شوط كربلائي
زينب لليسر طلعت ... متكيده بحبال الشر
عالهزل بلا هودج .. واعليهه الزلم تفتر

.....1....
زينب بالدمع طلعت ... وي ذباح اهاليها
متعوبه وتجر حسره.. من ضيم السده اعليها
تتلفت يمين ايسار ... هلبت أخو ايمر بيهه

ما واحد بقى الزينب
حسين اعله الثره مسلب
وجف الكافل مترب

لا رايه البقت لاجود ... والعيله انسبت بالبر




........2
مصبوغه برماد الخيم ... طلعت تهمل العبره
كالساعه وتدير العين .... لحسين ويفز نحره
اه يا عازت الخوان .... جابتها الدرب تقره

وين انطي الوجه لا وين
ماتو كل هلي الطيبين
صوبني بسهامه البين
اه يا غربتج زينب ... صيحت فاطمه وحيدر
..........3
مشوها بكتر عباس .... والشمِّاته ملتمه
شافت ماكو عنده جفوف .. وبعينه جمد دمه
صاحت ياكمر عدنان ... يالكلك وفه وهمه

اكعد عاين الوضعي
ياهو اليمسح بدمعي
عليكم خويه اضل انعي
ومشيِ اويه الغرب ياذيك ... منك خوية اتعذر
...........4
عالهزل خذوهه ونار ... تسعر بالكلب ظلت
جابتها الطريق اتنوح ... ومن دمعتها ما ملت
لأن اخوتها والاحباب ... غصبن عالترب خلت

عافتهم على التربان
دمهم تارس الميدان
وحسين انذبح عطشان
شافت جم جرح مفتوح ... ما يتخيط ويكبر
............5
روس اخوتها فوك ارماح ... والذابحهم اتشوفه
يتبختر عليها يصيح ... زينب هايه مجتوفه
وضحكات الشماته بصوت ... عالعباس واجفوفه

للكوفه ادخلت بحبال
اوياهه الحرم والاطفال
والحاديهم الجتال
كلشي اتغير ابزينب ... بعد حسين والاكبر

...........6
بحبال اليسر للشام ... طبت والفرح قائم
جن عدهم عرس يا حيف ... ماجن منذبح قاسم
امزينين المدينه اورود ... وكلها امعيّده الوادم

صفكات وغنه وشموع
ودك اطبولهم مسموع
ماهمهم كسر الاضلوع

لا همهم أمر زينب ... والايتام الحركهه الحر

....
كلمات ✍️ موسى الخادم

قميص النبي يوسف رد واجه بليل
قميص حسين صار بحافر الخيل
يوسف غربه موضوعه حسين مكسره ضلوعه
بالخيل بالخيل
:::::
فعله وفتعلوها اخوته وهو مو يم الخطر
حسين شنوصف احواله جسمه چم طبره نطبر
يوسف وسالم قميصه حسين بي حافر عثر
بقصر يوسف جاب عمره حسين يرمونه بحجر

سهله السجن ما متعذب هواي
ظل يسحگ حسين الراح والجاي
كسرة ضلعه مسموعه حسين مكسره ضلوعه
:::::
دم قميصك مو حقيقي هذا مو دمك نعم
حسين من السحگ تدري دمه واصل للخيم
التقى يوسف بأهله شافهم حيل ابتسم
حسين مطشره عياله وگلبه نصين انجسم

موجودين اهلك كلشي ما صار
حسين عياله كلهم صفو طشار
چانت كلها مجموعه حسين مكسره ضلوعه
:::::
انسجن چم سنه يوسف تالي من سجنه طلع
حسين داست خيل صدره وراسه برماح نرفع
حسين مسبيه عياله يوسف بأهله نجمع
النبي ما متعذب اصلا خنصر حسين انگطع

طلع من السجن رد يحكم شعوب
حسين انذبح حتى الثوب مسلوب
تلگه بصدره چم لوعه حسين مكسره ضلوعه
:::::
قحط مر بهله يوسف هيچ مر بأل النبي
حسين محترگه خيامه عياله كلهم بالسبي
بسوگ ما دخلن خواته وما نظربن عالعبي
بسوگ تمشي الحره زينب وبقه يباوع اجنبي

يوسف اخته ما دخلت دواوين
بنص الزلم وگفت اخت الحسين
نظرها ونزلت دموعه حسين مكسره ضلوعه
:::::
التقى يوسف بخواته شافهم طاب الجرح
حسين ما طابن جروحه وراسه مرفوع برمح
عاش يوسف كل حياته وعمره ما شاف الذبح
عالرمح راس الحقيقه ويفتر لحد الصبح

سالم جسم يوسف حتى الاضلوع
حسين بدون خنصر رأسه مرفوع
جرح يترسله موسوعة حسين مكسره ضلوعه
:::::
علي جبار الكعبي
الفاتحه لوالدي

رايحه رايحه عنكم يخوتي رايحه
:::::
عفتكم جثث فوگ الگاع مرمیه
بعد ما چنت یمکم هسه مسبیه
گدامي الشمر ظل يضرب ارقيه
مــــن گد الضرب عباس محنيه
چنت تلزمني هسه الحبل بیدیه
يا عباس تـــدري شبيه مـــا بيه

نايحه نايحه صارت بعدكم نايحه
:::::
راسك عالرمح بس ينظر العيني
عندي انه حچي ما بينك وبيني
ترضه الشمر يا عباس يسبيني
بسم الخارجيه وظــل يسميني
بعدك يا ابو فاضل غرب تحديني
اموت وشوفتك عباس تحييني

صايحه صايحه الناس اعله زينب صايحه
::::::
انت أعلى النهر وانه اركب الناگه
هـــذا اخــر لقاء مـــا بعد نتلاگه
يمك وانـــه الك عباس مشتاگه
احچیها الگمر مـــا احمل فراگه
حراگـــه فرگتك حيل حراگــه
مات حسين بس الماي ما ضاگه

سابحه سابحه جثتك بدمك سابحه
::::::
دخلت السوگ يا عباس مكسورة
مجبوره عفتكــم خويه مجبوره
تبچي أطفالي بس الشام مسروره
بيا صوره تعال وشوف يا صوره
معـــذور اختكم تبچي معذوره
مذعوره يخوي أطفالي مذعوره

