هلي ابيوم النايبه. ردنه نشمي انعاتبه
موقف صعب. كلهم غرب
يا ابا الفضل وين يا ابا الفضل وين
.........................
ملامح قصتي بينهه عاشرهه
طحتو وخيمتي طبت عساكرهه
مصيبتنه دمع عيني اليفسرهه
ولا كلتو اختنه الله اليجابرهه

عباس ساعة عازتك موهسه وكت النومه
محتاجتك والي ابضعن شلك ابنوم الحومه

گلبي ينطر غايبه. هلي ابيوم النايبه
يا ابا الفضل وين يا ابا الفضل وين
.................................................
ادير اعيوني الك والروح محتاره
ضعنه ما وصل للكافل اخباره
اريدن ياكفيلي للخدر چاره
دليلي ماطفت ياكافلي ناره

انته الجبنتي الكربله عباس يموفيني
سهم الي صوب ناظرك يا كمر ريته ابعيني

وريت كلبي الصايبه هلي ابيوم النايبه
يا ابا الفضل وين يا ابا الفضل وين
.............................................
شسولف والهظم عاشرته بالگوه
رحت وآنه بغيابك لا اخو وتچوه
وحگك من متت ماظلت امروه
دمعتي فوك خدي بغيبتك سلوه

مسبيه وامشي اعله الهزل يوم الطحت ودوني
كلما مشه ابعيد الضعن امشي وتدير عيوني
محد النه انعاتبه هلي ابيوم النايبه
يا ابا الفضل وين يا ابا الفضل وين
.............................................
دمعتي ما رعت دلالي واعيوني
هضيمه امشي بلا والي تخلوني
اعاتب راسك وردو يشتموني
ثجيل افراگكم ما شالته متوني

مرني يبو فاظل حلم عباس ريت ابنومي
كلما يمر ليل اليسر ياخويه زاد اهمومي

الكلنه امانه ابشاربه هلي ابيوم النايبه
يا ابا الفضل وين يا ابا الفضل وين
.................................................
طلعتي وياك هسه ويه جتالك
وحيره بين خدري وحيرة عيالك
راسك عالرمح واعيوني تبرالك
نخيتك والرمح خايف وماشالك

عباس طبينه العدو وعمدن يناشد وينه
گتله صريع اعله النهر لا نظر لا چفينه

البل اخوه انطالبه. ياهلي بالنايبه
يا ابا الفضل وين. يا ابا الفضل وين

خادم اهل البيت علي الزرگاني

(النية الصافية)

كون نيتك صافيه وگلبك سليم
حتى يرضى احسين مولانا العظيم

°°°°°°°°°°°°°°°°°°°
صير خادم مخلص وكلبك نظيف
والتزم بالطاعه والنهج الشريف
عيش عمرك طاهر وهم ظل عفيف
هذا درب احسين هو المستقيم
**
بالخدامه احسين سواك الأمير
اتواضع ولاتكول صرت انه الچبير
صفي نيتك واخدم انت بكل ضمير
ولاتطيع اليوم شيطان الرجيم

*
لاتعوف الخدمه لازم تستمر
اخذ عِبره من الرياحي المنتصر
ولاتطيع النفس وتصير الشُمر
والله تخسر تالي مثواك الجحيم
**
خلي نيتك بيضه لجله اواضحه
حسين مذبوح وتدور مصلحه
بيع نفسك هالتجاره المُربحه
هم تفوز و تسكن بدار النعيم
***
منهج احسين الصدق والاحترام
والمحبه والتعاون والسلام
والافعال الزينه مو بس بالكلام
هذا دين الواحد الباري الحكيم
*
اتمسك انت بهالمبادئ والقيم
بالتراث وبالاصاله وبالخدم
اخذ من عدهم دروس وهم حِكم
صدك أعلام الزمن ذاك القديم
*
درس من عبود ويه المُنتظر
بالقصايد يندب وعمره نّذر
ينتظر ملهوف يسأل ماظهر
حالته امفارك أبو عايش يتيم
****
بشاره يالخادم تحصل منفعه
تحضر الزهراء والله الشافعه
بالمجالس دمعه دمعه امتابعه
هم تخلصك من عذاب الله الأليم

خادم الإمام الحسين عليه السلام (ع)
السيد حيدر الحيدري

الخادم ناده اعله الجاي ▪️ياحي الله المشاي
🏴🏴🏴🏴🏴🏴🏴🏴🏴🏴🏴🏴🏴
امن البصره اشم ريحة وفه واسمع لطم واقرايه
يمكن بده موسم مشي وانطلقت المشايه
امن الفاو ولطف كربله رايه وتطگ برايه
يمكن اجت يابوعلي زوارك الوفايه
طاحو يم نحرك ماي ▪️ياحي الله المشاي
🏴🏴🏴🏴🏴🏴🏴🏴🏴🏴🏴🏴🏴
اذن اذان الاربعين اتحضرت خدامك
يابوعلي عده وعدد مفروشه تحت اجدامك
ثق اجمل ايام العمر يحسين بس ايامك
يالخادم انصب جادرك هالليله شد احزامك
وانته المعروف ابهاي ▪️ياحي الله المشاي
🏴🏴🏴🏴🏴🏴🏴🏴🏴🏴🏴🏴🏴
بدرب المشي هاي الخدم تلگاها وادم فقره
بس الله رازقهم لان خدمتهم اعله الفطره
كل همهم يحصلون من حسين بس هالنظره
يفدون كل اعمارهم لحسين ابن الزهره
والله الخادم وفاي ▪️ياحي الله المشاي
🏴🏴🏴🏴🏴🏴🏴🏴🏴🏴🏴🏴🏴
اليگول تبذير وصرف خله يكظ السانه
وحسين من الماكو ابد هوه الذي سوانه
مايوم نحتاج البشر هوه الحسين انطانه
من خيره نخدم وبفخر خيره وعلي غطانه
صاير للناس افياي ▪️ياحي الله المشاي
🏴🏴🏴🏴🏴🏴🏴🏴🏴🏴🏴🏴🏴
من البحر حد النحر يحسين كل الوادم
وبخدمتك يابوعلي خادم ينافس خادم
عدهم خدمتك سيدي واجب عليهم لازم
وبكل سنه احنه ننتظر يمته ويجينه القائم
واحنه اشتاگينه اهواي ▪️ياحي الله المشاي
🏴🏴🏴🏴🏴🏴🏴🏴🏴🏴🏴🏴🏴
✍️احمد علي البغدادي

