من سمعنعه ام المحنه ماتت
النسمه بالريه جمر من فاتت

امي الهوه والشهكه
يم الياهله وملكه

. ام المحنه

/////////

امنه اي طلبه ابد لا ما تردها
ولون ماعدنه غطه تنزع جلدها
لليجوع امنه توكله من زندها
كل محنة الكون ربنه خله عدها

كون الله ايساعده الفاركله ام
روحه بالملحود وياها يطم

يحن وطيفها يشبكه
يم الياهله وملكه
ام المحنه

//////////
دكوا الايتام باب ام المحنه
صاحوا ام الحسن ضلي الليله يمنه
اليوم صرنه ايتام من تمشين عنه
علي ابونه وفاطمة خيمتنه وامنه

علي من شفناه مكسور الظهر
ضلع من ضلوعنه وياج انكسر

مو بس ضلعج الطكه
يم الياهله وملكه
.. ام المحنه

//////////

شكد نأمن من يمر الروس جفها
واحن ام جانت تغطينه بعطفها
فاطمه ام اليتامه احنه انعرفها
الزهره سفرتها تمدها وماتكفها


اتيمت مرتين كل هاي الايتام
وسفه يايمه بكبر عينج تنام

شيصبر ايتام ع الفركه
يم الياهله وملكه
… .ام المحنه

/////////////

شكثر طيبه جِلمِتج تِنكط مِلوحه
كل يتيم اليوم فزت بيه جروحه
ودفن ويه الوالده يايمه روحه
فاطمة مو بيتج الضل عالي نوحه

صدك يالزهره اليتامه صاحت
اليوم من عدنه المحنه راحت

مثلج ابد مانلكه
يم الياهله وملكه
. ام المحنه
/////////////

الوالده ادفه حظن بيه يمه نغفه
وانتي شمعه بيتنه وشمعتنه تطفه
الليله جوه تراب نمتي وانتي ترفه
فركت الام يالحنينه حيل كلفه

اخ يايمه مجانج خالي
وصورتج كل مغربيه اكبالي

وخدي دمعتي اتحركه
يم الياهله وملكه
. ام المحنه

////////////
نسالكم الدعاء
احمد الطيب الحلي

14/12/2020
الاثنين
28 ربيع الاخر 1442 ه

الزهره آيه من الكتاب .. شلون يدفنهه التراب
......................................
أمي تربات النبوه وشايله عزت نفس ..
جنة الله من ضواهه الكمر ياخذ والشمس ..
لأن تفاحة الجنه ماتعيش ويه الرجس ..
وبصبرهه على الرزيه انطت العالم درس ..
وأنطت المحسن ثواب.. شلون يدفنهه التراب
.................................
هيبة الله وأم أبوها عالمه ونبع الوفه ..
ومن تصلي المغربيه الزهره طود اترجفه ..
وارثه صدق وأمانه من أبوهه المصطفه ..
الدنيا اذا ما ببها فاطم بعد عالدنيا العفه ..
أحلامنه صارت سراب .. شلون يدفنهه التراب
..............................
من رحل نور النبوه عصر الأحقاد أبتده ..
أمي جانت جبل شامخ وأنصطر بيد العده ..
الأول الملعون سبهه وسب أبوهه وأعتده ..
وأيد حماي الحميه بالوصيه أمكيده ..
للرزيه انفتح باب .. شلون يدفنهه التراب
..............................
حسين آنه زغير عمري وشفت أمي الطاهره ..
العين حمره ودمهه يجري والضلوع أمكسره ..
شاهدت هاي الفجيعه وجنت شاهد عالجره ..
الأول الماعنده غيره رافع أيده على مره ..
وعاشت بلوعه وعذاب .. شلون يدفنهه التراب
..............................
أمي مادنكت هامه أمي ماتخضع أبد ..
بالصبر لبوة محمد ماخذه أطباع الأسد ..
حتى من عصروها تقره القل هو الله أحد ..
بصدق الله العظيم وطاح من عدهه الولد ..
ياعظم هذا المصاب.. شلون يدفنهه التراب
.............................
جازو الهادي بوفاته بظلم وأرهاب وقمع ..
اليغضب الباري لغضبهه بابهه ما يندفع ..
قرت قرآن المسيه وسال من عدهه الدمع ..
مره تبجي من الخشوع ومره من كسر الضلع..
بعد ما هادينه غاب .. شلون يدفنهه التراب
.............................
أمي من ترفع أديهه وتدعي من رب السمه ..
يا آلهي بجاهي عندك وأنت تعرف فاطمه ..
الدفع بابي وعصرني كون بعيونه العمه ..
وتحرك بيوم القيامه هالعصابه المجرمه ..
الهل جرم لازم عقاب.. شلون يدفنهه التراب
............................
التطعم بجفهه اليتامه سكنت بجنة عدن ..
الجنه فرحانه وزهيه أتشرفت بأم الحسن ..
وظلت الدنيه بحزنهه ونزلت دموع الزمن ..
تبجي وتنوح اليتامه راحت الجانت وطن ..
راحت بعز الشباب .. أشلون يدفنهه التراب
...............................
حيدر مطر العبادي

يا فارس الحجاز
ادركني يا أمام
يا مهدي بالحسين
وبحرگة الخيام

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

ميحلهه بس ألله وبقت يم العظيم العالي
دنيا وصفت بس للدمع كلساعه نفگد غالي
موت ومرض خوف وألم والوادم بلا والي
مسجونه كل هاي البشر تاليهه شنهي التالي

حتى المگابر هم تغير لونهه
بالعيد وحشه وماكو اليزورونهه
هسه الجنازه اجناب اليزتونهه
والحاله صعبه وشوف اليدفنونهه

چن دفنة الغريب
لا دمعه لا نحيب
لا صاحب اليجيه
لا يفگده الحبيب

،،،،،،،،،،،،،،،،،،،،،،،،،،،،،،،،،،

يا مهدي ضاگت يا شهم واحنه النلوذ بسدك
حتى الزياره اتعطلت والامر واضح عندك
نأتيك زحفا سيدي صحنه اعله مرقد جدك
شو هسه شو كلشي اختلف تركوك واگف وحدك

عجل ظهورك كلمه من نحجيهه
گول وفعل مو جمله ونمشيهه
عدنه الرسائل نرجع انوديهه
ونكرر الراح بغدر ماضيهه

يا سيد السيوف
يلثارك الطفوف
اصلح لنا الامور
وكثرة الحتوف

،،،،،،،،،،،،،،،،،،،،،،،،،،،،،،،،،،،،،،،،،،،

كل العيون اتاني الك ووجوهنه التعبانه
كل جمعه وبوكت العصر تلگه البشر ذبلانه
ننتظرك بصبر الصبر بلكت تهل مولانه
اذتنه الايام المضت بس چنهه ما خلصانه

