والدي يا والدي والله هظيمه
فارگتني وصارت ابنيتك يتيمه

جرحي فلا يطيب
يا ايها الحبيب
..
والدي اسمع نحيبي ونوحي
فرگتك زادت لهيب جروحي
وداعة الله يا حبيبي وروحي
انذبح صبري وفارگت مذبوحي

فارگت كل صبري لمن فارگيتك
اشلون اعيش بهذا عمري وخالي بيتك
ما ينطفي اللهيب
يا ايها الحبيب
...
بغيبتك صار الحزن يرعاني
وچلمة الله وياك فوگ الساني
حضرت يا بويه بيت احزاني
واليفارگها الأبو شتاني

روحي حست بالغرب بعدك وحيده
عمري من دونك يغالي ما اريده
حيدر بقه غريب
يا ايها الحبيب
...
وين رايح يا اعز احبابي
بفگدك الظالم يجيني لبابي
يا محمد واعله ضلعي صوابي
النار تحرگ عتبتي وحجابي

بويه بعدك ينتهي بالعبره عمري
ريت وگبرك عسن محفور گبري
يا جرحي والطبيب
يا ايها الحبيب
...
بويه ما احمل هظم تدريني
بعصرة الظالم يطيح اجنيني
والمصيبه الگوم تصطر عيني
وياك اموتن والدي خليني

ينسطر وجهي ويگع بالعتبه ابني
والدي والسوط يتلوه اعله متني
موتي صبح قريب
يا ايها الحبيب
...
راح اعيشن دنيتي مهظومه
من الفدك يا والدي محرومه
روح حيدر تصرخ ومهمومه
آه يا زهراء يا مظلومه
لو رحت ما تسوه من بعدك حياتي
ساعه ساعه انتظر بعدك وفاتي
اگضي العمر نحيب
يا ايها الحبيب
...
من بعد موتي المصايب كبره
علي بالكوفه وتصيبه الطبره
والحسن بالسم يودع عمره
والشمر لحسين يگطع نحره

تنذبح كل ولدي بارض الغاضريه
وآه يا زينب يودوها سبيه
تعوف الجسد خضيب
يا ايها الحبيب
...
خادم الحسين ( عليه السلام)
كرار حسين الكربلائي
( ابو كميل)

يا رسول الله اسأل وريد جوابك
اليا سبب تبچي كلما تشاهد بابك
يا مصيبه اتشوف عينك يا محمد
....
يا نبينه بالمدينه
بليلة اوداعك نشوف الدمع سچاب
تريد ترحل واحنه نسأل گبل ما ترحل نريدك تنطي الجْواب
انت رايح والنوايح تعتلي لّمن تشاهد عتبة الباب
اختلف صوتك گبل موتك اوصيه عندك سيدي لو عندك اعتاب
يا كلام الخفيته بضمير احساسك
بيا وصيه توّصي بأخير انفاسك
يشرحلنه يا وضع دمعك عله الخد
يا مصيبه اتشوف عينك يا محمد
....
رايد اتروح وعندك جروح مختنگ بالعبره مانعرف شنو الصار
تربي عينك وبحنينك اتوصي بابك لا يأذي ام الاطهار
اتگله يالباب تدري الاصحاب يعتنولك بعدي وايحرگونك بنار
اعتابي ياذيك ارد اوصيك
ابهيده وي ضلع البتول ايصيبه بسمار
وبْخيالك تشاهد رزايا الزهره
وبْضِلوع الزچيه اشتسوي العصره
لو رحت عنها الزمان بضيمه يشتد

...
انته تنعي وهيّه تدعي اعليه يارب السمه الوالد تديمه
يا الهي انت جاهي والدي المهيوب خَلّه اعليه خيمه
تندعيلك تشتكيلك لو عفتها فاطمه تصبح يتيمه
هالحبيبه اتظل غريبه چم مصيبه بعدك چم هظيمه
النار بعدك يطه توجر بابها
الزهره تطفي الجمر لو تحامي احجابها
آيجمر الباب ابد ما يوم يبرد
....
ما شفتها اتخيلتها
وشبّت بوسط الگلب جمره سريه
اشحال حيدر حين يحضر
وبيده هو ايغسل ضلوع الزچيه
بخدها سطره العين حمره والصدر ينزف دمائه الفاطميه
لهالمصايب والنوايب ايساعدك الله يحمّاي الحميه
حيدر بإيده هوَّ اليغمض اعيونها
ينكسر گلبه لمّن يشوف متونها
هالمتن منّ السياط يصير اسود

..
غُمض رمشك واعله نعشك ظلت الزهره يبو ابراهيم تنحب
واجت بتها وساعدتها هذي زينب والمصاب اعليها يصعب
والرزيه الغاضريه زينب تشوف الاخو وجسمه تسلب
هالعقيله عالهزيله يا محمد تنسبي عالنوگ زينب
زينب اتشوف حزن وفاطمه وآلآمها
جمرة الباب يطه تِشب بخيامها
هالمصيبه لكربله يالهادي تمتد


...
خادم الحسين عليه السلام
كرار حسين الكربلائي
( ابو كميل)

محمد يا محمد
...
يا رسول الله غبت مثل البدر
وعاشت الامه على نار وجمر
والله صعبه المثلك ينام بگبر
من بعد عينك فلا يسوه العمر
محمد يا محمد
...
أذن آذان الحزن يالمصطفه
بغيبتك مصباح عزتنه انطفه
يا ضوه الدنيه عله الدنيه العفه
اندفنت اوياك السماحه والوفه
محمد يا محمد
...
يا رسول الله كُبر جرح الزمن
انت للأمه چنت مثل الوطن
راحت اعلينه تصب ضيم الفتن
بغيبتك نشبع ظُلامات ومحن
محمد يا محمد
...
ويلي يا حزنك ابد ما ينجلي
يجري دمعه وانحنه بفگدك علي
يصيح يمك يا بعد روحي وهلي
يالنبي غيرك بعد منهو إلي

