مولد
لذكرى ولادة كعبة القلوب سيدي ومولاي
أبا عبد الله الحسين عليه السلام
.................
هلا أو مية هلا .. يكعبة كربله
يسبط المصطفى .. يشبل المرتضى

يراعي الأوله .. يكعبة كربله
...............
1
أجينه أبهالجمع .. نضويلك شمع
نبديلك دمع .. وحق كسر الضلع

ابذكرى مولدك .. أجينه أنعايدك
نحج أبمرقدك .. يبن عقد الوله

يراعي الأوله .. يكعبة كربله
................
2
يبن بنت النبي .. فداك أمي وبي
فخر كل طالبي .. يبو الغيره الأبي

أذا طحت أبشدد .. يبو أسكينه مدد
كلت عطرك ورد .. وجد همي أنجله

يراعي الأوله .. يكعبة كربله
...................
3
خدمتك من زغر .. ولي حق أفتخر
الى يوم القبر .. ألك عمري نذر

رجائي أبكل محل .. أمل بس يا أمل
أذا حان الأجل .. أحس بيك الصله

يراعي الأوله .. يكعبة كربله
.................
4
عشكتك من صدك .. صدى صوت العشك
شبك روحي شبك .. أبدمع عيني أختنك

وحق طه أو علي .. لون بيه أصطلي
يظل حبك ألي .. خلاص أمن البله

يراعي الأوله .. يكعبة كربله
..................
5
يبن حامي الحمه .. عطر وجه السمه
عله أمك فاطمه .. صلاتي أمحتمه

عله أعناد الطلح .. ألك صوتي أبفرح
ترى الليله صدح .. الفرج كل معظله

يراعي الأوله .. يكعبة كربله
.....................
خادم أهل البيت
الشاعر : أسماعيل الجوراني
الجمعه : 27/3/2020
2/ شعبان /1441

شعبان هل لينه بفرح وي هلت أهلاله
ميـــلاد أنـــوار الهدى البكون تتلالـــه
أتهل علينه أعياد لو بينه مر ميلاد

وي هلت أهلالــه بفـرح هـــل بالسما هــلالين
اهــــلال شعبان البــزغ والثاني هـــل لحسين
ومو مره مولود السبط لا منولـــد مــــرتيـــن
بثلاثـــه شعبـــان أنولـد وبالعاشر أحيــا الدين
جبريل هز بيه المهد سبط النبي المختـار
وفرحانه أملاك السمه وتنثر ورد وزهار
وتنادي أبو السجاد لو بينه مر ميلاد

لحيدر علـي أزهر بدر بالرابــــــع بشعبــــان
للخوه مضــرب للمــثل بيه حـــارت الأذهــان
عباس راعي ألمرجله جَوده صبــح عنوان
من زغره سماه الگمـر يزهر گمــر عدنــــان
غيره وشجاعه ومرجله يتفايض واحساس
سماه گمر هاشم علي راعي الوفه العبـاس
للخوه وفّه وزاد لو بينه مر ميلاد

وبخامس أيامــه انولـد للعتره رابــع نــــور
زين العبــاد ومولــــده أسعـــد أنس والحور
رابع أمام أعلى الخلگ للدين اصبـــــح سور
نور اليشع مـن جبهته نــور الله بيه منشور
بنواره دنيانه أشرقت طيبه وعدل وأيمان
أيرتل أياتــــــه بفــــرح بالمولد القـــران
وينادي يالسجاد لو بينه مر ميلاد

عاشگ وأهمن بالمحـب وگليبي بيه هـــأيــم
نار انتظاري ليا وكـت تسعـر يبو القـــاسم
دلالي كل نبضه يـــدك يالمهـــدي يالقـائــم
جفن اليحب ليا وكــت عــن شوفتك صايـم
يمته ترفرف رايتك بيهه بعزم تحدي
كل يوم أنادي للفرج قائمنا يالمهدي
منك نريد مراد لوبينه مر ميلاد

**
الشاعر
موسى البديري

رده مولودیه بحق قمر العشیره ع
🌸🌸🌸🌸
عمری نذرته الخدمتک/یا شیخی عباس
یا تاج راسی امحبّتک/یاشیخی عباس
شارب نهر من شیمتک/یا شیخی عباس
.......
نبض گلبی ابرایته/و یبوفاضل دگته

عگلی وروحی وانفاسی
فدوه اتروح العباسی

(ویم الشباچ افرش روحی)
💥💥💥
لو مشکله اتمر عیشتی ...اتعنه عباس

اعگالی احطه ابرگبتی/اتعنه عباس

وانخا یگضی حاجتی/اتعنه عباس

......
اقسم اعلیه بلثنین/ابزینب و نفس الحسین/

یمه الحاجه امنحچیهه
ابرمشه الکافل یگضیهه

(وارجع متونس من بابه)
💥💥💥
آیات عشگی ابکل زمن/ ادخیل بخت العباس

من جربته ادموعی ارتون/ادخیل بخت العباس

من اگبل اعلیه للصحن/ادخیل بخت العباس
........
مثل خرت النجمه اطیح/
واسجد اگبال الظریح/