طايحه طايحه انظر دمعتي طايحه
:::::
جثه اعله الأرض بس راسك ويانه
خويه حسين اختك حيل تعبانه
مـــو للماي انــــه اعليك عطشانه
مـــا معقوله گلت الاخو ینسانه
تمنيت الگمـــر يمتلك ذرعانـــه
حتى يشوف بينه شسوت اعدانه

لايحه لايحه سهام البصدرك لايحه
::::::

خمسين العمر بس اركضت گوه
ظــل سوط الشمر بمتونـــي يتلوه
ظل يشتمني وين اليسوه ما يسوه
ماتت يا ابو فاضل بعـــدك الخوه
خويه حسين چانت خوتك حلوه
هسه انتخت زينب رادت النخوه

جارحه جارحه الشام لختك جارحه
:::::
علي جبار الكعبي
الفاتحه لوالدي

بالعـــيـــــلة
زينب حــــــــــارت
لمن ســــــــــــارت
لارض الشام
ــــــــــــــــــــــــــــــــــــــــــــــــ
اسيرة
اليتامه امچـلبه بيها
و حرس واگف عليها
عشيرة

تديره
بعد المـــــن نظــرها
اندفن عزها و خدرها
بحصيرة

عثرت جـفلت..وي ناگتـــــها.. و سچبَت دمعة
من الحــــادي..ســب اخوتها..بليـــــلة جمــعة
كل عَصر تنعصر

تشكيله
واگــــــف يمــــها
راس ابــــــن امها
من تنضام
ــــــــــــــــــــــــــــــــــــــــــــــــ
ابحبلها
يعــــــت بچفوفه واحد
اعله صدر حسين گاعد
قبلـــها

حملـها
تِفـَـــــــــــرهد بالأيادي
يضربوهــــــــا و تنادي
الكفلها

يمها ايتــــامه..كلها تصارخ..عمه و عمه
و راس الكافل.. ظل فوگاها..ينثــــر دمه
عالخدر منكسر

يحرســها
ابلا چفـــــينه
و تســهر عينه
من اتنام
ــــــــــــــــــــــــــــــــــــــــــــــــ
سبيــه
و گلبها ايداوي بيده
متن سكنه و حميده
و رقـــيه

أذيــــــه
المدامع تجري دمها
و يريت يصير اسمها
الزچية

وحي الدمعة ..فوگ الهَزلة..صـــام او صله
عْبــَـاية زينب..من ستر الله..و يحفظها الله
عالارض. تنحفظ

مكتـــــوبه
بالطــــف أيه
زينـــــب رايه
للاســــلام
ــــــــــــــــــــــــــــــــــــــــــــــــ
غريــــبة
مشت درب الحيارة
اميرة ابـــــلا امــارة
الحبيبة

نحـــيــبه
گلبها الكـــل تسمــعه
و لجلهــا السبعة تنعه
المصيبه

حيدر يمها.. يمشي اوياها..راجـــع رايح
كلـــما بيها.. تميل الناگة..يــوگع طايح

ايباريـــــها
ابدمه الحــــامي
و ظل ايحـــــامي
عالايـــتام
ــــــــــــــــــــــــــــــــــــــــــــــــ
هضـيمة
الحبل ملتف عليها
برجـــــلها و اباديها
ظليـــمة

اليـــــمة
ليالي اطـــــول تمـــشي
انسلب من عدها كلشي
العظيمة

من الــزهره..ورثـــــت زينب..دمـــعة و ونــة
نفس الوعه.. و نفس الحرگه..و نفــس الحَنة.
اتگاسمن بالمِحَن

بالعـــــاشر
شافن تـــــــالي
جسمه الغـــالي
كوم اسهام
ــــــــــــــــــــــــــــــــــــــــــــــــ
الحمدلله
#علي_حسين_الكناني

(طــور اهــوازي)
نعمه او اشكر النعمه... ما اعوفنهه هالخدمه.
ياناس اعله حب حسين... هاي الروح متعلمه.
=========@@@======1️⃣
متعلمه اعله حبه الروح... هاي الروح ماتگدر.
اتعوف حسين لا والله... شلون اتعوف ابو الأكبر.
خادم وافتخر ياناس... لبن الطاهره اوحيدر.
حاضر شِدّتي ابدنياي.... واليحضرني بالمحشر.
باقي اعله العهد للدوم.... ما انسه امامي بيوم.
عافيتي ابو السجاد... والهج للأبد بسّمه.
=========@@@=======2️⃣
وارث أنبياء الله.... والوارث فلا عفته.
ايحب الله اليحب حسين... يعني واجِبه امحبته.
ابگلبي اهموم  واتعناه... اوِيعرف شنهي سالفته.
ميضل الحِمل مطروح... لو بّيه انه كلفته.
بهل الخدمه ارفع الهامه... واخدم انه خدامه.
والمافارگت طرواه.... كون ابكل وكت يمه.
========@@@=======3️⃣
جنه ومن جنان الله... ابن المرتضى داره.
شلون اوما اخدمه شلون.... ثار الله وابن ثاره.
ادهور اويكتب التاريخ... كرس بالحچي افكاره.
كلهه اوذره ماموصوف.... سر واحد من اسراره.
بالعطشان سر الكون.... تاريخ اليوصفه شلون.
اوگطره مسگطت عالگاع... يوم الي نشر دمه.
=========@@@=======4️⃣
ذِله الخدمه والمعروف... ضل مذلول راعيهه.
بس خدمة ابو السجاد... اتشرف انه بيهه.
شما اتعب احس مرتاح... خدمه ابروحي شاريهه.
لازم بالتواضع دوم.... مو متعالي أگضيهه.
كلشي انطيهه ما اخجل... ابدفتر فاطمه امسجل.
واحزامي اشده ابزود... واخدم سيدي ابهمه.
=========@@@=======5️⃣
چاشنهو العمر لولاه.... هوه العمر مايسوه.
بيه من تمر صعبات.... انخه حسين واتگوه.
ايا سلوة العشاگ... بعد اروحيتي السلوه.
اهتفو وياي يالخدام... فدوه انروحله فدوه.
يبري العِله اويداوي.... مصباح الهُدى الضاوي.
اويتعذرني التعبير... لو عنه گلت چلمه
=========@@@=======6️⃣
من كربله اوطينتهه... اومخلوق انه بالعشره.
عن حب معتقد حبيت... والحب هذا عالفطره.
خادم والعهد موجود... ما انساه يالزهره.
الطم عالصدر والعين.... تبچي اوتهمل العبره.
عالداست اضلوعه الخيل... ابچي انه بنهار اوليل.
كون اوربي يقبلني.... من انصار ابو اليمه.

