في حق باب الحوائج موسى ابن جعفر الكاضم ع

مثل الخرابه السجن
يالكاظم لجدك تون.ــــــــ صبح ومسيه

تذكر عذاب السبي
والدمعه تحبي حبي.ــــــــــ عالخد جريه

عمرك گضيته الام.......بين السجن والشام
صبح ومسيه.....
ـــــــــــــــــــــــــــــــــــــــ
دوم الصــور بعيونك ادور
خيام وشريعه رماح بنحور

بلوعه على جدار السجن گاضيها صفنات
تتخيـــــل وترسم صور ضــــعن السبيات
بيدين عماتك تصــــــــــــــد آثار چويات
ياموسى رافگ مسمعك صرخات وآهات

بطيفك تشوف العجب
مالحضه عنك حجب...طف المنيه


تنام وتفز منــــــرعب
بمتنك تحس الضــرب..موش برقيه

تشتم حرگ الخيام...بين السجن والشام
صبح ومسيه.....
ــــــــــــــــــــــــــــــــــــــــــــــــــــــ
ون السجن لونينك اهـــــــواي
ماضــــــل فكر لا ضل الك راي

كلما يطر فجرك حزن تنــــــــعه المصيبه
شفت الحرگ بالك ركض صوب الغــريبه
لامـــــــــره نشافتلك ولا رگضت سليبه
بهذا الفرق گلبگ صبـــــــــح يسعر لهيبه

مهموم عالصار وحصل
لعمتك ولا واحد يضل...بالغاضريه

گلبگ نزف من الألم
چي زينبك شبعت شتم...من ال اميه

تاهت يويلي ايتام...بين السجن والشام
صبح ومسيه....
ــــــــــــــــــــــــــــــــــــــــــــــــــــــــ
لمن تباوع للسمه اتنــــــوح
تذكر كمر زينب بـــــلا روح

عمك وگع صوب النهر مگطوعه ايده
وزينب بقت بين الزلم بالطف وحيده
اتسكت رقيه امن البجي تبجي حميده
والمشـــرعه عن الخــــيم كلش بعـيده

من بعد ابوفاظل تره
عمتك بقت متحيره..... تبچي وتعاتب

الچانت عزيزه مخدره
مدمعها عالوجنه جره.... بين الاجانب

ماتـــرحم الايام.... بين السجن والشام
صبح ومسيه....
ـــــــــــــــــــــــــــــــــــــــــــــــ
بوضعك صرت مثل العقيله
وسط السجن دمعك تسيله

ليل السجن يشبه نعم ليل الــخرابه
چنك تحس بيها ونمت فوگ الترابه
دمعتها ودموعك سوه. خطن كـتابه
ويلي عله حسين الذي سلبـــو ثيابه

ترفع چفوفك للسمه
تصرخ يربي بفاطمه. عمري اختمه

بالطيف وتشوف العله
راسه ابرمحــهم علـــه وشامت يشتمه

ونذبحت الاحلام.... بين السجن والشام
صبح ومسيه.....
ــــــــــــــــــــــــــــــــــــــــــــــــــــــــــ
‏بالسم صدك جبدك تفطر
بس جسم ابو اليمه توذر

جسمك تغسل ونرفع نعشـك عله الهام وبجسم ابو اليمه بقت متربعه الاسهام جروحك تروح الكربله وترد عله الشام حته بوسط گبرك تضل تبچي عالخيام‏

جسمك تشيع ونحمل
جدك. بقى فوگ الرمل...سحگته العشره

تگول الجرالي سهل
عماتي فـــوگ الهزل.... نگادن بحـسره

چفنك سهر مانام... بين السجن والشام
صبح ومسيه....
ـــــــــــــــــــــــــــــــــــــــ
تمت بفضلهم ع
خادم الزهراء ع
الملا ياسر الزيادي ٢٠٢١

الليله.     الزهره      تتلكه علي الهادي بدمعهه
بمصاب.  بصواب.    مصابه وحيل ياذيهه ضلعهه
              ##########
تحضر الموكب الالهي بالسماوات
ناوي يستقبل علي الهادي بعزائات
    تحضر موكب استقبال بجروحه
    يستقبل علي الهادي بحزن نوحه
     ويرأسهم محمد حاضر بروحه
     وفاطم بالحزن جن روح مجروحه
صعبه.   عليهه.    من تستقبل الهادي شوضعهه
بمصاب. بصواب  مصابه وحيل ياذيهه ضلعهه
               ## #########
اه يالزهره شحالج بهاي المصايب
الدنيا يوميه تدير اعله الحبايب
        يوميه يفاطم ولدج يودعون
      حبايبهم لاجل دين الله من ينوون
       واخر هالصبر موت وضلم يدرون
       بس صبروا لان يم الله يتجازون
تركوا .  دنيا.    عافوا كلشي بيهه وكل متعهه
بمصاب. بصواب.  مصابه وحيل ياذيهه ضلعهه
               ##########
اه يزهره استقبلي الهادي بمصابه
الليله  واحد يحجي للثاني صوابه
        يحجيلج  مصايب من ضلم دهره.
         من حكام ماخلوا ذكر عتره
          يحجيلج على السم الهدم عمره
          واحجيله انتي عن ضلعج وعن كسره
دنيا.       ضلمه.   خنكه بالرغم عدنه شوسعهه
بمصاب. بصواب    مصابه وحيل ياذيهه ضلعهه
              #############
اه يزهره وضلعج تلجمه هالاحزان
احجي للهادي بمصابه شصار وشجان
         كليله علي هجموا وانه وحيده
          تبعوا فتنة الملعون تب كيده
           وكالوا عن علي الكرار منريده
          وحركوا داري والي صار من ايده
وحيدر      ملزم.      بوصية الهي وباقي طائعهه
بمصاب.     بصواب.   مصابه وحيل ياذيهه ضلعهه
                 ############
ومن بعد هاي المصايب ذكر الحسين
وذكره صار بكل مصاب وتدمع العين
           يذكرون المصاب وتجري دمعتهم
           مصاب حسين عظم من مصيبتهم
            حسين هواي غالي بكل كلب عدهم
            عن مصابه بس الله اليساعدهم
الزهره.  بذكره.    مصاب حسين ما يوكف دمعهه
بمصاب. بصواب.    مصابه وحيل ياذيهه ضلعهه
             #############
#حسين_علي_الياسري
           