ابشباچه اعکر نظراتی
ویمه اتسولف حسباتی

(یمسح عباس اعله اعیونی)
💥💥💥
سیفه شریف وطاهر//ونعم بلعباس
شایل ذکاوه و شاطر//ونعم بلعباس
ابوجه العساچر ساطر//ونعم بلعباس


لون یدخل ملحمه//الگاع تصعد للسمه

زینب لو طلبت زوده
امیه اترید من جوده

(یم خیمتهه ایجر الشاطی)
💥💥💥
دخیل العباس//مسعود الحاتمی

مسعود حاتمی:
رده فی حق ولادت الامام الحسین ع
✨✨✨✨

مولاء مولاء:جیت اهنی علی
مولاء مولاء:یابعد کل هلی
💫💫💫💫
بیت الرساله تشرح ابأخباره...یمولاء
من الحسین اللیله صار اصیاره...یمولاء
نور الشمس خجلت عذر بأنواره...یمولاء
والدنیه یم مهده صفت خطاره...یمولاء

مولاء مولاء:حاجه منک ترید
مولاء مولاء:یلی اسمک عجید
💫💫💫
خیعون کلمن یخدمک یعیونی...یمولاء
وایصیح ماعوفک لون ذبحونی...یمولاء
من بابک اعدایه اذا منعونی...یمولاء
هیهات منک سیدی ایعزلونی...یمولاء

مولاء مولاء:صوتی یعله ویصیح
مولاء مولاء:ابگلبی شلتک ضریح
💫💫💫💫
یآمن سکنت ابگلبی ویه عروگی...یمولاء
ویم عشگک الخبلنی حطت نوگی...یمولاء
طیر اعله گبتک ظل یرفرف شوگی...یمولاء
وحسین حسین اینادی یا معشوگی...یمولاء

مولاء مولاء:هایم ابشم بابک
مولاء مولاء:وغافي فوگ اترابک
💫💫💫
من الاهواز الکربله ابکل غایه...یمولاء
عل الگبه نبعث تهنئه اویه الرآیه...یمولاء
مثل اربعینک من نجی وفایه...یمولاء
نتعنه حتی ابمولدک مشایه...یمولاء

مولاء مولاء....نعتنیک ابجرح
مولاء مولاء...مانهم بذبح
🌹🌹🌹🌹
لبیک یاحسین/مسعودالحاتمی

مواليد الائمه
للولادات الشعبانية
.......
هله اوميت هله ابشعبان واعياده
فرحانه الشيعه اتهني الساده
.......
هله اوميت هله ضوه ليالينه
مواليد الايمه الغاليه اعلينه
حزنه انعوفه اونظهر تهانينه
اليفرح في فرحهم ياخذ امراده
.........
في شعبان بيعتنه نجددها
الشيعه ابهل شهر تظهر مودتها
االايمه يالمحب ذكرى ولادتها
الفرح في هل الشهر اصبح لنا عاده
......
في شعبان شهر الخير والرحمه
كلب الي يحبكم ينكشف همه
مسرورين مولدكم يصب نعمه
اليحبكم بالفرح متفايض افاده
......
يا نعمه المثلها ما اكو نعمه
بيها الدين الله كمله اوزمه
الرب ايخاطبه بلغها ابهمه
بلغ اهل بيتك للخلك قاده
...........
ايات الولايه نزلت ابكثره
والقران بلغ قيمة العتره
الخالفهم وضح وتبين بكفره
شهر شعبان قاسي عله الحساده
....
في شعبان مولود الامام احسين
والعباس مولوده ينور العين
والسجاد مولانه امام الدين
علينه رحمة المعبود عواده
.......
شهر شعبان بيه مولود مهدينه
في شعبان كلنه انعلك الزينه
فرحنه واليودنه خل يجي لينه
صلو علنبي ابمولد الساده
.......
الحاجة ام احسان الخاقاني
كتبت في الطريق الى كربلاء
12شعبان 1440هـ

(( يا حلوه يا ناس ))
ذكرى ميلاد قمر بني هاشم العباس بن علي بن ابي طالب عليه السلام


بحجر الكرامه شع گمر ... يا حلوه يا ناس
بهجة علينا و الفخر ... المولود عباس
✯✯✯✯✯✯✯✯✯✯✯✯
لا تسألي لا يا سِمَه عن بدرچ إفْوين
بدر البِشِر زاهر يشع عند ام لبنين
تقَبِّل يمينه و يسرته و تبوس خَدّين
يسحر جمال و ضحكته إبن الميامين

ها يا سِمَه وجهچ ضُوَه ... و إنْتِعْشَت أنفاس
و العالم ابفرحَه إسْتُوَه ... المولود عباس
✯✯✯✯✯✯✯✯✯✯✯✯
شاله علي تاج الشرف و الحامي الجار
و قَبَّل چفوفه بلهفته باب الله و أسرار
عبّاس سَمّاه و هتف يا ذخر لأبرار
يا فرحتي ويا گرّتي ويا نوري بالدار

بحضن البساله و العلِم ... و الغيره و الباس
يرضع مضامين الحِكَم ... المولود عباس
✯✯✯✯✯✯✯✯✯✯✯✯
زينب لأخوها ضَمّتَه و اتْشِمَّه كل حين
و راحت لأخوها المجتبىٰ وَيّه الاخو حسين
تگلهم بشاره بالأخو يا أغلىٰ إخوين
جانه السند وَيّه الوفا ذا گُرَّت العين

