّ نحره المقدّس قائلاً: “على الدنيا بعدك العفا يا قمر بني هاشم، وعليك منّي السلام من شهيد محتسب ورحمة الله وبركاته”.
وشق له ضريحاً وأنزله وحده كما فعل بأبيه الشهيد، وقال لبني أسد: «إنّ معي من يعينني»! نعم ترك مساغاً لبني أسد بمشاركته في مواراة الشهداء، وعيّن لهم موضعين وأمرهم أن يحفروا حفرتين، ووضع في الأُولى بني هاشم، وفي الثانية الأصحاب وأمّا الحر الرياحي فأبعدته عشيرته إلى حيث مرقده الآن»(۲).
وبعدما أكمل الإمام(عليه السلام) دفن الأجساد الطاهرة، عاد إلى الكوفة والتحق بركب السبايا.

هنا تلكته زينب عمه علي اين كنت وتراب والغبار عليه
قال عمه زينب كنت ادفن والدي الحسين

(فائزي)

نادته عمه حسين كلي شلون حاله
شلون صار دفنته وكطعه اوصاله
وحيد ياعمه بكه محد اجاله

صاحت يعمه ماي كلي شربيته
ناداها عمه عله ترب بيدي وسديته
وبدال خده حسين النحره خليته

ناده النحر سمعيت وسدلي طفلي
عمه علصدره طفله خليته اخيي
صعبه الوضع ياعمه دمعي يهلي

(نعي الفراق)

سولف يسجاد ..الاخو شلون حاله
سولف يسجاد..مرمي ماواحد بكاله
سولف يسجاد..عرمل محد الشاله

عمه عمه ..الابو موذر لكيته
عمه عمه..بترابه وسديته
عمه عمه…الي تهدمة ثنيته

عمه بيدي..لملمت عظمه بحصيره
عمه بيدي…سكيته بدموعي جثيره
عمه بيدي...صعبه لمه وهاي حيره


تمت
اعداد وكلمات ✍🏻خـادمـة الزهـراءام احمد العبوديه زبير

https://tttttt.me/joinchat/AAAAAD_jZ91aGoyFcWUhng

الصفحة الفاطمية:
مــجــلــس لـلــسـبـي
ـــــــــــــــــــــــــــــــــــــــــــــ

روي عن الامام علي بن ابي طالب
عليه السلام انه سأل حبيب بن مظاهر الاسدي (رضوان الله عليه) فقال له الامام ياحبيب مايزين الرجل .
فقال حبيب : العلم والكرم والشجاعة ، فقال له الامام امير المؤمنين عليه السلام : احسنت ياحبيب وكلها مجموعة فيك ولكن بقيت فضيلة رابعة وسوف تنالها ان شاءالله فقال حبيب سيدي وماهي ؟ قال الشهادة.

حقيقة ان افضل مايتصف به الانسان الانسان ويكسبه بعد الايمان بالله ورسوله واليوم الاخر :
1/العلم اي ان يكون عالما غير جاهل ، لان الجهل في الانسان هو الداء الذي يشقي صاحبه في الدنيا والاخرة.
وثمرة العلم هو ان الانسان يعلم ويعمل لا انه يعرف ويعلم ولايعمل بما يعرف ويعلم ، كما قال امير المؤمنين عليه السلام في بعض خطبه : وان العالم العامل بغير علمه كالجاهل الحيران الذي لايستفيق من جهله بل الحجة عليه اعظم والحسرة له الزم وهو عند الله ألوم.

2/الكرم.

والثانية ان يكون كريما سخياً ، ولاسيما في حقوق الاخرين الواجبة التي افترضها الله سبحانه على عباده.

