#وفاة_ام_البنين_ع
مانسينه والله يوم الوفيه
******************
شوفي الخدم يالحره ترفع رايه
بصحن الكفيل اليله دكت ثايه
ونصيح انصار وعلي وفايه
نتعنه كبرج بي نسوي اقرايه

ام البنين اتشوف هالجعفريه
مانسيته والله يوم الوفيه
********************
خطت حزنهه كربله لمصابج
ويه الكفيل بنظره شوفي احبابج
يصعب علينه يالوفيه اغيابج
والكافل ايسجل الگصد يم بابج

ياهلا بالخطار هاي المسيه
ما نسينه والله يوم الوفيه
********************
ام البنين وبالوفه شفناها
طول العمر لا والله ماننساها
نعيش يوميه بأمل طرواها
ونصيح يحسين وعلي وياها

ندرس بحبهه اجنون لبن الزجيه
ما نسينه والله يوم الوفيه
*******************
رأيتهه صارت بالسمه معروفه
ام البنين وللكرم موصوفه
جانت تبوس الكافل من اجفوفه
لحسين ضحت بس الك ملهوفه

قدمتهم لحسين اجمل هديه
ما نسينه والله يوم الوفيه
********************
تتباها جانت عالنهر بوفاضل
رمز البطوله بالمجد متواصل
هاي الوفيه وبيها ناتج حاصل
بيض وجهه بالطفوف الكافل

كلشي قدم لحسين يوم المنيه
ما نسينه والله يوم الوفيه
*******************
نخدمهه اجينه وهذا دوم انكوله
يم الكفيل ابدمعتك وصلوله
هذا الكلام بخدمتي منقوله
مشكوله ذمته الماحضر مشكوله

بالصحن هيه تشوف دمع العزيه
******************
تمت بعون الله
خادمكم .....يوسف الفتلاوي

كعديه
يـم البـنيـن الحـره = فـگـدچ فجعـهه الـزهـره
ابموتـچ نعـزي الحسنين= ودموع تجري من العيـن
فگـدچ فجعـهه الزهـره
&&&&&
حـره أنـتي أشـگـد وفـيتـي = والـوفـه عـنـدچ سـجـيــه
والابـه أبحضنـچ تـدفـــــــه = واخــذ منـچ يـالابــيــــــه
أنـتي نـبـراس الـكـرامـــــه = وكـل خصـالـچ هـاشميـه
مـن يـوم مـاصـار العـرس = قـدمـتي بيـديـچ الـــدرس
مـرفـوض اسمچ ينهمـــس = لاتـجـفـل عيـال الزچيــه
يــمّ الفـخـر والنـومــــــاس = سـبـع الشريعه عـبــــاس
الهامــه أنـطـه وچـفــيــــن = ودموع تجري من العيـن
فگـدچ فجعـهه الزهـره
&&&&&
تـعـجـز الچـلمـات كـلهــه = والـقـلـم عـاجـز گـبـلـهـه
يـامـره الشالــت صـفـاتچ = لـو وصـل يـمـچ فضلهه
شنهي حرمه وهي ترفض = مـاتـريـد يصيـر ألـهــــه
خـدامـه گـالت للشــــرف = مـاترفـع بعـيـنه الطرف
حتـى أمـرهـه منـعـــرف = مـارضـت يعله أمـرهـه
تـرتـاح وعطـورأتفـــوح = مـن تـخـدم أتهيـدالروح
وتشـوف يمهه الطيـبيـن = ودموع تجري من العيـن
فگـدچ فجعـهه الزهـره
&&&&&
تـلاثـه أنـتي نجوم عندچ = وابـنـچ الـرابـع گمـرهم
تـفتـدي تـرابـچ تبـــــرچ = وانـشغلتي هـواي عنهم
وبـرغـم هـاي المشاغـل = مـابـدر مكـروه مـنهـــم
تخـدمين لحسـين وحسن = والعيـن مـاشافت وسـن
چـم مره وعيونچ بچــن = كـل وكـت حنيتي الهــم
أو ويـاچ ولـدچ يفــدون = الارواح همـه ايقـدمون
يگولون يُمـه أموفيــــن = ودموع تجري من العيـن
فگـدچ فجعـهه الزهـره
ومـن بـعـد حيـدر أبـوهـم = صـرتـي خيـمه أتفيض طيـبه
والبـطـل عـبـاس يـمــــچ = گمــر أشـرق مـن مـغيـبــــــه
كـافـل الـزيـنـب أخيتــــه = ويـاهـه يمشي وهـوهـيـبــــــه
ويـاهــه تـحـلـه خطوتــه = مـن الــزغــــر هـي حبـتــــه
كـافـل خـدرهـه عـرفتــه = أتـمنـه يمهـه يصـيرشــيـبـــه
منـچ أخـذ كـل طبـعـــــه = شـيـمـه وكـرامـه ورفعــــــه
وضـحـه مثـل متضحين = ودموع تجري من العيـن
فگـدچ فجعـهه الزهـره
&&&&&
عشـتـي أيـام المـصـايــب = ومـن بـعـدهـه لـلمنـيـــــــــه
الحـرمه تتـرجــه بضناهه = يـــدفـــــن أمـه بهـالمســــيه
واربـع أفـحـول الگظولچ = مـابـقـه منـهـم بـقيـــــــــــــه
ويـشـيـل هـو أجـنـازتـــچ = لــو مــتــي هـو أيـوســــدچ
ويـهـيـل بــيــده تـــربـتـچ = صـعـبـه والـلـه هـالقـضيــه
اليـم الشـريـعـه مـدفـــون = وعبـدالله وجعفروي عـــون
وانـتي وحيــده تـمشــــين = ودموع تجري من العيـن
فگـدچ فجعـهه الزهـره
&&&&&
وهـذا هـو اليــوم فـگـدچ = هـدمـتـه أبـحـقـد النـواصب
بـكـل گـلـب الآم خـلــــوا = ومـالگـينـه مـن مـطـــــالب
والـبـعـد يــصـعـب علينه = وكـثـره عـدنـه هـالنوايـــب
ونـريـد كـلنـه ونـرتجــي = مـن غـيـبـتـه القـائد يجـــي
أيسمعنه هالصوت الشجي = يـلـلـه گـومـوا خـل نحارب
ونسـحـگ عـليـهم ونفوت = أمـا النصــر أمـا المـــــوت
بـرايـه نـصــر متعـليـــن = ودموع تجري من العيـن
فگـدچ فجعـهه الزهـره
&&&&&
نسألكم الدعاء
خادم الحسين ع
الحاج ابو اياد البيجاوي