بيت الوحي بالهَلْهَلَه ... مشروح لإحساس
جاهم ولد من ماثَلَه ... المولود عباس
✯✯✯✯✯✯✯✯✯✯✯✯
عطر الكرامه اتفاوحَت اطيابه و تدور
تعم البرايا و الخلگ و تعَطّر الدور
ريحة حبيب المرتضىٰ عنبرها و بخور
من طيب جَنّات الخلد و البال مسرور

بعطر التهاني امْعَطَّرَه ... لورود و الياس
و ليه الصواني امْطَشَّرَه ... المولود عباس
✯✯✯✯✯✯✯✯✯✯✯✯
رب الجلاله ابهالفرح راسلها لملاك
تهَنّي علي و تسامره و اتْگِلَّه يهْناك
ربنا لوليدك هالسِمَه ضاويها و افلاك
إبنك گمر من يشبهه برسومه معناك

أنواره في علو السِمَه ... ما إلها مقياس
أبدع إلٰهي إلْراسِمَه ... المولود عباس
✯✯✯✯✯✯✯✯✯✯✯✯
شعية علي بهٰذا السَعَد زَيْنوها لأبيات
و رسمو بگلوب العامره أطيبها بسمات
و رفعو شعارات الولا و گولو له جلوات
عباس يا فخر الهُدىٰ لجَيْتَك تَحِيّات

خل كل گلب مجلس إلَه ... عامر بالأعراس
و بإسمه النبض يسْتَقْبِلَه ... المولود عباس
✯✯✯✯✯✯✯✯✯✯✯✯
الشاعر : ابو شهيد الأحسائي
الجمعه ١٤٤١/٨/٢هـ
-------------------------

هوسات عن شجاعة الامام الحسین ع
💐💐💐💐💐
من خلصوا اخوته وما بقت راحه
شال السیف بیده ومشّط اصفاحه
مثل صگر التعلّه ویصفگ اجناحه

*متریس طب اعله الحومه*
💓💓💓💓
طب متریس وشدّ الصبر لآمه
ومن کثر الزعل ما لابس اعمامه
ابعصابت اخیته امحزّم احزامه

*والجیش اتلایط من سیفه*
💓💓💓💓
اتلایط من ابوالسجاد طب یرعد
غیمه امعصبه واشلون گلي ایرد
ذاك الیوم ظلوا بل جثث تلبد

*من سیف حسین و دولابه*
💓💓💓💓
گلهم صح وحید وخلصوا انصاري
بس بیكم اطلع حرگتي وناري
علي فشله لون اتساهل ابثاري

*وأنه ابن الما ضیع ثاره*
💓💓💓💓
ما ضیّع ابثاره بزرت الشجعان
سوه السیف دله وروسهم فنیان
الما اشرب یگله ابوسطت المیدان

*بدله ایحط فلگه ابراسه*
💓💓💓💓
هذا اهوه الحسین الما ضعف باسه
عله السبعین زاد وما هبط راسه
الجیش احتار بینه وبین عباسه

*وابروس الشر طم الشاطي*
💓💓💓💓
مسعود الحاتمي

ويه ابو السجاد هليله انولد
معنى سورة قُل هوَ اللهُ أحد

و بعلي الكون ابتشر
و يوم ميلاد الگمر

شِفنه ذو الفقار نايم بالمهد

///

ليش .. شو خجلانه چن شمس السمه ؟
.. الشمس الاحلى ابيت حمّاي الحمه ..
كل امان الدنيه عالعتبه انرمه
رحمة الله انشالت بچف فاطمه

ازهر الكون بضواه
الشاغل الدنيه بهواه

حسين وجه الخير عن ابّآ وَ جَد

///

ليش بالله الهالطفل گلبي يلين ؟؟!!
الحره تسأل روحهه ام گلب الحنين
صيح يا ليل الفرح متباركين
گمر فوگ ، وگمر عند ام البنين

و الچف اليقبّله علي
يصير يارب كافلي 🤲

و كون يتگمط ابّيرغ هالولد

///

اسمه عشگ الباقيات الصالحات
وفرحة الآذان بعيون الصلاة
الشفعِ والوتر ِ غدن مستبشرات
انولد هالليله علي ذو الثفنات

ابو الباقر والنعم
علي نبراس العِلِم

علي وبمنهج علي لله عِبَد


///

غير حبهم ما ردت منهج الي
و يحلى كلما عتگ حبي الأولي
الشده تسهل لون صوتي يعتلي
يا عليُ يا عليُ يا علي