محمد يا محمد
..
الارض حزنت سيدي وحته السمه
والمدينه صفت وحشه ومظلمه
يتمت هذي المسيه فاطمه
گعدت بفگدك تنوح مألمه
محمد يا محمد
...
بغيبتك اهل الضغينه تنجمع
عالبتوله وينكسر منها الضلع
فاطمه وجه الله صعبه ينصفع
وتظل لاخر بس تجري الدمع
محمد يا محمد
..
العتره بغيابك تظل امحيره
الحسن ريت تشوف چبده موذره
والحسين الشمر يگطع منحره
والأشد زينب تروح اميسره
محمد يا محمد
...
خادم الحسين ( عليه السلام)
كرار حسين الكربلائي
( ابو كميل)

رئيسية إستشهاد الإمام الرضا علیه السلام
طور "يا محلى الوداع"

يا مَحلَىٰ الوِداع اِبْهَاللِّيالي
ما بِينِ الغَوالي
بِين اِبنِ الرِّضا وِ الرِّضا الوالي
_____
لَرِض طوسِ الجَواد اِبنِ الرِّضا اتعَنَّه
مِن اَرضِ المِدينَه
لَمَّن شاف اَبوالصَّلت وْ نِشَد عَنَّه
دَلّاه اِبحَنينَه
وِصَل يَمَّه وْ تِعَلَّت صَرخِتَه ابوَنَّه
شيهَوِّد وِنينَه

شاف اِبنِ الزِّچيَّه
بِفراشِ المِنيَّه
اوْ ظَلْ دَمِع اليِتِم بِعيونَه هالي
_____
ناداهِ الجَواد وْ حَسرِتَه ابصَدرَه
اوْ مِن حَگَّه ايْتِحَسَّر
گَلبي اشْلُون بويَه يِلتِزِم صَبرَه
يَالگَلبَك تِفَطََّر
چَن سَمّ الغَدُر وَجّ روحَك اِبجَمرَه
جِسمَك صايِر اَخضَر

يا تاجِ الِبْراسي
وَ اللّٰه الدَّهَر قاسي
يَتَّمني وْ سِلَب عِزّي وْ دَلالي
_____
ناداهِ الرِّضا يا شَمعَة اِعيوني
اوْ بيدَه لِزَم ايدَه
غَريب وْ لُو مِتِت غُربَه اليِحِضروني
و اِدياري بِعيدَه
جَهِّزني بِدِيك وْ غَمُّض اِجفوني
هذا اللّي اَريدَه

كافور وْ سِدِر هاك
يَبني وْ اللّٰه وَيّاك
و اِدموعَه ابْطَرَف عِينَه تِلالي
_____
بَانفاسي الاَخيرَه عِطرَك اَشتَمَّه
و ايدَك يَبني بيدي
مو عَطشانْ چَبدي مِثل اَبواليِمَّه
اوْ لا يِنحَز وِريدي
اهْناك الزَّهرَه صاحَت لِلشِّمِر يَمَّه
لا تِذبَح اِوْلِيدي

يا مَن تِحِز نَحرَه
اِسگي اِحسِينْ گَطرَه
لِحسِين وْ مُصابَه اختِلَف حالي
_____
رايِح تِصِد دَفني اِبعِينْ هَمّالَه
بَسّ اِمصابِ الاَصعَب
جَدنا احسِين وَسفَه عَشرَه خَيّالَه
فُوگ اِضلوعَه تِلعَب
وِ الاَصعَب بَعَد مِن سِلبَو اِعيالَه
اوْ ضِربَو عَمْتي زِينَب

اِختِ الگُمَر تِنگاد
تِدخُل عَلَه ابنِ ازياد
وِ الشّٰام وْ مُصايِبها اعلَه بالي
_____
تمت بعون الله و له الحمد.
1442 هـ / حرم السيد عبدالعظيم الحسني عليه السلام
الشاعر مجتبى الورسي

رئيسية إستشهاد الإمام علي الرضا علیه السلام

اَصيح اِبصُوتْ . لِفاني المُوتْ
اَريدَك يَالجَواد اِبْساعَة البِينْ
غَريب وْ ما لي اَحَّد يا ضِوَه العِينْ
______
رِجَع مِن مَجلِسِ المَأمون اَبومْحَمَّد
يِلوج وْ ياخِد اِمنِ الحايِطِ المَسنَد
يِگوم اِعلَه الرِّجِل كِلما وِگَع عَالخَد
نَعَم هَالحالَه حالِ الْما لَه كِلّ اَحَّد !

شَمِس لِشْموسْ . غَريب اِبْطوسْ
يِنادي اِوْلِيدَه يا بَدري غِبِت وِينْ ؟
غَريب وْ ما لي اَحَّد يا ضِوَه العِينْ
______
يِصيح اِبحَسرِتَه يَبني صِرِت وَحدي
تَعال اِحضَرني وِ امسَح دَمعَه الِبْخَدّي
حَرارَة سَمّي تِحرِگني وَ حَگْ جَدّي
اَحِس يابويَه تِطلَع روحي مِن چَبدي

ابْجِفا المَأمونْ . مَماتي اِيْهونْ
اعْلَه نارِ السَّم غُرُبتي وْ هِنَّه نارِينْ
غَريب وْ ما لي اَحَّد يا ضِوَه العِينْ
______
اِذا تِحضَرني اَحچي اِشْلُونْ هِضمُوني
غَصُب مِنّ المِدينَه الْطوسْ جابُوني
اِذا تِسألَني و آنَه ابْغُربِتي اِشْلُوني ؟
غِده اَصفَر بويَه بِالسَّم وِ الهَجُر لُوني

اَمَل دِنيايْ . اَشوفَك جايْ
اَصِدْ يا باب اَراقِبْ جَيْتَك اِمنِينْ
غَريب وْ ما لي اَحَّد يا ضِوَه العِينْ
______
گِضَت ساعَه وْ اِجاه اِوْلِيدَه بِالوَنَّه
گَعَد يَمَّه وْ اَخَذ راسِ الرِّضا ابْحِضنَه
صُعوبَه الوالِد اِيْموت وْ يِشوفَه ابْنَه
يِعين اللّٰه الجَواد اِبهَضمِتَه وْ حِزنَه

