هلا بزوار ابن حامي الحمى

------------------------------------------

كل هله تسبگ هله
والعيون امسبله
كل طريق الكربله هلا زوار هلا

والمواكب من تصيح
هلا يا عطر الضريح
يل تواسون الذبيح هلا زوار هلا

يا هلا بيك ،، اخليك ،، على الراس وعلي
زاير حسين ،، ترى حسين ،، غدآ يشفع الي

والدرب مشايه
رايه يم الرايه
والهتاف حچايه ،، هلا زوار

لا يمركم تعب لا حتى الضمى
هلا بزوار ابن حامي الحمى

**

موكب الخدمه اكتمل
وصل زايرنه وصل
ننجمع كلنه اهل هلا زوار هلا


خدمة الزاير شرف
بصره كوت وبالنجف
وصفينه الحله طف هلا زوار هلا

هايه ذي قار ،، الانصار ،، اهل نخوه وعزم
رايه بغداد ،، والاولاد ،، زلم والله زلم

والوجه لتديره
العماره الغيره
ديره تلحگ ديره هلا زوار


يا هلا بانصار حيدر فاطمه
هلا بزوار ابن حامي الحمى

*


هل زياره الجامعه
صوره من الواقعه
للنفوس الدامعه هلا زوار هلا

تمشي ساق ويمهه ساق
كل مدينه وكل زقاق
والمنازل بالعراق هلا زوار هلا


حتى الگبور ،، تجي اتزور ،، واهلهه اتوجهت
هاي الافواج ،، اجه افراج ،، مگابر هل مشت

هالزحف روحاني
للولي الرباني
القائد الانساني هلا زوار

هذا نور الارض بل نور السمى
هلا بزوار ابن حامي الحمى

**

موعد الملگه قرب
والتعب ماكو تعب
هالوطن بيه العجب هلا زوار هلا


الفقره تكرم بالغني
دامه زاير معتني
هني صاحتله هني هلا زوار هلا


كلهه خدام ،، والاعلام ،، نقل هذا الخبر

عاجل انذاع ،، تره الگاع ،، تغطت بالبشر

والدول مذهوله
هايه ما معقوله
جمله بس مگيوله هلا زوار

هاي الاعداد عظيمه وصادمه
هلا بزوار ابن حامي الحمى

***

ثوره ابد ما تنتهي
للحسين ابن علي
والارض ارض الولي هلا زوار هلا


واضح اليوم الأمر
هذا يوم من العمر
ثورة الدم تنتصر هلا زوار هلا

نرفع چفوف ،، والصفوف ،، جسور الحضرته
والعدد زاد ،، والاعداد ،، تريد زيارته

اربعين اعجازي
هذا هو انجازي
قدمت ايجازي هلا زوار


اربعين حسين اكبر ملحمه
هلا بزوار ابن حامي الحمى


كلمات الخادم / رعد الفريجي

هايه الجنه بدربك هايه
يحسين اتلگه المشايه

،،،،،،،،،،،،،،،،،،،،،،،،،،،،،،،،،،،،

اجتك والشوارع نــــاس وي ناس
وي اهل المــــواكب صحنه عباس
رفعنه الرايه والخطوات تنبــــــاس
نحس حتى الكواكب تمشي حراس

يمأسس بالطف عنواني
يا قائد جيش الربــــاني
اهواك الخالق خـــــلاني

جيناك بلهفه وعنايه
يحسين اتلگه المشايه


،،،،،،،،،،،،،،،،،،،،،،،،،،،،،،،،،،،،


على طول الطريق الزاد ممــــــدود
مثل مدت دمعنه بهـــــاي الخدود
مو زوار لكن جتك جـــــــــــــــنود
ها يحسين آمر كلشي موجــــــود

لو يرجع طفك ونشــــوفه
حتى الماي نگص جفوفه
هذا الظالم لا منعـــــــوفه

والرايه بچفك هالرايه
يحسين اتلگه المشايه


--------------------------------


طلعت كل اهلهه اليوم بغــــــداد
تمر باهل المواكب ذوله الاجواد
يحيون اليروح وحتى بالـــــــراد
ويدعون الزياره بخير تنــــــــعاد

والغتره انفرشت وعيونه
معزب والكل يعرفونـــه
خير ما يفرغ ماعــــونه

للخدمه هواي الشرايه
يحسين اتلگه المشايه


،،،،،،،،،،،،،،،،،،،،،،،،،،،،،،،،،،،،،


اهلا باليزور تصيح الاصــــــوات
اظن منصوب موكب بالسمـــوات
اجت زوار الك اهل المجـــــــرات
يمركز ة قوه صاير للديانات

يا آية ربنا ودســـــــتوره
يا نور الما يخلص نوره
قائد للدوله المنصــوره

كل الكون بفرد حچايه
يحسين اتلگه المشايه

-------------------------------


يا فزعة حبيب ويـــــــا عشگ جون
عندك ناس عالموعد يوافــــــــــون
لو ميــــــــــــــــة خطر لا ما يردون
المهم يحسين عدهم من يــزورون

ينسون الدنيا وما بيــهه
يا عطر الجنه وراعيـهه
انته التحرسهه وتحميهه

يا غايتهم واعظم غايه
يحسين اتلگه المشايه


،،،،،،،،،،،،،،،،،،،،،،،،،،،


تظل هاي الزياره سنين واعوام
وي زينب مشينه الذلت الشــام
زينب مو سبيه القائد العـــــــام
بديوان الكفر ما دنگت هـــــــام