ليا علي ، دگة صدر
گصَر لو طال العُمر

شما بقه بيه النفس هالحُب عهد

///

✍️سعد هادي الشمري✍️

بيك هايم يالملكت أحساسي..
أنت روحي وأغله من كل ناسي..
أنه مغرم بالعشك.. وبس ألك كلبي يدك
والعشك طول العمر عباسي..
..................................
أنه هايم بالعشك يالغالي..
لغير حبك مانبض دلالي..
أنت عشكي الأولي والتالي ..
حبك احله من الشهد.. غيره ماعندي أبد
ياهواك البيه رفعت راسي ..
والعشك طول العمر عباسي..
....................................
أنه عاشك والمحب تدرونه..
شما يضم كلبه تفضحه عيونه ..
ضوه عيوني الكافل يسمونه..
أنت نبراس الدرب.. حبك بوسط الكلب
وحب أبو فاضل يظل مقياسي..
والعشك طول العمر عباسي..
..................................
ياأمير كلوبنه يبن الأمير..
بحب ابو فاضل يظل كلبي أسير...
يالعشت بكلوبنه انت الضمير ..
انت مفتاح الجنان.. بذكرك انحس بالامان
شما قسه ويانه الزمان القاسي..
والعشك طول العمر عباسي..
........................................
أنه هايم بيك يامحبوبي..
حبك يخفف لي من ذنوبي..
أنت نور يضوي كل ادروبي..
روحي بأسمك هايمه.. وشوكها بكد السمه
اتكول أبن حيدر يظل نوماسي..
والعشك طول العمر عباسي..

.................................
حبك بنص الكلب عنوانه..
ماي يروي جبدتي العطشانه..
والله روحي بالعشك ولهانه ..
عندي اغلى من الهوه.. والعطش بيك ارتوه
أنت قرآن الوفه ونبراسي..
والعشك طول العمر عباسي..
........................
من طفت صحنك شفت كل العبر..
هاي جنة عدن لو صحن الكمر..
باقي اسمك يلي عطشت النهر..
رايد اشتم من عبير.. الكافل وبيه استجير
خلي تتنسم هواك أنفاسي..
والعشك طول العمر عباسي..
.................................
لخادم الحسين
حيدر مطر العبادي

ولادة الامام الحسين (ع)

اجه سيد شباب الجنه ميلاده
كتمل نور الكساء بخامس الساده

*

عن باقي الايام اليوم فرحتنه
بينت بالوجه نسمات ضحكتنه
مبتسمه طلعت لحسين جلمتنه
بميلاده اليعيد ياخذ امراده
كتمل نور الكساء بخامس الساده

*


نعيد نبتسم ابهوسه وبصفكه
جم حسين عدنه خاطر نعشكه
يحبنه وهم نحبه وغيره ما نلكه
عادتنه نحبه شمحلى هالعاده
كتمل نور الكساء بخامس الساده


*


مثل حسين ماكو ومثل حنيته
ظم الخدم كلهه جوه خاجيته
كل خادم يخدمه يعلي من صيته
كلما ينطي حاجه ترجع ازياده
كتمل نور الكساء بخامس الساده


*

كتمل نور النبوه بخامس الشجره
مثل الدر طلع من جابته الدره
هديه من الله جان لفاطمة الزهره
ومن صلب النبوه تصبح اولاده
كتمل نور الكساء بخامس الساده

#علي حسين المياحي

جلوة يا الله يا محمد لقضاء الحوائج
🌷 *مواليد الأطهار في شعبان*🌷

بزفاف سيدة النساء تباشروا
يا الله يا محمد
فاريج ذا التزويج طيبٌ عاطرُ
يا الله يا محمد
ونثاره درّ كريمٌ فاخرُ
يا الله يامحمد
من جنّة الفردوس رزقٌ غامر
يا الله يا محمد
أم الحسين بجاهها نتوسلُ
يا الله يا محمد
و بوجهها الوضّاءِ جئنا نأملُ
يا الله يا محمد
شعبانُ جاء بخيره فتفاءلوا
يا الله يامحمد
علو الصلاة على الحبيب وهلهلوا
يا الله يا محمد
وإلى رسول الله بالسبط اسألوا
يا الله يا محمد
ومباخر العود المعطّر اشعلوا
يا الله يا محمد
مع جملة الأحباب هنّوا وافرحوا
يا الله يا محمد
وتبسّموا و تعطّروا وتزيّنوا
يا الله يا محمد
فبمولد الاطهار يزهر حفلنا
يا الله يا محمد
قمر الهواشم من بني عدنانِ
يا الله يا محمد
باب الحوائج مقصد الحيرانِ
يا الله يا محمد
أم البنين به تهلهل وجهها
يا الله يا محمد
ولزينبٍ فرحٌ وقرّت عينها
يا الله يا محمد
و عليٌ بن حسينٍ البر التقي
يا الله يا محمد
وبه السجودُ من القداسة يقتدي
يا الله يا محمد
في حجرِ حيدر والغياث بيمنه
يا الله يا محمد
فسلوا الإله بجاهه وبحسنه
يا الله يا محمد
تقضى حوائجكم وحتما تغنموا
يا الله يا محمد
وإلى الحسين وآله اليوم اقدموا
يا الله يا محمد
هذا نعيم الروح هذا الملتجا
يا الله يا محمد
هذا الحسين لنا السفينة والنجا
يا الله يا محمد
فعليه صلّوا وآله يا من حضر
يا الله يا محمد
وعساني اقرا مولد الكل من نذر
يا الله يا محمد
وتبشروني بكل سجين الليلة حر
يا الله يا محمد
ونجلي كلمن تطلب الولد القمر
يا الله يا محمد
بحُسين كن فيكون كل أمرٍ عسر
يا الله يا محمد
يا سعدنا فزنا بهم يا سعدنا
يا الله يا محمد
وبحبّهم ربّ الجلالة خصنا