وين المشاي __وين المشاي _خل يحضر رايه
وين المشاي
__
حان الموعد يلا يالمشايه
بسم حسين الليله حضر رايه
انت الويه القائم منطي احچايه
ومتخلفون الموعد يالوفايه

انته الوفاي انته الوفاي صوت المهدي ينادي
انته الوفاي
___
شد احزامك واطلع ها يالخادم
والمايطلع هذا هوه النادم
عالموعد ينتظرك جاي القائم
هوه الي يستقبل كل الوادم

معروف بهاي __معروف بهاي _والمهدي وياكم
معروف بهاي
___
كل عام ويشهدلك راس البيشة
امن البصره من تطلع مثل الريشه
ماتتعب ميهمك ضيگ العيشه
لازم جو الخدمه كون اتعيشه

عين الحماي عين الحمايهيه الي ترعاكم
عين الحماي
___
يلا اتحزم واطلع واعقد نيه
هذا حسين الحبه ابنص الريه
خل زينب من ترجع مومسبيه
من تشوفك واگف تفرح هيه

صيرلها افياي صيرلها افياي زينب فوگ الهودج
صيرلها افياي
___
الله الي يرعاكم يهل الخدمه
هوه النزل الكم هاي النعمه
ابجاه حسين ونزلت هاي الرحمه
ربك انقذ بيها هاي الامه

والموعد جاي _والموعد جاي لتقصر يالخادم
والموعد جاي
___
من تمشي للمهدي ادعي بحسره
انته اقسم عالباري ابضلع الزهره
للمهدي ياربي عجل امره
وگله ابنار افراگه مثل الجمره

عجل مولاي __عجل مولاي _ كل زاير نادالك
عجل مولاي
____
✍️احمد علي البغدادي

دگ الانذار وصوت اعصار
داسو كل فتنه المشايه
جمعو كل الشيعه برايه
دگ الانذار ___دگ الانذار

_
كل خطوه منهم سحگت افكار اليضدونه
للينتقدهم كل سنه ردهم يسحگونه
ياعمي كل هاي البشر بحسين مجنونه
احچو واتعبو امن الحچي لا ماتغيرونه

ذوله الزوار كلهم احرار
عدهم ويه حسين احچايه
جمعو كل الشيعه برايه
دگ الانذار ___دگ الانذار
__
حتى بلطمنه نجتمع بالاربعينيه
نلطم ثگيل وشور نلطم على المسبيه
ونقره قصيده بكل لغات الكره الارضيه
تجمعنه كل احنه تره الرايه الحسينيه

مامختلفين لامجتعمين
والحاقد محتار بهايه
جمعو كل الشيعه برايه
دگ الانذار ___دگ الانذار
__
نعرف الصح امن الغلط لحد يعلمنه
مانسمع احنه ال اي بشر نسمع مراجعنه
والمايعجبه هالحچي خل هسه يسمعنه
مهما نروح ونختلف وحسين يجمعنه

مامفترقين يجمعنه حسين
وماعدنه بهالحب اي غايه
جمعو كل الشيعه برايه
دگ الانذار___دگ الانذار
__
وبالكرم لاتحچي ابد لا هايه شغلتنه
امن البصره ولحد كربله ممدوده سفرتنه
ايسمونه اهل الهلا ومعروفه سمعتنه
اشما حاولو طمس الامر تظهر حقيقتنه

امن اتشد احزام هاي الخدام
وتصيح اهلاً بالوفايه
جمعو كل الشيعه ابرايه
دگ الانذار___دگ الانذار
____
خليني اضوج كلمن ايحارب ابو اليمه
جدك بقه بسابع ارض وحسين بالقمه
لوفكرت مس المشو بس لوفقط كلمه
ظهرك نكسره ابياعلي هاي انته لوزلمه

تسمع لولا حدك لهنا
ذوله الستروك الحمايه
جمعو كل الشيعه برايه
دگ الانذار___دگه الانذار

____
✍️احمد علي البغدادي

رايتنه رفت يحسين
من طلعت المشايه
🏴🚩🏴🚩🏴🚩🏴🚩

رفت الرايه وطلـعنه اوياها
الشالها ابچفه اشكثر يتباها
هاي ترمز للرفعها ابكربلاء
رايـــــة العبــاس ما ننساها

ماعفنه دربك يحسين
للموت الك وفايه
🏴🚩🏴🚩🏴🚩🏴🚩

وحق عباس الگطيعه اچفوفه
خلت بگلب النواصـب خــوفه
تدري راية ثورة المشايه هاي
بربعيـــــــنك ترتفع معــــروفه

والعالم بأسره احتار
شنهو الاسرار بهايه
🏴🚩🏴🚩🏴🚩🏴🚩

عالعهد كل عام نمشي انزورك
وبينه عايش سـيدي عاشورك
انته نعمه ومانعوف النعمه دوم
نوصـــــل ونتبرك احنه بنورك

وتنطي اليجهبك محتاج
عاگد ابصحنك رايه
🏴🚩🏴🚩🏴🚩🏴🚩

ابلهفه كلمن شـــــالها اوعلاها
يترك ابكل درب بصمه اوياها
الرايه ثوره موفقط وصلة اغماش
ويفرح العباس اذا شافاها