بت حيدر تحجي بقرءانه
هدت للظالم اركـــــــــانه
گالو حيدر رد هنــــــــانه

يا آيه ونزلت من آيــه
يحسين اتلگه المشايه

كلمات الخادم / رعد الفريجي

حيدر يا علي حيدر يا علي

***

طبينه موكب للعشگ لحسين طبينه
هاي اربعينية وطن والدم صرخ بينه
يا كلشي يابو علي يا لقائد الاوحد
تلگانه ما نحمل بعد غير انته والينه


بچينه حچينه والجدم لمن نوى
هوانه عزانه يا اعز من الهوى
معانه دوانه بالحشر والله سوى

حيدر يا علي حيدر يا علي

***

الله عطرچ كربله يا تربة الوالي
والعين ما تسوى اذا ما شافت الغالي
المن بعد هوه النظر والروح والعالم
هاي الزياره من العمر بس هيه تحلالي


زياره مناره سوالف من عشگ
وصلنه دخلنه والحلم صاير صدگ
ينبضي يفرضي بعيد أوتنشبگ

حيدر يا علي ،، حيدر يا علي

**

كل الدول تمشي الك يا حضرة الواهب
زوار عبرت كل عدد والماشي والراكب
من السمى املاك وخدم مشايه ويانه
ما ظل أمير ولا عبد صاحب شبگ صاحب

سويه قضيه عبرت حدود الفتن
جماعه قناعه وانت يحسين الوطن
يباقي يساقي حتى ما بعد الزمن

حيدر يا علي ،، حيدر يا علي

***

ما تنحسب فوگ العدد زوارك وناسك
مقياس ما بعد العقل يحسين مقياسك
كل خطوه جنه ومغفره ومعروف تاليهه
يا مالك احساس البشر من فدوه لاحساسك

ربحنه بتجاره بيهه بس فوز وربح
ولايه حمايه لا ظلام ويه الصبح
كتبنه هتفنه منتصر راس الرمح

حيدر يا علي حيدر يا علي

-----------------------------------

سجلنه من ضمن الخدم مولاي سجلنه
واحسبنه كلشي بحضرتك شتريد تحسبنه
ما عدنه شي يابو علي بس انته وعيونك
هو انتي كلشي وما يهم ما دامك العدنه


يقيني حسيني كربلاء أم الدول
عزائي ولائي مجلس حسين الاهل
حياتي مماتي بالگبر هوه الامل


كلمات الخادم/ رعد الفريجي

قصيدة (يا ابو حمزه ) حينما قال أبو حمزه الثمالي للإمام السجاد القتل لكم عاده وكرامتكم من الله الشهاده قال له الامام وهل سبي النساء لنا عاده



مصابــي بسمّلــة كــل الحــــزن
مصابــي حگي مــن عنــده اون
أبدمعــة امفــارگ حبيبه المغـربيه
أبنوح طفله أمحيره وراحت سبيه
يا أبو حمزه يا أبو حمزه

**

يا ابو حمزه أتلـوم دمعاتـي الجـريه
ويصعد أبأنفـاسي جمّــر الغاضـريـه
انسه يالــوعه واعــوفن يــا رزيــه
انسه طف حسين لــو عمتي السبيه

دموعي هيـه تشرح قصتي
دموعي مــا تطّفي جمرتي
وجمّــر نيــران المخيم يســري بيِـه
أبدمعــة امفــارگ حبيبه المغـربيه

**

عــــاده عــدنه الموت ادري والمنايا
ابـــد مـو عــاده حـــرم النه سبــايــا
عمــي شـــرويلك بعد صعبه الروايه
عمتــي عالناگــه تميــل مــن الرزايا

حسافه ابزينب اشسوه الدهر
حسافه عنها من غاب الگمر
صاحت أبدمعة عتــــب يهل الحميه
أبدمعــة امفــارگ حبيبه المغـربيه

**

تلـوم روحـي التنتحـب بالهـم فجيـعـه
وبين أديــه حسين ذبحـولــه رضيـعـه
ضاگـت أبعينه الأرض هــاي الوسيعه
يوم شاف اچفـوف ابو فاضل ﮔطيعه

يخويه صعبــه اردن للخيـم
يخويه وبيدي جودك والعلم
شرد اسولف خويه عن هاي الرزيه
أبدمعــة امفــارگ حبيبــه المغـربيه

**

راح اعوف الطف انه وجمرة مصـابه
وراح اسولفلك علــى الشــام وعذابـه
راس أبويه بالطشـت والــدمْ خضـابـه
وعمتي زينب ﮔـاعده ابذيـچ الخرابه

ورقيه يــوم راسـه شافتــه
رقيه بلهفـه لمّـن شبكتــه
ليش ابــويه أتأخرت جيتــك عليــه
أبدمعــة امفــارگ حبيبه المغـربيه

**

الفاگــد أحبابـه يابو حمـزه أبحياتـه
بلهفـه يتنطــر تجـي ساعــة وفاتـه
شـرّدْ اسولف عــن زماني ونايباته
عمتـي زينــب توﮔـف أبين الشماته

سبيه الگبل ما شافت بشر
سبيه صعبه عملات الدهـر
وسفـه بيها اتشمـتت اجــلاف أميـه
أبدمعــة امفــارگ حبيبــه المغـربيه


**
الشاعر
موسى البديري

خدام يهل الزود يلمشايه
عليتو رايه وانتم اصلآ رايه
والله وكفو ،،،، والله وكفو

----------------------------------------

يمن جيتو الضريحه بروح شيعيه
بيض اوجوهكم والرايه والنيه
ابد ما تنطفى الثوره الحسينيه
ابو فاضل يگلكم هايه مگضيه