     للشــاعر✍️
ابو عبدالله الشمري

يارقيه


عـمـه زيـنـب حـاچي شـيـخ الـطـايـفـه
الــشــام ظـلـمـه وانـي كـلـش خـايـفـه

حـيـلـي وشّــل وأنـسـبـت عــافـيـتــي
عـــمــه سـلـبـوا راحـتـي وتــرچـيـتـي

                                        *---------------*---------------*

عـمـه اذانـي الـغـرب مــاخـلـه حـيـل
ذكـريات اتـمـر عـلـيـه وكـلـهـه خـيـل
الـنـهـار اظـلـم أحــسّــه وچـنــه لـيـل
الـشـام شيّبني وجرحني ويـلـي ويـل

اسـمـه يـرعـب گـلـبـي زيّـد خـوفـه
نـاسـه غـربـه أشْـوَه نـاس الـكـوفـه

الـــريـــاح الـبـيـْـه تــجــرح ريــتــي

                                        *---------------*---------------*

حـيـل يـكـفـي الـصـار بـيـه بالطفوف
اركـض ابّـيـن الـحـوافـر كـلـي خـوف
مـدري ويـن اركـض يـعـمـه ما اشوف
وحـدي خـلانـي زمـانـي ابـنـص ألوف

لـيـش احـسـهـه صـعـبـه هاي الليلـه
فـجـئـه جفني گـام دمـعـه ايـسيـلـه 

فـــــدوه گـلــيـلـي خــبــر وديــتــي

                                        *---------------*---------------*

آنـه طـفـلـه وشـيـبـت گـبـل المـشيـب
بـعـده جرح اسياطهم يـرفـض يطيب
هـمـه ذولـه الـخـلوا ابـروحـي النحيب
رسـمـوا ابـلـون الـدمـه منـظـر عجيب

صعبه أنـامـن خـلـي اضـلـن گاعــده
راحـه مـاكـو نـومـي مـا بـي فـايـده

صــارت الـلـيـلـه الـمـنـيّـه اُمـنـيـتـي

                                        *---------------*---------------*

والـلـه حـتـه اعيونـي مـا تـقـبـل تـنـام
نـظــرة اهـل الـشــام تـشـبـه لـلـسـهـام
كـل وجـه مـنـهـم يـذكـرنـي الــخــيـام
مـــدري لـيـش اوجوهُّم بـيـهـه الظـلام

مـن شـفـتـهـم دمـعـي وحـده اتـلاله
رحـمـه مـاكـو كـلـهـه نـفس الـحـالـه

أذّكــرت لــمــن ألـــــــي ركـضـيــتـي

                                        *---------------*---------------*

مـاتـت احـلامـي وبـعد عـمـري اشيفيد
ورجـعـت اجـروح السبي تـنـزف جديد
كـلـهـه فـرحـانـه الخلگ ومسويه عـيـد
وتـنـظـر اعليـه ابـحـقـد مـنـي اشتريـد

هـذا حـالـي المثلي شـلـه ابـروحـه
الـمـن ابـقـه مـن اضـل مـجـروحـه

آنـــه ادري لــحـالـتــي اتــأذيــتــي

                                        *---------------*---------------*

الچفن حضري المماتي وحضري ماي
اشـعـر الـمـوت اقـتـرب وايـامي هاي
عــمــه اريـدن والِـدي يـنـظــر گـفـاي
حـته اسـولـفـلـه أشكثـر ركضوا وراي

حلمي يحضر وانـظـر اعـلـه اعيونه
الـفـرگـه تـكتـل هـذا حـالـي ابـدونه

چـنـت اسـولـف لـلـزغـار ابـصـيـتـي

                                        *---------------*---------------*

✍خـادم رقـيـه ع
الشاعر رعد الجريخي

حسین عنده ابنیّه ثلث اسنینها
اتحبّه و ایحبهه و یموت العینها
___
حسین عنده ابنیّه من دون البنات
کون لیلیّه عله صدره تبات
عد رقیه حسین اغله من الحیات
حساب هوه حسین بس حسینها
_
طفله لاچن تارسه الدنیه امان
اتغطّی ابوهه لو بِرَد و اتفض حنان
تفرش امصلایته گبل الاذان
و تعدل التربه اله بایدینها
____
حسین ما یاکل الزاد ابدونهه
و اهیه هم نفس الطبع یدرونهه
تگعد و یَمّه تحط ماعونهه
وتجسم اشما عدها بینه و بینها
____
حسین ذایب بیهه و اباوصافهه
لحظه ما فارگ ابنیته و عافهه
ایشوف اُمّه فاطمه لو شافهه
یا حنین اعیونهه و تسکینهه
____
من یشوف اعیونهه ادموعه تصب
یذکر اعیون اُمّه و الموقف صعب
فرق واحد خلّه چَویه بل گلب
عین اُمّه حمره و امبّچینها
____
الباب من یندگ یفتّح لونهه
ترکض و یزهی الفرح بعیونهه
تدری دگة باب ابوهه اشلونهه
تعتنیله و حافیه رجلینهه
__
مرّه دگ الباب و صاح الهه و ندب
اتلگته و وَدّرت من عنده التعب
شافت اویا جایب اتراچی ذهب
اتگول دنیه من الفرح ناطینهه
____
رکضت و گعدت بحضنه و شبگته
و ضل یلبّسهه التراچی بحسرته
ایباوع الهه و هوّه تهمل دمعته
و اهیه تمسح دمعته ابچفینها
____
غدت تتفایض دمعته و تنسچب
حسبه عنده و خلته ینحب نَحِب
یدری باچر هل تراچی تنسلب
طفله و السلّاب...وینه و وینها
___
شلون ساعه شلون عصریة تره
حسين عل غبره و ضلوعه امکسّره
من بعید یشوف بته حایره
وین تشرد والعده امأسرینها
____
اهوه صح منذبح بس گلبه انهظم
من بعید ایشوف مسبیّه الحرم
ایصیح یا هل ناس ما عدکم رحم؟؟
بتی وین اویاکم امودّینها؟؟
____
مَرّه ترکض مَرّه توگع عل ارض
ابنیه ثلث اسنین مو مالت رکض
امخَلیه ایدیهه اعله اذنهه و تحتفظ
بلتراچی و ما لگت لیعینها
____
آه یا ویلی لحگهه الماله دین
و ملخ من عدهه تراچیها الثنین
ما دِرَه اویاها انملخ گلب الحسین
و دم اذنهه فاض من ایدینها
___
اللّی عنده ابنیه یعرف نعمته
کون یشبگهه و یشمهه ابحسرته
حسین مات و ما شبگها ابنیته
مشت و ابحسرة ابو امخلينها..