سِمَعها وْ حاسْ . اَخير اَنفاسْ
يِتيم وْ ظَل يِصيح اِبصَفْجِ الايدِينْ
غَريب وْ ما لي اَحَّد يا ضِوَه العِينْ
______
فِتَح عِينَه الرِّضا و اِيْصيحْ بِالعَبرَه
اَموت وْ راسي اِبني لازِمَه ابحِجرَه
اَوِيلي اِعلَه الفِتَح عِينَه وْ غِدَه ايْنُظرَه
الشِّمِر گاعِد عَلىٰ صَدرَه وْ يِحِز نَحرَه

حَرِگ و اِخْيامْ . سَحِگ و اَيتامْ
اوْ عِليل اِبخِيمِتَه و اِيْنادي يَحسِينْ
غَريب وْ ما لي اَحَّد يا ضِوَه العِينْ
______
تمت بعون الله و له الحمد.
1442 هـ / طهران
الشاعر مجتبى الورسي

قصيده طلب حاجه للأمام الرضا ع

ضامن شيعتك لو مـــرها بأجر نار
اظمن حاجــــة الكاصد الك خطــار

*
ضامن شيعتك معروفـــه يا مــــولاي
واجيتك سيدي اشكي هضم دنيــــاي
اجيتك ضامي واطلب انه شربة ماي
ومايك يا أمامي مثله ابد مـــــا صار

*
عذب مايك يروي الكاصدك عطشان
واجيتك بالدمع واگـــف على البيبان
مــــا خاب الگصدلك ما يظل حيران
تجبر خاطــــــره اليگصدلك ومحتار

*
محتار الكصدلك يشكـــي مـن كسره
ويدري بحضرتك بس انــت التجبره
كسري بالگلب هاي يالرضا شكبره
طبيب العله يــــا شبل النبي المختار

*
طبيبه انت وگصدلك يشكي من علته
ويهل ادمـوع عينه ابحضرتك شفته
تعرفه لــــو حچه وتعــرفه بالسكته
لان تــــدري يبو محمد لهيب النــار
*
لهيب النار يسعر مــــن الم دنياه
واتعنه ابدمعته بلــــوعته وبالآه
يحچيلك عذابـــه بس دمع عيناه
وطبعك ما ترد يا سيدي الــزوار
*



الراجي نظرة مولاه الرضا عليه السلام
موسى البديري

هايم يالرضا لصحنك خذاني الشوگ.
واحس گلبي يطوف بروضة الحضره🌹

احسه من البعد نايم على الشباچ
مثل مخنوگ بس يمك يشم عطره🌹

خليني ابضريحك بس گلب مولاي
عاشگ ريحتك يا ريحة العتره 🌹

ادري الزار گبرك واليطوف اهناك
يسر گلب الزچيه الطاهره الزهره 🌹

مولاي الملوك ابابك امدنگين
خاضع تاجه يمك يجذب الحسره🌹

بليلة مولدك طلبيتك الحاجات
ومديت الچفوف اليمنه واليسره 🌹

وادري ما تردني ولا ترد محتاج
يباب الله الچبير اليكرم الفقره 🌹

الگلب يمك امانه وانت باب الله
وكسر گلبي بضريحك شخصك يجبره🌹

الشاعر
موسى البديريهايم يالرضا لصحنك خذاني الشوگ.
واحس گلبي يطوف بروضة الحضره🌹

احسه من البعد نايم على الشباچ
مثل مخنوگ بس يمك يشم عطره🌹

خليني ابضريحك بس گلب مولاي
عاشگ ريحتك يا ريحة العتره 🌹

ادري الزار گبرك واليطوف اهناك
يسر گلب الزچيه الطاهره الزهره 🌹

مولاي الملوك ابابك امدنگين
خاضع تاجه يمك يجذب الحسره🌹

بليلة مولدك طلبيتك الحاجات
ومديت الچفوف اليمنه واليسره 🌹

وادري ما تردني ولا ترد محتاج
يباب الله الچبير اليكرم الفقره 🌹

الگلب يمك امانه وانت باب الله
وكسر گلبي بضريحك شخصك يجبره🌹

الشاعر
موسى البديري

يالرضا ابهاليوم مـن عدنه تغيب
وانت بلسم للگلب واعظم طبيب
&&&&&&ظ
يالرضا والروح من گبلك مشــــــت
وشمعـة النـــور التضويلي انطفــت
وفوگ جرحي جروح سمك چملـت
وگامت افكاري تره تودي وتجيــب
&&&&&&
شلون سلطـان الزمـن عــــنه رحل
كـل گلـب مشغول مصيــوب بعلـل
مصاب هـدّ الكون هذا اللي نــــزل
راح أبـو محمد رحل منـّـه الحبيـب
&&&&&&
عاشر الـدنيه بجفه وزهد وحــزم
مايهمــه الجـاه لــــو كثـر الــزلـــم
بديــن جـده يسير هـو أو مـلتــــزم
وكلهـه تـدري العاشـــره لامايخيب
&&&&&&
صار والي للعهد غصبـن عليــــه
والامـر معروف من وصلت اليـه
ربــك أيحبــه ويريــده ومبتليـــه
وهو مايحتاج كل رتبه أو نصيـب
&&&&&&
تالي بيهم من علـن صوت الخطـر
والملـك مهــزوم بيهـــم لامفـــــــر
بكـل مكان الخوف أضرم وانتشـر
گال لازم ينتهي واعلــــن خطيـب
&&&&&&
هذا شمس لكل شمس ولكل زمن
ولايغيـب ولاتـواريـه المحـــــــــن
شفنـه گــدامـه الجروح من انثنــن
شـال جـرح حسين تچايه وربيــب
&&&&&&
هـو سـّم الكـون من سـم الرضـــه
ويدري كلش زين يعـرف بالقـضه
عمره لجل الدين كـل لحظه گظـه
يموت يمتـه يموت لوشاب ويشيب
&&&&&&
هـــو أخبــــر دعبـل بــيوم الممات
اويــن يصبـح منـزله وحط الرفات
گال بأرض الطوس تالي هالحيات
هـذا ضلع البيت وأبــداً مـو غريـب

خادم خدام الحسين عليه السلام
الحاج ابو إياد البيجاوي

قصيده للامام علي بن موسى الرضا عليه السلام

ياهيبـة مُحمّــد وارث كل خصاله
الله واحنه نشهد. ادّيـت الرســاله
...................