يا اهل الغيره الموصوفه
والفزعه العدكم معروفه
هذا الصار وهسه انشوفه

يسموهه والدنيا حسين


---------------------------------------


تعب حتى التعب والليل ظل غافي
بس انتم ابد ما گلتو الكافي
مشي وخدمة مواكب والحچي الدافي
واضح زودكم للدنيا ما خافي


اهلا يا چلمه وگلتوهه
كل عام الاهلآ زدتوهه
صارت الكم من ردتوهه

ما يبرد زاد اهل الغيره


------------------------------------

اهل بغداد كلهه بخدمة الزاير
لليمشى نعزب حتى للطاير
تأمر يا هلا وتدلل وصاير
كلام اهل المواكب ما تظل حاير

كل احنه بخدمة زواره
وحسين التأمر خطاره
اهل الغيره واهل الشاره

يحزام الفزعه الحربيه

------------------------------------------

ترف راياتكم والنعش علهامه
العراق اليوم شايل بيده العمامه
هلا بهل العزاء وهايه أيامه
الطير البلسمى والنهر لطامه


يا رفعة راس ويا هيبه
كلكم زود وكلكم طيبه
گبل الشاب انشوف الشيبه

داويتو اجروح الملچومه

----------------------------------------


الف هنيال هاي الگاع حظنتكم
هاي الديره يا زوار ديرتكم
بچفوف المواكب علم شالتكم
الزياره تحن عليكم هيه رادتكم


يم الشباچ التمينه
يم الكافل بس حَنّينه
نحتاچ يلمنه بچفينه

ويگول اهلآ يا زواري


كلمات الخادم / رعد الفريجي

(ضلت حاير)

بين الگمر وحسين    ضلت حايره
*  *  *  *  *

ما تدري وين تروح     ضلت حايره
ومگابله   المذبوح         ضلت حايره
دمع الجفن مسفوح     ضلت حايره

زينب غدرهه البين        ضلت حايره
*  *  *  *  *

تصرخ يبو النوماس    ضلت حايره
طاح الگمر  عباس        ضلت حايره
والعشره فوگ الراس   ضلت حايره

اتشاهد الچفين            ضلت حايره
*  *  *  *  *

يم راس اخوهه بهاي    ضلت حايره
تگله گوم وياي             ضلت حايره
صار الشمر حداي          ضلت حايره

المن تدير العين            ضلت حايره
*  *  *  *  *

بلا كفيل اليوم              ضلت حايره
شافت نحر ودموم       ضلت حايره
حرمه واجتهه الگوم     ضلت حايره

وتحوّطت صوبين        ضلت حايره
 
*  *  *  *  *

زينب تصيح بصوت       ضلت حايره
يحسيني وسفه تموت    ضلت حايره
ياهو اليحامي بيوت      ضلت حايره

وامكتّله   الطيبين          ضلت حايره  
*  *  *  *  *

غير الذبح شتشوف       ضلت حايره
خيّم عليهه الخوف        ضلت حايره
شافت علم وچفوف    ضلت حايره

راحو حمات الدين         ضلت حايره
*  *  *  *  *

هجمت ثمود وعاد        ضلت حايره
تهتف يبو السجاد         ضلت حايره
نصبت عزه واحداد       ضلت حايره

تنطي الوجه لاوين       ضلت حايره
*  *  *  *  *

اخوتهه  عالتربان          ضلت حايره
صارلهه دمهه چفان       ضلت حايره
حملت غصص واحزان      ضلت حايره

فوگ الترب عارين         ضلت حايره
 
*----------*-------*
✍خادم الحسين ع
الشاعر رعدالجريخي

عاشرٌ للعزاء جدد الاربعين 
حيثما زينبٌ رجعت للحسين  
@@@
رجعت باشتياق نحو روح الإبا
بفؤادٍ جريح من مهان السبا 
وبصوتٍ حزين طاف فوق الربا
صرخت قد اتيت ياقطيع الوتين
@@@
اقبلت كربلا كي اخيها تزور 
حيثها لم تجد غير تلك القبور 
فهوت نادبه اين تلك البدور
اين من نورهم قد هدى الفرقدين 
@@@
أوَ تشكي السبا فتصب الدموع 
أم تنادي أخي بفؤادٍ صدوع 
رضضوا قلبها مثل رض الضلوع 
وبها كربلا اضرمت حرقتين  
@@@
رجعت بالرؤس وانين المحن 
ثم صاحت شجن اين محيي السنن
اين عني علي اين إبن الحسن 
اين عني الكفيل وقطيع اليدين 
@@@
اذا على تربهم قد مشت باكه 
وتنادي القبور اختكم ها هيه 
لوعت بالسبا وأذى الطاغيه 
وبسوط اللأيم وجَعُ الساعدين
@@@
قهرت اختكم سبيت اختكم 
سلبت اختكم ثم عادت لكم 
فأجيبوا اللتي قد لفت داركم 
بعد ضيم السبا ابنة الطاهرين
@@@
علي احمد الحمود 
٢٣-٧-٢٠٢٥
الاربعين 