لا واهس الظل بالعمر ونتاني
چن للحزن مخلوقه هاي اوطاني
شفنه الشمر چم مره والسفياني
ظالم يروح ويلفي ظالم ثاني

دنيا وصفت عزاء
كل دمعه كربلاء
عالم حزن كئيب
يا رحمة السماء

،،،،،،،،،،،،،،،،،،،،،،،،،،،،،،،

من شده تخلص نستعد ننتظر اصعب وادهى
حد ما وصلنه المرحله الضحكه بدموع نشدهه
چن طفله تانت بالحرب بس ما رجع والدهه
هيچ انتظرنه بيا علي ويا بالحسن ساعدهه

ظلت على الله وعلأمام القائم
يا ربي عجل بالفرج يا حاكم
واهم تره الما يخضع الكم واهم
ويصبح ذليل يعيش ضايع نادم


عينك على الضعيف
والبائس العفيف
دنيا وصفت عذاب
للطيب الشريف

،،،،،،،،،،،،،،،،،،،،،،،،،،،،،،،،،،،

بداعة هذيچ الطاهرة الكسر الضلع اذاهه
بداعة الحره الشاهدت بالحومه طاح ألواهه
يا مهدي مخنوگه الارض وانت التعرف ادواهه
اظهر ترى الوادم صفت ياهو اليجي واذاهه

ما ظل بعد عدهم امل بس انته
كالو المهدي العالم امناطرته
سبعين فرقه واكثر امناصرته !!
چا ياهو باگانه وذبحنه بسكته ؟

من ظالم لعميل
جيل انتهى ويه جيل
والخاسر الفقير
ميت صفى وعليل

✍️ ✍️ رعد الفريجي
1442 للهجره

حايرة يحسين زينب حايرة
صارت اعليه الگبل ما صايره
،،،،،،،،،،،،،،،،،،،،،،،

نوب اگومن نوبه اطيح
يابو فاضل خويه اصيح

شبت الناري بعباي
اليذبحك يركض وراي
صاحو المسبيه هاي ،،، وانه اخيتك

حسين گوم من الحوافر ما اتعبت
كسرن ايات صدرك مو متت
وانه اركض ليك بيك اتعثرت
بت علي بهالموقف ولا حسبت

كلشي بيك بلحظه ذاب
آه من هذا العذاب

صارت اعليه الگبل ما صايرة

،،،،،،،،،،،،،،،،،

كافي يا نزف الوريد
خل بس نحره يهيد

سهم المثلث تراه
طلع من صدره وگفاه
آه يخويه والف آه الموت اجاني

من الخيام الچثتك خطوه بسنه
بكل شبر بالمعركة اتشاهد أنه
من وصلتك گلبي وخيالي انحنه
إه يخويه الفوگه چم سيف أنبنه

حجر ورماح وسيوف
والحوافر هم تطوف

صارت اعليه الگبل ما صايرة

،،،،،،،،،،،،،،،،،،،،،،،،،،،،،،،،،،،،،

من وصلتك وشلگيت
منين ما ابدي انتهيت

چثه باقي بلايه صوت
احچي كلمه وخل اموت
منين لمصابك افوت وانته ديره

هاي أول مره اجيك واختنگ
راح وكت الخوه والعشرة الصدگ
هاي بنتك هاي لاحاهه الحرگ
تگول ليش تنام مو وكت الشبگ

عوف التراب وتعال
علمتني اعله الدلال

صارت اعليه الگبل ما صايرة

،،،،،،،،،،،،،،،،،،،،،،،

گوم حامي العيله گوم
علحرم شامت يحوم

تحشم بنيتك عليك
بويه بس اطيني اديك
شبيهم يذبحون بيك وانته ابونه

ميت وبحجار ضربو جسمه ذاب
ورجعو وبعنادي غطوه بالتراب
وانه اگلهم هذا ابوي لربنا باب
خفت لا حاميه ويطيح الحجاب

يمك وسطروني ليش
غاثتهم انه بيش ؟

صارت اعليه الگبل ما صايرة

،،،،،،،،،،،،،،،،،،،،،،،،،،،،،،،،،،،،،،،

دمعة ايتامك تدور
لأول ايام الظهور

جرت انفاس بلا روح
چم غالي بالطف مطروح
وين الدرب كون نروح نشكي ال علي

حيدر وهذا الحصل من كربله
من دمه اخواني العبايه مبلله
العنده وي الله انفاس وصله
الگبل لا يحچيهه بعيونه الهلا

صارن اضيوفه الرماح
طاح اخوي وكلشي راح

صارت اعليه الگبل ما صايرة

كلمات خادم الحسين
رعد الفريجي
للهجره 1442

((نعش الزهراء))





نعشچ طلع بالضلمه يــا فاطمه يـــا يمه
نعشچ دمع غــطيته شلون الدمع ونضمه

لطم ما يكفي و لا تـــطبيري
اكطع چفوفي تجي بتفكيري

الــچ مـولاتي تطيح عيوني
وامد چفوفي اريــد جـنوني

يا أمنا .... يافاطمه

******

شايل جرح بچتافي حزنچ ابد موكافي
لو عمري كله أمّطَين وامشي اعله جمرچ حافي
اشوف الدنيه الچ مگلوبه
وجنتچ حمره غدت مصيوبه

أنه بتعزيتچ اشــگــــن راسـي
يــنار الــبيه وهجير احساسي

يا أمنا .... يافاطمه

*******

كل لحضه اشوفچ همي بالونه اشوفچ يمي
گليلي وين جروحچ فدوه الحياتچ دمي

يريت عيوني غــدن دمــايه
ولا يگــــلولي السوالف هايه

السوالف صعبه اذا يحچوها
على مولاتي شنو يطگوها

يا أمنا.... يافاطمه

*******

وين البيارغ والسلف وين الهواشم يا اسف
بيت الزجيه محترگ ومحد حچه انسد الملف

يأم الساده وچفافي الخضره
علي ويانه نشيع الزهره

امس غصبوها السقيفه الشينه
وفدك مالتنه اجه مهدينه

يا أمنا ....... يافاطمه

**********

المهدي نشر راياته وفوگ السمه جلماته
رزق الارض يم فاطمه بهذا النعش دمعاته

اجه يشيعها يشابه حيدر
بدمع يتوچه وعجيب المنضر

يشگ هدومه وتصب خدوده
دمه من عيونه ودمه من زنوده

يا أمنا....... يافاطمه




عبد زينب
محمد الإبراهيمي

((يا فاطمه))