الاقل...حسین الساعي

سبيه .. زينـــب اول تــــالي
سبيه .. امــشـــي ياكــفـالي
سبيه .. الــــوادم اينــادوني
سبيه

*

جرح بيه الجرح .. كسر گلب الصبح
يمن فوگ الرمح .. تشــوف الي جره
العفــتها امــدللـه .. اطلعت من كربله
ســـنان وحرمله .. خــــذوها اميسره

ترس ماي
عكبك ياگمــر ظلمه تره اسماي
وزينـب عرفو الوادم ترس ماي
گالــــوا كافلچ زينب ترس ماي
لو لا رادو ايشمتون بيه

سبيه جيـفاً ابلا والي
سبيه امــشي ياكفالي
سبيه الوادم اينادوني
سبيه

*

صعب والله صعب .. اروح اويـــه الغرب
تـــره ياديره اطـب .. يســـمعوني حچـي
بـعلم مـدري حــلم .. امـــر وســط الزلم
بديه وجهي اضـم .. لمـــن يعله البـــچي

تلـَــون
اچفوفــــي بالحــبل خويه تلون
وألي اليتلون بالمصحف تلو ون
السوط بــــلون دم مــتني تلون
بيش اشگف وانه مشدود اديه


سبيه والشــمر يبرالي
سبيه امشــي ياكفالي
سبيه الوادم ينادوني
سبيه

*

صحت يا باالفضــل .. وبده يجر بالحبل
صرخ حادي الهـــزل .. كفـــيلچ عالــنهر
اذا عينـــي تصــب .. يخــــويه انظــرب
ويصيح الي يحب .. يشوف اخت الكمر

مــَينشاف
دمعـــي عليـك يالكافل مينشاف
وسهم شماتك بعيني ميه انشاف
طـولي الچـــان ياخويه مينشاف
شافو طولي واخذوني سبيه

سبيه زحمه خويه الغالي
سبيه امــــشي ياكـــفالي
سبيه الــوادم يــــنادوني
سبيه

*

بوكت ماكو امـان .. وشماته بكل مكان
صحت يابو الحنان .. تمنيــــتك تــــمر
عگـــب ذاك الــدلال .. بدي حطو حبال
صحت وينك تعـــال .. خـذوني للـيسر

صليت
تره خدودي بدمـع عيناي صليت
واثــــار الضــرب بالسوط صـلت
على الناگه جـلوس اليوم صليت
يخويه وسبحتي ادموعي الجريه

سبيه والمـــرد دلالي
سبيه امشـــي ياكفالي
سبيه الوادم ينادوني
سبيه
*

يمينك من عـفـت .. على الغبره شفت
على اختك تلتفت .. عيـون ابلا خجل
احس كل نظره الم .. مثل رمية سهم
ولا بــــيهم رحــــم .. وانه طولي ذبل

مر يعباس
حاديهم على اخــتك مر يعباس
بسوگ وبــي شــماته مر يعباس
السبي شگد ما اگلك مر يعباس
اضن امرورته تذبح رقيه

سبيه تهـدمت امالي
سبيه امشي ياكفالي
سبيه الوادم ينادوني
سبيه

*
الشماته تصيح الي .. يزينب بت علي
بعــــد ماكـــو ولي .. علـــيه تـدللــين
اباوع عالجـــمع .. وتهل عيني الدمع
صعب حيل الوضع ..علـيه امجمعين

ها وين
مصاب الســبي كل مـــصاب ها ون
واحس بضلوعي يطحن گام ها ون
الشامـــــــت لو سأل عباس ها وين
قصده ايضحك الوادم عليه

سبيه وضعني منك خالي
سبيه امــــــــشي ياكفالي
سبيه الوادم ينــــــادوني
سبيه
*
حيدر تركي الكربلائي

تعالي يـ ام حسن يمُه تعالي
شسوه الشام بيه شوفي حالي
****
ديره الشام بس مو خوش ديره
ناس اتعيل ناس ابلايه غيره
تستهضمه حتى المو اميره
وانه ام الخدر طبيته اسيره

دخلته وانه بچفوفي حبالي
شسوه الشام بيه شوفي حالي

**
دخلته وانه ضعن ايتام وياي
وايبشر الرايح صار بالجاي
والتمت علينه الوادم اهواي
الم روحي وطبگت بصدري مگفاي

بهاي الگاع مالايگ خيالي
شسوه الشام بيه شوفي حالي
****
مشينه امچتفات ابين البيوت
منه ما طلع  لا نفسَ لاصوت
مجبوره امشي  گوه وگلبي مفتوت
وحسيت بهضم مايخلص بموت

وعباس برمح صاير اگبالي
شسوه الشام بيه شوفي حالي

***
بنص الديره  يمُه من مشينه
كلمن فتح بابه يصد علينه
وضل ايصيح حداّي الضعينه
هذا ضعن حيدر جايبينه

اليطلب ثار  من حيدر اجالي
شسوه الشام بيه شوفي حالي
*
اباب السوگ يا يمُه وگفنه
ومحد يغض شوف عيونه عنه
نلم ارواحنه  ونستر خدرنا
اهتزت غيره الارماح بزلمنه

وگفنه بسوگ من الحشمه خالي
شسوه الشام بيه شوفي حالي

***
اضم روحي اضم يمُه النساوين
واحنه الناس صارت يمنه صوبين
اهل الشام عدهم صار عيدين
هم اسبايه  هم عيال ابو حسين

تولونه شتم انه وعيالي
شسوه الشام بيه شوفي حالي
**

علي الربيعي

ميمر للامام السجاد عليه السلام



ويـــلاه يـــا گلـب السجاد
مستعــره ظلت نـــاره

*

لــو ردت أوصــف محنتــه وآلامــه
بيش ابتدي بجــروحه لـو بسهامــه
ابطف كربلــه لــو بالسبي وأيـامــه
كله جرح گبل الذبح
لو احچي ما يوفي الشرح
جــــرح البگلب السجاد
مـــا تنمحـــي أثــــاره