قصيدة (أنه منكم بريه )
بحق ام البنين (ع)

■■■■■■■■■■■■■■■■■■

أنه منكم بريه ...لو رجعتم عليه ...من غير الحسين
طيحوا كدامه ... وصيروا خدامه ... يالميامين ...
يالميامين

••••••••••••••••••••••••••••

شو تعالوا خل اوصيكم وصيه
وايد فوك الايد خلوهن سويه
كلمن يقدملي عهده بهالمسيه
صيرو سند يالأربعه لأبن الزجيه
صيروا احزامه ورفعوا الهامه بالميادين يالميامين

••••••••••••••••••••••••••••••

ياولد الغضنفر حيدر قالع الباب
حسين لوطر البحر امشوا يالاطياب
ولاتنشدونة السبب وشتالي الاسباب
هذا سيد دنيته ومكشوف الحجاب
امشو بلسانه انتم خوانه وگره العين يالميامين

••••••••••••••••••••••••••••

خلوني ومشو ماردت منكم حراسه
شلي بيكم والگلب مايمه ناسه
ماأموتن أشعليه لا تخافون انتكاسه
نروح فدوه وخل يضل يايمه راسه
انتم ازلامه وذخره لأيامه اخوت حسين يالميامين

•••••••••••••••••••••••••••••

عباس خل شيلتي يُـمه برحلكم
حته تحمون الخدر وي شيلة امكم
لانتو ولدي ولا مني ولا انه منكم
لو خذوهه يعني سلبوهه لاختكم
حرسو صيوانه علي وصانه ها يالبنين يالميامين

••••••••••••••••••••••••••••••

بالدرب يبني الگمر لا تفاركهم شبر
بالوصيه يُمه ادي يال دگيت الصدر
لو اموتن راح اضلن بالوفه انه انذكر
بالنياح وبالهظيمه ادري يخلص هالعمر
روحي مبچاهه يبقه وياهه وتعمه هالعين يالميامين
•••••••••••••••••••••••


الشاعر :
حيدر العمار الخزعلي
.

گعده لــ ام البنين
وصيه

(لــن تَــنالوا البِــرَ حــتى تُنــفِقـوا ممــا تُحِـــبون)
وانه اعز ماعندي ولدي وفدوه الك يانور العيون
اويه اللبن من رضعتهم
عالتـــفـــاني علــمـــتهم
(لن تَنالو البِرَ حتى تُنفِقوا مما تُحِبون)

--------------------

بسم دمع اعـيوني ابدي واحچي عمَا صار بيه
الكــبرتهـم بالمــتاعـــب والمــصاعب والاذيه
محــلل ومُــهوب بيهــم كون بس ترضى عليه

اي وحق جفني ومدمعه .. اعرف قليل الاربعه
يـــرادلــــك للمـــشرعـــه .. اخـوه للــعباس ميه

عَشره من يرحون منهم هم يضل وياك تسعين
حتـى ماينكـسر ظهرك عالشـريعه يـمه يحسين

لون عندي جندتهم
وعالـتفاني علـمتهم
(لن تَنالو البِرَ حتى تُنفِقوا مما تُحِبون)

------------

(اتقــوا الـــنارَ بــشقِ )تمــره وانـه هـــواي عندي
ولــذلك مــو بتــمــره جــاي اتــصــدق ابـــولــدي
انچان تحسبهم شويه وياهم انه احسبني جندي

ابعامود اهد وموعجب .. بالمعركه مثل ام وهب
لاموعجب بس العجب .. شحچـي للزهره بلحدي

من تگلي وين اديچ وايدي كلشي ماكو بيهه
شراح اگلها يبو اليمه وزينـب مچوايه اديهه

إي وحق الي خذتهم
عالتــفاني علمــــتهم
(لن تَنالو البِرَ حتى تُنفِقوا مما تُحِبون)

--------------

امن ازرعت بذره محبتك خضر العباس ياسك
وگتله انفاسك حسين تمـوت انته ابلا انفاسك
تاج راسك ابو اليمــه وغــيره ماكو تاج راسك

ربيته هـيچ امن الزغر .. وشــربته خــدر ام الخــدر
بشيلتهه گمطته شكثر .. حتى يعرف شنو حساسك

علي چان ايصيح بسمه الكربلائي الكربلائي
وانه ماگــله ابو فاضل چــنت اگله يالفدائي

بهالطريقه هيئتهم
عالتــفاني علمــتهم
(لن تَنالو البِرَ حتى تُنفِقوا مما تُحِبون)

-------

وداعتــك يابو اليمــه باچر امــن ايصير عاشر
ومايضل عندك صديج ومايضل عندك مناصر
اربعتــهم تحت امــرك ولدي ســـويهـم گـناطر

بــس المهــم تــرجع الي .. يابو عــلي يابــو عـــلي
من تبطي تدريني ابتلي .. وابقه مكسورة الخاطر

الدنيه ريح وريح صرصر وانتَ تدري چني ريشه
العيشه عــگبك مستــحيله وراح ماسمــيها عيشه

واسأل اولادي اربعتهم
عــالتــــفــاني علمـــتهم
(لن تَنالو البِرَ حتى تُنفِقوا مما تُحِبون)

----------

مــن احــط بكفه ولــدي سيدي وحــبك بـكفه
حـبي يرجح عـلى اولادي مــن كـثر مابيه لهفه
اليوم حالي حال واحد عنده ميت وعنده زفه

كودن نطيت اربع ولد .. وچـي رايح انتهَ وماترد
دلالـي احــسه منمــرد .. ويبــني من هــسه توفه

ان شاء الله ترجعلي انتَ والولد لامومهمين
ولوتــرد سالم ييــمه بعــد شــتريد ام البنين

فدوه الك من قدمتهم
عالــــتفــاني علمتـــهم
لن تَنالو البِرَ حتى تُنفِقوا مما تُحِبون
--------------
حيدر تركي الكربلائي

آساسيه
ام البنين وزينب

ليليه اشوفـــچ بالباب
بعيونچ امذريه اتراب
يازينب اخوانچ وين
احچيلي عالضعن


يجيني الليل يايمه واشـــــوف المايجي ابالي
مو انتي الخذاچ حسين اشوفچ گاعده اگبالي
انشدچ وانتي ماتحچين ليش ادموعـچ اتلالي
رحتي بيد ابو فاضل چف ايدچ رجــــع خالي