يا فاطمه يا فاطمه برحمه شمليني
يافاطمه يافاطمه ابجي خليني

******

مشتعل شمعه........ وذايبه الدمعه
وحالي حال الينذبح بجروحه يتلوه

روحي طماعه........ شويه بس ساعه
كون اموت بخدمتج سبعين الف فدوه

مو شغل جنه ....... دمعي والونه
هاي كلها الخاطرچ يافاطمه السلوه

الماعرف حالي .... يضوگ دلالي
بالمجالس حزني نورس بدمعتي اتروه

يا فاطمه يا فاطمه ...انتي سجليني
يا فاطمه يا فاطمه ....ابچي خليني

******

ناعي لو شاعر .... المهم حاضر
لو اصفط بالنعل هم انه هنيالي

منزل الكَبرهَ .... خادم الزهره
شكبره حضي وترضه بيه ابقى للتالي

هيه لو ترضه .... خادم الفضه
جا اطير من الدمع واتناوش العالي

ماد جفيني .... فدوه رزقيني
خادم الخدام قنبر تصفه احوالي

يا فاطمه .... يمه وفقيني
يا فاطمه .... ابچي خليني

******

عمري وعياده .... بسوده دشداشه
وچني فاگدلي اخو لابس الچفيه

حگي لو انعه ... فاگد البضعه
واليلوم شعرفه بالروحه مچويه

الما عرف يبچي ... لا يضل يحچي
احنه كل لحضه نشيع صفنه مسبيه

لو چنت واگف ... والحصل شايف
شلون عصرو فاطمه وعالغبره مرميه

يافاطمه يافاطمه .....بنضره غطيني
يا فاطمه يا فاطمه ... ابجي خليني

******

لو تشوفوني ..... جرحي بعيوني
هيج اتمنى اعيش بيقضه واحلامي

وارسم الوحدي ... باب والمهدي
وارسم من النوگ طاحت جملةّ اعوامي

النار اطفيها ... خاف رجليها
خاف زينب تنچوي تركض على الضامي

هيه محتاره......... بلعده وناره
تلاثه وثمانين طفله والنحر دامي

يا فاطمه يا فاطمه ... انتي وديني
يا فاطمه يا فاطمه ابجي خليني

****

السهر وآلامه .......حسين وسهامه
فاطمه زينب تصيح الشمر أذاني

يمه صاحتلچ ...... بالسبي ورتچ
يمه اسمي ياسبيه وصار عنواني

يمه مچتوفه ..... وتضحك الكوفه
ويني وين المجالس زمن خلاني

السوگ وجروحه.... ..وسالفت نوحه
والسوالف بس بواچي وفَگدت خواني

يافاطمه يافاطمه يمه عينيني
يافاطمه يافاطمه ابچي خليني




عبد زينب
محمد الإبراهيمي

بيني وبينك علي .. حان السفر
ليش ادموعك علي .. بخدك نهر
الزمـن لو باعدانه
على الكوثر لقانه
حان السفر
ـــــــــــــــــــ
ولو منّـك بعدهــا عيــوني ماشـبعت
انه من إزمـان روحـي من الضلع طلعت
عليّه الدنيـا مــوش البـاب الـ ندفعت
على العتبه ويه محسن روحي چن وگعت

أعرف صبـرك جَلِد .. ما ينكسر
بليله ويوم وشفت .. بيك الكُبُر
الرحيـل أذّن أذانه
على الكوثر لقانه
حان السفر
ـــــــــــــــــــ
الصبر أنواع ياهو الما ضگت منّه
يفاطم بيّه عايش وآنه اعرفنّه
ولا عايفني لحظه وچنت أحبّنه
بس ويّاچ سَد بابه الصـبر چنه

مُرّ إعليچ الصبر .. يا سـلْوتي
فاطم بعده الوكت .. يا ورّدتي
يـ اعز وأثمن أمانه
على الكوثـر لقانه
حان السفر
ـــــــــــــــــــ
أنَه المجبوره حيدر لو طبگ رمشـي
يـ گـوّه إعليـّه باچـر ينرفـع نعشي
أنَه من الدنيا غيرك ماخَـذِت كلشي
وحقّـك بالمگـابر يومـي مـا يمشـي

حگّي من اشتاگ إلك .. يابه الحسن
يا موطـن فاطمــه .. ودافـن وطن
يِرِد كلشي بمكانه
على الكوثر لقانه
حان السفر
ـــــــــــــــــــ
أعذرچ وآنه صبري ويه الدفن حدّه
أنه اليدفن بروحه وبيده سَد لحده
أنه الـ باچر بِدُونـچ كلشـي ماعنده
أنه الدافـن بساتينـي ويه هالـورده

سنّي إليضحك حِزَن .. أسود لِبَس
آنه اليمشي وعدل .. مابي نَفَس
أنه بغيرچ .. منو آنه ؟
علـى الكوثــر لقانه
حان السفر
ـــــــــــــــــــ
والـ ملاگه قريــباً موش عالكوثر
علي بليــاچ يم حسـين ما يگـدر
اذا كلّـش نويتــي وهالأمــر گـدّر
يزورج صح علي وجوّه الترب حيدر

كلشي يهون وسهل .. يا عالمه
إلا يصير الهـوى .. بلا فاطمه
شنو إشينفــع هَوَانه
على الكوثــر لقانه
حان السفر
ـــــــــــــــــــ

مهدي التقي

بحق الصديقه فاطمه ((ع))


بين الضلع بيـن الـدمــع خلص عمرهه
ام النــبـي وزهرة علي جهلوا قدرهه

حملت دفعت الباب * حتى اتصون الحجاب

*---------------*---------------*

تحجّبت بالباب واتهشّم صدرهــه
حتى ليشوف الدفعهه والعصرهــه
غالي عدهه وما تساوم عالخدرهه
بس علي الكرار نظرتله ونظرهــه

عين السمه لدم فاطمه ينزف دماهه
لجل الستـر شافت كسر بـضـعة اباهه

كسر الزهره ما طاب

*---------------*---------------*

ضحّت الزهره بعمرهه للقضيه
رادت الـعـفـه اتـخـلّـد فـاطـميـه
صارت القدوه الزچيه والضحيه
انطت ادروس ومواقـف واقعيـه

اصل الشرف بيهه انعرف بضعة نبينه
نعـجـز تـره نْوصْف الجره وشما حچينه

ضلع الطاهره أنصاب

*---------------*---------------*

لجل الحجاب المقدس ولغلاته
ضحت بأجمل عمرهه وبحلاته
حفظته مثل اليحافظ عالصلاته
اتحمّلت چف السطرهه ونايباته

لاذت خجل واهل الدجل هجموا عليهه
خدهه انسطر ضـل الاثــر سوط بإديهه

لبست همهه جلباب

*---------------*---------------*

مضرب امثال بصبرهه وبحيــاهــه
يغضب الباري بغضبهه وبرضاهــه
ويله من الله الظلمهــه وحاربــاهــه
و ويله بالعتبه العصرهه وما رعاهه

