نزله للاكبر ع…… عن لسان جيوش الاعداء


دُهش القادات حينا ،،،، طلعَ البــدرُ علينا
               چنه حيدر من حمل
       ـــــــــــــــــ ❁ ❁ ❁ ــــــــــــــــــ

ناده ابن جوشن بخوف الوسعه ضاگت بينه
طلــع البـــدر علينا مــن خيــام حســــــــينه
رايــــته اترف ابيمــينه وعاگدتهه اسكيــــنه
ما يرد لحســـــــين خــالي حالف يصفيــــنه

    بِـمُلاقاه انثنينا ،،،، طلعَ البدرُ علينا
              چنه حيدر من حمل
   ـــــــــــــــــ ❁ ❁ ❁ ــــــــــــــــــ

ماكو بيــهم زلمه حـوك اليوصــله ويـدناله
الجيش فر اگبال وجهه ايخاف من اخياله
اشـجع الفتيـــان بالطـف قله مــن امثــاله
چنــه حيــــدر مـن يقــاتل ضربته چتــاله

   وإلى البرِ إلتجينا ،،، طلعَ البدرُ علينا
              چنه حيدر من حمل
     ـــــــــــــــــ ❁ ❁ ❁ ــــــــــــــــــ

طلع غاضب والمنيه انشوفهه بصمصامه
گطع الروس ابســـاله وداسهن بجـــدامه
بكر ابن غانم تجـــندل ما صمد گـــدامه
گطــع راســـه ورد لبوه بزود رافـع هامه

صوتُـهُ نادَ حسينا ،،، طلعَ البدرُ علينا
            چنه حيدر من حمل
    ـــــــــــــــــ ❁ ❁ ❁ ــــــــــــــــــ

موش الاكبر موت احمــر گامو ايســمونه
المايلوحه السيف. مات ابخزه من اعيونه
هــذا تربات الهواشـــم عجــزو ايلاگــونه
حساب ذل فقار سيــفه گامو ايحســبونه

ومعَ الموتِ إلتقينا ،،،، طلعَ البدرُ علينا
              چنه حيدر من حمل
     ـــــــــــــــــ ❁ ❁ ❁ ــــــــــــــــــ

كون عند حسين مثله ثلاثه چاصار العجب
واللـه چا خســفو الگاع ونارهـم تلهب لهب
عمهـم العبـاس كـون اوياهـم ايهد ابغضـب
ينصدم وتصيبه دهشه الراوي لوعنهم كتب

    عجباً منهُ رأينا ،،،، طلعَ البدرُ علينا
            چنه حيدر من حمل
   ـــــــــــــــــ ❁ ❁ ❁ ــــــــــــــــــ

        الخادم
✍كامل السعيدي

قصيدة علي الاكبر ع

طلع يوسف كربله ـ امن الخيم للحومه
كلّه غِيره ومرجله ـ وحان بالطّف يومه
°°°°°°°°°°°°°°°°°°°°°°°°

هاشمي وعالحق ثباته وسيفه يعدل لو شطر
كربله شــاهد عَيـَــانه ترك بيها اروع صـــور
تحت امره الموت صـــار وكلمن ايشوفه انبهر
ضاگت الوسعه عليهم مايصــــح درب المفر

صوته شِبه الزلزله  ـ  وياحـــــلاة اعلومه
كله غيره ومرجله  ـ  وحان بالطف يومه
°°°°°°°°°°°°°°°°°°°°

ســـــيفه ابابيل وعليهم چنه سجيل ونزل
دخنت ســوح المنايه لعلي الاكبر من حمل
ذكّر اشــــــباه الرجال بعلي ومعركة الجمل
كل مخطط فشل عــدهم لمن اعليهم زعل

مـــات كلمن قاتَـلَه  ـ  وذل يزيــــد وگومه
كله غيـره ومرجله  ـ  وحان بالطف يومه
°°°°°°°°°°°°°°°°°°°°

غُبْره صارت بالمعاره حين هب چن عاصفه
ونجَلَت لنّه ايتبــــــــــختر والرجال امچتفه
من هتف هل من مبـــارز بكر عن عينه اختفه
خاف من شاهد جثثهم حدر جدمه امخالفه

الگابله اليوم ابتله  ـ  روحــه تبقه تلومه
كله غيره ومرجله  ـ  وحان بالطف يومه
°°°°°°°°°°°°°°°°°°°°
سطّر اعجوبه بمشيته وجْهه شمس الله وضوت
زمهرت عينه عليهم حـــــــدره گاع الله انطـوت
والجيــــوش الگابلها اندهشـــت وعــنه انزوت
روج يردم روج دمــــهم كربـله بيـــــــه ارتوت

بيرغه ابچـفه عِلَه  ـ  ومايهاب اخصومه
كله غيره ومرجله  ـ  وحان بالطف يومه
°°°°°°°°°°°°°°°°°°°°°

ابد ميهاب المنايه ويطــــــبگ العشره سوه
اضطراب وقلق مرهم ضــجه صارت نينوه
علي براسه اومن يقاتل يفني ابن غانم نوه
ونطلق مثل الشراره السلِم من سيفه انجوه

نينوى صـارت اله  ـ  والحـرب محسومه
كله غيره ومرجله  ـ  وحان بالطف يومه
°°°°°°°°°°°°°°°°°°

✍الخادم
كامل السعيدي

مايمي اخوتي وهلي ياوحشة الليل
حال اليتامه صعب ويهدم الحـيـل
    يهل الحميه      تنشد رقيه
            ياوحشة الليل

اجـت يـمي رقيه وتنشد بدمعات
يعمه ويـن هـاي الليله ابـوي يبات
على حسرات روحي چملت حسرات
تعرف مات بس مجبوره تنخه المات
گـتلها نامـي وتـگلي نـومتـي وين
ليليه متعوده انام بحضن الحسين
  وعينه عليه       تنشد رقيه
          ياوحشة الليل