يازينب اشبـــيچ    تعبانه احس بيچ
مو عندچ اخوان   حاچيني احاجيچ
هذا الدمع مـــــــال اعتاب
ناشدتچ وماكـــــو اجواب
همسيلي خل اسمع صوت
دمعاتچ اشحچن

شما گومن الچ بالطيف مدري اشكضني جدامچ
ولا انتي الجزيتي الباب مدري اشـثگل اجدامچ
نشدتچ عالرماد البيچ ماشلتي ابــــــــــــد هامچ
هزيتيلي راسچ من كتلچ طـــــــــــاحن اخيامچ

هاي المصيبه   واكبر نحــيبه
معناها زينب   بالطف غريبه
خدرچ يحـــرسه العباس
لو بعده ضــل بيد الناس
ماعدنه علــــــويه اتعود
وحَدهه للوطن


من فزيت ردت الگاچ ركـضت وما شفت حرمه
گعدت الطم صحت زيــــــنب يعينچ الله يايمه
شلت ايدي يربي اتزيح عن بت فاطــــمه الغمه
خلي عيونك اعله حسين ادري الــوادم اتضلمه

من طلعت الخيل     گلبي انلچم حيل
ودعته بدمــــوع      لمن نوى ايشـيل
سار الضعن والخـــــطوات
ترست دليـــــــــلي لچمات
چم غالي ودعــــته وراح
وخلوني للحزن


عشت ايامي كلهـــا افراگ واناطر ردت الخدَر
كلها اتهون اذا زينب رجعت والضــــــعن سدّر
بس كون الگه ابو فاضل اســـــمع عنه ماقصر
الزينب گلـــي نذريني وكتله هــــاي الك ابشر

لوشفته عطشان     گول الوعد حان
وصيته لحسين      يشــمرله ذرعان
ماريد اخيــــــتك تحتار
شما تطلب اتگــلهه صار
فوگ النهر معــــبر صير
لو يطلب الزمن


سمعت الصوت من ناده يهل زينب اجت زينب
طلعت ومنضرچ شفته شمالچ ضــهرچ امحدب
هاي الناگه مو النه بـــــــــــس لا ضعنچ اتسلب
شيلي عيونچ بعيني ومســــحي وجهچ امترب

بلا خوه تمشين    چا وين الحسين
عميانه العيــون    ولا انتي تبچــين
مفتره بيــــــــــــچ الايام
وشعرَف اعلــــيچ الشام
صعدن فواطــم عالنوگ
الف حيف انسبن

خادم القصيده
شاكر الصيمري

ماماتت الخلفت زلم بالحومه
صولاتهم عد العرب معلومه
...
ماماتت الخلفت زلم واحدهم
ينعد بالف غير الله ابد ماعدهم
العباس اخوهم بالحرب قادهم
بس للحرايب هل الزلم مفطومه
...
سوالف الحگ تختلف عن الباطل
عدها زلم رداده كلمن عايل
ام البنين اشگد حجت لم فاضل
علميه وليدچ ويه لبس هدومه
...
ماماتت ولاظن تموت العلمت
اولاده بخدمت حسين اتهدلت
اموزره وظربت مثل للخدمت
مشكوره دنيه واخره ومخدومه
...
شيموت الورده وعطره الفواح
لساعه ظال بكثر مابيها جراح
من سمعت بذاك الخبر والبي صاح
طاح الگمر واليل عاف انجومه
...
گالتله خيطيح الگمر بشرني
يلفدوه ليه انروح انه وابني
حسين گلي شلونه لتعذبني
انخمش گلبي وروحي بي ملچومه
....
ام البنين ومن تعدهه النسوان
عباس ابنه وموش ياهوه الجان
من عده طالع چم صدر للديوان
ياهيه تنطي اربعة وما مندومه
....
ياريت عشرة مخلفه رادت هيه
وبلچن يظل حسين للعصريه
والفضل مگيود ويباري رقيه
والطگه حاشاها وتسيل ادمومه
....
اتمنت بگيد وفوگ تصعد ع النوگ
واتصير اولهن اذا طبو سوگ
اتصد الحجار بچف اديها المحروگ
من نار خيمت زينب المظلومه
...


الأقل شرفاً
كرار اللامي

موكب السّبعين اجوا من كربلاء
للجـــنان ايشـيعوه نعش الوفاء
وجفن راية ياحسين
للفدت اربع بنين
***************************
منّ الطف قرائيـن العــطاء الشيخ جمّعهه
وهتف جينه ابن ضاهر سمه الغيره نشيعهه
عابس كاتب اعليهه قصيده چان مطلعها
تصلّي اعله جنازتهه
كل الدّنيا تســتاهل
علوّية علـــــي الجابت
نبي النخوه ابو فاضل

اجو كلهم عصبة الله امن الطفوف
ايشــيعون الجـــابت الحيدر الوف

تربه من وادي الحنين
جابــــــو لام البـــنيــن
*************************

حبـــيب براية العبــاس ثانــي فاطــمه لفـــهه
وثلث مرات باسه الشيخ وبراسه مسح جفهه
ومن شمــهه تذكّر ريحـــة الـــنوماس يعرفهه

شهگهه بالخيم صدره
وارثهه الـــــكفل منهه
وربّات الـــخدر  چانن
يأمنن من يشـــمــنّهه


جون كلهم عطري ال شتمه الحسين
مره جي شمّيت ثوب ام البنين
نعش تربات العرين
جابو لام البنين

*********************


زهير بعجل گلهم خل نشيّع فاطمه الحره
لان هل حين يتنوهه النّطت ارواح للعتره
يم باب الـسّمه طه وابو الحسنين والزّهره

وملائك يمكن امحضره
ومن الله امر نازل
تاج اعليهه مكتوبة
شكرا يمّ ابو فاضل


وتنضر البهرت العالم بالوفه
السمه وهل السمه متلهفه

عطر ارض العاشقين
جابو لام البنين

*********************

ابن نافع حده بيهه جنازه كــــعبة النّخــوه
يصيح الرحمة الباري رحلت وادي المروه
امّ الكسر عين الماي بالطّفّ ومطـر خـــوّه


يجبريل السمه استقبل
السمّة روحهه بحسين
وهاي الوصـــت الغالي
بالك تــرد بالــــــجفّين

اتحضروا ليهه ياملائكة العرش
العــــله المــذبوح ابيـضة رمش

علگ من الاحيه دين
جابوا لام البنين
***************************

قبل لا يدفنوهه بكبر ثاري اموصيه بوصيّه
نواعي ابموتي اقرولي وحبّ اسمعلي لطميّه
عل مسلوب ضل وحده   وعله الودّوهه مسبيّه

