يمضيعه العرف وياي زينب بت علي آنه
ها يلمشرعه رديت هم رديت عطشانه

-----------------------------------

وينك يا نهر رديت چنت بديرة الغربه
يلما سيرت لحسين يمزيد جمر گلبه
منشوفك بعد منريد ماي العندك انشربه

تذكر صوت عبد الله
محد گاله اسم الله

من فز بسهم مذبوح
ناشف ريجه ولسانه
ها يلمشرعه رديت
هم رديت عطشانه


----------------------------------------

وين اهلي الهواشم وين محد منهم أگبالي
بلوه اخواني جوه الگاع دفنو شيبة الغالي
ها يا كربله يا ضيم موت الغربه أشوالي

ما يسوى العمر وأهلي
جوه اتراب ما ظلّي

من ذاك اليسر رديت
لاهلي اليوم تعبانه
ها يلمشرعه رديت
هم رديت عطشانه


-------------------------------------

يا ماي بظهر عاشور ياهو الگطع اچفوفك
مو تدري العطش چتال المن تجري ونشوفك
من چان السبط عطشان ما مديتله اجروفك

شنهي الصار مو أحنه
بدينه النار والجنه

ميفيد العذر يا ماي
هاي سكينه ذبلانه
ها يلمشرعه رديت
هم رديت عطشانه


---------------------------------------



رديت بظهر مكسور ردن روس اهالينه
من ضيم السبي من الشام لارض الموت ردينه
مو نفس الوجوه اليوم نحر حسين ماذينه

طف وشام والحسره
وشوغة فاطمه الزهره

كلهن ذني ملتمات
ردينه اعله موتانه
ها يلمشرعه رديت
هم رديت عطشانه


---------------------------------------

رديت وچهبت الماي وتروالي عبد الله
من رد للخيم منحور ياهو الگاله اسم الله
عطشان وسهم يا ناس زاره وبالنحر صلى

فل أگماطه بصوابه
چنه يصيح يا يابه

الله يساعدك يحسين
مات وليدك هنانه
ها يلمشرعه رديت
هم رديت عطشانه

---------------------------------------

شفت المشرعه أونيت بس ما گعدو أخواني ؟
محد منهم الخوان علناگه ايتلگاني
ها يابالفضل رديت ها يحسين هايه آني

خويه الفزعه مريوده
واني چفوفي مشدوده

خلانه الزمان ابعاد
كلمن ديره خلانه
ها يلمشرعه رديت
هم رديت عطشانه


كلمات الخادم / رعد الفريجي
ثوابها الى روح والدتي

اليوم اجيتك زايره
متعوبه خويه وحايره
أگعد يكافل خويه اگعد يكافل

**

زينب لفت محتاره
وحيل الدمع يتجاره
ياهو اليرد خطاره ؟ ،، گوم اعله حيلك

چا غير تتلگوني !!
تعرفوني متعرفوني ؟
اي خويه هايه عيوني گوم اعله حيلك

جيت وي دموع المشايه
وابچي من تصد عيني الرايه
مشتاگه العباس هوايه

وينك يبعد عيوني
حاچيني تدري شلوني
أگعد يكافل خويه اگعد يكافل

***

ردينه وشردينه
فوگ الگبر ونينه
يا بو الفضل حاچينه يمك گعدنه


وين الهلا شضماهه ؟
من ريت اموت وياهه
خوتنه يا محلاهه يمك گعدنه


يتراب الغطيت اخواني
گللهم ليهسه أتاني
متعوبه ومتغيره الواني


حد موتي ما انساهم
واتمنى هسه وياهم
اگعد يكافل خويه أگعد يكافل

****


كل عام ويه ايتامك
انحب وأون گدامك
بعيوني چنهه اسهامك يابو الحميه

أمشيلك بدمعاتي
وأتعثر بخطواتي
اسمع يخويه الآتي يابو الحميه

ماتت بت حسين الهيبه
بالشام الشفناه امصيبه
فوگ الشيبه تموت الطيبه

بس العبايه ويايه
وچم دمعه ومصلايه
اگعد يكافل خويه اگعد يكافل

*

بالحضره اصيحن وينك
غير اهلك امتانينك
من فدوه اروح العينك عينك عليه

نرلني من الناگه
وداعت علي مشتاگه
ما صدگت نتلاگه عينك عليه


مد چفوفك رحب بينه
ما مشتاگ اتشوف سكينه ؟
يم شباچك هل ونينه

بيني الكلام وبينك
بيوم السبي مضيعينك
اگعد يكافل خويه أگعد يكافل

****


مجلسنه يم چفوفك
جيناك حتى انشوفك
مو مال خويه انعوفك وانته الجبتنه


لو تنهض اتودينه
لو يمك اتخلينه
يلطولك امتانينه وانته الجبتنه


ما نگدر نترك ديوانك
ولا نگدر نحملهه احزانك
هذا الماي البلطف خانك

والتله ذيچ ونوحي
وهنانه طلعت روحي
أگعد يكافل خويه أگعد يكافل

كلمات الخادم / رعد الفريجي

يا شدة الشام يمخلصه العيون
وينك يعباس انه اختك ام عون

****

راجعه لگاع المصايب هالوصلنه الكربله
ضعن اخوتي اليوم خالي ومحد اليستقبله
ال يا هله محد حچاهه مات ابو چلمة هله
والهزل يثگل مشيهه وانه اجيت امعلعله


چا وين الاخوان ما ظن يگعدون
وينك يعباس انه اختك ام عون


***


وينكم زينب لفتكم وصلت ورادت كفيل
رادت حسين اعله طوله يوگف ايعين العليل
وينكم يهل المحنه تمشي زينكم تميل
ارد أسولف ضيم گلبي وكلشي اگولنه قليل