وقد شاءت حكمة الله ان لايساوي بين العباد في الارزاق ، والعلة في ذلك واضحة في الاية القرانية المباركة(نحن قسمنا بينهم معيشتهم في الحياة الدنيا ورفعنا بعضهم فوق بعض درجات ليتخذ بعضهم بعضاً سخريا ورحمت ربك خير مما يجمعون).
فالحكمة الإلهية تقتضي عدم التساوي بين الناس في الارزاق ، وان يكون هناك غني ومتوسط وفقير ، ولكن الله تعالى لايريد في تشريعاته الحكيمة ان يكون الفقير بحيث لايجد مايأكل ويشرب ، وما يلبس ويسكن ومايحتاج أليه في سائر حاجاته الاخرى.
لذلك جعل الله للفقراء حقوقاً على الاغنياء لسد حاجاتهم التي تكفيهم ، وحفظاً لانتظام الانسان في معايشه ، ومن هنا ورد عن رسول الله صلى الله عليه وآله انه قال: ان الله افترض على اغنياء المسلمين في اموالهم بقدر مايسع فقرائهم ، الا وان الله يحاسبهم حسابا شديدا ويعذبهم عذاباً اليماً.
والبخل بالحقوق الواجبة ، وغير الواجبة لا انه يؤدي الى اعواز الفقير واجهاده فقط ، بل يؤدي الى ايضاً الى ان الفقير يمرض ، ويجهل ، ويجرم ، و يكفر.
لذلك قيل اذا ذهب الفقر الى بلد قال له الكفر خذني معك.
فالداء اذا كثر في المجتمع الانساني اعلم ان سببه حبس الحقوق الشرعية والبخل بها ، ثم السخاء صفة حسنة بذاتها جميلة مزينة للانسان حيث يكسب صاحبها العزة والكرامة بين الناس بعكس البخل.

ولابأس ان نذكر مثال للحلم والعفو والكرم.
حكى احد العلماء وقال: كنت جالساً قرب التل الزينبي وبجانبي رجل واقف وفي الاثناء وقعت عيني على المرحوم اية الله العظمى السيد ابي الحسن الاصفهاني اكبر مراجع زمانه للشيعة انه خرج مع مرافقيه من حرم الامام ابي عبدالله الحسين عليه السلام فالتفت الى الرجل واذا به انطلق منفعلاً نحو السيد الاصفهاني وهو يقول سوف أشتمه بئس شتيمه.
وبعد دقائق رأيته عاد باكياً وعليه اثار الخجل والندامة .
سأله عن السبب لهذه المفارقة العجيبة بين الموقفين ؟.
فقال: لقد شتمت السيد حتى باب منزله ، وهو لايرد عند الباب فتوقف وطلب مني انتظره ، دخل ثم رجع وبيده مبلغاً من المال اعطاني ذلك وقال لي راجعنا لدى كل مضيقة تعترضك ، اذ اخشى ان تراجع غيرنا فلايقضي حاجتك. ولكن لي اليك حاجة واحدة وهي انني اتحمل كل شتيمة موجهة الي شخصيا ، ولكن ارجوك لاتشتم عرضي واهل بيتي ، فاني لااتحمل ذلك
واضاف الرجل وهو يرتعش: ان هذه الكلمات التي قالها لي السيد الأصفهاني تركت اثراً بالغاً في اعماقي حتى كدت اخر الى الارض وهذه دموعي جرت بلا ارادة مني ، واني اشعر برعشة في اعماقي كما تراني.
هكذا كان السيد مثالا للحلم والعفو والكرم ومصداقاً للحديث النبوي الشريف .
(خير امتي من اذا سُفِهَ عليهم احتملوا واذا جُني عليهم غفروا واذا ٱُذوا صبروا ).

3/ الشجاعة .
وهي صفة حسنة في الانسان بلا ريب ، كما ان الجبن صفة سيئة فيه. ، ولكن على المؤمن العاقل المحب لنفسه ان يبذل شجاعته وقوته مجاهداً في سبيل الله بنفسه وأمواله وبلسانه مما يستطيعه ويقدر عليه لكي يحظى بالفوز العظيم والكرامة الدائمة.

نعم نرجع لحديث امير المؤمنين مع حبيب ولما سمع امير المؤمنين جواب حبيب عن افضل خصال المرء اقره على جوابه ، واخبره ان هذه الخصال المميزة قد جمعت فيه ، وانه سيزيد عليها رابعة ، قال.:
وماهي ؟.
قال عليه السلام الشهادة.
نعم الشهادة في سبيل الله ورسوله واهل بيته.
وقد نالها حبيب رضوان الله عليه مع الحسين عليه السلام بعد ان عاصر رسول الله صلى الله عليه واله وامير المؤمنين والحسن عليهما لسلام.