والعارف ابحقك زار
يربح اوياك هوايه
🏴🚩🏴🚩🏴🚩🏴🚩

ينكسر ظهر الدرب لوجينه
الدنيه يامولاي حارت بينه
اشما قست ويانه يحسين الضروف
انزود همه ابكل وكت تدرينه
لاخر نفس نبقه اوياك
منطينك احنه احچايه
🏴🚩🏴🚩🏴🚩🏴🚩

✍الخادم
كامل السعيدي

يحسين مشايه ــ نمشي لزيارتك
        ــ⊱☆☆❀☆☆⊰ــ

يوم اربعينك ياضـــوه العين
تمشــــــــيلك الوادم ملايين
عالعهد دوم اوياك يحســـين
فوگ الجمر تسحگ الرجلين
منعوفك ــ ونطوفك ــ يااغلى محبوب
من دربك ـ من حبك ـ صـدگني ماتوب
وطيب انفاسي ــ من اشم تربتك
يحسين مشايه ــ نمشـي لزيارتك
        ــ⊱☆☆❀☆☆⊰ــ

ما نهـتم ابطول المسـافات
نمشـي وبدينه نعلي رايات
نترك طريقك والله هيهات
بيه شفـنه انواع الكرامات
مانرجـع ـ مانشــبع ـ من لطم الصـدور
وبدربك ـ كل ليله ـ عدنه احنه عاشور
منبطل اقرايه ــ نقســم ابغربتك
يحسين مشايه ــ نمشي لزيارتك
        ــ⊱☆☆❀☆☆⊰ــ

كعبه ابضريحك نحج ونطوف
وخل التضدنه ابعينها اتشوف
انحور الك قدمـــــنه وچفوف
شيــــعة علي مانعرف الخوف
هيبتنه ـ وسمعتنه ـ منك يالحســـين
أمنيتنه ـ ابدمعتنه ـ نعميـلك العـــين
وبشرف هالخدمه ـ فازت الوالتك
يحســين مشايه ــ نمشي لزيارتك
          ــ⊱☆☆❀☆☆⊰ــ

ابدربك بيارغ ترفع الناس
ويفرح اذا شاهدها عباس
حگه اليزورك يرفع الراس
منك يرد امحمل احساس
يا آيــه .. وفــايه .. نبقه احنه وياك
اقبلنه .. وسجلنه .. وعيشنه بحماك
كل العمر فدوه ــ  ينفني الخدمتك
يحسين مشايه ــ نمشــــي لزيارتك
          ــ⊱☆☆❀☆☆⊰ــ

حفاي اجت يحسين شبان
اتواسيك بالأكـبر العطشان
وشالو بديهم شمع عرسان
الجسام شـــمعة ال عدنان
احـبابك .. لمصـابك .. ما بطــــلو نوح
وعيونك .. يفدونك .. يحسين بالروح
انته الوسله انته ــ وعاشو ابنعمتك
يحســــين مشايه ــ نمشي لزيارتك
          ــ⊱☆☆❀☆☆⊰ــ

✍الخادم
كامل السعيدي

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ
اي وحق نحر الحسين وغربته
انمـوت كلنه ومانعـوف ازيارته
هوه ابونه وعايشـــين ابنعمته
غيره ماعــــــدنه وسيله وغايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

بيــنه ابقي يم حسن مســـــروره
ابكل سنه حسين الحبيب انزوره
نقســــــــم ابدمه وجرح عاشوره
انمـــــــوت لجله ومانعوف الرايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

حسين كل خطوه اعله دربه تنحسب
وعـن الف حــجه ومحمــــد تنكــتب
اشگد فخور الخدمت حسين انتسب
وافتــــــخر لجله اســـــــوي اقــرايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

وحـــق آيـة. قـل هــــوا اللـه احد
دمنه لجل حســـــين مالحظه برد
مشي نروح وكل سنه ايزود العدد
عهد هذا واخـــــــذي منه احچايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

اربعين حســـين ثوره ابكل زمن
التضحيات السابقه عنها اشهدن
دربه حتى اچفوف بيه اتگـطعن
ثمن حــــبه.  وما نهـــــم ابهـايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

حاربونه اعـداكم ابعصر الظلم
ومنعو المشــايه والون والطـم
لچن ماخفنه وتحدينه الخصم
ورحنه نركض للصـــحن عنايه

يا زهـــــراء وفايه ــ انزور حسين مشايه
            ــ⊱☆☆❀☆☆⊰ــ

✍الخادم
كامل السعيدي

يوم اربعيـــنك جيناك ــ بگلــــوبنه المنـــكوبه
وشفنه مضايف خدام ــ طول الدرب منصوبه
                 ــ⊱☆☆❀☆☆⊰ــ

يحسين جينه وكل محب يتباها
وبچــــفه رايـات الفخــــر عـلاها
حتـى الديـار ابـلا اهـل عفـــناها
احــرار نمشـي الدنيــــه طلگناها

المذنب وگاصد ندمان ــ يمك تطيح اذنوبه
يوم اربعيـــنك جيناك ــ بگلوبنه المنـــكوبه
                 ــ⊱☆☆❀☆☆⊰ــ

اعظم تجاره بخدمــتك شفناهه
وهاي المسيره لحظه ما عفناهه
كلمة هـــــــلا بالزاير اشمحلاهه
نســمعها وبوجه الخــدم نقراهه

بابك نجاة الينــخاك ــ كل احنه نركض صوبه
يوم اربعينك جيناك ــ بگلــــوبنه المنـــــكوبه
                 ــ⊱☆☆❀☆☆⊰ــ

بكل خطـوه الف حجه النبي بشرنه
يا كعبه حجاج ابضــــريحك صـرنه
فدوه ولو بس نضره وحده انضرنه
يحســـــــينه هـاي الكرامـه اتسـرنه

هالخطوه احلفك يحسين ــ اجعلها الي محسوبه
يوم اربعيـــــنك جيــــناك ــ بگلــوبنه المنــــكوبه
                 ــ⊱☆☆❀☆☆⊰ــ