*

ابطف كربله ابـدي وأعــد أجروحه
چــم مـره عالغبـره يشــاهد روحـه
فـوگ التــرب انصار اله مذبــوحه
بعابس كبّر بگلبه الأثر
وجون وبرير أضحو وذر
ومن وگع شيخ الأنصار
بحسره نعّــه أنصــــاره

*

جرحــه نــزف للأكبــر وطعناتــه
وابن الحسن زيّــد عليـــه آهاتـه
من شاهد حسين ونظـــر دمعاته
بگلبه سهم عِلٍّه وألم
وچم بدر عالغبره انخذم
وينظر لبو اليمه يلوع
وبگلبــه تسعــر نـــاره

*

ولمّن سمــع عمّه الگمر عالغبره
وي والـــده السجــاد لازم ظهـره
بحيــره يشاهـــد عمّتــه منتظـره
صوب النهر تربي النظر
محتاره ما رد الگمر
منه رجع محني حسين
وعيــونه دم تتجــاره

*

لمّــن سمع نــار الضمه مشتعله
بگلب الطفل لا دمــع حتى يهلـه
بچفوف أبوه ويرتوي من النبله
گلبه انفجع نحره انگطع
ومثل الطفل هوه أنصرع
چم مره مـر بيه الموت
ضامــي أوِرد أنهـــــاره

*

ومن ودّعه حسين وبـرز للعسكــر
وفوگ الرمح ينظرله دامي المنحر
نــاده لوَّن جسمــي يبويــه اتــوذر
وفوگ الارض شاهد ترض
خيل العده صدر الفرض
نــاده يريت أعلى الگاع
جسمي صفــت اكتــــاره

*

شاهــد خيّــم بعـــد الذبـح مستعره
وشاهد حرم مچتوفه كلها وأسـره
أهنــاه علي السجاد مــات بحسره
حسرة الم لجل الحرم
لمن وگــع راعي العلم
ما چانــت ابدن عالبال
تظل الحــرم محتـــاره

*

نــــار السبــي مــا تنطفــي أبدلالــه
بقصر الرجس شاهد ابحسره أعياله
بعينـــه يشـاهـــد منشـــرح چتــالــه
انوبــه نَظر ذاك الثَغَر
من الخيزرانه أعليه اثَـر
ويضحك وفرحان أيزيد
ينظــر دمـــاه اتجـــاره


*

آه السبي يــا محنتــه ويــا هضمه
كـــل المصـــايب بالسبـــي ملتمـه
مــن الخرابــه جرحـه ينزف دمّه
بصوت الحزنْ طفله توّن
تغفه تريد ألها بحظن
كله دفــو بس يا حيف
مــاتت ابشوگ إخبـاره

*
الشاعر
موسى البديري

الامام السجاد بعد لقاءه بجابر ابن عبدالله الانصاري يشرح ما رأى من مآسي الطف


آه يـــا جــابــر تنــاشــد عـالجـــره
منين اسـولف والله روحي مّحيره

*

منين أبـديلك واسولف يــا مصـاب
مــن مصــايـب كــربلــه دلالـي ذاب
عن أبــوي حسين لــو عــن الشـباب
اجســوم ظلت مــن دمـاهـا أمعفره


*

أرد اسولفلك علــى حسين شسده
بعــد ذبحـه داستـه أخيـول العـده
وجثتــه ظلت عالـرمـال أمــوسده
بعــد مــــا گطعــت أميــه منحــره

*

آه يــا جابــر بعــد عيني شتشـوف
عالشريعه الگمر مگطــوع الچفوف
قِبلِــه صــايــر للنــبال وللسيـــوف
وجثتــه عالشــاطــي بگت متوذره

*

أهنــا يجابر طـاح الأكبــر عالتـراب
وجاسم ابكتره دماه أصبح خضاب
يا مصــاب الطفل مـا مثلـه مصاب
آه يــــا نبلـــة ضــمـــاه امـــوجــره

*

آه يـــا جــابــر شسـولــف يــا الــم
يــوم شــبت نـارهم وسـط الخـّيم
عمي بالطف هجتْ أطفـال وحـرم
وين تشرد والطفـــوف أمحـاصـره

*

آه يــا سهـم ألــي صـوّب مهجتّـي
يمْ يــزيــد بحسره وگفـت عمّــتي
شلــون يــا جــابـر أبطـل دمعـتّـي
وگلب زينــب نــار تلهــب مسعـره

*
آه يــا شــام الشمــاتــه وحسـرتّــه
تبقى حــد المــوت تسعــر جمـرتّـه
يا مصاب احچيه روحـي الشافـتّه
عن رقيه أمصــاب مــا مثلـه جـره

*

آه يــا جابــر جمــر مــا أظـن يهيد
روس فوگ أرمـاح وبأيدي الحديد
ابتشر يـا وسفـه وشمّت بينـا يزيد
تبقى جمـــراتـي لحّــدْ الاخــــره

*
الشاعر
موسى البديري

((يمخوف العياله))


يـا عـبـاس يــمـخـوف الــعـيـالــه
بـعيـونـك اريـد اتـشـاهـد الـحـالـه

                                        *---------------*---------------*

راسـك بـالـرمـح والـكـل يـهـابونـه
ومـدنـگـه الـزلـم مـا صدّت عيونـه
لاچـن بـيـرغـك يـمـي ويـلـفّـونــه

هـزاه الـلـعـيـن ابـيـمـنـتـه وشـالـه

                                       *---------------*---------------*

خـويـه امـچـتـفـه والشام طـبـيـتـه
السـوگ الـيـوم والـديـوان طـريـتـه
مكسوره وجبــرنـي زودك ابصـيـتـه

عـدوانـك ابـد مـا نـكـرت افـعـالـه

                                        *---------------*---------------*

اشـلـون الـگـبــر حـالـيـلـك اتـرابــه
گلـتلـهـم اخـوي اطـلابـتـه اطـلابـه
اذآنـي حـچـيـهـم والـگـلـب صـابـه

كـلـمـات الـشـمـاتـه اسـهـام چـتـالـه

                                       *---------------*---------------*

اجـيـتـك اشتكي والروح ملچومـه
مهضومه ابغيابك حـيـل مهضومـه
عـبـاس اشعجب تـحـلالـك النومـه

اجـيـت ودمـعـتـي بـالـعيـن همّاله

                                        *---------------*---------------*

الـمـثـلـك اخـو مـا يـرحـم افـراگــه
فـارگـتـه ودمعتي ابـعيـني حـرّاگـه
مو حـلـوه بـدونـك صعـده الـنـاگـه