يقول الراوي كان الحسين جالسا في خيمته ومعه اخوته واصحابه وقال لهم هذا حبيب قد اقبل فلما شاهده اصحاب الحسين وعياله استبشروا بقدومه ثم قال حبيب للحسين عليه السلام :سيدي افتأذن لي ان اسلم على فخر المخدرات زينب عليها السلام فسلم حبيب على زينب عليها وقيل انها ردت السلام على لسان العباس ع وقال لها حبيب : آه آه لوجدك يازينب كانك تحملين على بعير ضالع يطاف بك البلدان ورأس،اخيك الحسين امامك فقالت زينب عليها السلام بهذا اخبرني اخي لوددت ان اكون عمياء فقال حبيب يسار بك وبالارامل واليتامى بعد فقد الصفوة الكرام وتركهم صرعى على حر الرغام ومعك تلك الرؤس المشرق بالانوار على اطراف الرماح.
نعم ياموالين كان مااخبر به الرسول وامير المؤمنين بمسير السبايا بعد مقتل الحسين عليه السلام واولاده واخوته وصحبه والثلة الخيرة من المؤمنين بدأت مصائب زينب التي انفردت بها ولم يشاركها احد فيها.
وكأني بلسان. حالها.

الـنــعـــي.
ــــــــــــــــــــــــــــــــــــ

عله الما طالعه الطلعه ثجيله
وحملها بالغرب محد يشيله
وماظل عين والي تشتكيله

صعبه عله المره تتكفل اظعون
بدروب الطوال ابحالها اشلون
ماظل حيل عدها وكاضيه ام عون

الله يعينهه المفكوده اهلها
وعله اجتافهه يثكل حملها
بطول الدرب ما كطع ونها

تبچی عليهم والدمع طاح
والكلب فاكد عيب يرتاح
حيل العقيله ويه الاهل راح

رايح الحيل وفاكده اخوان
والنفس منهه اليوم خلصان
تنشد عله السكنو التربان

هلبت يسمعوني من اكلهم
كتني كتل بالكلب ونهم
ايست روحي اليوم منهم

منهم بعد كطعيت ظني
وماظل عزيز وخال لابني
هظمني الوكت بيهم هظمني

خلاني وحدي امشي غريبه
وشال الكفلني منين اجيبه
يا هيبة الخوان هيبه
ـــــــــــــــــــــــــــــــــــ
اعداد المجلس: خادمتكم ام علي العطوان.
النعي: شاعرة اهل البيت العلوية ام. جعفر الموسوي.

https://tttttt.me/joinchat/AAAAAD_jZ91aGoyFcWUhng
قناة مجالس ومحاضرات مكتوبه 👆👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

#الحديث_بديوان_بحر_الولاء_الجزء_٦_.


حديث شهادة زيد الشهيد عليه السلام


هوه زيد بن علي بن الحسين بن علي بن ابي طالب عليه السلام ويكني ابا الحسين ولد سنه ٧٨ هجري وقيل سنه ٧٥ في مدينه الرسول(ص) نشأ زيد في بيت النبوة والامامة وتغذى بلباب الحكمة وكان ابوه الامام السجاد عليه السلام باب المدينة العلم بتعهده بالادب ويرسم له طريق الهداية والخير واصبح عليه السلام فقيها واسع العلم والمعرفة يأخذ بكتاب الله وسنة رسوله وقد تحدث الامام زيد عليه السلام عن سعة علومه ومعارفه حين  عد نفسه لقيادة الأمة والثورة على الحكم الأموي حيث قال: ( والله ما خرجت ولا قمت مقامي هذا قرأت القرآن واتقنت الفرائض واحكمت السنة والأدب وعرفت التنزيل كما عرفت التأويل وفهمت الناسخ والمنسوخ والمحكم وما تحتاج اليه الأمه في دينها مما لا بد منه ولا غنى عنه واني لعلى بينة من ربي )
لقد ثار الامام زيد عليه السلام على الحكم الأموي وقد اعلن شارة الثورة بكلمتة الخالدة التي اصبحت اشعاراً للجهاد ضد الظلم والجور في معركة الحق وقد فجر ثورتة المباركة التي كانت امتداد لثورة الامام الحسين عليه السلام ضد الحكم الأموي ليرفع لواء الحق ومن اهداف ثورتة الثار لدم جده سيد الشهداء الامام الحسين عليه السلام في معركة الحق الذي نشده الامام زيد عليه السلام ضد الباطل الاموي وتحت جنح الليل رمي زيد عليه السلام بسهم غادر اصاب جبهته ووصل الى دماغة الشريف فحلت الكارثة في اصحابه فهاموا في تيارات مذهلة من الاسى والحزن طلب له طبيب فانتزع منه السهم فتوفي من فوره وذلك يوم الجمعه الثالث من صفر سنه ١٢٢ هجري وقام اصحابه بمواراته بنهر هناك قطعوا ماء وحفروا فيه قبر وواروا الجسد الطاهر فيه قم اجروا الماء وكان مع اصحاب زيد عليه السلام احد عيون السلطة يراقب تحركاتهم فبادر مسرعا الى الكوفة واخبر حكامها بموضع الدفن فامر بنبش القبر واخراجه منه وحمل الى القصر في الكوفة وامر بصلبه منكوسا في سوق الكناسة بعد حز رأسه الشريف وقد رفع رأسه كما رفع رأس جده الحسين عليه السلام على رمح يطاف به في الاقطار حيث ارسل الرأس هدية الى الشام بن عبد الملك (لع) ففرح به كما فرح يزيد (لع) برأس الحسين عليه السلام فأمر بنصب الراس الشريف على باب دمشق أما الجسد الطاهر فقد صلب على جذع شجرة  واحاط به حرس مكثف مخافة ان يسرق ويدفن وبقى مصلوباً على هذا الحال طيلة اربع سنوات ولما مات هاشم وولي من بعده الوليد بن يزيد كتب كتاب الى الحاكم في الكوفة يوسف بن عمر كتاباً يأمر بأن ينزل الجثمان الطاهر ويحرقه بالنار وقام والي الكوفه باحراق الجسد الطاهر وذره في الفرات إنا لله وأنا اليه راجعون .