تگـلي ويـن ابـوي الغـالي ياعـمـه
اول لـيـلـه انـامـن وانـه مـو يـمه
شگللها وصـرت لچـمه بأثر لچمه
بوها الخيل بالطف طشرت جيمه
وياها شحچي وشگولن گلبي حيران
وحسين ابوها صـفـه للخـيـل ميدان
     الخيل ال اميه    تنشد رقيه
              ياوحشة الليل

گضيت الليل دمعه وهاد حيلي ابچاي
وتگلي نروح للحومه امشي عمه وياي
ناخـذ مـاي ابـوي حـسيـن يطلب ماي
صـعبـه منين اجـيـبن حـل يـروح لهاي
  هـو انا گـلي حـزن مـا عـايزه احزان
عطشانه هيه وتگول حسين عطشان
    نمشي سويه     تنشد رقيه
           ياوحشة الليل

وحشه الليله وحشه وزينب ابيا حال
  مـوقـفـها صـعب مـو كلمت الـتـنگال
والاصـعـب عـلـيـهـا والـتـهــد اجـبـال
هالـلـيـلـه الـحـرس لأخـوانـهـا چـتـال
خلصو  اهلها وبقت ومحمله اجـراح
واللـيـلـه بين العده راح الامـل راح
    باچر سبيه      تنشد رقيه
            ياوحشة الليل

من هسه الـهـزل حـضروا حـاديـها
تـدير الـعـيـن زيـنـب ويـن اهـاليها
تـريـد احـچايه وي حسين تحچيها
وتـگـله ابنيتك سـلبوا وتـراچيـها
ياهو الاحشمه حرت ما عندنه طلاب
جره وتراچيها والدم مروى الاحجاب
وشنهي البديه    تنشد رقيه
            ياوحشة الليل

باچر خويه دربي الشام وانت وياي
راسك عالرمح بـس للـضـعـن حماي
حـرت يابـو علي وتـحيريـت ابهاي
جـابـوا مـاي يا المـنـحرم من الماي
شلون اشرب الماي يبعد اعيون الاثنين
وشـفافـك مـفـطـره يـبـن امي يحسين
    وردت المنيه      تنشد رقيه
              ياوحشة الليل


      هـاني ناصـر السعيدي

زلـــــزال… حملت علي الاكبر
من صال… صـوت النصر كبر
** * *
هذا ليث الموزمه.. سوه بالطف ملحمه.. سيفه ضل يگطر دمه
امن ادماهم
ضجه صارت نينوه.. ارماد طشهم بالهوه .. أظلمت وبــلا ضوه
خلاهــــــم
يبس ارياگ الزلم ... بيهم ايطش ويلم ... منــه مـا واحـد سلم
ذلاهـــــــم

بالسيف… خلص رگبـهم كر
زلـــزال… حملت علي الاكبر
*
ريح صرصر فزعته... نار كبره ابخزرته ... موت أحمر ضربته
ياويلهم
كل معسكرهم شرد… ماثبت منهم احد ... وگفته وگفت اسد
مابينهم
اگبالهم تاه المفر ... من درو سيفه انشهر … سوه من دمهم بحر
هد حيلهم

والجيش… من فزعته اتحير
زلـــــزال… حملت علي الاكبر
**
عل جحافل من يشد.. بروسهم يحصد حصد.. ذكر الگوم بأحد..
وبخيبر
بي مراجل حيدره.. وعمه سبع الگنطره.. اسد وگت الزمجره
ويتبختر
عاصفة نار ويهب.. سيفه ضل يلهب لهب.. منه كلمن يقترب
يتحــير

سجيل… يمطر على العسكر
زلــزال… حملت علـي الاكبر
**
فارس وحيد وكلف.. گابل السبعين ألف.. سوه بحر امن النزف
بطفوفه
ضهضب وهد ابزعل .. صاعقه الاكبر نزل ..موت موسيف انحمل
بچفوفه
ابينهم ضل يرتجز.. چن رعد صوته ويهز.. بكر ابـن غانـــم يفـز
من خوفه

ويگوم… مثل الاســـد يزئر
زلــزال… حملت علـي الاكبر
*
لو كشخ بمذهبه .. يبتســــم للنايبه .. يخسه جيش الناصبه
ايهز طوله
فرهه فر المسبحه.. لاچهم لوچ الرحه.. سوه بالطف مذبحه
وشهدوله
مايهم بكبر عدد.. اجموعهم صارت بدد.. يطلب امن الله لمدد
وينــوله

كـرار… وكت الحرب مافر
زلزال… حملت علـي الاكبر
**

         الخادم
✍ كامل السعيدي

من طب علي الاكبر    خله الزلم تعثر
حي الله هاشم.    حي الله هاشم

شالاهه رايته.   وفاهه احچايته
والحومه بصايته.   رد
رافع راسه

طشرهم عل ارض.    فحطهم بالركض
سيفه يفرض فرض رد
رافع راسه

ردللخيم مثل الصبح من يذبح الظلمه
خله العده تشبع قهر عيشهم الهظمه
هذا علي الاكبر علي مايهتم الخصمه

وجوه العده تصفر.    خله الزلم تعثر
حي الله هاشم     حي الله هاشم
///////////////////////////////////
يمطر دم لوغظب.    سيفه يگص بل رگب
جيش ابكبره انرعب.  رد. رافع راسه
مايهتم للعدد.     طب راعيهه الشدد
لخيامه اكبرسند. رد رافع راسه

انطاهم ادورس الحرب والعده ذلاهه
خله العده تركظ ركض ابلا راحه خلاهه
اطيح الزلم فوگ الزلم والحومه بچاهه

اليتعده من يگدر  خله الزلم تعثر
حي الله هاشم.    حي الله هاشم
/////////////////////////////