زار اختك الموت وين اليدفنون
وينك يعباس انه اختك ام عون


**


راده الاهل المحنه وثگلت هواي الجدم
سلمت وگبور اهلنه تريد ونات ولطم
گبر الحسين وكفيلي الكاسر اظهور الزلم
خل اشم تراب اخوتي وخل اموتن مو مهم

خليني وياك يلتسوى العيون
وينك يعباس انه اختك ام عون


**

حالفه ايغطيني دمعي گبال تربة كافلي
وانثر تراب اعله راسي واندب احضر يا علي
زينب اتسمى الاسيره لا اخوتي ولا هلي
وين عباس وچفوفه البيده عدل محملي


يا صاحب الجود ما تگعد شلون
وينك يعباس انه اختك ام عون


***


ما يصح يمك واظلن بلوه خويه شلون أرد
رحنه وياك ورجعنه وحيره خافن ننشد
من نطب لارض المدينه بلا زلمنه ولا ولد
چانت اللمه شكبرهه وگلنه خافن ننحسد

هسه الجمع راح والوالي مدفون
وينك يعباس انه اختك ام عون


كلمات الخادم / رعد الفريجي

لا تبطين يلناگه
اريد اخواني مشتاگه
يم أهل الهله ،، اريد الكربله

------------------------------------------

اريدن يم هلي وديني تعبانه
اريد أوصل واصيح حسين هاي آنه
وكت خلانه مسبيات خلانه
وينك يلأخو بس گوم ويانه

تعبنه من البواچي ونظرة الغربه
عطشنه ومايهم ليهسه منشربه

ذكرنه الطف واهالينه
فوگ النوگ ونينه
اجيت امعلعله ،، اريد الكربله

----------------------------------------

اريد اوصل واشم اتراب خواني
رجعت الكربله ومديت ذرعاني
ها عباس ها يحسين هايه آني
يلمدفون اريدك كون دفاني

اجيتلكم واريدن ملگه للخوه
تراهه ابدونكم دنياي مو حلوه

هلرديت يلكافل
ما تسمع يبو فاضل
تلگى القافله ،، اريد الكربله

-------------------------------------

أذب الروح فوگ ترابهم وانعى
على الحزو وريده وكسرو ضلعه
على چفوف الكفيل الونه والدمعه
ها يخوان زينب مالكم رجعه ؟

شحچي وهالكلام الدمعه خانگته
بلوى المنذبح وتروح منه اخته

وايسموهه مسبيه
الگبل تتسمى علويه
الگلب رايد هله ،، اريد الكربله

--------------------------------------

اجيت من السبي عباس مهمومه
اريد اخوان تتلگاني مهضومه
واصيح حسين خويه امطول النومه
اختك من مصاب الشام ملچومه

اريد اهلي ابيارغ ويتلگوني
اريد چفوف تمسح دمعة عيوني

يا ونه المثل ونتي
وين الگال هاي اختي
اخيتي امدلله ،، اريد الكربله
ف
-------------------------------------

اخذ حيلي التراب وحيل شابگته
يدافن طول اخوي اتريده عايلته
آخوي الچان امنه الزهره حاضنته
وسفه خيولهم بالحومه ساحگته

صبح تحت الرمال الچان حامينه
لموه بالحصيره شلون والينه

صحنه اهنا يوالدنه
اجينه من اليسر كلنه
يراعي المرجله ،، اريد الكربله



كلمات الخادم / رعد الفريجي
ثوابها الى روح المرحومه والدتي

فليحيا الحسين
وليخسأ يزيد
...
صرخه ثوريه
من فدائيه
زينب وهزت
حته كرسيه

اتصيح اسمعوني
يالسبيتوني
انه بت حيدر
وماتذلوني

وبوسط عيني
صورة احسيني
عاصفه جنهه
سطرة ايميني

باسم ام البنين
افعلُ ما أريد
...
هيبه هيبتهه
ابغيرة اخوتهه
والفخر يطلع
من عبايتهه

ياهو يدناهه
الله وياهه
هيه قدوتنه
وبيهه نتباهه

صعدت المنبر
فظحت المنكر
إنها زينب
تربية حيدر

قالت كَلمات
تبقى كالنشيد
....
للقصر طبت
زينب وخطبت
ومن مصايبهه
والله ماتعبت

كد بنا كيدك
سوي ماعندك
تمحو ذكرانه
صاحت اشحدك

تبقى هالرايه
بيد وفايه
وباجر الخدام
تمشي مشايه

تمشي للضريح
حباً بالشهيد
....

واحنه عالعاده
انعاهد الساده
والحسين ايضل
قائد القاده

ويه زينبنه
كل مواكبنه
نخدم ونمشي
هذا واجبنه

احسين اذا زرناه
انكله يامولاه
اوياك سجلنه
يابوعبدالله

يامهدي وَيا
ثارات الوريد

محمد الجماسي

#اللهم_عجل_لوليك_الفرج

يا خويه ردينه چا وين الهله ؟

*

ها يحسين اخيتك ظلت بحيره
بعدك سلبونه وهاي الچبيره
ما أگدر أگلك ها يبو الغيره
من ديره حرمكم تدخل الديره

والشام أذانه حملي وكمله
يا خويه ردينه چا وين الهله

***

وين اهل الحميه واهل الملاگه
ركض گلبي وسبگني وانه علناگه
زينب آنه اختكم والله مشتاگه
ميته من النهر من طول فراگه

عباس چا وينه اخيته امدلله
يا خويه ردينه چا وين الهله

*


مدري شلون عدله وهسه احاچيكم
مر ضيم العلي محد گعد بيكم
چثه اعله الرمل مو سهله اخليكم
واروح وي الذبحكم والتفت ليكم

چا ما گعدتولي مشيت امعلعله
يا خويه ردينه چا وين الهله

****

شميت التراب وهلصحت آنه
ليش حسين ما مدالي ذرعانه
شو ماكو الهلا ومسدوده بيبانه
اجيت من اليسر للخوه عطشانه

