طور.. ▃فـائـزي▃
&لسـان حال العقيلة مع كافلها&

زينب انه ياخوية عد من تخليني
تاليها اروح اميسرة ومچتوفه اديني
✺✺✺✺✺✺✺✺✺✺✺✺
بديار غربة تيسرت عفتوني وحدي
اصرخ واصيحن يا گمر كافل معندي
اشلون اجينة بالضعن بيه انته تحدي
من بعد عينك وين اروح انه وحنيني..
✹✹✹....✹✹✹....✹✹✹
انت اكفلتني ياشهم بدر العشيرة
من بعد ذاك العز اذل وآنه الاميرة
هسة امشي ارافگ چاتلك صرت الاسيرة
هيهات فرگنا الزمن ريتك تجيني..
✹✹✹....✹✹✹....✹✹✹
اصرخ وانادي اعليك خوية ياكفيلي
صوابك ذبحني يالبطل ذوب دليلي
بعـدك حـرت بـيتام انا ولوعة عليلي
ترضيها ياخوية الشمر سوطه ايسليني..
✹✹✹....✹✹✹....✹✹✹
انهض يخوية ورجّع اجوابك الية
شوف العدا بفرگاك من دارو علية
دونك صفيت لوحدي امشي سبية
بعدك يبوفاضل ولايبطل ونيني..
✹✹✹....✹✹✹....✹✹✹
وين اصبحت يابا الفضل يا ضوا العينين
درب السبي مر وصعب وينك يالاحنين
من بعدك اتحمل هضم من ظلم السنين
عباس شو بية اگطعت انته وحسيني..
✹✹✹....✹✹✹....✹✹✹
{تـمت بعـون اللـہ}
19/6/2017
✍🏻 #ولائــية_وافتــخر
#الناشر الحاج فلاح حسن

❍تقـرأ❍
★بنعي فائزي
★كـ لطمية بأطوار فائزي
★طور ويلي على الكرار
★طور انخاج نخوة فاطمة
وغيرها من الاطوار..

#فزاعية_لمسلم_ابن_عقيل

✾واويـلي علـى مسلـم✾
✾من جارت عليه الگـوم✾
►☆►☆►☆►☆►☆►
بـالكوفـان غـدروا بـي
يصيـح الفـرج يـا ربـي
حميـدة عيـونهـا تربـي
☆يبوية اليوم يوم الشوم☆
★●●●★●●●★●●●★
طايـح يـا سفير حسيـن
يـا مسلـم خـذاك البيـن
نذرت العمر لاجل الديـن
☆نبجي اعليك هذا اليوم☆
★●●●★●●●★●●●★
يبويـة يـا بعـد روحـي
منهو يـدواي جروحـي
ضليت انـة وي نوحـي
☆خليت الگلب ملجوم☆
★●●●★●●●★●●●★
طـوعـة كفـت ووفـت
لمـن طـاح اله وگفـت
تصيـح و عينهـا جفـت
☆شافته عليه الهجوم☆
★●●●★●●●★●●●★
حميـدة راح واليهـا
اليوم احنة نواسيهـا
الدنيا اظلمت اعليهـا
☆تصرخ بوية يامظلوم☆
★●●●★●●●★●●●★
سفير حسين ويلي اعليـك
نصيـح بـأسمـك وننخيـك
تگضي الحاجة ندري بيـك
☆عليـك بـداعت القيوم☆
★●●●★●●●★●●●★
مسلم يـاغريب الـدار
لا يمـه اهـل لا جـار
دارو حـولـه الكفـار
☆ومن واولاده ظل محروم☆
➖❆❆➖❆❆➖❆❆➖
{تــمت بعـون اللـہ}
24/7/2017
✍🏻 #ولائــية_وافتــخر
🚫غير مبرئ الذمة امام اللـہ والزهراء من يحذف اسم الشاعرة🚫

#نعي_للشهيد
«لسـان حـال الأم»
▧▧❃❃▧▧❃❃▧▧❃❃▧▧

ياعيـد الفطر ماجوني الاحبـاب
حلويـن المعاني اصبحوا غيـاب
هـم الهم خبـر لو حدر التـراب
فگـدك يـالولـد صابني صـواب
➖➖➖➖➖➖➖➖
صبـاح العيـد افـرح مـن تجـيني
تشـم ايـدي وتقبـلني بجبـيني
ييمـة يـالـولد وحـدي بحنـيني
ردلي فـرحتي شلـون تخلـيني
➖➖➖➖➖➖➖➖
يبـو طول الحلـو ياهيبـة البيـت
تمنيتـك تجـي وتعـود يـاريـت
انت گبال عيني لتظني انسيـت
هم تسمع حنيني وبيـة حسيـت
➖➖➖➖➖➖➖➖
تعـال اليـوم يبنـي عايـد اختـك
ترﯼ العيـد مايحلى الا بگعدتـك
اجاني العيد وعيني تربي جيتـك
ليش استعجلت يمـة اعلة بختـك
➖➖➖➖➖➖➖➖
ضليـت اصفگ الراحـة بالراحـات
والطم ع الوجه واضرب الهامـات
منـك لا اثـر وانگطعـت الجيـات
يـاريت الـزمـان يعـود هيهـات
◾️▁◾️▁◾️▁◾️▁◾️▁◾️
{تـمت بعـون اللـہ}
24/6/2017
✍🏻 #ولائــية_وافتــخر