ومجالس كون فاتحتي
وتطـــبير ولطم وونين
ويوم الثالث اوصيّه
اقروا المقتل اعله حسين

ولاتكتبون اسمي كتبوا عالكبر
خادمــه لحــسينهه وامّ الگمـر
قاري وي ناعي حزين
جابو لام البنين
**************************-
سيد سجاد العميدي

السلام على ام البنين عليها السلام 1442
_
بين البقيع وكربله قصه جرح
شالوا جنازه بغربه لو شالوا رمح
والنعش خيمه والابن ضل منذبح
قصه جرح
____
وجه الشبه بين اثنين بين حسين وام بنين
من شيعوها ام الوفه جن شيعوا راس حسين
نفس الغربه لكن تختلف ديره
جانت عالهوادج عمه الجبيره
من شالوا نعشها ماكو اي رووس
هاي الحيره تشبه ذيجه الحيره
من شيعوا ام الوفه ماكو اهل
وحسين اخوته حاضره روس بنبل
وحسين مو وحده برمح يمه طفل
قصه جرح

تتشابه المشيه اشكثر مشيه غرب مشيه يسر
انتي بنعش يا فاطمه حسين برمح خدوده سمر
يمشي بهيده نعشج ما يمنعونه
بس راس الرمح مكسره اسنونه
بتشيع الجنازه اتاني عباس
حسين برمح ويباوعله بعيونه
عباس يمه بلا جسد هم تدرين
عنده علامه عله الرمح سهم العين
تسبيحته فوق الرمح اسم حسين
قصه جرح
_
بشيل النعش ماكو حرب الجناز ابد ما ينضرب
تختلف وي اهل الرمح راحوا سبايه بلا ذنب
كل غالي بضعن يشاهد الغالي
يباوع راسه يمشي والرمح عالي
بس اهنا حميده تكسر الخاطر
تمشي ويه الغرب ومضيعه الوالي
بالغرب شيعوج بحزن يم جعفر
بس الرمح من الضرب لونه احمر
وحوبه رقيه والرمح ضل يعثر
قصه جرح
_

اروي حزن هذا النعش وبهيده عالكاع انفراش
بس الرمح شالوا غصب جابوا من ليل اهدعش
يمشي الرمح لكن اهله عذبوهم
قطره ماي كوه بسوط ينطوهم
ممنوع البجي يا ناس والنوح
لو تبجي الاطفال بسوط ضربوهم
كلها تباوع عالرمح سيل دمه
وكلها تنادي من الجرح يا عمه
والسبي دربه بس نسه بلا زلمه
قصه جرح
_
هاي الجنازه تندفن تخلصين من هذا الحزن
بس الرمح نومه بطشت ويمه رقيه شكد تون
اكو واحد يموت ويترك وصيه
بس حسين يمه ماتت ارقيه
تالي بالنهايه تموت عالراس
نامت وبهضم ما عدها ترجيه
يكسر الخاطر الطفل من ينوح
اشلون اذا فاقد ابو وهم مجروح
والروح ومن تفقد ولف تريد الروح
قصه جرح
تمت الحمد لله ٢٠/١/٢٠٢١
خادم الحسين/علي فيصل الكريطي الكربلائي

ماتت الحره ام البنين
لاخر نفس وتنادي يحسين
____
هاي الجنازه تريد دفان
ماتت الليله ام الاحزان
يمها العليل محضر الاجفان
وحده العليل ويدمع العين
_
نعش الوفيه الليله معتاز
هاي الجنازه فاقده اعزاز
ضلت وحيده بلايا جناز
يمكن اهلها كلها ميتين
____
وين الغيور اليفزعلها
واجره عالزهره الحملها
هاي الجنازه ماكو اهلها
ماكو اهلها سافروا وين
_
ام الغياره بلايا انفاس
ضلت وحيده بغربه الناس
وين الحسين وينه عباس
يمكن ابنها بلايا جفين

اعله نعشها صوره اخيام
ولوعه حزنه يشبه الشام
يم الجنازه بس الايتام
مو جرح واحد عدها جرحين

وسفه الحنينه تموت غربه
رادت غسلها بماي جربه
من الحسين تريد تربه
اتمنت الرايه الها تجفين
_
هاي الوفيه اتمنت اهواي
لحسين رادت تمشي مشاي
رادت تموت بجانب الماي
بس الله يعلم ساعه البين
_
بماي الفرات اتمنت ايكون
يغسلونها رادت اهل الضعون
اتمنت حسين يغمض العيون
وعباس الها يسبل الايدين
_
وسع لحدها حدر التراب
هذا الكبر ما يحمل مصاب
الطف حزنها ودفعه الباب
مو حزن واحد عدها حزنين
___
تمت الحمد لله ١٩/١/٢٠٢١
خادم الحسين/علي فيصل الكريطي الكربلائي

....ميمر مجنس....

من تختنگ .. انخه بصدگ
ذيج الگلبه محترگ
لفگد الحسين وعباس ولطاري زينب هيه
....
ام البنين ام الوفه ياربه
كرمها حد صار الكرم ياربه
لو حاجه وگفت انت بس ياربه
شوف شلون .... تنطي عيون.....
لو حلفته باام عون ....
كل الملائك (تستعد) من تندعي العلويه
....
عالمة تفسر كلشي للسائله
متعلمه تستغفرله اذا سائله
واحد ولا خاب الذي سائله
بت ديوان ...من عدنان.....
اصل العرب والميدان.....
ظربت مثل للخدام وعلمتنه العزوبيه
....
الوادم اتلوم وبالحچي يارتنه
وام الوفه من كل خلل يارتنه
توصي ليطلع للعزة ال يارتنه
تعلم دوم ... وسود اهدوم
كونه البس عل المظلوم
نحس بالعزه حرگة تصير لو طبت حسينيه
....
من الحور بس الله العلي يسمه
معروفه عنبر والاصل يسمه
بيبان حاجات الخلگ يسمه
الله وراد .... باب مراد
منه الطلب مال وزاد
والنعم من ام عباس حاجتكم مكظيه
....
ام اربعه وبكل عزه تاراهم
ام للخدم من تحظر و تاراهم
تدريه العنده مشكله تاره الهم
بگلب الخدم ....حسين ولطم
تمش اعله راسه والنعم
منك يتربات العزه وترتاح هل الليليه
...
تحل الشدد واطيب البي عله
انخاها تفرج وصوت روحك عله
بدمعة عزه المذنب گليبه عله
ذنبه انمحه .... وا تفرحه
ام عباس قطب الرحه
بهاي المجالس والكون معروفه البدويه
...
معروفه يا اصل الكرم وال نيبه
علمتنه من خاف اذا كشر نيبه
كل مغرض ونركض عليه و نيبه
نفهمه بعقل .... من ننسأل
هاي الخدم گول وفعل
قوة مجالسنه اللطم و نتمنه كل يوميه

.............................