       
       

   

بحق السيدة زينب// ع//



يزينب راح ابوفاضل كفيلچ
يزينب بالمناحة خلصي ليلچ

الدمع مسموح لليفگد حبيبه
وانتي فاگده و وحدچ غريبه

* * *

حقچ يخت عباس من تهمل العين
عگب الخدر عالنوگ هزل تصعدين
غربه و سهام عيون باچر تشوفين
و يناشدچ شمات ضل كافلچ وين

يجرحچ باجر الشامت سؤاله
يجرحچ لو سئل كل ماحلاله

طول الليل يحلالچ نحيبه

* * *

نوحي بدمع مسجوب عالكافل الغاب
يا زينب الله يعين گلبچ بالمصاب
شفتي الگمر عباس من دمه الاخضاب
معذورة لو بالنوح ضي النظر ذاب

غريبه وطاحت اچفوف المحامي
غريبه ايوصفچ عاجز كلامي

دليلچ بالحزن شاجر لهيبه

* * *

ما ضل محامي وياچ و تفزّعينه
هذا الكفيل اليوم مطفيه عينه
مكتوبه الچ تبقين ثكله وحزينه
راعي العلم معذور طاحت يمينه

الدمعتچ مانظر عالغبره نايم
الدمعتج بانت الليله العلايم

نواسيچ بجرح هاي المصيبه

* * *

بالحيره من تمشين بين ال اميه
و راس الاخو وياچ عالسمهريه
اتجاوبن بالنوح انتي و رقيه
وخلي الدمع للناس يحچي القضيه

كفيلچ بالنفس ثبّت وعوده
كفيلچ للخدر ضحه بزنوده

نخيتي وماحضر يمچ عجيبه

*** * *

يا هو المثل بلواچ مرت عليهه
فوك اليسر والضيم مچتوفه اديهه
التفگد اخوهه الناس اتعزي ليهه
و انتي الشمر كالساع يشتم وليهه

يريت الكافلچ حالچ يشاهد
يريت ومن جديد يرد يجاهد

نوحچ لوعله بلكت يجيبه

* * *

مسموح اذا بدموم دمعج تجاره
لو دخّلوج شلون قصر الاماره
لا يمچ الكرار و يسل فقاره
گلبچ يزينب نار شيطفي ناره

يويلچ من تطبين بقصرهم
يويلج والعده يجرح نظرهم

وحقّچ ماجرت هاي بنجيبه

* * *

✍ بقلم خادم الحسين ع
الشاعر رعد الچريخي

تراث
طور :- سدوا الماي الماي


هجمت الخيل الخيل .. وانــظــر اعــلــيــهــه

خــويــــــه حـسـيـت بـخـطـر
وصـلـت أخــيــمــنــه الـگــوم

وأنــظــر اعــلــيــهـــه

*---------------*---------------*

إبْحيره وابّـيـن الـعـده والـمــدامــع هــامــلــه
تــلــتــهــب نـــــــــاري
هجمت اخـيـول وزلـم والأطــفـال اتـسـلـبـت
واشـــكـــي لـلــبــــاري
نـايــم بـنـوم الــهــنـــه يـالـجـبـتـنـي الكـربـلـه
تــــبــــره لأكــــتــــاري

حــرگــت الــنــار اطـنـاب .. والـحــرم بـيـهــه

ويـــن يــابــو الـــمـــرجـــلـــه
هـــــاي حـــومـــة كـــربـــلـــه

ريــتــك الـيـوم اتـشـوف .. اخـتـك اشـبـيـهـه

*---------------*---------------*

شـافـت الـعـيلـه الجره والـحــرايــر خــايــفــه
والـضــــعــــن والــــــم
وتمرجل بسوطه الشمر ورم امـــــتـــــونـــــي
ويــشــتــم الـــظــالـــم
أتـمـنـيـتـك بهذا الوكت عــنــدك اچـــفــوفــك
والـــنـــظـــر ســــالــــم

يــامــن بــزودي ويــاك .. هــايـــه تــالــيــهــه

هــــاي أنـــــه أمـــســـلـــبــــه
نـــــار بـــيـــه امـــچـــلـــبــــه

طـاحــت الـرايـه شـلـون .. وانـتـه راعـيــهــه

*---------------*---------------*

بطيحة الرايه اگصدت تـــعـــثـــر اجــدامــي
وأنــظــر اچــفــوفـــك
بـاچـر اتــروح بـسـبـي غــصــبــن اعـلــيــهـــه
واخـتــك اتــعـــوفـــك
خـويـه اودعـنـك ردت مــــن يـــمـــشـــونـــي
عـيـنـي مــتــشــوفــك

عـيـلـتـك تـمـشــي ويــاي .. بــس نـواعـيـهـه

نـــــام وآنـــــه أمـــيـــســــره
ســــال والـــمـــدمـــع جــــره

زيـنــب بــهــذا الــحــال .. يــامــحــامــيــهــه

*---------------*---------------*

خـاف مـا شـوفـك بعد تــخــلـــص الـلــيــلـــه
وامــشـي مــســبــيـــه
خـاف يـاخـذني الشمر يـاضــوه اعـــيـــونـــي
غــصــبــن اعـــلـــيــــه
ريــت ويـــاك انــدفــن شــاهـــدت خـــــــدري
هــيــچــي تـــالـــيـــــه

خـافـن اتـسـيـر الـنـوگ .. تـصـعـب احچيـهـه

صــــار خــــدري الــــوحــــده
حــــيــــف وبـــيـــن الـــعـــده

خــويــه ورقــيــه ويــاي .. ويــن اخـلــيــهــه

*---------------*---------------*

أدري يـاذيك الحـچـي كــافــل اضــعـــونـــي
وانــتـــه الــمــشــيـــم
لاچــن الــصــار وجـره رخـــص ادمـــوعـــــي
والـــحـــــزن خـــيــــم
خاطري وخدي انجرح والاشــــد جــــرحـــــه
گــلــبــي الــمـــتـــيـــم