زيد الشهيد المات مظلوم
دارت عليه بسيوفهه الكوم
بلتار حركو جثته اليوم
❥━──➸➽❥💔❥━──➸➽❥💔
يشبه مصاب الجده الاحسين
الراس كطعوه الملاعين
لمصيبته دم تهمل العين
❥━──➸➽❥💔❥━──➸➽❥💔
مصابه مثل جده الشفيه
المذبوح بارض الغاضريه
الراس ابرمح ودوه هديه
❥━──➸➽❥💔❥━──➸➽❥💔
زيد الشهيد امصابه ما صار
يشبه الجده ابو الاطهار
راسه ابرمح بلبلد يندار
❥━──➸➽❥💔❥━──➸➽❥💔
امصيبته مثل ابو اليمه
اكطعوا راسه او فاض دمه
حسين ضل علكاع جسمه
❥━──➸➽❥💔❥━──➸➽❥💔
او زيد احركوا ياويلي ابنار
ماكو رحم بكلوب الأشرار
يوم القيامه اشعدهم اعذار
❥━──➸➽❥💔❥━──➸➽❥💔
مصلوب زيد امعلك اسنين
شعملوا بي كوم الملاعين
عليه من دم تهمل العين
❥━──➸➽❥💔❥━──➸➽❥💔
مثل الحسين الراس مرفوع
فوك الرمح وايهل الادموع
وعليه اعداه امجمعه اجموع
❥━──➸➽❥💔❥━──➸➽❥💔
تشبه الجده امصيبته اليوم
حسين الشهيد المات مظلوم
راسه ابرمح يتسايل دموم
❥━──➸➽❥💔❥━──➸➽❥💔
راسه ابرمح يا ويلي يهدوه
من واحد الواحد يرسلوه
او جسمه ابجذع نخله يصلبوه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAD_jZ91aGoyFcWUhng
قناة مجالس ومحاضرات مكتوبه 👆👆👆

حديث ونعي للحسن ع

السلام عليك مولاي وابن مولاي ايها الحسن المجتبى
السلام عليك يبن رسول الله
السلام عليك ين علي المرتضى
السلام عليك يبن فاطمة الزهراء
السلام عليك ياكريم اهل العبا
السلام عليك ياحامل اللواء

قريض

بابي قتيلا مزقت اكفانه
بسهام الغدر قد اتت من نعثل
يال طه انتم غوث الورى
فاليكم وبكم يدوم توسلي
ارجو شفاعتم لاحياء عندها
في جنة الموى بارفع منزل

ابوذيه
اون الصافي المرضع وداره
اليوم مكدره احبابه وداره
بجه لعضيده ابواليمه وداره
بيده كبله وعينه جريه