شنهي الجنت واتمحنت تعصـر عجيبـه
تـاج العــلـه ومعلعله الزهره النجيبه

صبرت ام الاطيباب

*---------------*---------------*

صاحت بصوت الزچيه يا جنيني
مودع الله وبالسلامه لا تجيــنــي
شلي بنفاسي الاشمهه وبسنيـني
ما أطوّل لوعفتني وتغفه عينـــي

چان الضخر واصل الغدر خيّب املهه
حملت محن ام الحســن محد حملهه

كشفت غدر الاذناب

*---------------*---------------*

✍بقلم خادم الحسين ع
الشاعر رعد الچريخي

عيشني الفراك وخليني اشتاك
والخدمتك كون تاخذني الاشواك
************
بيدك اخذني الخدمتك وشوفني طعم الخدمه
وخليني يم بابك عبد وعيشني هاي النعمه
خليني اخدمك من صدك وفقني يا ابو اليمه
قد افلح اليخدم صدك ويرتبط بسمك اسمه

يا اقدس انسان للخدمه عطشان
موتني اشواك وقدمني قربان
***********
أتمن عليه بخدمتك للموت اظل ممنونك
يحسين اضيع بدنيتي من ادير عني عيونك
متمسك انه بصايتك ويحسين اطلب عونك
خليني يمك سيدي ما اسوه انه ابدونك

عطشني وياك وعيشني بضماك
وتدريني يحسين مگدر بلياك
***************
يا ابو علي قربني الك واشعر اريد بقربك
تراويني مملكتك ردت وگطعني شوك بحبك
سويني نسمه بخيمتك ومشيني دوم بدربك
يحسين ماكو بطيبتك وماكو احن من گلبك

غامرني بالخير ومعيش الطير
بوجودك حسين ماحاجه للغير
************
امي وحنان امي بعد ما توصل الحنيتك
حنين واحن من الهوه ذاك اليطب الريتك
عافيتي صارت خدمتك وانته الخدم عافيتك
انطيتني جاه او وجه ورفعت صيتي بصيتك

انطيتني اهواي ومتقصر وياي
وكلما امد ايد تترسها مولاي
**********
محد يساوم عالعشك كلمن اكول وعشگه
والما مفارك لا يجي يحجيلي عن الفرگه
وانه عشكت وفاركت الاثنين نفس الحرگه
واثنينهن يردن سهر وكون الجفن متطبگه

واليعشك حسين ايشوف الاثنين
فرگه وعشك راح وما تغمض العين
************
خليني احضر مجلسك وابجي عليك بعبره
ويحسين ادري بمجلسك فاطمه راح اتحضره
بلكت عليه تلتفت واسجل اسمي الزهره
وتكلي ماجور شكثر خادمنه ميضيع اجره

كل اليلطمون ويجرون العيون
خدام الحسين باجر يفوزون
********
تمت
ميثم العمري

كلمن يخدم الزهره ياخذ من علي اجره
واسمه تسجله البضعه وزينب دفتره توقعه
********
ماتت فاطمه والضلع مرضوض
والينكر تره كل حجيه مرفوض
يظل حب فاطمه عله الناس مفروض
الحضر مجلسها هذا والله محظوض

تدرون شكبر حظه ألعنه فاطمه ترضه
رايح باجر تعوضه كلمن يهمل الدمعه
******
فخورة الزهره عدها اهواي خدام
بالتوفيق الهم تدعي كل عام
تره أيام المجالس احله أيام
تحزن فاطمه لوغاب لطام

عدها اليلطم شكده الغايب منهم اتفكده
تمشي الزهره لمجانه وتعلك رايحه شمعه
************
اليالي الفاطمية نعمه تدرون
وفرصه هالمجالس لا تقصرون
الف هنيالكم يامن تلطمون
الزجيه وياكم تون من تونون

اليبجي وعبرته بصدره اجرك كله عالزهره
بكل شده وعلي تحضره وحاشه اليطلب ترجعه
*********
خدامي نجوم وتزهي بسماي
مشكورين ما قصرتو وياي
ممنونه الزجيه منكم اهواي
بثواب حسين كومو نوزع الماي

غالي كلش عليه اليذكر ابني بميه
يطلب فاطمه جيه اطلب صوتك اتسمعه
********
كالو بالمجالس فاطمه ادور
وتلم بالدمع والضلع مكسور
للطام تمشي تكله ماجور
ليالي الزهره صارت ثاني عاشور

اليحضر مجلس توفقه ودمعه اليلطم اترزقه
اليحيها شعظم اجره رتبه فاطمه ترفعه
*********
المجالسنه الحضر احنه دعيناه
الماينسانه يوم شلون ننساه
هذا المهدي كلكم صيحو وياه
أبد والله ما ننسه حسيناه

نوجه دعوه للخادم للمجلس تجي لازم
زينب تنتظر جيتك تعال الزينب بسرعه
********
تمت
ميثم العمري