الأقل شرفاً
كرار اللامي

يم عباس .... يم عباس


بينه حسره انزورچ ونشم لتراب
الفوگ گبرچ صاير ياعظم مصاب
ماكو ليج اي حظره ولا عتبة باب

نطوفچ نريد بحرگه والم
وكون بظريحچ رف العلم
نقيم لمجالس ونلطم عشگ
علفرهدوه واحترگت خيم

................................................

منج اتعلمنه اليخدم ممنون
شماعله كل صيته الكم مديون
انريدچ اتحزمينه بداعت ام عون


حزمينه بالحرگه وبالدمع
وشعلينه شوگ نغث الشمع
ونموت ريت بنص العزه
مكسور من عدنه چم ظلع


...............................................

شوغه بينه مصابچ كل لحضه وعام
صفي يامولاتي اگلوب الخدام
خلها كون اتموت السمعوا بالشام


يم البنين الخادمج عله
ومحزم بچلمات الهله
الوادم خذت من عدچ وفه
ياول مره خدمة كربله

...............................................

خاف يخلص حيلي ومنچ محروم
وما اجيت الگبرچ ولا شفت اعلوم
وتبقه حسره بگلبي وعقلي ومندوم


مندوم اضلن طول العمر
لاشفت گبرج لاشم عطر
بشباچچ الرايد لو يحچ
ايحلفچ بظلعين وكسر

...............................................

بمجلسچ معروفه من نذكر شوگ
لازم انمر زينب ويه طبت السوگ
ونذكر الي ركضت وبجفهه احروگ


يم المجالس شدي الطم
وكون الچفوف اطخ العظم
بلجن نواسي الماتو صدگ
انعيش ونموت وبينه الهظم

................................................

ياسواد المجلس ايردنه لوين
جنها ليلة عاشر ونصد لحسين
المابجت لمصابه خل تعمه العين


معروفه هاي اعيون التحب
لو ذكروا اسمه بمجلس تشب
نار ودمع وتفيض الوجه
علماله ناصر ظل منسلب


......................................


الاقل شرفاً
كرار اللامي

لوفاة ام البنبن ع
.
.
.

خلصـت حـيـاتـي .. والمـوت اجـانــي
ومــن الـــزچــيــه .. خــجـــلانـه انــي
لا ازرگ امن الـســوط ظــهري
اولامنسحگ بالـخــيل صدري
خجلانه اني

________

إي واربــــــع الأولاد .. وعيــون ابو السـجاد
دنـيه بلايــه حسين .. صــدگونــي مـاتــنراد
يمتـه امـوت ونـلتـگي احــنه سـويه
بس خوفي انه من عتب امه الزچيه
لامن عطش رويت .. ولامن شمس غطيت
وجروحه ماداويت .. اشـگد بالندم حسيت

فوگ الترايب .. ماتركــه نــايم
وافرشله لازم .. اربــع عــمــايم
ماقــدمـت لحسـيــن عمـري
اولامنسحگ بالخيل صدري
خجلانه اني

________

متحــسفه يـاهــالنــاس .. مـارافــگــت عــبــاس
حتى افدي انه احسين .. عــن جـسمه لايـنداس
بالله شـجانــي ومارحت للـغاظــريه
حتى الخيول السحكته تسحگ عليه
وصدري العده ايرضوه .. وطحن الرحه ايطحنوه
وفوك الثــره ايطشروه .. بــس ابـــنــي مــيــأذوه

وأقبــل سبــيه .. مـــــو الـــه مـيــته
ابدرب السبايه .. امشي اويه اخيته
لابالحــبل مـشــدود نحـري
اولامنسحگ بالخيل صدري
خجلانه اني

________

وجهي اوديه وين .. وبـاچـر اغـمــض العـــين
مستحيه ياهالناس .. شحچي اويه ام احسين
المفروض اروح الـكربله اشخلاني بالدار
زيـنب احاميـها واذب روحـي عـلى النار
شيرجعه وكتي الفات .. واصــرخ يعــلــويـات
الأيديـها محــروگــات .. اطــفــيها بالدمـعــات

اربــع بـــنيـني .. صح قدمتهم
اشبيه وشجاني .. مارافـگتـهم
مـن فاطـمه شيـكون عذري
اولامنسحگ بالخيل صدري
خجلانه اني

________

مـن الالـــف للـــيــاء .. لـو تعــتـب الــزهـراء
من حقها ام احسين .. حــزنــانه عــالحـوراء
زينب امـانه المفترض عيـني عليها
ونمشي سويه بالسبي وايدي بديها
لاچف الي محروگ .. اولاركـبــونـي الــنـوگ
اولاطببوني ابسوگ .. الهـذي الصدر مخنوگ

لو ناشدتني .. اشراح انه اگلها
عـن السبـيه .. شـتــعـــذر الـها
وعـن حالـتي الزهـراء تدري
اولامنسحگ بالخيل صدري
خجلانه اني

________

لابـاليـسر حســيت .. اولابالشماته ادريت
اتمنيته كون الموت .. گـبل السبي ياريت
لو ناشـدتـنـي فـاطـمه بعــد المـنيه
اشسويتي يم الاربعه ابموتت رقيه
راح انه انزل الهام .. چيه ماچنت بالـشام
ومن تعـتب ابـألام .. صـدگـوني ماتـنــلام

بلكـي الـوديعه .. ترضه اعتذاري
من ترضه هيه .. تطــفيلـي ناري
شيخـمــد النــيـران تــسري
اولامنسحگ بالخيل صدري
خجلانه اني
________
حيدر تركي الكربلائي

أم البنين 
----------------------
أنادي ،، من يسمع حنيني 
أنادي ،، مشتاگه البنيني 
گرّبت ساعة منيتي وچني بالدنيه غريبه 
واليموت العاده يمه يغمض اعيونه حبيبه 
أنادي ،، مشتاگه البنيني
@@@@@
گلبي گلب ام اويعـــــــــاني  لو بعد عنه ضنــاه 
فــــــارگت اربع بنينــــي عـــايشه كل عمري آه
والّي زاد ابگلبي همه حسيني لحظه مانســــاه  
من نوه اعله الممشه گلبي علّگه ابضعنه اوخذاه