ياثامن امام عله البريه
الله اختارك وصرّح نبيه
نشهد يالرضا ونهتف سويه
ادّيت الرســاله الاحمـديه

يالأسمـك تخـلّـد بالعـز والجــلاله
الله واحنه نشهد. ادّيـت الرســاله
...................

من موسى بن جعفر من مقامه
وارث يالرضا عــلم الامــــامه
دين الله انحفظ بيك ونظامه
يارمـز العـدل والاستقـــــامه

عنـوانك تمجّـــد. من اطهر سُلاله
الله واحنه نشهد. ادّيـت الرســاله
...................

منبع ياعلي سيرة حياتك
مثل المصطفه الهادي بصفاتك
الناس اتحبك وتعرف غلاتك
رحمه عليها تنزل من صلاتك

صاير الهه مگصد. من اهل الضلاله
الله واحنه نشهد. ادّيـت الرســاله
...................

عدوانك بني العباس كفّار
بغضوك بحقدهم ليل ونهار
المأمون اللعين شلون غدّار
سَمّك سيدي وينعاك بالثار

يمك ماكو احّد. سَمّك بفتعاله
الله واحنه نشهد. ادّيـت الرســاله
...................

مسموم ومتت بديار غربه
صعبه يالرضا المظلوم صعبه
كل شيعي عليك ينوح گلبه
مصابك بالمجالس صار نُدبه

کبرك صار معبد للباري تعاله
الله واحنه نشهد. ادّيـت الرســاله

سيد زيد الفحام
________________________________

(ياسيد الشوق أليك الشوق يارضا آل الكرام)



ازورك يا وكت يا ثامن جروحي
ذابحني العشگ سميني مذبوحي
بعيد انته المسافات واتاني و الگلب مات
___________________
أمد ايدي يبو محمد من بعيد أتسول
ادگ باب الهوه ظني ابابك ابچي و واتوسل
المجدي اليمر بيكم بالعباس يدلل
اهيمن وين من شوگي يمته عيوني تتكحل

يمته عيوني تشبگ شوفةّ الحضره
تره شيب دليلي وداعت الزهره

شكثر مرن زيارات واتاني والگلب مات
____________________
انيس عيوني سميتك عليك انفاسي محتاره
صحتلك وانته تسمعني انه محتاجلي زياره
گلبي جروحه كثرانه وهايم صار بافكاره
اطرده ويرجع الصدري وحگك ما طفت ناره
وحگك ما طفت والنار تچويني
بغيابك كل حياتي عافت سنيني

تريد انطيك الاثبات اتاني والگلب مات
____________________
اخاف الموت يسبگني وگلبي تكثر همومه
ملك الموت اخبرنك اريد انطيك معلومه
تلگه الروح مشدوده يم شباچ معصومه
اخذها وفكني من عدها بالصفنات مالومه

طول العمر تبچي وتدري محترگه
يسلطان النفوس عليك مختنگه

العمر يا سيدي فات اتاني والگلب مات
____________________
غدت مشكاله بَيامي ضرير وبالوهد چني
تهومش چفي والوادم شچاهه وتبتعد عني
اناطر جيت الضامن وابو محمد يناوشني
واحجي بروحي و اتحسر (ها) يمكن اجه يكضني

ها يمكن اجاني و طيب گليبه
ابو محمد اعرفه و دمعتي تجيبه

صفن دمعاتي لوحات اتاني و الگلب مات
____________________
يغالي و شوفتك حلوه الميت يمك تعافه
اليزورك منكسر ظهره يرد و الكون بچتافه
يمن هنياله هنياله الوصل يم بابك و شافه
غريب و غربته صعبه مجبور الوطن عافه

مجبور اليعوف الوطن لعيونك
اعوفن كل حياتي وآنه مجنونك

الزياره تسوه جنات اتاني و الگلب مات



عبد زينب
محمد الابراهيمي

استشهاد المحسن ع

يايمه إخذي الحذر ضلعچ لونه انكسر
لا يشوف دموع عينچ والدي
1
محسن انا وادري ساعه وينكسر منچ ضلع
يمه من دگات گلبچ إفتهمت انا الوضع
ارد احذرچ لو بچيتي ينزل بهيده الدمع
بوالدي يايمه افكر شلون بينه ينفجع

جرحي تره مو سهل بأول نفس انقتل
بيا مصيبه يمه حيدر يبتدي
2
ضجه يم الباب صارت وانتي انفاسچ تون
نزلت حرورة دموعچ فوگي من فاظ الجفن
وضحت الغايه ييمه ادري تاليها حزن
صحتي فاطم بت محمد وذاك يصرخ اي وان

ما عنده رحمه وادب لم اعله بابچ حطب
ونتي گلتيله تراني الوحدي
3
علي مچتوف بوصيته وستغل وضعه الجسر
مستعده يمه كونچ ماهي لحظه وننعصر
نار بابچ گمت اشمها يعني خدچ ينسطر
اتحجبي انتي بحجابچ والضلع خل ينكسر

كسر الضلع مو مهم بلا غيره هاي الزلم
يمه لجل الشرف هسه استشهدي
4
كسرة الباب اسمعتها وكلشي بحساسي انكسر
رفع ايده وگبل خدچ خدي يايمه انسطر
ملتي والبسمار شفته ركز اعليچ النظر
فطر ضلعچ مدري ضلعي كلشي بعظائي انفطر