يامحله اعمامته.    تتباهه سادته
من زينب رادته. رد.   رافع راسه

طوله ضل عل خيم.   وگف ضل كل علم
لوحة قائد رسم. رد. رافع راسه

بلعده يخسفهه الارض لونخن عماته
كربله تشهد لوگلت بعلوم وگفاته
كل الكتبته  بلوصف ماوصل صولاته

بسمه الكسر يجبر.    خله الزلم تعثر
حي الله هاشم حي الله هاشم
///////////////////////////

يل نوره ماله حد.   لليهوه انته سند
من گلبي اخذ الوعد.  رد رافع راسه

خليني ابخدمتك.   ومسحني ابرايتك
يل عازه عازتك.  رد رافع راسه

وفقني اخدم حضرتك وبچي عله اخيامك
ماريدن ايامي التجي من دون ايامك
مجروح الك كل الدهر تجرحني  اسهامك

اجفون الخيم تسهر.    خله الزلم تعثر
حي الله هاشم.  حي الله هاشم
////////////////////////

عطشان ومن طحت.     ياعمه من صحت
عله ارقيه اتعلمت.  رد رافعه راسه

وحسينك منكسر.    عطشان وبل ظهر
كسره ماينجبر.   رد رافع راسه

رد الحسين ابلا علي مكسور للخيمه
صارت العيشه ابلا طعم چن ضايع ابهيمه
طاح وگف رغم التعب بالعاشر  وظيمه

وبجرحه يتحير.     خله الزلم تعثر
حي الله. هاشم حي الله هاشم
//////////////////////////
سلام البهادلي

نادة رقيه--ابهاي المسيه-- يالاكبر اترجاك
ترجع يغالي--تدري أليالي--مايسون ابلياك
ياخويه رايح وين
رد لمك ولحسين
            *
على دربك زرعت اعيوني وتريه
ترد وتنفســك يالبيـــــك حنـــيه
ليلى اتنــــوح منك تنتظر جـــيه
وبـــوك اتغيـرن لجلك معـــــانيه

لاتبطي عنه- يخلص صبرنه- سيف الهجر چتال
ارجع علينه- سكت بجينه- لتخيب الآمال
كل احنه منتظرين
رد لمك ولحسين
     ***
شفتك من مشيت وسيفك ابيمناك
وسمع صوت ابوك ايگلك الله اوياك
سلملي اعله جدك بالجنان اهناك
بس هالساعه ضلت خلصت دنياك

ياضل خواتك-- خلصت حياتك- ياوسفه يومك حان
موهينه اعوفك-- وبعيني اشوفك-- متوسد التربان
فرگنه خويه البين
رد لمك ولحسين
      *
وحق عمي الكفيل ورايته وجوده
معزه اشگد الك بالروح موجوده
احس روحي اويه روحك حيل معگوده
عشت وياك خويه ايام معدوده

ياماي العيون-- تتركني اشلون-- ماأگدر آنه انساك
يصعب عليه-- اصواب المنيه-- يالغالي مر فرگاك
دمعاتي عالخدين
رد لمك ولحسين
    ****
احس وياك خلصت بالطف اسنيني
بعد كلشي انتهى مابينك اوبيني
أمل ماضل بعد ترجع تحاميني
رحت عني وغيابك حيل ياذيني

گرب رحيلي-- اتعذب دليلي-- صدگني ماضل حيل
حسراتي كثرن-- وجروحي كبرن--  ياخويه شفت الويل
والحيل أجيبه امنين
رد لمك ولحسين
       *
يالأكبر ينور اعيوني يارجواي
ماتسوه بدونك ياشهم دنياي
رتك يمي تبقه وكل وكت وياي
توگف سور أليه لولفوني اعداي

عذبني بعدك-- كل روحي عندك-- يالأكبر احتاريت
شفت العجايب-- ابوادي المصايب-- بعدك متت ياريت
خلصن دموع العين
رد لمك ولحسين
      ***
      الخادم
كامل السعيدي

هوسات بحق علي الاكبر ع


ارتجَز شبه النبي وبمشيه يـتـبـخـتـر
داخـو بـيـه حيــدر لـو عـلـي الأكـبـر
گـام ابـكـيـفــه بـالـمـيـدان يـتـخـيـر


والـسـيـف اتـنـومـس بـيـمـينـه

                                      *---------------*---------------*

علي وچـنـه علي ما وصلو احدوده
مــن عــمــه وابــوه اتـورّث الــزوده
بـتـاره انـگـلـب للجـيـش حـاصـوده

ضـل يحصد بالجيش ابـكـيـفـه

                                      *---------------*---------------*

مثل شمرت علـي بالحومـه ما ثـنّـه
كلهه اعداه گامـت تـرتـجـف مـنـهـه
الفخر بأسمه افتخـر والزود يـتـغَـنـه

والـحـومـه اتـهـلـهـل لـمـجـاده

                                      *---------------*---------------*

ابـن غـانـم بطـل ومـعـجـب الـنـاسـه
ما يدري بعَلي سـاس الـفـخـر سـاسـه
ابرمشت عين الاكـبـر طـيّـره الـراسـه