هل يوم زينب تدري الك رجعتهه
والروس وياها ابضـــعن جـابتهه
يحسين ودروب السبي امتعبتهه
جينه نواســيها ابمصاب اخوتهه

يحسين شلنه الرايات ــ وي زينب المتعوبه
يوم اربعيـــنك جيناك ــ بگلوبنه المنـــكوبه
                 ــ⊱☆☆❀☆☆⊰ــ

اهل المواكب دللـونه اهوايه
متحزمـــين لخـدمة المشايه
جيناك نزحف رايه تتبع رايه
حباً الك لامو طــمع لو غايه

كل التضــدك مولاي ــ من شيعتك مرعوبه
يوم اربعينك جيناك ــ بگلــوبنه المنـــكوبه
              ــ⊱☆☆❀☆☆⊰ــ

✍الخادم
كامل السعيدي

(لسان حال اهل المواكب)
قصيدة(#هلا_بيكم)



هــــلا بـيـكـم زوار هـالـكــلــمــه يـا مـحـلاهــه
هــــلا بـيـكـم زوار نــخــدمــكــم ونــتــبــاهــه

                                 *---------------*---------------*

     هــلا مــن صــدر الـبـحـر حــد الـنـحـر
     انـتـم اطيور الـسـعـد واحـنـه الـشـجـر
     يـا هــلا ومـيّـت هــلا ابـتـاج الـفــخــر

خـدمـتـكـم اتشيل الـراس عونه العرف معناهه

                                 *---------------*---------------*

     بـكـل ســنــه انـحـيـكـم وألـكـم خَـدم
     ونـدعـي الـلـه ايـزيـدهـه هـاي الـنـعـم
     ابـگـد مـشـيـكـم بـالـدرب وبـكـل جـدم

هاي الخِدامه احلى أوسام فوگ الصدر شلناهه

                                 *---------------*---------------*

     عــهــد لـلـمـوت ويـظـل هــذا الـعــهــد
     اي وحــق كــرارهــه ولــيــث الــشــدد
     مـدد كـلـنــه انـصـيـح يـا حـيـدر مــدد

يـشـتـد عـزمـنـه ونـصـيـح الرايه لو شـفـنـاهـه

                                 *---------------*---------------*

     نـحـسـب ايـام ونــتــانـي بــهــالــدرب
     يـمـتـه يـا مـشــاي لـلـمــوكـب تـطـب
     هلا ابـشـوف اعـيـونّـه ونبض الـگـلـب

ثـابـت عـهـدنـه وللموت الـخـدمـه هـاي اوياهه

                                 *---------------*---------------*

     الـلــه لا يـحـرمـنـه مــن هــذا الـشـرف
     بيكـم الـخـادم عِـلـه وصـيـتـه انـعِـرف
     إلـكـم اصدور الـمـجـد وإلـنــه الـطـرف

الـكـلـمـه بـس ألـكـم هاي يهل المجد گـلـنـاهـه

                                *---------------*---------------*

✍خادم زوّار الحسين
الشاعر رعد الجريخي

قصيدة (#روجة #المشايه)


. انتباه     روجـه روجـه امـنـل بـحـر
  انتباه     اتـوجـهـت صــوب الـنـحـر

إلـهـه رفّـت رايـه  **  روجت الـمشـايـه

                                       *---------------*---------------*

الـزحـف مـليـونـي لـلـغـالـي ابـتـده
اربــعـيـن احـسـيــن ثــوره خـالـده
انـجـدده الــيــوم الــوفـاء انـجـدده

مانعوف     نـمـشـي لــو دربـه جمر
مانعوف     خـدمـه مـنـذور الـعـمـر

          الـجـحـافـل هـايـه

                                      *---------------*---------------*

هـايـه خـدام الحُـسيـن وشـيّـعــتـه
روجـت الـمـشـايـه گـصـدت قـبـتّـه
وعــد عـدهـه والـوعــد مـاعـافـتــه

للحبيب     اعـتـنـت كــل الـخــدم
للحبيب     تـهـتـف وراعي الـعَـلـم
           
              عـالـعـهـد وفّـايـه

                                       *---------------*---------------*

ياحسيـن الـصـوت هـالـيـوم اعـتـلـه
والـقـوافـل هــاي تـمـشـي الـكـربـلـه
يـا هـلـه الــخــدام تــهــتـف يـاهـلــه

الجميع     الــخـدم لـزمـت ســره
الجميع     فزعه شـيـعـة حـيـدره

           اعـتـنـتـلـه اعـنّـايـه

                                       *---------------*---------------*

عــهــد لـلـمـوت وتـوّقّـــع بـالـدمــه
اتـعـنـت الـعِـشّـاگ كـلـهـه امـحزمـه
رفّـت الــــرايــات بـعـيـون الـسـمــه

ياحسين     صرخه مـا تـبـرد أبـد
ياحسين     عـهـد منعوف الـعـهـد

            الـوعـود احـچـايـه

                                       *---------------*---------------*

✍خادم زوار الحسين ع
الشاعر رعد الجريخي

(بالأربعين)


  مـشـايـه عالـعـهـد   ***   مـشـايـه والـوعـد
        
         بـالأربـعـيـن    ***  بـالأربـعـيـن


                                  *---------------*---------------*

     مـلـتـقـانـه ابكـربـلـه مـابـيـهـه رجـعـه
      ماننصي الـصـوت والـعـالـم يـسـمـعـه
     الـعـقـيـده والـخـدامـه اتـريــد فَـزعـه

  فـزعـوهـه هالخدم    ***  وتـعـنـو عـالـجِـدم

                                  *---------------*---------------*

       احـنــه اصـحـاب الـمـبـادئ والـدرايـه
       نمشي ونواسي الـعـقيـلـه والـسـبـايـه
       هالدرب مـاشـيـن مـتـهـمنـه الـمـنـايـه