يمعدل الميله يراعي الأوله
يا خويه ردينه چا وين الهله

**

أروح اعله النهر واشبع لطم يمه
واگل للماي ماخذ مني يا زلمه ؟
اعطش يا نهر بس عندي الك ذمه
تروح الچف كفيلي هناك تشتمه

وتگله مشتاگه وچفك بسمله
يا خويه ردينه چا وين الهله

***


اريد ارتاح لحظه الشام أذاني
اگعدولي وحگ امي تعبت آني
اريد امشي اعله طولي الشيب غطاني
بلكي الطف حلم ما ماتو اخواني

لا شنهي حلمانه ميته بكربله
يا خويه ردينه چا وين الهله


كلمات الخادم / رعد الفريجي

(اخت عباس)

أخـت عـبـاس  آنــه الـكـل  يـعـرفـونـي
مـشـيـت امـيـسـره يالـبـيـك حـسـدونـي

*----------------------*-----------------*

اجـيـت امـنـل الـوطـن ويـاك يالـوالـي
امـيـره ومـا تـشـاهـد عـيـن لـخـيـالـي
مـا ضـنـيت هـيـچ ايـصـيــر بـالـتـالـي

اروح ابـلا اهـل والـگـوم يـسـبـونـي

*----------------------*----------------*

عفتني اشلون وانـتـه الكافـل الضعني
يـعـبـاس الـدهــر  يـاحـيـف  ضـيـعـني
اصـيحـن يالاخو كـل ضني تـسـمـعـني

يـبـن لـيـث الـوغـه عدوان شـتـمـونـي

*---------------------*-----------------*

يالبـيـك  الـشـجـاعـه  اتـمثلّت  كـلـهـه
اخـتـك لـو رحـت ياهو الـيضـل ألـهـه
امـوت بـفــرگـتـك ما اگـدر احـملـهـه

يـعـنـوان الأخـوة ونـور لـعـيـونــي

*--------------------*------------------*

دگـيـت  الـصـدر  وتــكـفـلـت  بـيــه
ومـا خـلـيـت شـامـت ينظـر اعـلـيـه
تـالـي امـشـيـت يـاعـبـاس مـسـبـيـه

وحيده وبالسياط انـضـربت امتونـي

*------------------------*------------------*

نــار  اجــفــاك  بـالـدلال  لـهـابــه
رحت بليل والـدمـعـات سـجـابـه
كفيلي والـكـفـل ما بطِـل اعـتـابـه

هضموني الكفر وانگطعت اضنوني

*-----------------------*------------------*

ما ادري  خـذونـي الـيـوم  يـا ديـره
عـگـب عيناك والله اتـحـيرت حـيـره
ترضه اشلون خويه وانته ابو الغيره

صعدت اعله الهزل وابليل يحدوني

*----------------------*-------------------*

خـدري الـراح يـا مـهيـوب شيرجـعـه
دخـلـت الشـام والشمات مـجـتـمـعـه
يشتمني الـدعـي ومـا واحـد ايـردعـه

اعـلـيـك اهـل الحقد عمـداً يسألـونـي

*------------------------*-----------------*

✍ السيده زينيب ع
     الشاعر رعد الچريخي

من البحرِ الى النحرِ .. فراتك بالعكس يجري
سـيلُ الاوفياء
گاصد كربلاء
من البحرِ الى النحرِ
---------
يا اول واخــــر كـــلمه .. لو گـــبرك يم النجـمه
نمـشــيلك يابــو الـــيـمه .. واحــنـــه الممـــنونين
 
لو شباچـــــك عنـــوانه .. مجــــاور درب التبانه
نگصـــدلك يارجــــوانه .. ونــحــس مقـــصـرين
 
غير انته احسين الشمعه .. الماينطي ابناسه وربعه
عـــهدك بالـــدم نـــوقعه .. ونشــــعر مديـــونيـــن
 
اليحجلك هالسنه ينوي       يحج العالم العلوي
بهيئه وكبرياء
گاصد كربلاء
من البحر الى النحر
-------
يالـــتتفايض حـــنـيه .. ويـارمز الانـــسانيه
بحبك عدنه امكــانيه .. تـريـد انموت انموت
 
چانت تهمـه المشـــايه .. اليمشي وشايله رايه
ايوصي اهله كون بهايه .. يحظـروله التابوت
 
وماچلينــه وملـــيــنه .. وعـــيونك يابو سكينه
عـــن گبرك متخلــينه .. من چـــانت بــسكوت
 
بوكت چان اليلزمونه      اليجي ممشه يعدمونه
نهـر الشهداء
گاصد كربلاء
من البحر الى النحر
_
گالو نـشوه وينســـوها .. يوم اثنـــين ايملوها
جـاوبنـــاهم شــوفوها .. المشــايه بهــالعـــام
 
بحيل الكافل متحزمه .. وتگول برسم الخدنه
بقوة العباس وعزمه .. بدربـــك نمـشي ايام
 
إي خادم منهم سئله .. حزامك يايــوم اتحله
ايگلك يم باب القبله .. تــرد روح الــخـدام
 
اليشاهد قبتك التلمع      دمعته بوجنته تركع
المتبدي عطاء
گاصد كربلاء
من البحر الى النحر
---------
روح وريحان واكــثر .. بدروبــك يــابو الاكبر
ليش اليمــشيلك يكبــر .. صيتــه ابـــين النـــاس
 
اليمشيلك خطوه تكبره .. وتوفقه وتشرح صدره
وتسجل اســمه الزهره .. بچـــفـــوف الـعبـــاس
 
عن گبـرك مانتـــخلف .. نتعـــنالك لـــو نزحف
نبـعد ويقـــربنه الطـف .. طفــــك رفعـــة راس
 
عصارة هالعشگ هيه    الزياره الاربعيــنيه
حبنه ابلا فناء
گاصد كربلاء
من البحر الى النحر
-------
ياحبنه المايتـكرر .. وياصاحب اطهر منحر
عن هالحب مانتغير .. يحــسين اشــما صار
 