___
دلال علي ❤

#مولد_الإمام_الحسين (ع)

يـــا كـعـبةً فــي جَـبـينِ الـلَّـوْحِ تَـزْدَهِـرُ
صَـلَّـتْ عـلى مُـقْلَتَيْكَ الـشمسُ والـقمرُ

طــافَــتْ بــأركـانِـكَ الأفـــلاكُ مُـحـرمـةً
وَسَـبَّـحَـتْ فــي عُــلاكَ الأنـجـمُ الـزُّهُـرُ

سـبـحـانَ مَــنْ صَــوَّرَ الـدنـيــا وَزَيَّـنَـهــا
بــنـورِ وَجْــهِـكَ فَـازْدانَـتْ بِــكَ الـصُّـوَرُ

أَرَيْــــتَ وَجْــهــاً جَــــلالُ الــــلّٰهِ دَارَتُـــهُ
عــلـى سِــواهـا بِـــهِ الأقــمــارُ تَـفْـتَـخِـرُ

إذ أنــت فُـلْـكُ نـجــاةٍ صـيـغَ عـنصرهـا
مــن جــوهَـرِ الـمُـلْكِ لا لَــوْحٌ ولا دُسُــرُ

وَمَُــنْــزَلٌ عــانَــقَ الإنــجـيـلَ مُـحْـكَـمُـهُ
فَــقَــبَّـلا جـــيــدَكَ الــتــوراةُ و الــزُّبُــرُ

إنَّ الــصَّـفـا فــيــكَ كـالـمـروى مُـتَـيَّـمَةٌ
مِـثْـلَـيـهما زمــــزمٌ والـحِـجْـرُ والـحَـجَـرُ

لــولا الــبـداءُ بـطـونُ الـغـيبِ تُـظْـهِرُها
إذ أنـــتَ أنـــتَ قــضـاءُ الـــلّٰهِ والــقَـدَرُ

لــــولاكَ لَــــمْ تَـهْـتَـدِ الـدنـيـا بـبـاصـرةٍ
فـأنـتَ إنـسـانُ عـيــنِ الـكـونِ والـبَـصَـرُ

بــورِكْـتَ يــابـنَ عــلـيٍّ و ابــنَ فـاطـمةٍ
مــا أَنْـجَـبَتْ مِـثْـلَكَ الأزمــانُ والـعُـصُرُ

أعـطـيـتَ رَبَّــكَ عَــهْـداً كُــنْـتَ مُـنْـجِزَهُ
قَــبْــلَ الـخـلـيـقــةِ لا مـــاءٌ و لا شَــجَـرُ

وَهــا هــو الـعـهـدُ قَــدْ ســارَتْ رواحـلُهُ
نـحـو الـخُـلــودِ وَ يَـحـدو رَكْـبَـها الـظَّفَرُ

فَـرُحْـتَ فــي عُـصْـبَةٍ صِـيدٍ جَـحاجِحَةٍ
ضَــراغــمِ الــمـوتِ لا جِـــنٌّ و لا بَــشَــرُ

فَـأَطْـعَـمـوا الـمـوتَ أجـسـاداً مُـطَـهَّـرَةً
وَأوْرَدوهـــا دَمـــاً خُــطَّـتْ بِـــهِ الـسُّــوَرُ

كـــأنَّ أعـمـارَهُـمْ يــومَ الـوغـى سُـحُـبٌ
فاسْتَسْقَتِ البيـضُ مِنها الغيـثَ والسُّمُرُ

مَـــنْ يَـنْـصُـر الــلّٰـهَ إنَّ الـــلّٰـهَ يَـنْــصُـرُهُ
مِـنْ حـيثُ لَـمْ يَـحْتَسِبْ يَـعلـو فَـيَنْتَصِـرُ

يــومَ الـكـريهةِ قَــدْ شَـمَّرْتَ عَـنْ عَـضُدٍ
عِــنـدَ اشـتـبـاكِ الـقَـنـا مــا فَـلَّـهُ خَــوَرُ

أحـاطَـكَ الـمَـجْرُ أفـواجـاً فَـمـا وَهَـنَـتْ
مِــنْـكَ الـشَّـكيمـةُ إنْ قَـلّـوا وإن كَـثُـروا

فـي رُمْـــحِ بــأسِـكَ نــارُ الــلّٰهِ مـوقَـدَةٌ
تُـخـاطِـبُ الـجَـمْـعَ مــا أدراكَ مـا سَـقَرُ

وفـي يـمـيـنكَ هِــنـديٌّ بِـــهِ جُـحِـمَـتْ
جَــهَـنَّـمُ الــحـربِ لا تُـبـقـي و لا تَـــذَرُ

أَعْــدَدْتَـهـا وَ هـــي شــعْـواءٌ مُـسَـجَّـرَةٌ
مَـثـوىً لِـمَـنْ أشـركـوا بـالـلّٰهِ أو كَـفَـروا

حَـتَّـى هَـوَيْـتَ بِـظِلِّ الـعَرْشِ مُـحْتَضَراً
كـأنَّـما الـمرتضى فـي الـطفِّ يُـحْتَضَرُ

أنْـفَقْـتَ لـلـحـقِّ جـسـماً فــي نـقـيبتهِ
مــعـالِـمُ الـلَّــوْحِ والـمـيـزانِ تُـخْـتَـصَـرُ