انواسي هـالـدرب  ***   لليمشن بالـغـرب

                                  *---------------*---------------*

      نعتني ولـلـمـوت منـعـوف الـعـقـيـده
      والموالـي ابـدمـعـتـه يـرفـع نـشـيـده
       مـايـهــم الـتـعـب ودرّوب الـبـعـيـده

    مـتهـمـه ياشمس   ***  وبـحـرهـه مايحّس

                                  *---------------*---------------*

       الاربـعـيـن احسين ما تطـفـه الـحـراره
       لـلـمـمـات اتـعـيـش بگـلـوب الـغـيّـاره
        الخـطوه والـدمـعـات للخادم تـجـاره

     لليمشي الـكـربلـه   ***   ودمـوعـه هاملـه

                                  *---------------*---------------*

       الـعـمـر لحسين نـگـضـيـه ابـخـدامـه
       يـا حلات الـخـادم الـشـايـل وسّـامـه
       اليعتنيله ابشوگه ويـتـرجـم هـيـامـه

  هـنيـالـه الينكتب  ***   والـخـادم ينحسب

                                  *---------------*---------------*

✍خادم زوار الحسين ع
الشاعر رعد الجريخي

شهادة الامام السجاد ع




روحيه رساليه. مشه بهيبه حسينيه. بده من كربله
رفع رايه جهاديه. ترف بالكرة الارضية. بده من كربله

هو القائد العام. من الطف الى الشام

بده من كربله

………

عباس ثاني بالضعن بس كاصد الشام
كام اعله حيله وبالصبر متحزم حزام
ابعاد شخصيته عظيمه محيره الاقلام

بسم الله كل خطوه ابتده وقرآنه
وبس ان وعد الله حق بلسانه
كاشخ بهيبة حيدره يشوفونه
واصبح كفيل لزينب السلطانه

دفو الخيمات بعيونه. علي السجاد مضمونه. رساله من النحر

كل خطوه زرع رايه. تظل بكل زمن ثايه. رساله من النحر

بدت معركة الاعلام. من الطف الى الشام

………….

بدرب السبي لمن مشه والصار ما صار
بطف كربله من انتهت معركة الاحرار
والمعركه الاخطر دخلها. حرب الافكار

من بعد مادون فصول المقتل
حسّب الثوره اتعيش بالمستقبل
الدور الرسالي بده من اول خطوه
لا مو عليل الثائر اسمه تسجل

جيش وعسكر شكبره. براسه مايهز شعره. يسولف بالذكر

الشمات اليصد ليهم. يغيرهم يبچيهم. يسولف بالذكر

مشه جوهرة الاسلام. من الطف الى الشام
........................

كيد وسبي وضيم وتعب. بس يمشي سلطان
ويوكّف بكيفه الضعن. لو صار الاذان
ويتفكد البالقافله. قرآن قرآن

يسجد شكر كلما يطب بديره
وللضعن وجهه بكل حنان ايديره
اخر محطه الشام من طب ليهه
خله القصر والبالقصر بالحيره

جمع بالخطبه كل حيله. حچه الطف وتفاصيله... لسانه الهاشمي

كلها تصيح معقوله.. خله الناس مذهوله. لسانه الهاشمي

وضح كل الأوهام.. من الطف الى الشام

..........................

خله رساله بكل عصر. للذله هيهات
وذكرهم حسين انذبح. من الاشاعات
يا ال اميه ياضمير من الظلم مات

اليرفض الباطل شفنه ينحز نحره
وحسين فكره وصعب ذبح الفكره
شكد مايعيش ابنادم يمره الموت
والاهم حسن العاقبه والذكره

وجهه لكربله مرايه. هز العرش بحچايه.
سهام بخطبته

قلَب عالساحر اسحاره. طرح بالقصر افكاره. سهام بخطبته

كسّر كل الاصنام.. من الطف الى الشام

.........................

بسفره الاهيه مشه من حسين لحسين
وچان اللسان الناطق بكل الدواوين
واول مؤسس للعزاء بدمعة العين

الساجد العابد والدعاء سلاحه
وباب الحوائج اصبح ومفتاحه
ذكرة رحيله بيهه عبره وعبره
الموت من الدنيا هوه الراحه

على كلبه سلام الله. بكثر ما عالنبي صله. وداعاً سيدي

سلام وياه ودينه. يروح لوالد سكينه. وداعاً سيدي
ارتاح وكافي الام..من الطف الى الشام

………….

نسألكم الدعاء
حسين صادق العقابي

الامام السجاد ع


للزمن حكايه انتصرت السبايه
اختمنه ثورة حسين بالعصا وعبايه
****
احنه لِكسرنه الظلم لا ما كسرنه
بعده مرفوع ويرف عالي علمنه
ظنو إهمه الفازو بذبحة زلمنه
ما درونه ننتصر من ننطي دمنه

آنه والعقيله اصرخنه عالهزيله
نهدم آل اميه بالعصا وعبايه
****
الله ما بين الأهل وزّع رسايل
جنوده مو لازم تحارب بالبواسل
آنه دور حسين اخذته وبالمقابل
عمّتي زينب خذت دور ابو فاضل

آنه الي الرساله وعمّتي الكفاله
الله قرر انفوز بالعصا وعبايه
****
عالرماح الروس ويانه ومشينه
ثوره عدنه وبالحبال امچتفينه
ادخلنه لبن ازياد واخزرناها عينه
احنه احد من كل صوارمهم حَچِينه

صاحت الاميره دولتك گصيره
نكتب احنه تاريخ بالعصا وعبايه
****
بالسبي سوط اليجينه ما نرده
ابيا محمد يا علي صرنه نصده
الضحى بالعباس وحسين اشيهده
لو الف منه يزيد احنه النبدّه

خيرة الله احنه ياهو بالله گدنه
عدنه عزم ابو حسين بالعصا وعبايه
****
ايزيد عنده جنود وآنه عندي چلمه
بالقصر خطبه نطيت وباد عزمه
الهادي جدي گتله جدك شنهو اسمه
الزهره امي وهو ياهي بالله إمه