أتمنه اشيل الرايه
          من تطلع المشايه
       كل عام ازورك يحسين
         أنته الأمل والغايه
             ==============
     يـوم أربعينك مـا أنـامن ليلي
   اسمع حزن عن اليسر يحچيلي
    قصت رقيه اتگوم تهدم حيلي
        أختك اجت يامظلوم
          صـوب الـگبر عنـايه
       كل عام ازورك يحسين
           أنته الامـل والـغايه
              =============
     أتمنه تـطبع رايتك بمـتوني
ودموعي ترسم صورتك بعيوني
حتئ امن اموتن خادم يسموني
        ماعندي مثلك مولاي
        صاحب اوبيه اكفايه
      كل عام ازورك يحسين
          انته الامل والغايه
            ================
هذا انته غالي اوماكو مثلك غالي
كلمن يخدمك راسه يصبح عالي
يحسين الك موكب وسط دلالي
      تبقئ انته عايش وياي
       وبروحي عندك ثايه
    كل عام ازورك يحسين
       انته الامل والغايه
                ==============
من تطلع المشايه تاخذ روحي
يحسين تستاهل نحيبي اونوحي
رايتك بلسم بيهه تشفه اجروحي
     اسمك يداوي المجروح
       عالجت ناس اهوايه
    كل عام ازورك يحسين
       انته الأمل والغايه
                 ===============
يانظر عيني وبيك اشوف ادروبي
اشتاق الك كـل يوم يامحبوبي
ياسيدي اترجاك تمحي اذنوبي
      لجلك يبن حامي الجار
         أحضر أبكل قرايه
     كل عام ازورك يحسين
        انته الامل والغايه
                ==============
      الشاعر فاخر الشبيبي

‏مـن الـبحـر للنـحـر زوارك
‏كلهم وفه يابوعلي انصارك

‏
‏خـادم يوصـي بخادم يـگله
‏بس وي الحسين التعب يحله
‏تـعـرف كـرمـها بـلونها الـدله
‏شـافانه لـون الـدله خـطارك
‏مـن الـبحـر للنـحـر زوارك

‏
‏شوف العشگ تعرف معانيه
‏وطـبع العـمل مرتبط بالنيه
‏شـايب اجاك سنينه محنيه
‏ومحد عرف يابو علي اسرارك
‏مـن الـبحـر للنـحـر زوارك

‏
‏ارض وسمه يحسين عنايه
‏ورفت عشگ للبالمهد رايه
‏بالـغيم دگـو للوفه ثانيه
‏وشعت مثل ما شعت انوارك
‏مـن الـبحـر للنـحـر زوارك

‏
‏اليمشي بطريقك مايمل منه
‏يحسين گبل الذر حچلو عنه
‏غـيـر بطـريقك هايمه الجنه
‏وتتمنه تصبح خادمه بدارك
‏مـن الـبحـر للنـحـر زوارك

‏
‏شفنه المواكب والخدم غيره
‏ذهـلو الـدنيا وضـلت ابحيره
‏سر خدمتك منعرف تفسيره
‏جمرة عشك ماتنطفي نارك
‏مـن الـبحـر للنـحـر زوارك

‏
‏والخـدم لـو كفت مواكبهم
‏مـاتنوصف يحسين حيرتهم
‏خيمة الخدمه الچانت تلمهم
‏طيحتها مثل الموت لحرارك
‏مـن الـبحـر للنـحـر زوارك
‏
‏
‏هـاني ناصـر الـسـعيـدي
‏

ماكو واحد من اهلنه
اوجــوه مابيها محنه
ومن هوان الدنيا اتسمى سبيه
ــــــــــــــــــــــــــــــــــــــــــــــــ
الچنت افك عيني عليهم .. وبيهم ايطيب الگلب
اخوتي وخضر العمايم .. للارض چــــــانو قطب
اهلي كلهم فارگوني .. وهسه امشي ابنص غُرب
امنذكر العز  ودلالي .. دمعة اعيونــــــــي تصب

من عگب عين الغوالي
يكسر الخــاطر يحالي
دارت الدنيا ويسمـوني اجنبيه
ــــــــــــــــــــــــــــــــــــــــــــــــ
الشام طبيته وبديه .. عين افكها وعيـــن اسد
اوجوهم مابيها رحمه .. وتنگط ابغل وحـــــقد
من ينظرون ابشماته .. وگلبي منــــهم ينــــمرد
وسفه سمونه الخوارج .. وبالصلاة احنه الحمد

مادرو اهــــــل الضلاله
احنه اهل بيت الرساله
أنه بت المرتضى حامي الحميه
ــــــــــــــــــــــــــــــــــــــــــــــــ
ناس ماواحد يحـبنه .. ضيـــعو بينا العرف
المر علينه ما كفاهم .. ذبح وجروح ونزف
بالحجر رامو ظعنّه .. وجه واحدهم صلف
عالرمح الحسين راسه .. وانجرح خده الترف 

وبالطبول استقبلونه
لمو احجـــار ورمونه
شلون بيه وبالحبل شدو اديه
ــــــــــــــــــــــــــــــــــــــــــــــــ
زهدت اعيوني صورهم .. ودرت وجهي لخوتي
اعيوني اخليها ابكترهم .. وخل تسولف دمعتي
وعالرماح الروس تهتز .. من تـــــشاهد عبـرتــي
شلون من نفترگ باچــر .. يــــامصيبه امصيبتي

ومن عفت چثه سليبه
لاگ  الـي اسم الغريبه
ريت ميته ولاعشت هاي الرزيه
ــــــــــــــــــــــــــــــــــــــــــــــــ
طبت الديوان صعبه .. وزينب آنه ام الخــدر
ناس صوبين اتفرّج .. وبالحچي تــــشمر شَمر
يضحكون ابگد بچينه .. وگلبي احر من الجمر
ماشفت ذكر الله عدهم .. كلهم اصنــــام وكفر

والشماته اللي سبونه
بالخرابه ايگــــعدونه
واشد محنه محنة الطفله رقيه
ــــــــــــــــــــــــــــــــــــــــــــــــ
حيدر بشار الدراجي

