الطويل – سلام الله على المسموم --  ام هدى الخزاعي

-----------------------------------

سلام الله على المسموم   ...... سلام الله على المظلوم

سلام بكد دمع زينب   .............. لاخوها والكلب يلهب

سلام الله على جبده

------------------------------------------

سلام من الدمع والعين على العاش بصبر دهره

سلام ابكد انين الروح على المظلوم من صغره

سلام شما تمر نسمات وتطوف هناك يم كبره

سلام الله عليه الروح تصيح بكد اذى الزهره

سلام بكد جرح المصاب ...... سلام امن الضلع و الباب

سلام الله على المحروم ........ سلام الله على المظلوم

سلام الله على جبده

-----------------------------------------------

سلام من الكلب مولاي نسلم عليك  بالونه

ونحس وياك يامظلوم رغم كل حبنه قصرنه

الدهر مولاي عكس يدور ابن سفيان حاربنه

بنا سور الظلم والجور ومن  الشوف يمنعنه

سلام  ويه الدمع مذروف

يريت طيور حتى نطوف

عليك ارواح بس تحوم ...... سلام الله على المظلوم

سلام الله على جبده

-----------------------------------------------

سلام الله على الزاهر وبقيعه  بكل وكت ظلمه

سلام الله عليـــك يدوم رغم احقــاد كل   طغمه

سلام شما بجت كل عين وعليك الروح متالمه

سلام بكد جنح الاملاك التطوف اترابك اتلثمه

سلام بكد ذرى الافلاك

سلام شما حصت الاملاك

سلام بكد عدد النجوم ...... سلام الله على المظلوم

سلام الله على جبده

-----------------------------------------------

 

 

سلام الله على المحتار باخيـــه وجبــده تتكطع

يبو اليمــه يكله اشلون تحير خلافي تتضعضع

يحاجيه بدمع ســـجاب ينازع والنفــــس تطــلع

مصابك ماشبيهه مصاب تظل بالطف شلو مكطع

يودعه والدمع من دم

يكله بشهر المحرم

بجه وصاح بكلب مالوم ...... سلام الله على المظلوم

سلام الله على جبده

-----------------------------------------------

سلام الله عليه يلوج  ينظر والكلب يســـعر

على زينب على العباس  عالرضعان والخدر

سلام الله عليه من صاح دمعة عينه تتــحدر

يبو فاضل ينور العين  وينك  ياشـــبل حيدر

الامانه بشمرة ازنودك

كفوا ونعمين من زودك

وصيته بزينب وكلثوم  ...... سلام الله على المظلوم

سلام الله على جبده

-----------------------------------------------

سلام الله عليه مالوم ويحير حســين بمصابه

واجت زينب تشوفه اتريد تون محتاره عد بابه

يخويه حسين كله بآه ودمعته دموم  سجابه

يبو اليمه الطشت غطيه اختنه اليوم مرتابه

غطي الطشت لاتنظره

وديعت فاطمه الزهره

تظل ينزف جفنها ادموم  ...... سلام الله على المظلوم

سلام الله على جبده
&&&&&&&&&&&&&&
✍ام هدى الخزاعي

لسان حال الإمام الحسين عليه السلام عند نعش الإمام الحسن عليه السلام
يقول:

تصبح غريبه.. الدنيه وعجيبه.. اليفكد حبيبه.. يا مسموم
صبح ومسيه .. ايشوف المنيه.. اليودع أخيه.. يا مسموم
......
يوميه المصايب ضهري كاسرته
ولا يوم الكلب ما ينبض بونته
يخويه يالحسن شيعوضك انته
وجن جدي النبي هاليوم ودعته
رمز الامامه.. طيبة وشهامه.. كلك كرامه..يامسموم
للي يضيفك.. فاتح مضيفك.. موعد خريفك
.. يا مسموم
.........
يمحبس طاح مني اليوم ياقوته
ويبو جلمة (هله) الينشال تابوته
يالمعزب المنايا بجبده مفتوته
المضيف ايشيعك ودلاله زاتوته
ناري ولهيبي..ياشمسي غيبي..رايح حبيبي
...يامسموم
مكسور اجيتك..من شيعيتك..بالدم بجيتك
.. يا مسموم
........
ماتت من متت وياك المروه
والفاكد أخيه أيامه ما تسوه
فلا ترجع يخويه ايامنه الحلوه
وراحت وي مغيبك جلمة الخوه
ياذكرياتي..شلي بحياتي...موتك مماتي.. يامسموم
تموت الاماني..وابقه اعاني..أنه وزماني..يا مسموم
.........
اشيلك جن شلت فوك الجتف نعشي
امشي والمنايا اويه الجدم تمشي
يخويه من رحت جن ضاع الي كلشي
وبقت بس دمعتي المافاركت رمشي
تنزل دمعتي..وتحرك وجنتي..تسمع حسرتي ..يامسموم
دمعه الاهلها.. لا ما أملها ..ضايع أملها..يامسموم
..........
يخويه بموتتك جن ميت الملكه
ويضل حضني بغيابك فاكد الشبكة
وعليك ادموع عيني طاحت بحركة
وحنت ضهري يخويه اسوت الفركه
ياهو البقالي..بهاي الليالي..بعدك يغالي.. يا مسموم
يالغالي عندي..راح ابقه وحدي..دمعي اعله خدي. يامسموم
.....
رحت مني وخليه الدار من دونك
اخوتي هواي لكن ما يعوضونك
يريت تعود ليه وتفتح عيونك
وتشوف الصار بيه من يشيعونك
حاين مغيبك..وسهم اليصيبك.. صوب حبيبك... يا مسموم
تعاود عليه..إسهام المنيه ... بالغاضريه ..
يا مسموم
.....
علي صادق المجراوي

زينـب جابـت الــزوار يالـكـافـل تـلــگـاهـه
يمعزب أجـت خطـار يـالـكـافـل تلـگاهــه

أم عون بـگـلـب مكـسـور يالكافـل تلگـاهـه
صاحت من بعد - مشكور يالكافل تـلگـاهـه
خــطــارك تـريــد اتــزور يالكافل تلگــاهـه
وكل ايـــتامـك ويـاهـــه -- يالــكافل تلگـاهه