حــروف أسمــه أربعــــه كـل حـرف بـي قارعــه
ياهـــــوغيره الشايلـــــه مـاكــو واحـد گـابلـــــه
يابو فاضــل يابو فاضــــل
&&&&&&
كـل حـرف منـّـه يحــارب وسيــف بعيـــون العــده
تنفـخ حروفــه شـــــررهـه تشــوف كلهـه شــــارده
تغيــر گبلـه عالكتــــأيـــب أتغيــــر ليهــه أمســـدده
ويهجــم بسيفــــه وراهـــه جيــش كـامــل يمـرده
لكــن أبفعــــل الغـــــــــدر مـــاتلــگــوه أبــصــــدر
لاركــــــــب لاراجلـــــــه مـاكــو واحـد گـابلــــــه
يابو فاضــل يابو فاضــــل
&&&&&&
هـذا حرف العيــن شوفه هــلال لوسيف اتضـــح
يضـوي هو بليل زينـــب وكـل جسـم بيــه انجرح
وطوگ لأطفاله اليتامـــه ولجــل أبو اليمه انذبــح
هــذا عين حسين هــــــو ونظــر حيــدر من شبح
وهـو عنـوان وشمــــس ماقبل فعــل النجــــــس
هـذا شيمـه ومرجلــــــه مـاكــو واحـد گـابلـــــه
يابو فاضــل يابو فاضــــل
&&&&&&
هـذا حـرف البـاء منــّـه هـو كـل بـاس الشديـــد
بــاس چـف حسين هـــو وينتظـر منــّه شيـريــد
هـذا بـــاء البسمـــلاهــه حيــدر أبــأذن الوليـــد
مــن ولـد عبـاس نــــاده ردتــك اليــــوم الوعيد
بــاســل بســوح الحرب ســايـر بنفس الـــدرب
منـزلـك مـــن منزلــــه مـاكــو واحـد گـابلـــه
يابو فاضــل يابو فاضــــل
&&&&&&&
والالـف چـم سيـف بيــده يقــابــل آلاف البشــــــر
الفـّـت حــب الامــامـــــه وبالگـلب هـــو استقــــر
والالـف آهـات زينــــــب وهاجـس الموت الحضر
يــاألـف ألـف الايـــــامــا وكـل گلــب منهه انفطر
الــــفه شل ألـف العــــده منــّه كلهه جـــامـــــــده
والــلـوه مــــن حاملــــــه مـاكــو واحـد گـابلــــــــه
يابو فاضــل يابو فاضــــل
&&&&&&
وهـذا حرف السيــن عاين سيـف مـن رب السمــه
سينــه سلـوحسين يبقـــــه ومــن بريقــه أيعممه
وسـاكـن بروح الصميــده وســابـح أبفيــض الدمه
وسينه يسگـي أطفال أخيه وشـــاركـه بكــل ملحمه
هــذا سيـف الفـازعــــــــه والعصــر والواقعـــــــه
والحشـــروالـزلـزلــــــــه مـاكــو واحـد گـابلــــــه
يابو فاضــل يابو فاضــــل
&&&&&&
يكتمـل أسمــك يكافــل يـابـو فاضــل واللقــب
وانــت نـورت العشيــره وگمـره ياليل أنگلـــــب
وأنت ساقي وانت حادي والوفــه عنـدك غلــــــب
يابو فاضل ياخو خيتـك شـافت أعــداك العجــب
تبقـــــه تــزهي رايتــك الدنيــه كلهه حيتــك
الكــــون كلـه كافـلــــــه مـاكــو واحـد گـابلـــــه
يابو فاضــل يابو فاضــــل
&&&&&&
خادم خدام الحسين عليه السلام
الحاج ابو إياد البيجاوي

يا زهراء

من اندفع باب الحزن القدسية ظلت بس تون وبحسرة
حيل الشمس كله انطوه وبسمار طگ ضلع الضوه بالعصرة

حدب ضهرها ،، ورحلة سفرها ،، تبدي بقهرها ،، من الدفع
باگوا حلمها ،، تلوذ ابالمها ،، تغير رسمها ،، من الصفع
اول مره من بيت النبوه
ودفعوا عليها الباب ابقوه
تهشم صدرها وظلت بديها
تلزم ظلعها وتتلوى گوه
،،،،،،،،،،،،،،،،،،
باب المحنة محترگ وعطر البنفسج مختنگ بالفرگة
تشهگ رماد من النفس ونور ام الحسين انغرس وابحرگة

ذابل غصنها ،، وسطروا جفنها ،، وخسفوا متنها ،، من الضرب
اسياط الاجانب ،، ترسم مصايب ،، البنت الكواكب ،، بالگلب
ليش الحنينة كسروا ضلعها
تنزف دمه خلاها الدفعها
ماكو مكان بجسمها صاحي
كوثر محمد يخنگ وضعها
،،،،،،،،،،،،،،،،،،،،
بالعتبة طاح اجمل طفل وعيونة حلوات وشهل بالدفعة
تعاينلة فاطمتة ابألم وارسومة امغطيها دم بالوگعة

ميت ضناها ،، ومحني گفاها ،، فاطم ضواها ،، منكتل
والله هضمية ،، صارت جريمة ،، بهاي العظيمة ،، والطفل

الهجموا عليها ولية ولوها
ما كفوا منها من لوعوها
فوگ المصايب تسمع حچيهم
سحنوا گلبها وشتموا ابوها
،،،،،،،،،،،،،،،،
بحجرتها گعدت فاطمة تلزم جروح مورمة تلچمها
تعبانه من گثر الضرب وتوجعها نبضات الگلب من همها

بليلة طويلة ،، صارت عليلة ،، وكلش نحيلة ،، فاطمة
بدمعتها تذرف ،، وگلبها يرجف ،، ومحتارة تنزف ،، بالدمة

شهگت نفسها صديقة الله
وحيدر عليها بدموعه صلة
شمس المدينة باگو ضواها
واندفنت ابليلة ظلمة غفلة
،،،،،،،،،،،،،،،
حيدر رجع من الدفن يبچي بقهر حيل ويون بالعتبة
وبسمار بابه ينظره وكلشي الجره يتصوره وابرهبة

عاش المصيبة ،، بدمعة نحيبة ،، والله عجيبة ،، وينهضم
ضاعت سنينة ،، ويكثر ونينة ،، ومن الحنينة ،، ينحرم

الفارگ حبيبة تشيب حياتة
وبعيونة غفلة تموت امنياتة
يصفگ چفوفة يظل بحسرتة
ولون المصيبة يبوگ بحلاتة

محمد جهاد المياحي

(((أطفي النار)))





لمن وصل يم بابي
وخله الحطب بعتابي
يدفع الباب بحيله
وآنه لذت بحجابي

شبت الناري بداري
ولا صاحب ولا جاري
محد فزع طفانه
وياشوغةّ المسماري

يشيعه الدار محروگه عليه
أطفي النار مجبوره بديه
**********
شيطفي جمرةّ نوحي
محسن وگع من روحي
والحسن يلزم بيدي
وهوايه هنه جروحي

هجمو الدار علينه
سعفه بهوى ضلينه
نرجف عشاير لمه
وطگونه فوگ أيدينه

رمح وسياط طگانه وهضمنه
(وأن) يصيح ماواحد رحمنه
**************
يا لوعتي المشيوفه
بينه چبيره الخوفه
وزينب تنادي يمه
خلو حبل بچفوفه

شفت العده يجرونه
وحيدر تدير عيونه
وبگلبه گلي شلونچ
ضلعچ يزهره شلونه

الضلع مكسور فدواتك يوالي
أهمن بيك ماهمن الحالي
************
وگلاله أرجع ليها
وروحي الضلع سابيها
قنفذ أجاني برمحه
ويّگله طگ رجليها

بجعب الرمح طگاني
وكل حيله من سطراني
وگمت آنه أصيحن بويه
وفوگ الترب ذباني

الحسن وياي وآنه اشگف بديه
وعلى التربان ذبونه سويه
************
بالگوه أجر انفاسي
هذا السده يا ناسي
چم طگه فوگ چفوفي
وطگات حتى براسي

بالگوه اشوفن دربي
طگني وشهگت الربي
لا ماگلت ياحيدر
وبتعبي زايد تعبي

طحت بالباب وگليبي شيكضه
وصدري انعاب ألحگيني يقضه
************
وزينب تناشغ يمي
وتصيح ويلاه أمي
وتلزم أديه بچفها
وبعروگي واگف دمي