عاشورك ماناسينه .. وجمراته التسعر بينه
مروتك بس لتطـفينه .. نـــارك ابـرد نــــار
 
من نستشعر آلامك .. نستشعر نار خيامك
تعلم زين بخــدامك .. تتــــفايــض ايثــــار
 
غرامك بالسمه نكتبه     اليوم وباچر وعگبه
وعنوان السخاء
گاصــد كـربلا
من البحر الى النحر
--------
حيدر تركي الكربلائي
 
 

خويه من سبينه يم كبرك اجينه.
كلب العيله مكسور
وننشد وين الگبور
يم كبرك اجينه
**
امن الناكه رميت بروحي يم كبرك
وذكرت الخيل ذيج الكسرت صدرك
السهم يحسين طالع عفته من ضهرك
شخبارك صحت يالمنكطع نحرك

من الشام اجيتك
ولحضه ما نسيتك
شفنه الضلم والجور
وننشد وين الكبور
*
رحت صوب الشريعه بدمعي ملهوفه
ادور عالجفيل الكطعو جفوفه
زينب مو طبعها تمشي وتعوفه
تعمه عيوني لو بعيوني ما شوفه

ويم كبرك يعباس
كمت الطم عله الراس
اختك رادت تزور
وننشد وين الكبور
**
ليلى تكلي دليني بعلي الأكبر
اريد ابني بعد عالفرگه ما اكدر
اجت يم الكبر وبهمها تتعثر
ودمعتها جرت يم جسمه الموذر

شوف اتگله حالي
انه امك يوالي
يسهر جفني معذور
وننشد وين الكبور
***
رمله تصيح كوم اكعد يبعد امك
يجاسم ليش يابس عالرمح دمك
مثل الطير احومن يالولد يمك
وحضن بالتراب بدمعي وشتمك

تعبني غيابك
بحسره ابجي الشبابك
يمك اشعل بخور
وننشد وين الكبور
***
بعبد الله الرباب تصيح دليني
بلكت يكعد اوليدي ويحاجيني
ناغيت الولد شو ما يناغيني
انه ادري الطفل كاعد يتانيني

يعرف ريحة امه
اريد الصدري اضمه
دم المنحر يفور
وننشد وين الكبور
*,
تمت
تحسين الخفاجي

السيرُ نحوَ كربلاء
هوَ العروجُ للسماء
حسيننا اجننا اجننا الحسين
...
مااتيه عنج كربله..لو غمضو انظاري
متداين امراية عشك..من جابر الانصاري
ثار اطلب اجفوف ونحر..واشلون اعوفن ثاري
واحسين كاتب عالدرب..ميت هلا بزواري
ومن صفات المؤمنين
نمشي لهُ بالاربعين
حسيننا اجننا اجننا الحسين
...
علمني ابواليمه المشي.. وكون الكبر اوصلّه
اتلاثين عام ابن النبي..رايح مشي البيت الله
ميثم التمار ابدمع..يوميه يسكي النخلّه
نخلّه وعليهه ينصلب.. وابحب علي متصلّه

والنخلُ ليسَ كالضريح
رغم العناْ لا نستريح
حسيننا اجننا اجننا الحسين
....
المتحرك افضل مرتبه..من الكيان الجامد
فاسعو لذكر الله إذن.. هذا المشي بي شاهد
الاحساسه مچوي إمن الخيم..يختلف عن البارد
ايموت النهر من يختنك.. مو حلو الماي الراكد

شواهدٌ للعّقلاء
والحبُ ليسَ إدعاء
حسيننا اجننا اجننا الحسين
....
لو اذن آذان الفرض..لازم يصلي الانسان
وكل عام احنه إمن النحر.. يوصلنه أجمل اذان
هم سامع أنته أمن الرمح..ميت يسولف قران
احسين العيون الناظره..والباقي كلهم عميان
في حبهٌ صلاحُنا
نفدي لهُ ارواحُنا
حسيننا اجننا اجننا الحسين
...
كول بامانه ولاتظم..تدري الحقيقه امرايه
شمعلمه بحسين الطفل.. واشجابه عالمشايه
والشايب امحزم يجي..بشيباته الامضوايه
عوجيته تمشي بياعلي.. واعكال راسه الرايه

فما تّريدون إذن
وكربلاء لنا وطن
حسيننا اجننا اجننا الحسين
.....
لوعايش إنيوتن تره..يعترف كدام الناس
واينادي افهمو يابشر..يهل العقل والاحساس
الجاذبيه بكربله..يم الاحسين وعباس
ذوله هواهم ينعشك..واترابهم ماينداس

تّرابهم فيهِ الشفاء
وعندهم سرُ الدّعاء
حسيننا اجننا اجننا الحسين
....
محمد الجماسي
اللهم عجل لوليك الفرج

موشح عودت السيده زينب عليها السلام إلى كربلاء يوم الاربعين



اليــوم زينـــب ردت لـــوليــــانــهـــا
لكــربله قبـــلـــة جميـــع احـزانــــها

*

اليــــوم ردت زينــب بنـــوح وانـــين
لبواليـمـــه حســـين يــوم الاربعـــين
نـــادت السجـــاد گبـــر حسين ويــن
ويـــن كــــافـــل زينـــب وعـنـــوانها

*

هــذا گبــر حســـين نــاداهـــا بــألم
وذاك گبــر الكـــافـل وراعي العـــلم
اطيور چنها أتجمعت كــــل الحــرم
وناحــت أيفـــت الگلــــب اشجـانها

*

هـوّت مثــل الطيــر زينــب عالـگبـر
خويه بعدك بس مصايب هل العمـر
خويــه يـا ضلــع السـلم مـا منكسـر
يــوم فوگگ لــوّوت خويه  أعنانـها