مـا صـدگ اخـوي الـنـوم يـحـلالـه

                                        *---------------*---------------*

صوبني الـدهـر ما رحمت اسهـامـه
اسـولـفـلـك اريــد الــشــام وآ لآمـه
مشتاكه واجيت ابـروح مـحـتـامـه

شيصبره الـچـثـيـره اجـروح دلالـه

                                        *---------------*---------------*

اخـبـرنـك يـخـويـه وتصعب اعـليـه
خلصت سـفـرتـي ورديـت مـسـبـيـه
اذكـرك والـدمـوع اتـسـيـل يـومـيــه

عـايـف مـحـمـلـي يالـچـنـت تـبـرالـه

                                        *---------------*---------------*

✍خادم فخر المخدرات
الشاعر رعـد الـجـريـخـي

هاي حچايه ،، طف وحدهه
يا شدتهه ،، يا حيرتهه
خرجت زينب

-----------------------------------------

عمت عينچ يدنيا الما نصفتيهه
ذبحتي اخوانهه ومحتاره عفتيهه
زينب بت علي بالعاشر بيا حال
هل وحدهه ومغربين اهاليهه

من حرگ خيام ،، ودموع ايتام
كلشي بهالگاع ،، آه والآم

فوگ التله ،، يا بلوتهه
ياهو العدهه ،، يا حيرتهه
خرجت زينب

---------------------------------------

هدو علخيم وام عون محتاره
بعد موت الكفيل الدنيا دواره
ركضت بالبراري وعلتراب اخوان
طلعت للحسين البيهه الف شاره

اخت العباس ،، طلعت يا ناس
مذبوح حسين ،، مرفوع الراس

تالي وتالي ،، موتى اخوتهه
ياهو ايردهه ،، يا حيرتهه
خرجت زينب

--------------------------------------

طلعت والمصيبه السوط لاحگهه
تحامي ايتامهه وهالنار تحرگهه
تحاول ما يلوح السوط بنت حسين
تشگف عن رقيه وشامت يطگهه

هل وليه شلون ،، مخنوگه ام عون
كلهم علگاع ،، صعبه يگعدون

وين الكافل ،، دمعه بخدهه
لا متهدهه ،، يا حيرتهه
خرجت زينب

---------------------------------------


طلعت والنهار اتغطى بترابه
لا تنشاف زينب اخ يا يابه
گوم امن الترب عباس شيل لواك
هاي اعله الهواشم اكبر طلابه

مو ياهي الچان ،،، رادت خوان
كلهم ميتين ،،، فوگ التربان

سوط الشامت ،، حيل يعتهه
ظل يبعدهه ،، يا حيرتهه
خرجت زينب

-------------------------------------

غم ذاك الزمان الدارت ايامه
يصعدن علهزل وتراب علهامه
حسين اعله الترب ويزيد صاير شيخ
وزينب بت علي بالشام گدامه


يا دنيا الموت ،،، ماريدن صوت
دوريلي بساع ،،، بالطف تابوت

عيني احتارت ،، شيسكتهه
شيهودهه ،،، يا حيرتهه
خرجت زينب


كلمات الخادم / رعد الفريجي
18 / محرم الحرام / 1447
ثوابها الى روح والدتي

للسبي
.
.
.

يكون عيوني معميات
ولا شـــافن العـلـويات
مســبيات         مســبيات
 
***
يـــوم امــن الأيـام بوكت ظــهريه
الحچي في واحد وستين هجـريه
شفت لمـت عبي بس عبي مسبيه
مـــبين ظـعن ســـاده ميه بالــميه
 
اسألت هاي السبايه منين
گالـولي نســــاء حســـين
مگيودات    مـــسبيات
 
***

النوگ الشايلات النـسوه نوگ اهزال
وين العــرجه والمـــيريدها الجــمال
فوگــاهـن خذو وســـفه نــساء الال
لا حـــمـــاي ويــــاهــن ولا كـــــفال
 
الضعن چي ماكو بيه اخوه
لاحـــــــولـــه ولا قــــــــوه
بنص شمات    مــســـبيات
 
***

صـحره وحاره وبيهـا الــهوه يلهب
الزلم الخشنه من هذا الدرب تتعب
وزينـــب اخ يالــوعة گــــلب زينب
فوگ متونهــا سوط الشـمر يلــعب
 
منو يفزع يحامـــيها
عكب اچفوف واليها
مگطوعات    مســـبيات
***
 
ال الله ظــعنهم ناظري يشـــــوفه
العجيبه الظعن كله مگيده چفـوفه
التعثر ناگته ويــطيح مـن خـــوفه
مايوگفله يــمشي الحـادي ويعوفه
 
الوگعو مايتـــانيــهم
مابي رحمه حـاديهم
والصرخات    مســـبيات

 
***

ظعن بي رايه كلها تهـابه الولايه
بظعـــنهم لاكفـــيل ولا اكـو رايه
وتتفرج عـــليها الرايحــه الجايه
نساء حسين راحت للسبي بهايه
 
هناك وبركـــوها النـــوگ
من صاحو بنـص السوگ
مفجوعات     مســبيات
***
حيدر تركي الكربلائي
 

.         تـطـب اشـلـون زيـنـب لـلـدواويـن
          تـطـب اشـلـون زيـنـب لـلـدواويـن

                              *---------------*---------------*

          مــن جــرح الـزمـن ضـلـت تـجـر ونـه
          عـگب عبـاس اخوهه أنگطعت الضنـه
          صـبـح خـدهـه نـهـر ودمـوع حـفـرنـه

          مـالـومـچ بــعــد يـا دمـعـه تـجـريـن

                              *---------------*---------------*

          دولاب الـوگـت يـفـتـر عگـس بـيـهـه
          تـالـي الشـيـب فـگـدت كـل أهـاليـهـه
          راح الچـان طـولـه ايـضـلـل اعـليـهـه

          ضـلـت بـالـمنـاحـه وتـهـمـل الـعـيـن

                              *---------------*---------------*

          بـنـت اشـيـوخ زيـنـب زيـن مـعـروفـه
          عمت عين الـوگـت خلاهه مـچـتـوفـه
          وطول ام عون صعبه الشامت ايشوفه

          غـيــر الـنــوح مـايـحـلـه يـطـيـبـيـن

                              *---------------*---------------*

          حيـف اهـل الشيـم خلـوهـه مـحـتـاره
          وجـاهـه الـشـام كـلـه اكـبـاره وزغـاره
          اشـگـد يحـمـل گلبهه الـمـاطـفـت نـاره