تـمـشــي لـلــشــام اعــداك .. وآنـه ابــاريــهــه

ســـــوط بــمــتــونــي ودمــه
جــــور زمــــره وظــالــــمــــه

نـاگـتـي ابـيــن الـگــوم .. غــربـــه تـحـديـهـه

*---------------*---------------*

✍بقلم خادم الحسين ع
الشاعر رعد الجريخي

دارك مُظِلْمه يا علي الهادي او ريت
من شخْـصك الطاهر فلا يخله البيت
ابْدالك نِمُوت او تبگه حيّ اِتـمَنّيت
لاچن ألف وسفه او حيف
چف الأجل خطّـافه
ــــــــــــــــــــــــــــــــــــــــــ
چف الأجل وسفه تِمرِّ اِبْـسُـوحَـك
متعـنْـيه گصْدت ليك تطلب روحك
و احنا بگـيـنه نـنـتـحِـب و انّـوحك
يا من گضه ابهذا الحال
يشبَـه هَله و أسلافه

ــــــــــــــــــــــــــــــــــــــــــ
ابمنهج هَـله مات او دليله اتفطّـر
و ابهالوضع عـد راسه شبله يحضر
و اشلون شافه او لونه صاير أصفر
الله يِعـيـنه ابـيـاحــال
العسكري لمّن شافه

ـــــــــــــــــــــــــــــــــــــــــ
شافه يدير العين مِسْبِل إيـديه
بآخر نفَس عالقبله وجْهه اِمخـلّيه
و الطاغي مدري اشْـسوّه و اشأثـّـر بيه
حين الذي ابچاس الموت
يَـتَّم بنينه اخلافه


ــــــــــــــــــــــــــــــــــــــــــ
بس الإمام العسكري يعلم زين
كلما جره او صار اعلى أهـله الماضين
ما صار مثْل امصاب ابو اليمّه احسين
امصاب اللي ما مثله امصاب
تصعب علينه اوصافه

ــــــــــــــــــــــــــــــــــــــــــ
من غيره صدره بالحوافر داسوه
او شالوْا كريمه اعلى الرماح او رفعوه
او تالي ابوسط طشت الذهب من خلّوه
او يضرب يزيد الملعون
بالخيزرانه اشفافه
ـــــــــــــــ
ميــرزا عــادل أشكـناني

گبرك مـــــــــن انهدم
گلبــــــــي الكربله راح
بعيني حسين انرسم
شلون امن المهر طاح
بدموع العين اتصورت حسين
ـ&&&&&&&&&&&&&&&&&&&&
كل يوم بجرح گلبي من جف الغدر ينصاب
كل امصاب يلفيني اكولن هذا اشد امصاب
بعدني اويه الضلع مكسور
ويلجمني امن اشوفن باب
وبعدني ابجي اعله يوم حسين
وجفني امن المدامع ذاب
تسعر بي جمرتك
گلبي ومنها صاح اه
وجمره بنص جبدتك
صاحت واحسيناه
بجمرات اثنين اتصورت حسين
ـ&&&&&&&&&&&&&&&&&&&&
صور يوميه تجرحني وگلبي بكل وكت ممرود
نهار وليل اون وانعى مثل ام واحد ومفگود
الصور للفاگد اتسليه وانا البيها ناري اتزود
أنه الفاگدهم اصورهم
بجه اعليها دمه الموعود
صوره بهاي الصور
جبدك بيها مسموم
وصورة صاحب نحر
عاري وصدره مهشوم
اندار منين اتصورت حسين
ـ&&&&&&&&&&&&&&&&&&&&
أنه الماشايف بعيني وحيلي امن السوالف باد
اگول اشما سمعت اصهيل
الله يساعد السجاد
يمولاي انت ماحاضر
بالطف بس ونينك زاد
الذبحوه جدك وعمتك
الطبت مجلس ابن ازياد
يوم اسبل دمعنا
گال ابنك وانا ابجي اوياه
واقرح جفوننا
ويقرّح جفني اتمنـــــــاه
اتوجه وين اتصورت حسين
ـ&&&&&&&&&&&&&&&&&&&&
اشما افتح جرح منكم
امن الطف الگه بيه اثار
سهم امثلث بجبدك
شفته ابمصرعك محتار
راسك ادري ماگطعوه
ليش الرمح ليك اندار
وصدرك مادنتله الخيل
مكسر ليش شنهو الصار
عايش بالطف جنت
بكل اسهام اهلك مصيوب
مسموم استشهدت
وجن جسمك بالدم مخضوب
وابلا جفين اتصورت حسين
ـ&&&&&&&&&&&&&&&&&&&&
يوم الهدمو گبرك وطاحت سيدي الگبه
شفت حسين من مهره طاح امثلث بگلبه
شفت نار الگبر واحاه عله زينب صحت صعبه
شلون الخيمه حرگوها
وعيني المدمع اتصبه
سامره وكربله
نارين ايعيشن وياي
يطفن يبن العُله
بسيف المهدي ومو بالماي
بهاي النارين اتصورت حسين
ـ&&&&&&&&&&&&&&&&&&&&

علي محسن الزيادي

يالمهدي عزانه في عقيلة كربله
يالمهدي عزانه في عقيلة كربله
@@@
حجة الله الامام .. جينه بدموع وهيام
ليك يابدر التمام .. انعزي ببنية علي
وندري گلبك بالامر .. ممتلي حرگه وجمر
طاري زينب من يمر .. حزن گلبك يغتلي
...
تذكرها وحدها للمصايب شايله
يالمهدي عزانه في عقيلة كربله
@@@
تذكر اعليها الجره .. بعد جدك منحره
تمشي گوه اميسره .. والهظم صعب وثجيل
عافت اجساد ودمه .. او ولي جثته امثلمه
وراس عالي بالسمه .. شايله رمح الطويل
...
مفجوعه وتنادي وين خدري كافله
يالمهدي عزانه في عقيلة كربله
@@@
عالهزل چان الالم .. اشد من صدر انهشم
بنت اهل بيت الكرم .. يگود ناگتها اللأيم
بت علي خير العمل .. من بعد عز الاهل
منهو صعدها الجمل .. وبالسلاسل هالحريم
...
معزوزة اهلها تمشي حسره مذلله
يالمهدي عزانه في عقيلة كربله
@@@
بالله يالمهدي اشتگول .. عالجره ابنت البتول
ابدواوين العذول .. طببوها بالغصب
شتنخه والكافل ذبيح .. وعالبچي ماتستريح
ولمن الطاغي يصيح .. ابصوط تالي تنضرب
...
ويزيد ابشماته يگلها جيتي يا هلا
يالمهدي عزانه في عقيلة كربله
@@@
چان ابوفاضل ستر .. وضلها ماشاف اليمر
وسفه تالي تنّظر .. وصدت اعليها الانام
انخزت ام الخدور .. فرجه صارت للحضور
وتنتخي ابذيچ النحور .. وين اهلي والعمام
...
مكسوره وجريحه والمصايب نازله
يالمهدي عزانه في عقيلة كربله
@@@
عليها يصلح كل نعي .. وهيه حيره وتندعي
لمن ايطگها الدعي .. ولا لها واحد فزع
بس يصد الها النحر .. وينحي ابراسه الگمر
چنه منها وعتذر .. چفي من ايدي انگطع
...
يتعذر بوفاضل وسهم عينه شايله
يالمهدي عزانه في عقيلة كربله
@@@
علي احمد الحمود
١٢-٢-٢٠٢١
العقيلة زينب
الحجه