*

خويــه عشـــر خيــول داسنـك لمّــه
بضغــا بجـــدك وابـــوك و فــاطمــه
وجثتك اعلى الگـاع متغسله أبدمـه
والچفــن وسفـــه صبـــح تــــربانهـا

*

تعنـــت لكــافلــها والمــدمــع  ذروف
صدگ نادت خويه مگطوع الچفوف
ريت تگعد خــويه وعيــونك  تشوف
زينب مـــن الشـــام شنهـي  الـــوانها

*

خويه مچتوفين رحنه أعلى الهزيـل
ينضـرب بالسوط كــل واحــد يميـل
خــويه محتاره بحرم تــدري وعلـيل
بســوگ بالشـــام وتصــد عـدوانــها

*

خــويه صعبــه مــن اگلـك يالگمــر
واگفــه ابديــوان والشــامت نظـر
ويــن صاح الكافل وگلبــي انكسـر
وبيّه شمـتت  كـل بنـــي سفيـــانها


*
الشاعر 
موسى البديري

مشـــايـــــه لگبــــرك نتعـنــــه

***

هاليوم لگبــــرك عنــايــه
گبـرك يحسين أصبــــح غايه
بيد أحبابــــك تحلـه الرايــــه
فـــوگ الــرايه أبــــدم وقعنه

***

وقعنـــه أبـــدم مـــا نتغــيــر
لــو نتگـطـــــع لــــو نتــــوذر
نبقه انحبــــك يـــا أبو الأكبـر
وصحنك يحسـين اليجَمّعنــه

***

صحنـــك يجمـع كل أحبابـك
عطشــانه وتــورّد منْ بابـــك
بابــك ميــِـرجـــــع طـــلابــك
وكـــل محتـــاج ابلهفه أتعـنه

***

مشــايــه اتعنينــه الحضــره
لمصابــك نجـــريها العبــــره
نقسملك بــمصـاب الزهــــره
لــــو نتفجــــر لا ميّهمنـــــه

***

لــــو نتفجــر لا مـــا نرجــعْ
أرواح ابگبـــرك نتجــمــــــعْ
شيعـــه وخـــل العالم يسمـعْ
حسين الـدين حسين الجنه

***

حسين الـــدين ولا منبــدلـه
حسين الايه واحنـــه أنرتلــه
حسين الإيمــــان وي القبلـه
يحسيـن بحبــــــــك آمنـــــه
***

بحبــك آمنـــه و منعـــوفه
أرواح لــدربـــك ملهـوفــه
شـوگ البينه أعداك تشوفه
ويـا حاقـــد عنـــك يمّنعَنه

***
الشاعر
موسى البديري

قصيدة ( عاصمة السماء )) 


العــالــم بأســره         گاصــد الحضـره
يعني هـــذا الكــون كلّــه كربلائي

*------------*----------*

العالــم أتـعنـه لضريحــك سيــدي رافـــع لــواء
أنَخّــطْ عليه لبيك كلنا ودونـك أنضحــي الدمــاء
عاصمه لكل دوله ندري وياهي عاصمةْ السماء
بالدمــه انّخطـتْ أسسهـا العاصمه بس كــربلاء

العاصمه الكبره            مصدر الثوره
ويفخر العالم يصيح ألها انتمـائي
يعني هذا الكــون كلــه كــربلائي

*------------*----------*

الكون مشــاي اعتنالك قــادم مـن أربع جهـات
حسين يــا قبلـة غــرام أطــوف بيـه الكائـنـات
المـا فهم يحسين حبـك مــا فهم هــاي الحيــاة
يا حسين الكِره دربــك هـــذا احسنله الممـات

أيه ظل حبك           ثوره ظل دربك
لان حبــك أيه فــارضته السمائي
يعني هذا الكــون كلــه كــربلائي

*------------*----------*

حسين يا ســرْ الخليقـه وبسملـة كـل الخـلــود
حسين يــا صـرخة ضماير فززت هـذا الـوجود
ألك من كل صوب گصدت سيدي تمشـي الوفود
والسفـارات ودولهــا لمــرقـك گصـدت حشـود

احتارت أبنصرك          كلها يـم گبـرك
ترفـع الصـوت وتنـادي خذ ولائي
يعني هذا الكــون كلــه كـــربلائي

*------------*----------*

الدّول لــو رفـَرف علمها كلـها تشعـر بالفخـر
والعلم بحسين رفـرف مــن نــزف دم النحـر
انظــر الشــام وتوجـه للحسين بهـل النظــر
وين صـارت ال اميه وياهو گلي الي انتصر

السيف لو نحره         ياهو شع بدره
الكون كلـه يهتف حسين الفــدائي
يعني هـــذا الكــون كلــه كربلائي

*------------*----------*

حسين أنت الجــاذبيه وبضـريحـك تجتمــع
والدليــل ابكبــريائك كـــربلــه ظلــت تشــع
أنــت فلسفــة الغـــرام وفلسفة كـل الـدمـع
العالم لصوت الضماير مِـن ضريحك يستمع

منـــك أتِعّــلم           أَنتصـــار الدم
تعلم العالم درس نصــر ألـــدمائي
يعني هــذا الكـــون كلـه كربلائي

*------------*----------*

الشاعر
موسى البديري

موشح ( جابت الروس ) تضمين في البيت الاول لمستهل جينه ننشد كربله مضيعينها



أتجــدد بطــف كـربــلاء مصــابـها
يــوم جابــت روس كــل احبــابها

****

ردت الحــره ودمعــهــا ابعــينــه
عالمصــايب ربــها بــس ايعينها
حجي زاير گــال گبـــل اسنيـنها
جيــنا ننشــد كــربلـه مضيعينها
بيــهــا زينــب گـالــو ميسـرينـها
آه يــا زينــب وعـِـظمْ اصــوابها

****

اتجدد امصــاب العقيله الصــابـره
يـوم شافــت كربله المــدمع جـــره
اتذكرت ﭼــم طــاهر نحـز منحــره
وضدنا بالطــف عــوّدت احــزابهـا