طينتي أمينه وطينته لعينه
كل شرفنه مرسوم بالعصا وعبايه
****
يوم عاشر اي صحيح اكبر رزيه
لله كلشي انطينه حتى اختي رقيه
بالثريه احنه وخصمنه بالوطيه
وين آل المصطفى أوين آل اميه

فزنه بالبدايه وفزنه بالنهايه
كلشي هسه مكشوف بالعصا وعبايه
****

الشاعر اياد الديراوي

روي عن الإمام زين العابدين عليه‌ السلام :
«والله ، ما نظرت إلى عمّاتي وأخواتي إلاّ وخنقتني العبرة ، وتذكّرت فرارهن يوم الطفّ من خيمة إلى خيمة ، ومن خباء إلى خباء ، ومنادي القوم ينادي : أحرقوا بيوت الظالمين»

ڪــــــــــــلما باوعت لعماتي
بين اضلوعي اتشب جمراتي
أذڪـــر رڪـــضتهن بالهيمه
واشهــــگ بـدموعي وآهاتي

ــــــــــــــــــــــــــــــــــــــ

أنه السجاد ٱنه الشاهد على الصار ابطفوف احسين
عِشت الطف مصاب امصاب صور لازالت ابهلعين
محن لو علـجبال اتمر تطر گلب الصخر نصين
خيـم ملتهبه بالنيران وسبايه ومنحر وچفين

عمّـاتي اگبالي اشما مرن
من خيمه لخيمه اذكر فرن
بين اخيول وعسكر طرن
واعليهن تنظر شمــــاتي

ــــــــــــــــــــــــــــــــــــــ

زينب عمّتي اشما شوف يصب دمعي ويروح البـال
لسبيه اعله الهزل صعدت واديها امربّطه بحبال
يحديها الشمر بالصوط وببوها ايشتم الـــجمّال
والاصعب روس اهاليها شالوها ابــرماح اطوال

كلما شوفن عمتي اتذكّر
سوگ الشام وذاك المنظر
بالچف من ظلت تتستّر
ولدمعتها اتهل ودمعاتي

ــــــــــــــــــــــــــــــــــــــ

لُبابه اشما تصد عيني اذكر عمي راعي الجود
واشوفن حيرته اگبالي حين الگطّعوله ازنود
لحظات وگمر عدنان فص عينه ابسهم ممرود
وگع وادركني ياخويه صاح ابضربة الـعامود

واحسين اتعناله ابلــــــوعه
محني وينعه وتجري ادموعه
راح الــــساكن بين اضلوعه
هلــمشهد شفته ابــحسراتي

ــــــــــــــــــــــــــــــــــــــ

ملامح للحزن والهم مرسومه ابـــوجه ليلى
اعله ابنها اليشبه المختار ، محمد كل تفاصيله
التگطع بالسيوف ارباً ولبوي احسين اخذ حيله
أحمْـلوه حگه لو گلهم لأن ما يگدر يشيله

من طاح اتعناله ابــهِمه
وطول بطول اتمدد يمه
خده ابخده وباسه وشمه
ونّـاته اتـــــشابه ونّـاتي

ــــــــــــــــــــــــــــــــــــــ

رمله اشما اصدّنها تجر ونه ابـــــأثر ونه
فگدت بالطفوف اوليد مثل( فلقة قمر ) چنه
لا منها الـشبع جسام لا هيٌه اشبعت منه
تمنت بالـــــهَنه اتحنّيه تاليها ابدمه اتحنه

تبچي ودمعه ابخدها اتلالي
يايمه افراگــك چــــــــتالي
رحت وصدري ابفگدك خالي
وما ظلت بي بس زفراتي

ــــــــــــــــــــــــــــــــــــــ

اختم بالرباب الچان گلبها من الحزن مجسوم
لبنها العمره ٦ اشهور وبسهم الكفر مفطوم
تشوف اعله الرمح راسه وتناغيله ابگلب ملـچوم
( اهز مهدك يعبد الله ) تلوليله ابــــهذاك الـيوم

عبدالله ابــــنبلة ذبّاحه
چن طير ايرفرف بجناحه
حگها امه اتگضيها انياحه
وابعبد الله اختم مأساتي

ــــــــــــــــــــــــــــــــــــــ

سيد علي عبدالزهره الناجي

معانات .الامام السجاد في درب السبي .
...................................


وسط عيوني . شايل طف كربله.
اقسه جروحي. من سبّي العايله.

بالطف .جرحي موسهل .
يمشن .عماتي بحبل.

اقسه جروحي من سبي العايله

...............................................

على مر الزمن شايل مصيبة كربله بعيني.
بنومي ويقضتي يحضر الف موقف يأذيني.
كلما ارتوي من الماي نار بكَلبي تجويني

عبرتي ..وحسرتي يرافكَهن حزن
يروحي . بجروحي .اثر سوط المتن

كل ايامي . عايش درب السبي.
فيض اهمومي .من تل الزينبي .

يجرح . موضوع الهزل .
يمشن... عماتي بحبل.

..............................................

يضل طول العمر عايش جرح ماينسه شكبره.
من واريت ابوي حسين لكَيت اضلوعه مطشّره.
شفت بعيوني أثر حافر طالع من جهة ظهره.

بخشوعي . ودموعي . مسحت اكبر جرح.
جمعته . وحظنته وصحت يل منذبح..

شفت اوصاله . بيهه اثار الضمه
صوت آهاتي.. صار بسابع سمه


قصة . راسه المنفصل .
يمشن... عماتي بحبل.

..........................................

على اجروحي اذا اسولف غزيره وتنحسب كوه.
الجارحني السبي والسوط ذاك بعمتي اشسوه.
ي مشانه الزمن وي ناس والله احجايه ماتسوه..

بعداوه .وقساوه .. يضربون الحرم.
اعاين . رهاين . .ونه بروحي الألم.