من هسه موتي انحكم گبلچ وصلني الالم
استقبلت موتي ونسيته المولدي
5
راح اطيح ولا محاله اگبالچ اتطشر دمه
حيدر ايتانيني لاچن تنثلم فوگه السمه
ظمي اهاتچ ييمه لو صرخ يا فاطمه
صعبه والله يطيح حيدر وهوه حماي الحمه

هل موقف اشگد صعب حيدر مدامع يصب
راح اشوفه بثوب حزنه مرتدي
6
بعد موتي يعتنيلچ والدي وتحذري
لا يشوف العين حمره بالحجاب اتستري
اگباله لا تحنين ظهرچ صعبه بس اتصبري
لا يحس بكسر ضلعچ يالحنونه الخاطري

من يشعر بهل جرح لمصيبتچ ينذبح
بالصبر اخر وصيتي اتگيدي
****

الشاعر اياد الديراوي

قصيدة في رثاء سَكِينة بنت الحسين عليها السلام

الشافت جروح الطفوف. هم تظن راحه تشوف
راس ابوها المنذبح. شافته براس الرمح
هم تظن راحه تشوف
......................

سكينه بنت حسين هذه بيده ربّاها الامام
يعزها چان حسين ابوها يمها يشعر بالسلام
طاهره ومعصومه لاشك. من مهدها وللختام
انظلمت هواي الشريفه من فعل بعض اللئام

بضعة حسين الشهيد. يعني معصومه اكيد
اعظم واكلف جرح. شافته براس الرمح
هم تظن راحه تشوف
......................

سكينه هاي الكلهه عفّه مصدر العز والحجاب
حضرت بكربله وشافت. چم فجيعه وچم مصاب
شافت المذبوح ابوها. حسين جثّه عله التراب
وعالرمح مرفوع راسه مغِيّر ارسومه الخضاب

بالنّياحه وبالأنيـن شبگته وصاحت حُسين
دوّرت وجه الصبح. شافته براس الرمح
هم تظن راحه تشوف
......................

سكينه وي عمتها زينب عالهزل راحت سبي
من عكب عزها وخدرها يحدي بيها الاجنبي
لراس ابوها حسين تنظر وجهه چن وجه النبي
تشكي للراس ابدمعــها. لو ضربـها الناصبي

محنة الشـام ويزيــد. اشد من گطع الوريد
وراح ابو الگلب السمح. شافته براس الرمح
هم تظن راحه تشوف
......................

رجعت لأرض المدينه تبچي عالغالي وتنوح
بالحزن عاشت عمرها خضّرت بيها الجروح
مصرع حسين بنظرها وين ماتمشي وتروح
ما نست لحظه مصابه. والدمع عالخد يفوح

كل عمرها كـــربلاء. دمعه وجروح وبُكاء
والنصر عدها اتّضح شافته براس الرمح
هم تظن راحه تشوف
......................

بمثل هاي الليله ماتت وشعمل بيها الحزن
سكينه وتمنّت گبـرها بكربله لبيهـه تحن
بين ابوها حسين رادت وبوفاضل تندفن
مثل جــدّتها الزچيـــه راحه شافت لا تظن

يالمحب انصب عزاء. عالبچت الهه السماء
للنبي اعظم صرح. شافته براس الرمح
هم تظن راحه تشوف

سيد زيد الفحام
_____________________________

جريمة الهجوم على دار الزهراء عليها السلام وحرق بابها
وكسر ظلعها واسقاط جنينها

يومين مو اكثر مضن وتحزّمو اهل الفتن
دفعو علية الباب ضلعي وجنيني انصاب
ياوالدي. ياوالدي
..............

توّك غبت/ بگبرك نمت/ يومين مو اكثر غبت عن داري
ابچي واون/ لوجهك احن/اخضر ترابك من مسيل اعباري
ضدي وضد علي جتمعو بويه اصحابك وهجمو
ابابك شعــلو النيــــران. ولا من حرمتك خجلو

ناديت يصحاب النبي. وصّاكم الهادي بعلي
تسمعوني يالاصحاب. ضلعي وجنيني انصاب
ياوالدي. ياوالدي
..............

يهل الفتن/ ام الحسن/بضعة مُحمّد كلكم تعرفوني
وين الوفه/ للمصطفه/وصّاكم تواسوني مو تاذوني
"وإن" يافاطمـــه يگلّي هضمني بكلمته الثاني
شعل بيده الحطب بويه اللعيـن بنـاره اذّاني

هجمو علينه امّتك يابويه ظلمو عترتك
يالمندفن بتراب. ضلعي وجنيني انصاب
ياوالدي. ياوالدي
..............

منهم لذت/ابابي وخفت/بويه ودفع بابي وعصرني الثاني
ضلعي انكسر/ابني انعصر/محسن وگع من عصرته وبچّاني
صحت يابويه صابوني وسطرني الظالم بچفّه
طحت عالگاع مهضومه شتمني الطاغي وتشفّه

لا انت لا يمي علي. يابويه چا منهو الي
مايدري داحي الباب. ضلعي وجنيني انصاب
ياوالدي. ياوالدي
..............

لمن سمع/حيدر فزع/ذل اللعين وداس راسه برجله
فارس مضر/لجلك صبَر/لوما الوصيّة الملتزمها يقتله
علي لوما وصيتك چان فناهم كلهم بحيفه
يدرون بوصيتك هاي. هيه الچتّفت سيفه

يابويه چتفو بالحبل صابر لأمرك ممتثل
يالتعرف الاسباب ضلعي وجنيني انصاب
ياوالدي. ياوالدي
..............