فدا له ،، اولادي اوحنــــاني 
فدا له ،، كل لحظة ابزماني 

ساعة الخبرني بن حذلم عن امصاب الهواشم
نصّبت گلبـــــي حسينيه اوكل عمري مــــــآتم
أنادي ،، بمصابي الحسيني 
أنادي ،، مشتــــــاگه البنيني 

@@@@
ما اگول اولادي اغلا منّ ابو اليمه عليّه
هدّت اركاني المصايب عذبتني الغاضريه  
كلهم اولادي افگدتهم والسبط مارد اليّه
والمصيبه اللوعتني من مشت زينب سبيه

عيوني ،، ماينشف دمعها
عيوني ،، بس تبچي طبعها 
سامحيني يالعقيله من ركبتي اعله الهوازل 
سامحيني من مشيتي اومافزع لچ أبوفاضل
أنادي ،، زينب سامحيني 
أنادي ،، مشتاگه البنيني  
@@@@@

احسب اولادي ضِلْوعي واليّ أُم بحساسي تدري 
اربع اضلوع اكسروها وانلچم من عدها صدري 
فدوه اگولن لابو اليمّه وابضلوعي اوفي نذري 
الحٓمِد لله ابوفائي مرتفع عد امه قدري 

وفائي .. تشهد له الزچيه
وفائي ،، هالميزه إليّه

ناذره كلهم بنيني الاربعه لبن الوديعه
الهالسبب خلاني ربي للگصد ليّه شفيعه

أنادي ،، يسمعني اليجيني
أنادي ،، مشتــــــاگه البنيني 
 
@@@@
روحي متعلگه ابمحرم والمصيبه عندي عاشر 
كل سنه ابوفد الزياره ابكربله احيي الشعائر
ادخيلك احچي سجل اسمي بالسجل يابن مظاهر  
واهتف ابصوت الرزيه واحسيناً گلبي جامر

حسيناه ،، جيتك ياحبيي 
حسيناه ،، وابدمعي اونحيبي 

سيدي جيت الحضرتك انصب ابگبرك عزيّه 
وابدمع عيني اوبكائي جيت اواسيها الزچيه
أنادي ،، مولاتي اعذريني 
أنادي ،، مشتــــــاگه البنيني
@@@
بالحزن لليليه اكتب اسم ابو اليمه واضمه
وجهت وجهي ابدمعتي واحچي ويّه الزهره امه
بالله ع العباس گلبچ راضي لو ما كافي دمّه
لون ماترضي حليبي الرضعيته اعليه  احرمه

أعاني ،، ليليه ابخيالي
أعاني ،، راح وما اجه لي

غالي واغلا امن الغوالي واغلا من روحي اوحياتي
ليته حين الشال ضعنه حانت ابگبله وفاتي 

أنادي ،، لك عمري اوسنيني
أنادي ،، مشتــــــاگه البنيني

------------------------- 
ثامر بوجبارة الاحسائي

لام البنين ع
--------------------------
قد قال الله : ،، ( أمن يجيب المضطر )
وآنه يارب ،، بهمومي روحي تعثر
صارت الي الوسيله
ام لربعه الجليلــــــه
أمن يجيب المضطر
/////////////////
يم البنين الاربعه گـــاصد الـــچ رغــم الخطر
رافع چفوفــــــي بالدعــا واتوسلـــچ يم الگمر
داخل عليچ ابكربله اودم الحسين اويه النحر
من يگصدچ في طلبته رابح يرد او مــاخسر

يم الاقمار ،، أمن يجيب المضطر
وانه يارب ،، بهمومي روحي تعثر
صارت الي الوسيله
ام لربعه الجليلــــــه
أمن يجيب المضطر
//////
لرض البقيع امن اعتني يم الگبر اجري الدمــــع
لاكن يـــا حرّه المـــعذره واگـــــف ورا سور المنــع
اقرا الزيــــاره بــالخفه خــايف من اعيون الجمع
والآهي احبسها قهر وابصدري ضلعي منصدع

رغم الاسوار ،، أمن يجيب المضطر
وانه يارب ،، بهمومي روحـــي تعثر
صارت الي الوسيله
ام لربعه الجليلــــــه
أمن يجيب المضطر
/////
يتمثل ابذهنـــــــي حلم واتصور ابعيني گبب
واتخيل اهنانه صحن واجيچ أخر اعله العتب
والسادن ايگلي هلا أخذ المراد اويــه الطلب
فجأه افز أمن الحلم والگه ابطريقـي بو لهب

هاي الاشرار ،، أمن يجيب المضطر
وآنه يارب ،، بهمومي روحــــي تعثر
صارت الي الوسيله
ام لربعه الجليلــــــه
أمن يجيب المضطر
//////
ادري تسمعين الگلب من يهمس اوبيه الهضم
ودي علـــــى گبرچ احن واقرا النواعي واللطم
وانثر على اترابچ عطر بي ريحة الجنه أشــم
واجري دموعي ابراحتي يالفاضله يم الشهِم

گلبي محتار ،، أمن يجيب المضطر
وانه يارب ،، بهمومي روحـــي تعثر
صارت الي الوسيله
ام لربعه الجليلــــــه
أمن يجيب المضطر
/////////
لــيلة رحيلچ فـــاطمه كل شيعي هــالليله حزن
في گلبه ناصب ماتمچ ويعزي بيچ ام الحسن
كل منيتـــــي يوم الحشر نتلاقه في جنة عدن
خــــادم اكون ابجنتچ هاي الخدامه ابلا ثمن

أجري الاعبار ،، أمن يجيب المضطر
وانه يارب ،، بهمومي روحـــــي تعثر
صارت الي الوسيله
ام لربعه الجليلــــــه
أمن يجيب المضطر

----------------------
ثامر بوجباره الاحسائي

ام البنين
--------------
يــالشــايل ابگلبـك حــزن اگصد لـعد ام البنين
أوگف على ذاك الگبر وابگلبك اهمس يـاحسين
هذا قسمها الخالد
بـي ماترد الگاصد
@@@@@@@
گــــاصد الگبـــــرچ ولله أندعــــي
واگف اعله السور يجري مدمعــي
ودي يمــچ أقــــرا لــــطميه اونعي
لاچن اشبيدي ويمنعني الدعــــي