والهاظمني. . من تعثر عمتي.
تنزل جمره. .فوك الخد دمعتي.

يارب. ...ياحق . ياعدل
يمشن... عماتي بهّزل..


........................................

بهوان الدنيه والازمان تصعد عمتي الهزله.
بلا هودج عكب عباس أخوها التحتمي بضله.
بدمعها تسولف اويه الراس .يمكن يفزع تكَله.

نظرها ..بنظرها ..تحشم بالكفل.
جرحني .ذبحني..دمعها الي نزل

شفت ادموعه . باست كَاع الرمح.
واهتز غيره. .لعيون أخته السمح.

تقبل . ياعمي النفل.
يمشن... عماتي بهّزل


.........................................

دخلنه السوك والانظار .تلاحك بينه تجرحنه.
عيون الزين والموزين . بذاك الحال شافتنه.
نذل مايرحم الحادي .بعالي الصوت يشتمنه.
كلما ننجمع عالراس يجي بسوطه يباعدنه.

ولونه . وخذونه . يلاحكَنه النظر
مشينه .وعلينه . مطر صار الحجر.

بين الوادم . .يصعب حال المشن
وحده ابوحده. كَامن يتلاوذن.

واسمع .يزجرهن .نذل.
يمشن . عماتي بحبل .

..........................................

✍ ابو منتظر الحجامي.

لسان حال الامام السجاد ..يروي جروح السبي.
            ...................................


حيره والله حيره ... زينب الاميره.
صعبه يا الهي.. . عّالهزل اسيره.

.............................................

يازمن ماتنحمل .... قصة اجفوف وحبل.

وناكَه هّزله عليها .معالم فاطمه.

عمتّي احجاب الشرف ... بيها وحي الله هتف ..

تبقى للعفه عفه وحجابات السمه .

ريت ميت قبل ماشوف العقيله .
مجتفه وتنسبي عالناكَه الهزيله.
والله بعيوني الدمع ماجف مسيله.

وهيه كالحمامه.. تفكد اليتامه.
صعبه يالهي . عالهزل  اسيره.

..............................................

صبري ياعالم نفذ .... مني حيل الطف اخذ

فاضت اهموم على اهموم يوادي كربله .

عاينت راس برمح .. تنزل ادموعه بجرح.

يبجي لو شاف على الكَاع تطيح امدلله.

كَلبي تطلع ونته قبل المدامع.
وانه اشوف بعمتي هاكَد مواجع.
تلتفت عالروس سكته بس تتطالع.

والشمر اسمعه . . يكَلها ماكو رجعه.
صعبه يا الهي .   عمّتي أسيره .
...............................................

اسمع اشباه  الزلم .... نازله بعمتي شتم.

وانه  بجفوفي .اغلال  حديد  وجامعه .

الراس هز رمحه وعثر . . وبالارض سواله أثر.

من الاوداج على الكَاع .دماء امجمّعه .

سال دم الراس .بس لا مو عجيبه.
يواسي زينب راد عن هاي المصيبه.
لاذت بسد الرمح عمتي الغريبه .

بالحجر ولونه . . والله عذبونه .
صعبه يا الهي . . عالهزل اسيره .
..............................................

فوك ضربات الحجر ... عمده مشونه بحفر.

بين شمات  والانظار  اشد من الذبح

الديره مابيها عرف ..  بالخوارج ننوصف.

رحمه مابيهم انذال.ولا واحد سمح.

عذبوا عمتي وخواتي .ازلام اميه.
بشر عميه اكَلوب مابيهم حميه .
اهناك ياعالم تمنيت المنيه.

لا اشوفن اختي . . تنظر الدمعتي
صعبه يا الهي ... عالهزل أسيره .
...............................................

آه يادرب السبي ... اتراب مصبوغه العبي .

والعطش نار والاسياط على متون الحرم.

لهجت الحادي زجر.. . زادنه بس الصبر .

من ضربهم . شتمهم . ولا سالم سلم .

قصه بيها احبال وجفوف ويتامه .
بيها للشر  والظلم غايه وعلامه .
هذا كل الشافته اعيال الامامه .

زينب الحبيبه . . اصبحت غريبه .
صعبه يا الهي . . عّالهزل اسيره .
.........................................