وبـحـيـدر گـام ايـوصـفـونـه

                                      *---------------*---------------*

✍خادم علي الأكبر (ع)
الشاعر رعد الجريخي

قصيدة بحق علي الاكبر عن الامام الحسين عليهما السلام


كَلبي صاح بصوت بوية
چنها روحة موت بوية
بوية اكثر عذبتني من مشيت اودعتني
---------------------------------------------------
ودعتك وادري اتخلــــيني وللموت اتروح
يوليدي اشكَد صاح خلافك كَلبي المجروح
يابوية اخذ الروح وامــشي مــااريد الروح
يالاكبر رايح ماترجـــــــع بالطف مذبوح
من شبكَت عليك بوية
كَلبي حسب بيك بوية
وبوداعك حيرتني من مشيت اودعتني
---------------------------------------------------
احسب يابوية بخطواتك وكل لحظة اتفوت
من تبعد عني ابكل خطوة تـكَرب للموت
يوليدي وهاي آخر نضرة وهذا اخر صوت
احذر من تنزل ميدانـك جيــش الطاغوت
كَلبي يلهب نار بوية
ايحسب ومحتار بوية
للمنية سلمتني من مشيت اودعتني
---------------------------------------------------
اتكَطع من ودعتك كَـلبــي اظلمت دنياي
من طولك ماشبعت عــيني يا ظي عيناي
ما اندل دربي من اسمعتك تـــيهت الراي
اتعثر نوبة ونوبة انهـــض ولصـوبـك جاي
كَلبي فر وصاح بوية
مني الاكبر راح بوية
يبني كلش مرمرتني من مشيت اودعتني
---------------------------------------------------
ارد امتد عالغبرة وانحب وي طولك طول
لحظات وانتة امودعنــي ما عندي حلول
دور ايدك واحظني ابلهفة و وداعي ايطول
كَمت اتراجف لمن شفت يبني ومذهــول
حالك اصعب حال بوية
للگلـــــب چـــــتال بوية
بنص دليلي صوبتني من مشيت اودعتني
---------------------------------------------------
فك عينك يبني وحاچيني جرحك ماذيك
لو اگدر ظمـــدتة ابروحي ويهود عليك
كون ابايدي ايصح يوليدي بالعمر اشـريك
مترد شو بجوابي اعلية امدد رجليك
لاتغمض العين بوية
انة ابوك حسين بوية
من رحت شو ماخذتني من مشيت اودعتني
---------------------------------------------------
من ارجع لمـــــك شخبرها بالخيمة هناك
وعيون لصوبك مشــبوحة طول فرگاك
وتدري اشكَد يصعب يوليدي لو ما تلگاك
شلون ارجع وانت ابهالحالة مغمض عيناك
ما شبعت اوداع بوية
لا ترحل بساع بوية
وبسكتك محنتني من مشيت اودعتني
--------------------------------------------------
أسألكم الدعاء رائد الاسدي

قصيدة شور بحق علي الأكبر عليه السلام



ابيوم الودعـــــتني يمة يمة
ابنص گلبي صبتني يمة يمة
آه يالاكبر آه يالاكبر آه يالاكبر آه
----------------------------------
من طبيت للخيمة أبأخـــــــــــــــير وداع
ماظليت اشوفـــــــــــك شو مشيت بساع
صفكَت ايد اعلى ايد وصحت الاكبر ضاع
ودمـــوعي اعله خــــدي وتنثر اعله الكَاع
من رحت وعفــــتني يمة يمة
ابنص كَلبي صبتني يمة يمة
آه يالاكبر آه يالاكبر آه يالاكبر آه
-----------------------------------
بعد ما شوف طـــــــولك يا نـظر عيني
وصوتك ما اسمـــــــعة وما تحاچـيـني
ياهو ايصــــــــيحلي يمة ويناديــــــني
فدوة وياك اخـــــــــذني ولاتخلـــــيني
رحت وماخذتــــني يمة يمة
ابنص كَلبي صبتني يمة يمة
آه يالاكبر آه يالاكبر آه يالاكبر آه
---------------------------------
من شــــفت يـــيمة للخـــــيم رديت
حمدت الله وشـــكرتة يبني وصليت
يظل سالم واشـوفة يا الاهي ادعيت
تودعني وترد يولـــــــــيدي ماظنيت
والله شيبـــــــتني يمة يمة
ابنص كَلبي صبتني يمة يمة
آه يالاكبر آه يالاكبر آه يالاكبر آه
------------------------------------
روحت موت چنـــــــها گلبي ايگلي
ولو مني رحت چا بالعـــــــمر شلي
من بعدك يالاكبر ياهو ايظــــــــلي
چم لچمة ابدليلي وداعك ايخـــلي
ابحــــچيك محنتني يمة يمة
ابنص كَلبي صبتني يمة يمة
آه يالاكبر آه يالاكبر آه يالاكبر آه
-----------------------------------
شو رديت لية اعلى المــتن مشيول
ومدد اشوفك يبني ومچـــــــــــتول
وياك اتمددت يوليـــدي طول بطول
منك ما شبـــــــــعت وداع يا مدلول
ابموتك موتتـــــــني يمة يمة
ابنص كَلبي صبتني يمة يمة
آه يالاكبر آه يالاكبر آه يالاكبر آه
=======================
أسألكم الدعاء رائد الاسدي

ليلة الاكبر عليه السلام



هالله هالله يالكبر صال بيهم
****
صال بيهم هذه الاكبر جفلاهه للزلم
زعل غيم بالمعاره چنه حيدر ولنعم
شراباهم موت احمر جيش بمره ينجسم
حير اعقول النواصب حلم گالو لو علم

هالله هالله يالكبر صال بيهم
**
سيفه فوگ الروس يفتر يلتگط وين الكلف
يذبح ويشمر عليهم وين اليعادل الف
رجف الخيل وزلمهه اگباله ماكو كل صلف
طشر اصفوف ال اميه القاده رجعت للخلف

هالله هالله يالكبر صال بيهم
*
مثل جيش الفيل فرت من ابابيله نزل
يگص سجيله ابرگبهم هذه ابن حيدر زعل
چن قيامه اليوم صارت حاوطاهم بالاجل
يوصل الگلب المعسكر منو يم حده وصل

هالله هالله يالكبر صال بيهم
**
سيفه چن عصاة موسى ايشگ الصفوف ويطب
يوم اضلم سوه بيهم زيد اثقال الحرب
معركه صيطر عليه ترخي ونوبه يضب
هچي الاكبر صب عليهم موت چن غيمه تصب

هالله هالله يالكبر صال بيهم
**
طب عليهم سيف بيده جيش كله ماصمد
وحده ويطشر شملهم القله شاخت عالعدد
سيفه يتوضه ابرگبهم عاهد اعليهم عهد
يفني الجيوش وكفرهه هذه مضمون الوعد

هالله هالله يالكبر صال بيهم
***
اتسيد الميدان چفه ياهلا ببن العلم
هذه ابن شطار مرحب ونولد من الشيم
الحقيقه علي الاكبر وكل الگباله عدم
ولغدر لو ماجفوفه هالامر بيده انحسم

هالله هالله يالكبر صال بيهم
***
علي سليم الحسناوي

قصيدة نزله للأكبر ع

يوليدي يالأكبر. ذكّرهم بحيدر

.........................