‏نزلات شور
‏
‏
‏تعبانه اختكم وين تردون
‏ضلمه الخرابه ما تفزعون
‏اكضيها كعده ابين شمات
‏تاليها هيج ايصير ب ام عون
‏من يمته اختكم بين الحلوك
‏بين الشتايم خويه ترضون
‏هوسه فزعه:
‏بس افزعلنه ..بس افزعلنه شلون ماجان حسين بس افزعلنه
‏•••••••••••••••
‏دور ضعنه وشوف الصفاح
‏ملجومه كلها بشيل الرماح
‏مابينه زين ابطبت الشام
‏ذباح يدفعنه اعله ذباح
‏تعبانه اختكم اخ يحسين
‏مابينه واحد ظال مرتاح
‏هوسه فزعه:
‏دور ضعنه..دور ضعنه وشوف ياهو المرتاح دور ضعنه
‏••••••••••••••
‏باجر نطب للسوك عباس
‏ويشلع كلبنه الشايل الراس
‏فرحانه كلها بطبتي اهناك
‏من غبشه باجر تكعد الناس
‏وين الحميه لضعنك الجاي
‏ما بيها رحمه وذرة احساس
‏
‏بين الطوايف. . بين الطوايف هاي تاليها ام عون بين الطوايف
‏•••••••••••••••••••
‏شافو خواتك لحك حسين
‏مشامر حجي ماتعرف منين
‏لو عالذبح تكضي ابسلامات
‏بعيوني صار الشام طفين
‏ميت تسحكك جانت الخيل
‏واحنا انسحكنه واحنا عدلين
‏
‏كتلتنه هايه . . كتلتنه هايه اضلوعه ضلت بالخيل كتلتنه هايه
‏••••••••••••••••••••
‏باب الحميه اهناك مطبوك
‏تخيلها تمشي اوكفت النوك
‏موش استراحه الحادي لوصاح
‏وگفوها زينب طبت السوك
‏يابه اشكبرها ابين شمات
‏توگّــف اسير وكلبه محروك
‏
‏وگفوها صاحو. . وگفوها صاحو زينب ابنص السوك وكفوها صاحو


ليث كريم جحالي

مسبيه الشام *حكموهه ضلام

بلايه حرس ضلت تره //رجعت غريبه هالمره
///////////////////////
الفاكده اخوتهه شكثر ينسمع ونهه
تبقه مكسوره وسبيه ابلا ضعنهه
صدك سموج الغريبه ازرك متنهه
نار المخيم يعالم شكد جونهه

ابلايه حراس / مرقدهه ياناس

مضلومه دنيا وآخره // رجعت غريبه هالمره
////////////////////////////////////
صدك مازورج بعد كليلي يم عون
خبر سدو مرقدج دمعلي العيون
اعليج متعوده الخدم يمج يلطمون
هواي تطلعلج مواكب من اليخدمون

نلطملج سنين // يم باب الحسين

بنص كربله المأتم جره// رجعت غريبه هالمره
////////////////////////////////////
الصحن فارغ للأسف متهربه الناس
صفت وحدهه العقيله يم الارجاس
رجعت ايام السبي وهالذبل الياس
زينب تنادي بهلبلد الحك يعباس

وين الكفلهه // يردهه الاهلهه

معقوله اخوهه مادره // رجعت غريبه هالمره
////////////////////////////////////
كثرت اعليج المصايب نبديهن احساب
أمنهد ماهجمو عليكم بحركه الباب
وجرح راسك ياعلي الهسه ماطاب
وجثث متروكه الاخوتج فوك التراب

كل هالمصايب// وهالراسي شايب

ابقه اني عمري مخدره //رجعت غريبه هالمره
////////////////////////////////////
بحضره حسينج نندبج ونصرخ اهاات
ونبدي نحضر مجلسج من دون شمات
يبقه دستور اللطم عالوجهه مامات
ويبقه كل عام اليمر تقوه الشعارات

نلطم عله الراس // شدخلهم الناس

هاي الشعائر مفخره // رجعت غريبه هالمره
////////////////////////////////////
ادعي مولاتي العجل يسرع ضهوره
نجي نزحفلج مشي الكبرج نزوره
ينشر بعدله الالهي بهذه نوره
ويأخذ بثارج قصاص الكل نحوره

يدخلهم انذار _ من ايده للنار

يخلي جثثهم مجزره //رجعت غريبه هالمره
////////////////////////////////////
تمت ولله الحمد

خادم الحسين محمد الصادق العتابي

هالمــــــــواكب والخيم بالاربعين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ
آنه زينب واعتنيت الكـــــربله
بربعينك والمدامـــــــــع هامله
وشفت وادم للخدامه امشكله
وكلهـــــــم اينادون للزاير هله

وبمحبتك يبو اليمه هــــــــايمين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ
هاي فاتحتك يبن حامي الحمه
ظلت آلاف السنين وقــــــائمه
ماتطيح وخـــدم عدنا امحزمه
من تخلص ادموعهم تبچي دمه

خــــــويه بيك من الازل متعلّقين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ
يالبقيت اعلى الثره ابحر الهجير
وبالدفن شالوك ياخويه ابحصير
ياچبير الســــــــاده يا أبن الامير
هــــــــاي فاتحتك مثلها مايصير

الســـــــــاده والعوام بيها قائمين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ
عِرف كلهم وابد مـــابيهم غريب
مثل يومك هالامر خويه عجيب
من ينصبون الخيم عالم رهيب
تبدي بالفرحه وتخلص بالثغيب 

ومن تطيح اخيامهم يبدي الونين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ
شلون بيهم من يهـــــدون الخيم
خويه واحد يشبك الثاني الخدم
كل دعــــــــاهم ربي ثبتلي القدم
اعليك بالعباس شــــــــيال العلم

على هالخدمه نظل طول السنين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ

حيدر بشار الدراجي

مشاعر الزوار والخدم.
ـــــــــــــــــــــــــــــــــــــ

عل بحر للعشگ رفت رايـــه .
يعني اجت صوب النحر مشايه.
.........................................