رحـب بـيـهــا يــاشـيـخ الــطـف


جـتـك چـلـمـت الخـوه يالكافــل تلگاهه
تـمـشي من الوجع گـوه يالكافل تلگاهـه
امروتــك ياابــو المروه يالكافل تلگـاهه
ومشينه ويا مـمـشـاهـه -- يالكافل تلگــاهه

موش الرايه والـشارب رف


محله الملـگــه بالـفـرگـه يالكافل تلگاهـه
اليبچي عله الأخو حگـه يالكافل تلگاهه
أليـضـيع هلـه اشـيلـگـه يالكافل تلگـاهه
أم عـون الضيم بچاهـه -- يالكافــل تلگاهـه


(مامـعـروفـه من كـثـر الـهـم )

طـالـت لمـت الخـوان. يالكافل تلكـاهـه
طبت گلبك وديــوان يالكافل تلـگاهـه
وانـتم ياكفيل احنان يالكافل تلـگاهه
صيح بصـوت حياهـه -- يالكافل تلـگـاهـه

( أنـته وياهـه شـركــان الـدم )


تـتـچـه ابگفه الســجاد. يالكافـل تلگـاهه
الخوه الهالشـدد تــراد يالكافل تلگــاهه
غاطــيهـه حزن وارماد يالكافل تلگـاهه
ارماد الصحره غطاهـه -- يالكافـل تلگـاهـه

((انت وياها شركان الدم))

لـ حيدر العماري

خلصت يابو فاضل        رحلــة الشام
رديت وبعـــــــدهه         ابالي الخيام
اصعب روحه….. محد منكم ماشـــــــاني
اصعب روحه…..رحت وماتدري اخواني

اجيتك والتعب ينشــــــــــاف بعيوني
انه الماطالعه وبالشـــــــــــــام فروني
شكثر عالهزله اباوع وانتــــــضر جيه
وصلت الشام وانتــــــــم مالحگتوني
مثل الضايع…. امشي واتلـــــفت بعدك
مثل الضايع….ضاعت زينب من عندك
خلصت يابو فاضل
===================
گضيت الشام مدري شـــــلون ماميته
وانه الماسامعه وكل الحچـي اسمعته
اخيتك وينهه ويـــــــــن القصر خويه
تدري اتشاهــــــــــــدت يلا انه طبيته
شاغت روحي….. تاخذ من حيلي النضره
شاغت روحي...... كلما شتـــــــمو بالزهره
خلصت يابو فاضل
===================
ترا اليحترگ بيته اخـــــــوانه تفزعله
تشيل الناس حمله الماتشـــــيله اهله
وانه المحترگه محد گــــــــام طفاني
ولا شفتو عبايه صعــــــــــــدت التله
ضهر العاشر….. اول مـــــــــره ايحاچوني
ضهر العاشر….. زينب طلعـــــي اينادوني
خلصت يابو فاضل
====================
وحگ من خله زينب تمشي من دونك
بعيون الكون مابـــــــــــدلهن اعيونك
نوّمت الخرابه ومــــــــــا غفت عيني
الف حارس ابضعـــــني مايعوضونك
يابو الغيره….. من هديــــــــت ايدك مني
يابو الغيره….. ماضل ســــــوط ايعاتبني
خلصت يابو فاضل
====================
رجعنه والسمار امبـــــــــــين اعلينه
خواتك بالضـــــــــــعن لاتشتبه بينه
شعجب گواچـــــــن الله ماسمعناها
يعباس اعله گبرك وگــــفت اسكينه
چنك ناسي….. تذكر بالصـــــــــار اهنانه
چنك ناسي….. هاي الضـــــلت عطشانه
خلصت يابو فاضل

خادم القصيده
شاكر الصيمري

كانت السيدة زينب عليها السلام تقيم العزاء في كل ذكرى لشهادة اخيها الحسن عليه السلام ولكن بعد محرم وتحديدا في ايام السبي صادفتها ذكرى شهادة اخيها المچتبى عليه السلام فقالت؛
::

يابو محمد نار فراگك ضلت حراگة
هاي المرة بدورة سنتك زينب عالناگة
سلام من الجروح البيه لجروحك
حبل بيدي وقريت الفاتحة لروحك
«»«»«»««»«»«»«»«»«»«»«»«»«»«»«
ذكرتك يالحسن وانة چنت ياخوية مسبية
ومن مر چبدك ابالي ولا عانني رجلية
يبن امي بعدها اتلوب لچمت فرگتك بية
مضيفك يشبع الجوعان واحنة بعازة امية

من ديرة لديرة اعله الهزل خوية يمرونة
هم شايف ظيف ايطب ديرة حجار يرامونة

شسولفلك بعد خاف الچم جروحك
حبل بيدي وقريت الفاتحة لروحك
»«»«»«»«»«»«»«»«»«»«»«»«»«»«»«»«

كون تشوف حال حسين بسيوف العدة اتوذر
وحق جدي النبي عطشان هيچ يسولف المنحر
يبن امي الي صار وياك هم صار ويبو الاكبر
اتسمم چبدك وهوة چبدة من الضمة اتفطر

قبل المذبح من يسولف من چنت احذاه
من گد ما عطشان الچلمة تيبس بشفاه

كونك يمة واگف حسرتة اتلوحك
حبل بيدي وقريت الفاتحة لروحك
»«»«»«»«»«»«»«»«»«»«»«»«»«»«»«»«
راسك شفته وية الروس لاچن من اجيت اعليك
تبين راس جاسم هذا. خوية اشكد شبه ينطيك
شسولفلك اخاف تهيج كل جروحك التاذيك
بكثرد ما لوعاني البين ما تعرفني اذا الاكيك

كبرني الطف يابو محمد والصار اعليه
الچانت يبن امي بنص عينك صارت مسبية

يخوية اعذرني خافن زيدت نوحك
الحبل بيدي وقريت الفاتحة لروحك
»«»«»«»«»«»«»«»«»«»«»«»»«»«»«»«»«
علي لميت البنيات يبچن وانة گمت اقرة
گمت انعة الچبد بهداي بية من الطشت جمرة
دنيت اليتامى احذاي ومديت الحزن سفرة
بس ما ثوبتلك ماي چي ما مش ولا گطرة

يا بو محمد هاي عيوني شافت طشتين
واحد بي چبدك والثاني بي راس حسين

الصار وي الچبد صار اعله مذبوحك
حبل بيدي وقريت الفاتحة لروحك
»«»«»«»«»«»«»«»«»«»«»«»«»«»«»«»«»
تذكرت الليالي وياك وايام الصبى الحلوة
واگول اشما يجيني الليل اه يا لمة الخوة
اجيت من المدينة وياي اخوتي وبيهم اتگوة
عفتهم يالحسن عالگاع بس وداعتك گوة

يابو محمد هسة بعيدة وكاتلني الشوگ
ودعت حسين وچفالي وانة اعله النوگ

يچفالي صحت شو طاحت اسفوحك
حبل بيدي وقريت الفاتحة لروحك

..