نعي كرناوي

اليوم اوداع اخوه وحل الافراك
وابو محمد يلوج وسورب العين
وحسين انتحب والدمع جروان
يوم الكال الله وياك يحسين
خويه وداعت الله والله وياك
عالعضيده ابواليمه جر الونين
يبحر جود يومك نحل الحيل
وعفتي يخويه الضيم الاسنين
هاي اختك اجت وتريد ملكاك
تالكاها يابعد عيوني الاثنين
اختنه يبو محمد دكت الباب
شيل الطشت عنها بساع يحسين
ماريده اتشوف الهظم يوم
ماتبجي العزيزه واحنه عدلين

نعي مجاريد

امنه امانه امنتها
وعدنه يخويه ودعتها
ودمعات زينب لوشفتها

لوبجت خويه ايزيد وني
وخافن علينه تزعل امي
ويثكل يبوالسجاد همي

عن لسان حال زينب عندما نظرت الى اخيها الحسن ع

اسم الله يخال الولد ممدود
ياهيبتي ويامنبع الجود
خويه تون والجبد ممرود

دير الوجع يالحسن لختك
ويطيب من الالم جبدك
شسوي يبومحمد واردك

ممدود ومسورب عيونك
ومن الالم مخطوف لونك
يخال الولد كلي شلونك

ياذخر كلبي ولبت احشاي
اكعد يخويه وسولف وياي
فدو الك يالحسن عيناي

وشيوجعك يالحسن كلي
ياريحت امي وريحت اهلي
ياعين عالخال الولد هلي

لاحوله ولاقوة إلا بالله العلي العظيم
انا لله وانا اليه راجعون

لقد حاول معاويه لع محاول اكثر من مرة
ان يغدر الامام الحسن ع ثم حاول سمه فدعا مروان بن الحكم الي اقناع جعده بنت الاشعث بن الكندي فكانت من زوجات الامام الحسن ع
بان تسقيه السم فان قضى نحبه زوجها بيزيد واعطاها مائة الف درهم وكانت بنت الاشعث كما كانت زوجة نبي الله لوط وزوجة نبي الله نوح عليهما السلام
تحت عبدين صالحين فخانتهما والامام الحسن والامام الجواد عليها السلام
تعرضو لخيانت ازواجهم ولما سره السم في بدنه الشريف هذا وامامنا يلوج من شدة الالم ويقذف كبده في طشت قطعتا بعد قطعه واذا بزينب قد اقبلت وطرقت الباب اومى الحسن الى اخيه الحسين ان يرفع الطشت لكي لاتراه اخته زينب ع

صاح الحسن والدمعه بالعين
شيل الطشت يبن امي يحسين
لا تنضره زينب يطيبين

زينب بهومه ودكت الباب
والدمع عالخدين سجاب
كلولي اشبيكم يالاحباب

طبت عالبن امها بهومه
وشافته متغيره ارسومه
وتشوف اخوها كرب يومه

يبو محمد تدير العين ليه
كفت الخوه وهاي هيه
تودع يالولي اوداع المنيه

عسى بعيد عنكم يخوان
وروح تفداكم يالحنان
ضلت موحشه منكم الديران

ميته ولاشوفنكم تودعون
عكبكم يخوتي ضلتي شلون
عساها بعمه وتروح العيون

اليوم ابومحمد ودعاني
وشضاملي باجر زماني
اويلاه ياضيم الفاني

لما قضى نحب امامنا الحسن عليه السلام
ارتفعت الصيحه في البيوت الهاشمين
وعلا الصراخ والعويل رحم الله من ناداه واماما وامسموما وامظلوما

شال المجتبى وضلمت دياره
وحسين عله خيه دوت ناره
شاله حسين وادموعه تجاره

والنعش شاله عالمتونه
ويم جده رادو يدفنونه
واهل الرجس مايخلونه

اعترضو عالدفنه الضلام
ونعش الحسن صابوه بسهام
وشيعه حسين بحزن والام

خذاه للبقيع وحفر كبره
ودمعه عالخدين يجره
وانكسر كلبه شلون كسره

..................
✍ام زينب كربلاء--------★★----------★★

🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://tttttt.me/joinchat/AAAAAD_jZ91aGoyFcWUhng
قناة مجالس ومحاضرات مكتوبه 👆👆👆