يــا كـعـبةً فــي جـبـينِ الـلَّـوْحِ تـزدهـرُ
صلَّـتْ عـلى مُـقلَتَيْكَ الـشمسُ والـقمرُ

#جابر_الكاظمي

في حب الامام الحسين عليه السلام
*

روحي بحسين صفت مشغوفه
وحبــــــه للموت أظل ماعوفه
في زماني ماله ثاني
*

يلملك عمـري وحياتي بيده
العمر من دونك أنه ماريده
كلبي أسمك دايــــم بتغريده
مايملــــه ومغـــرم بترديده
وبلساني ماله ثاني
*

ياولف كلبي وينور عيوني
خلّي مجنونك أنـه يسموني
هالبشــــر كلهم أذا لاموني
مايهــزونـــي ولايهمــوني
في كياني ماله ثاني
*


بيك روحي هايمـــــه ومجنونه
وبيك ذاتي أمن المهــــد مفتونه
كل مشاعر عندي ألك مرهونه
عجبت أهل العشك وفنونــــــه
بكل معاني ماله ثاني
*

بيك ذايب يالمحب من زغــري
ولحظه ماعوفك أنه كل عمري
تشهــــــد بحبي نوايب دهــري
أللي بيــــــه تحيرت وأبأمــري
حب خذاني ماله ثاني
*

يامن الموت الحمـــــر بوداعه
تأمر وتنهى وعليــــــه الطاعه
بدون حبك ماأعيشـــــن ساعه
والهجر تجرح صفات أطباعه
ياحناني الماله ثاني

*

سلام المشعل

جديد
مولود
للامام الحسين عليه السلام
طور
امن الثالث تبدي الاعياد
........
فرحتنه ابثالث شعبان
وفرحانه اويانه الاكوان
ابمولودك يابو السجاد
انطش الورد والريحان
.....
هليوم انهني الهادي
اوحيدر علينه الكرار
ونهني امه الزهره
ونترنم بحلى الاشعار
مولد احسين الغالي
والد العتره الاطهار
مولود احسين ابالي
نوره علينه ايلالي
صبت علينه الخيرات
والرحمه من الرحمان
.....
مولد ابو اليمه احسين
بيه الفرح يغمرنه
هذا امام الكونين
كون الانس والجنه
سيد شباب السادات
سيد شباب الجنه
عيبة الباري اوعلمه
اورحمته الهذي الأمه
اكرم به من محبوب
الجده النبي العدنان
.....
سبط النبي اومحبوبه
ريحانة جده المختار
اكرم به وانعم
ابن الوصي الكرار
امه البضعه الزهره
ام الهداة الاطهار
مولوده فرحه النه
الباري بيه خصصنه
حبه نجاة امن النار
احسينه عالي الشان
....
يا مرحبه ابهل الجيه
نورت كل دنيانه
انته العزيز الغالي
نور الارض واسمانه
نورك يشع علكونين
ابدربك يضل ممشانه
يا مرحبه ابلمولود
بالبركه اعلينه ايعود
في كل سنه اوفي كل عام
الفرحتنه هوه العنوان
.....
في كل سنه الرب ايجود
بالبركه والرحمه
سيد انسها والجان
تمت علينه النعمه
يحسين يا سر الكون
والكون نقطه ابعلمه
سر الاله المعبود
با رحمه الكل موجود
ابمولدك ابهذ اليوم
كلب الموالي فرحان
......
ياربي يا رب الكون
ارحم العبد الجاني
ارحمنه اوسامحنه
ياربي يا حناني
ابجاه ابو اليمه احسين
نجينه يا رحماني
انعوذ كلنه ابلطفك
اشملنه ربي ابعطفك
ارحمنه ابجاه احسين
يا سيد الاكوان
.....
الحاجة ام احسان الخاقاني
29 رحب الاصب 1441 هـ

افراح الشعبانيه مولوديه لامام الحسين ع
✍الشاعره صديقه الهلالي :
........................................


حسين ميلاده وزهت انواره
اليله طير السعدغنه ابداره
...........
هلهت ليه السمه...
لجله فرحت فاطمه
الحورنزلت باسمه...
والعدو من سمع شبت ناره
حسين ميلاده وتشع انواره
.......................
حسين يلأسمك دواء
يلمضوّي نينوا
نزوره كل احنه سوا
بعد تزهي كربله ابزواره
حسين ميلاده وتشع انواره
........................
نظره منك يلولي....
خلي همنه ينجلي..
يلوسيله ابوعلي.....
لاتخلي شيعتك محتاره
حسين ميلاده وتشع انواره
.....................
منوه لينه زيارتك
نگعد ابنص حضرتك
ابفرح نقرا مولدك......
والله دنیتنه بگت دواره
حسین میلاده وتشع انواره
.......................
نروح فدوه العتبتک
تنادي كلها شيعتك
حسين بالله مروتك......
داوي كل الناس انته الچاره
حسين ميلاده وتشع انواره
....................
انحلفك بجف الكفيل
ابزينب و ذاك العليل....
ادواك يلماله مثيل
انريد منك دوه يابوالشاره
حسين ميلاده وتشع انواره
...........................
تمت بعون الله:
ا✍الشاعره صديقه. الهلالي

ولادة الإمام الحسين عليه السلام


ياحبيبي ياحسين
ياحبيبي ياحسين
ياحبيبي ياحسين
.....................