بعيوني اومي لچ دعا ادري يحره تِعْذرين
حول الگبر متجمعه ذوله الطغاة الحاقدين
لا گبه لا مشاهد
بـي ماترد الگاصد
///////////
ادري متردينــي يــــــا أُم الگمر
لو قسمت اعليـــچ وابگطع النحر
لو احلفچ بــــــالبطل راعي النهر
بــــالكرم متوصّفه يـــم الفخـــــر

يارحمة الله الواسعه اشفي قلوب المؤمنين
ابحق الشهيد اومصرعه والمنگطع منّه الوتين
ابدم الحسين اناشد
بـي ماترد الگاصد
@@@@@@@
فاضله وكلچ وفه لال النبــــي
طلبتـــي يم الگمر منچ ابــي
رايد اببابچ اخطه مطلبـــــي
اقسم ابزينب وآهات السبي

والشيعي يجري مدمعه بالحسره (والله) المعين
چفه ابمخافه يرفعه والمطلب ايشرحه الونين
عنچ منعنه حاقد
بـي ماترد الگاصد

@@@@@@@@
ادري محفوره ابخيــــــالچ ذاكره
من سمعتي من بِشر متحســــره
احسين مرمي والضلوع امكسره
خبرچ شمر الخنــــــا حز منحره

ندريها نار الفاجعه ما تنطفي ابطول السنين
ابوسط الحنايه موجعه احباب الچ متذبحين
روحچ على المراقد
بـي ماترد الگاصد
@@@@@
من ســـــألتي يـــــا بِشر متروعـــه
احسيني وينه بالضعن ما اسمعـه
اشحال زينب شو اشوف امضيعه
وين شبـــاني النشــــــامه الاربعه

يم البنين الاربعه فوگ الوطيه امجدلين
فوگ الترب متوزعه اشبولچ يأُم الطيبين

ماقصروا الاماجد
بـي ماترد الگاصد
@@@@@
لا تگلـــــي احسين ويلي منچتل
لا تگلـــــي گــادوا زينب بالحبل
طبت ابديوان مـلـــــعون الاصل
ليش مـــا يفزع اليها بو الفضل

لتگلي يم المشرعه طاحت يساره واليمين
فوگ الوطيه امگطعه وسهم الغدر صوب له عين
دمه اعله عينه جامد
بـي ماترد الگاصد
@@@@
راحوا الشبــان بالله اتصبري
كِلْهُم ابطالــــچ وحگچ تفخري
فاطمه الزهرا تجازيچ ابشري
شافعه للشيعة وانتي اتخيري

الكل الحوائج شافعه وامجربچ عندي يقين
فايز يرد ابمطمعه رغم احنه كلنه امقصرين

والينتخي بچ راشد
بـي ماترد الگاصد
--------------------
ثامر بوجبارة الاحسائي

#لمولاتي ام البنين عليها السلام

—————————-

(ضاقت فلما استحكمت حلقاتها )
ويّه اللي عدهم حاجه ويّه اليرتجوا
ناديت يا أم البنين الأربعه
( فرجت وكنت أظنها لا تفرجُ )


@@@@
ضاگت عليّه الواسعه يم الگمر
همي ابوسط گلبي ابكبر هم النهر
شايل على امتوني حزن جربة قهر
جيتچ واريدن للفرج منچ خبر

( والروح قرب ثراك شوقاً تعرج )
( فرجت وكنت أظنها لا تفرجُ )
@@@

يا آيه من مصحف علي كلچ قدس
يالچفچ ابگد السمه وروحچ شمس
ياباب حطه اليقصده ابراحه يحس
يالعندچ احسين اغله من روح ونفس

( ولكل معضلة لديك المخرجُ )
( فرجت وكنت أظنها لا تفرجُ )

@@@
*يادعوة المضطر رضا الرب المجيب*
*والعنده مثلچ بالله شيريد ابطبيب*
*من نقسم اعليچ ابنحر ذاك الغريب*
*ام البنين امنين من بعدچ نجيب*

( ويتيم فقدك يا كريمة أحوجُ )
( فرجت وكنت أظنها لا تفرجُ )

@@@@
من غمّضت عينچ بچت عين الوفه
وانتي عزيزة فاطمه ونجمچ غفه
عين البتول الليله ردت نازفه
ونور اللي بالعين ابحزن رد انطفه

( مازال بابك رغم فقدك يولجُ )
( فرجت وكنت أظنها لا تفرجُ )

@@@@
نحر الحسين ابكربله الليله انگطع
وابموتتچ عباس ع الشاطي وگع
ظعن العقيله للسبي رد وطلع
حچي الشماته امن العده عاد انسمع

( وفم الزمان بذكر فضلك يلهجُ )
( فرجت وكنت أظنها لا تفرجُ )

@@@@

حسره ابگلوب الشيعة نار وتستعر
ما نگدر انوصّل نلم ذاك الگبر
صحنه ترا يالمهدي ملينه الصبر
يمته علينه سيدي ابلطفك تمر

( وخيول ثورتك البهية تُسرجُ )
( فرجت وكنت أظنها لا تفرجُ )

———————————
ثامر بوجبارة الأحسائي
١٧-٠٢-٢٠١٩م
١٢-٠٦-١٤٤٠هـ

#للسيدة ام البنين عليها السلام
------------/

آنه ام الاربعه خلوني  
تجري عد گبر الزچيه اعيوني 

@@@@@

ان شالله عني رضيتي فاطمه 
آنه لجل ارضاچ ضحّيت ابدمه 
أربع ابنيني چما انجوم السمه 
فدوه لحسين وبعد ماجوني 

@@@@@ 

بيضوا وجهي عسى ارباة الفحل 
وزينة الاولاد عباس البطل 
وفّه بالميدان من طب ونزل
بس اريدن عندچ يشرفوني 

@@@@@@@

أربعة شبان كلهم مرجله 
ضحوا لجل احسين في طف كربله 
اعليهم اعيوني ابمدامع هامله
اشبولي لا ماخيبوها اظنوني  

@@@@@

ابد ما خاب الربى باشبولي  
كانوا مثل اليوث تفتر حولي 
أدّوا بعهود الوفه  گالوا لي
عاهدوني وبالعهد وفوني

@@@@@

رضعتهم من حليبي كل وفه 
وانذرتهم آنه لال المصطفه 
هسه اروحن للمنيه امشرفه 
من اغمضها ابكرامه اجفوني 

@@@@@

كل محرم تمر بيّه الذاكره 
يلتهب گلبي ابمصايب عاشره 
وللجره اعله اولادي الله أشكره 
بس على احسين الگضه واسوني 

@@@@
 
لو رضيتي هسه اغفه بالفخر 
لو طفى من عيني لوغاب النظر
ينتطرني أدري عباس الگمر   
والشفيّه احسين يتلگوني  