كل محب مخلص اجه ترف رايته.
للحبيب.. اقدس مشاعر جابته
سالفت مشتاگ جانت غــايتـه
للغريب .الفرش دربه ابدمعته

جاي من ذاك البحر.
ممشه كَاصد للنحر.

عابــــــر ابخطواته جـم اولايه.
يعني اجت صوب النحر مشايه.
.........................................

بدت خطوات العشگ بالبسمله.
اجت يا محلاهه تزهــي القافله.
طول ذاك الدرب تمشي امدلله .
من البحر والغـايه توصل كربله .

صوت كل خادم هتف.
هله برايات الشرف.

مصحف الحب آيــه.تتبع. آيه.
يعني اجت صوب النحر مشايه

.........................................

اجت رايات الوفه والعاشكَين.
اجت مثل الروج يدفعهه الحنين.
بيهه بذرت وفـــه وهمت ثائرين..
طول ذاك الدرب تصرخ ياحسين.

اجت مثل العاصفه.
بيهه جمرت عاطفه.

واضح ابنبض الكَلب وفايه.
يعني اجت صوب النحر مشايه.
.........................................

طلعت المشايه يجمعهه الولاء .
ترجمان الــــرايه عنوان الوفاء.
رحله بيها الارض تفخر عالسماء.
للحبيب الساكن بطف كربلاء..

همها توصل عالوعد.
حتى ما تخلف عهد.

يبقى حبك ياحسين الغايه.
يعني اجت صوب النحر مشايه.
.........................................

هلا بهل زوار صيحات الخدم
هلا بكل زايـــر وكل خطوت جدم
زحف مليوني وعلـــم يشبك علم.
الله لا يحـــــرمنه من هاي النعم.

من محب يشبگ محب
الله يغفــر جم ذنب

للخدم يغفر اذنوب اهوايه
يعني اجت صوب النحر مشايه .
.........................................

تنختم هاي المسيره ابمرقده
تلـــزم الشباج ايادي اتعاهده.
بشوكَ اجيناك وعهدنه انجدده.
مثل جيت ولــّد گــاصد والده

نترس ارضج نينوى
غالي ونشمك هوى.

نـوصل الگبرك ندگ جم ثايه.
يعني اجت صوب النحر مشايه.
.......................................

✍ ابو منتظر الحجامي

نزله

بالغرب وحدي          عمه يالمهدي      احضر لعمتك
ــــــــــــــــــ
حيرتي يوليدي حيرة ودهري متحزم الي
ومن اريد انهض انادي يا محمد يا علي
جفني غيمة من المادمع بالهظم من يمتلي
روحي قربان يصبرها قربتاً من تبتلي

بالحمد ابدي        عمه يالمهدي   احضر لعمتك
ــــــــــــــــــ
عمه يالمهدي بغيابك وانته تسمع قصتي
من وكع شايل علمنا مني وكعت دمعتي
أظهر وشوف الجرالي عمه وانظر حسرتي
قلبي ما يحمل مصيبة وحزني يشرح حالتي

والزمن ضدي          عمه يالمهدي
   احضر لعمتك
ــــــــــــــــــ
عمه من حرگو خيمنه بلا خيم ظل الخدر
ياصبر ينفع جرحته ويادمع يكفي الصبر
من بعد عزنا وفخرنا وي ابو فاضل عمر
جابوا النوگ الهزيلة وصعدونه بكل زجر

والغرب يحدي       عمه يالمهدي   احضر لعمتك
ــــــــــــــــــ

تدري يالمهدي من اجينة لكربلة من أرض الوطن
لا نخاف ولا نبالي بهالسفر يبن الحسن
والله حاطتنة السلامة وبس أمان اعله الضعن
وهسه نمشي بلا سلامة من غدر هذا الزمن


يا نفع يجدي         عمه يالمهدي
احضر لعمتك
ــــــــــــــــــ
من بعد موت الهواشم والله ما ظل كل أمل
لا عشيرة ولا حماية وغربة ما واحد سئل
عالرمل ذبحوا أهلنا وهسه احنا بلا اهل
وضاگت الدنيا الوسيعة عمه من عودي انجتل


مابقوا عندي       عمه يالمهدي
احضر لعمتك
ــــــــــــــــــ
اني أكابر عالمصايب والألم نفس الألم
قلبي من ذبحوا اخوتي يحترك وي الخيم
وعيني من دمعتها صارت جنها جود وبي سهم
ولدي فدوه اعله الترايب حيلي لحسين انهدم


فدوه كل ولدي        عمه يالمهدي   احضر لعمتك
ــــــــــــــــــ
يمتى تظهر يا فرجنا وتأخذ بثار الذبح
وبظهورك يا علمنا وامرك بحق يتضح
والضلامة الحنا بيها عمه والهم بنشرح
ينجلي لليل المصايب باجر وانته الصبح



ياشمس وعدي     عمه يالمهدي    احضر لعمتك
ــــــــــــــــــ
الشاعر زين العابدين الشمري

قصيدة ( جرح الشام ) تقرأ بطريقة التراث قصيدة حمزه الزغير الماي شلون اشربنه او بطريقه حديثه