✍ ابو منتظر الحجامي

ميمر للسجاد عليه السلام



كل العمر ..گلبه جمر

كل عمره ناح السجاد… ماتطفه ابداً ناره

////////////////

ما اكل زاد ابحزنه اله ايغمسه

وبهمه يصبح عالطفوف ويمسه

السجاد صار منل بچي وي الخمسه

*ادم نحب… ابكلبه اللهب*
*ويعقوب وي يوسف* *ناح ..وفاطمه اتون* *ابداره*

///////////////

جده النبي من مات ابنه ابراهيم

بعينه الدمع بس كلبه سلم تسليم

وارث النوح وبالحزن صار ايهيم

*صار الدمع… اصبح طبع*

*كل اهله ضلوا يبچون…* *وضل الحزن باكتاره*

////////////////

من جَنِتَه ادم طلع ضل ايلوع

وجنة علي السجاد نحره المكطوع

ضل يبچي عل مكسوره من عنده اضلوع

*لا ما نسه ..صبح ومسه*

*للجنه يسواها حسين…* *مخلوقه اله وللنصاره*

////////////////

يعكوب فاركله ابن ضل ينوح

يدري يرد وانت تفارك مذبوح

الف وسبعمية جرح عده جروح

*حكك تون… .حكك تحن*

*عالنايم ابلا تچفين …*ودارت عليه الغاره*

//////////////////

ويوسف بچه من انسجن بالغربه

وانت شفت والد سهم طر گلبه

عطشان ابوك حسين رايد شُربه

*غربه وعطش ..خده* *انفرش*

*وموسد اعله التربان* .. *ويمك حرم محتاره*

///////////////

بس امك امن اتون تهم ابجرحين

جرح الضلع يلچمها وي جرح حسين

تتكابل إوياها ابچي وهم وونين

*تحظر هلك… تنعه الك*

*وكل ليله مجلس بالبيت…* *للوعه مو تسياره*

///////////////

يكضي العمر ماشفت ابداً راحه

وگلبگ السابع جار يعله نياحه

ماتنسه ابد صورة وجه ذباحه

*واهن غفه… من الكفه*

*ايحز منحره واعمه* *السيف… وگلبه صلب* *وحجاره*

///////////////////////

نسالكم الدعاء

احمد الطيب الحلي

السبت 23 محرم 1477
19/7/2025

*بين حسين والسجاد…موقف للجبال إيهِد*

*عليل امفارك ابلا حيل… ورايح والده وميرد*

////////////////

ركب مهره ابوه حسين… ابخده يسولف المدمع

گله ياعلي السجاد… .رايح بعد ما ارجع

هاي العيله راح اتهيم… .وابوك اعله الثره امكطع

وِمثلث يطر چبده… .ومن ظهره السهم يطلع

اريدك ياعلي السجاد… ..اطفال وحرم تجمع

إوتِعاون عَمتك زينب… لو خيل العده تِفزع

*نار التِوج بالخيمه… .وخواتك فرن ابهيمه*

**يصيحن يا ابو الشيمه… ترضاها ابفله نِشرد*

///////////////////

اباب الخيمه رد صدله… حسين ومنكسر گلبه

وردله إوحَظنَه مال اوداع… وظمه ابصدره ويحبه

والموادع يهد الحيل… وعليل اوحده بالغربه

ويدري من يروح حسين… بالحومه العده اتسلبه

يطيح وينذبح عطشان… ويلي ومحد ايشربه

ويدري منل كفه مذبوح… اليذبحه اعله الكفه ايكلبه

*عله وجهه يضل* *مچفي… إوذَبحته چنهاماتكفي*

*نار الحقد ماتطفي… وبالمنحر السيف ايحد*

//////////////////

راح حسين والسجاد… ضل ينازع ومعتل

لايلچم جرح زينب…بقه ساكت وما يسال

راد ايكلها شتشوفين… من رحتي وصعدتي التل

توه يريد ينشدها… وچلمته بعده ماكمل

لن شبت الخيمه ابنار… وعرف توه بده المقتل

لو باقي نفس بحسين ..خيمنه الخيل ماتندل

*هجمت خيل والنيران…* *وفرت بالعره النسوان*

*حسين امغطه بالتربان…* *دم ورمل عينه ايسد*

/////////////////

علي السجاد يتوجه… ورايد ينصر احسينه

يكوم وهم يرد يوكع… وحيد ومحد ايعينه

لن عمته تتجيله ..ويكلها حسين چا وينه

تكله اعله الرمح راسه… يعمه بس يصد لينه

يدري العسكر الملتم ..يريد اخلافه يسبينه

جوه اضلوعه احس جمرات… مثل نار التوج بينه

*مثل جمر الخيم يسعر…* *من ننحر يعمه البر*

*ادري بيك ماتكدر ..*تنهض روحك وتكعد*

//////////////////

الله يساعدك عمه… تكله ادري الگلب جمره

كون انه انذبح دونه… وما ينكص ابد نحره

البگه ابراسك علي السجاد… ابوك ابكل كتر وذره

وصل للخيمه ون حسين ..مخضب يضل عالغبره

من سحكت عليه الخيل… عمه كسرت صدره

والمثلث كسم جبده… وطالع عمه من ظهره

*اتلاثه السهم ومبسمَر…* *يريد ايطلعه مايكدر*

*چبده انكسم وتفطر* .. **للحيل المثلث هد*

/////////////////

نسالكم الدعاء

احمد الطيب الحلي

السبت 23 محرم 1447
19/7/2025

قصيده نزله للسجاد ع
.
.
.

سيدي ياصاحب الامر .. عظـم الله لـك الاجر
بعلي ابن الحسين

***

الليله ليلة صـاحب السجده الطويله
الراح مگــيودات اديــه فوگ الهزيله
الشـام يمكن مـوته وســبي العقــيله
اهواي حـيل امصــيبته ولامــوقليله

يلي تجري ادموعك الحمر .. عظــم الله لــك الاجر
بعلي ابن الحسين

***

يابو صـالح حـــقه لو گلبـــك تـــالم
وعينك امن الفاجعه مدمعها من دم
صدگ الســـجاد نســـأل مات بالسم
لو يمهـــدي المـــوته حـــرگ المخيم

الفاجعة كربله من تمر .. عظم الله لك الاجر
بعلي ابن الحسين

***

من يمر يوم ابو الباقر والمـصيبه
گلـــبك الملچـــوم يـــتزايد لهيبه
كربله وايـــامـها الكلـــش عجـيبه
تبدي تندب ويلي ياعمتي الغريبه

ندعي الله يرزقك الصبر .. عظم الله لك الاجر
بعلي ابن الحسين

***

اجروحك ابـــلايه بدايه اولا نهـايه
شكــثر شايل يابو صالح مـن رزايه
انسألك اعله الرايح ابضعن السبايه
ظعن بس للاسـف راح ابــلايه رايه

اجروح البدلالك اشكثر .. عظم الله لك الاجر
بعلي ابن الحسين

***

حقك امن اتنثـوح ياروح الزچيه
گلبك اشبيه يابو صالح مـن اذيه
عظم الله اجرك يمهدي الياقضيه
للبجــــيده الجامعــه لو للســـبيه

الياهي ظهرك بالله منكسر .. عظم الله لك الاجر
بعلي ابن الحسين

***

هموم گلبك يابو صالح كلــش اثكال
وداعتك تعجز حملهــن حتى الجبال
يوجعك طاري السلاسـل وي الحبال
سلسلــة زين العــباد وحبـــل الـعيال

ساعد الله اعيونك التدر .. عظم الله لك الاجر
بعلي ابن الحسين

***
حيدر تركي الكربلائي