فرض العشك گلبي اعله ذكرك صله
كل الهلا ياسيدي بهل طله
مولدك هاي الليله كون اوصله
يابو علي محبتك رحمه من الله

ياحبيبي ياحسين
ياحبيبي ياحسين
ياحبيبي ياحسين
....................

ماعندي غيرك للأبد ماعوفك
أرض وسمه ترتل بطيب حروفك
جبريل متعني وجاك ايشوفك
يم مهدك بشوك وحنان ايطوفك

ياحبيبي ياحسين
ياحبيبي ياحسين
ياحبيبي ياحسين
......................

ياغالي واغله من الهوه الاشتمه
ومحبتك عالوادم أكبر نعمه
كل اليذكرك مايضل بهمه
وشلون اوصفك يالمحير الكلمه

ياحبيبي ياحسين
ياحبيبي ياحسين
ياحبيبي ياحسين
......................

هاشم الليله بجيتك مبتشره
فرحت گلب المرتضئ والزهره
الميلادك الروح شكثر منتظره
اشعلك اشموع الأصابع عشره

ياحبيبي ياحسين
ياحبيبي ياحسين
ياحبيبي ياحسين
......................

فرحان من كل گلبي الك يالغالي
بس انته من دون البشر تحلالي
بهذا العشك رايح اضل للتالي
يحسين بيدك سلمت آمالي

ياحبيبي ياحسين
ياحبيبي ياحسين
ياحبيبي ياحسين




#محمد هادي العقابي

مولد الحسين
┄┉❈❥ًً❀(«🎊°🕊🎊»)❀❥❈┉┄
▣•‏​‏​​‏┈┈•▣﹏🎈﹏🎈﹏▣•‏​‏​​‏┈┈•▣


حسين امامي عشكي وغرامي

شكد عشكته جنه محبته

نور ايامي حسين امامي

┄┉❈❥ًً❀(«🎊°🕊🎊»)❀❥❈┉┄
▣•‏​‏​​‏┈┈•▣﹏🎈﹏🎈﹏▣•‏​‏​​‏┈┈•▣

غيرك فلا حبيت يالغالي محبوب
هنياله يامولاي البحبك يذ وب
فوك الجبين اسمك يحسين مكتوب
كلب اليحب حسين مايضل ضامي

حسين امامي عشكي وغرامي

┄┉❈❥ًً❀(«🎊°🕊🎊»)❀❥❈┉┄
▣•‏​‏​​‏┈┈•▣﹏🎈﹏🎈﹏▣•‏​‏​​‏┈┈•▣

بعشكك يبو السجاد سموني مجنون
ميهمني يامولاي عني شيكولون
حبك فرض يحسين بي صله الكون
حيه عليك نصيح واجب الزامي

حسين امامي عشكي وغرامي

┄┉❈❥ًً❀(«🎊°🕊🎊»)❀❥❈┉┄
▣•‏​‏​​‏┈┈•▣﹏🎈﹏🎈﹏▣•‏​‏​​‏┈┈•▣

هنيال كلمن كان حبك رفيقه
وحشه ابد ميشوف بكل طريقه
مو بدعه يامولاي هذي حقيقه
الحب ابو السجاد مقامه سامي

حسين امامي عشكي وغرامي

┄┉❈❥ًً❀(«🎊°🕊🎊»)❀❥❈┉┄
▣•‏​‏​​‏┈┈•▣﹏🎈﹏🎈﹏▣•‏​‏​​‏┈┈•▣

هنيال كلمن نال هاي الكرامه
بحب ابو السجاد يعلن غرامه
جنه حياته تصير يعيش بسلامه
بس حب ابو السجاد هوه المحامي

حسين امامي عشكي وغرامي

┄┉❈❥ًً❀(«🎊°🕊🎊»)❀❥❈┉┄
▣•‏​‏​​‏┈┈•▣﹏🎈﹏🎈﹏▣•‏​‏​​‏┈┈•▣

من حبه ابد ماجوز وداعت العباس
مسودن خل تكول شعليه بالناس
المايحب حسين مجرد الحساس
دكات كلبي تصيح هوه غرامي