جــرح الشــام فــلا يلتــام
تسعـــر جمـــــرة أمصــابه

*---------------*---------------*

جـــرح الشام مـا يهجع
ولا يگطع ابـــد نــزفــه
جــرح الفــاگده إخـوتها
ابـــد لا تعتقــد يشفــه
مو سهله الحرم بالسوگ
الشــامت بيــها يتشــفه
ولا بالعشره اظـم وجهي
وعــن الگـــوم اتخــفــه
وتشــوف الناس أخـــت عباس
تمشي ويــاهـــا ســــلابــه

*---------------*---------------*

جــرح الشــام يــاذيني
ويظل يلچمهن أجروحي
اشــد كــل نايبــات البين
جمــر يتــلاهب أبروحي
نوحــي لغيبت الخــــوان
يبقى لجرحه اشد نوحي
لان ذبـاح يمشــي ويــاي
ويمـــي راس مذبـوحــي
تجــري العيـــن لاخــوي حسين
من اشوفن شيبت اخضابه

*---------------*---------------*

جــرح الشــام اشــد وأكلف
من جرح الطفوف أضعـاف
شــافــو زينــب الشمـــات
وگبــل چـانت ولا تنشـــاف
مسبيه أعله هــزل النــــوگ
وعلى البلدان ظــل تنطـاف
گلبي مــن الطفــوف ينـوح
وعليه جـرح السبي ينظاف
جـــرح نـــزفـــه فـــلا يشفــــــه
بگلبي يوجــــع أصــــوابـــه

*---------------*---------------*

جرح الشـام ظـل للـدوم
يصعــد بالنفـس نيــران
اشـد مــن نــار خيمــاتي
لمّن طــاحـــوا الخّــوان
بيــت الطبـــه جــبرائيـل
أطبه امچتفــه بـديـوان
گلبي مــن الحزن مذبوح
ويضحك ابن أبو سفيان
نظـــر لينـــا شمــت بينـــا
وگلبــي راد غيـــابـــــــه

*---------------*---------------*

جــرح الشـام منــه يلـوع
گلبـــي ولا يكــف ويهيــد
مــن طبينا لأرض الشـــام
بسبينا الناس عدهم عيـد
وشفت ثغر العميد حسين
يضربــه ابخيزرانه أيـزيد
وشفت رايــة گمــر هاشم
يوسفه انحملت أبغير أيــد
صحــت وسفــه لـــون چفـــه
يـــرد ويشــاهـــد أحبـــابـــه

**
الشاعر
موسى البديري

يزوار        على الوعد تلگوني
ــــــــــــــــــ
من البحر صوب النحر افرح ترى بزواري
يم القبر اني انتظر مِيتْ هلا بخطاري
صوتي اعتلى من كربلة حياكم الله لداري
يوم الحشر هذا الأجر وانتم ترى من انصاري

يالاحرار     يوم الحشر بعيوني
يزوار        على الوعد تلگوني
ــــــــــــــــــ
سيل الجمع ما ينگطع والراية تسبُگ راية
فوج وعدد مني المدد وانظر على المشاية
قلبي انتظر يا هو الحضر وي المواكب هاية
روج الأرض مثل النبض يا شيعتي الوفاية

يالاحرار     يوم الحشر بعيوني
يزوار        على الوعد تلگوني
ــــــــــــــــــ
دفتر وفة وعن معرفة يسجل حبيب الحاضِر
يملي الأسم حتى الرسم اعرف قلب كل زاير
والبي ذنب قادم محب امسح ذنوبة وغافِر
يگضي الصعب والـ بالقلب والعنده حاجة وحاير

والاسرار      مگضية للوافوني
يزوار          على الوعد تلگوني
ــــــــــــــــــ
هذا التعب كلة انحسب شكراً لكم خدامي
ماي انفرش درب العطش واسيتوا قلبي الضامي
شاب وكهل طفلة وطفل فرحتوا كل ايتامي
هاي العبي عن السبي هنه الطفنها خيامي

بالاصرار      والتضحية تحبوني
يزوار         على الوعد تلگوني
ــــــــــــــــــ
تحيون أمر طول العمر لمن اجيتوا لبابي
هذا الوعد والمعتقد انتم يشيعة احبابي
يهل الصدك يهل العشك انتم مطر بعَتابي
مثل القِدم اجرِ الخِدم كلكُم سوّة بِحسْابي


بالإِيثار      والمعرفة تواسوني
يزوار        على الوعد تلگوني
ــــــــــــــــــ
من اي زمن من اي وطن يتعنى جَاي وعازِم
طاف واسعى عالمشرعة لهاي الزيارة وهايم
لو بس نظر نال الفخر نال الكرامة القادم
من جد وجد قلبه انسعد يوم القيامة السالم


ترى النار     ما توصل الخدموني
يزوار         على الوعد تلگوني
ــــــــــــــــــ
الشاعر زين العابدين الشمري

جفي بحبل مكيود. ترضه يعباس
احجي بدمعتي وياك
عكبك سبتني اعداك
ترضه يعباس
*
يا جفيل اختك. اهنا يبو الغيره
زينب اخلافك طاحت بحيره
ترضه من ديره. انسبي الديره
امجتفه بحبال. حرمه واسيره

شتموني يا عباس. وكالولي وينه
خدري انسلب بجفاك
عكبك سبتني اعداك
ترضه يعباس
**
عاين الحالي. وجلب امتوني
التفت للراس. ما يخلوني
انضرب بالصوط. وتهمل عيوني
امن اليسر عباس. كومو خلصوني

حركت وجهنه تشوف. شمس الظهاري
ما ينحمل فركاك
عكبك سبتني اعداك
ترضه يعباس
***
عكبك الحداي. ما رحم بينه
نستراح نريد. ما يخلينه
تصرخ الاطفال. عمنه جا وينه
والرمح كل ساع. ضل يصد لينه