طبق الاصل من حيدره زي الحرب لابس
من مدرســــة جـدك علي متعلم ودارس
ذكّرهم بحامي الحمه من يضرب الفارس
ابني واعرفك بالحرب للسيف الك واهس

ويهابك العسكر. ذكرهم بحيدر
....................

آنه الحُسين بكل فخر اتفاخر بزودك
حيدر زمانك ياعلي من يوصل حدودك
من تغضب بسوح الوغه ماتنلوي زنودك
سيفك دليلك والرمح بالمعركه شهودك

سل سيفك واثئر ذكّرهم بحيدر
...................

جيش آل اميه ينهزم لمن تسل سيفك
يالأكبر وحان الوعد اهجم وخذ حيفك
تهزمهم اشباه الزلم تذبحهم بكيفك
من سيفك تخاف العده لا والله متخيفك

تفني الزلم تگدر ذكّرهم بحيدر
.....................

ياوالدي الاكبر هتف امرك يبواليمه
ثارك اجيبه من العده والمرتضه واسمه
عسكر يزيد بصارمي ما ينگطع دمه
نازل احز روس الزلم واليبقه يازلمه

يحلالك المنظر ذكّرهم بحيدر
....................

فرسان امية بالحرب لمن هجم ذلهه
والغاضريه من غضب بيمينه زلزلهه
ضنو علي حامي الحمه وتشاردت كلهه
شي تنسحگ من هيبته وشي هوّه يقتلهه

عالمعركه سيطر ذكُرهم بحيدر
.....................

صولة علي بوقعة اُحد كررها بالحومه
الاكبر علي هذا ونِعم من زوده وعلومه
خلّاها بس روس وجثث عالغبره مهزومه
وحسين ابوه من خيمته مستبشر بيومه

چن واقعة خيبر ذكّرهم بحيدر

سيد زيد الفحام

يمه – وداعت عيوني ** أرجع - يابعـد لوني
يمه ---- يمه
-------------------------------------------------------------------
1= ياعلي تـــدري بروحتك شنهي الذي معـذبني
مدري أنته ميت ياعلي مدري أنته الـموتـني
أطرد بالضــنون وترد أتكض جفي وتشيبني
من تكلي راح ومايرد توكع دموعي بحضني
****
وينك - فـركتك تكتـل --- أعتب -- مني لا تـزعل
يمه --- يمه
******
2= شــيبـت أبــــوك وحالته من رحت صارت صعبه
جن ضايع بهيمه وعطش مالـــكه الماي يشربه
من كـــثر ماساكت خفت الحسين يـــــوكف كلبه
كالـساع ويشوف الدرب والدمع سكــــته يصبه
****
يبجي - راحت عيونه --- سكته - ما يشوفونه
يمه --- يمه

3= رحت وشبكت أم الخدر كتـلها طحت بـــشده
سويلي جاره أبني مشه أدعــــــيلي الله يرده
من ينفــتح باب الهجر يابت عـــــلي شيسده
هواي العساكر بالـحرب وأبني كــــصدهم وحده
****
زينب - مو مرد جبدي --- زينب - دمعـــتي بخدي
يمه --- يمه
***
4= ويلي شكبرها المشكله الـميت عليه ويعــــوفك
لا تــكدر تــــشوفه بعـد لا يـــرد هـــوه يشـوفك
تــــتوسل تضل بالحزن أذبحـــــني وين سيوفك
لا من أيخلصك والهـضم كالــــسـاع يلفي يطوفك
****
هيجي -- حالتي بهجرك --- هيجي -- أتحيرت بأمرك
يمه ---- يمه




5= كابرت والجاسه الهضم يبني علي شــــــيكابر
صرت الغشيمه بغـــيبتك والحزن صار الشاطر
أمنيــــتي كبلك أنسحك لـمن يسحكك حــــــافر
ولا أبقه طير أمحــيره لا حاط لا مـن طاير
****
والله - يابعد روحي --- والله - ماسكت نوحي
يمه يمه
****
6= عالخــــــير كالو لو كثر يـــبني علي يتطشر
ماكالـــــو أبنج بالحرب لــــــــو فاركج يتوذر
يالغالي موش من العطش كلـــبي عليك أتـــفــطر
ما أكدر غــــــيابك علي والـــباقي شيـصير أكدر
****
نبضي - يوكف بدونك -- نبضي - دكته بعيونك
يمه -- يمه
*****
عبد الجليل المالكي

قصيدة ( رايح ) لسان حال ليلى ام علي الاكبر عليه السلام



رايح      چنه ما يرجع بعـد
رايح      آه يــا فگد الــولد
رايح      بيتي ظل بلا عمد
مــن راح الاكــبــر
****

رايــح اوليدي اصــدلــه للــمنـــيه
چـــن محمد مــن بـــرز للغاضريه
صحت ربي الراد يوسف رده اليـه
وللسما بدمعــات شلت اثنين اديـه
ربي    رد علــي الاكبــر الي
ربي     يرجـــع وليـدي علي
ربي     احس راحو كل هلي
من راح الاكبر
****
راح وحسين آنه اصدله گلبه حاير
مـو علي الرايــح  محمد للعســاكر
راح وبدلالي احــس كـانون شاجر
يطفــه الا يعــود ويكحــل النواضر
عيني   لشوفت وليــدي تصــد
عيني   تخاف من طاري البُعد
عيني   ريــت لا ضيــها يـــرد
مــــن راح الاكــبــر