گلتلها زينب باچر
يايمه يوم العاشر
باچر مناحر يمچ
يايمه باچر حافر

بحوافر خيل صدره يطشرونه
ييمه حسين ويلي يفرهدونه




عبد زينب
محمد الابراهيمي

هوه الباب مثل الخيل..ما ميّز شني ابدربه*
واحد اخذ مني الحيل..وحافر عافني ابغربه*
شابن بيّه الرموش من وكت الطفوله
..................
بيــــن هـــاي وهاي فزّت ذكريات*
من الزغر انـــه اختلف عن البنات*
چنت اشوفنهن اگبالـــي امدللات*
وچنت افز كلما سمعت افلان مات*

بعيني اول ذكرى هاي*
وفززت ســـوط ابگفاي*
بالحلــم أمي تــــصيح*
وطاحت وعطشانه ماي*

حلمي سراب..وعمري عذاب..بين باب وعطش*
كله جروح..وين ما اروح..الگه ليل اهدعش*

الما يشبع مّن امه يموت..منّ الزغر احسنله*
وابزغري شفت تابوت.. وبیهّ كبرت التله*
شابن بيّه الرموش من وكت الطفوله
.................
سطرو امي ابعينهه ويتمضحكون*
وچانو من ابچي علي يتنادسون*
زينب ايگلولي خليچ اعيون*
جاي دورچ واعله متني ايأشرون*

هاي وحده من الاثنين*
ضلوع امچ والحسين*
وهاي نار وبعد نار*
وبعد خد وسهم عين*

نار وخيام..واتروحي شام.. وسوگ ويه الحبل*
ضمي الدموع..شفتي الضلوع.. وبعد لچمة نبل*

هيه الفاگده من اتنوح..يعني اهواي مختنگه*
شلت ابگلبي كوم اجروح.. باب وخيمه محترگه*
شابن بيهّ الرموش من وكت الطفوله
...................
بين خيمه وبابنه كل عمري تاه*
والله هنياله اليعيش وامه وياه*
بس المضيع حضنهه وين يلگاه*
الامه تنطگ بالله هذا شلون ينساه*

منّ الطفوله للخيام*
منّ الخيم وانوبه شام*
ترسو اسنيني جراح*
وعالترب خلوني انام*

بالله شصير..وبيمن احير.. وانه بين الغرب*
يا جرح اروف..ولچمة چفوف.. واهلي فوگ الترب*

انه الخدري ضل محروگ.. وما فزعت علي خيمه*
وانه الدخلوني ابسوگ.. وامشيت ابأرض هيمه*
شابن بيهّ الرموش من وكت الطفوله
......................
طاحت امي اهناك ما گدرت تگوم*
ويا جرح امي الاشوفه بعيني ملچوم*
الهوه ايأذيهه من ايمر عالهدوم*
ياهي شافت امها واهيه اتشوغ كل يوم*

حايره ابأمي بقيت*
من تگوم اشگد بچيت*
تنذبح كل يوم اشوف*
بهمي مخنوگه رضيت*

ماضلي حيل..الليل ماهو ليل.. أسمع امي تون*
ماگدرت اگول..اشصار بالبتول.. صرت أم الحزن*

مخنوگه اهز بالراس..شما أنظرها تتألم*
اشسوت بيهه ذيچ الناس.. مجروحه وتسيل ابدم*
شابن بيهّ الرموش من وكت الطفوله
......................
سال من أمي نفس من الله طاح*
هيه مالت الله مو مالت جراح*
راحت الچانت تلمنه وكلشي راح*
ماتت أم العافيه وطعم الصباح*

صار طعم الدنيه غير*
الصباح ابلايه خير*
والبست حزني سواد*
انذبحت امي شلون طير*

كل عمري ضاع..وصار الوداع.. سوله ماكو هله*
بلون الغروب..يوميه اذوب.. شفت چم كربله*

ليش المثلي ما ترتاح.. ما يگضي وكت حزني*
الجاب النار والذبّاح.. ماكل سوطهم متني*
شابن بيهّ الرموش من وكت الطفوله



علاء المياحي
الفاتحه لروح والدي

🌹🌹🌹


هلا هلا لیلة فرحنه
هلا هلا مولدفخرنه
زینب بت علی
نور إمن إلولی
هلا هلا مولد فخرنه
&&&&&&&&&&&&&&&&
فرحتنه.سَعدنه.بنت إلمرتضی.. یامیت هله
بهجتنه.أملنه.نور إلمصطفی.. یامیت هله
غیرتنه.شرفنه. إخت إلمجتبی.. یامیت هله

هلا هلا های إلولاده
هلا هلا أکبر سعاده
&&&&&&&&&&&&&&&&
هنینه.إجینه.زهرتنه إلبتول.. یامیت هله
غنینه.هدینه.فرحه للرسول.. یامیت هله
حیینه.بِدینه. هل فرحه تطول.. یامیت هله

هلا هلا سِر إلولایه
هلا هلا نور إلهدایه
&&&&&&&&&&&&&&&&
مهدینه.ولینه‌.هل فرحه إلک.. یامیت هله
هادینه.نَجینه.مولد عمتک.. یامیت هله
غالینه.تجینه.زیّنه إلفلک ..یامیت هله

هلا هلا زینب هتفنه
هلا هلا بسمک ندبنه
&&&&&&&&&&&&&&&&
فرحانه.سِمانه.وتلالی إنجم.. یامیت هله
دنیانه.هَوانه.زینب ونعم ..یامیت هله
هَنانه.إجانه. کل صاحب شهم.. یامیت هله

هلا هلا بنت إزچیه
هلا هلا أجمل تحیه
&&&&&&&&&&&&&&&&
نادینه.إلحنینه.یا باب إصبر ..یا میت هله
قدمنه.نطینه.نفدیچ إلعمر.. یامیت هله
وفینه.إلبدینه.ومنچ نعتذر.. یامیت هله