ياخويه نوخ كوم. نوگ السبايه
يابه الفضل ننخاك
عكبك سبتني اعداك
ترضه يعباس
**
انه بت حيدر. اشلون اطب للسوك
عاتبت راسك. والكلب محروگ
الناس تتفرج وحجر ترمي النوگ
الشام عدهم عيد. وكلها صعدت فوگ

واسمعهم ايكولون. هاي العقيله
ادخيلك صحت بحماك
عكبك سبتني اعداك
ترضه يعباس
**
صعبه يا عباس. فركت الخوان
ومن رحت بينه . فرو البلدان
اشلون ترضاها. ادخل الديوان
وبخرابه انبات. واحنه بس نسوان

طبينه قصر ايزيد. وكلنه ثكاله
تشوف الوضع ردناك
عكبك سبتني اعداك
ترضه يعباس
**
تمت
تحسين الخفاجي

ينايم عالثره..الحك يعباس
خذوني اميسره..الحك يعباس
...
الحك خويه ياعباس ياحامي الضعينه
ترضاهه الزلم والخيل تتراكض علينه
نتحمل يطكنه السوط وايورم ادينه
بس الخوف من النار لا توصل عبينه

وين اطفالي اوديهم.. ومن النار افر بيهم
حار الرمل يجويهم
يخويه وجم طفل..فوك الجمر داس
ينايم عالثره..الحك يعباس
....
الامريه الجبيره اشلون ياعباس تنسب
من الركض والطيحات حته الزلمه يتعب
بكل عثره أصيحن اخ ياكفال زينب
حته برمشي طالع شيب مو بس راسي شيب

بالخميس عمر اختك.. جنت امدلل ابختك
خويه اعذرني عاتبتك
شمر وحرمله..صارولي حراس
ينايم عالثره..انهض بعباس
...
خويه ابراسك ايهوسون من جابو اليه
صاحو زينب أمن اليوم صار اسمج سبيه
بهذا الموقف اتمنيت تاخذني المنيه
ولا امشي ابيسر عالنوك وايجرون بيه

علويه ويشتموني..ومن ابجي يطكوني
راسك شفته بعيوني
ولو طكني الشمر..يتلفت الراس
ينايم عالثره..الحك يعباس
....
آه الشام خويه الشام مو ديرة اهلنه
اتلكونه ابعصي وبحجار أول ماوصلنه
مارحمونه ياعباس مابيهم محنه
يابوالغيره طبت السوك منهه اشكد فشلنه

وتاليهه يوالينه..للديوان طبينه
والكل تنظر اعلينه
جم علويه صارت فرجه للناس
ينايم عالثره..الحك يعباس

محمد الجماسي
اللهم عجل لوليك الفرج

 للسبي
.
.
.


ابــاب الساعات .. وگــفن ساعــات
وعالمستورات
تــنظر شمـات
 
****
 
مـــاصــارت ولاتنــعقـــل .. ولامرت ابال انسان
اليحدي ابنات المصطفى .. شمر وخوله وسنان
جـابوهن الشام الحزن .. وبيديهن احبال امتان
نســـوان وعــيون الزلم .. كـلـش تأذي النسوان
 
للميخــجلـون .. وكحات عيون
وسفه يصدون
عالعـــلويــات
 
****
 
مرسال اجه الحادي الضــعن .. هز راسه گلهم جيد
يمـــكن رخـــه حبل اليــسر .. رد مـن جـديد ايگيد
من اجنوده جاب اطول رمح .. ونـبته براس السيد
وللـــشـام گــال الــهـم نطــب .. لــمن اهــلها تــعيد
 
وگــفن حفاي .. وبلايه افيــاي
الرجلين بهاي
شبعن چويات
 
****
 
حلــفو اسالـــيب الخبـــث .. بضعن النبي يسووهن
وصـــلو الـشامات الفجــر .. وماقبـــلو ايـدخــلوهن
السوگ الضحه من يزدحم .. بنص زحمته يمشوهن
غــايـتهم عــــيون الزلـــم .. ابلا كافــل يــشوفوهن
 
ويـــن العبــاس .. عن هاي الناس
صدن عالراس
چيه خجلانات
 
****
 
بالشام انفــاس الـحقد .. اعله ال النبي مشحونه
واحــدهم بــگد الغـضب .. تــجــدح شرار عيونه
اهزيل العليه اخت الگــمر .. حدره الرمح يرمونه
ستـر الله فوگاه منحــفظ .. ماگــدرو ايعـــثرونه
 
اخ امـــن الـــشام .. شگــد بــيها آلام
واخت الضرغام
اشتحمل شوغات
 
****
 
للشام طب واحـد هتف .. مــن عنده موته بصفين
الرايد يرد ثــاره يــجي .. ابــاب المديــنه امــتانين
اليطلب علي ثار اعتنـه .. وحجــار هــمه محمـلين
الضربه برقيه من اجت .. فز عالرمح راس حسين
 
واكــبار ازغــار .. يشمرون احجار
المايطلب ثـــار
يرمي حچايات
 
****
 
البالشام كلها اتجمعت .. وتتعاله صوت الضحكات
اسرنه صـاحو وبفرح .. الماشـــايفتـــهن نجـــمات
من انسبه احجاب السمه .. هلهــــلن الشــامـــيات
الايات مــن فوگ الهـزل .. تبچـــي بحراره الايات
 
بـــيد العدوان .. وبـــلا وليان
اعليهن ماهان
شبعن لچمات
****
حيدر تركي الكربلائي