--------------------------
ثامر بوجبارة الاحسائي 


‏ من جهاز الـ iPhone الخاص بي

#موشح ام البنين ع
--------------------------

آنه أم اوودعتهم أربعه 
بس إلٰهي احسين سالم رجعه
@@@

يا إلٰهي خذهم وبس سلّم احسين
يا عسى مو إسمي يبقه أم لبنين 
خل يروح ابكربله كل تعب لسنين 
ولا تنام ابفگدي الهم ليّه هالعين
لا ترد زينب يربي امروعه 
@@@
ناذره عمري وبنيني الآل طه  
روحي عطشانه ولحسين الرواها
هوّه من عطفه عَلي كلشي نطاها 
اشلون بعده اتعيش ميته يا عساها
 گبل لا بن حذلم ابموته نعه  
@@@@
نذرن اعليه وعهد  برگبتي اودين 
لون ترجع بالظعينه آل ياسين   
لزرع ابدرب اليرجعون الرياحين
وانثر الياس اعله اجدام الميامين
بس اريدن صوت ابو اليمه اسمعه
@@@@@
رضّعتهم بالوفه صافي حليبي 
كل رباتي لجل يضحّوا له حبيبي
شنهو عمري ومنگطع منّه نصيبي  
لا تلوموني اذا شگيته جيبي  
ولو وصل صوتي السماء السابعه
@@@@
ولو بشر جالي  ودمعاته ذروفه 
عظم اجرچ بالبطل گطعوا چفوفه 
صابه عامود اعله راسه يالعطوفه 
وانه اسأله عن ابو اليمه وظروفه 
فدوه لو طاح الگمر ع المشرعه
@@@
عظم الله اجرچ ابجعفر وعثمان 
راح عبدالله معَ جملة الفرسان 
يعني زينب ياوسف ظلّت بلا اخوان 
واعظم اعليها ابوكت طبّت الديوان 
يوم يتشمّت يزيد ابمصرعه

--------------------------
ثامر بوجبارة الأحسائي

وسيلتقي الامير والوفاء
(((علي وام البنين)))





حيدر يدَلي بعقيل وصفاله البيت
هذاك بيت ام الكفيل وصفاله البيت
روح اخطبلي مره
تجيب سبع الكنطره
وصفاله البيت وصفاله البيت
************************
ياعقيل الوصف يمك روح وتَبَعْ أثر
ذاك بيت ألي اريده ذاك بيت أم الگمر
ياعقيل ابسرعه امشي خطوتك صارت شهر
خويه زينب تنتضرنه تريد من عندي خبر

ذيچ خيمتهم چبيره
ليش خطواتك گصيره
والله عدهم طاهره تجيب سبع الگنطره

وصفاله البيت وصفاله البيت
************************
ياعقيل وروح گلهم بسرعه مو ناري تغلي
نريد من عدكم عفيفه وطاهره الحيدر علي
نريد نضخرهه الوفيه نجيب من عدهه ولي
نريد من عندج گمرنه يا شمسنه أدللي

مو بعيده الديره هايه
انته بس احچي الحچايه
تدري هيه أمبشره تجيب سبع الگنطره

وصفاله البيت وصفاله البيت
************************
يا عقيل احچي لبوها گله مو شافت حلم
مو بعيده الغاضريه بعازت تجيب الزلم
للخدر چفال رايد رايده بچفه يلم
صارت القسمه العجيبه روح ونطيهم علم

ياعقيل وروح مرهم
انته ماتشتم عطرهم
والله بس بتهم ترى تجيب سبع الگنطره

وصفاله البيت وصفاله البيت
*************
ضلمه خيمتهم وأجوهم طبو وصار الضوه
والهوى گاعد بصفهم يمكن متاني الهوى
واحد يشاهد الثاني عيونهم گعدن سوه
وحيدرى يرسم خياله جربه وچفوف ولوه

نريد بتكم للصميده
گام ابوهه وباس ايده
گله بنتي امبخترى تجيب سبع الكنطره

وصفاله البيت وصفاله البيت
***********************
وافق بكل امنياته وباس من حيدر جبين
تمت الخطبه وقروها الفاتحه لم البنين
وحتى بيت (الله) عيد كلهه طشت بالحنين
وزينب بدمعت جفنهه گامت تهني الحسين

خويه راح ايصير اخونه
خويه اخونه وابن ابونه
طفت ناري المسعره تجيب سبع الگنطره

وصفاله البيت وصفاله البيت





عبد زينب
محمد الإبراهيمي

نزله فی حق ام البنین(س)


ام البنین تحضر الینخیهه

ام البنین حاجتی تگضیهه

ام البنین ام البنین
_______

انخه ام عباس دایم تحظر ابشدّاتی

لوصحت لحظه اباِسمهه تنگضی حاجاتی

خادم الهه امنطفوله وافخر ابمولاتی

عاشت ابکل ذکریاتی ونورت دنیاتی


ام البنین روحی اتحن لیهه

ام البنین حاجتی تگضیهه

ام البنین ام البنین
_______

خادم الاُم البنین وهل اسم یکفینی

من یمر طاریهه یمی تبقه تهمل عینی

لواضل الطم وانوحن وابچی کل اسنینی

لاابد هیهات والله مااوفّی ابدینی


ام البنین الله المعلیهه

ام البنین حاجتی تگضیهه

ام البنین ام البنین
_______

امجربه بلضیج تحظر کلوکت ترعانی

الهسبب مجنون بیهه حبهه صار ایمانی

الهه کل مجلس حضرته وماتهید احزانی

حاشه ماانساهه حاشه واهیه ماتنسانی


ام البنین الشرف ماظیهه

ام البنین حاجتی تگضیهه

ام البنین ام البنین
_______

هایه باب امنلحوائج الله الخلاهه

بلکرم بلهیبه والعز بلشرف علاهه

مااعوفنهه واظلن للگبر ویاهه

ادری متعوف الخدمهه ناجح الوالاهه


ام البنین هیبه و اموالیهه

ام البنین حاجتی تگظیهه

ام البنین ام البنین
_________

امنیتی اتعنه الگبرهه واگصده مشایه

وآه یاام المصایب اکتب اعله الرایه

حلمی اتمنه ایتحقق عندی ظلت غایه

الفاتحه اقراهه یمهه ودمعتی ویایه


ام البنین حیدر امسمیهه

ام البنین حاجتی تگظیهه

ام البنین ام البنین


خادم الزهرا(س) علی السیلاوی