****

اتجدد النــوح ودمـــع عالخـد همـل
عــاد بيـها مصــابها فگــد الاهــــل
اهناك اخوها نذبـح واهنـاك الكفـل
والخيّـم نيـــران وجــها ارهـــابــها

****

ردت بــآلام كـــل الـــذكـــريـات
يوم صدت عينها صــوب الفـرات
اندارت ابطيحت گمرها النـايبات
أوصلــت اخيــول العــده لطنابها

****

صــدّت بآلام لــرمــــاد الخـِـيــام
ذكــرت الكــافل المــا جفنه ينـام
ﭼــان يحرسها الگمــر مــن اللئام
هسه يبــره اويه الضعن ســلاّبها

****

صدت لكتر الي بي صـدره انهشم
من الخيّول ضلوعه ما واحد سلم
صاحــت بــآهـــات يـا خويه وألم
جبــت راســـك يـــا سليل انسابها

****

رجع بيها النوح ونعــاد المصاب
مــنْ لگــت اثـــار من دم الشـباب
ورد ﭼنهــم حيـف ظلوا عالتراب
جســوم ال الـزهره دم اخضـابها

****

اه صــاحــت اه منـــج كـــربــلاء
يوم طاح اعلى النهـر ذاك اللــواء
بالبــراري فـــرت ايتـــام ونســـاء
اقصور اهــل الكفــر دخلـت بابها

****
الشاعر
موسى البديري

هوسات إلى كرم خدام الحسين وأهل المواكب الذين اذهلوا العالم في أربعينية الإمام الحسين عليه السلام




اكبر سفــره للخطــار
بس سفرة أبو الاكبــر
حاتـم هسه لـو موجود
بكرم خِدّامه يتحّير
من البيشه الكرم موجود
لحد ما توصـل المنحر

(( وحسين يعزب خطاره ))

****
بالحج شفــنا هذا العام
مــوقف للعـــزوبيـه
كارتين اربعــه من المـاي
وزع بالسعــوديـــه
بمــوكب واحد انته تضيـع
يــوم الاربعيــنــه

(( والشط بكبره يثوبونه ))


****

الكرم عند العراق يصير
همّه اصله الوضع ساسه
خــذوه الكرم من عباس
انطــه اﭼـفوفــه وراسه
اصبــح جامــعة ايثــار
بعـــده أيـّـدَرس بنـــاســه

(( ناسه اعلى الجود مربيها ))

****

تعال انظر لربع حسين
ساعة ما تجي الخدّمه
كلها تصيــح عــدْ عيناك
بس أمرنه أبو اليمه
نعزبلك مناحــر مــوت
مــوش انعــزب بلگمه

(( وبالروح تعزب خدّامه ))

****

الشاعر
موسى البديري

قصيدة ( قبلة أحزاني ) عند رجوع السيده زينب عليها السلام إلى كربلاء




أجيــت لقبـــلة احزانـــي
ولا واحـــــد تـلگانــي
جبت جمر الخرابه ويـاي
وي جمــرات خــوّانـــي

****
اجيت وجمـرة العاشـر
بعدها مــن الذبح تسعر
جرحك بالگلب يحسين
وي جرح السبــي يكـبر
وادري بالعتــب ياذيــك
ما أعاتـب يبو الأكبـر
عفتك عالرمل يحسين
خويه أعلى الثرى موذر

رحت مسبيه يـــا وسفه
وﭼـفي شامت يجتفه
وجمر الطف لهب تدري
خويه بگلبـي چواني

****

يا خــويه عگـب عينـاك
نــار التهـبـت اخيــامي
وايتامي على كبــر الگاع
بالبـر طشّـت ايتامي
حلوه ايــام خويه ويــاك
بعــدك ظلـمه ايــامــي
العفاف آنه يوسفه الشام
علي بس نايبه يرامي

نار الشام ظــل تسعر
مثل نار الخيم واكثر
تلهب ظلت بروحــي
مـو تلهــب بصيواني

****


جبت جرح الخرابه وياي
وضفته لجرحــك اليدّي
خاف الطف جروحه اشواي
اچملهـن علــى العنــدي
جــرح بنتـــك رقيــه يزيد
نـــاره لطلعـت المهــدي
السّـدهَ بعـدك يبــو الأكبر
مـــا مثلــه اظن يسدي

بنت الزهـره والقــران
اطب ياللاسف ديوان
وإنه العفه والأخــلاق
بيهن يــزهي ديــواني

****

اجيت من اليسر هاليوم
وتجري من دمّه اعيوني
رحت مسبيه للشمــات
وعليهم دخلـت اضعـونـي
السوگ وزمرته ونــاسه
يخــويه الكـل يشتموني
وخيالي الما نظرلـه انسان
بقصــر ظلـوا ينظرونـي

تمنيت الگمــر موجــود
وما مگطوعه منه ازنود
ما اروحن سبيه اهنــاك
وأنـه العبـاس عنوانــي

****

الاخت لــو غابـت الخوّان
يــا خــويه اتلگــاهــا
وتسألها بسفرها اشصار
وتنشدها أعلى بلوها
لـﭼن تحـت الثرى يا حيف
والعــدوان تبـــراهــا
آنــه اول اخـــت جابـت
روس إخــوتها ويـاها

غالي راسـه يم غــالي
ودمعتي ظلــت تلالي
قرابين أعلى دين الله
تقبــل ربـــي قــربـاني

****

تمنيته الكفل ضعنــي
ســالم ينظــر لحــالــي
مــا احد وحگ عبـاس
طـول الـدرب يبــرالي
ولا واحــد نظــر طــولي
يحلم ينظــر اخيالي
اعذره الطاحــن اﭼـفوفه
بدم الهــامه وافـالي