ابو معصومة الفريجي

انه زينب يبن ابوي الهاشمية
كوم واتلكاني يبن الحنفية
كوم يمحمد ألي.
عوديت بلا ولي.
انه زينب.......انه زينب
'''"""""''''''''""""""""""""""""""""""""""""
خوية يمحمد شسولف شحجي عالصار اوجرة.
طاحو اعلة الغبرة اخوتي اموسدين اعله الثرة.
شحجي عن حسين خوية اوكطعو اعداه منحرة.
والكمر فوك الشريعة اجفوف ادينه اموذرة.
ريتني ميته عسه بذيج المسية.
ولا اشوفنهم ضحاية اعله الوطيه.

كوم ياظنوة علي.
عوديت بلا ولي.
انه زينب...............انه زينب
"""""""""""""""""""""""""""""""""""""""""
يبن ابويه شرد اسولف واحجي عن يامعظلة.
عودتلك باليتامة اوعفت اخوتي ابكربلة.
حركو اعلينة خيمنة اوهججوها العايلة.
كل جرح بكليبي قصة خل يسولف واسأله.
شلون ارد بدونهم ويلي عليه.
اودمهم الروى تراب الغاظريه.
واصبر شما ابتلي.
عوديت بلا ولي.
انه زينب ................انه زينب
""""""""""""""""""""""""""""""""""""""""""""
عظم الله اجرك واجرنة والبكه براسك بعد.
هذا امر الله علينه وانكتب هذا الوعد.
ماسلم عبدالله حتى انذبح طفل البالمهد.
يبن ابوية ضلم امية قاسي وابدآ منوجد.
شرد اوصفلك واسولف ضلم امية.
امدللة هاشم تردلكم سبية.
هم ابد ماينجلي .
عوديت بلا ولي.
انه زينب..............انه زينب
""""""""""""""""""""""""""""""""""""""""""""""
شحجي عن درب السباية لا حسين ولاكمر.
الشمر سوطة ضربني اوهذا بمتوني الاثر.
يابو جاسم كون حاضر خوية واتشوف الصور.
جان كلبلك ماتحمل لجل المصاب انفطر.
جان ميت لوشفت ذيج الرزية. اتشوف كل لحظه اوخذت واحد منيه.

وفكدت بالطف هلي
عوديت بلا ولي.
انه زينب..................انه زينب
""""""""""""""""""""""""""""""""""""""""""
خوية حكك معرفتني اعليك محنية اطب.
غيرت لوني المصيبة والشمس طول الدرب.
بعد كل ذيج المصايب صعب اصعب من صعب.
وياي ماردت رقية اوماتت بشام
الغرب.
شلون ارد ابلية عبدالله ورقية.
ولأهل ماتو يبوجاسم سوية.
شلي بعمري شلي.
عوديت بلاولي.
انه زينب...................انه زينب
"""""""""""""""""""""""""""""""""""""""""
محمد اعذرني اكلك وانته ابن ذاك الفحل.
تصعب الخوية بلساني من عكب عين الكفل.
من افكدت عباس ادري ينفكد كل الأمل.
يسولف السوط اعلة متني ايكلة عباس انجتل.
اعله متني السوط وامجتفين ادية.
طاح عباس اوسبو بعدة الوصية.
الكال يختي ادللي.
عوديت بلا ولي.
انه زينب. . .........انه زينب
""""""""""""""""""""""""""""""""""""""""""
شلون اطب لدار اهلي موحشه ابدون اخوتي.
الدار مثلك متعرفني من تشاهد حالتي.
خوية درب الشام خضر كد رويته بدمعتي.
وايبكة يمحمد ذكرها للقيامة امصيبتي.
هالذكر ميضيع عند الرافظية.
الشيعه ينطون العهد لمي الزجيه.

ذوي القربى ونعتلي.
عوديت بلا ولي.
انه زينب........................انه زينب


؛؛؛ #للشاعر ؛؛؛
ابو عبد الله الشمري
--------------------------
*********

قصيدة ((للمشاية))

عناية**شايلين الراية
مشاية** والحسين الغاية
:؛؛؛؛؛؛؛؛؛؛؛؛؛؛؛&&&&؛؛؛؛؛؛؛،؛؛؛؛؛؛
بعالي ينده صوتنه..كلنه عفنه ابيوتنه
حسين بيت الي يلم زواره.
نمشي لمعشوكنه..والله يدري اوفوكنه.
شبينه لهفه لو وصلنه لداره.
عدنه محد غايب..الشاب ويه الشايب.
حتى ويه اطفالنه نتبارة.
اليوم هبة ناسنه...للي يرفع راسنه.
جار وايحشم نشوفه بجارة.
وفاية...شايلين الراية
مشاية...والحسين الغاية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛&&&&؛؛؛؛؛؛؛؛؛؛؛؛؛؛؛؛؛؛
هالدرب منعوفه..بي نجاة انشوفة
انصيح جينه عالعهد مولانه.
هاي همه البينه..لاتعب يلفينه.
شلون نتعب والزجية ويانه.
بعشكة زاد اجنونه..اوجبنه ماي اعيونه
نروي بلكي شفتة الذبلانه.
جينه اله اونتعنة...كاصدين الجنة
ياربحنه ابأخرة ودنيانه
للأية ...شايلين الراية
مشاية .. والحسين الغاية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛&&&؛؛؛؛؛؛؛؛؛؛؛؛؛؛؛؛؛؛؛
بهاي همة البينه....نكصد لوالينة
الشيعة للمشية تشد احزامهه
للزيارة اناطر...يمتة يوصل باجر
اويوم يوم وانحسب الأيامهه
من نصب دمعاتنه ...نذكر بخطواتنه
بهل الدرب زينب تباري ايتامهه
بالحبل مجتوفة... والعليل اتشوفة
من يطيح اعلة الترب كدامهه
والهاية...شايلين الرايه
مشاية....والحسين الغاية
؛؛؛؛؛؛؛؛؛؛؛؛؛؛؛؛؛؛؛؛؛؛&&&؛؛؛؛؛؛؛؛؛؛؛؛؛؛؛؛؛؛؛؛؛؛؛؛
والمواكب عازمة....تكضي زاير لازمة
والزيارة بلهفة ينتضرونهه
يخدمون بزودهم .شما بذل مجهودهم
كلهه وايحسون مايوفونهه
الله اليجازيهم.....وعافية ينطيهم
والجوادر كل سنة اينصبونهه
وبنهار وليلهم....الخدمة هدت حيلهم
راحة لكن كلهم ايحسونهه