يالهادي يامسموم يالهادي يامسموم
****************

هاي صرخـــه مــن الضماير تنتفض
بوجه أهـل الجور وتنـــادي بــرفض
الهادي بالشريان يمشي ويه النبض
حبــــه بالشــــريـــان دوم يـــــدوره

* * *

الهادي مو مرقد ولا گبه وضريــح
الهادي يعني الدين والكون الفسيح
صوته حق وبالضماير ظل يصيــح
صوته صوت حسين في عاشــوره

* * *

الهادي نور من الرسول يظل يشـع
الهادي أصل الدين والهادي الفرع
الهادي دين ومنهج وحق وشــرع
هــــوه دين الله ونهــــج دستـوره

* * *

الشعـــر حاير لــــو يريد يوصفــه
الهادي بحـــر مـن العلم والمعرفه
رغم كل الجور نــــوره مــــا طفه
نوره قدسي ودوم يسطــــــع نوره




وحــــگ ســـم الگطع أصال الچبد
نبقــــه عشاگــك أمـــامــي للأبـــد
لـــــو توذر لجــــل حبك هالجسد
لحبــــك أرواح ومهــــج منذوره

* * *

صوت يالهادي لـولائك نرفعــــه
صوت من الشيعه والكل يسمعه
عهد حبــــك بالدمــــاء أنوقعـــه
بشمس حبكم تشرق المعمـــوره

* * *

نقسم أحنه بحبك وذاك الگـبـــر
ونقسم بذاك الضريح ألي أنفجر
ثارك يــــرده الامــــام المنتظـــر
وكل بني العباس يقلع جـــــوره

*******************************
الشاعر
موسى البديري

#شهادة #الامام #الهادي
عليه السلام…..
..... #نزله #سريعه...#هجري....
.
.
غصبن عليهم ردت گبتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

ياعلي الهادي مزارك
غصبن اعليهم رجع
بفتوه من المرجعيه
شعبك الشيعي فزع
الحشد طر المنايه
بصدره للموت وطلع
اعلن ونادى المنادي
السبي حبله انگطع
.
یوم انتصارك تفرح شيعتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

سيدي عِرگ البطوله
من یکضه من یطگ
واحنه خالطنه دماکم
تربه وملوحه وعشگ
طگة الچف چن رصاصه
عالصدر لمن ندگ
بالحرب عشنه وربینه
مایخوفنه الرشگ
.
ننطر حفیدك يعلن ثورتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

احسب انفاسي واعدهن
وانتظر سر فاطمه
لو نهض يوسف زماني
هذا يوم الحاطمه
بالقحط أگضيها صایم
آنه معشوگي الظمى
واليمر يم السواتر
يغرگ بروج الدمه
.
مشهوده مولاي ضربة يمنتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

المهدي من يعلنها ثوره
آنه اسل سيف الصبر
ارد احد زنجاره بيدي
واگطع السان الشمر
اركض الصحن العقيله
اگطع اگیود الیسر
احتضن نار المخيم
واطفي چویات الجمر
.
وهالیوم اجیتك امسح دمعتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

افتخر آنه المقاتل
بالسواتر حوزتي
يفرح المصحف اشوفه
من ارتل آيتي
گصتي اسمع سمرها
من تغازل تربتي
دمعتي چن ناعي ینعی
والي تلطم تفگتي
.
هاي الکرامه سرها بحضرتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

اقسم بدمع السبايه
واقسم برب المجيد
والله مايشتم عطورك
لاشمر ولا يزيد
مایرد یوم الزچیه
لا ولا ذبح الشهید
الا تلگاني اعله بابك
سابح بدم الوريد
.
كل شيعي بينه يعشگ جنتك
غصبن عليهم رفت رايتك

ـــــــــــــــــ ❁ ❁ ❁ ـــــــــــــ

لاتنسوني ووالدي من فضل دعائكم المبارك
.
حسن الموالي الفاطمي
.

.
محرمه على منشدي الـ DJ

نتحزم احزام .. ونلطم يخدام
للهادي فدوه نروح .. والحرك الخيام
*****
نرخص ركبنه واشما لطمنه ماتشفه الجروح
مايغله دمنه هذا طبعنه فدوه الهم انروح
المن حركته البينه يخسف صدره
بكلبه تلكه من المخيم جمره
الما يدك عله المصيبه بحسره
نكله عمرك ماتوافي الزهره
خدام الحسين .. عشاك الونين
نبجي عله المذبوح .. والحرك الخيام
*****






لوعه بكلبنه بالدم كتبه عشاك الحزان
للزهره حبنه حبهم شربنه بمجلسنه برهان
نلطم بحركه ونكسر الهامه
الما يعجبه خل يضل بوهامه
شخله بحسين اليسلب عمامه
اليل زينب من يمر متنامه
والهذاب المصاب .. ماتوفي الاركاب
شنضحي للمجروح .. والحرك الخيام
*****
بهاي اليالي نبجي عله غالي شيهمهم الناس
بشرو الموالي يضل راسه عالي ومي دنك الراس
خادم حسين شحلات احساسه
غيرت العباس تمشي براسه
يفتهم معنه الطم من ساسه
الما لطم بعده العشك ماجاسه
عشناها الجنون .. من عابس وجون
بهذا العشك مسموح .. والحرك الخيام
*****
حيرتنه حيره بسبي الاميره شينشف الدموع
وبدر العشره ماعدنه غيره من كسر الضلوع
تعودينه عله الطم والدمعه
عالتكسر بالحوافر ضلعه
الصوت دخان بصدرنه نطلعه
الكربله نريد الغريب يسمعه
ندميها الصدور .. شيبنه عاشور
عالفاطميه انوح .. والحرك الخيام
*****