اخذو علي/راح الولي/رادوه يبايع للخليفه الظالم
آنه اطلعت/بويه وصحت/ردِولي حيدر ابن عمي سالم
صحت لوما ترجعونه عليكم ادعي للباري
خافو من غضب ربي ورجع حيدر علي لداري

رديت مكسور الضلع. ولمحسن يصب الدمع
گلبي اليحبك ذاب. ضلعي وجنيني انصاب
ياوالدي. ياوالدي

سيد زيد الفحام
__________________________________

المن تعوفيني ..يازهرة سنيني
بعمر الورد ..وين البعد ..يازهرة سنيني
#################################
فاطمة تعرفيهة صعبة لحضة اغيابج
ويخلص الليل بحسرتي وشمت اثيابج
اه يعافيتي ..ويانفس ريتي ..شيبقة بية لو رحلتي
ابقة بحزاني ..ابيتي وحداني..وثوبي مرطب من دمعتي
والراحت امالة ..ماينوصف حالة
بالهم يعد ..وين البعد ..يازهرة اسنيني
#################################
ياعشك حيدر يترفة يانبع صافي
بالجفن مو وحدة ميتة جن كمر غافي
ليش مبتسمة..ونتي متألمة..مراعية بموتج شعوري
خايفة اتألم..وكلبي يتثلم..اشكثر مهتمة ابأموري
ضمي الحزن كلة..بس كولي شي شلة
جرح الفكد ..وين البعد..يازهرة سنيني
#################################
عالكبر بعدج زغيرة وينج اوينة
وليش عشكي التوة بادي تخلص اسنينة
العازتة عازة ..ليش بجنازة ..اكبال عيني يشيل سكتة
الراحت احبابة ..شيلحم اصوابة..عيونة تذبل من دمعتة
الحبج تخلينة ..وللون تعوفينة
ايضمج لحد .. وين البعد ..يازهرة اسنيني
#################################
ياحلم وردي وتبدة بحركة ادياري
الخاطري لو مابقيتي الخاطر ازغاري
جا بقت عينج..الخاطر حسينج ..وخاطر الضلت وحيدة
وهالحزن كلة ..الحسن ميحملة..حضنج الدافي يريدة
هذا البعد خلة ..مابينة ليحملة
الجيتج نصد ..وين البعد ..يازهرة اسنيني
#################################
يكلف وداعج علينة لا تعوفينة
شيملي بيتج يازهرتي لو تتركينة
بيتج الخالي ..شسوة بحوالي..بارد الملكة بغيابج
مري شوفينة ..الون تسمعينة..واصل الجار المصابج
ذاكة الدفو وينة..يالزهرة مرينة
حزنج يهد..وين البعد..يازهرة اسنيني
#################################
ذوالفقار الزيدي

نارج..والعصر والكسر والجراحات
نارج.. والدفع والدمع هالحكايات
من مئاسي الفاطمية
#################################
احجي وي ليلي قصة الكسر
وابجي واقراله آية العصر
من يمرني الليل اضيع ابزحمة اجروحي
شلون عايش وانه دافن فاطمة روحي
ليلي ..من يمر عالجمر ينكضي وياي
ليلي..بالنفس ينهمس راح الفياي
من مئاسي الفاطمية
#################################
كلشي بخلافج يشتكي البعد
صعبة بمجانج يكعد البرد
الهلة الاسمعهة منج وامسح الامي
راحت وضل السواد بثوبي وايامي
راحت الهلة والصلة واحلى جلمات
راحت بسمتج كلمتج والورد مات
من مئاسي الفاطمية
#################################
صار ابو الدمعة الجان ابو الحسن
انتي اعز ناسة ولفج الچفن
يالوداعج مرني شيب وجلجل براسي
والله ثكلانة اعلة بعدج جرة انفاسي
وينج مري الي موعلي هم تشوفين
وينج شيبت واصبحت كتلة اونين
من مئاسي الفاطمية
#################################
بيتج الخالي يوجع الكلب
انظر ايتامج والدمع يصب
حيدرج يدخل حجرتج صوري الحالة
رايحة ام بيتة ويشم ريحتهة بطفالة
البيتج من اطب والصعب ملكة الايتام
البيتج دخلتي وموتتي موتت احلام
من مئاسي الفاطمية
#################################
تمشي ايامي اواكف الالم
ورامي لجماتي ماخطة ابسهم
انه كلساعة ابذكرتج دهري يرميني
رحتي من عيني ودمعتي الضلت بعيني
ابعيني دمعتي وحسرتي الكسرة الياس
ابعيني من شفت واسكتت شيب الراس
من مئاسي الفاطمية
#################################
غمّضَت عينج وافتحت جرح
ضلمة دنياية مفارك الصبح
باللحد شاتلي وردة وزهرة اسنيني
وكلشي مات ابعيني فاطم من تركتيني
صارت فرحتي وضحكتي دمعة بالعين
صارت هم صدك نفترك يم الحسين
من مئاسي الفاطمية
#################################
ذوالفقار الزيدي