رواية ...شايلين الراية
مشاية ...والحسين الغاية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛&&&؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يعجز اليرويهه...ياوصف ينطيهه
الزيارة مايصفهه الراوي
الكصد من بيتة... مايرد امنيتة
يمشي كلمن للزياره اوناوي
بكلبه اوبنص روحه...حسين يشفي اجروحه..
هوه دكتور العلل وايداوي
العشك ماباعة...يلهج بكل ساعة
غيرة انه بالعشك ماهاوي

وبراية ...شايلين الراية
مشاية... والحسين الغاية

لخادم زوار الحسين
#الشاعر
ابو عبدالله الشمري

وي زينب اومشاية...نكصد لربعين .
.حسين.
وي زينب اومشايه.
&&&&&&&&****&&&&&&&
جينه لكربله هاليوم.
جينه وبكلب ملجوم.
انواسي الحرة عالمضلوم.
واترف عالية الرايه..نكصد لربعين.
.حسين.
وي زينب او مشاية.
&&&&&&&&&&&&&&&&&
جينة انواسي احنه ام عون.
حسين مصابة بجه الكون.
وجده المصطفى يدرون.
راسة اعله المسناية..نكصد لربعين.
. حسين.
وي زينب اومشاية.
&&&&&&&&&&&&&&&&&
وية الحرة ها يولاد.
مشاية لبو السجاد.
نلعن شمر وابن ازياد.
ذبحو منحر الأية..نكصد لربعين.
. حسين.
وي زينب اومشاية.
&&&&&&&&&&&&&&&&&&
ناس اليوم تتبع ناس.
جينه اورافعين الراس.
لجل حسين والعباس.
جبنه العلكمي اوماية..نكصد لربعين.
. حسين.
. وي زينب اومشاية.
&&&&&&&&&&&&&&&&
زينب ردت من الشام .
شكد عدهه حزن والام.
لخوتهه الكلب محتام.
اتلكوها يوفاية...نكصد لربعين.
.حسين .
.وي زينب اوفاية.
&&&&&&&&&&&&&&
::: لخادم زوار الحسين:::
""" الشاعر"""
؛؛؛ ابوعبدالله الشمري؛؛؛

(( لو دربك جمر))

يحسين بمحبتك صافيه النيه.
.لو دربك جمر تمشيه رجليه.
. انته الماي وانته الزاد.
.ما اعوفك يبو السجاد.
.لو دربك جمر تمشيه رجليه.
******************
. يامولاي.. ياوفاي.
.ها يلي اخذلت كل ذله هيهاتك.
.انته العود..راعي الزود.
.ما انسة ابد يحسين وكفاتك.
. وبكل عام...ارفع هام.
. من امشي بطريقك وامشي خطواتك.
. صحت بصوت...لو للموت..
. امشي بهل الدرب بعناد شماتك.
. مشية بكل سنة تنعاد.
. ما اعوفك يبو السجاد.
. لو دربك جمر تمشية رجليه.
***********************
. شوكي ايزيد...روحي اتريد.
.كل لحظة تطوفك ها يبو سكينه.
.عالي السور...واتشع نور.
.وين الحاربك يحسين جا وينه.
. ما انساك... واتعناك.
. مديون وايوفي لحضرتك دينه.
. واليحجون...مايدرون.
. الوالاك اعله حبك فتحت عينه.
. غيرك هالكلب ماراد.
. ما اعوفك يبو السجاد.
. لو دربك جمر تمشية رجلية.
***********************
. متعنيك...وانه ادريك.
.مترد الطلب لو جوك عناية.
. جيت اليوم.. يامظلوم.
. واترف ياحسين اوعالية الراية.
. بية الحيل...وامشي بليل.
. ماهم للدرب بس اوصل الغاية.
. ما معتاز....بيك امتاز.
. وايعطر اهدومي تراب مشاية.
. صاحب جود وابن اجواد.
. ما اعوفك يبو السجاد.
. لودربك جمر تمشية رجلية.
**********************
. الهم ايزول.. للمعلول.
. مولاي اليزورك مايضل حاير.
. والزوار....تمشي انهار.
. وامك فاطمة تتلكة كل زاير.
نور العين...ها يحسين
. كل يوم اليمر جن يومك العاشر.
. تبجي الكون.. هاي ام عون.
. زينب عودت مكسورة الخاطر.
.وي يزينب اجت وفاد.
ما عوفك يبو السجاد.
. لو دربك جمر تمشية رجلية.
***********************
. دك اصدور....وابجي ادهور.
. كلهه اوما اوفيلك يبو الاكبر.
. تبقى الأه.....اي والله.
. لجلك يالتكفلي بساعة المحشر.
. ماينقاس ....والعباس.
. هاذه الشوك الك يالريحتك عنبر.
.والدلال....تدري شكال.
. لوذكرو مصابك سيدي اتفطر.
. والعن شمر وابن زياد.
. ماعوفك يبو السجاد.
. لو دربك جمر تمشية رجليه.