محد جبرنه عالون كبرنه نبجي عله الحسين
زينب صبرنه. واشكد قهرنه طاري الدواوين
طبت الديوان زينب تبجي دم
وضل يدور عللرمح راعي العلم
شماتصدله زينب تشوف السهم
يعين كلب ام عون جم مره الجم
ماتوفي الدموع .. ولو نكسر اضلوع
عالدمه مسفوح .. والحرك الخيام
*****
تمت
#احمد الخفاجي

#شور
يسامرة
وحك الهادي وجروحة وسهر ليلة
شوكت مشاي أجيلة خاطر أشكيلة
أليموت بغربة وأهلة أبعاد
ياهو أيجفنة ويشيلة

جروح السم تظل خضرة
وحك كل حسرة للحظرة
الدمع ينزل على الفطرة... يسامرة

مثل أربعين حسين زوار
نتعنة كبرة والكلب حار
ال علي الهادي
نمشي بطريقك كون حفاي
ونسمع المهدي ويانة مشاي
ال علي الهادي

يسامرة
...............
أذا ما نمشي ألة شتفيد رجلينة
كلشي ولا المهدي يزعل اعلينة
وهوة أيتاني اليزورون
واكف دمعتة بعينة

أبو صالح ألك يقرة
يجدي والبُعد فترة
وحك الما نفذ صبرة... يسامرة

بجبدك يجد شمسوية السموم
وية النفس شو تطلع دموم
الهوى يجرحك
مهبط وحي كبرك يمولاي
أسنينك قليلة وحزنك هواي
الهوى يجرحك

يسامرة
................
الحزن بس الحزن ما تنكظي أيامة
على الهادي أريد أطبر على الهامة
وأكسر صدري والطم حيل
ووسم راسي بالقامة

العيون الما غدت حمرة
دمعهة يفشل الصحرة
الك وي الحزن عشرة ... يسامرة

جرحك عرفتة بين الجروح
لمن قريتة بصوت مبحوح
الجبد والسم
والعسكري من شالك شكال
ثكل الجنازة بثكل الجبال
الجبد والسم

يسامرة
.................
يالهادي بكلب كل شيعي الك راية
والك كل عام ننصب عزة وقراية
نظرة الخيمة الخدام
يشايل حزن الولاية

من عطفك ولو نظرة
نحلفك بأمك الزهرة
بكلبنة تخنك العبرة... يسامرة

خنكة غريب اعليك مخنوك
الشخصك حزنة سيدي أيلوك
حزن عاشك
ثوب الحزن تفصالة مريود
نكظي العمر بثيابنة السود
حزن عاشك

يسامرة
..................
✍حسين حمدان الدلفي

في شهادة الامام الهادي عليه السلام
* * * * * * * ****
ياروحي سمو محبوبج       حكــج لو بيج تشب نار
وتظل تسعــر مايطفيها     أشما يهمل دمعج مدرار
* * * * * * * ****
بجرح المهجه المامتلايم     نبتت نبــلات الطاغين
وحركوا كلبي بسم الهادي     آل العبـــاس الباغيــن
مو بس دمعي هل بمصابه   هلت حتى دموع الدين
ومو بس كلبي ون بونــــه     اليوم دموعي ألها ونين
تهمل بمصابــه دمعـاتـي     ومختنكه بعبره الاكدار
* * * * * * * ****
بأستشهاد الهادي هاجت     عالروح أمــــواج الآلآم
وخلت صبري يجر الحسره    ومن يتحسر ماينــــلام
لن اليوم أنسم دين الله     ويلــوج اليوم الاســـلام
ما سموا بـس چبد الهادي  أنسم المصحف والاحكام
والسم گطّع كل أوصـالي     لن سموا جبـدي الاشرار
* * * * * * * ****
ناح القرآن أعلى الهادي   ودمع الكون أعليه مسجوب
وأركان الاســـلام بفگده     تنعـــه بطـــور يفـت كلوب
بمصابه ديـن الله ينحب     ويون ونـــــات المصيوب
أو وجه الدين أتكدر وأظلم   غبّر مـــن بعـده ومنكوب
كل ذره أبهالكون أنتحبت     وبكل مهجــه مأتــم صـــار
* * * * * * * ****
وأتفطر كلبي أعلى الهادي     لن خلص عمره مظلوم
جبـــراً جابـــوه السامـــره     وظل ساكن بيها ومالوم
مالحظـــه أرتـاح أبهالدنيه     من عدوانه ضاك هموم
سموا چبده مثل اجداده وراح امن الدنيه مسموم
ومن بعـده ظلـوا عدوانــه     يعادون الصفوه الاطهار
* * * * * * * ****
مـن ولـه العصــر العباسي     ورث خبثـــه للأحفــــاد
خبــث العدهم ويحملونــه     أكثر من خبث الاجداد
حقد الاحفاد أعلى العتره     أمن آل العباس أكثر زاد
ماشفنه بيهم جيـل أقبـل     صــدره ماشايـــل أحقـاد
وهذا الجيل أللي معاصرنه    جيل السفيـانـي الغــدار
* * * * * * * ****
هدموا قبر الهادي وظنهم     شانه المتعلــي يهدمون
شبــه ألهـم قبـــره أتهــدم       لـن جهـال ومايـدرون
بانيلـــه بكلبـــه كل مؤمن     مرقـد وأشحدهم يدنون
لاجـن خل يعلـم كل مسلم     هالكوم الكعبه يفجرون
وقبـر المختـار يهدمونـه     لنهـم ضد دين المختار
* * * * * * * ****
                                  سلام المشعل
 