سـكنـه الهـاشميـه بــيــوم الـغـاضـريــه
&&&&&
إجـت وگـفـت= ألـي حنـت = يعمه حسيـن ويـن السـاعـه ألـگـاه
دمـع صـبــت= الي رجعت = اريـد أمشـي أو أمــوت أويــــــــاه
صــوت= منـهه الـمــاني وظيمـي وياهه
صــوت= دمـرني أبحيـاتي وماگـدرت أنســاه
صــوت =لــو أعـيـش العمـرابقــه اصيح الآه
لـن كله أذيـه = بــيــوم الـغـاضـريــه
&&&&&
گلت خـلـت = بعـد هجعت = لنـهه تصيـح ودونـي على عمـــي
تـلح هــــواي= وأنه أبلواي= تـگـول النـوم مايحله مهو يمـــــي
هنـاك = لـلغـالي يودوني وابچيلـه بعيـوني
هنـاك = عفـت همي ويمهه ظلت ظنـوني
هنـاك = لـو أگـدرأنســيهه ويـرد لــونـــي
ملهـوفه خطيــه = بــيــوم الـغـاضـريــه
&&&&&
بـعـد صـاحت = الي نـادت = يـلـلـه انـروح مـانـگدر انـعوفـه
امشي ويـاي =يـارجـواي = هـذا حسـين ترد الروح وابشوفه
تصيـح= هـو كل حيـاتي وشافته عيني
تصيـح= عمـه هنـاك يـم حسين ودينـي
تصيـح= بـعـد الموت هم ويـاه تلگينــــي
ويـانـه رقيــه بــيــوم الـغـاضـريــه
&&&&&
حرت بأمري= شنو اليجري =سكنـه تـريد منـي الـلي تـريـده
مامـعــــقــول= هيچي يطول= خطواتي بقـت عني بـعـيـــــده
مشـيت= يـاصـوب الاروحـه تنوح وتلوع
مشـيت =يـم حسـين لـن النـحـر مگـطـوع
مشـيت= يم جثته ولكيت دموم ودموع
يـاهـول الـبـليـه بــيــوم الـغـاضـريــه
&&&&&
شـفـت موقف= بـقيـت أرجف= سكنـه تصيـح محتـاره ابـأمــــرهه
صحت عمــه= صرفت ظلمه=أذن أرگيــه يــاعمـه جـــرحـــهـــه
ليـش= ماعندي ضمير الطفله قهرهه
ليش= عتهه وكام بجفوفه شمرهه
ليش سـالـت دمـعتي اذتني جرحهه
هـاليـجره عليــه = بــيــوم الـغـاضـريــه
&&&&&
الكلام الهــه= سكنه اتگول= خلينـه نجـعــده ونـفـحص أنـفـاسـه
دموع تسيل= بسكون الليل= گومي نجيب جسمه تركبه اعله راسه
تنـوح = مـن هـول الفجيعـه وعمهه وشبابه
تنـوح = الغوث أتگـول يحسين ومصابه
تنـوح رضيـعه يلوع متحني ابخضابه
يـاعـظـم الـرزيـه = بــيــوم الـغـاضـريــه
&&&&&
نسألكم الدعاء
خادم الحسين ع
الحاج ابو اياد البيجاوي

آنــــه سكنه آلام شوفــني الدهــــر
شفـت راس حسين وي راس الگمر
&&&&
آنــه بــت المصطفــى وبـــت بضعته
ياهــو مثلـي بكربلـه والــشافتــــــــه
شفــت راس حســين فــارگ جثتـــه
وشفت گصته اشلون مصيوبه بحجر
&&&&
آنـه شفــت أهــــوال كثـره بكربلــــه
گلــت هــذا اليــوم بيـــــه الزلزلـــــه
بشوفتي أعلـه الگاع راعي المرجله
وكــل مكــان بجسمه خلاله أثـــــــــر
&&&&
آنــه شفـت اليــوم أعظم فاجعــــــــه
شفــت أبوي حسين ساعة مصرعـه
وشفت ابو الكلفـات يم المشرعــــــه
گلــت هــذا الكون شبت بــي سقـــــر
&&&&
شفت صــدر حسين مربض للخيــول
هـذا ابوي الچان يشتمه الرســـــــول
هيچـي ليه الگـوم بالحومه تصــــول
وهــو منــه الشمـس تخجل والگمــر
&&&&&
شفت گلبـي هنـاك يــــم المشرعــــــه
عالثــره مطــروح أيــــده مگطعــــــه
وشفــت يمــه حسين سايل مدمعـــــه
يگــله ظهـري بوگعتك خويه انكســـر
&&&&
هـذا عمـي رويحتي وشوفه منــــــاي
هــو لــب الطـــيب بالدنيــه رجــــــاي
كــون يمـــي ايعـــود ويفــرح صبــأي
اشلــون يرجــع راســه نصين انطــبر
&&&&
آنــه شفــت حسين من شال الطفـــــل
ياهــو عنــده مروه لويصبح نفــــــــل
سـاعــه لــن الطفــل لگماطــه يفـــــل
شبــگ جسـم حسين من سهم النحـــر
&&&&
آنــه شفــت أشـــياء ابـــد مــا تنذكـــر
تشــيه منهه الـــروح وتشـل الفكــــــر
هــذا طبــع الناس لوبيهه السحـــــــــر
حاربـــــوا آل الرســــول المفتخــــــــر

نسألكم الدعــاء

خادم الحسين ع
الحاج ابو البيجاوي

(((الزهراء تتكلم بهجوم القوم)))





صفن كلشي وسمعت الباب دگو
وگلتلهم منو بس همه دفعو

شبگني الباب حسيت
وشفت النار بالبيت
*
حيدر والمصيبه وضلعي والباب
ومحسن والدمع وجروح الحجاب
كلهن ذني بيه وگلبي مرتاب
وين انطي الوجه وبآبي طلاب

يضربوني واگومن واصرخ النار
ما اگدر اصيح بروحي بسمار

شبگت أزغاري ونيت
وشفت النار بالبيت
****
أتوچه اعله ضلعي وانهض النوب
حسين يكض بديه ويبچي مرعوب
يرفرف چنه سعفه رويحته تلوب
من دمعاته حتى تبلل الثوب

اسكتْ ياهو وبحيدر يجرون
اصيحن فضة ردولي ويضربون

كون الموت ياريت
وشفت النار بالبيت
****
حيدر چاتفينه والدمع حار
ومحسن على العتبه وتلهب النار
كلشي احتار بيه وكلشي محتار
ضلعي يهون بس المهم كرار

يتعثر واشوف بخده الدموع
چنه يصيحلي يابعد الضلوع

من نظراته حنيت
وشفت النار بالبيت

گوة النفس يصعد والحسن مات
شاف بعينه من ترسوني طگات
اشيلن ياهو ومخلصتهه عثرات
اگبال عيوني شگوها الرسالات

حارت حتى چلمات التعابير
صلفه عيونهم من طمو البير

بيا حاله وتعنيت
وشفت النار بالبيت
** *
رديت بجــرح والگلب ولهان
عفت زينب ونص البيت نيران
مو كلشي ضمه يتسمى عطشان
لسان النار هم تشوفه بردان