          عـليـهـه أجـمّـعـت هالـنـاس صـوبـيـن

                              *---------------*---------------*

          بنص الـسـوگ وكـفـت زيـنـب الحـره
          بـت حامي الـدخيـل وفاطمه الـزهـره
          عـالـبـاب الـقـصـر ياحـيـف مـنـتـظـره

          بأصعب حـال شـافـتـهـه الـسـلاطـيـن

                              *---------------*---------------*

          هـاي الـچـان مـحـد يـنـظـر الضلـهـه
          امــيـره ام الـخـدر عـبـاس كـافـلـهـه
          على الديوان وسـفـه أيـزيـد دخلـهـه

          يـنـاشـدهـه اخـوتـچ والـگـمـر ويـن

                              *---------------*---------------*

✍خـادم زيـنـب ع
الشاعر رعد الجريخي

(شور)


يا مآيله يا مآيله   يا مآيله الدنيا اويه زينب

*------------------------*-------------------*

مالت الدنيا اويه زينب يوم حاديهه حده
تمشي وبناگه هزيله عـرجـه مابين العده
زينب اتلاهب گلبهه والهظم بيهه ابـتـده
ساعت الشافت رقيه چنهه ورده امگيده

ماصايره ماصاير   ماصايره شافت عَجب

*------------------------*-----------------*

اتحمّلت ظيم البراري وطبت الشام بحزنهه
تسمع بكلمت سبيه الوادم ايـگولـون عـنهـه
تنظر اعليهه الشماته وتستر الـحـره بردنهه
تنهظم زينب يشاهد واحـد الدمعه بجفنهه

بعيونهه بعيونهه    بعيونهه تحمل عَتب

*----------------------*------------------*

محد اليعرف قدرهه وجهلوا بجَدهه القرابه
بالحبل مشدوده اديهه وباتت بذيچ الخرابه
فوگ حيرتهه وسبيهه الغرب اصعب مصابه
والأشد تسمع رقيه بالدموع اتـصيـح بـابـه

مهظومه مهظومه   مهظومه من التعب

*--------------------------*-----------------*

للقصر ياحاله طبت وگالوا اعليهه السبيه
مخدرت عباس هايه توكف بديوان اميه
صعبه ويردد اسمهه ابن مرجانه وسُميّه
حيره ماصارت مثلهه أتمنت اهناك المنيه

شتموهه شتموهه   شتموهه ابلا سبب

*----------------------*----------------*

حـتـه موتتهه يـوادم صارت ابعيده وغريبه
عذباهه الشام حقده وماتت بعِظم المصيبه
دنيا مارحمت غربهه هاي مـو دنيا عـجيـبـه
ألهه منذوره المدامع والمحب باقـي بنحيبه

بجروحه بجروحه   بجروحه گلبه التهب

*-----------------------*------------------*

✍خادم زينب ع
الشاعر رعد الجريخي

(شلون الحال)


شـلـون الـحـال زيـنـب يـخـت الحسين

                                     *---------------*---------------*

ادري الــشــام مـا لــچ بـيـهــه عـوانــه
مــدري شـلـون گـلبـچ حـامـل احـزانـه
يـخــت حـسـيـن والـلـه الدنيا خَــوانـه

مــن راح الـخـدر صـــرتـــي بـدواويـن

                                     *---------------*---------------*

كـلهـه الناس غـربـه وغيـره مـعـدومـه
زيـن وضـل صـبـر عـنـدچ يمـظـلـومـه
مـالـومـه الـدمـع مـن يـجـري مـالـومـه

مـوتــچ يـــم أخـوتـــچ ادري تـــرديــن

                                     *---------------*---------------*

الشامـت مـن نشد عـن حالـچ شـلـونـه
وشـافـچ بالسبي وهـدمـچ گـلب لـونـه
يـزيـنب هـاي كـلـفـه وانتي مـصـيـونـه

يـبـت حـامــي الـحــمــه ومشيّد الـدين

                                     *---------------*---------------*

وسفـه النـاس كـلـهـه اعـليـچ مـلـتـمـه
وتـنـشـاف الـمـره عـنـد العـرب زحـمـه
سـبــيـه أم الـخـدر يـا مصعب الـكلـمـه

حملتي اشــگـد حچي عـگـب الميامين

                                     *---------------*---------------*

طبيـتي الـقـصــر والـبـي زلــم كـلـهـه
بـصـعـب حــال حــره وراح كـافـلـهـه
الـمـثـلـچ كــون واحـد مـايـصـد ألـهـه

حـيـف اعــلـــه الــزلــم مجلس تطبين

                                     *---------------*---------------*

يـربـات الـخـدر تــالـي الــخــدر هـايــه
كــفـيلـچ حـيـف  راح وراحـت الــرايـه
عليچ اشگد ثكيله وصـعبـه الـحـچـايـه

صـعـبـه شلون شامت مـن تــسـمـعـيـن

                                     *---------------*---------------*

✍خـادم زينب ع
الشاعر رعد الجريخي

شوط كربلائي
زينب لليسر طلعت ... متكيده بحبال الشر
عالهزل بلا هودج .. واعليهه الزلم تفتر

.....1....
زينب بالدمع طلعت ... وي ذباح اهاليها
متعوبه وتجر حسره.. من ضيم السده اعليها
تتلفت يمين ايسار ... هلبت أخو ايمر بيهه

ما واحد بقى الزينب
حسين اعله الثره مسلب
وجف الكافل مترب

لا رايه البقت لاجود ... والعيله انسبت بالبر




........2
مصبوغه برماد الخيم ... طلعت تهمل العبره
كالساعه وتدير العين .... لحسين ويفز نحره
اه يا عازت الخوان .... جابتها الدرب تقره

وين انطي الوجه لا وين
ماتو كل هلي الطيبين
صوبني بسهامه البين
اه يا غربتج زينب ... صيحت فاطمه وحيدر
..........3
مشوها بكتر عباس .... والشمِّاته ملتمه
شافت ماكو عنده جفوف .. وبعينه جمد دمه
صاحت ياكمر عدنان ... يالكلك وفه وهمه

اكعد عاين الوضعي
ياهو اليمسح بدمعي
عليكم خويه اضل انعي
ومشيِ اويه الغرب ياذيك ... منك خوية اتعذر
...........4
عالهزل خذوهه ونار ... تسعر بالكلب ظلت
جابتها الطريق اتنوح ... ومن دمعتها ما ملت
لأن اخوتها والاحباب ... غصبن عالترب خلت