هلا هلا نور إلعداله
هلا هلا علم إلرساله
&&&&&&&&&&&&&&&&
تمت بعون اللّه

لخادم محمّد وآل محمّد ص
عباس ابوحمزه الزرگانی الفلاحیه

مولد السيده زينب
عليها السلام 26
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
1
مزدان العالم والكون يهلي بالهاشميه
جدها النبي الهادي والاب حامي الحميه
والام الزهرى فاطم أم لطهار الزكيه
والحسن وياه حسين اخوتها وهيا الدره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
2
قرة اعيون المختار بولادة زينب اليوم
فرحة بوالقاسم فرحه تشهد ليها كل لنجوم
راحت عن دنياه اليوم كل لهموم وكل لغموم
مسرور ابجية زينب عن شوفتها شيصبره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
3
يلثمها ويقبلها ويناغيها بكل اسرور
ينظر للوجه المصباح النوّار وكله نور
يشكر الله ويقدسه بالهديه الْ بيها اعطور
نادى اسمها زينب والاسم ذا امن القدره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
4
هذا علي الكرار مستأنس واجد بيها
شايلها فوق ايدينه ايقبلها ويحاكيها
ياوردة جنة بيتي وتبتسم ويناغيها
والبيت كله ابفرحه يازينتها هالحورى
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
5
فرحة الزهرى كبرى وماتنوصف حالتها
كل ساعه نشدت ليها يازينب وشالتها
اجمل من حور الجنه وبكل وقت قالتها
ياربي تحفظ لينا هالمكنونه وهالدره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
6
اما الحسن ويا حسين ذولا الاخوه مسرورين
جت الوديعه الكبرى وخلوها في وسط العين
ابوجنتها يقبلوها ومتحاوطيها الاثنين
ويقبلوا أياديها وتفهم ليهم بالنظره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
7
تسعة أيمه واطياب هيّا ليهم عمّتهم
اولهم زين العبّاد والتاسع منتظرهم
وباقي اولاد الاطهار ايضاً زينب عمتهم
عمة الساده كلها ونتشرف بيها الحورى
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
8
احنا الشيعه ولمحبين حبنا كله للاطهار
جينا انبارك للعتره جينا انبارك للابرار
خامس جماده الثاني بيه اشكثر من اسرار
اعظم سر ابهذا اليوم جية السيده الحره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
9
ثبت ياربي حبهم في قلبي وابدلالي
وفقني لزيارتهم وارزقها كل موالي
وارزقنا الصحه والخير ياربي ذا سؤالي
وانعود الى ازيارتهم في كل سنه لو مره
___________
افرح ياشيعي افرح ليلة مولد الحره
ذكرى مولدها الليله فرحانه كل العتره
___________
تمت بحمد الله وتوفيقه
الجمعه/18/12/2020
3جماده ثاني 1442هج
الحاج / / مكي العريبي
نسالكم الدعاء

ولادة السيدة زينب عليها السلام .. ٥ جمادي الاول

فَــرَح يوم الولاده … ٲمل خير وسعاده
بولادتهـا مسرتنــه … مسرتنه بولادتهــا

ولادة زينب الليلــه الفــرح بـان
فِرَح بالمــولد العالـــم والاكوان
بشير الفرح غنّى بأعذب الحان
يهنــي حيــدر وامهــا الزچيـــه

نهنــي بالتغاريــد … شفاعة زينب نريد
شفاعتنه بمحبتها … بمحبتها شفاعتنــه

نِزَل جبريــل للهادي يبشـره
إلـه الكــون سماهــا يخِبـره
بشاير بيها فرحه بيها عَبره
اسمهــا زينب و ام الرزيه

بسمها الوحي بشر … ابوها الوصي حيدر
يباركلــه بولادتهــا … بولادتهـــا يباركلـــه

حِضَر وبيوم مولــدها يبــارك
لَعِد حيدر إجه سلمان يشارك
يصافح راحته لحيدر يشابك
فِرَح گلبه بفرح اهل الحميــه

يهني العتره سلمان … بولادة فخر الاكوان
يشاركهم مسرتهــم … مسرتهم يشاركهـم

مجالس كلها قداح ورياحيـن
تبارك بيها فرحانــه المواليـن
تهني المصطفى طه المحبين
فرحنه اليــوم يـوم الهاشميه

حضرنه بليلة العيد … نبايع زينب نريـــد
تباشرنه وتعايدنــه … تعايدنه وتباشرنه

رسايل حب كتبناها بحفلنــه
رسايل كلهــا اشـواگ ومحنه
على جناح السعد طيره تعنه
گصد زينب لجلنه بهالمسيــه

من احبابچ رسايل … اجيت بجنحي شايل
اسامينه كتبناهـــا … كتبناهـــا اسامينــــه

محافــل نور يتلاله بسماهـا
هلاهـــل خير تتعاله بفناهـا
هديه النه شفاعتها ورضاها
شفيعه وللمحب اغله هديه

نحصل هالشفاعه … بفضل هاي الاطاعه
ولايتها فخر النـه … فخر النــه ولايتهـــا


كلمات عمار الراشدي

امي ودتلج تحيه يم البنين
وعله وكفاتج تشكرج ويه الحسين
وانه مثل ابنيتج //هله صحت بجيتج
///////////////////////////////
انتظرتج. واجيتي _ الف اهلن يحره ومرحبه بيج
تعالي . تعالي _ اعله حجرت فاطمه خليني ادليج
هديه . بصراحه _ عبايت فاطمه يافاطمه انطيج
اسمعي. الاكوله _ من الباب اخذري وما اوصيج
خوفه سوه الباب بينه بكسر الظلوع
فاطمه وخلينه نحجي بغير موظوع
الخير طب بطبتج // هله صحت بجيتج
///////////////////////////////
اسولف . سوالف _ شصار ابفاطمه تعرفين تردين
اختيارج. قرارج _ ابدي من الظلع لو سطرت العين
تعالي . اشوفج _ عله الحايط بقه دم امي للحين
وره الباب .بلا اسباب _ تره ابسمار كسرو منهه ظلعين
انعصرت وصاحت تعالن محسني طاح
والنفس يلجمهه جان اشلون ترتاح
يالااجيتي ابوكتج //هله صحت بجيتج
///////////////////////////////
وصيه . الزجيه _ كالت من تجي تصير ابمكاني
حجتلي .بحنينج _ اسمهه فاطمه وتشبه حناني
استحيتي. وبجيتي _ كلتي حسين اجه وابجي لكاني
بصراحه. يزينب _ حسين يخدمه محد غيري اني
كلتي اريدن وكفتج يازينب وياي
حسين من ايدي اريده يشرب الماي
مثل امنه شفتج //هله صحت بجيتج
///////////////////////////////
حجتلي . الحنينه _ الج باجر مواقف ترفع الراس
تخلفين. كفيلي _ تره الزهره تحب هواي عباس
لهفتي. اشتياقي _ لبو الغيره الحنين اليمطر احساس
لجماله. ابخرج _ خفت من هسه عليج اتحسدج الناس
عندي خلتله امانه الرايه والجود
وفي ابنج للخويه يكطع ازنود
لحجرت امي جبتج //هله صحت بجيتج
///////////////////////////////
اهتمامج. وفائج _ قرايه لفاطمه ابيتج تسوين
تره امي . تشكرج _ عله هذا الوفه الشايلته لحسين
بسبحتج. اسمعج _ مدد يافاطمه دومج تكولين
بنينج. نجاحج _ الاولى بكربله باجر تطلعين
بكربله هذا وفائج يمه معزوم
باجر تشوفينه صيتج فوك النجوم
انه اشارك ونتج //هله صحت بجيتج
///////////////////////////////
لكبرهه. سويه _ علي ياخذنه كون الليله ونزور
ودمعتي. اهلهه _ وي ظلع امي خلك الدنيه مكسور
عليهه . اشوفج _ صاير كبر امي شجره وعش للطيور
تسلمين. وتزورين _ من صوتج تعرفج يم البدور
تكلج ادور الليالي وراح الاكيج
وعله هاي الوكفه مدري شلون اجازيج
الجنه صارت حصتج //هله صحت بجيتج
///////////////////////////////
#تمت____ علاء الزيدي