*
راح وبگلبي تــرك لفــراگه جمـره
مثل جمــرة والــده الضلت مسعره
بحيره مثل حسين بالحسـره انطره
گلبي يعلــم مــا يـــرد ليه وانظــره
حيره    حيره لو ظل عالترب
حيره    بعــده اروحن للغرب
حيره    خيمّنه راحت تنسلب
مــن راح  الاكـــبـر

****
ادركني يا بويه اجه والصوت اسمعه
من المصيبه حسين ظل دربه يضيعه
اه يــا فجعــت دليلي شلــون فجــعــه
انــه وي عمته ســوه بالخيمـه ننعنه
ويلي     طــاح مــا بيـن العـــده
ويلي     شلون ابوه من شاهده
ويلي     مـــات گلــب الــــوالده
مــن راح الاكـــبـــر

*

يبني راح انعاك كــل صــبح ومسيه
واحد انته ورحــت يوليدي من اديه
يساعد الله حسين شافــك عالــوطيه
شـــاف جــده امغــسل بــدم المــنيه
جدي     نـــــاده هــــذا بكربله
جدي     والـــمدامـــع هاملــه
جدي    صوت الحسين اعتله
مــن راح الاكـــبر

*

الشاعر
موسى البديري

*
محرم الحرام ١٤٤٧ ليلة الاكبر

من يشع بتاره--- غضب تلهب ناره
الاكبر الاكبر
------------------
بزغ بدر من المخيم هاشميه اوصافه
لبه ياحيدر وحيدر صاح كلمن شافه
احرم بلامه قتاله والمعسكر طافه
طاف بين صفوفهه --- وكتب بيده حروفهه
----------
سيفه بيمينه تنصب ملك فوك الحومه
واليبارز علي الاكبر حان وكته ويومه
ذيج الصفوف من اجاهه اصبحت مجسومه
دار بيده الحومه --- هذا وكته ويومه
-----------
نزل شايل سيفه بيده ورايته علمتونه
عاين الجيش وتقدم علبطال عيونه
هيبته هزت زلمهم كبل ليلاكونه
هاشميه افعاله -- والحرب تحلاله
----------
مثل هب الريح الاكبر ماتلحك تنضره
دار من قلب المعسكر واتجه للميسره
فرت كباله السرايه تصيح اجاكم حيدره
حار.كلمن شافه -- حيدريه اوصافه
----------
فخر شبان المخيم مادخله الواقعه
وانجله تراب الحوافر اله تنضر مصرعه
رتل عليهم الاكبر زلزلت والقارعه
ابعلي زلزالها--- اخرجت اثقالهه

احمد عيسى البديري

قصيده الى علي الاكبر عليه السلام

ياعلي ياعلي
#################
شيل عزمك فوك جتفك
خلي كل المايعرفك
ينتضر ويشوف وصفك...ياعلي

جول يبني عله الجحافل
لاتخلي عليهه كافل
بس جسد والموت ماثل...ياعلي

الفخر منك اريده
من فخر جدك تزيده
كال وتبسم عضيده...ياعلي

طلعت العيله تودعه
بدر وازهر بين ربعه
صاح والحومه تسمعه...ياعلي

جرد الصارم وجنه
للعب كلبه تعنه
علمنايه بعلي غنه...ياعلي

خطط عله الجيش حده
ياسبع يحضر لعنده
صاح صيحه بعلي جده...ياعلي

جدحه بعينه المنيه
واكبل عله الغاضريه
هاي صوله هاشميه...ياعلي

رجفت الفرسان يمه
الجيش بين جفوفه صمه
من نطق بالكوم جلمه...ياعلي

احمد عيسى البديري

قصيدة في رثاء علي الأكبر عليه السلام


شبه النبي.         بالصوره والنظره
وارث علي.         بالهيبــه والقدره
ياسلـوة الروح
تتركني وتروح.      ياحيرتي ياحيرتي
......................

دخيلك ياعلي الأكبر.         اودعك يبني ما اگدر
تعوف امّك يبعد امّك.        غريبه بفگدك اتحسّر
تعـال اگـرب يعافيتي.        ختنگ حتى الهوى بريتي
اودعك للحرب والموت.      يخيمه وياسگف بيتي

محتاجتك.       يوليدي يالغالي
يالصورتك.       ما فـارگـت بالي   
دلّالي مجروح
تتركني وتروح.          ياحيرتي ياحيرتي
......................

يشمعة عمري واحلامي.     اشوفك ياعلي ضامي
بچيت ونشفت دموعي.     يالاكبـر وانت گـدامي
دگلّي شلون اذا جسمك.     اشوفه موذر ودمك
اكيـــــداً يبنـي يالأكبــر.     اموت من القهر يمّك

لا تبتـعـد       يالأكبر ارحمني
من تنفگد       يايُمّه تهضمني
للهم والجروح
تتركني وتروح.          ياحيرتي ياحيرتي
...........................

يگلها يُمّه لا تبچين.       ابشري ونشفي دمع العين
ييُمّه بدمي وبروحي.     اريد انصر ابويه حسين
اودعچ يُمّـه ودعيني.     اضحّي بمهجتي لديني
علي الأكبر أنه وزودي.    يكبر من تـشـجـعـيـنـي

غيره وعزم.         بچفوفي ربّيتي
اي والنّـعِـم.          يايُمّه وفّـيـتـي
گالتله مسموح
تتركني وتروح.         ياحيرتي ياحيرتي
........................