تمت بحمد الله
خادم الحسين الشاعر
ابوعبدالله الشمري

ياكـريـم وبالـكـرم مثل البحر
يجري چفّك للگصد مثل النهر
والچفوف تعوّدن عالكرم عند الحسن
يجري چفّك للگصد مثل النهر
***********
انت يا اصل الكرم .. جبل وبچفّك علم
يا كريم آل النبي يسمّونك
ياحفيد المصطفى .. يعني علم ومعرفه
يسبّح الباري اليشوف عيونك
ماترده اليعتني .. انت تنطي وتغتني
تشهد عله الكرم هاي متونك
................
كرم حاتم ما يجيب اعشارك
مـعـزّب انت والكـرم خطّارك
انت ياوارث إذن والكرم عند الحسن
يجري چفّك للگصد مثل النهر
***********
ياحسن حسنك يشع .. والكرم عندك طبع
والفقير انت التروح لبيته
لو يتامه بلا خبز .. تسمع ونين وتفز
والنعم من حيدر وتربيته
تگصد لجارك ركض .. عينك تصد عالارض
من وره الباب وتمد صينيته
.................
انت ماتنطي تريد مصافحه
هيچ ربّاكم علي عالمستحه
يل چفوفك شبّعن والكرم عند الحسن
يجري چفّك للگصد مثل النهر
***********
انت فتشت فاطمه .. نور الله من السمه
فرحت امك من اجيت گبالهه
والدك خير المله .. علي باء البسمله
والزچيه امّك فرح دلالهه
فاطمه وحيدر سوه .. يعني وجهك بس ضوه
انت اول شمس من عيالهه
.................
الوارث الزهره وعلي شعنده نفس
ماتـمـيـز نـور وجـهـه من الشمس
فاطمه وحيدر معاً والكرم عند الحسن
يجري چفّك للگصد مثل النهر
***********
بيك مجموعةصفات.. طاهر ابن الطاهرات
انت روحك راضيه ومرضيّه
انت ديوانك فَضه .. واللي يگصدلك رضه
الحاجه بچفوف الحسن مگضيّه
ياحفيد اشرف نبي .. الحضنتك اطهر عبي
منهو مثلك عالكره الارضيه
...................
يل خديجه جدتك مثلك منو
يل محمد جدك شتطلع شنو
هالصفات اتجمّعن** والكرم عند الحسن
يجري چفّك للگصد مثل النهر
*********
منهو يشبه خوّتك .. والحسين بيمنتك
حسين اخيّك يعني سالم دارك
بعد هم عندك فحل..دگ على صدره وكفل
ابو فاضل چان عند يسارك
عندك اخت معتبره .. واللقب اشرف مره
زينب البيهه الملك تتبارك
..................
العنده ذوله يصيح شكراً ياعلي
فدوه الچ يافاطمه شجبتي الي
اربعه وحيدر وطن** والكرم عند الحسن
يجري چفّك للگصد مثل النهر
*********

سيد علي المدني

امل عندي جبير بهل زياره
اشوف المهدي يمشي ويالغياره
وينادي ينادي لبيك ياحسين
*
عندي امل هاي السنه المهدي يطلع مشاي
وينصبله موكب بالدرب وللزاير يوزع ماي
يرحب بكل الخدم ياهله بكل زاير جاي
الرايه البجفك تره اذكره بهذاك الوفاي

الرايه اذكره بالضل على شريعه
ليم راك النهر جفه كطيعه
وينادي ينادي البيك ياحسين
****
امنيتي بس هاي وعلي بس الحضه عيني تشوفه
بالكي الله بهاي السنه جفوفي تكض اجفوفه
ونمشي انه والمهدي سوه وكبر الحسين انطوفه
ونسوي مجلس بالصحن للبحبل مجتوفه

مجلس بالضريح انقيم انا وياه
ونقره ياغريبا وياحسينا
وينادي ينادي البيك ياحسين
****
محدب المهدي اعتنه مكسور الله يعينه
مشاي جاي الكربله حافي ودمعته بعينه
عيونه حمره من البجي وماهاد لحضه اونينه
طول ألدرب دمعه يصب أذكر أعيال حسينه

أذكر زينب وركضتها لحسين
لمن حركو عليها الصواوين
وينادي ينادي البيك ياحسين
*
أحساسي أبهاي السنه يختلف مو مثل ناس
عندي أمل بي التقي ونكعد بصحن العباس
نقره على زينب ولضعن ونبجي عله كطع الراس
ونبجي على حسين لأبي البالخيل ياوسفه انداس

نبجي على البقى جثته سليبه
وخته بلا ولي وضلت غريبه
وينادي ينادي البيك ياحسين
*
زاير اجه المهدي مشي بس كوه ينكل جدمه
ذبلان من كثر البجي وبكلبه نار اخيمه
جرحه غميج ومانشف وطاري السبايه يلجمه
زينب سبيه لوسمع هل جلمه حيل تهضمه

هل جلمه تهضمه الكله غيره
زينب وي غرب طلعت اسيره
وينادي ينادي البيك ياحسين
**
حسين عبد الزهرة الدراجي

الوصول للحسين (ع) بعد الفراق

اجيت ابدمعت اعيوني يغالي بعد الفراگ
اجيتك نافض اذنوبي اجيتك والگلب طاگ
               حبيبي......... حبيبي


يجرحي   اجيت البابك امدنگ يالحسين
يصرحي   الأسف تارس عيوني بگلبي نارين
يصبحي   وطن روحي ضريحك يا ضوه العين
 يبرحي    بس انت عدل والباقي ميتين

يغالي    اجيت اشتم عبيرك ياعطر ياس  يغالي
          يالمستحوذ أفكاري وخيالي   يغالي
         فارغ بالي بس انت اعله بالي  يغالي

علامة كلمن ايريدك ضحكته بسرعه تنباگ
اجيتك نافض اذنوبي اجيتك والگلب طاگ
               حبيبي............ حبيبي
.
.
.
.
يبيتك   ملاذ العاشگين الباري خلاه
ومعزتك  الضاگ افراگ صحنك يكشخ اب اه
چهبتك   ومن شفت المناره صحت الله
عرفتك   اليعوفك ما تعوفه وگلبك وياه