اخو زينب يظل اسمــه
نجيبــه وطــاهره امــه
وافه بهامـــه والچفين
اخوي وعالي بي شاني

****
الشاعر
موسى البديري

قصيدة ( بيا موكب ) إلى السيده زينب عليها بعد عودتها إلى كربلاء بمناسبة الأربعين



بيا مــوكب گعــدتي تهل العــيون
ياهــو استقبلچ مــثل الــيزورون
من وصلتي لكربله      والمدامــع هامله
بيا مــوكب گعــدتي تهل العيــون

*---------------*---------------*

عــادت الســافر يزينــب يحــن دلاله لهله
ولو يـرد من بعد غيبه أهله مــن تستقبله
لا أهــل تانت ضعنكم من رجعتـي لكربله
لا مواكــب تنظــركم تحيّي يالــزاير هلـه
وحدّچ من رجعتي بحسره وبآه
وضعنــــچ بالهـــلا محــد تلگــاه
لا كفيل استقبله      والمدامــع هاملــه

*---------------*---------------*

يا هــو گال يعينـچ الله مــن رجعتـي بالنسه
ويا هــو گال اهنا يحره بـــاتي لو حل المسه
زينب ومركب عذابــچ آه بالطـف مــن رســه
ليش ضعنچ راد وحــده لا كفــيل اليحــرسه
رد ضعنج يزينب لوعته وياه
وماكو وياج زينب ناس تنعاه
ظعن رد ابلا هله       والمدامع هامله

*---------------*---------------*

عــادت اليمشي يزينـب بالمـواكب يستـريح
وكلها يالزيار تنــادي بيــك يــا اهــلا تصيـح
يعينك الله راح توصل شوـيه باقي للضريح
ودمعــج ابطول الزياره قطعه ماكو للذبيح
تمشين ودمعــوچ تــارسه العين
وكل خطوة جدم ياخويه يحسين
خويه جيت لكربله      والمدامـــع هامله

*---------------*---------------*

فاگده اهلچ رجعتي وروس جبتي ويه الضعن
شكبره صبرچ يالعقيله اصله من صبر الحسن
ويه الربــاب ورمله انتــي ويه ليلى مـن بچن
عيونــچ ابكــثر البواچــي زين والله وما عمن
رد الطـف عليكم زينــب اردود
رد ذاك الذبـح والنحر والجـود
ونحر نبلة حرمله       والمدامـــع هاملـــه

*---------------*---------------*

من مصــابچ يالعقيله انتقــل عبــر السنــين
لــو نظرنــا أطفال هسه بالمواكـب ضائعين
ينادي الموكــب عليهم نرجـع لطف الحسين
شحالچ بعاشر مــحرم ويــه يــوم الاربعين
محتاره يزينب جيتي بيتام
وعينج بالدمع ما تقبل تنام
حيره اجت بالعايله  . والمدامــــع هاملـه


*---------------*---------------*

بضعنچ انجمعت عجايب واحتوه اغرب صور
ضعنچ اول ضعن ضــامي يمشي ويـاه النــهر
كـل أمــان الله يــزينب يمــچ وخــوف وسهر
شگد عجيبه انتـي يزينب بيچ محتــار الـدهر
رغم كل الصار من رحتي اسيــره
نصرچ لهل اليوم ما شفنه نظيره
الكــون كله رتله        والمدامــع هامـــله

*---------------*---------------*

الشاعر
موسى البديري

ميمر ( جنة عدن ) للمشايه وأصحاب المواكب


جنـة عدنْ درب حسـين
مــن تگصــد المشايـــه

*

جنـة عــدن درب الزيــاره أنحسبـه
بيــه المشّـــه لحسين طايــح ذنبـه
لكن شرط يبقى أعلى نهجه ودربه

يمحي الذنـب هــذا الدرب
من يلتزم بيه المحب
درب الله درب المشاي
لو لـــزم نهجه ورايــه

*

امشي الدرب لكن بصـافي النيّـه
واسي العقيله مـن مشت مسبيه
بدرب السبي وهل الدمـع جاريه

بزيارتك هِلْ دمعتك
وي العقيله بعبرتك
بدرب السبي ودرب الشام
شافــت همــوم اهــوايــه

*

جنة عــدن مـن تجري والله العبره
بدرب المشي وتواسي گلب الحره
كــل الدمــع محفـــوظ يـمْ الزهره

يوم الحشر دمعك ذخر
يم فاطمه بي تفتخر
والمصطفى بيده الحوض
الكوثر يّشَربَك مايه

*

جنة عــدن هــل الــدرب للّي يفهمه
منّــه اليحــب عطـر الحبيب يشمّـه
فــاز الـــذي نــال الشرف بالخدمـه

الخدمه شرف وأعظم هدف
وبموكب العزه وگف
ويـرحــب بهـل الـــزوار
وألهم يــدگ الثـــايــــه

*

جنـة عـدن وشلون اعــوف الجنـه
بهــذا الــدرب كــل الخلــگ تتمنـه
مشـايــه ولطــف كـــربلــه تتعنـه

كــل المــلا لطف كربله
تتعنه تمشي راجله
بهذا الــدرب كلها تريد
لحسين تــرفـــع رايــه

*

هــذا الــدرب محّــد عــرف إســراره
بگلب المحب كل ســاعه تلهب نـاره
بي تنشغف كـل مــا تزيد إخطــاره

الموكب كبّـر رغم الخطر
چنه استمع صوت النحر
موكبنا داس أعلى الموت
ويهتـف حسين الغــايــه

*

من تخلص الخدمــه ونـوو للرجعــه
كــل الخــدّم تهمــل بحسره الدمعـه
من الجنه مو موكب يحس أمطلعـه

بلهف وألم تبچي الخدّم
لو طيحو ذيچ الخيّم
يتجدد أمصاب حسين
لــو خَلصت المشــايــه

*

نحسب سنه لـدرب المشـي ونعـدلـه
جنـــة عــدن هــــذا الـــدرب ننـدلّــه
ومن تبتدي الخطـوه أبفخر نگصدله