يالهادي نادت أهل الضمايــر
مبني ضريحك وسط المشاعر
ثابت عهدنه وياك
يالهادي ماننسـاك
مبني ضريحك وسط المشاعر
* * * * * *
ياعاشــــر أيمتنــــــه     حقيقـه نريد ألك نكشف
من كثر الالم والغيض     ضمايرنه غدت ترجف
ونحشم ياعلي الهادي     مهجنــــه سيدي تنزف
وللحزن السده أعلينــه     بعد مانكـــــدر نوصف
يالوالــــي كبرك لمن تهدم
ظل من مهجنه يتنازف الدم
ظل كل كلب ينعاك
يالهادي ماننسـاك
* * * * * *
حين الفجروا مولاي    ضريحك مامحب هود
تهدم كل صبر بينــه    وحك المصطفى أحمـد
بينه جروح ماتشفـــــه    ومنهن هالجرح ينعــد
ورغم أنف النواصب صار    مبني بكل كلب مرقــد
مرقد مقدس لامانعوفه
ونحسه كعبه لمن نطوفه
بصوته المحب ناداك
يالهادي ماننســـــاك
* * * * * *
أنفجعنه ياعلي الهادي    مصيبــه وفاجعه وحلت
وتذكرنـــه البقيع اللي    قبـــــوره أبلا قبب ظلت
مصيبـه ومن ذكرناها    دمعـــــة كل محب هلت
رزيــه وبالكلب تسعر    جرح وسط الحشه خلت
تخسه النواصب ماتمحي أسمكم
وأشمــا يعادو يكثــــــــــر ذكركم
تسمعنه خلّي أعداك
يالهادي ماننســــاك
* * * * * *
من حقد النواصب صار    بينه الماجرى أعلى الكل
تفجيــــر وذبح وأرهاب    مصايبنه غدت تذهل
ورغم كل الجرى أعلينه    ثبتنه وجن جبل يذبل
بقينـه اعلى النهج نمشي    وجدمنه مستحيل يزل
بخط الولايه خل يجري دمنه
شنهي المنايـــه لا ماتهمنــه
بروحه المحب خلاك
يالهادي ماننســـــاك
* * * * * *
الشمس لامايهمها الغيم    شما يكثر بعد ويزود
لابد ينجلي وينزاح    ويظل قرص الشمس موجود
ومثل ظي الشمس وضاح    ظيك ماتحده حدود
أمام وحجـــه عالأمــــه    من رب السمه المعبود
أنته المخلد مايخفـه ذكرك
حجه ومسدد من الله أمرك
خالـد يظل ذكراك
يالهادي ماننساك
* * * * * *
                                         سلام المشعل

بدمعتي الهامله .. نويت اتعنه اله
طبيبي ابكربله
حسين

____

انه واعــي وافــتهم معنى الوباء
انه تربيــت المجــالـــس والعـزاء
الطب عجز وستسلمو لمر السماء
لاتــشــكــك لـو گلتــلك كــــربلاء

وانه ابهالمشكله .. نويت اتعنه اله
طبيبي ابكربله
حسين

____

افتــح اذنــك ونتــبه وافتهم زين
الطــب اذا يعــجز لـعد نتجه وين
انه عندي حسين ابو گلب الحنين
زين انته شـلون بيــك ابلا حسين

اعتقادي اتحمله .. نويت اتعنه اله
طبيبي ابكربله
حسين

____

كربـله امـن ادخلها اشـعر بالامان
كربله صح بقعه بس امن الجنان
الهوه بـيها يخـتلف عن كل مكان
ابلايه شـك مادام بيـها الكوكبان

عظيم المنزله .. نويت اتعنه اله
طبيبي ابكربله
حسين

____

انصــح المايمــتلـك قـيمة دواء
خـل يروح ويگعد ابـاب الرجاء
الكشفه مو بفلوس بشوية بكاء
وينـهم ويـن اليدورون الــشفاء

بسيطه المسأله .. نويت اتعنه اله
طبيبي ابكربله
حسين

____

رايي واطــرح رايي هــذا بأحترام
المـــايـعـــجـــبه لايـــؤل بالكـــلام
يابـــشر هـــذا اعتــقـــادي بالامام
حسين بس حسين عندي والسلام

كلامي اتأمله .. نويت اتعنه اله
طبيبي ابكربله
حسين
____

اشما تضــيج اعلــيه اگـصد للحــبيب
حسين ابو السجاد صـدگوني عجيب
حسين كلشي حسين لاموبس طبيب
يگــضي اصعــبها امنــگولـن ياسليب

حياتي اتخيله .. نويت اتعنه اله
طبيبي ابكربله
حسين

____

فاتــح ايــده وگلبه للگـــلـبه نــظيف
خلگه حيل اطويل خلگه مو گصيف
اثگــيل اگــصدله وترد انــته خفـيف
شافــه كم ابكـم ومقــعــد اوكفــيف

مع اول قافله .. نويت اتعنه اله
طبيبي ابكربله
حسين
____
حيدر تركي الكربلائي

شــوط كـــربــلائـي في رثاء الإمام علي الهادي عليه السلام


بسـمـك ياعـلي الهـادي نـنـصـب سيّـدي المأتم
واجب مو دمع نبچيك نبچي عليك واجب دم
..................

انت ابن النبي الهـادي ولحـمـك سيّـدي لحمـه
ياوسفه والف ياحيف جـهـلـت قــــدرك الأمّـه
الله ختارك عله الناس حُـجّـة وميّـــزَك بِسـمـه
بني العباس ما رحموك
لسامـره بـحـقـد ينفوك
وشـگــــد ياعــلي اذّوك
وانـت بـعـصـرك الحجّة أفقـه واحــــد واعــلم
................

يانسل النبـي المخـتـار وياريحــــانـة الـزهــره
امـام وطاعتـك واجـب وتـنـعـد عاشـر العتـره
جـاهـك ياعــلي الهـادي عنــد الخـالـق شكُبـره
ياويله اللذي عـاداك
سمّك سيّــدي واذّاك
يخسر بالقيامه هناك
وي فـرعـون وي قابيـل عـدوّك مسكنـه اجهنّـم
..............

الجواد ابن الرضا الرباك معصوم وصرت معصوم
ومنّـك خـافـت العـدوان ومن ذاك الوكت لليوم
ظنّـوا ياعــلي الهــــــادي تخمد لو متت مسموم
عكـس مارادوا العـدوان
نلت من الله أعظم شآن
للـعـز والفـخـــر عنــوان
گـبـرك بالســمـــاء ينــور وقـصـر السّمّك اتـهــدّم
...................