هذا برنامج علاجي للوباء
يالقاح وعدنه تربـة كربلاء
خل يسمــع العالم زين
كل الدّوه اباب حسين
**********************

محتاره بلقاح الكره الارضـيّه
وللشيعه لقاح المرض لطـميّه
من حاضرنه يسمع لو تراثيّه

اليصيبه المرض ياناس
يطيبه ريح  عــبّاس

ويموت اصعب مرض عندك بالقبّه الحسينّيه


مثل فطرس لمن جنحه بمسحه طاب
ايطيب والله البي مرض بقدس تراب

ليش البشر محتارين
كل الدّوه اباب حسين
************************

برنامج علاجي وللمرض قاتل
للينصاب عدنه امـوقّع وكامل
اوّل شي يشم راية ابو فاضل
ومجالس يسمع ايگوم
ثلث مـــــــرات باليوم
عله راسه راسه يشد لازم   علگ من كبة الكافل


حسين عدنه وبوفاضل يالقاح
وبهـــواهم ياگلـب مايسـتراح
ويلهج بسامي الاثنين
كل الدوه اباب حسين
*********************
ياخـذ ثالثــاً كل ليـــله هالجرعه
عله حسين وعله المسبيه دمعه
يهلهه وكون سيّد جاسم الينعه

يطيب المرض ويروح
بدمــعه عله المـــذبوح

مو بس يصحه من دائه. الدمعه بمحشره اتنفعه

الرابع بنــية شـــــفاءه مرّتين
الصبح يقره الفاتحه لمّ البنين
اتحب فاطمه دمع العين
وكل الدوه اباب حسين
********************-

مـــــن اعراضــه نعـرف گـوّه يتــنّفس
علاج الهل عرض يشتم هوه المجلس
ويلطم صدره حيل براحه راح ايحس

والــميّة مرض بيه
هالمجلس يشافيه
ويغرگه بعافيه وصحه    لانّ الزهره بي تجلس


بهالمرض يسعل يگوم الي يصيب
ماي من الحضره خل يشرب يطيب
زمزم معاه امخلين
كل الدوه اباب حسين
*******************

عرَض ثالث صـــداع باوّل ايـامه
نطيبه احنه بثلث طبرات عالهامه
ولازم دمنه يجري بضربة القامه

وشرط لمّن نطبّر
ننادي بقوه حيدر
اليگوله يحترگ دائه       وتطهر روحه بنسامه

ياوباء وياأ لم ماينجلي
بعالي صوتي لو انادي ياعلي
خل تعلم الي امتيهين
كل الدوه اباب حسين
*******************

مااحتار لـحضه وكربله عندي
وحل موجود للگال المرض يعدي
عله جــيده يعلّگ حــرز يامهدي

وبو صالح يحاميه
المرض لا مايصل ليه
وعليه يصبح درع اسمه
الجروحه اعله النحر تدي

احنه عدنه حروف يامهدي دواء
لان اصله امن الحسين وكربلاء
ونرفع شــعار بكل حين
كل الدوه اباب حسين

**********************
#سيد سجاد العميدي

ابو فاضل
عين للزهره ونظرتك ثاقبة
ابو فاضل
مستحب كلشي ومحبتك واجبه
ابو فاضل
الدنية من لونك شهم ماجايبه


امك مخلية شهامة وي اللبن
وبالكرم وراث ادلال امن الحسن
بالسقاية امكمط وساقي الزمن
بحلك وترحالك بخوتك وطن

ضامي ولكيتك ماي
ضايع وانت الراي
بس فضلك الماينسي
والباقي كله انساه ياقمر الزهراء
٠٠٠٠٠٠٠٠٠٠٠٠٠
ابو فاضل
انت روح حسين وانت احزامة
ابو فاضل
سيفك امثلم حرب لخيامة
ابو فاضل
اكباله ماتعرف اتشيل الهامه


نشف مايه وجودك اتفايض ادب
مو اخوك حسين جنت اتحسه اب
هوه مروتك على اخيام الحرة هب
من ضواك اتبرة من دينه وهب


بجفك لكيت الدين
حب ينمزج بالطين 
والماشه جرحك بالعشك
يدمن على ممشاه ياقمر الزهراء
٠٠٠٠٠٠٠٠٠٠٠٠٠٠٠
ابو فاضل
هوه الدنية من مهب الرايه
ابو فاضل
النهر من يومك وكاره ماية
ابو فاضل
للشهامة الزهره اجت مشاية


خيمتك بس بالرجولة امبخرة
ماي بس شفتك امروه امفطرة
الجابتك طلبت مدد من حيدرة 
ابو فاضل ماتجيبك اي مره


ياراية اهل البيت
لو للحرب طبيت
تسابك الغيرة ابمهرتك
وتصيح ياحياه ياقمر الزهراء
٠٠٠٠٠٠٠٠٠٠٠٠٠٠٠٠
ابو فاضل
جون منك طلع للحب خادم
ابو فاضل
والغلام التركي عزمك  عازم
ابو فاضل
شافك الحر واجه مدنك نادم 


كلهه من همتك اجت تاخذ عزم
كل شهم ماضاك حبك مو شهم
ابو فاضل شوفته اتسوي زلم
والرجولة انخلقت بهذا الاسم


ماتنحجب بلثام
عينك اتهز الشام
والحرب انت ومايجي
التتكابل انت وياه ياقمر الزهراء
٠٠٠٠٠٠٠٠٠٠٠٠٠
ابو فاضل
جان حلمك مسلم يدك ثايته
ابو فاضل
ويجي يم زينب يدنك هامته
ابو فاضل
سوه يطبن رايتك وي رايته


احلامك هوايه وتبدن عالنهر
الربح خوتك بالوداع شكد خسر
جلمة الخوية صفت كسرة ضهر
التعمة عينه بكربله فاكد كمر


حيلك معكسر جان
وفيك على الخوان
عافك حسين اعله النهر
منهه وفرغ مكفاه ياقمر الزهراء
٠٠٠٠٠٠٠٠٠٠٠٠٠٠٠٠
ياقمر الزهراء


#الشاعر حيدر شايع