طلع من خيمته الأكبر       نزل للحومه وستبشر
مثل حيدر علي جده.       يكرّ عله الزلم ما فر
يگص روس الزلم سيفه.    اخذ منهم علي حيفه
يطشّـرها ويـلم بيـــها.       علي الأكبر على كيفه

ظل يرتجل        ( أنّـي انـا الأكبــر )
خيـر العمل         جدي الوصي حيدر
والأم بلا روح
تتركني وتروح.           ياحيرتي ياحيرتي
........................

علي الأكبر يعرفونه.        مثل حيدر يوصفونه
عجزوا كل بني اميّه        غدر صاروا يغدرونه
صابوا بالرمح ظهره.        وگع وتمسّك ابمهره
وحيد تولّته العدوان        يويلي ونگطع نحره

ذبحوا علي.        ياليله بالحـومـه
اسـتـقـبـلي.        بجروحه ودمومه
صاحت يمذبوح
تتركني وتروح.        ياحيرتي ياحيرتي

سيد زيد الفحام
____

‎ قصيدة الوداع
.
.
.



ضمينه البچي وحچينه .. وتــبده الدمــع بديـــنه
وماضل صبر
من گتلي باچـر تصيرين اسيره
وانه يلمـونه جســمي بحصيره

***

وداعك مر خويه وشيجرعه
مامعـــقوله گلـــبي تفجـــعه
ليش شصاير .. تكلي مسافر
وهالروحه چنـــهه بلا رجعه
 
يابعد اخـــتــك مااتــصــور
تترك زينـــب بيـن العــسكر
خيامي وخدري..بيهن تدري
يطشـــروهن لــمــن تتطشر
 
منهو الي يطفي ناري .. لمن تـغـفه بالصحاري
يابوعلي
تگلي الاميره غداً ماتبقى اميره
وانه يلــمونه جســمي بحصيره
 
***
 
گتلي وعيني تهل چن غيمه
الليله اخـــر ليله بهـالخــيمه
معنى الكلمــه .. يابـــو اليمه
باچر يعنـــي نفـــر بالهـــيمه
 
ياخويه الله اليســـتر باچر
ناس بسوط وناس بحــافر
امن يسحكونه..و يضربونه
ويصـــير اويـانـه الماصـاير
 
انته اعله الثره رميه .. وانه مگــيدات اديه
يابوعلي
 هـاي الســـوالف عليه جبيره
وانه يلمونه جسمي بحصيره
 
***
 
اوداعـك لو انـزل عالصحره
من حـزنك تتحــول حـــمره
دم تبجـيلك .. مـن تنعيــلك
شحال اختك ياروح الزهـره
 
باچـــر خيل ادوسه اگبالي
صــدرك وتطــشــر امـــالي
من تتغير ..خويه امن الحر
يتــــغــــير مـــــثلـك دلالي
 
صدرك يالاخو اليهشمه .. خد اختك تره يلطمه
يابوعلي
هـذا كلامــــك يأذيلــــه ديره
وانه يلمونه جسمي بحصيره
 
***
 
الــــودع مثـــلك ودع روحــه
وتشــوفه فايــــض بجــروحه
وداعة نحرك..احسبني بهجرك
يابــو الاكير چــــن مـــذبوحه

خليني اشتمك مــــن صدرك
خليـــني اشــبع مـن عــطرك
الحافـر ادري .. ياخــذ عمري
ياخــويه مــن يأخــذ عـمرك
 
امن امك فاطمه الزجيه .. عندي يالاخــو وصيه
يابوعلي
لتگلي ياخويه نظراتي الاخيره
وانه يلمـــونه جسمي بحصيره
 
***
 
رايح واخـر كلمه العنـــدك
مـــن يتوسد بـــاچر خدك
من يسبونچ .. ويضربونچ
لجل الديـن اتحــــمل ودك
 
اتحـــمل وانه الممنونه
لو كل هالوادم يسبونه
لو نتبــهذل .. مانتـبدل
وداعــة كفالي وعيونه
 
تدري بزينبك ابيه .. حتى لو مشت سبيه
يابوعلي
اصبر گلتـــلك يمن كله غيره
وانه يلمونه جسمي بحصيره
***
حيدر تركي الكربلائي

نزال ليلة الوداع
.
.
.

 
وداعك موســهل خوية .. وداعك يهـدم الدلال
اخلافك ســــالفة زينب .. يبو السجاد ماتـنگال

***
 
اليسولف خوية بـوداعك .. كون انـــسان بي قوه
وقوية اختك لچن تدري .. يكسرها حچي الخـوه
انـــــه بحـاجة مروتــك .. اخلافك ما اكو مـــروه
من گتلي وداعك حل
بديت الواقعـه اتخيل
وچني واگـــفه عالتل
اصيحن لو عدل يحسين .. الحگ هجمت الانذال

***
 
گول بخاطــرك شـيـدور .. بــس الفرگه خليــها
العشـــره البــينك وبيني .. صدگ هالليله تاليها
من يوم اهدعش زينب .. الوادم خويه تسـبيها
من هالليله مسبـــيه
واحس الحبل بيديه
وكـــلها تأشــر اعليه
هاي اخت الكمر عباس .. المحد شايف الها خيال

***
 
مودع بالله ياخـويه .. يمـن ناوي الهجر باچر
الراح ايصير ادريـــبه .. لا صـــايـر ولا دايـــر
أشبگني على صـدرك .. گبل ميشبگك الحافر
يروح اختك يبعـد الـحيل
يخويه انه اوله من الخيل
انه ويـــــاك بــس هـالليل
باچر عالـــتراب انـــته .. وانه محـــيره بعيال

***
 
گلي ومااريد هواي .. هـــيه خويـــه بــس كلمه
باچر گلي يازينب .. باقـــي ويـــاچ أبو الــــيمه
تره امن تروح ظعن اختك .. خـــويه محد يلمه
مثل جسمك يبو الأكبر
يخويه ضعني يتطـشر
شوف شكـبره هذا البر
من تشرد من  الغاره .. يخويه شيجمع الأطفال