عـاصـرت بزمـانـك ذاك يالهــادي خَـمِـس حُـكّام
والسّـــم چـبــدك واذّاك المـعـتـز آخـــر الـظــلّام
تگطّع چـبــدك المسموم وذاب ابـشـــدّت الآلام
بأرض سامره وبسجنـك
متت يبن النبي بحـزنـك
برض غربه غمض جفنك
ليـش بيــاذنــب مـولاي وحــدك تـنـقـتـل بالسّـم
...................

بهــاي الليـلة يالهــادي نـذكـر سيّـدي مصـابــك
ونـتـعـنّـــه الـك زوّار ونسـجـــد ياعـلي ابّـابــك
نـقـيـم المـأتـم بصحنك ونشـتـم سيّدي تـرابــك
خل الناصبيـــه تشــوف
نجيك ومايردنه الخوف
ندخل حضرتـك ونطوف
لمّــن نـلــزم الشـبّــاچ يـنـــزاح الـتـعــب والـهـم
....................

امـس مـن فجّـروا گبـرك ظنّـوا ينـخـمــد نـورك
وظنّـوا شيعـتـك تنســاك وماتوصـل بعـد سورك
لا يالهـــادي مـا ننســـاك غصبــاً عالعــده انـزورك
رد گــبـرك يشـع انوار
وجينه لحضرتك زوّار
اي والخــالـق الجبّـــار
منعـوفـك بـعـد هيـهـــات وخـل المـاعـلم يعــلم

خادم الإمام علي الهادي عليه السلام
سيد زيد الفحام

يالهادي يامسموم يالهادي يامسموم
****************

هاي صرخـــه مــن الضماير تنتفض
بوجه أهـل الجور وتنـــادي بــرفض
الهادي بالشريان يمشي ويه النبض
حبــــه بالشــــريـــان دوم يـــــدوره

* * *

الهادي مو مرقد ولا گبه وضريــح
الهادي يعني الدين والكون الفسيح
صوته حق وبالضماير ظل يصيــح
صوته صوت حسين في عاشــوره

* * *

الهادي نور من الرسول يظل يشـع
الهادي أصل الدين والهادي الفرع
الهادي دين ومنهج وحق وشــرع
هــــوه دين الله ونهــــج دستـوره

* * *

الشعـــر حاير لــــو يريد يوصفــه
الهادي بحـــر مـن العلم والمعرفه
رغم كل الجور نــــوره مــــا طفه
نوره قدسي ودوم يسطــــــع نوره




وحــــگ ســـم الگطع أصال الچبد
نبقــــه عشاگــك أمـــامــي للأبـــد
لـــــو توذر لجــــل حبك هالجسد
لحبــــك أرواح ومهــــج منذوره

* * *

صوت يالهادي لـولائك نرفعــــه
صوت من الشيعه والكل يسمعه
عهد حبــــك بالدمــــاء أنوقعـــه
بشمس حبكم تشرق المعمـــوره

* * *

نقسم أحنه بحبك وذاك الگـبـــر
ونقسم بذاك الضريح ألي أنفجر
ثارك يــــرده الامــــام المنتظـــر
وكل بني العباس يقلع جـــــوره

*******************************
الشاعر
موسى البديري

شهادة الإمام الهادي عليه السلام

*بالقبر ام الـحـــســـن وتـــنـــادي*
*آه لـمــصــاب الإمــــام الــهــادي*

اه لـمــصــابــك يا ولـــدي يـاعـلـي
عـن وطــن جــدك تُـبـعـد يـالـولـي
والــدمــع مـنــك يـجـري وايـهـلـي
*مـن كـثـر هــمـك دلـيـلـك صــادي*

من بني الـعـبـاس قاسـيـت العذاب
كـم وكم قاسـيت والله من مصاب
بـالسـجـن ذبـوك والـدمع انـسكـاب
*الـعـسـكـري ابـنـك يـون ياعمادي*

تـالـي يــولــدي يـسـمـوك الـطـغـاة
شـالـعـجـب وانت سـفـيـنـة النجاة
شـالـجـنـاة الجـارو والله شـالجناة
*عـلـى اولادي ويلي ابـكــل وادي*

الـسـم يــا يــمــه ادري بـه شـديـد
الچـبـدتـك قـطـعـهـا ادري يالعميد
ورحت يا وليدي من الدنـيـا شهيد
*بـسـمـك اتـفـطـر يا يــمّــه افادي*

الـحـزن والـنــوح صـايـر والـسـواد
عم على الشيعه تـرى فـي كـل بلاد
لـيـك والله يـا شــبـل بـاب الـمـراد
*الــدمــع يـاولـيــدي والله بــادي*

اعليك تلطم شيعتك يسرى ويمين
تـبـچـي وتـنــادي يـالـهـادي ابونين
الـف مـاجـوره الـچ يـم الـحـسـيـن
*وأبـچـي انـا وانـتـحـب يالـهـادي*

تمت بحمد الله ومنه
1441/7/3 هــ

*لخادم اهل البيت عليهم السلام*
*المُلا محمد سامي المرعي* الأحسائي

قصائد الامام علي الهادي عليه السلام


بنيناها بنيناها ذهـــــب گبتــك بنينــاهـا
نضحي أرواح ونادي فــدوه يــا علــي الهادي
ذهـــــب گبتــك بنينــاهـا
*
أمس جيش ابــرهه ردو علـى الحضره
لان كعبــه الضريـــح انعـــادت الكــــرّه
مـــا يخلص حقدهم ضـــد بني الــزهره
لـــو سم لــو ذبـــح لــــو مرقد أتفجـره
عرفناهـــا عرفناهــا سقيفتهــم عـــرفناهـــا
سجل دمـــي أمجــــادي فـــدوه يا علي الهادي

*

علـى أحقـــاد السقيفه شگد بشر تربه
مــــا كفاهــا چبـــدك هـــدمـــو الگبــه
مـــو گبـــه وهـــوَتْ لا هـدمـو الكعبـه
وصعبه ابــلا منايــر عالمحب صعبــه
گصدناها گصدناها حضــرتك من گصدناها
گطعنه چف المرادي فــدوه يـــا علي الهادي



*

مطر غيض الموالي چن حجر سجيل
وبــزود الــــزلم دمـــرنــه ذاك الفـيل
وكِيد اهـــل السقيفـه اصبـــح بتظليل
حشد صرنه ونفـخ عالعايل اسرافيل
گلبنــاهــا گلبنــاها الارض بيهم گلبنــاهــا
بينــه احـتــار اليعادي فـــدوه يا علي الهادي