جَرو مني روحي وامشي بهداي
أنه منتضره حيدر نور عيناي

على جروحي تعديت
شفت النار بالبيت



عبد زينب
محمد الابراهيمي

قصيده إلى الأمام الحسن العسكري عليه السلام

للموت أنصارك يبن الإمام الهـادي
للمــوت زوارك يبن الإمام الهـادي
من عدنه اخذ هذا العهد منعــوف حبـــك للأبــد
*
يا نور اليشع عالعـــــالم أبأســره
نورك يبتدي من نور أبوالزهـره
مــو گبه ومناره گبـرك وحضـره
قـــرآن الجليـل وعلتــه وأمــــره
معروفه آياتك يبن الإمام الهادي مرفوعه راياتك يبن الإمام الهادي
والكــون لأنــوارك شهد منعــوف حبـــك للأبــد
*
يا ســـر الوجـــود وعلـة التكوين
ويالحبكم تمـــام لقـــدرته وللـدين
الحبكم فاز يا ابوالمهدي بالدارين
حبك ربنه خـــلاه ابأسـاس الطين
بتكوين طينتنه يبن الامام الهادي ياسـر محبتنه يبن الإمـام الهادي
بأصلابنــه أنطينــه العهد منعــوف حبـــك للأبــد
*
يـــا ســر الإلــه فـــاز الــــذي حبــــك
حــرب الله أصبـــح سيـــدي حـــربك
مشــــروع العدالــــه شايلـــه أبصلبك
الإمام المهدي بيه هل خصصك ربــك
نور الله بصلابك يبن الإمام الهادي تنتظـره أحبابك يبن الإمام الهادي
من الله ثابــت هالــوعد منعــوف حبـــك للأبــد
*
صبـــرك يالحسن حَيّــر جميع النـاس
صَبرك زلزل أعروش وهزم أرجـاس
انتـــه القارعـــه الهّزت بني العبـاس
ذلــوا سيدي بس أنته عالي الـراس
ظل راسك العالي يبن الإمام الهادي بالأول وتـــالي يبن الإمام الهـادي
ياديني أنتـــه ومعتقــد منعــوف حبـــك للأبــد

*
مفطوم أعلــــى حبــك عايش أبنورك
ســــــور الله انتـــه ولايــذ أبســـورك
يشوف الجنه كل مؤمن يجي يـزورك
ضامي آنــه وأجيتـــك وارد أبحـورك
من جودك أتروه يبن الإمام الهادي خيــر وأبه ونخوه يبن الإمام الهادي
وكل مـــؤمن لجود ورد منعــوف حبـــك للأبــد
*
گبتك بيت رَبنـه من هـّـوت عنــدي
ما طاب الجـرح ينزف يبو المهدي
لظهور القائم أجروح المحـب تدي
ونيــــران انتظاره تسعـــر بچبـدي
شيطفي هل الجمره يبن الإمام الهادي بالحسره ننتظره يبن الإمام الهادي
ننتظــره لو طال الأمـــد منعــوف حبـــك للأبــد
**
الشاعر
موسى البديري

ماعندي بس سؤال - من اشوف عيونك
ياســـيد الـجمــال - گلي فدوه شلونك

شلونه وضعك بالغياب - شايل بگلبــك عتاب

*

بدربك عيوني ازرعـتـها وانـتـظر يمته ترد
وارجف الملگاك بالحر چني كاتـلـني الـبرد

ارد اشوفك خاف تكضي اسنيني
يالي جيتك هيه حــد اونــيــني

ظلمه بعــيــوني ولا شــوفــن تعااال
ماكو واحد غيرك ايـسد عـيـني

من ترجع بضوااك - تضوي كلشي انوارك
نــتـنـفس بهـوااك - ولو عـرفـــنا اخبارك

ننتظر منك كتــاب - شايل بگلبك عتاب

*

أأه الايام بـــغــيـابك تـكـسر اضـلوعــي كسـر
وحته ماكو اصور اشوفك بيش اصبرنه العمر

بالــصور يـصبر العايـف غـالـي
يالصــورك عــندي بــس ابالي

أتوسـلـك يالمهدي لا تبـعد بعـيد
اشما بطيت اعليه يتعب حالي


يالمهدي بس تعاال - وارحم بمــجـــنونــك
صارت ثگل جــــبال - دنيـــا هاي بدونـــك

ااه وفراگك عذاب - شايل ابگلبك عتاب

****

اتخيلت صورة جمالك والخيال ايحطني وين
سيدي تشبه احـسك لمــت اعـيال الحســـيـن


تشبه العــبــاس چــن وگـفـاتـه
وچنــك الـقاسم وكت ظحكـاته

چنك حسين بوكت لـمـت العـيال
من يــرد تــعـــبان لبــنـياتــه

يالتــشـــبه الرســـول - والجمال ابـعـيـنــك
من غيـبــتك نگوول - كلمة وحده الويـنك

بدونك العالم سراب - شايل بگلبك عتاب
****

چم ثواب العـيـنك اهدي يالي ملگـاك الثـواب
جيتك رحــمه الـيه وغـيـبـــت عيونك عذاب

ياغيـابك أخــذ دمـعـي وحـيلي
وي خيالك تكضي صفنـت ليلـي

يمته اشوفك حتى اگــلــك عالعذاب
أنه المتــعـبك يــمــن تدعــيـلي

تدعـــيـلي كل مساء - ودمعك عله چفوفك
يــــال انــته كربلاء - وبحزنــه انطوفـــك

ونبچي وياك بمصاب - شايل بگلبك عتاب

****

اصفن وأيـدي عله خـــدي وسيدي بالي عليك
اتمنه كون اندل مكانك لو مشي متعني اجيك

مـمـشه كون اسنين امشي اجدامي
اطيوفك بصــبح ومــسه گـــدامي

صاحي وافكــاري الك يمتـه تعووود
ومن انامن هــم الك بااحــــلامي

من اتعــب وأنــام - راحه يحــضر طيـفك
عايـشلــك الغراام - بــيــدك انه بكيـــفك

حبـك أفكار الصواب - شايل بگلبك عتاب



لـ #حيدر العماري