اجيتك   شايل مستحه الما زايرك دوم   اجيتك
            لگيت الدنيا كلها من لگيتك   اجيتك
           وما تطرد بشر گاصد البيتك  اجيتك

تفضحه اعيونه يعيوني المخلصها مشتاگ
اجيتك نافض اذنوبي اجيتك والگلب طاگ
             حبيبي............ حبيبي
.
.
.
.
يلمعه   انطفى كلشي بغيابك واظلم النور
يدمعه  عشت إياك فگدك كلها عاشوور
يركعه    صليت الثواني وصرت ناطور
يشمعه  اليموت من البعد والزهره معذور

ابغيابك    الطبيعه مو طبيعه حزمة اجروح  ابغيابك
                حلم العمر صار اوكف ابابك   ابغيابك
             اعله خدي طشرت صوغة ترابك ابغيابك
         
قبل لا احجي يم بابك الدمع بعيوني سباگ
اجيتك نافض اذنوبي اجيتك والگلب
          حبيبي.......... حبيبي
.
.
.
.
يوفاي    سهم البعد نام ابگلبي وارتاح
يالهواي  عرفت الدنيا بَعدك تهوى الصياح
بلا راي   الما باجي اعله بُعدك هذا مرتاح
يرجواي  الما حارگ أحلامه بالوهم طاح

يدمي   اهاجر وي خيالي واصطدم بيك  يدمي
          انه العبد الحسيني صار اسمي  يدمي
          من صغري صرت يحسين همي  يدمي

       
عبدك وانت اعرف بي مر ابغيبتك ضاگ
اجيتك نافض اذنوبي اجيتك والگلب طاگ
                حبيبي........... حبيبي
.
.
.
.
يعطشان  بعازة حيل وانت توزع الحيل
يلهفان   حرامات اعله طولك تأخذه الخيل
يسلطان  يحجاية بخت يجناح جبريل
يمنان    الگمر منك طلع سير على الليل

يمحبوب   صحنك بخت ومن الله هديه  يمحبوب
             يشراي الصدگ يغراء الگلوب  يمحبوب
            طولك ينشهگ جا ليش منهوب  يمحبوب


مو هدمي يغالي عليك كلبي بغيبتك شاگ
اجيتك نافض اذنوبي اجيتك والگلب طاگ
                حبيبي........ حبيبي


#الشاعر عبدالله الشويلي

الهاي الخدمه نعد ايام
نحسب للملکه بكل عام
عدنه احلى من هلال العيد
لو هل اهلال الخدام

وتآذن المناره .. قد قامة الزیاره

______
ادور السنه ویمته الجرح.. من البعد یتعافه
واحدنه من کثر التعب. واصل الطین اجتافه
لو ما للمشابک نجی .. شلون الکلب یتشافه
مثل البلم لو عل جرف.. مایسوه شی مجذافه

من نتلاكه روح بروح
نبجي ونطلم علمذبوح
وبمدمعنه الشوك يزيد
لو هل اهلال الخدام

وتاذن المناره .. قد قامة الزياره
لو هل اهلال الخدام
_
الملهوف اذا طال درب. يبدي عله ربعه صياحه
ما نستراح ونستجن .. نكضيها بس انياحه
زينب سبيه بكربلا ... شنسوي بيها الراحه
من ينفتح طاري السبي.. كلمن يكض اصفاحه

اصعب موقف بين الناس
زينب تمشي بلا عباس
كون دموع العين تثور
لو هل اهلا الخدام
وتآذن المناره .. قد قامة الزیاره
____

انته الحلم ذاک الصدک.. المحد عرف تفسيره
لميتنه برزق الدمع .. يحسين جنك ديره
البي جاذبيتك ينحسد ... ماتمر كلبه الحيره
مارجعت كاصد ابد .. ويمك نهر للغيره

حزنك دمعه وماتنباع
للجنه مخليك متاع
منذوره ايام العشاك
لو هل اهلال الخدام

وتآذن المناره .. قد قامة الزیاره
_

تستاهل نخدمك عمر ... ماعدنه غيرك غالي
نشوفك رغم ما مندفن .. يحسين كلش عالي
باجيلك بكد لهفتي.. امشي ودمعتي تلالي
رمضان كل يامي احس...يحسين وانته هلالي

ليليه ابجيلك مولاي
وسفه الماي يعطش الماي
بس من الطم جرحي يهيد
لو هل اهلال الخدام

وتآذن المناره .. قد قامة الزیاره

____
قبلك ولا صح بلبشر .. بلعطش عندك غايه
ماشفنه واحد منذبح .. ضامي ويزع مايه
بيك السهام ترهدنت .. عدك جروح اهوايه
باجر اعله عناد الزمن اداويهن المشايه

رغم جروحک رغم الاه
انته المعنی البسم الله
شما تبعدنه نبقی ویاک
لو هل. اهلال الخدام

وتآذن المناره .. قد قامة الزیاره


#علي_مخيلف

ذكرى استشهاد الحسن ع

راس القاسم شمبچيه
يارمله تعرفين اشبيه
وزّع ادموعه على كل الضعن
ايثوّب بذكرى وفاتك يالحسن
++++++++
جاوبتهن آني اعرفها القضيه
يحجي اسمعه الوالده وينظر عليه
نفـذتـها واهــذا ناتجـها الوصيـه
هذا راسي اعله الرمح وامي سبيه

عاده وماينساها الراس
يبقى الجرحك عنده حساس
چبدك وطشته ابد ماينسن
ايثوب بذكرى وفاتك يالحسن
++++++++++
امن الرمح عينه تصد صوب المدينه
إبّابـه يمكن ربعه شاهد جايينه
هسّه دارك يالحسن وحشه وحزينه
لليجيها اتگـله فتره ومـر علينه

ضعن الخدر فتره وجاي
مايتأخر عنـي هـواي
عود اذا جاسم يرد بيه الزمن
ايثوّب ابذكرى وفاتك يالحسن
+++++++++++
آنه اوّل ما بچه القاسم عرفته
گبرك ابهذا الوكت يعلگله شمعته
يالحسن لو تعرف بحاله عذرته
هذا راسه وعالرمل غلاها جثته