*

رخصنه اروح الك تــرخص مناحرنه
علـــــى الكلفــــات ربتنــــا منابـــرنه
ابنــادقنــا وحيينــاهـــا شعــائــــرنــه
على الساتــر ننادي انته بضمــايرنه
نذرناهــــا نذرناهــــا يالهـــادي نذرناهــــا
المهج يا خيرت ابلادي فدوه يا علي الهادي

*





غصـبن عالنـــواصـــب گبتــك تلمــــع
خجل نور الشمس من عدها من يطلع
مــن دمه المحــب يالهادي الك وقـــع
مـــا نتـــرك حضـــرتك بيها نتگطـــع
فديناهــــا فديناهــــا الحضـره ابدم فديناهـا
الشهاده دونك امرادي فــدوه يا علي الهادي

*
أِسِمـــعْ يالتعــادي الهــادي والمهــدي
بـالك لا تـــزامـــط والحشــــد عنـــدي
شديـت العلگ مــن مــرقــده ابــزندي
ابدمــي وي امامـــي وقعــــت عهدي
ختمناهــا ختمناهــا العهود ابدم ختمناهــا
ابدمــي وابني واجداي فــدوه يا علي الهادي
*
الشاعر
موسى البديري

انه عباس كفيلي انه عباس
انه عباس كفيلي انه عباس

،،،،،،،،،،،،،،،،،،،،،،،،،،،،،،،،،،،،،،،،،،،،،،

انه اخت عباس يا موت ابتعد
هذا چفه بروسهم يحصد حصد
خله بيهم خوف من ولد الولد
اليوصل العباس يحلم ما يرد

ياهو اليوصل يم عباس وحيدر لازم چفه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

وزع الموت وخبط صافيهه
والله حيا اصله التصدر بيهه
الشده متطول بعزم راعيهه
بس گلت عباس گال اگضيهه

يم عباس اشربتيه وليدچ هز الدنيا

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

منتظر چان اوصل ميعاده
يا جيوش اللاگته ويا قاده
صاح بيهم هذا عم الساده
الفارس البيهم عرف مشراده

خله الجيش بلا عنوان بيوم الشال ذراعه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

الواجه العباس ياهو يعينه
چنه بآخر نفس ومگبلينه
هوه شيرده التموت سنينه
حتى نظراته انتهت من عينه

وينه الگابل چف عباس ويرجع يمشي بطوله

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

القائد المعروف قتال الكفر
هوه حيل هواي بس همه الصفر
اليابس شوازاه واتعنه الجمر
الناس عثرت بالهوه ورادت تفر

صاح دخيلك يلعباس الموت وياهم شارد

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

هالبرز عباس وينه الناصبي
خله كل ازلامهم تحبي حبي
شردو الفرسان لبسهم عبي
كافلي العباس يا هيبة نبي

خله الخيل ادوس الخيل بيوم الصاحت زينب

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

والنعم عباس منك يا شهم
سيفك انته النار تلهمهم لهم
يا زلم عباس ما ظلت زلم
لهسه ممصدگين شو چنك حلم

عطوه اطيهم يا عباس الرحمه اتصيح الوادم

كلمات خادم زينب / رعد الفريجي

بلوعه وبحسره بدمعه وبعبره
عالهادي أنوح اليوم بغربة وطن مسموم

* * *

عاشگ وأبچي عالمحبوب مثــل بچــي الطفل لــمه
وأحناً چن حنين النـــــوگ وأمــن لـــو رحــت يمه
بحضرته تشهگ أنفــاسي وأهيم أبصحنه وأشتمه
وأنادي الهادي يا مـولاي سمــك للمحــــب سمـه
جمرتك تسعر يا شبل حيدر
يالهــــادي يا مظلــــــوم بغـــربة وطـــن مسموم

* * *

ورثت من المحن مـــولاي محن ما تنحصي وتنعــد
ورثت الهامــه والبسمـــار وچم چبد الـــذي تمــرد
ورثت أمصاب طف حسين بگلبــك نـاره مـــا تخمد
وچن خيل التدوسه أهنـاك تدوس أبصدرك وتصعد
تسحگ أجروحك تلچم أبروحـــك
ونبلــــة طفـــل مفطــــوم بغربـــة وطـــن مسموم

* * *

مثل غربـــة أبو الأحــرار عاش الهــادي بالغربــه
لسامره مـــن أرض جـده جابه الطاغيه وحــزبــه
راد يطفـــي نـــــور اللــه ونـــور الهادي من ربـه
وتحمل من سجون الجور مـــا فت وعصــر گلبـه
لوعه كل عمره يا عظـــم صبره
من أهله ظل محروم بغربـــة وطـــن مسموم


عاصر من ملوك الجور ستــــه مـــن بنــي العبـــاس
ظالـــم مــن بعد ظالـــم ورجس بعـده أجــت أرجاس
رادو ذلــــت الهــــادي مـــا ذل دومه عالـــي الراس
ذلهــم بالصبــــر والله شبل من حيدره أصل الساس
هزهه عدوانه صبره عنوانه
بوجهه الصبر مرسوم بغربـــة وطـــن مسمــــوم

* * *

غدر ورثــوه بني العباس ساسه أنعرفه وأصله منين
أرجع وأنظـــر التاريــــخ وركـــز عالمصـــادر زيــن
أصله من السقيفه أهنـاك باغـــي يسلمــــه لبـــاغين
للمعتـــز وصل هالــــدور ســـم الهــادي روح الديــن
ظـــالـم لظـــالم ضد بني هاشم
أمــــر القــــدر محتـــوم بغربـــة وطـــن مسموم

* * *

الحسن لمن نظـــــر للحال سالـــت دمعتـــه أبحـــزان
لبوه دمعه علــــي الهادي ودمعه لمصـــرع العطشان
وذكر جده الغريب أشلون ثلــــث تيــام عـــالتربــــان
لا مــــاي الغسل جسمـــه وذاري الطف صبحله أكفان
مگطعه أوصاله تصعب الحاله
والحسن هـــل أدمـــــوم بغربـــة وطـــن مسموم

* * *
الشاعر
موسى البديري