حسين امامي عشكي وهيامي

┄┉❈❥ًً❀(«🎊°🕊🎊»)❀❥❈┉┄
▣•‏​‏​​‏┈┈•▣﹏🎈﹏🎈﹏▣•‏​‏​​‏┈┈•▣

‏℘(✍)⇣✿​​​​℘الشــاعرة

ام رائد زوين

گعديه
يحســين * ماكـومثـل عشـگك عشگ * يحسين
يحسيــن *عشگك مثل يوم الطبــگ* يحسين
&&&&&&
ياحبيب النــاس أنــــت = يـاحبـيب الـكـل حـبـيــبـه
إنـت جـنـيت اليحبــــك = وروحه من بعدك غريبه
تهـده هـاي الروح يمك = وانـت للـعـاشگ طـبيـبـه
يمك عجيبه شگد شفت = اشتاگ كل ساع أ ووكت
لو طوف ماچني طفت = وأذكـر أيـام الـمـصيـبــه
شـوگي** يكبر يـبـو اليـمـه ألـك شـوگي
شـوگي شـوگ الـليـالـي للگمر** شـوگي
&&&&&&
حقـه عـابـس وأبجنـونـه= بـحـبـك أيــدور حـيـاتـه
بيـك سحـر أو جـاذبيـــه= خـلتـه أشـتـاق المـماتــه
يـدري يمـك كـل نهايــه= ويمـك أينـول أمنيـــاتـه
والسيـف ذبـاه أو هـجـم = الـلاگـاه أبـداً مـاسـلـّــم
ابطـاريـه مـامـرالنــــدم = يگـول حبـك بي نجاته
ويــاك** مشـــتـاق هــو الجــنــتــه ويــاك
ويــاك أتلگه وابـصدره الضرب ويــاك
&&&&&&
ألـلـه سـبـحـانـه أبـجـلالـه= خــلــه حـبـك لـلـبـريــه
طـه منـك وانـت مـنـــــه= وأنــت فخـر الطـالبـيـه
يـاحـبـيـب الروح حيــدر= وأمـك الـزهـره الزچيه
عـلاك ربـك كـرمــــــك= صـك ألامـامـه سلمــك
مـاخـاب كلمن حشمـــك= خـل تــولي النـاصبيـه
نـاجـاك جـبريـل يـمـك مـن گـعـد** نـاجـاك
نـاجـاك وجـدك أبـو القـاسم بعــد نـاجـاك
&&&&&&
وأنـت تـدري أشـگد نحبك= جـرحـك يعيش أبـگلبـنـه
مـن أجـل حبك مشينــــــه= أو لانــرد أو لايــهـمنــه
لـو نـمـوت أو ألف موتـه= دربـك أيـطـرز دربنــــه
أبـدم الشـهـاده أنـعـمــــده= طـفـك صـدگ وأنـجـدده
والصـار أنـت أتـشـاهـده= شلون سال تشوف دمـنه
مفـروض أحنـه النقدمه بهالدرب مفروض
مفروض حب الحبيب ولـلمحـب مفروض

&&&&&&
أنـت خـطـيـت المشـاهــد= بـلـوحـة الطـف العـظيمــه
وارسمت صورة طريقك= بيهـه مـوت أو موهـزيمـه
بيهـه روس تصير رايه = وبيـهـه أصـرارأو عزيمه
ونســوان كلهـه تـنـسبي = ويـشـاهـد ابـعيـنـه النــبي
وتـصـيـح هـذا مـذهـبي = مـذهـب الحب والغـنيمــه
دمــك** ويفـور ظـل طـول الوكـت** دمــك
دمــك** مكنــون وأشمــا بــقــــــــه** دمــك
&&&&&&
نسألكم الدعاء
خادم الحسين ع الحاج ابو ايادالبيجاوي

سامحنا ياحسين
::::::::::::::::::::

شقد والله صعب يامهجة الزهرا
على الشيعه تمر مولاي هالذكرى

شعبان الأغر في يوم ميلادك
مغلوقه المجالس ماأحد يقرا

يانور القلوب ونور هذا الكون
بعيون المحب متكسّره العبره

لانسمع هلاهل وينها الهوسات
وين أهل الشعر تلقيه واتنثره

ليش أهل المحافل غالقه البيبان
مابيها ضوى والناس متكدره

مافيها حياة الدنيا يامولاي
ميته ومثل حنضل صايره ومُرّه

يعني احنا نحرمنا والسبب لذنوب
حالت بينّا وبينك يبو العتره

يعني بهالوباء الله انتقم منّا
كل واحد عزل نفسه وشغل فكره

بس إنته السفينه وانته المصباح
ماخاب الذي لجلك نِذر عمره

بس نتوسل بإِسمك يزول الهمّ
والشر ينجلي يالرحمة الكبرى

عاشوراء نقراها ومرضنا يزول
غمنا ينكشف أوجاعنا تبرى

لأنّك ياأبو السجاد نبض الروح
هذا الكون فيك الله وضع سِرَّه

شريان الوجود إنته يروح الدّين
إِي لولاك مايسوى ولا درّه

فرّجها يبوالسجاد هالشدّه
إدفع هالوباء ياصاحب العبره

عن أمّة محمد عن عُرى الإسلام
ياحامي الشريعه بمهجته ونحره
------------
✍🏻أم جمال خواهر
٣ / شعبان / ١٤٤١ هـ

#میلاد امام الحسین ع

تشعل شمع وابخور ومحفل ایسوله
بلشعار و بلااغانی والصفگه وهلهوله
احله لیله عدنا بمیلاده علی بارڪوله

/وانبارڪ ڪلنه بقدومه //
🌺🌺🌺🌺🌺

ڪل گلب محب فرحان وفرحه بدنیانه
هذه الیوم الحسین نوره صار عنوانه
مولد والفرح و الورود زهرت الوانه

/حلاها الدنیا الیله//
🌺🌺🌺🌺🌺
الله اشلون فرحه بلگلب محبه صار
مثل هلیله حسین ڪبرابآذنه المختار
شاله بیده وابتسم واذن وصاح الله وڪبر

/فرحان الهادی میلاده/
🌺🌺🌺🌺🌺
✍ #علویه ام فاضل