بعيالك ماتدري شصار
من شبت بخيامك نار
اجدامها بنتك شريفه اتحرگن
ايثووب بذكرى وفاتك يالحسن
++++++++++
عالهزل وانصبنه ماتمنه الوفاتك
بالسبي وذل اليسر ماناسياتك
يالحسن يرثى لها حالة خواتك
لسعه مثل السوط بيها ذكريات

ازغار اكبار اوياي اتنوح
وروس اخوانك تبچي جروح
جاسم اعلينه دموعه ايگطّرن
ايثوب بذكرى وفاتك يالحسن
+++++++++++
اختك الگتلي الطشت عنها اشيله
يالحسن شافت اشد منه العقيله
موچبد بي راس اخوها وتشتكيله
والاشد من كلها صعدتها الهزيله

اتمنه اوياك انسميت
اولا مجلس شامت طبيت
اعيوني لمتون العقيله شگد بچن
ايثووب بذكرى وفاتك يالحسن
++++++++++
اسهام نعشك شاهدتهن وحده وحده
واحد ابنحر الطفل مگبل تعده
وثاني فات امن الخرز وبراسه چبده
ماسحب سهمه الگمر لاچفّه عنده

لارد بزنوده اولاماي
ضل سهمه بعينه الوفاي
غاية الچفين من اتگطعن
ايثووب بذكرى وفاتك يالحسن

#ثائر الربيعي

قصيدة(جهزنه المواكب)

يلة جهزنه المواكب. .ننتضركم وينكم
عدكم بكل عام مشية..لربعين حسينكم
فراش عين اوغطا عين
هله بزوار الحسين
لربعين حسينكم....لربعين حسينكم
@@@@@@@@@@@@@
امجهزين بكل عطانه..انتو بس مرونه
اوثمن هذا الي نقدمة..تراب ممشه
انطونه.
ارواح شلناها اونخلي.. كلمن بماعونه
من يحس خادم عطشكم.. ينطي ماي اعيونه.
يالمثلكم نلكه وين
هله بزوار الحسين
لربعين حسينكم...لربعين حسينكم
@@@@@@@@@@@@@@
الزاير البيه انتشرف.. حتى جدمه انبوسه.
هوسة من تبدي الخدامه..اونفرح ابهل الهوسة.
مانكصر والنتيجه..بكل وجه ملموسة.
خدمة اوبتربت ولينه..بلوفه مغروسة.
نوفي جينه عدنه دين.
هله بزوار الحسين.
لربعين حسينكم...لربعين حسينكم
@@@@@@@@@@@@@
ذلة كل خدمة انعرفهه..بس كرامة وياكم.
انتو واشعدكم مكانه ...الله هيج انطاكم.
يله واسوها الزجية..واعتنو بممشاكم.
والله يا زوار ابنهه...الزهرة ما تنساكم.
يا اهل طيبة وحنين
هلا بزوار الحسين
لربعين حسينكم...لربعين حسينكم
@@@@@@@@@@@@@
سنة صار فراك عدنه...بلهفة جينه انشوفكم.
مرو بينه واستريحو..خل نقبل اجفوفكم.
انتو اهل هاي المواكب..واحنه بيهه اضيوفكم.
كل عمرنه انريد نخدم...نحزن من انعوفكم.
انقبل اجدام اودين
هلا بزوار الحسين
لربعين حسينكم....لربعين حسينكم
@@@@@@@@@@@
جدور عدنه اتفور لهفة..بكثر متانيكم
زاد ما يخلص يزاير..ينبع شننطيكم
كله من خير الحسين..للوفاء البيكم
يالي تمشون بطريقة حسين ماناسيكم
ياهلا بالكاصدين
هلا بزوار الحسين
لربعين حسينكم......لربعين حسينكم
@@@@@@@@@@@
من تكف عدنه المواكب...انلمهه لوشلناها.
كاع خدمة ادكوم تبجي..واحنه نبجي وياها.
ايام مرت بينه حلوة..وبالتعب نتباها.
نعمة الخدمة اشكبرها..والنه ربنه انطاها.
واحنه بالله نستعين
هلا بزوار الحسين
لربعين حسينكم....لربعين حسينكم


لخادم زوار الحسين
#الشاعر
ابوعبدالله الشمري

بعد چم يوم بيه اترد الضعون.
ارد يحسين واحچيلك عالمتون.
&&&&&&&&&&&&&&&&&
ارد يمك واسولفلك اعتاب هواي.
ترضه شلون يبن امي اونضر عيناي.
امشي والشمر يبره الضعون وياي.
مچتوفه بحبل والناس يربون.
ارد يحسين واحچيلك عالمتون.
&&&&&&&&&&&&&&&&&
ارد يمك واسولفلك ألم حرگه.
ارجعت زينب لچن امتونهه زرگه.
اه يحسين خويه اشسوت الفرگه.
واگلك شوف زينب حالهه شلون.
ارد يحسين واحچيلك عالمتون.
&&&&&&&&&&&&&&&&&&
ارد يحسين واحچيلك عله ايتامي.
هذا ايگوم ذاك ايطيح گدامي.
مشينه بليه والي اوماكو اليحامي.
وابو الباقر عليل اوّبيه تدرون.
ارد يحسين واحچيلك عالمتون.
&&&&&&&&&&&&&&&&&&

ارد يمك اوروحي زايده ابونهه.
اوعزيزة مُهجتك بالشام اعوفنهه.
احضَنت راسك اوراسك چان حاضنهه.
اوعليه ماتت ارقيه امغمضه العيون.
ارد يحسين واحچيلك عالمتون.
&&&&&&&&&&&&&&&&&&&&
وبعد هذا الحجي للمشرعه اتعنه..
طويل اعتاب عندي اوارد اجر ونه.
انه العباس اسولف عالشمر عنه.
يرضه شلون بيده يدفع أم عون.
ارد يحسين واحچيلك عالمتون.