عافتهم على التربان
دمهم تارس الميدان
وحسين انذبح عطشان
شافت جم جرح مفتوح ... ما يتخيط ويكبر
............5
روس اخوتها فوك ارماح ... والذابحهم اتشوفه
يتبختر عليها يصيح ... زينب هايه مجتوفه
وضحكات الشماته بصوت ... عالعباس واجفوفه

للكوفه ادخلت بحبال
اوياهه الحرم والاطفال
والحاديهم الجتال
كلشي اتغير ابزينب ... بعد حسين والاكبر

...........6
بحبال اليسر للشام ... طبت والفرح قائم
جن عدهم عرس يا حيف ... ماجن منذبح قاسم
امزينين المدينه اورود ... وكلها امعيّده الوادم

صفكات وغنه وشموع
ودك اطبولهم مسموع
ماهمهم كسر الاضلوع

لا همهم أمر زينب ... والايتام الحركهه الحر

....
كلمات ✍️ موسى الخادم

(( #السيدة_الكريمه ))   شريفه
…………………………………………………………

مثل ابوها المضياف صارت كريمه

…………………………………………………………


عُجبه ال الحسن عُجبه افتخر بيهم هاشم
ماتوا و لاچن كرمهم عدِل بين الوادم
شجره عملاقه او وراها صُبح ضايع حاتم
نهر ابو محمد تفرّع للشريفه و جاسم

آل ابو محمد غير .. عزبوا حتى الطير

ابنيه عدهم بالجود كلش عظيمه

……………………………………………………………


لو دخلت الحله تلگه بيها الف أكتابه
من هنا مرقد شريفه المايسد ابوابه
مرقد الحاجات وكفت سره يم اعتابه
موش گبه البيها هايه امن الله الها اعصابه

هذا الج هالتكريم .. راسج ابعلو الغيم

صارت ام الهل ناس بيهم رحيمه

……………………………………………………………


الله ميجامله واحد ينطي لليستاهل
ابدال ذيج الخيمه هسه ذهب صاعد نازل
صارن اجبال المناير بدل متن المايل
گبل هيمه و صحن هسه اشكثر وادم شايل

بدل عن شوچ انداس .. هسه مرمر ينباس

اتسلّم اعليها الناس عگب الشتيمه

……………………………………………………………


لان ماتت من مرضها اعل الهزل مقهوره
الله جازاها و جعلها الكل مرض دكتوره
عِلگ وصفتها ويخلي كل نفس مسروره
القطع عالحيطان كتبت بت حسن مشكوره

كل مريض الزاراچ .. يشفه يم الشبّاچ

ويه طيح الدمعات ما يبقه ضيمه

……………………………………………………………


اثلاثه علويات ماتن من دمه نبچيهن
ازغار واسياط العساكر طبعت اعل اعبيهن
والاحبال اشطوط سوّت تحفر إبإيديهن
شمس طول اليوم تحرگ ماكو ضل اعليهن

بت حسن يا ويلاه .. الـ خوله الف آه و آه

ارقيه قصة آهات كلش أليمه

……………………………………………………………


نكول للينكر گبرها روح يمها و شاهد
راح تشعر وسط جنه عل الآرائك گاعد
امن المناره السمه السبعه نور ابيض صاعد
هناك تلگه آلاف يمها مو اثنين او واحد

وازدحام الزوار .. على ابنيت الكرار

و الوصل للشباچ اكبر غنيمه

……………………………………………………………
✍️ ( سيد خضر الزاملي )

(( #الشهيدة_شريفه ))
…………………………………………………………

وصلوا الخبر للما سد مضيفه
شهيده اعل الهزل ماتت شريفه
مرض نحّل بدنها .و ابو الباقر دفنها
شريفه . شريفه

………………………………………………………….

يحبها حسين حب الطير للغبشه
طير الحسن وحسين البنه عشه
ما قـبلت تظـل و اطلعت للممشه
حتى اتعين زينـب ليلة الوحشه

صح بيها المرض بس ما يهمها
تمشي المهم وي حسين عمها
هوه اعليها وحضنها . و ابو الباقر دفنها
شريفه . شريفه
…………………………………………………………

مـريضه ومـا تفارگ حضـن عمتها
تشم عطر الحسن بأطراف شيلتها
تخـاف السـوط و تلـوذ ابـعبايـتها
مثل زينب امحدبه الظهر مشيتها

من كثر الهضم تعبت شريفه
من جوع و عطش صارت نحيفه
ابدمع فايض جفنها . و ابو الباقر دفنها
شريفه . شريفه
……………………………………………………………

حـلم عايشتـه مـا تقـبل تفز منه
اخوها امعرس وبجفوفها الحنه
رمـله اتهلـهل و تنـثر ورد سكنه
هـلاهـل جـاسـم اتبدلت للـونّه

اليثرب بالوجه دارت لبوها
تخبره ابذبحة القاسم اخوها
اله اتسولف حزنها . و ابو الباقر دفنها
شريفه . شريفه

……………………………………………………………

الركض معروف رايد حـيل و بهمّه
بس صعبه المريض ايحرك ابجدمه
اسياط وعل الشريفه ابضرب ملتمه
الحگيني اجـتـني  الخـيل يا عـمه

عمه ام عون فزعي ابعجل ليّه
شلّو بالضرب متني و أديّه
بقه آثار ابمتنها . و ابو الباقر دفنها
شريفه . شريفه

……………………………………………………………

بت الشـيخ مسـبيه ابحبل راحت
عـلى ناگة رقـيه اومـت و صاحت
تحبها اهواي يمـها اعل لابو ناحت
طاحت دمعتي الترچيتج الطاحت

انا ادري وتره گبلج يخيتي
على اضهور الهزّل تصبح منيتي
اطيحن ميته منها . و ابو الباقر دفنها
شريفه . شريفه 
……………………………………………………………

كريمه اتربت اعل لهاون و دله
شريفه وصار زايرها شرف كله
هـله وميت هله يلجايني اتگله
اطيـبنك لوَن عـنـدك الـف عله

انثر ورد  للگاصـد بنيتي
عالباب وإلك توصل عِطيتي
ابكرم ورثت حسنها . و ابو الباقر دفنها
شريفه . شريفه
……………………………………………………………
✍️ ( سيد خضر الزاملي )