مــن البُعد لدربك نرد
نلتم مثل روضة ورد
يا جنــة الله أعلــى الگاع
يـــا سًــر خلــود ألأيـــه

*
الشاعر
موسى البديري

بعد عودة الضعن الى المدينه وسمعت ام البنين صوت الناعي ينعى الحسين خرجت مذهوله


صوت النعي منين يـــا يمّــه يحسين
يا بشر خبرني شجره
نــار بدليلي اموجره
صوت النعي منين

**

ام البنيـــن الاربعــه بـــأرض المدينـــه
نيــران تلهــب والگلـــب دايــم ونينــه
والينـتظــر غايــــب يــــرد الله يعينـه
ما تهده ناره وعالدرب مشبوحه عينـه
تتنطـر إخبـــار أوسط الگلب نار
شيطفي ناره المسعره نــار بدليلي اموجره
صوت النعي منين

*

تــدريهـا التفـارگ ولـــد تتنطـــره أيعـــود
وكل ساعه لفراشه تصد كل ضنها موجود
شحــال التفـــارگ أربعـــه آويــاهم العـود
أحــا يگلـــب الوالـــده بالحســره ممــرود
توگف على الباب واتانــي غيـــاب
وشيصبر المتحيــره نــار بدليلي اموجره
صوت النعي منين

*
منتظره ردتهم لچن صــوت النعـي صـاح
ركضتله بس وسط الگلب صوبها برماح
ياهو انته صحت والدمع من الجفن طـاح
يالتنعه گلبي وي النعــي من الصدر راح
تنعــامن اليــوم وشجايب اعلوم
وينه عزيز الطاهره نــار بدليلي اموجره
صوت النعي منين

**

لمـن ســـأل عنها أنــذهل ام الولّد هــاي
تسأل على حسين ابدمع بس فاگده الراي
گــال الهـا ولــدچ عالثـــره گلتله عينــاي
وطاح الگمر يم النهر بس ما شرب ماي
ولـــدچ مطــاعين گالت والحسين
گللها ظل اعلى الثره نــار بدليلي اموجره
صوت النعي منين

*

مــا همتــچ هـــاي الولــد كلهم مچـــاتيــل
بحسين خبرنــي شجـره ودمعـاتچ تســيل
مــذبوح وبصــدره تــرض يم الگمـر خيل
والراس عالرمح أنرفع كــل لحظه ويميـل
يوليدي مذبــوح وزينب سبي تروح
وبالدمه جثته امعفره نــار بدليلي اموجره
صوت النعي منين

*
كـــل الــولـد يم الولد بالطــف هديــه
وســالم يرد ريته وعلي شبل الزچيـه
ودونه ترض صدري يريت الاعوجيه
ودونــه اظل اعلى الترب بالغاضريـه
من اشرب الماي تتـــلاهب اچلاي
چبدي ألك متفطره نــار بدليلي اموجره
صوت النعي منين

**

الشاعر
موسى البديري

قصيدة ( انطي الوجه وين ) من الارشيف تحكي حال خدمة الحسين وشوقهم بعد الموت للزياره والخدمة


أنطـي الوجـــــه ويـــــن     
مــــن تغمـــض العيـــــن
والله حيــره حيــرتي      لـو مسيت أبحفـرتي

*----------*----------*----------*

باچـــر أعيونـــي تغمض باچــر يلفنـي الأجـل
واتـــرك أمـــوالي وبنيني واترك أحباب وأهل
أي صحيح الخوف يذبح يعتري روحي الوجل
وحشه يا أبو اليمه گبري واذكر انه المستهل

احنـــه غير حسين مــا عدنــه وسيله
الذنــوب أهــــــواي چفتهــا ثچيـــلــه
وغدا يبدو لنا سداٍ منيعا      
هــذه آرائنــا فيها جميعا
أبگبري وأنــــادي          هــــذا اعتقادي
حسين أنت سلوتي       
لو مسيت أبحفرتي

*----------*----------*----------*

وحشه يا ابو اليمه گبري مو لان صرت ابگبر
لان مــــا بيها المگابـــر مجلس ليــوم الحشـر
شلون لو مـرت مواكــب يمي واسمــك ينذكر
يا چفن يربط أديــه ومـــا ادگ أعلـى الصدر
أتحرك أتــــراب        وأللطـم للمصــاب
مــا أبطــل عبــرتي       
لو مسيت أبحفرتي

*----------*----------*----------*

يبواليمه أحضــرني باچـــر لون بالبــرزخ أحير
مــو لان منكـــر يجينــي  يبــواليمــه ولا نكيــر
شلــون لــو مــرني محرم والچفن ابيض حرير
انــه أريــد الچفن اسود لجل حزنك خل يصير
حزنــي علامـــه          ليــوم القيامـــه
أنـت حزني ولوعتي        
لو مسيت أبحفرتي

*----------*----------*----------*

شلون لو جتني الـــزياره وانـه بالغبــره دفين
واسمــع الــزوار تمشـــي كلها يـــوم الأربعين
واسمـــع المشايه تهتف يالي ثــارات الحسين
حگي يا ابو اليمه اصرخ وين عني اليوم وين
أتـمنــه مشــاي          خادم واصب ماي
للــزيـــاره لهفتـــي         
لو مسيت بحفرتي

*----------*----------*----------*


وحشه يا ابواليمه گبري لـون مــا شفت العلم
وما سمعت المقتل انــه وگلبك وحــرگ الخيم
يبواليمه طلبه عندي سجل اسمــي ويه الخدم
وبالگبر مجلس انصبه واجـري أدموعي بألم
دمعــي أسيلــه           لحــزن العقيلــه
المجلس ايرد وحشتي       
لــو مسيت ابحفـــرتي

*----------*----------*----------*

الشاعر
موسى البديري