لخادم أهل البيت
#الشاعر
ابو عبدالله الشمري

*( قصيدة للمشايه)*

شيعه خدامـچ يزيـــنب جايه
رافعيــــن اعلامــــهم مشايـه

اتلگي خطارچ يزيــنب بلعجل
ذولـه زوار الاخيــــچ والبـطل
كل سنه اتجدد عهدها وماتمل
والنـــعم من شيــعته الوفايه

ازغار واكبار اعتنيـنه للحسين
عالصدر نلطم ونوبـه عالجبين
ونگصدالمغوار مگطوع اليدين
وجايبين احنـــه الرقيه اعبايه

بالمسيره انصيح خدامك اجت
مانهاب الموت لوخيــتك نخت
هالملاييــن الذي لجــلك مشت
اتزلزل اعروش الطغات الغايـه

اطلعنه كل احنه الغياره الكربله
ومانعوف حسين لو دمنـه سله
وكل تعبنه الزهره امنه اتسجله
سايريــن اعله النـــهج عنــايـه

نهتف اباصواتنـه السبط الرسول
انصيح لبيك العهد لبــن الاصول
نوگف اجنــود ونضحي للبتــول
انجيـــب لسكينه الفرات ومايه

بدمنه يمشي عشقه أبداً مانشف
ويردد الچلمـات كل شيعي هتف
احنه غيـر حسيـن ماعدنه هدف
ابكل شمــوخ ورافعيـــن الرايــه

*ام حيدر النصاري الكعبي*

سار موكبنه الك مشاية.
وبسم ابو فاضل رفعنه الرايه.

،،،،،،،،،،،،١،،،،،


ندري درب الجنة دربك ياحسين.
مامنعنه المرض لاخوف السنين.
لازم نزورك بيوم الأربعين.
حتى لو رجلين گطعوا والأدين.
.

بدربك الموت احنه اله شرايه.
وبسم ابو فاضل رفعنه الرايه

،،،،،،،،،،،،،،٢،،،،،،،،،،،،،

وأحنه نمشي بالدرب قمنه العزاء.
بس عليكم سيدي يحله البكاء.
حتى لو جانه المرض انته الدواء.
بتربتك يحسين مضمون الشفاء.


وين مانگعد نسوي اقرايه
وبسم ابوفاضل رفعنه الرايه

،،،،،،،،،،،،،،،،،،٣،،،،،،،،

نواسي زينب بالمشي بهذا المصاب.
انواسي عبد الله الطفل وأمه الرباب.
مشن بدروب السبي وشافن عذاب
وعافن حسين الذبيح اعلتراب.
.

عليكم انريد البواچي هوايه.
بسم ابو فاضل رفعنه الرايه
،،،،،،،،،،،،،،،،،،،،،،،،،،،،،٤،،،،،،،،،،،،

هله بالنصبوا مواكب للضيوف.
واسوا العباس مگطوع الچفوف
مايملون اليجوهم لو ألوف
كلها متحزمه لبو الأكبر نشوف.

ياهله بهاي المواكب جايه.
وبسم ابوفاضل رفعنه الرايه

،،،،،،،،،،،،،،،،،،،،،،،،،٥،،،،،،،،،،،،،،،،،

الك مشايه مشت حتى النجوم.
وعلى مصابك سيدي تبچي الغيوم.
مايهمنه الجاهل النه شما.يلوم.
على گبرك لازم انطوف ونحوم.

احنه غيرك ماكو عدنه حچاية.
وبسم ابوفاضل رفعنه الراية

،،،،،،،،،،،،،،،،،،،،،،،،،،


حيدرموسى الرميثي

المنتظر جاي
يمشي مشاي
المهدي بجروح السنين
ويه زوار الحسين
يمشي مشاي
....
١
حاظر المهدي على مر السنين
دمعه يجري ويمشي بين الزائرين
يستراح بهل درب بس تدري وين
فقط يم الموكب  اليصرخ حسين

الصوب الدموع
يمشي مفجوع
ايده تلطم عالجبين
ويه زوار الحسين
يمشي مشاي

.....
٢
المهدي من ينظر طفل يبجي وينوح
يزود ونه وما تضل بروحه روح
بسرعه يتذكر رقيه ويا جروح
المنها ريحة حركَ المخيم تفوح

يشوف الأطفال
والدمع سال
ابن خير المرسلين
ويه زوار الحسين
يمشي مشاي

.......
٣
المهدي طول الدرب مايشرب الماي
كَلبه دامي يكَول خلوني بضماي
شلون جانت عمتي زينب وراي
بالشمس لو دورت ماكو فياي

تمشي للشام
بسوط ولآلام
تندب الهادي الامين
ويه زوار الحسين
يمشي مشاي

..........
٤
المهدي من ايشوف رايات العزاء
يروح باله بسرعه يم راعي اللواء
ابو صالح بي إشخلت كربلاء
كَام ما يبجي دمع يبجي دماء

بالدرب صار
يترك آثار
بالدمه تهمله عين
ويه زوار الحسين
يمشي مشاي

......
٥
المهدي حاظر بالدرب كله ويشوف
دير بالك يلي كَاصد للطفوف
خاف تنسه وتطعن بكَلبه سيوف
كون تحرم يم ابو اليمه وتطوف

التاب لله
المهدي وياه
الذكر رب العالمين
ويه زوار الحسين
يمشي مشاي


#الشاعر_مصطفى_الشافعي

هلا بيكم يزوار. هلا بيكم

من ذيچ السنه واحنه نتانيكم
شرفتونه ياميت هلا بيكم
وسط عيونه لازم نخليكم
زوار الحسين شمحله طاريكم

صفت مفتوحه كل دار. هلابيكم

شآء الله مقبوله زيارتكم
كل همنه نريد اليوم خدمتكم
خلونه نشيل شويه رايتكم
عطر الجنه هذا مدري ريحتكم

يل تشبهون الأقمار. هلابيكم

يتعب هذا ابو الموكب تشوفونه
واگف منتظركم يربن عيونه
مرو بيه رجائا لا تعبرونه
اذا زاير يفوته ينخطف لونه

عليكم تربي الأنظار هلا بيكم

يامحله الزياره الأربعينيه
نتمناهه كون تصير يوميه
ايام المشي بس العمر هيه
فرصه ولاتمر والدنيه مگضيه

طلعتو زغار وكبار. هلا بيكم

فرحانه الشوارع چي مليتوها
وتتباهه المسافات الگطعتوها
والگاع الحدركم طهريتوها
رفعت راسنه الرايه الرفعتوها

مشيكم يحمل اسرار. هلا بيكم

#سعدالعبودي