***
 
حزن ســـالوفت وداعــــك .. يخـــويه بگد جبل حمرين
الهجــــرك يالاخو ينـــراد .. مـــو مــــالت گــلب وثنين
صدگ هاي اخر الساعات..صدگ خويه نگضت يحسين
كلشي يهــون اله انـته
وداعك كلفـه ســـالفته
هذا اصعب مسه شفته
مثله مايصـــير وصـــار .. ولا مايخـــــطر اعــــله البال

***
 
باچـــر من تـــروح انته .. ويرد النه المهر خالي
حالي شلون راح يصــير .. عگبك يالاخو حالي
من هســـــه يبو اليمـــه .. اخــــذ ويـــاك دلالي
يشهگه وتــكتل الشــهگه
يــمن بحساسك مغـــرگه
الگلــب مابي على الفرگه
بدونك گلبي ياخويه .. ترس متروس خويه اهوال
***
حيدر تركي الكربلائي

أويلاه يفاطمه… اويلاه يفاطمه ... اويلاه يفاطمه
اويلاه يفاطمه
……
زينب وحيدة بكربـلة.. اويلاه يفاطمه
دمعتهة عالخد سايلة.. اويلاه يفاطمه
حيرهة جـمع العايلة.. اويلاه يفاطمه
اعليهة الهموم امكللة.. اويلاه يفاطمه

ماظل كفيل اتحشمه… اويلاه يفاطمه
… ..
طاح الكفيل اعلى النهر .. اويلاه يفاطمه
مدمي الصدر مدمي النحر .. اويلاه يفاطمه
لخـــيامة مشبوح النظر .. اويلاه يفاطمه
بدمـــوعة لسكينة اعتذر .. اويلاه يفاطمه

وسهم البعينة ألمة… اويلاه يفاطمه
… ..


خيل العدة حسين اسحكت .. اويلاه يفاطمه
بحافرهه جـــلدة علكت .. اويلاه يفاطمه
بالرفس جبـدة شككت .. اويلاه يفاطمه
ابكل حقد جرحة غمكت .. اويلاه يفاطمه

رمح البكلبة لا جمه ... اويلاه يفاطمه
… .
عبدالله مذبوح الالـــم .. اويلاه يفاطمه
من غدر امية ما سلم .. اويلاه يفاطمه
روه جــبده بالسـهم .. اويلاه يفاطمه
بجروحة الحسين اللجم .. اويلاه يفاطمه

مات ويصارع للضمه .. اويلاه يفاطمه
… ..
القاسم انعجنت حنته .. اويلاه يفاطمه
بدم هامته ودم ركبته .. اويلاه يفاطمه
بالحومة صارت زفتة .. اويلاه يفاطمه
صينتة دمعت عمتة .. اويلاه يفاطمه

ناح الحسين القاسمه ... اويلاه يفاطمه
… ..
الاكبر علي بكاع الحرب ... اويلاه يفاطمه
اتولوه بسيوف الغـرب .. اويلاه يفاطمه
من كل كتر دمة يصب .. اويلاه يفاطمه
وجسمة تطشر عل الترب .. اويلاه يفاطمه

منظر بجتلة ارض وسمه ... اويلاه يفاطمه
… ..
خيمـت السجاد احركـو .. اويلاه يفاطمه
سكـنة ورقـيـة سـلبـو .. اويلاه يفاطمه
زينب بالاسياط اضربو .. اويلاه يفاطمه
بحبال الايتـام اسحبـو.. اويلاه يفاطمه

تتجارة اياديهم دمه .. اويلاه يفاطمه
… .
نادينة يا زهـرة بحـرج .. اويلاه يفاطمه
يا ساعة يا يوم الفـرج .. اويلاه يفاطمه
للمهدي مشتاكة المهج .. اويلاه يفاطمه
كثـر الـدمـع لله عـرج .. اويلاه يفاطمه

بالحال انتي عالمه .... اويلاه يفاطمه
…… .

الحمدالله رب العالمين
اللهم صل على محمد وال محمد
موسى الخادم

(ميمر)
يـاجـــابـرأعلينه الخيـم حـــركــوهــا
روس الهـــواشم بلـضعــن شالـوهـا
--------------------
مــن وصــل جابــر لـلـكَبـر وتعـنه
يم جسم أبــو السجـاد زاد الـــونه
شـاف الـغـلام أعـلـيه سواد أدنـه
كَله العقيله أمن اليسر جابـوهـــا
--------------------
لمّن وصــل زين العـباد أوشـافـه
راواه أزنوده أمن الحبل وجــتافه                                         كَــله المصايب بلـكَـــلب تـتـلافــه
كلهم ضمايرهم حقد باعـــوهـــا
----------------------
كَـلـه العـليل أبكـَلبي تسـعرنــاري
شحجيلك أعله الصار يلانصـاري
ضلت خليه أمـن الهـواشم داري
ونصار ماضلت بعـد كتـلوهـــا 
-------------------- 
جاسم والاكبر طاحو أوشفناهــم
وي مسلم أبنفس السجل ضفناهم
كــَالـو وذر شبـانـكــم  عـفناهـم
ضلت جثـث علكَاع  مادفــنـوها
-------------------

ياجابر أبعمي الكَمـر شحـجيـلـك
ومـصيبت الجـفين  تهدم حيــلك
لن العقيله أتصيح خويه أدخيلك
والجربه طاحت وبسهم صابوها
--------------------- 
شفت الرضيع النبله حزت نحـره
وحسين أبوي أموذر أعله الغبره
سمـونـه ياجابر سبـايه أويسـره
ماتت رقيه أعله اطشت سلوها
---------------------
للشاعر فاخر علي الشبيبي